نفسي أدخل علوم [الأرشيف] - بوابة الثانوية العامة المصرية

مشاهدة النسخة كاملة : نفسي أدخل علوم

ellor192

28-07-2010, 11:36 PM

أهلا يا جماعة

بصراحة أنا كان نفسي من زمان أدخل كلية علوم قسم فيزياء
طول عمري عايز أطلع فيزيائي و السنة دي الحمد لله خلصت
الثانوية العامة معادلة الإمارات
فكنت عايز أعرف منالناس الي دخلوها أو اتخرجوا تجربتهم
تاني حاجة عايز أعرف إيه أحسن كليات العلوم في مصر في الفيزياء.
تالت حاجه عايز أعرف نظام الكلية و المواد وازي أدخل قسم فيزياء.

شكرا و أتمنى التواصل

alea2009

29-07-2010, 01:34 AM

أولا:ربنا سبحانه وتعالى يوفقك فى كلية مناسبة وفيها الخير لك بإذن الله.
ثانيا:كلية العلوم كلية جميلة جدا بس فى نفس الوقت صعبة جداااا واذا كنت انت عايزها ان شاء الله تتفوق فيها
ولكن انا مش عارفه ايه احسن الكليات فى قسم الفيزياء وكل كلية لها نظام معين ممكن يكون القبول فى القسم على حسب درجات ثانوية عامة فى بعض المواد مثل الفيزياء .
وان شاء الله توصل للقرار السليم و جزاك الله كل خير.

clinical chemist0

29-07-2010, 10:55 AM

فرحه الربيع

29-07-2010, 12:42 PM

فعلا كليه العلوم كليه جميله جدا وانا فخوره انى فيها ...لكن انا زمايلى فى قسم الفيزيا بيقولوا انوا قسم صعب ...يعنى عايز بس تشد حيلك جامد لان الكليه عايزه مذاكره دائمه و مواظبه على الحضور وربنا معاك ان شاء الله

perfect-girl

29-07-2010, 06:47 PM

انا كنت من اعداء الفيزياء زمان بس بجد حبيتها فى الكلية

قسم فيزياء عامة بيبقى لعملى رياضة ومتوفر فى كل الجامعات

فى حاجة اسمها تخصص مزدوج ممكن تبقى فيزياء وكمياء فى نفس الوقت

لو عايز فيزياء فقط يبقى تشد حيلك وتجيب تقدير عشان تبقى سبشيال ان شاء الله

بالتوفييق ليك ان شاء الله

~WEGDAN~

29-07-2010, 11:07 PM

عندنا ف القاهرة شرط دخول قسم فيزيا
انك تجيب ف الفيزيا التيرم الاول و التيرم التانى
كل واحد جيد
و ربنا يوفقك للخير
عندنا مدرس مساعد.. دكتور يعنى فيزيا
كان معادلات بس اجتهد و ربنا وفقه