محتارة ومخنوقة اوى ياريت حد يرد عليا [الأرشيف] - بوابة الثانوية العامة المصرية

مشاهدة النسخة كاملة : محتارة ومخنوقة اوى ياريت حد يرد عليا

asmaa_lola

27-07-2010, 03:09 PM

انا جبت فى تانية ثانوى 88 وعلمى رياضة ودة مش مستوايا
انا عملت تظلم فى الكيميا والرياضة
روحت ادونى ورقة فاضية وصورة من ورقة اجابتى

الكيميا فى سؤال شرح دورة الاختزال كتباله معادلة وشرح سطرين ونص ولاقيته حاطط خط ومنقصنى نص من درجة ونص
وبرضو السؤال بتاع كيف تحصل على الهيدروجين من احداهما
انا فاعلت الكحول مع الماغنسيوم والمعادلة موزونة والمغنسيوم ثنائى التكافؤ
كانت مكتوبة فى نموذج الاجابة الصوديوم
عليها درجة لاقيته مش مدينى حاجة وعامل عليها غلط
اتصلت قالولى الكيميا سليمة ومزدتيش فيها

بالنسبة للرياضة سؤال المتتابعات كنت ماشية صح بس الارقام جت غلط ف الاخر
لاقيته مديلى درجة من 3
المفروض ليا نص ع الاقل
المهم فيه سؤال بتاع اثبت انها متتابعة هندسية واوجد الناتج
انا عوضت وجبت المجموع كمان طلع نفس الناتج اللى ف كراسة الاجابة بس كتبته كسر 255 على 4 وهو صح
لاقيته مديلى درجة من 3 وعامل على المسالة غلط مش عارفة لية
وبرضو اخر سؤال تفاضل وحساب مثلثات بتاع الرسمة اللى كانت من 3 اعدادى
حلتها صح جدا لنص المسالة وبعد كدة عملت قوانين ومشيت صح بس الناتج غلط
ادانى نص من 3

قالو كمان 3 ايام ولحد دلوقتى لسة محدش رد
انا جبت 88% وبجد حرام لان دة مش مستوايا ياريت حد يقولى موقف التصحيح وبجد مظلومة ومخنوقة اوى انا كان نفسى فى هندسة بس خلاص ومحدش يقولى تعويض لانى تعبت اوى فى تانية

د.محمد شعبان

28-07-2010, 03:22 AM

لو سمحتى ممكن اعرف الارقام اللى انتى بتتصلى عليها وتعرفى اخبار ورقتك لان انا عامل تظلم فى تفاضل ومحتار ومش عارف اعمل ايه وقلقان اووووووووى من قطاع اسكندرية

حسن213

28-07-2010, 01:06 PM

لو سمحتى ممكن اعرف الارقام اللى انتى بتتصلى عليها وتعرفى اخبار ورقتك لان انا عامل تظلم فى تفاضل ومحتار ومش عارف اعمل ايه وقلقان اووووووووى من قطاع اسكندرية
///////////////////////////////////////////////////

nooneasme1

28-07-2010, 02:10 PM

melzaref

31-07-2010, 05:31 PM

خلاص خشى رياضه فى 3
melzaref 0171029394

mohamed264

31-07-2010, 09:49 PM

Hamsa_1

31-07-2010, 10:09 PM

قضييييييييييييييييييييييييييييه بس كدة

medoha3

31-07-2010, 10:11 PM

ربنا يوفقك وتدخلى الكليه اللى انتى عايزاها . بس لازم تركزى شويه السنه الجايه ان شاء الله علشان تجيبى مجموع كويس .

maroom

02-08-2010, 03:25 PM

ربنا يوفقك والله العظيم انا حاسه بيكي انا لسه رايحه 2 ثانوي ومجربتش ادعولي وربنا معانا

wael bond

04-08-2010, 12:19 PM

انا برضة جبت 88.5 واتتضلمت جامد جدا فى التاريخ وعملت تظلم ولقيتة مشطوب على اسئلة ومنقصنى كتير على الرغم انى شوفت نموذج الاجابة ولقيت زى مانا حالة وما حدش اتصل بية وكان نفسى ادخل اعلام بس خلاص ضاع الحلم والحمد للة على كل شىممكن الرقم اللى اتصل بية علشان اعرف اذا كنت زدت ام لا

life means hope

04-08-2010, 04:35 PM

يا جماعة انا متظلمة فى الاحياء ومختش درجات بس ليه صاحبتى خادت نصف درجة وعالعموم الرقم034202223
وطمنونا
ياريت لو حد خد درجات يعرفنى

الصحراء الغامضه

04-08-2010, 05:00 PM

والله انا كمان مظلومه فى الرياضه وعملت تظلم ولسه لحددلوقتى مظهرش حاجه

Eng:osama

08-08-2010, 11:25 PM

انا اتظلمت فى العربى وكان ليا 4 درجات فى الورقة يعنى درجتين لما تتقسم
مدونيش غير درجة واحد فى الورقة يعنى نص درجة
انا كنت جايب 26.5 وبعد التظلم جيبت 27
لكن ظلم والله والتصحيح زباااااااااااااله

Eng:osama

08-08-2010, 11:29 PM

على فكرة انا بنصحك يا اسماء انك تدخلى علمى رياضة وترفعى قضيه لو انتى متأكدة انك حله صح فى الورقة
خلاص ان شاء الله ربنا مش هيضيع تعبك على الفاضى
وهتاخدى درجاتك
لكن متسكتيش معنى كلامك انك فى الرياضة ناقصة كتير وهو دة اللى اثر عليكى
ارفعى قضية وطالبى بتصحيح الورقة من الاول