السلام عليكم ورحمة الله وبركاته , اسيبكم مع الخبر قصدى الملحمه الجديدة من وزير التربية والتعليم انا بجد مش فاهمه هو خطته ايه بالظبط ناس قالت ده نظامه كويس وجميل وعايز يطور من التعليم , لكن انا مش فاهمه بجد ايه بقى اللى هيكسبه من القرار ده والخبر اهو

أكد مصطفى الطنانى عضو اتحاد الناشرين العرب أن سعر الكتب المدرسية المساعدة ( الخارجية) سيرتفع بعد قرار وزارة التربية والتعليم المصرية بزيادة قيمة رسوم الملكية الفكرية وحق الانتفاع على المطابع ودور النشر من 600 الى مليون جنيه.
وأوضح الطنانى فى لقاء مع برنامج " صباح الخير يا مصر" بالتليفزيون المصرى السبت ان رفع قيمة رسوم مقابل الانتفاع الى مليون جنيه سيتسبب فى زيادة اسعار الكتاب الخارجي من 8 الى 50 جنيها مما سيمثل عبئا على اولياء الامور.
وتابع أن الطالب يعتمد على الكتاب المدرسى المساعد بسبب عجز كتاب الوزارة عن تلبية احتياجاته ؛ مشيرا الى ان هذا القرار سيوقف نشاط بائعى الكتب وسيزيد من مطابع " بير السلم" غير المرخصة التى تقوم بطباعة ملازم للطلبة.
وأضاف الطنانى أن وزير التربية والتعليم الدكتور أحمد زكى بدر رفض مقابلة الناشرين لمعرفة مطالبهم ؛ الأمر الذى جعل مكتبات الفجالة تقرر رفع دعوى قضائية على الوزارة معتبرة أن هذا نوع من المصادرة غير المباشرة للكتب.
وتابع أن المنهج الدراسى المقرر على الطلبة يعتبر ملكية عامة وهناك خطأ فى فهم حقوق الملكية الفكرية ؛ حيث إن الوزارة لا تضع بالكتب معلومات تنفرد بها وانما معلومات علمية وادبية خاصة بعلماء وكتاب معروفين من مختلف العصور.

ايه هو ده

طايب هو يعدل من الكتب المدرسية اللي مفهاش غير سؤالين وكمان اذا كان فيه واحنا نبطل الكتب الخارجية

هو عايز يخربها علينا ولا ايه

حراام عل كده بجد

ده ها يخرب بيت اولياء الامور

موضوع جميل والجمال فيه إن إنتم مع الناشريين المحتكرين - مش غريبه شويه؟
جزاكى الله خيرا

ومش كفاية الدروس الخصوصيه ومصارفها..

وهى كتب الوزارة فيها حاجة دا نص المنهج اجب مع معلمك ولو فيها حاجة مش بتبقى مفهومه اصلا

هما شكلهم مش عاوزين حد ينجح اصلا خلينا كده دوله جاهله من كله

احنا دفعه نحس و اللا أنا بيتهيألي؟؟؟؟؟؟؟؟؟؟
و الله أنا كنت مع الوزير قبل كده بس خلاص كفايه
من وجهة نظري : حضرته -مع احترامي- ملزم انه يعدل كتب الوزاره بحيث انها تكفي و تغني عن الكتب الخارجيه قبل ما يصدر قرار زي ده يعني يعدل الكتب الأول (اللي فيها أخطاء) و احنا و الله ما هنشتري كتب خارجيه من غير ما يصدر القرار ده
أنا بتكلم من وجهة نظر مش بتكلم و خلاص
و لو عايز _حضرته_ يخلينا نروح المدرسه و نبطل دروس لازم يرفع المرتبات بتاعة المدرسين و يفرض غرامه عاللي بيدي دروس و يطول وقت الحصص
مش كله قرارات قصدي (فرامانات) و خلاص

يا جماعة الوزير ده عاوز يخربها ويقعد على تلها
كتب ايه اللى عاوز يصادرها سيادته
هوا كتاب الوزارة ده اصلا صالح للأستعمال الاّدمى
ربنا يهديه ويبعده

والله بصوا انا هتكلم بصراحه
يمكن كتير هيعارضنى بس انا مع الوزير
وضده برضه فى حاجات فى القانون ده

معاه فى ان زياده سعر الكتاب هتقلل عدد الكتب
(طيب استفادنا ايه يا عم)
بكده هيبقى فى السوق بدل 13 كتاب 3 كتب بالكتير لان مش كل الناشرين هيقدروا على الترخيص
غير كده وده الاهم
الناشر المحترم طبعا مش هيعمل كتاب فيه ربع غلطه عشان يتباع اكتر فبدل ما كتب الانجليش مثلا مكانتش بتتراجع اصلا من الوزاره ولا من المؤلف (هما الف جنيه فى جيب اللجنه بتاعت التقييم ويعدى)
هيتراجع الف مره
(طب ليه)
لان الباشا لو عمل 1000 كتاب فيهم غلطه واحده
ده هيؤثر سلبا على سمعه الكتاب وهيزود سمعه المنافس
فبالتالى مش هينشرهم وبكده يكون خسر بتاع 50 الف
فهيراجع الكتاب عشرين الف مره عشان يمنع ده
ومع ان الكتاب هيكون اغلى
هيكون احسن مليون مره وممكن يغنى عن الدروس الخصوصيه
بشكل كامل لانك هنا هتشوف كتاب منظم واضح
بطباعه محترمه عشان يقدر على جمع ما دفع فيه ومش كل من هب ودب يعمل كتاب ويبقى بروفيسور


انا ضده فى ان كتاب المدرسه حاليا ملوش استخدام خالص
وصحيح زى ما رورو قالت نصه اجب مع معلمك
ولان الكتب هتغلى كتير مش هيقدروا عليها وهيلجأوا لكتاب المدرسه كبديل
فلااااااااااااااااااااااااازم من تطوير كتاب المدرسه
واقصد بتطوير مش مجرد حذف واضافه
لا
انك تعدل الكتاب من الصميم
يعنى شوفوا ليه احنا بنحب الكتب الخارجيه واعملوها فى كتاب المدرسه لاننا الى بنذاكر منه مش الى واضعين الكتاب

ده رأيي المتواضع،،

انا بصراحة مقرتش الموضوع بس سمعت من أصحابى الموضوع ده ....

وبالنسبة لنا ..مفيش مشاكل ربنا يخلينا بوابة الثانوية العامة

والله بصوا انا هتكلم بصراحه

يمكن كتير هيعارضنى بس انا مع الوزير
وضده برضه فى حاجات فى القانون ده

معاه فى ان زياده سعر الكتاب هتقلل عدد الكتب
(طيب استفادنا ايه يا عم)
بكده هيبقى فى السوق بدل 13 كتاب 3 كتب بالكتير لان مش كل الناشرين هيقدروا على الترخيص
غير كده وده الاهم
الناشر المحترم طبعا مش هيعمل كتاب فيه ربع غلطه عشان يتباع اكتر فبدل ما كتب الانجليش مثلا مكانتش بتتراجع اصلا من الوزاره ولا من المؤلف (هما الف جنيه فى جيب اللجنه بتاعت التقييم ويعدى)
هيتراجع الف مره
(طب ليه)
لان الباشا لو عمل 1000 كتاب فيهم غلطه واحده
ده هيؤثر سلبا على سمعه الكتاب وهيزود سمعه المنافس
فبالتالى مش هينشرهم وبكده يكون خسر بتاع 50 الف
فهيراجع الكتاب عشرين الف مره عشان يمنع ده
ومع ان الكتاب هيكون اغلى
هيكون احسن مليون مره وممكن يغنى عن الدروس الخصوصيه
بشكل كامل لانك هنا هتشوف كتاب منظم واضح
بطباعه محترمه عشان يقدر على جمع ما دفع فيه ومش كل من هب ودب يعمل كتاب ويبقى بروفيسور


انا ضده فى ان كتاب المدرسه حاليا ملوش استخدام خالص
وصحيح زى ما رورو قالت نصه اجب مع معلمك
ولان الكتب هتغلى كتير مش هيقدروا عليها وهيلجأوا لكتاب المدرسه كبديل
فلااااااااااااااااااااااااازم من تطوير كتاب المدرسه
واقصد بتطوير مش مجرد حذف واضافه
لا
انك تعدل الكتاب من الصميم
يعنى شوفوا ليه احنا بنحب الكتب الخارجيه واعملوها فى كتاب المدرسه لاننا الى بنذاكر منه مش الى واضعين الكتاب

ده رأيي المتواضع،،

وجهة نظرك مقنعه جدا و رأيك صائب (عندك فن في رأيك هههههه):d

ههههههههههه

الله ينور

بشايره هلت بدرى السنه دى يعنى

والله كتب المدرسه دى اصلا يخليها عنده مش عاوزنها

يبلها ويشرب ميتها

شاطر اوى يرفع سعر الكتب

طب يتشطر الأول كده

ويعدل الأخطاء اللى فى الكتب المدرسيه بس

شكرا على الخبر
بس الكتب الخارجية مفيدة جدا للطلاب وفيها امثلة محلولة وتمارين وشرح والكتب المدرسية مفيدة أيضا لانه احيانا الاسئلة بتكون من الكتاب المدرسى.
بس ياريت كفاية زيادة فى الاسعار ميبقاش الاكل غالى والتعليم كمان.

ربــــنا يخلى بوابــة الثانوية العامة .... فيهـــا كل حاجة ماشــاء الله حتلا الغرق الصوتية و أسئلة و مرجعات وامتحانات وكله ...

بس بقى عاوزين تنظيم شوية السنة دى ونعمل جدول لكل قسم ... مش اللى عاوز يحمل يدخل وياحد أى حاجة وخلاص ..

وجهة نظرك مقنعه جدا و رأيك صائب (عندك فن في رأيك هههههه):d
شكرا دا بس من ذوقك ،،

ياجماعه والله كل ردودكم جميلة وبشكر اللى شكرنى على الموضوع بس انا بجد الموضوع عصبنى جدا فحبيت اشارك وققول رايي وعلى رأى محمد حلمى احنا مش محتاجين حاجه كفايه بوابتنا الجميلة اللى فيها كل حاجه وبتغنينا عن اى شىء وبعد ربنا سبحانه وتعالى هى سر نجاحنا بجد وانا بشكر بجد كل الناس اللى هنا

دا أيه التخريف الي بيعملوه دا؟؟؟؟؟؟؟؟؟؟؟
هيا كتب المدرسه اصلا بيكون فيها حاجه كلها رغيي في رغيي مفهاش حتي ملخصات
هيا ناقصاهم دول كمان