سلام عليكم ورحمة الله وبركاته......مر في خاطري سؤالا أحببت أن تشاركوني في الإجابة عليه؟والسؤال في العنوان ...فمما لا جدال فيه أن مستوي المعيشة والإهتمام في القاهرة والجيزة أكثر من الأقاليم..ومع ذلك لا يوجد أوائل علي الجمهورية من الجيزة وواحد فقط من القاهرة..فهل تتبع الأقاليم نظاما معينا يكون عونا علي التفوق؟أم تحمل المسؤلية هو السر؟أم الغش وعدم الرقابة هو السر؟...أطلب ارائكم

السلام عليكم ورحمة الله وبركاته

اختى الكريمة وفقنا واياكى الله عز وجل

بالنسبة للنتائج وكل شىء للانسان فهو مكتوب ومقدر له عند الله عز وجل

لذلك كل شىء نصيب

ماعلى الشخص الا ان يعمل اللى عليه والله هو اللى يقدر

قال تعالى " إن الله لايضيع اجر من احسن عملاً"

بالتوفيق باذن الله

يا اختى العزيزه الاهتمام بالمذاكره فى الاقاليم اكتر من القاهره لان اولياء الامور متابعين ولادهم كويس خالص والطلبه نفسهم مش متدلعين اوى زى طلبة القاهره
بالنسبه للغش الغش عمره ما يخلى واحد من اوائل الجمهوريه

يا اختى العزيزه الاهتمام بالمذاكره فى الاقاليم اكتر من القاهره لان اولياء الامور متابعين ولادهم كويس خالص والطلبه نفسهم مش متدلعين اوى زى طلبة القاهره
بالنسبه للغش الغش عمره ما يخلى واحد من اوائل الجمهوريه
طبعا كلام غير صحيح !!!!!!!! اولياء امور القاهرة متابعين اولادهم اكثر من الاقاليم وجميع الزملاء فى الاقاليم يتحدثون عن غش بالميكرفونات وغش جماعى.....الخ ولقد دار حوار العام الماضى على هذا الموضوع مع زميلى محمد فوزى على هذا الموضوع وانتهى النقاش على ذلك

السبب فى كده ان عدد كبير من طلبة الاقاليم سواء ازهر او عام متفوقين جدا

وطبعا التفوق ده خلق روح منافسة بين الطلبة

وعشان كده الاوائل دايما من الاقاليم

وعلى فكرة انا كنت فى ثانوية ازهرية السنة دى وجبت 100% وانا من الشرقية والمجاميع عندنا عالية جدا

السبب ببساطة عن هناااااااااك الغش بكل صوره وده كلام طلبة الاقاليم نفسيهم لدرجة بيع نموذج الاجابة قبل موعد الامتحان


اصل مش معقولة القاهرة من 3 او 4 سنين مفيهاش واحد قادر انو يكون من العشرة الاوائل

السلام عليكم

ليس السبب بالغش بل بالتوفيق من عند الله عز وجل والجد والاجتهاد

الغش وعدم الرقابة هو السر

جزاكم الله خيرا ونحترم جميع وجهات النظر

انا واحد من الاقليم ومفيش غش خالطى فى الاقاليم احنا ذى ما تقوا بنحب المذكرة لكن بتوعمصر والنواحى التانية بيحبوا الدلع عشان كدة انا بنتفوق دائما

حفظ القران الكريم من الصغر
متنسوش دا أهم حاجة

الغش ثم الغش ماتضحكوش علينا كلنا مدرسين وعارفين اية اللى بيجرى داخل اللجان ولولا الغش والتسيب اللى فى الازهر كان الازهر غلق ابوابة من زمان كل التحويلات من التربية والتعليم الى الازهر لضمان كلية كويسة ومهما كان الطالب او الطالبة شاطرين لابد من مساعدة والسؤال بيجادل نفسة لان فى المحافظات الكبيرة مثل القاهرة والاسكندرية لية مابيتلعوش الاوائل اولية الصعيد نادر مايطلع من اوائل او لية محافظة كفرالشيخ ومحافظه الشرقية منهم الاوائل كل سنة... الكل يسال نفسة لييييييه علشان الغش ثم الغش واسكوتوا بقا

يعنى كلهم غشاشين مفيش ولا واحد مجتهد
طيب ماتيجى تبص على العلماء دلوقتى معظمهم من الأرياف وكانت المعاهد فى المدن
بم تفسر ما سبق ؟

انا رايى من راى استاذ عوض على

الغش وعدم الرقابة هو السر

وانا راى انوا بتوع مصر بيحبو الدلع وعدم المزكرة لكن فى الصعيد الى مبينفعش ابوة بيطلعة من المدرسة او المعهد ويخليها يشرب المر عشان كدة احنا بنذاكر وبنطلع الاول على المدن وبلش كلمة غش وقال الله تعالى( يا أيها الذين آمنوا إذا جاءكم فاسق بنبأ فتبينوا عسى أن تصيبوا قوماً بجهالة فتصبحوا على مافعلتم نادمين)صدق الله العظيم اذا لاتتهم احد وليس معك الادلة والفتنة اشد من القتل

عندما نقول الغش هو السبب

فنحن نبنى رأينا على خبرة

ومعايشة

ومراقبة فى لجان القرى

لمدة 15 سنة

ونعرف تماما ما يحدث

والطلاب كلهم يذاكرون ويجتهدون

وتأتى النقاط الصعبة التى تظهر المستوى الحقيقى وتصنع الفارق بين الطلاب

فيجدها الطالب فى القرية بين يديه!

وحسنا فعل شيخ الأزهر بإلغاء اللجان فى معاهد القرى

وبالطبع سيحدث تغيير كبير فى الأوائل العام القادم إن شاء الله تعالى

إن شاء الله سنري قائمة اسماء الأوائل وبلدانهم العام القادم و سيتضح الأمر أكثر بإذن الله

بسم الله الرحمن الرحيم

السلام عليكم ورحمة الله وبركاته

بالنسبة لموضوع تفوق طلبة الاقاليم فكما قال الاخوة اولا هو توفيق من عند الله عز وحل اولا واخرا

والاسباب هى الاحتهاد والمذاكرة والتوكل على الله

والاهتمام بالدروس اولا باول


اما بالنسبة لموضوع الغش فهذا بالتاكيد غير صحيح

لانه لجان القرى تحديدا والاقاليم تكون مشدووووووووودة جدا جدا جدا

وعليها رقابة الحمد لله لمنع اى غش حتى يمتحن الطلاب بدون اى توتر

وبالنسبة ناس كتير جدا على فكرة من الصعيد بتحول للمدن والقاهرة لانه فعلا اسمع انه لجان القرى تكون شديدة جدا وصعبة اوى اوى

وعلى فكرة اولا واخرا وباى طريقة الغش مش بينفع ده بيضر فيجب الاهتمام والمذاكرة افضل
وربنا يدبر الامر باذن الله

فى امان الله

وانا راى انوا بتوع مصر بيحبو الدلع وعدم المزكرة لكن فى الصعيد الى مبينفعش ابوة بيطلعة من المدرسة او المعهد ويخليها يشرب المر عشان كدة احنا بنذاكر وبنطلع الاول على المدن وبلش كلمة غش وقال الله تعالى( يا أيها الذين آمنوا إذا جاءكم فاسق بنبأ فتبينوا عسى أن تصيبوا قوماً بجهالة فتصبحوا على مافعلتم نادمين)صدق الله العظيم اذا لاتتهم احد وليس معك الادلة والفتنة اشد من القتل
مين قال لحضرتك ان بتوع القاهرة مدلعين مش زيكو
على فكرة انا ليا اصحاب كتير فى الشرقية والغربية وبيحلفو ان معاهم الكتب ومدرسين جوا اللجان دة اكثر من شخص
وحسبنا الله ونعم الوكيل

انا بتكلم عن الصعيد انا مليش دعوة ببتوع الشرقية وانا مش مصدق ان الاستاذة معاهم فى الجنة لان الله ورسولة اعلم واعلى
وبتوع مصر مدلعين على الاخر وهتشوفوا مهما عملتوا برضوا بتوع الصعيد هيطلعوا الاوئل على الجمهورية على طول وهتشوفو وقال الله (
ان ينصركم الله فلا غالب لكم) صدق الله العظيم وسوف نكون متفو قين طول الاعوام القادمة ان شاء الله

انا بتكلم عن الصعيد انا مليش دعوة ببتوع الشرقية وانا مش مصدق ان الاستاذة معاهم فى الجنة لان الله ورسولة اعلم واعلى
وبتوع مصر مدلعين على الاخر وهتشوفوا مهما عملتوا برضوا بتوع الصعيد هيطلعوا الاوئل على الجمهورية على طول وهتشوفو وقال الله (
ان ينصركم الله فلا غالب لكم) صدق الله العظيم وسوف نكون متفو قين طول الاعوام القادمة ان شاء الله
يوجد خطأ إملائي في الاية ,برجاء التعديل إحتراما لكلام الله

انا بتكلم عن الصعيد انا مليش دعوة ببتوع الشرقية وانا مش مصدق ان الاستاذة معاهم فى الجنة لان الله ورسولة اعلم واعلى
وبتوع مصر مدلعين على الاخر وهتشوفوا مهما عملتوا برضوا بتوع الصعيد هيطلعوا الاوئل على الجمهورية على طول وهتشوفو وقال الله (
ان ينصركم الله فلا غالب لكم) صدق الله العظيم وسوف نكون متفو قين طول الاعوام القادمة ان شاء الله
هى دوله الصعيد اعلنت الحرب على دوله القاهرة
ياصديقى العزيز شىء يسعدنا جميعا ان يكون هناك طلبه متفوقين سواء من القاهرة او الصعيد او اى محافظة

انا مدرس لغة انجليزية ومن الصعيد وكمان شغال فى الأزهر متعاقد بقالى خمس سنوات وساشهد شهادة حق أسأل عنها امام الله فمنذ استلامى للعمل بالأزهر وانا اعانى الأمريين فى موضوع الغش انا وجميع زملائى معلمى اللغة الأنحليزية هذا على الصعيد المحلى فى المعهد الذى اعمل به فى القرية المجاورة لبلدتنا اما بالنسبة للمدن فالحال اقل ضرراً فبعد ان تم ندبى للمراقبة فى امتحانات الشهادتين الثانوية والأعدادية فقد شاهدنا بأم اعيننا المهازل والتسيب فى اللجان فالغش كان كتير قوى لدرجة انه فيه طلبة لاتعرف تقرأ ولا تكتب و نجحت وبمجموع ومع هذا كله احب ان نوه واقول ليس كل طلاب الأرياف بيعتمدوا عالغش فكانت نمازج ممتازه تعتمد على انفسها ولا تنتظر الغش لكن الكثيرون فى القرى بيعتمدوا على الغش ولولا الغش ما نجحو ابدا وانا من رايى انه يتم عقد امتحانات الشهادتين بالمدن والمحافظات فقط

انا مدرس لغة انجليزية ومن الصعيد وكمان شغال فى الأزهر متعاقد بقالى خمس سنوات وساشهد شهادة حق أسأل عنها امام الله فمنذ استلامى للعمل بالأزهر وانا اعانى الأمريين فى موضوع الغش انا وجميع زملائى معلمى اللغة الأنحليزية هذا على الصعيد المحلى فى المعهد الذى اعمل به فى القرية المجاورة لبلدتنا اما بالنسبة للمدن فالحال اقل ضرراً فبعد ان تم ندبى للمراقبة فى امتحانات الشهادتين الثانوية والأعدادية فقد شاهدنا بأم اعيننا المهازل والتسيب فى اللجان فالغش كان كتير قوى لدرجة انه فيه طلبة لاتعرف تقرأ ولا تكتب و نجحت وبمجموع ومع هذا كله احب ان نوه واقول ليس كل طلاب الأرياف بيعتمدوا عالغش فكانت نمازج ممتازه تعتمد على انفسها ولا تنتظر الغش لكن الكثيرون فى القرى بيعتمدوا على الغش ولولا الغش ما نجحو ابدا وانا من رايى انه يتم عقد امتحانات الشهادتين بالمدن والمحافظات فقط
والله احنا بنقول كدة من زمان بس هنعمل الناس مش عايزة تقتنع ياجماعة احنا اللى فى اللجان وبنقول راينا والله احنا عايزين الازهر ينصلح حالة اما نتناقش مع بعض هنحل والله وهنصلح امال بقى امانجادل فى الباطل بنورط الدنيا واما يكون عندنا كل عام عشرة متفوقين بجد دة احسن حال من عشرة الاف متفوقين بالغش وسمعتنا بقة وحشة خالص تعالوا نعدل من حالنا ونقف وقفه انا عن نفسى كنت اكتر واحد بيغشش فمصر مش عارف ازاى اقولكم انا مدرس من اكثر من 12 سنة بسبب موقف رجعت الى الله وعرفت انى باخد حق واحد ادية لواحد تانى وربنا يسامحنا ياجماعة ندعو الى اصلاح الازهر فى ظل هذا الرجل الطيب بدلا مانجادل اولا واخيرا الناس كلها مش ذى بعضها والسلام ختام اللهم اصلح لنا امرنا........................

والله احنا بنقول كدة من زمان بس هنعمل الناس مش عايزة تقتنع ياجماعة احنا اللى فى اللجان وبنقول راينا والله احنا عايزين الازهر ينصلح حالة اما نتناقش مع بعض هنحل والله وهنصلح امال بقى امانجادل فى الباطل بنورط الدنيا واما يكون عندنا كل عام عشرة متفوقين بجد دة احسن حال من عشرة الاف متفوقين بالغش وسمعتنا بقة وحشة خالص تعالوا نعدل من حالنا ونقف وقفه انا عن نفسى كنت اكتر واحد بيغشش فمصر مش عارف ازاى اقولكم انا مدرس من اكثر من 12 سنة بسبب موقف رجعت الى الله وعرفت انى باخد حق واحد ادية لواحد تانى وربنا يسامحنا ياجماعة ندعو الى اصلاح الازهر فى ظل هذا الرجل الطيب بدلا مانجادل اولا واخيرا الناس كلها مش ذى بعضها والسلام ختام اللهم اصلح لنا امرنا........................

ربنا يبارك فى حضرتك
كلام جميل و الله
ربنا يكرم حضرتك يا رب

فعلاً الكل عارف إن الغش ليه دور وإنه أكثر في القرى والأرياف , أكيد فيه مجتهدين هناك , لكن الغش فعلاً منتشر وكل المدرسين والمدراء شاهدين على ذلك , حتى بتصريح كبار مسؤولي الأزهر سواء تصريح صريح أو مبهم ! , الغش موجود عموماً , لكنه منتشر أكثر في القرى ..
على الجانب الآخر الازهر قيمة غير عادية وفريدة وتتمنى أي دولة إسلامية أن تكون فيها مؤسسة عريقة وشبيهة به , لكن للأسف أضعنا قيمته وأصبح تائها ما بين الغش والتسيب والإهمال و ..... إلخ دون تفصيل , على الأقل في الوقت الحالي فقط !! سواء قرى أو مدن ! , نتمنى نشوف الأزهر في اقرب وقت بصورة مغايرة , أكثر نظاماً وأشد تثبتاً وأكثر عدلاً , ويستاهل كل خير

الله ورسولة اعلم واعلى وربك يفعل ما يريد

الأعتراف بالحق فضيلة والساكت عن الحق شيطان اخرس والمتحدث بالباطل شيطان متكلم فاحذر اخى المسلم من عواقب الكلام بالباطل
كلنا نريد اصلاح الأزهر شبابا وشيوخا ونريد عودة الأزهر الى مجده القديم وكلنا نريد محاربة الغش فلنشجع بعضنا بعضا على ذلك ولنغرس ذالك فى نفوس ابناءنا وتلاميذنا نحن نريد اجيال صالحة تعتمد على انفسها لا فاسدة مخربه