السلام عليكم و رحمة الله وبركاته ..

لقطة رقم 1 ..

الام : مبرووك يابني مجموع يرفع الراس ..

الابن : الله يبارك فيك يا ماما

الام : ان شاء الله طب يا دكتوور

الابن : طب؟!!!!! لاء يا ماما انا مش بحبه و مش عاوز ادخله

الام : ايه ؟؟؟؟؟؟ يعني ايه مش حابه ,,, تنادي على جوزها
الحقني ابنك هيجنني

الاب : مالك يابني مزعل امك ليه ؟

الابن : بتقول اني ادخل طب و انا مش عاوزه

الاب : وليه يا بني امك معها حق مجموعك عالي و خسارة يروح كدة

و بعد سلسلة من الزن و الالحاح واااااافق الابن و ليته ما وافق !!!


اللقطة بعد سبع تمن سنين ..

الابن بقى دكتووور بس !!

دكتور الواحد يدخل عندو سليم يطلع بكل امراض الدنيا !!!


لقطة رقم 2

الام : شوفت ابن جيرنا جاب مجموع ازاي و دخل طب مش انت ..

الابن : و ماله انا ؟؟ ما انا الحمدلله دخلت الكلية ال بحبها ..

الام: تربية !! و ليه ما فلحتش وبقيت دكتوور زي ابن الجيران هو انت ناقصك ايه .؟؟

الابن : مش ناقصني حاجة الحمدلله .. وانا مبسوط بكليتي لاني بحبها ..


الحال بعد اربع سنين ..

الابن اصبح استاذ ناااجح جدا ..
بيخرج طلبة من افضل الطلبة فمصر بقوا دكاترة و مهندسين بجد مش زي صاحبنا ال فوق !!!


ادخل بقى فموضوعي

من خلال اللقطتين اللتان تتكرران كثييييرا و بسناريوهات عديدة في كل بيت كل سنة تقريبا بعد الانتهاء من كابوس الثانوية العامة ...

هنلاحظ اننا لسة عندنا كليات قمة !!! و كليات قااع !!

ومش عارفة على اي اساس تم وضع المعايير ديه ..

المهم

ان معظمنا اذا لم يكن الكل لسة عندو الفكر ده ..

عاوز ابنك ايه ؟؟ دكتووووووور من غير تفكير

طيب وابنك المسكين قدراته ايه ؟! هو بيحب ايه ؟! مواهبه ايه ؟!

ده كله مش مهم ..

المهم الابن يطلع دكتور كل ما حد يشوفه يقولو ازيك يا دكتور او يا باشمهندس او... الخ .

يعني من الاخر منظرة بس للاسف ..

عشان كدة لو نيجي نلقي نظرة على مجتمعنا نجده من افشل المجتمعات و اكثرها تخلف ..

ليه ؟!!

الاجابة بكل بساطة .. اننا مش بنحط الشخص المناسب في المكان المناسب
اننا بنهتم بالمناظر و نترك البواطن ..

و سبحان الله لو كل واحد بقى دكتور و مهندس و صيدلي و.......


يبقى مين هيدرس فالمدرسة .. مش الاستاذ ال متخرج من تربية هو ال خلا الدكتور دكتور بعد ربنا !!

مش س وص و ع .... هما ال ساعدوه و وصلوه !!

يعني الكل في تعاون مستمر مش ينفع كل واحد يبقى وحده ..

فليه الفكر الضيق ده !!

انا بستغرب جدا من الناس ديه

و كم من المواقف سمعت عنها و قرأتها و كم تعجبت

و من المواقف موقف قريب حدث لي شخصيا

لاني طالبة مقبلة على الجامعة هذه السنة بإذن الله ..

و كان مجموعي يجيب طب و الكل عاوزني طب طب طب

وانا راسي صيدلة صيدلة

وكم من التعليقات اصابتني بالذهول في المنتدى و مِن مَن حولي من اهلي

الكل بيقولي اخرتها ايه ؟؟

هتقفي تبيعي دوا فالصيدلية زي البياعين !!:o

بقى الصيدلي بقى بياع !! شفتو الافترا :angry2:


و انا بحب اقلهم اتخيلوا كدة مافيش ولا صيدلي ماهو ماحدش يرضى يبقى بياع !!
لما تكشف و عاوز الدوا هتجيبه منين ؟؟!!

يعني العلاقة متكاملة .. فلازم نظرتنا توسع .. لازم فكرنا يرقى

ماينفعش اقول ده مش مهم !!

لانه لو ما كنش مهم يبقى هما عملوا الكلية ليه طيب ؟؟!!

اكتشف نفسك اعرف انت بتحب ايه ,, مواهبك ايه ,, طموحاتك خليها تحت سقف قدراتك عشان مش يصيبك الاحباط ..

سيبك من كلام الناس ال لا بيودي و لا بيجيب

اثبت نفسك فمجالك مهما كان .. خليك شعلة متقدة من الابداع

و لو انا عملت كدة و انت و هي و هو و هما اكييييييد اننا هنرقى هنتقدم هنعمل حاجة
و بلاش العقول الخاوية ال بنطلعها و الاسم دكتور او مهندس او .......
بلاش نقتل الابداع عشان مظهر لا بيودي و لا بيجيب

فانا من هنا بوجه دعوة لكل اب وام لكل مدرس بيساهم في تشكيل عقول اطفلنا قبل شبابنا

دور و فتش عن قدرات ابنك او بنتك مش مهم هو يبقى ايه المهم هو هيعمل ايه فالمجال ال هيدخله ..


و اسفة على الاطالة ,,

و اترك لكم الكلمة ..

الموضوع من بنات افكاري

بسم الله ما شاء الله عليك
موضوع فعلا حقيقى
أصبحت عندنا عقدة كليات القمة زى عقدة الخواجة


فاكرين المشهد فى فيلم ثلاثية نجيب محفوظ
فهمى عاوز يدخل مدرسة المعلمين
وسى السيد عاوزه يدخل مدرسة الحقوق
(كانت كلية القمة ساعتها)
عاوز يدخل حقوق عشان يفخر به
مش عشان هو بيحب إيه ؟



يا ريت كا اب وكل أم وكل طالب
يفكروا
ممكن أنجح وأكون متميز فى إيه ؟
مش للتباهى
لا للفائدة



أكرر شكرى يا نقاء الروح
وألف مبروك على صيدلة
أنا قلت لك من الأول صيدلة أحسن صح ؟


بارك الله فيك
وجعلك قرة عين لوالديك
اللهم أمين

بسم الله ما شاء الله عليك
موضوع فعلا حقيقى
أصبحت عندنا عقدة كليات القمة زى عقدة الخواجة


فاكرين المشهد فى فيلم ثلاثية نجيب محفوظ
فهمى عاوز يدخل مدرسة المعلمين
وسى السيد عاوزه يدخل مدرسة الحقوق
(كانت كلية القمة ساعتها)
عاوز يدخل حقوق عشان يفخر به
مش عشان هو بيحب إيه ؟



يا ريت كا اب وكل أم وكل طالب
يفكروا
ممكن أنجح وأكون متميز فى إيه ؟
مش للتباهى
لا للفائدة



أكرر شكرى يا نقاء الروح
وألف مبروك على صيدلة
أنا قلت لك من الأول صيدلة أحسن صح ؟


بارك الله فيك
وجعلك قرة عين لوالديك
اللهم أمين


فعلا والله يا أ/ ام شاهندة
اصبحت عندنا عقدة .. ربنا يعينا عليها ..

و لو زي ما حضرتك قولتي كل واحد دخل ال بيحبه عشان الفائدة مش التباهي
كان حالنا اتغير ..

العفوو .. والله يبارك فحضرتك ..
فعلا اقنعتوني بصيدلة و الحمدلله دخلتها لاني بحبها

اميين يارب ..
و بارك الله لك في شاهندة و جعلها فخر لك ان شاء الله ..

اشكرك استاذتي الفاضلة على المرور الذي اسعدني كثيرا ..

فعلا هو موضوع مهم جدا
والاباء هم السبب لانهم مش بيدورا علي الكلية اللي ابنهم يرتاح فيها
بس هم بيدورا علي الكلية اللي يبقوا فخورين بيها

http://alzezavon.jeeran.com/SahLsanek.gif


http://alzezavon.jeeran.com/Mashkor.gif

فعلا هو موضوع مهم جدا
والاباء هم السبب لانهم مش بيدورا علي الكلية اللي ابنهم يرتاح فيها
بس هم بيدورا علي الكلية اللي يبقوا فخورين بيها

http://alzezavon.jeeran.com/sahlsanek.gif


http://alzezavon.jeeran.com/mashkor.gif


بالفعل موضوع منتشر بكثرة في الاونة الاخيرة ..

الكل ينظر للكلية على انها منظر بغض النظر عن الطالب الذي سيدخلها هل مؤهل ام لا ..

وكما ذكرت فالموضوع اوجه دعوة لكل ام واب ..


اشكرك على مرورك العطر ,,,

موضوع ممتــاز و واقعى جداا... ربنا يصلح حالنا ويحفظنا

موضوع رائع
بس مش كل الاباء والامهات بيفكروا بالشكل ده وخاصة الايام دى لأن الكل بلاعمل
جزاك الله خيرا

موضوع ممتــاز و واقعى جداا... ربنا يصلح حالنا ويحفظنا

اشكرك اخي الكريم على مرورك الطيب ..

و بالفعل هو واقعي جدا ..

ولابد لنا من وقفة لاصلاح الحال قبل فوات الاوان ..

اميين يارب ..

موضوع رائع
بس مش كل الاباء والامهات بيفكروا بالشكل ده وخاصة الايام دى لأن الكل بلاعمل
جزاك الله خيرا

الاروع مرورك استاذي الفاضل ..

امم ربما يكونون كذلك ..

ولكن من خلال متابعتي اعتقد ان هذا الموضوع

مازال راسخ و بشدة ..

لان الكل يبحث عن الوجاهة و المكانة الاجتماعية ..

بغض النظر عن العمل ,,

واياكم ..

اشكر حضرتك على مرورك الطيب .. اسعدني كثيرا ..

يعني نوعاً ما جيل الآباء الحالي هو اللى زرع فينا الفكر ده واصبحت الوظيفة الوحيدة المستحبة في الصغر هي الطب
صحيح كل أب نفسه يشوف ابنه في كلية كبيرة
بس التقسيم بتاعنا ده اتعمل على اساس المجموع
يعني مثلاً كلية علوم لا هي اسهل من طب ولا هي اسهل من هندسة
ومع ذلك الطلب عليها والمجموع هو اللى خلى تصنيفها اللى احنا عملناه لا يتبع كليات القمة


وكتير اوي من الابناء اللى يابختهم وعندهم أباء متفهمين لأي نوع الكلية اللى حيختاروها
ومع ذلك مفيش في بالهم غير إنه يدخل كلية قمة
وبيقولها بنفس الاسلوب
بس انا حتى أحول رياضة وادخل هندسة وابقى دخلت كلية قمة وخلاص

وآخرة السيناريو
ياريت حيطلع حتى من الكلية ويبقى اسمه مهندس فاشل
ده مش حيقدر يكمل في الكلية اصلاً وحيطلعوه منها !!


على الأقل لو فضلو بعض الآباء غير متفهمين في النقطة دي

احنا نكون على قدر من التفهم فيما بعد مع أبنائنا بإذن الله

ده موجود وصح طبعا ياريت يتغير ......................

يعني نوعاً ما جيل الآباء الحالي هو اللى زرع فينا الفكر ده واصبحت الوظيفة الوحيدة المستحبة في الصغر هي الطب

ايوة للاسف القلة من الآباء ال مش متأثر بحكاية كلية قمة او قاع
وكلها بس المظاهر الكدابة ..
دكتور و مهندس و ..... الخ

صحيح كل أب نفسه يشوف ابنه في كلية كبيرة
بس التقسيم بتاعنا ده اتعمل على اساس المجموع
يعني مثلاً كلية علوم لا هي اسهل من طب ولا هي اسهل من هندسة
ومع ذلك الطلب عليها والمجموع هو اللى خلى تصنيفها اللى احنا عملناه لا يتبع كليات القمة

فعلا والله ..
بسمع كتير من الطلبة بيقولوا ان علوم صعبة
على الرغم من انها اقل من طب فالمجموع طبعا ..
بس هي زيها زي غيرها متخصصة في تخريج اشخاص ذو مهنة معينة
لو اختفت وقعنا في حرج ..
لهذا كل الكليات مهمة بغض النظر عن تقسيمنا ال جعل فكرنا ضيق بشكل غير معقول ..



وكتير اوي من الابناء اللى يابختهم وعندهم أباء متفهمين لأي نوع الكلية اللى حيختاروها
ومع ذلك مفيش في بالهم غير إنه يدخل كلية قمة
وبيقولها بنفس الاسلوب
بس انا حتى أحول رياضة وادخل هندسة وابقى دخلت كلية قمة وخلاص

للاسف مش بيستغل الميزة النادرة ديه
في انه يشوف هو موهب فايه عشان ينمي مواهبه
و ال تناسب قدراته ..
و البعض يصابوا بالاكتئاب و الامراض النفسية جراء انهم بيضعوا اهداف
اعلى من قدراتهم ..


وآخرة السيناريو
ياريت حيطلع حتى من الكلية ويبقى اسمه مهندس فاشل
ده مش حيقدر يكمل في الكلية اصلاً وحيطلعوه منها !!

ايووة معظمهم فعلا لا يستطيعون مواصلة المشوار فالكلية
و حتى لو ربنا كرمه بيطلع اسم فقط لا غيير ..



على الأقل لو فضلو بعض الآباء غير متفهمين في النقطة دي

احنا نكون على قدر من التفهم فيما بعد مع أبنائنا بإذن الله

نأمل ذلك بإذن الله ..
فنحن امل هذه الامة ..
التي نامت في سبات عميق
و تحتاج لمن يوقظها ..
ولنعمل على تفادي اخطاء ابائنا مع ابنائنا ان شاء الله



اشكرك اخي الكريم على المرور العطر ..

اسعدني جدا مرور حضرتك على موضوعي ..

ده موجود وصح طبعا ياريت يتغير ......................

نتمنى ذلك قريبا ..

اشكرك على مرورك العطر ..