|
مشاهدة النسخة كاملة : ارجوكم النصيحة محمد احمد زهران 26-07-2010, 10:12 PM انا جبت 98.5% فى تانية ثانوى اخش رياضة ولا علوم لضمان فرصةللعمل مع انى احب الرياضة؟ واخشى من كلية الطب والجراحة و لا اهواها ووالدتى تلح على حيث انها سوف تساعدنى فى كلية الطب لانها استشارى طب اسرة فارجوكم الرد سريعا مع توضيح فرص العمل فى كلا المجالين dr\villa 26-07-2010, 10:25 PM بص لو هتكمل رياضه وعينك علي بترول يبقي اشطه (انطلق وادخل المجال اللي بتحبه ) عايز تدخل هندسه عاديه (مع كامل احترامي ...انا شايف انها ملهاش لازمه ) ومش شرط علمي علوم يبقي طب ...فيه صيدله كويسه جدا ومجالاتها حلوه اوي وبالتوفيق ان شاء الله Hamsa_1 31-07-2010, 09:34 PM اولا بتروووووول احسن من طب عشان انت ولد .... من رايى خدلك شهر او اكتر احياء و رياضه 2 وبعديها قرر بجد هتعمل ايه والمادة الى انت بتحبها كمان عايزه اقولك حاجه حلوه اوووووى انا وحده صحبتى زيك بالظبط فى تانيه وفى تالته 99 و كده كان 405 وبالمستوى جابت 410 يعنى 100 %% وجاتلها منحه مجانيه للدراسه فى الجامعه الالمانيه لمده 5 سنين دا غير الماجستر والدكتوراه والكلام دا كله وجالها كل فروع الكليه هندسسسسسسه وصيدله بس هى اختارت صيدله جامعه المانيه ببلالالالالاش عشان جابت 100 % فا ده حاجه روععععععععه !!!!! ان شاء الله شد حيلك وجيب 100 وخش بتروووول لان ببساطه انت ولد تانى حاجه بتاخد حوالى 440 بس فى الدفعه وهى كليه واحده على مستوى الجمهوريه لكن طب دا دفعه كبيررره اووووى واعداد الكليات كتيير ففرصتك فى الشغل احسسسسن مليون مره فى بتررررروووول وخلى الطب دا للبنات ههههههههه ياريت تكون فهمتنى ..... مبروووووووووك وادعيلى اخد حقى بجد Dr.AE 31-07-2010, 10:01 PM السلام عليكم انا بصراحه مش هقول رأيى من ناحيه اى كليه احسن من ناحيه الشغل لانى ببساطه عندى وجهه نظر بأن الواحد مفروض يدخل المجال اللى هو بيحبه لانه هينجح ويتفوق فيه لانه بيحبه لكن لو دخل حاجه هو مش بيحبها ما اعتقدش انه هيتفوق فيها زي المجال اللى هو بيحبه علشان كده نصيحتى انك تكمل رياضه طالما انت بتحبها ولو دخلت هندسه هتثبت نفسك فيها مهما كانت الظروف وممكن تتاح ليك فرص عمرك ما كنت تتخيلها وطالما انت ما بتحبش الطب ما تدخلهاش وصلى صلاه استخاره للتأكد وانشاء الله خير:d:d:d:d:d SeniorAhmed 02-08-2010, 08:12 PM بص يا باشا قبل اى حاجة احب اقولك الف مبروك ع المجموع ندخل فى الموضوع بقى انت بتحب الرياضة زى مقلت يبقى اتوكل على الله و خش رياضة و مسألة والدتك .. دى حاجة سهلة أوى اتكلم معاها و اقنعها و قولها ده مستقبلى و انا بحب المجال ده و شايف انى هعمل فيه حاجة مع انى شايف ان والدتك عندها حق من حيث انها بتختارلك اشرف و اسمى مهنة فى الوجود لدرجة ان الامام الشافعى_رحمه الله _ قال : لولا اشتغالى بالفقه و احتياج الناس لى فيه لعملت بالطب(المقولة بتصرف غصب عنى لانى ناسيها) و انت فكر فى الموضوع بعقل شوية شوف ايه مدى فرحتك لما تكون سبب فى تخفيف الام مريض بص انا لما جبت السنه دى 97.3 طبعا قلت علمى علوم مع انى اعشق الرياضه و كمان والدى مدرس رياضة يعنى هبقى متظبط بس انا فكرت فى الموضوع و هقولك حاجة متقولش مهندس البترول اول مبيتخرج بيبقى مرتبه 10000دولار متجريش ورا المادة و لو هتحسبها بالمادة...انا فى واحد صاحبى والده دكتور فى السعودية قال فى مره كنا قاعدين فيها مع بعض ان فريق طبى اجنبى كان رايح السعودية لمدة يوم يعمل عمليات هناك تخيل اليوم ده بكام؟؟؟ 200000 دولار للواحد اما عن فرص العمل ...دى بقى حاجة بتاعة ربنا ممكن تبقى مهندس بترول او دكتور و مش لاقى شغل بص الحل بسيط اوى فكر و صلى استخارة و صدقنى عسى ان تحبو شيئا و هو شر لكم و عسى ان تكرهوا شيئا و يجعل الله فيه خيرا كثيرا ربنا يوفقك للى فيه الخير ليك سلام بقى |