scream angle
31-07-2010, 01:36 PM
ماحدش عارف لية السيجارة سموها سيجارة لية لحد دلوقتى . وماحدش مهتم يعرف .. اللى بيحبوها وبيعشقو ريحتها ودخانها وناسيين كل الدمار اللى بتعملة اهم حاجة عندهم انها تفضل فى جيوبهم وفى درج مكتبهم وجنب السرير بتاعهم ويمكن كمان على الحوض فى الحمام .والناس اللى ربنا عفى عليهم منها مش محتاجين يعرفو عنها اى حاجة .بس اكتشقنا شوية فوائد للسيجارة اة بجد . تصدقو ان العامود الابيض الملفوف دة لية فوائد .تخلى ناس كتير تتعشم يكونو زباينها .ركزو معايا وهاقولكم على الفوايد دى .اولا . السيجارة والتدخين هاتديك فرصة لتتعرف على اصدقاء كتير .ودة لان سعادتك هاتروح كل يوم لدكتور جديد ! تانى حاجة .ان السيجارة هاتوفر عليك تمن البرفان .. ريحة السجاير مفيش اجمل منها .. مش كدة برضة .كمان السجاير هاتوفر عليك تشترى ملابس رياضية لانك مش هايبقى عندك نفس وهاتبقى عدو الرياضة الاول . ومش هاتحتاج تركب فى بيتك نظام امن وجرس انذار . كحة سعادتك طوال الليل هاتخلى الحرامى يعتقد انك لسة صاحى .ومش ها تخاف على نفسك تقع وتتزحلق وتتقطم رقبتك وانت ماشى . لية ؟ العكاز بتاعك هايحميك من السقوط .وكمان الورثة بتوع معاليك .. مش هاينتظرو كتير . بعد كل الفوايد دى اكيد طبعا هاتدخن وانت مرتاح البال ومفيش عندك اى مشكلة مع السجاير ويمكن كمان تقنع بيها اللى بيكرهو السجاير .. مبسوط طبعا .. خليها تنفعك ..وتذكر . صحتك عندى بالدنيا .