ممكن اتعبكم شويه ؟ لو سمحتم بعض الاسئله رجاء [الأرشيف]

مشاهدة النسخة كاملة : ممكن اتعبكم شويه ؟ لو سمحتم بعض الاسئله رجاء

يوسفباشا

31-07-2010, 05:44 AM

السلام عليكم ورحمة الله وبركاته

اخوانى واخواتى انا طالب داخل تانيه وعايزكم تنصحونى قبل لما اضيع وارجع اقول يا ريت اللى جره ما كان :d
الاسئله:
س1 هل لابد من المذاكره من كتب الوزاره ام لا؟ام يكتفى بحل منها المسائل؟؟
س2 المراجعه تبقى كل اد ايه يعنى اخلص المنهج كله وبعدين مراجعه ولا نص المنهج وبعدين مراجعه؟ولا تلت وهكذا....
س3 تنصحونى اخد درس عربى ولالا ؟ اصلى ناوى ماخدش علشان ما اضيعش الوقت ؟؟؟,.,,,
س5 ما هى افضل الكتب الخارجيه؟ قول رايك عادى يعنى
س6 انا كنت ناوى انى اخلى دروسى متاخره علشان اذاكر الماده فى اليوم اللى بعديه علطول يعنى انهارده بليل خدت كيمياء بكره الصبح اذاكر اللى خدنه هل ده كويس؟؟؟؟

واخيرا الشكر لمن سيجاوب ولمن سيقرا فقط لانه دخل الموضوع من الاصل
وسلام الله عليكم ورحمته وبركاته :d:d:d:d:d:d:d:d:d:d:d

khawarismy

31-07-2010, 01:15 PM

1- المذاكره لثانوي المفروض بتبقى من مكان واحد وتقرأ برضه باقي الكتب وخصوصا كتاب الوزاره تقراه بس مش تذاكر منه لانه مش منظم في كل المواد واحيانا بيجيب حاجات مش بيكتبوها في الكتب بره وبتيجي في الامتحانات وااااااااااااااهم حاجه اسئله كتاب المدرسه والنماذج اخر السنه

2 - المراجعه الجزئيه مهمه جدااااااا يعني بعد كل درس وفي نهايه الاسبوع وبعد متخلص جزء المنهج مثلا لازم تراجع باستمرار ولو قراءه فقط بس اخر السنه حاجه تاني يعني مراجعه بجد مش اي كلام وده بعد ما تخلص المنهج كله

3 - درس العربي براحتك لو هتقدر تذاكر لوحدك مفيش مشاكل بس من وجهه نظري الافضل تاخد عشان بتمش على جدول معين وبيبقى في متابعه وامتحانات كتير ومش هيأثر اوي على وقتك يعني اكيد هيفيدك برضه

4- الكتب الخارجيه في منها كتير حلو بس الافضل

العربي ( الاضواء والوسام )

الانجليزي ( surprise او the best ) بصراحه الاتنين احسن من بعض يعني ممكن تشتري واحد وفي المراجعه تشتري التاني ومنصحكش ابدا ب gem علشان بقى تعبان واسئلته تافهه مش هتدرب بجد لو حليت فيه انا جربت التلاته وجيم اوحش واحد

معرفش بقى انت فرنساوي ولا الماني بس انا كنت فرنساوي ( برافو والمعاصر جميل جدااااااااا وكمان جنيال في المراجعه )

الرياضه في كتب كتير زي المعاصر ولامي و 100 % وكتب تانيه كتير بس نصيحه من واحد مجربهم كلهم الافضل فيهم هو المعاصر كتاب شامل كل الاسئله بس تطلب المعاصر للاسئله مش الكتاب الاساسي ده كتاب لوحده فيه كل حاجه لو حليته هتضمن التفوق اكيد ولو متمكن اوووي في الرياضه كتاب لامي فيه مسائل نااااااااار علشان تدرب نفسك وكده

واخيرا والكيمياء مفيش اي كلام غير كده ومفيش اي كتاب تاني يقدر ينافسه استحاله ( الامتحان ) والله الكتاب ده اسطوره مليان اسئله وجه منها في الامتحان السنادي فعلا والله فعلا نمبر 1

5- ممكن تعمل كده وده حسب ما يريحك بس نصيحه متاخرش حاجه خدتها في الدرس كتير وخصوصا الكيميا لازم تذاكر بعد الدرس على طول حتى ولو قريتهم بس واليوم الي بعده تذاكرهم عشان في حاجات بيقولها المدرس في الحصص بتتنسي من دماغك لو مذاكرتش الدرس بسرعه وانا جربت الحكايه دي بس في الاخر النظام الي ترتاح عليه اعمله

وفي الاخر شد حيلك وربنا يوفقك واوعى تيأس في يوم خلي املك في ربنا كبير واوعى تخاف من اي كلام يقوله الوزير او الاعلام علشان السنادي رعبونا فعلا والواحد مكنش مركز بس الحمدلله الامتحانات كانت يعني عاديه مش صعبه زي ماكانوا بيقولوا كده فركز في المذاكره وخلي الباقي على ربنا

ningooooo

31-07-2010, 04:21 PM

وفي الاخر شد حيلك وربنا يوفقك واوعى تيأس في يوم خلي املك في ربنا كبير واوعى تخاف من اي كلام يقوله الوزير او الاعلام علشان السنادي رعبونا فعلا والواحد مكنش مركز بس الحمدلله الامتحانات كانت يعني عاديه مش صعبه زي ماكانوا بيقولوا كده فركز في المذاكره وخلي الباقي على ربنا
فعلا النقطة دي مهمة جدا و فعلا ضيعت مني درجات و اربكتني جدا السنادي لدرجة اني كنت ياست قبل الامتحانات بفترة كدة بس الحمد لله ربنا كرمني

نصائح جميلة جعله الله في ميزان حسناتك
بس كنت عاوز اسأل هو في العربي في كتاب كله أسئلة زي بتاع الامتحان في الكيميا كدة و لا إيه
و هل الفيزياء ليها كتاب كده برضه و لا إيه

khawarismy

31-07-2010, 07:08 PM

نصائح جميلة جعله الله في ميزان حسناتك
بس كنت عاوز اسأل هو في العربي في كتاب كله أسئلة زي بتاع الامتحان في الكيميا كدة و لا إيه
و هل الفيزياء ليها كتاب كده برضه و لا إيه[/quote]

شكراااااا ليك وربنا يوفقنا جميعا وكتاب الامتحان في العربي نازل من اول السنه كان معايا في تانيه كله اسئله وجميل جداااااا واكيد نازل برضه السنادي لتالته وبالنسبه للفزياء كتاب الامتحان برضه ممتاز ان شاء الله هجيبه وياريت كل الناس تجيبه علشان هو الكتاب رقم واحد سواء في الكيمياء او الفزياء او الاحياء وكمان في كتاب جديد لسه نازل السنادي اسمه نيوتن في الفزياء ده كله مسائل جميل جدااااااااااا برضه كله بيفيد واهم حاجه اسئله كتاب المدرسه وربنا مع الجميع

mohamed264

31-07-2010, 10:11 PM

السلام عليكم ورحمة الله وبركاته

اخوانى واخواتى انا طالب داخل تانيه وعايزكم تنصحونى قبل لما اضيع وارجع اقول يا ريت اللى جره ما كان :d
الاسئله:
س1 هل لابد من المذاكره من كتب الوزاره ام لا؟ام يكتفى بحل منها المسائل؟؟
اولا لازم تحل اسئلة كتب الوزارة و دليل التقويم وبالذات فى الرياضيات و الكيمياء وكمان الورك بوك بتاع الانجليزى....واله مهمه جدا الاسئلة دى وجه منها فى امتحانات السنة دى....انما ماتذاكرش منها الا قراية بس(يمكن ربنا يكرمك و يحطوا طريقة شرح جديدة ومنظمة السنة الجاية)
س2 المراجعه تبقى كل اد ايه يعنى اخلص المنهج كله وبعدين مراجعه ولا نص المنهج وبعدين مراجعه؟ولا تلت وهكذا....
ماتسيبش درس خدته غير لما تذاكره وتحل عليه....وممكن تعد تذاكر طول الاسبوع وتيجى يوم الجمعه وتراجع كل الى انت خدته فى ماده معينه والاسبوع الى بعده برده تعد تذاكر دروسك و تيجى يوم الجمعه و تراجع مادة تانية و كدا................
س3 تنصحونى اخد درس عربى ولالا ؟ اصلى ناوى ماخدش علشان ما اضيعش الوقت ؟؟؟,.,,,
ماتقعش فى المطب ده بتاع انا هعد فى البيت وهذاكر احسن..صدقنى هتكسل و مش هتذاكر او على الاقل هتذاكر خفيف..وبعدين لازم تاخد درس عشان المراجعات وحل الامتحانات و التسميع وعلى الاقل حل الواجب وكمان فى معلومات انت متعرفهاش فى النحو و البلاغة مثلا لازم الاستاذ يوضحهالك..صدقنى ساعة الدرس دى مش هى الى هتضيعلك وقتك
س5 ما هى افضل الكتب الخارجيه؟ قول رايك عادى يعنى
تعالى بقى دى بتاعتى انا السنة دى مسيبتش كتاب غير لما اشتريته
عربى:الامتحان(مدروس اسئلة)/الاضواء/وسمعت من واحد صاحبى ان كشكول الاول حلو برده
انجليزى: Surprise+المعاصر(دا فى الشرح)
انما فى المراجعه انصحك بكتاب senior والله العظيم رهيب
رياضيات:المعاصر(اكتاب الشرح+كتاب الاسئلة و التمارين)
وفى كمان كتاب اسمه لامى(مسائله جامده)..ولازم تحل كتيييييييييييييييييييييييييييييييييييييييييييييييي ييييييييييييييييير فى الرياضيات عشان تقدر تجمع اكبر كم من الافكار
انا كنت المانى واحس كتاب هو بريمير
وفى كمان كتاب اسمه ستار بس كبير اوى
وانا كنت ادبى معرفش انت ناوى على ايه
تاريخ:كشكول الاول

س6 انا كنت ناوى انى اخلى دروسى متاخره علشان اذاكر الماده فى اليوم اللى بعديه علطول يعنى انهارده بليل خدت كيمياء بكره الصبح اذاكر اللى خدنه هل ده كويس؟؟؟؟
لا..فى دى مقدرش افيدك بصراحه
واخيرا الشكر لمن سيجاوب ولمن سيقرا فقط لانه دخل الموضوع من الاصل
وسلام الله عليكم ورحمته وبركاته :d:d:d:d:d:d:d:d:d:d:d
واخيرا احب اقولك سيبك من كل الى بيقول الامتحانت بتيجى صعبة و الكلام ده ..خليك واثق فى نفسك و حتشوف هتعمل ايه و ابعد عن التوتر وهدى نفسك خالص وخليك ريلاكس و اعتبرها زى اى سنة ..الفرق الوحيد ان السنة دى انت هتركز فى مذاكرتك بجد
اتمنى اكون افدتك
سلااااااااااااااااااااااااااااااااااام

ريم قدرى

31-07-2010, 11:08 PM

اة طبعا ركز ع كتاب الوزارة ف كلة
بس العربى لازم ملخص خارجى عشان المعانى والدرس يبقى افضل طبعا والملخصات ركز علها حل ف الاخر بس

يوسفباشا

01-08-2010, 09:21 AM

الاخ الكريم khawarismy لك جزيل الشكر انا فعلا مش عارف اقولك ايه ؟ انتوا كلكوا والله شباب زى العسل وتستاهلوا كل خير فعلا شكرا جدا ولكل من رد فى الموضوع شكرا بجد من قبلى وربنا يوفقكوا كلكوا امين يارب

يوسفباشا

01-08-2010, 09:23 AM

يعنى انت بتنصحنى انى احل بس من كتب الوزاره وانى احل كتاب دليل تقويم الطالب لكن اذاكر منها ولالا؟ بس انا اظن ان اللى لازم يتذاكر منها الاستورى بتاعت الوزاره مش كده؟

khawarismy

01-08-2010, 05:12 PM

هو الاكيد اسئله كتاب المدرسه بس انك تذاكر منها دي براحتك حسب ما يريحك انا عن نفسي مكنش عاجبني غير كتاب الكيمياء بس هو الي كان منظم وحلو بس من الافضل انك تذاكر من مكان واحد عشان بعد كده وانت بتفتكر اي حاجه هتقدر تفتكر المكان بالظبط والصفحه كمان لكن متشتتش نفسك في كذا كتاب وبصراحه الكتب الخارجيه هي الافضل في كل حاجه منظمه وفيها اسئله مهمه جداااااااااااااااااااااااااااااا لازم تتحل عشان تضمن التفوق وخصوصا كتب الامتحان

#sooma#

02-08-2010, 02:04 AM

بص اتدخل قسم اجتماعيات طالب هتلاقي كل النصايح
وكل الموضوعات انتي ادي واحنا عاملين جروبات حلوه في القسم بتاع اجتماعيات طالب

maroom

02-08-2010, 10:51 PM

والله النصائح دي جميله قوي انا لسه بردو رايحه 2 ثانوي

kitty_sweety

03-08-2010, 12:56 AM

س1 هل لابد من المذاكره من كتب الوزاره ام لا؟ام يكتفى بحل منها المسائل؟؟:049gc0:
كتاب الوزارة مهم جدااااااااااااا في الحل مع كتاب دليل التقويم أما في الشرح يعني الافضل من كتاب خارجي أو كتاب المستر اللي بتأخذ درس معاه و الأفضل عدم تشتيت نفسك في أكثر من كتاب و يوم ليلة الامتحان لا تنظر في ورق زميلك لان هذا الورق لم يتم قراءته من قبل و ممكن يلخبطك كتيير قبل الامتحاااان لانه مكتوب بصيغة غير اللي انت كنت بتقرأها:028ja7:

س2 المراجعه تبقى كل اد ايه يعنى اخلص المنهج كله وبعدين مراجعه ولا نص المنهج وبعدين مراجعه؟ولا تلت وهكذا....:av4056bb7jp3:
لأ هي أفضل حاجة مراجعة المنهج جزئيات يعني أما الوحدة تخلص تراجعها والوحدة اللي بعدها أما تخلص تراجعها و تراجع مراجعة سريعة على الوحدة الاولى وهكذا أما المنهج يخلص يبقى راجعت كل وحدة أكتر من مرة و لو كانت الوحدة طويلة قسمها اجزاء و ذاكر و راجع كل جزء على حده وفي النهاية برضه إنت اللي لازم تختار طريقة مذاكرتك لان كل واحد له طريقة في المذاكرة تنفع معاه ما تنفعش مع غيره :bosyht9:
س3 تنصحونى اخد درس عربى ولالا ؟ اصلى ناوى ماخدش علشان ما اضيعش الوقت ؟؟؟,.,,,:slap1qk6:
لأ الافضل تروح درس عشان المدرس هيشغلك واجبات و امتحانات و مراجعات لكن في البيت مش هتعرف تخلص اللي المستر هيخلصه في الدرس وحتى لو خلص مش هيبقى تماااام أوي ممكن تبقى في حاجة ناقصة أو مش مكتوبة في الكتب واللي مع المستر بس اللي بيعرفها إلا بقى لو مدرس الفصل كويس و بيشرح حلو لان احنا السنة دي هننزل المدارس إن شاااء الله:022yb4::022yb4:
س5 ما هى افضل الكتب الخارجيه؟ :slap1qk6:
العربي الاضواء او الامتحان
الانجليزي english loversكان ممتاز الصراحة و في اسئلة جامدة قوي
الكيمياء الامتحان
الرياضيات 100%
اللغة الثانية انا كنت ايطالي و كتاب italiano أحسن من كتاب il primo و الصراحة الايطالي لغة سهلة جداااا:friendsxs3:

س6 انا كنت ناوى انى اخلى دروسى متاخره علشان اذاكر الماده فى اليوم اللى بعديه علطول يعنى انهارده بليل خدت كيمياء بكره الصبح اذاكر اللى خدنه هل ده كويس؟؟؟؟:p
هي الافضل بالليل لان الصبح اليوم كله بيضيع وكمان لازم مذاكرة الدرس في يومه أو اليوم التالي له وخصوصا الكيميااااااء لان التأخير عن كده بيخليك تنسى الشرح و كأنك لم تأخذ درس و هتحتاج مجهود أكتر في مذاكرة الدرس ده :romarioxp6:
و إن شاااااء الله ربنا يوفقنا كلنا و نحقق كل أحلامنا و مالكش دعوة من اللي بيخوفك من الثانوية العامة لانها سنة زي اي سنة بس عايزة مجهود أكتر شوية و إن شاء الله ربنا يوفقكم كلكم:078111rg3:
و رمضااااااااااان كريم:039uw8:

يوسفباشا

03-08-2010, 10:18 AM