سلام عليكم ، اخيرا ظهر التنسيق ودخلت هندسة حلوان ولاكن كانت المفاجئة أن حلوان مفيهاش مدني ولا معماري ودول القسمين اللي نفسي أخشهم ، المهم عرفت أن هندسة المطرية تبع حلوان وفيها الأقسام دي ، فهل أفضل في حلوان في اعدادي وأحول المطرية بعد كده ، وهل فرصتي أكيده أني أخش مدني المطرية وأنا في حلوان ولا بيكون في نسبة معينة ، وهل بيكون نتيجة تنسيق الشعب واحده في الكليتين يعني مثلا انا خلصت اعدادي وعايز أحول مطرية عشان أخش مدني هل بيحولوني المطرية الأول ولا بيشوفوا نتيجتي وبعد كده يحولوني ، ونفرض مثلا اني كنت في حلوان وكنت قاعد في المدينة الجامعية وبعدين حولت المطرية هل ينفع أقعد في المدينة بتاعت المطرية ولا بتكون راحت عليا الفرصة ، واخيرا أنا من بني سويف و أتفتحت عندنا هندسة من السنة اللي فاتت هل تنصحوني أحول هندسة بني سويف هنا ولا شايفين أن حلوان أو المطرية احلي . في النهاية أتمني أن اي حد يشوف الموضوع يرد عليا أي رد لأن التنسيق بتاع تقليل الأغتراب والتحويل هيقفل النهارده الساعة ٧ مساء والنبي تردوا عليا

انا كمان جاتلى هندسة حلوان وعايزة احول المطرية بس مش عارفة التحويل امتى ممكن تقولى وتقولى كمان الموقع اللى هحول من عليه

من إلي فهمته إنهم هما الاتنين جامعة واحدة. يعني بعد أول سنة، ممكن تختار تخصص موجود في التانية عادي لو مش موجود في كليتك.

انا يا جمااااااااعة هندسة المطرية جامعة حلوان وهى جنب

بيتى لو عرفت اى حاجة انا ممكن اساعد لكن لو عرفت

ويااااااااااااااااااااااااااااااااااريت لو حد معايا

فى الكليه دى يتواصل معايا

والله الموفق

ضــــــــــــــــــى الفجر:049gc0:

أنا نازل أجيب إستمر ٢ جند من التجنيد كمان شوية. و ممكن أروح الجامعة أشوف التقديم إمتى بالمرة عشان قريبة من مركز التجنيد. حبقى اقولكوا إيه النظام هنا لما أرجع.

أنا لسة راجع دلوقتي. جبت النموذج ٢ جند من مكتب التجنيد و رحت الكلية. التقديم لسة مش دلوقتي. سألتهم أمتى، قالولي إبقى تابع معانا على التليفون.

أهي النمر لو حد عايزها: ٢٦٣٣٢٣٩٨ - ٢٢٤١٦٥٥٤

انا هندسه المطريه جامعه حلوان
انا عايز اعرف معاد التقديم

هو ليه ماحدش بيقرأ؟ لو حضرتك قرأت، الرد اللي قبل ردك على طول فيه إجابة سؤالك.

ان جاتلي هندسة المطرية واتمني التعرف علي من فيها ده اسم البروفيل بتاعي علي الفيس بوكdeyaa azazاتمني التواصل

هو انا اوصل لهندسة المطرية ازاى؟؟

يا جماعة اختى كانت كدة هندسةحلوان فى اعدادى
و اختارت بعد كدة مطرية
طلقاااائى راحت على المطرية مش تقلقو خالص

هو انا اوصل لهندسة المطرية ازاى؟؟
اركب متر الأنفاق و إنزل محطة المطرية أو حلمية الزيتون و اركب أي حاجة من هناك (ممكن تخودها مشي كمان، مش بعيدة أوي)

ممكن تحط "30.123563,31.325013" في "maps.google.com" و حايجيبلك المكان بتاع الجامعة على طول على الخريطة. :)

انا جاتلى هندسة حلوان ينفع ادفع اى فلوس واحل القاهره هو الفرق درجة ونص