|
مشاهدة النسخة كاملة : ما افضل نوع للالات الحاسبه ؟ hellow 27-07-2010, 03:26 AM بسم الله .. زى ما هو واضح من العنوان .. اريد آله حاسبه تكون كويس وفى نفس الوقت اقدر ادخل بيها الامتحان .. مع العلم انا محتجها فى رياضة 2 :wacko: -إن شاء الله- .. انا اعرف انواع كتير بس معرفش الآات الا اقدر ادخل بيها فى الامتحان ... فارسة صغيرة 27-07-2010, 07:17 AM انا معاى نوع عادى بس جميله ومش وحشة لاتجعلنى احفظ جا ولا جتا وتعمل لك كمان تحلل المعادلات fx500 بحوالى 70 جنيه بس الصراحة ما ندمت عليها محمد صبره 27-07-2010, 12:02 PM بسم الله .. زى ما هو واضح من العنوان .. اريد آله حاسبه تكون كويس وفى نفس الوقت اقدر ادخل بيها الامتحان .. مع العلم انا محتجها فى رياضة 2 :wacko: -إن شاء الله- .. انا اعرف انواع كتير بس معرفش الآات الا اقدر ادخل بيها فى الامتحان ... fx500 بحوالى 50 أو 55 جنيه وأفضل منها وتنفعك فى كلية الهندسةfx570بحوالى 90 جنيها Designer.EnG 27-07-2010, 02:42 PM فعلاً fx 570 جميلة جداً انا الحمد لله معايا وحدة بتحلل معادلات احسن من 500 كذلك تقوم بعمل جداول للرسم وغيرها من الأشياء التى سوف تحتاجها فى الجامعة مع العلم ان فيه واحدة احدث fx991 والزيادة فيها انها تعمل بالطاة الشمسية $شروق$ 27-07-2010, 04:23 PM هى fx500 مش وحشة بس الالة اللى تقدر تخش بيها الامتحان حاليا هى fx82 انا جيباها وكويسة وطبعا السنة دى منعوا الالة fx500 ودخلوا الالة fx82 بس مش عارفة بالنسبالكو عملوا كده والا لا واتمنى التوفيق للجميع hellow 27-07-2010, 07:42 PM ازاى منعوا Fx 500 انا دخلت بيها فى الامتحان عادى ..! fx991 مسموح بيها ولا الاء ؟؟ $شروق$ 28-07-2010, 03:00 PM بص ان مش عارفة بس رئيس اللجنة عندنا قال ممنوع دخول آلة fx500 وخدوها من اللى جابها فى الامتحان بس مش عارفة آلةfx991 مسموح بيها والا لا!!!!!! Dr.Abeer 28-07-2010, 05:43 PM ياريت حد متاكد يقول لينا اى نوع مسموح بيه واى نوع ممنوع مع الشكر $شروق$ 28-07-2010, 11:20 PM ياريت حد يرد hellow 28-07-2010, 11:38 PM ايه ياجماعه .. مش معقول يعنى مفيش حد الالات اللى نخدها معانا .. اما دخلنا امتحانات ثانوية عامه ازاى ..! :blink: ياريت حد يفيدنا من مدرسى المنتدى ahmnha 29-07-2010, 11:27 AM انا دخلت ب 570 ومحدش قالى حاجة عليها abdelRhman772007 29-07-2010, 01:53 PM بص ان مش عارفة بس رئيس اللجنة عندنا قال ممنوع دخول آلة fx500 وخدوها من اللى جابها فى الامتحان بس مش عارفة آلةfx991 مسموح بيها والا لا!!!!!! ازاى انتوا ترفعوا عليه قضية لو تحبوا كنت مدور فى الموضوع ده القانون بيمنع الآلات المبرمجة و ده تمنها فوق الألف و كده لكن مسموح بالآلات اللى اتقالت فى الموضوع كلها و كنت داخل الامتحان ب 991 إف إكس بالنسبة لموضوع أحلى آلة لرياضة 2 فهى بلا نقاش 570 و هقولكم هتفيدكم فى ايه على الذاكرة أولا فى الإحصاء و ده فى الآلات من 82 و أنت طالع ( تقدر تقول أربع وحدات من خمسة ) ثانيًا فى الفيزياء لأن فيها حاجة اسمها معادلة المجهول الواحد بمعنى لنفترض أنت عندك بسط و كسور و مقام و عندك مجهول واحد x الآلة بتطلعه علطول بدل ما تبسط و تختصر و تودى طرف يمين و شمال وتقسم و تضرب و على فكرة الحكاية ده مفيدة جدًا خصوصًا فى الرياضة و الفيزياء و كمان الاختصارات ده معليهاش درجات ده حاجة فيه كمان البوابات المنطقية فى الباب الأخير و الامكانيات العادية زى المعادلات من الدرجة التانية و التاتة و مجهولين و تلات مجاهيل ثالثًا و ده الأهم فى الرياضة بالنسبة للجبر هى الآلة الوحيدة اللى فيها الأعداد المركبة و هى الآلة الوحيد اللى بتأكد حلك فى المحددات بالنسبة للتفاضل النهايات و ده فى معظم الآلات عادى الاشتقاق عند قيمة و ده هتفيدك فى دروس معينة زى المعدلات و التطبيقات فيه ناس بيقولوا هتفيدك فى التكامل الكلام ده غير صحيح هتفيدك فى دروس التحدب و القمة و القاع و كده و ده من خلال الجدول و ده فى كل الآلات بالنسبة للميكانيكا المتجهات الضرب القياسى و الاتجاهى و ده بتفيدك على امتداد الدروس و هتفيدك برده معادلة المجهول الواحد كتير رابعًا بالنسبة للمستوى الرفيع ( هيفيدكم فى الكلية ) هتحل التكامل المحدد ( بتأكد الناتج و بطرق معينة بنقدر نجيب خطوات الحل) بالإضافة للإمكانيات العادية ده معظم الإمكانيات على ما أذكر لأن الكلام عدى عليه فوق السنة و الآلة الحاسبة مهارة منك تساوى سرعة و دقة من الآلة أى تفاصيل فى أى نقطة أو تعليق مفيش تردد فى الاستفسار بس لو اتأخرت فى الرد ده طبيعى لأنى مشغول شوية ،،،،، بالتوفيق يا أهل الرياضيات hellow 29-07-2010, 06:53 PM طيب بالنسبه 991 مفيهاش الحاجات دى ولا ايه !؟؟ محمد صبره 30-07-2010, 05:26 PM اللى عنده 500 تكفيه واللى ح يشترى يشترى 570 وكلاهمامسموح به دخول الامتحان ولا توجد لسته بأرقام الآلات الممنوعة ومكتوب فى أول ورقة الأسئلة مسموح باستخدام الحاسبة abdelRhman772007 30-07-2010, 10:45 PM طيب بالنسبه 991 مفيهاش الحاجات دى ولا ايه !؟؟ فيها طبعًا هى نفس الكلام بالضبط بس صدقنى مش كل من مسك الصنارة صياد بالنسبة للإحصاء مشروحة بالتفصيل و الباقى من الامكانيات حاول تجربها لوحدك من الدليل و لو حاجة وقفت تقدر تستفسر اللى عنده 500 تكفيه واللى ح يشترى يشترى 570 وكلاهمامسموح به دخول الامتحان ولا توجد لسته بأرقام الآلات الممنوعة ومكتوب فى أول ورقة الأسئلة مسموح باستخدام الحاسبة أكيد و لكن ممنوع الآلة المبرمجة لأنها أشبه بالكمبيوتر و بيستخدمها طلبة الاتصالات فى الهندسة غالبًا بس حتى لو مش هيشترى لو شايف أنه هيعرف يستخدمها كويس تمنها مش خسارة أبدا بس لو شايف انه مش هيعرف يستخدمها كفاية أوى 500 و حل المعادلات $شروق$ 30-07-2010, 11:29 PM شكرا على افادتكم لنا واتمنى التوفيق للجميع |