سلام عليكم ورحمة الله وبركاته يارب تكونوا كلكم بخير , امبارح الحقيقة انا كنت نشرت الخبر بتاع الوزير الجديد قصدى الفرمان الجديد وفى ناس كتير الحقيقة ردت وشاركت برأيها وعجبتنى كل الردود احنا يا جماعه مش ضد حد ولا مع حد ضد حد احنا مع اهلنا اللى طالعين عنيهم معانا ومش مستنين حاجه غير كلمة نجاح بس , واحنا مش بنشجع الاحتكار ولا مع المحتكرين بالعكس لان فى حد قال كده امبارح , طب احنا نعمل ايه دلوقتى احنا بجد والله شوفنا ظلم كتير ومش هنحكى لانه محتاج مليون صفحه , طب نعمل ايه احنا خلاص كلها سنة وناخد افراج وبرأءة من السجن سورى قصدى الثانوية العامة , فعجبنى امبارح رد العضو محمد حلمى قال يا جماعه احنا مش محتاجين كتب ولا حاجه , ولادروس كفايه علينا بوابتنا اللى مش حرمانه من حاجه وانا بحييك على الرأى ده والكل هنا الحقيقة يشهد بان المنتدى ساعدنا كتير جدا وانا بتكلم جد فعلا واكيد غيرى كتير , بس فى نقطة هو اشار ليها احنا محتاجين نظام وترتيب شوية عن السنة اللى فاتت , فهل حد فعلا شايف ان لازم يكون فى نظام , او شايف ان كان فى حاجه مش مريحاه السنة اللى فاتت , يعنى لو حد عنده اى رأى زى محمد كده ياريت يقول , عشان الحاجه الوحيدة اللى مش هيقدر الخديوى قصدى الوزير يدخل فيها ويصدر فرماناته قصدى قراراته هو المنتدى هنا الا بقى لو لغا النت عن طلاب سنة تالتة اصله للاسف ورانا ورانا فياريت الموضوع يبقى ساحة حوار بنا

شكرا لكى على الموضوع وانا أتفق معكم لأن البوابة فادتنى كتير أوى بس أنا عاوز يكون فى كل قسم موضوع مثبت للأسئلة الصعبة بس اللى يكون حاططها مدرسين بس أكتر من كدة مقدرش اتكلم على المنتدى الجميل ده

شكرا لكى على الموضوع وانا أتفق معكم لأن البوابة فادتنى كتير أوى بس أنا عاوز يكون فى كل قسم موضوع مثبت للأسئلة الصعبة بس اللى يكون حاططها مدرسين بس أكتر من كدة مقدرش اتكلم على المنتدى الجميل ده




تمام وانا معاك رأيك حلو جدا وبوافقك فيه

شكرااااا جزيلا فكرة رائعه جدا
بس عندى اقتراح ياريت بردو قسم لاسئلتنااااا ومحدش يجاوب غير المدرسين بس علشان متتعددش الاجابات ونختلف كتير

ويكونوالمزكرات الى بينزلها المدرسين هنا بردو ياريت تبقى فى موضوع واحد وكل الشكر لاستاذه المنتدى هناااااااااااا استفادنا منهم كتير

يعنى يكون فى تنظيم كده علشان بس محدش يفوته حاجه لان المواضيع لما بكتتر زى مااحنا شايفين الى بيتحذف والى بيعدى وكده

وشكراا ليكى ياسمر

ربنا يخليكى يا ميرا وبجد والله افكاركم رائعه طب كنتوا ساكتين ليه والله بجد انا حاسة لو كل اللى هتقولوه حصل يبقى هيكون فى تطور والله المستعان وياريت بجد الموضوع يبقى فى تثبيت لانى شيفاه مهم جدا ياريت

بارك الله فيك

يا جماعه انا بجد بقدم اعتذارى لمستر بلاك بلاك هو زعلان منى بس انا اسفة والله انا ماقصدش انى اشير لاى حد على اكنه نكره لا والله انا بحترمه جدا وحضرته انسان فاضل واتمنى انه يتقبل اعتذارى وانا متاسفة جدا والله

شكـــــــرا جدا يا سمــر على ثقتك الغالية دى ....

أنا عندى كام اقتراح كده ياريت الادارة تتقبلـــهم :-

1. يكــــون فيه جدول للــدروس :
بمعنى ,, مادة مثلا زى التـــاريخ أو الكيمــياء أو الفيزياء .. الخ يكون ليها حصتين فى الاسبوع ...
ويكون في موضوع مثبــت واللى ينزل ملزمة الحصة دى يكون مدرس و بتنظيم من المدرسين ..يعنى كأننا
بالظبط بناخد درس خصوصى ..


لكن دلوقتى أى حد بيدخل فى أى وقت ويحمل المنهج كله ... وانا مش بعارض ده لكن بقول ياريت كل الطلبة تذاكر حاجة واحدة مع بعضها وتدخل تتناقش فيها ...

شكــــــرا ليكم جميعا وشكـــــرا يا سمـــــر مرة تانية
:078111rg3::078111rg3:

بحييك على رأيك يا محمد وياريت بجد الموضوع يتثبت