مشاهدة النسخة كاملة : التفرقة العنصرية فى الميكوباص بين البنت والولد


samar saad
31-07-2010, 06:50 PM
أولا :-

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي
...
انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



ثانيا :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا




ثالثا :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب



رابعا :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه




خامسا :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه




سادسا :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات


انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟

love ur life
31-07-2010, 07:01 PM
ايه يا سمر البنات ثم البنات احنا لينا احترام خاص....والبنت طبعا كسفتها مش ذى الولد يمكن التعامل هيفرق علشان كدا.......تقبلي مروري وشكرا على ردك في موضوعي يا قمر ......................

samar saad
31-07-2010, 07:19 PM
اه طبعا يا سمر البنات نعمه

عاشق البلانكو الابيض
31-07-2010, 07:54 PM
هههههه ده بيحصل علشان الشخص بقا يبان انو راجل جدع والبنت تعجب بيه يا عينى بشوووف الكلام ده كتير فى القطر وانا رايح الكلية تلاقيه يشيل الشنطة ينزلها يقوم يقف عشان البنت وفى الاخر مش بتعبره

light of the mo0on
31-07-2010, 08:01 PM
هههههههههه

samar saad
31-07-2010, 08:03 PM
ههههههههههههههههههه والله عندك حق انا مش بعبر حد بس اذا صعب عليا اووووووى اكيد

سؤئة الطيوبة
31-07-2010, 08:11 PM
جزيتى خيرا .............دمتى متالقة .........

عاشق البلانكو الابيض
31-07-2010, 08:39 PM
ههههههههههههههههههه والله عندك حق انا مش بعبر حد بس اذا صعب عليا اووووووى اكيد

هههههههههههههههه قلبك حنين

mustafa.sharf
01-08-2010, 02:15 AM
ههههههههههههه يا سمر انا كنت راكب المترو ولقيت راجل فى سن 30 سنه كدا

بس شكلوا جاى من الشغل تعباان اوووى رحت قايملوه من مكانى وقعدوا ووقفت انا

كمان 5 دقايق واحده حلوه طلعت تركب الاقيه قاملها هوا عشان جميله رحت بصصله بصه

مش عارف اقوله ايه

Mostafa Walid
01-08-2010, 02:32 AM
هههههههههههههه
يا عينى علينا

samar saad
01-08-2010, 02:35 AM
ههههههههههههه والله انتوا مظلومين ليك عليا يا مصطفى انزلكم قانون ليكم ولحمايتكم انتخبونى بس فى مجلس الشعب وانا فى الخدمة

nair
01-08-2010, 02:42 AM
ههههههههههههههههههه

محمد خليفة 6
01-08-2010, 02:51 AM
هههههه تصدقى ياسمر كلامك بجد انا مفيش كلمة من الى انتى قولتيها مشفتهاش

ههههه بس اية دا انتة جاية على البنات كدا اوى لية ما انتى بنت المفروض تيجى

بقا فى صفهم على العموم انا لو حصلت الميكروباص يدوب بمسك فى طرف الباب هههه

مش انا لوحدى والله كتير غيرى وياسلام بقى لو فى كرسى فاضى دا يبقى نعمة كبيرة اوى

ما بصدق الاقية واجرى علية جرى والى كان هيركب قبلى يبصلى كدا بحسوا بيقولى

اخدت الكرسى ماشى ياعم براحتك اديك قاعد مرتاح وانا طالع ميتينى فى تنشيف

العرق والشمس المولعة ههههههه تسلمى على الموضوع الجامد دا وعايزين تحرك

بقى من وزير النقل لازم يوفروا اكبر عدد من الميكروباصات والاتوبيسات لخدمة

المواطنين علشان حتى نلاقى مكان نقعد فية والى يغيظ اكتر العربية تكون مليانة

على اخرها والتباع يفضل يعبى اقولة ياعم كفاية حرام عليك مفيش سمع للكلام

تقول اية هو دا الشعب المصرى

العمل سبب الامل
01-08-2010, 02:59 AM
جميللللللللللل اوى يا سمر
و طبعا البنات ارق الكائنات البشرية بل المخلوقات الكونية
كما اثيتت الدراسات الحديثة تاثير صوت المرأة على الرجل مما يجعله يخضع لاوامرها
و طبعا الصوت الرقيق اللى البنت بتصنعه و هى داخلة الجامعة و تبقى اخر رقة و ميلصة فى الدنيا
انا بنت اه بس بجد بتغاظ اوى من مياصة و استظراف البنات و ده عن تجربة

محمد خليفة 6
01-08-2010, 03:05 AM
جميللللللللللل اوى يا سمر
و طبعا البنات ارق الكائنات البشرية بل المخلوقات الكونية
كما اثيتت الدراسات الحديثة تاثير صوت المرأة على الرجل مما يجعله يخضع لاوامرها
و طبعا الصوت الرقيق اللى البنت بتصنعه و هى داخلة الجامعة و تبقى اخر رقة و ميلصة فى الدنيا
انا بنت اه بس بجد بتغاظ اوى من مياصة و استظراف البنات و ده عن تجربة

دا صحيح بس مش كل الاوامر هههه يعنى لو قالتلة ارمى نفسك

فى المية يرمى كدا زى الاهبل لا طبعا العمر مش بعزقة

اما الصوت الحنين والرقيق اوى اوى بتاع البنات دا جوة الجامعة

فعلا يغيظ ما تخليكى على طبيعتك احلى

بس تصدقى ياragya الرقة بتنفع احياننا فى حجات كتير .... وعن تجربة

احسن ما تكون صاحية من النوم ومتعكننة وتطلعهم علينا

وعلى اية الرقة حلوة .... مرسى ليكى

mustafa.sharf
01-08-2010, 03:08 AM
من عنيا انوى انتى بس

Mostafa Walid
01-08-2010, 03:11 AM
ههههههههههههه والله انتوا مظلومين ليك عليا يا مصطفى انزلكم قانون ليكم ولحمايتكم انتخبونى بس فى مجلس الشعب وانا فى الخدمة
سمر سمر تحيا سمر :022yb4::av4056bb7jp3::av4056bb7jp3::av4056bb7jp3: :d

ايمان4
30-08-2010, 03:32 PM
ايه ده يا جماعة لو اللى انتو بتقولوه ده لسه ملاحظينو انهارده مش بتشوف المدرسين فى مدرسة البنات يبقى الواحد من دول كان بيشتغل فى مدرسة للبنين ويكو اخر روقان زهقان من مشاكل البيت ويجى يطلعو على جتتهم مهم ولاد والمفروض ان الضرب ممنوع فى المدارس همابقى بيطبقو الكلام ده فى مدرسة البنات فقط ولما المدرس يتنقل لمدرسة البنات يبقى هايجيله جلطة دى بتدلع ودى بتتكلم ولو راجل يهب ويشخط فى واحدة منهم يبقى كده يتحول لشئون قانونية وياعينى ياعينى علية

smsma81
30-08-2010, 03:43 PM
علي فكره يا سمر مش كل بييحصل .يعني سواق الميكروباص في الزحمه ومفيش موصلات ينقي الميكروباص كله بنات ليه؟
عشان يزود الاجره في الطريق ومحدش يقفله

بالنسبه للكاسيت كنت راكبه انا واحده زميلتي جنب السواق ومشغل اغنيه مهببه . قالتله خلي الكاسيت علي ادك!
قالهاانت راكبه وانا مشغله!
قالتله وطي الكاسيت!!!!!!!!!!!!!!
قالها بوقف العربيه وانزلي!
قالتله براحتك ولو عايز تطلع علي اقرب قسم مفيش مشكله وخصوصا انك بتشرب سجاير وخلينا نفعل القوانين:d

مشي بس تقريبا عرفها مبقاش يخليها تركب معاه:d:d

usernamo
30-08-2010, 03:52 PM
اه و الله عندك حق فى كل كلمة .. بالذات فى حوار النزول ده .. على جمب ياسطا .. يمسع ينفض انما لو بنت ينهار ازرق الاقى اللى وقعنى من الميكروباص عشان يقول للسواق اقف دى عايزة تنزل و ي سلام على دلع السواق ليها براحتك .. على مهلك .. انما الولد و هو نازل مجرد بس رجلى تطلع برا ... الاقيه طلع بيا مجرد انه يشوف بس سن الجزمة برا !!! اقع انا اموت انا مش مهم .. انما البنت بيطمن عليها لحد ما تروح بيتها و تشاورله من البلكونة !!! و تقولك فين حقوق المرأة .. ^^ انا بقكر اعمل المجلس القومى للراجل ..

samar saad
30-08-2010, 04:16 PM
ميرسى يا جماعه على الردرود المضحكة دى بس والله اانا واقفة مع الشباب بجد فى مصر بيعانوا

Free angel
30-08-2010, 04:26 PM
هههههههههههههههه
موضوع لذيذ جدااااااااا
وبيحصل
يسلموو ياقمر

samar saad
01-09-2010, 01:54 PM
هههههههههههههههه
موضوع لذيذ جدااااااااا
وبيحصل
يسلموو ياقمر

ميرسى يا قمر مرورك الاجمل:av4056bb7jp3:

وجدان حنفي
01-09-2010, 03:36 PM
ههههههههههههههههههههههههههههههههههه

عارفة يا سمر انا كنت خايف اقرأ الموضوع من كام يوم لتكوني مطلعة البنات مظلومة والولاد ظالمين

بس الحمد لله


وشهد شاهد من اهلها


بس على فكرة دة الصح

طبيعي اوي اني اقوم للبنت او الست او طنط الحاجة لما تيجي تركب وطبيعي اني ابلغ السواق لما تبقى نازلة

اما بالنسبة لموضوع الرنات والصوت الناعم والحاجات دي فدي فعلا حاجة بتغيظني


انا ولد بس يقفل الموبايل وانا بركب اي مواصلة فما بالك بالبنت


ربنا يهدينا كلنا

7ooooda gamal
01-09-2010, 03:44 PM
ههههههههههههههههههههههههههههههه
طب والله احنا مظلومين ف الحوار ده

يلا مش مهم احنا واخدين حقوقنا ف حاجات كتير والحمد لله

ههههههههههههههههههههههههههههههههههههههههههههههه

yara attia
01-09-2010, 03:54 PM
هههههههههههههههههههههههههههههههههههههههههه
حلو اوي اوي الحتة الي بتقول
ايه ياعم النايتي مش قادر تقفل الباب اتفو على دا جيل

هههههههههههههههههههههههههههههههههههههههههههههههههه هههههههههههههههههههههههههههههههههه
تحفة اوي اويي انا مش كنت قدرة اسكت وابطل ضحك

ميرسي يا سمر يا قمر علي التوبيك الجميل