يا ترى ايه حنعمل لو جاء يوم الاحد الموافق 1 اغسطس 2010 زاى ما عدا علينا 1 يوليو 2010 الحكومة المرة اللى فاتت والاكاديمية قالك تم مد فترة تقديم اى اس دى ال المرة دى حيكون ايه الورق اللى ناقص الحاجة التانية فى شوية موجودين على الموقع بيدافعوا عن الحكومة دول مش عارف من الحكومة نفسها ولا اعداء المعلمين المساعدين المنتشرين فى المدارس طيب فى ناس قالة مش لازم التعيين يجئ اول شهر يوليو لازم نستنى كام يوم لغاية يوم 10 أو 20 احنا بقى انتظرنا 31 يوم كمان الحل ليكون هناك وقفة او فاكسات لرئاسة الوزراء أو رئاسة الجمهورية وليس البرامج التليفزيونية لانها مش بتفيد بسمع اكتر ما تفيد واعتقد ان الحكومة لما تشوف كتر الفاكسات حتخاف لان بداية العام الدراسى وانتخابات مجلس الشعب قربت والحزب الوطنى عايز قرب من الشعب يبقى مافيش حل غير التثبيت علشان نستمر فى عملنا والله متخافوش الحكومة متقدرش تفصل 80 الف متعاقد وغير كده احنا الحمد لله اوفينا بكل المطالب اللى مكتوبة فى العقد باقى هما ينفذوا بنود العقد ينرفع قضية ضد وزير التربية والتعليم بشخصه لعدم تنفيذ بنود العقد


ياريت الردود اللى حتتكتب تكون ايجابية وفعالة اكتر من الكلام وعدم التنفيذ

ربنا فوق الجميع

دعنا ننتظر ثم نرى لكن وده مجرد رأي أنا مع الإعتصام إن مر شهر 8 دون تثبيت
ولابد أن نكون يدا واحده ويكون الإعتصام مفتوح وعلى مستوى الجمهورية ويشارك فيه كل المتعاقدين
الذين نجحوا وفي الكادر والذين لم يختبروه أساسا سواء كان حاصل على رخصة دولية للحاسوب أم لا
ويكون منظم في المكان والزمان الناسبين ولله التوفيق

انتو مش ملاحظين انكم منتظرين التثبيت على 1/8 رغم إن مساعد الوزير لما صرح بالتعيين ذكر شهر أغسطس ولم يذكر يوما محددا ولا أعرف لماذا بنيتم آمالكم على 1/8

ان شاء يكون خير

ولابد الكل يشارك فى الاعتصام

اذا جه 1/8 ومحصلش حاجه يبقا كده احنا بينضحك علينا ونستاهل الى يجرلنا علشان مش عاوزين نتحرك المشكله ليكون التثبيت مرتبط بالبرامج الانتخابيه وكلا يغنى على ليلاه

الاعتصام مااخذ بالقوة لا يسترد الا بالقوة

زى قديمه كلام وبس

صبرنا الى مل من صبرنا الصبر
10 واكثر فى انتظار حقنا المسلوب ولكن هيهات هيهات
انا لا احبط الناس ولكن اين وقفتكم اين صوتكم الخافت
اما ان الوان ان تكون لنا كلمة نحن المعلمين

هيعدي خمس سنين تاني زي اللي فاتوا .. وربنا يديك طولت العمر لما تشوف ولادك وهما كدا في الجامعه وأبوهم لسه متعقد عفوا ً متعاقد !! .. وده طبعا لو كنت متجوز وعندك عيال ..

اما لو كنت زي 99 % من المنعاقدين يبقى ابشرك بالخير واللي جاي زي اللي رايح وهتروح ايامك ومش هيبقى لك أي حد يذكر اسمك وينطبق عليك بيت الشعر ده

إذا انت لم تزد على الدنيا شيئا ً ** كنت على الدنيا زائدا


..............


أمام محكمة التثبيت لنا وقفة نتأمل فيها عضوية الأخت الزميلة الكاتبة ( المشتاقة للحجاب ) ومش عارف ايه قصدها بالحجاب هل هو التثبيت أم المعتقل !!

وربنا يجعله عامر

بجد انا ابتديت اتشائم
المفروض نحدد ميعاد الاعتصام من دلوقتى والكل لازم يشارك

ويارب يكون فيه خير ان شاء الله

انا مع الاحتجاج والاعتصام للمطالبة بحقوقنا كاملة
كفاية ظلم

الله اكبر فوق كل شىء

ولا حااااااااااااااااااااااااااااااااااااااااااااااااا ااجة wla haaaaaaaaaaaaaaaaaaaaaaaaaaaaaaaagaaaaaaaaaaaaaaaa aaaa

بعد شهاده icdl طبعا أكيد هيطلعولك حاجات تانيه لازم تجهزها
وقريب أوى هيطلبوا منك لبن العصفور وبيضه الديك قبل شهر 9
وتحطهم فى cv بتاعك علشان التثبيت
ربنا يرحمنا بقى منهم

لا بد من تحديد يوم ليشارك الجميع

1/8 ايه ياجماعة انتو ناسيين انت انتم مجددين سنة ثالثة لغاية 10/3/2011 يبقى هيثبتونا ازاى قبل ميعاد عقدنا مايخلص

تثبيت مين والناس نايمين النايمين بيشجعو مصر واحنا معاهم (المتعاقدين يعنى )