http://alas7ag.jeeran.com/%D8%A8%D8%B3%D9%85%D9%84%D8%A9%20%D9%81%D9%84%D8%A 7%D8%B4.gif

النهاردة هنخرج برة المنتدى
في جولة صحفية عن موضوع مهم أوي
هتعرفوه بعد ما تشوفوا التقرير معايا قصدي تقرأوه
http://img687.imageshack.us/img687/7214/sa25.png

أخدت مواصلة من على باب المنتدى http://www.goodwayinlife.com/forum/images/smilies/SnipeR%20%2854%29.gif
وروحت على الجامعة


شفت شاب واقف تحت شجرة
وبيدخن فقلت أكبس عليه وأعمل مع الحوار ده
أتعرف على حضرتك
أنا اسمي هيثم
اهلا بيك ياهيثم
هيثم عاوز أسألك سؤال
اتفضل
أنت بتدخن ليه
بص لي ونفخ في وشي الدخان
كحكحكح ايه يابني هتخنقني ولا ايهhttp://www.goodwayinlife.com/forum/images/smilies/SnipeR%20%2875%29.gif
بقولك بتدخن ليه مش اخنقني
طب وده سؤال برضه ياعم الحاج
كل الرجالة بيدخنوا
يعني لما بتدخن ياهيثم بتحس انك راجل
طبعا بحس أوي , بحس خالص
طيب ياهيثم سلام
سلالام ياعم الحاج ونفخ تاني في وشي الدخانhttp://www.goodwayinlife.com/forum/images/smilies/SnipeR%20%2854%29.gif
http://img687.imageshack.us/img687/7214/sa25.png

مشيت شوية
لقيت شاب واقف مع بنت
قلت لازم أعمل معاه الحوار
بس بس
بص لي وأخد باله وجالي
أيوة
ممكن أتعرف عليك
أنا طارق
ممكن تقولي ياطارق أنت واقف مع البنت دي ليه
أنت هتستظرف ولا إيه ؟؟
لا والله أبداً عاوز أعرف بس
كل الرجالة اللي في سني لازم يكون لهم بنت يمشوا معاها
الرجالة !!! http://www.goodwayinlife.com/forum/images/smilies/SnipeR%20%2854%29.gif
آه طبعاً رجالة عندك إعتراض ؟؟؟؟؟؟http://www.goodwayinlife.com/forum/images/smilies/SnipeR%20%2892%29.gif
لا أبداً يا أستاذ طارق
طب عن إذنك علشان مينفعش أسيبها لوحدها علشان محدش يعاكسها
أنت بس اللي تعاكسها
بتقول إيييه ؟؟؟http://www.goodwayinlife.com/forum/images/smilies/SnipeR%20%2888%29.gif
لا أبداًَ مفيش حاجة
http://img687.imageshack.us/img687/7214/sa25.png

زي ما أنتم شايفين التقرير ده متعب أد إيه
واحد خنقني والتاني كان هيضربني وربنا يستر في الباقي
ياريت الإدارة تصرف لي بدل طبيعة عملhttp://www.goodwayinlife.com/forum/images/smilies/SnipeR%20%2854%29.gif

http://img687.imageshack.us/img687/7214/sa25.png

ماشي فلقيت هيصة وزعيق جامد أوي
بصيت لقيت واحد ضخم
ماسك راجل غلبان ونازل فيه طحنhttp://www.goodwayinlife.com/forum/images/smilies/SnipeR%20%2888%29.gif
إيه ياعم أنت ؟؟
أنت مفيش في قلبك رحمة
بص لي حتة بصة
بصراحة خفت منه http://www.goodwayinlife.com/forum/images/smilies/SnipeR%20%2854%29.gif
قال لي في حاجة ياكابتن
استجمعت قوتي وقلت له
أنت بتضربه ليه بالطريقة دي
أنا راجل المنطقة وأعمل في منطقتي زي ما أنا عاوز
يامعلم بالهداوة بس
أنت ما سمعتش الحديث بتاع النبي عليه الصلاة والسلام
اللي بيقول فيه
ليس الشديد ذو الصرعة إنما الشديد الذي يملك نفسه عند الغضب

ساب الراجل الغلبان من ايديه وقاله خلاص عفوت عنك المرة دي
لكن المرة الجاية مفيش حد هينجيك من تحت ايدي

قلت له ربنا يصلح حالك يامعلم وبالراحة عالناس شوية
وبالإذن ياعم الفتوة http://www.goodwayinlife.com/forum/images/smilies/SnipeR%20%2854%29.gif

http://img687.imageshack.us/img687/7214/sa25.png

الجو حاااااااااار جداً قلت أروح أجيب عصير من المحل اللي على أول الشارع

السلام عليكم
وعليكم السلام
لو سمحت ياحاج عاوز عصير مانجا
اتفضل
أذاااااااااااااااااااااان الظهر
لقيت الراجل واقف عادي خالص ولا كأن في حاجة
بقولك ايه ياحج
نعمين
أنت مش هتروح تصلي ولا إيه
هصلي بعدين
إزاي بس
يعني عاوزني أسيب شغلي وأروح أصلي
وفيها إيه بس
العمل عبادة والراجل هو اللي يأخد باله من شغله
طيب ما تكمل المرجلة وتروح تصلي
يلا ياكابتن شوف مصلحتك علشان مش عاوز أذيكhttp://www.goodwayinlife.com/forum/images/smilies/SnipeR%20%2888%29.gif
طيب ياعم بالراحة شوية متزقشhttp://www.goodwayinlife.com/forum/images/smilies/SnipeR%20%2854%29.gif
http://img687.imageshack.us/img687/7214/sa25.png

تقرير إيه ده اللي كل ضيوفه عاوزين يضربونيhttp://www.goodwayinlife.com/forum/images/smilies/SnipeR%20%2854%29.gif

صليت الظهر وقولت أروح منطقة تانية
الأتوبيس جاااااااااااااي
معلش هحط عدة الشغل في الشنطة مش فاضي لكمhttp://www.goodwayinlife.com/forum/images/smilies/SnipeR%20%2894%29.gif

http://img687.imageshack.us/img687/7214/sa25.png

وبعد جهد جهيد طلعت الأتوبيسhttp://www.goodwayinlife.com/forum/images/smilies/SnipeR%20%2875%29.gif
ولقيت كرسي بالعافية

في المحطة التانية
طلع راجل عجوز
فقلت تعالى ياحاج اقعد مكاني
قام اللي قاعد قدامي وقال
والله ما هو قاعد الا مكاني أنا
وقام وقعده مكانه وفضل واقف جنبي
قلت له عملت ليه كدة
قال أنا مش راجل ولا إيه
وبعدين الرسول عليه الصلاة والسلام
قال وأن تعين الرجل في دابته فتحمله عليها صدقة
قلت صلى الله عليه وسلم يلا ياعم فزت بالأجرhttp://www.goodwayinlife.com/forum/images/smilies/SnipeR%20%2869%29.gif
http://img687.imageshack.us/img687/7214/sa25.png

كان قاعد شاب جنبي باصص للشباك علطول
حسيت أن دماغه مش في الأتوبيس أصلاً
لقيته بيهمم بكلمات مش فاهمها
ركزت أوي علشان أسمع هو بيقول إيه
لقيته بيذكر ربنا وعينه فيها دموع
فافتكرت حديث السبعة
ورجل ذكر الله خالياً ففاضت عيناه
فدعيت له في نفسي وقلت ربنا يكتر من أمثالك
وبعدين وصلت للمكان اللي كنت عاوزه ونزلت من الأتوبيس
http://img687.imageshack.us/img687/7214/sa25.png
بيني وبينكم عصير المانجا اللي فات شربته من غير نفس لأن صاحب المحل زي ما أنتم عارفينhttp://www.goodwayinlife.com/forum/images/smilies/SnipeR%20%2854%29.gif

لقيت محل تاني قلت فرصة
وأنا رايح
أذااااااااااااااااان العصر
وصلت المحل لقيت صاحبه بيقفل
قلت واحد عصير مانجا لو سمحت
قالي بعد الصلاة
قلت علطول مش هياخد وقت الأذاان لسة مأذن
قالي بعد الصلاة
كل ما أقوله حاجة زي ما يكون متبرمج على كلمة بعد الصلاة
وفي الآخر قالي يابني أنت عاوزني أخالف الآية
قلت له آية إيه
(أَيُّهَا الَّذِينَ آَمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ )
والرجل هو اللي مينشغلش بالشغل عن الصلاة
قلت له عندك حق
جزاك الله خيراً
وروحت صليت معاه العصر
وبعد الصلاة اشتريت العصير
طبعاً المفروض يكون ليا في المهمة دي بدل عصيرhttp://www.goodwayinlife.com/forum/images/smilies/SnipeR%20%2854%29.gif
يلا مش مشكلة
http://img687.imageshack.us/img687/7214/sa25.png
وبعدين اتمشيت شوية على النيل لغاية المغرب
قلت أذكار المساء وروحت صليت في المسجد
مشيت شوية لقيت راجل شايل حاجات تقيلة وزي ما يكون خايف لحد يشوفه
مشيت وراه قولت أكيد وراه حاجة
لقيته طلع شقة في بيت قديم أوي
شوية ونزل فاضي قلت لازم أعرف الحاجات اللي معاه راحت فين ؟؟
مستغربوش أصل الصحفي الكويس اللي زي لازم يتمتع بنظرة زي نظرة المفتش كرومبوhttp://www.goodwayinlife.com/forum/images/smilies/SnipeR%20%2854%29.gifhttp://www.goodwayinlife.com/forum/images/smilies/SnipeR%20%2854%29.gif
طلعت الشقة وخبطت طلعت ست عجوزة
قلت السلام عليكم ياحاجة
قالت وعليكم السلام يابني خير؟؟
حسيت أنهم فقرا وممكن يكونوا محتاجين حاجة
قلت أنتم محتاجين حاجة ياأمي ؟؟
قلت ربنا يكرمك يابني بس الحاج أبو عبدالله مش مخلينا محتاجين حاجة
قلت الحاج أبو عبدالله اللي كان هنا من شوية
قالت الله يبارك له ويعمر بيته ويبارك له في ولاده
5 سنين وهو واخد باله مني ومن ولاد ابني الأيتام
قلت لها الله يبارك له ياحاجة ويكثر من أمثاله
سلام عليكم
قلت في نفسي مش جاي تسئ الظن ياكرمبو إلا في كافل الأيتامhttp://www.goodwayinlife.com/forum/images/smilies/SnipeR%20%2854%29.gifhttp://www.goodwayinlife.com/forum/images/smilies/SnipeR%20%2854%29.gif
وتذكرت حديث النبي صلى الله عليه وسلم
أنا وكافل اليتيم كهاتين في الجنة وأشار
باصبعيه السبابة والوسطى
http://img687.imageshack.us/img687/7214/sa25.png

طبعاً بعد الرحلة الشاقة دي نكون وصلنا لنهاية التقرير

استفدنا إيه بعد التقرير ده ؟؟؟

تقريرنا كان عن مفهوم الرجولة عند الناس والشباب خصوصا

شفتوا هيثم مفكر الرجولة في سيجارة

وطارق معتقد أن المشي في البنات هي الرجولة

والراجل الفتوة مفكر الفتونة هي الرجولة

وأما صاحب المحل اللي كان عاوز يضربني مفكر أن الشغل وإهمال الصلاة هي الرجولة

على العكس منهم

الأخ اللي قعد الرجل العجوز مكانه شايف أن هي دي الرجولة

والأخ اللي كان قاعد جنبي شايف أن ذكر الله وخشيته هي الرجولة

وصاحب المحل اللي مرضاش يبيع بعد الأذان أي حاجة وشايف أن ده هيعطله عن الصلاة لأن الرجولة من وجهة نظره أن الشغل ميعطلكش عن الصلاة

وكان ختام التقرير الحاج أبو عبد الله اللي بيكفل الأيتام من 5 سنين وبيخفي عمله ده وماشاء الله مش مخليهم محتاجين حاجة


أرجو أنكم تكونوا استفدتم من التقرير وأراكم في تقاير أخرى قريباً إن شاء الله
http://img687.imageshack.us/img687/7214/sa25.png

منقول عن الاخ :
أبو عبد الملك المصرى
منتدى احلى حياة فى طاعة الله. (http://www.goodwayinlife.com/forum/index.php)

الراجل مش بس بكلمته
الراجل بطاعته لربنا وحبه لنبيه وسنته

لو كانت الرجولة بالشارب لكان الصرصار اقوي الرجال

لو كانت الرجولة بالتدخين لاعتبرنا القطار افضل الرجال

لو كانت الرجولة بالقوة والضخامة لاعتبرنا الفيل اقوي الرجال

لو .................................................. ..الخ

لا لا لا موضوع والله بجد جااامد موت بس يا باشا انت مدحت فى نفسك شوية بس مدح مقبول وشكرااا على مجهودك فى انتظار المزيد

شكرررررررررا اوى على تعبك هى دى فعلا الرجوله بالفعل الحسن مش بالاكلام

بجد تقرير رائع
استمر ف مثل تقاريرك المتميزه دي دايما

ممتاز والله فعلا وياريت كل الشباب يستفيدوا منه
والبنات كمان عشان تقدر تختار الرجل الحقيقى ليكون اب لاولادها
ويكون قادر على تحمل مسؤلية تربية جيل جديد

تقرير جميل جدا
وجزاك الله خيرا
وياريت الشباب تستفيد منه

اكتر من رائع
جزاكى الله خيرا

اللهم امين واياكم
جزاكم الله خيرا.