عندكم حق تماما يعني ايه المرتب ينقص بدون وجه حق
هو الوضع ناقص ولا مستحمل
لنا الله جميعا

الرجاء من الاخوة الافاضل توضيج البند الثانى الموجودة فى العقد مكافاة شهريا توازى بداية ربط درجة نظيره

رجال دائما
وعلى الجميع ان يحذو نفس الطريق.

والله رجاله ويمكن الخير يكون على ادومكم المحافظة الوحيده اللى مش رجاله وما حد راضى يعما حاجه القاهره ونعم رجالة الاقليم والارياف رجاله والله

بسم الله الرحمن الرحيم

لقد بادرت منطقة الغربية الأزهرية بأرسال 87 فاكسا الى مشيخة الأزهر الشريف اليوم بتاريخ 27/7/2010
من معاهد الغربية الأزهرية وهم :
1- معهد الجابرية ع/ث بنين
2- معهد العامرية الابتدائى
3- معهد المحلة الكبرى ع/ث
4- معهد سمنود الابتدائى
5- معهد المعتمدية ع/ث ...... ,
وغيرها من معاهد الغربية الازهرية
ونناشد باقى المعلمين المساعدين فى المناطق الأزهرية الآخرى بارسال فاكساتهم الجماعية الى مشيخة الأزهر الشريف مطالبين بعودة خصومات المرتب التى سلبت من تحت ايدينا عيانا بيانا ونحن واقفون جالسون مسلوبون الارادة

الحركة الحركة الهمة الهمة الثبات الثبات يا معلمين يا مساعدين بالأزهر الشريف والله لن يضيع حق وراءه مطالب
نستحلفكم بالله جميعا ان نقف يدا بيد حتى نسترد ما سلب منا.


رقم فاكس شيخ الأزهر
022583064
رقم مكتب الامام الكبر لخدمة المواطنين
0225907268

السمنودي
مدرس مساعد لغة فرنسية
الأزهر الشريف
منطقة الغربية الأزهرية


بسم الله الرحمنالرحيم


فضيلةالإمام الأكبرالأستاذالدكتور/شيخ الأزهر


السلام عليكم ورحمة الله وبركاته



نتقدم بعرض الآتي على فضيلتكم :
نحننعمل معلمين مساعدين بمعاهد منطقة الغربية وتم خصمحوالى62 جنية من رواتبنا بدونوجهحق وعندما سألنا عن سببالخصم في جهات الاختصاص عرفنا أن سبب ذلك يرجعإلي:

لقد كان قرار رئيس الجمهورية منحعلاوة 30% لسنه 2008 لجميع العاملين بالدولة وكذلك قراره بعلاوة 10%لسنه 2009 إلاإنهم في الأزهر قد حسبوا العلاوة من مربوط الدرجة وليس من أساسي المرتب فتصبح علاوةغلاء المعيشة رقم 4 بكارته مفردات المرتب 14.40 ج لسنه 2008 و 4.80 ج لسنه 2009وهذا خطأ لان العلاوة تحسب من أساسي آخر مرتب قبضه المتعاقد قبل نزول قرار العلاوةوبما أن أساسي مرتب المتعاقدين بالأزهر سنه 2008 و2009 كان148 فمن المفروض أن تكونعلاوةغلاء المعيشة 4 لسنه 2008 قدرها44.40 ج وليس 14.40 ج وكذلك علاوة غلاء المعيشة 5لسنه2009 من المفترض أن تكون 14.80 ج بدلا من 4.80 وكذلك علاوة 2010 من المفترض أنتكون هذا الشهر 15.30 ج لان أساسي العام الماضي كان 153 ولكنها كما هي 4.80ج
وطبقاللماده الثانيه من القانون 128 لسنه 2009
والقوانين السابقه بشأن منحالعلاوهالخاصه للعاملين وكذلك الماده الثانيهمن قرارات وزير الماليه التى تنص باحتسابالعلاوه الخاصه المقرره من الاجر الاساسى والمكافأت الشامله المستحقهللعامل فانهيتم حساب العلاوات الخاصه لهم علىاساسى المرتب فى اخر شهر قبل العلاوه .وليس علي مربوطالدرجه.
ونحيط لفضيلتكم علما بأن زملائنا بالتربيةالتعليم تحتسب لهم العلاوة على الأساسي وليس على مربوطالدرجة
ولذلكفان مرتب المتعاقد بالتربية والتعليميزيد علىنظرائهم في الأزهر لنفس سنة التعيين حوالي 62جنية
وإيمانا منا بعدل ونزاهة فضيلتكموحرصكم على إعطاء جميع حقوق المتعاقدين من أبناءكمفي الأزهرالشريف
وأسوة بزملائنا في التربية والتعليم
نرفع لفضيلتكم هذهالشكوى لرفع الظلم الذيوقع علينا

وفقكم اللهوسددخطاكم وجعلكم سببا لنصرة المظلومين وعونالهم
والسلامعليكم ورحمة الله وبركاته



مقدمةلفضيلتكم


المعلمينالمتعاقدين بالأزهرالشريف


منطقه الغربية الازهريه










كمان ماتسوش معهد محمد رجب الاعدادي الثانوي بنين بسجين - الغربية
دا المعهد بيبعت كل يوم اربع او خمس فاكسات ولسه ؟؟؟؟؟؟؟؟؟؟؟؟؟؟؟؟؟؟؟؟؟

انا دمى محروق النهاردة
روحت اقبض من المعهد لقيت المرتب 200 جنية
انا تعاقد 2007 حاجة تحرق دم اى كلب مش بنى ادم

نتمنى التواصل وعمل فريق عمل يذهب لمقابلة الشيح أحمد الطيب ... ومناقشة موضوع التثبيت ... لأنه من العدل أن يحافظ على حدود الله وعدم الظلم .... كما ورد في أحاديث نبوية كثيرة ... لذا أكرر عمل فريق عمل وفورا .

انا على فكره تربيه و تعليم بس للأمانه زعلان و مخنوق من الموظف أو المسئول اللى اخترع طريقه عشان ينقص من القبض بتاع الزملاء العاملين بالازهر . و ياريت يوصلوا لأى حل و ياخدوا باقى فلوسهم و مستحقاتهم .

حسبى الله ونعم الوكيل انا مرتبى 205 هل يرضى هذا الله

الفاكسات يجماعه محدش يبطل يبعت الفاكس بجنيه ونص ويكون فاكس جماعى باسمك وانت وزمايلك واكتبلهم اسم معهدك ورقم تليفونك عشان يعرفوا ان احنا مش خايفين احنا مخنوقين وعلى الاخر

خطوه ممتازه وننتظر المزيد

يلا يامتعاقدين الازهر اتحركوا شوية كمان الكل يتحرك
مصلحتك فى ايدك

ربنا يوفقكم يارب ويعجل لكم بالتعيين

حسبى الله ونعم الوكيل انا مرتبى 205 هل يرضى هذا الله
مرتبك بالكادر ولا من غيره



انا مرتبي انهاردة بالكادر وبدل الجذب 320
يعني صافي المرتب لوحده حوالي230

:078111rg3:




لا إله الإ الله محمد رسول الله

بسم الله الرحمن الرحيم
يا متعاقدين انا شايف ولله الحمد ان المعلمين المساعدين في الازهر من ابناء المناطق الازهرية الاخرى
بطلو ارسال الفاكسات الجماعية الى مشيخة الازهر الشريف
ايه يا جماعة
ألستم أصحاب حقوق ؟
أأنتم نائمون ؟
ألم تعلموا أنكم تحصلون على مرتبات لا تكاد ان تسقيكم ماء؟

الحركة الحركة يا معلمين يا مساعدين
ارسلو فاكساتكم الى مشيخة الازهر الشريف تنادون فيها بمساواتكم بالتربية والتعليم
ألستم اصحاب رسالة واحدة ؟

رقم فاكس مشيخة الازهر
022583064

مستر / فايز
مدرس مساعد
الازهر الشريف
وشكراااااااااااااااااااااا

شغل جامد يامستر فايز والله
ربنا معانا كلنا

زمايلنا في التربيه والتعليمالشهر دا قبضين
387
والكادر 77
سبحان الله

والله برافوا عليكم
بس يا ريت نشوف رد فعلهم ايه ويا رب يكون قريب

منطقة سوهاج الازهرية معاكم

وعايزين جهد اكبر من كده

ربنا معاكم ومعانا

احنا الشهر دا أقل حوالى 120 جنيه عن التربية والتعليم


افيقوا يامتعاقدين الأزهر

بجد رجالة ولازم كل المحافظات تعمل زيكم

يا سيدى احنا بقالنا سنه بنعمل مش من الان احنا بنبعت فى المنصوره من شهر 7 -2009

الموضوع يعنى حاسس ان فيه تفخيم زائد عن الحد للغربيه وكأن محدش بيعمل غيرهم كل شويه نلاقى موضوع فى المنتدى يحمل نفس المعنى
وبعدين انتم فين يمعلمى الغربيه من بدايه الخصم المنتدى دا يشهد على الى احنا عملناه ارسلنا للازهر وللجرائد واتكلموا عن الموضوع فى جريده المساء

يعنى عاوزين نتناول الحاجه ولكن من غير مبالغه

حسبى الله ونعم الوكيل

لازم كلنا نبقى يد واحدة

بلاش الكلام اللى ملاوش لازمة

مش مهم مين اللى قال الاول المهم ان كلنا نتعاون

علشان ما يضعش حقنا وشكرا

يا سيدى احنا بقالنا سنه بنعمل مش من الان احنا بنبعت فى المنصوره من شهر 7 -2009

الموضوع يعنى حاسس ان فيه تفخيم زائد عن الحد للغربيه وكأن محدش بيعمل غيرهم كل شويه نلاقى موضوع فى المنتدى يحمل نفس المعنى
وبعدين انتم فين يمعلمى الغربيه من بدايه الخصم المنتدى دا يشهد على الى احنا عملناه ارسلنا للازهر وللجرائد واتكلموا عن الموضوع فى جريده المساء

يعنى عاوزين نتناول الحاجه ولكن من غير مبالغه



ولما نرد تقوم الاداره او المشرفين بالحذف علي العموم ما تزعلشي يا سيدي انت صاحب الفكره او احنا مش مهم المهم نكون يد واحده ولا ايه ؟