انا مش ناوى اخطب ولا حاجه لسمح الله بس ان حبيت بس افكركم ان كل اللى بيحصل لينا ده نتيجه طبيعية لتفككنا وتفكيرنا الفردى فوالله لو الحكومة عارفة ان المتعاقدين دول ايد واحده وممكن يجتمعوا على كلمة واحده ويعتصموا او يعملوا اضراب لكانت عملت لينا الف حساب لكن للاسف كل واحد فى المتعاقدين او الغالبية عشان ما نظلمش حد بيبص تحت رجليه وما حصلناش البصمجية اللى بيشتغلوا فى مصانع النسيج لما وقفوا وطالبوا بحقوقهم وتحملوا مسؤلية وقفتهم دى وحققوا اهدافهم .
بالراحة كده ومن غير ما يطلع واحد من اياهم ويقول والله انت متشائم وما معرفش ايه على فكرة انا يمكن اكبر او من اكبر المتعاقدين سنا واشتغلت فى حاجات كتير قبل ما اكون مدرس بالتعاقد وكنت بوصل فيها وبسرعة لموقع المدير بداية من مصنع بالعاشر من رمضان ونهاية بشركات كمبيوتر وانترنت بشارم والغردقه يعنى بالعربى انا مش صغير ولا اهوج واكيد مش متشائم بس حابب احسبها معاكم بالعقل :
1- احنا ناس تربويين
2- دخلنا امتحان الكادر واجتزناه بنجاح
3- حصلنا على الاى سى دى ال
4- فات على عملنا كمدرسن مساعدين وانا ما اعرفش والله مساعدين لمين لحد دلوقت المهم فات اكتر من 3 سنوات

باللــــــــــــــــــــــــــــــــه عليكم ناقص ايه لما ييجى شهر سبعة وما تنزلش لينا الدرجه المالية ؟؟؟؟!!!!!!!!!!!!
وازاى ما نزلتش فى 7 وهتنزل فى 8 وايه الحكمه .
والله ما هوه تشائم ولا حاجه زى ما الكثيرين من صغار السن من المتعاقدين بيحبوا يسموه بس انا واقعى وملم بحالة البلد من مختلف النواحى .
طيب يعنى يبقى ايه الحل ؟؟؟؟؟
الحـــــــــــــــــــــــــــــــــــل :
موقف موحد ومنظم ومنسق ومحترم لان احنا ما يصحش ناخد موقف اقل من كده خصوصا بعد الفترة الطويلة دى
ودا ان شاء الله بعد 1 /8 المنتظر
شكرا واسف للاطالة