انا احترت اختار ابة من دول علم نفس و اجتماع و لا اقتصاد و احصاء
نزلت ملازم من النت لكل مادة عشان اختار
شايف الاقتصاد كويس جدا و عجبنى المادة اوى اما الاحصاء فمش فاهم حاجة ممكن عشان مفيش مدرس شرحلى معرفش
علم النفس و الاجتماع حسيت انى مستثقل المادة و انها عايزة حفظ بس كله بيقولى دى سهل انك تقفلها
انا محتار و مش عارف اختار يا ريت تساعدونى فى الاختيار
و شكرا

انا اختارت اقتصاد واحصاء لعدة اسباب
اولا انها نصها رياضة يعنى مش مذاكرة كتير
واما الامتحان اللى بيقولوا بيجى صعب فدى حاجة بتاعت ربنا
ماهو ممكن علم النفس يجى صعب بردة
ثانيا درس الاقتصاد مش بيبدا من اول السنة يعنى على شهر 11 كدة
وبكدة يكون عندك فراغ للفيزياء والاحياء او رياضة 2
ثالثا علم النفس مادة تقديرية يعنى ممكن تكون طالع مقفل الامتحان وتلاقى نفسك
جايب 45 ودة فعلا اللى حصل مع احد اصحابى
يا ريت اكون افدتك

طبعا افدتنى شكرا ليك

انا كان معايا علم نفس السنة دى وذاكرت اخر شهر وجبت 49

ودايما امتحاناته بتيجى سهله ومفيش لف ودوران

اما الاقتصاد والاحصاء ممكن يجيب الامتحان صعب

وده اللى حصل فى السنتين اللى فاتو

واتمنى انى اكون افادتك

شكرا على رد حضرتك بس اللى مخلينى عايز اقتصاد و احصاء ان الاحصاء هتنفعنى فى الجامعة ان شاء الله سواء هندسة او حاسبات و معلومات فانا مبفكرش فى الثانوية و بس انا بفكر فى اللى بعد الثانوية
و شكرا مرة تانية

دة موضوع لقيتة فى المنتدى هنا و احب اضيفة فى الموضوع دة حتى تعم الافادة

السّلام عليكم ورحمة الله وبركاته ..


لكُلّ الي محتار يختار إيه في المادة الأدبيّة ،

ومحتار يختار ايه في المستوى الرفيع ..

ديه تجربتي أتمنى تفيدكم ...





أنا كنت واخد اقتصاد واحصاء ، وكنت مبسوط أوي وأنا بأذاكر الإحصاء ..

يعني رغبتي انّي كُنت أذاكر احصاء

والاقتصاد ماكانش عاجبني فذاكرته قبل الامتحان باسبوع وأخدت في الإقتصاد الدرجة الكاملة ..


بس الإحصاء نقصت فيه درجة ، على مسألة تافهة بس الوقت ما كانش مستحمل ..




المهم ، علم نفس مضمون ،

واللي بيدخله وبيذاكره بيجيب فيه 50




ودايماً امتحاناته بتيجي سهلة ،حتّى السنة ديه الي كُل امتحاناتها صعبة جه علم النّفس سهل ..

ولو لاحظتوا نتايج الطّلاب حتّى الخايبين من الناس الأدبي والعلمي بيجيبوا 50 في علم النّفس ...



في النّهاية أنا عندي مبدأ في الدّراسة :

* لو أنا حابب علم النّفس أو الإقتصاد والإحصاء

ولو امتحاناته بتيجي صعبة موت هأدخله

لأنّ غرضي أتعلّم وأستمتع وأنا بذاكر مش الدّرجات وبس ...

وعشان كده دخلت اقتصاد واحصاء ...





* ولو أنا كارهه يبقى لو هأموت هبقى زهقان

وأنا بذاكره وممكن تقع درجة ولا اتنين ،، عشان الزهقان ده !


* ولو مش فارق معايا وأهمّ حاجة المجموع

يبقى علم نفس واتّكل على الله !






..

وبالنّسبة للمستوى ، أنا كنت واخد إنجليزي وهوَ تافه جداً وكان حلو وأنا بأذاكره ..

هو عبارة عن 3units

الأولى : عن هاواي

والثانية : عن ماريا أول طبيبة في إيطاليا

والثالثة : عن global warming

وكُلها أسئلة وأجوبة بسيطة خالص ...

وبالنّسبة للجرامر فهو حلو وهيساعدك في الإنجليزي الي عليك ،

امتحان الإنجليزي عندنا كان فيه حاجات كتير من المستوى وبالذات في الـ choose ..

وأنا كنت واخد أحياء بس حوّلت انجليزي لما سمعت ان الأحياء صعب ..وفيه رسومات ..



المهمّ يعني أخدت 9.5 من 10 في مستوى الأنجليزي ..




ومفيش فيه شِعر ولا حاجة !



طوّلت عليكم ، المهمّ يوصل المضمون !

بص الكل بيقول علم نفس بيتقفل وتجيب 50
انما الاقتصاد كويس بس الاحصاء مش مضمونه خاااالص لانها بتيجي صعبه
فاخد علم نفس واضمنه وربنا معاك ومعانا

يا جماعة والله علم النفس مش مضمون اطلاقا
فى كذا حد اعرفه وناس شاطرة جدا كانت واخدة علم نفس السنة دى (هم ادبى)
واهى مادة اساسية عندهم يعنى بيذاكروها زى ما كنا بنذاكر الكيمياء
وفى الاخر حد جاب 43 والثانى جاب 45
وعلى فكرة الاحصاء السنة دى كانت سهلة

شكراااااااااااااااااااااااااااا للردووووووووووووووووووووووود
مشتنى الباقى

على فكرة انا محتار فى الحكاية دى زيك بالظبت اولا انا داخل علمى رياضة فناس بتقول دى حتفيدك فى هندسة انشاء الله واستاذ الرياضة اللى انا حاخد معه درس فى تانية سالتوا قلى تبقى حمار لو مخدتش اقتصاد واحصاء بصراحة انا ححب الاحصاء بس خايف من الاقتصاد اما بقى الناس بتوع علم نفخ على راى بعض الاخوة بيقولوا ده سهل وكلوا بيجيب 50 من 50 بس انا سمعت ان فى 5 ابواب علم اجتماع و4 علم نفس فلو كده انا حتخنق مش كفاية رياضة 2و فيزياء وعربى و English والله مش عارف انا بحب الرياضة معلش طولت
بس عايز اسئلك سوال انت اخترت مستوى رفيع اه ؟ انا اخترت رياضة مع ان كلوا قال صعبة جدا جدا بس انا بكره العربى والانجليزى بيقولك فى اشعار وحاجات عايزه واحد لغات

بس عايز اسئلك سوال انت اخترت مستوى رفيع اه ؟ انا اخترت رياضة مع ان كلوا قال صعبة جدا جدا بس انا بكره العربى والانجليزى بيقولك فى اشعار وحاجات عايزه واحد لغات
انا اخترت الانجليزى
الصراحة بحبة و نفسى اتعلمة بغض النظر على انة مادة مقررة
بالنسبة للعربى فعلا محتاج واحد كويس فى العربى و بيحب الشعر و النحو وكدة
الرياضة معرفش بس هى اكيد صعبة زى ما انت قولت اذا كان رياضة المقررة على الجميع صعبة فما بالك بالمستوى الرفيع لكن انت لو بتحبها اتوكل على الله و هتجيب فيها درجة عالية ان شاء الله و اكيد هتفيدك فى رياضة 2 اما انا فعمرى ماخدها لانى لو خدت رياضة تانى هتجنن