******** بسم الله الرحمن الرحيم**********
أولا عاملين ايه.....أنا طبعا عارف ان كل حضراتكوا(شوفوا الأحترام:d) عايزين تعرفوا أفضل الكتب الخارجية وطرق المذاكرة وكده يعنى..........انشاء الله التوبيك ده هيفيد الجميع وحنتكلم عن كل مادة بالتفصيل ..........
أولا اللغة العربية أفضل الكتب فى المادة دى (الأضواء - الوسام - الرسالة) وكل واحد بيرتاح لكتاب بس كلهم كويسين والأمتحان فى المراجعة النهائية..........طيب ازاى أذاكرها؟
هى تنقسم لأكتر من فرع
أولا النحو سهل جدا فى 2ث بس لازم تذاكره أولا بأول وتحل فيه امتحانات السنوات السابقة وبعد كده تراجع على الحاجات اللى خدتها قبل كده زى (البدل *النعت*...........الخ) تمام
ثانيا البلاغة لازم تفهمها كويس وتعرف ايه غرض الأساليب الخبرية والانشائية وكده ونصيحة حاول تخلص البلاغة قبل ماتبدأ فى مذاكرة النصوص لأنها هتغنيك من مذاكرة مواطن الجمال وكده بس لازم برضو تقرا مظاهر الجمال والنصوص طبعا حفظ مش عايزة كلام...بس لازم تقرا التعليق من كتاب الوزارة.
ثالثا الأدب اقراه من الكتاب وبعد كده حاول تحفظه سؤال وجواب وتحل امتحانات السنوات السابقة
رابعا القراءة ذاكرها من الكتاب أو من الأضواء أو حاول يكون ليك كشكول تلخص فيه الدرس على صورة سؤال وجواب وهما 8موضوعات يعنى مش مستاهلين..
خامسا القصة ذاكرها من الأضوااااااااااء لأنه أحسن كتاب فى الفرع ده بالذااااااات كده تمام
سادسا التعبير الوظيفى (البرقية-التهنئة-...............الخ) دى حاجات معروفة وموجودة فى كتب كتيير و الأبداعى اكتب أول حاجة مقدمة عن الموضوع ووضح سبب اختيارك ليه بعد كده الأفكار
وأول فكرة تهتم بأهمية الموضوع أو تعريفه وهكذا مثلا القراءة (أهمية القراءة)
تانى فكرةتهتم ب ظواهر الموضوع أو صوره أو انتشاره مثلا (أنواع القراءة)
تانى فكرة بتعتمد على رأى الدين والعلماء فى الموضوع ده مثلا (حث الدين على القراءة)
الرابعة بقى بتتكلم عن مقترحاتك لهذا المشروع مثلا (مقترحات لتشجيع الشباب عالقراءة)
الخامسة أثر الموضوع على المجتمع والأمة
واللى عايز أفكار تااااااانى يكتب
بس أهم حاجة انك تكتب الموضوع على هيئة باراجرافات وتسيب مسافة صغيرة فى أول سطر فى الباراجراف وتحاول تاخد بالك من التشطيب وتحسن خطك وتستعين بعلامات الترقيم وبرضو تحفظ استشهادات) وبعد كده تكتب خاتمة الموضوع كده انشاء الله مش هتنقص
الماده الثانية هى الأنجليش وأفضل الكتب هى (سربرايز * ذابست*سنيور وده اللى هاستخدمه)
ماده سهله طبعا لازم تحفظ كلمات وتخلى بالك من سؤال الترجمة وplace &speakers وتذاكر القواعد جيدا لأتها المقياس الحقيفى لمهارة الطالب والقصة سهلة بس حاول تخلى بالك من الأسئلة العامة زى دور التكنولوجيا فى القصة وكده..وسؤال القطعة عايز تركيز شويتين مش شوية لأنه ساعات بيبقى صعب نيجى بقى للباراجراف انت ممكن تدخل على جوجل وتكتب كيف اكتب موضوع تعبير باللغة الأنجليزية هايفيدك..........
نيجى بقى للفرنساوى أفضل كتابين merci & bravo
ماده معظم الناس بتقفلها ومش محتاحه كلام بس خلى بالك من الموضوع أو الخطاب اللى بيتكتب وخلى بالك برضو من زمن المضارع والماضى المركب وحل وثايق كتييييييييير
طيب الرياضيات أفضل الكتب (لامى والمعاصر) بلا شك بس من رأيى المعاصر أفضل لأن لامى فيه أفكار تقيييييييييييييلة ورياضة 1 سهلة بس خلى بالك من درس ضعف الزاوية فى حساب المثلثات لأنه صعب شوية وضرورى جداااااااااا تحل الدليل وماتسبش فيه كلمة .................. تمام
الكيميا ذاكر من الكتاب وحل كتاب الأمتحان وفى فترة المراجعه حل الدليل وانشاء الله هاتقفل الماده دى
بس خلى بالك من العضوية جداااااااا والباب الرابع والخامس احفظهم وراجع عليهم كل شوية عشان بيتنسوا بسرعة والباب الثامن(الكهربية) افهمو واحفظو والسادس والسابع مسائل (حل عليهم كتير) والباقى سهل انشاء الله بس أهم حاجة فى الكيمياء المراجعة التراكمية
نصائح عاااامة
1-لوعايز تاخد عند مدرس خد عند اللى بيشرح لأنه أهم من اللى بيدى أسئلة لأن الأسئلة دى شغل حضرتك
ممكن تاخد عند اللى بيدى اسئلة فى المراجعة
2-اياك تهمل أى معلومه أوحاجة حد يقولك مش مهمة (محدش عارف الأمتحان مخبى ايه)
3- لازم لازم تصلى مش تيجى قبل الأمتحان بأسبوع عايز تطبع علامة الصلاة فى وشك :d
4-لماتذاكر أوع تاخدها قفش مرة واحده وتذاكر 6ساعات لأ ابدأ مثلا بساعتين وزود واحده واحده علشان ماتكرهش الكتاب
5-حاول تبقى راااااااجل بمعنى الكلمة لأنى والدك ووالدتك معلقين عليك أمال كتيرة فماتخذلهمش
6-حاول يبقى ليك يوم جدد فيه نشاطك واعمل حاجة انت بتحبها ودى مهمة جدااااااااااا
7-ابعد عن السلبيين اللى بيقولو احنا فشلة يعنى اللى قبلينا خدوا ايه لأنهم هايحبطوك
8-لوفيه معلومة مهمة عايز تثبتها قى مخك ذاكرها قبل ماتنام مباشرة وانشاء الله هتثبت
9-حاول تكتر وانت بتذاكر من العصاير ودى مهمة جدااا والله انا لما كنت بذاكر أكتر من 4ساعات من غير العصاير كنت بحس بدوار
10-أفضل طريقة لمذاكرة المواد الأدبية هى الكتااابة والتسميع (شفوى وتحريرى) والمواد العلمية الحل والكتابة مع بعض
11-راجع أكتر من مرة على اللى انت بتذاكره علشان متنساهوش لأنك بذلت مجهود كبير فى المذاكرة ومش عايز تضيعه كده وخلاص
12-اللى يقولك يااااااااه دا المدرس ده خطييير ومش عارف ايه ملكش دعوة بيه مادام انت واثق فى المدرس اللى بتاخد عنده ولكن لوكان مدرسك وحش سيبه من أول السنة علشان ماتضيعش نفسك
13-أثناء الدراسة حاول تقلل زيارتك للنت حتى المنتدى ده علشان ماتضيعش وقتك لو ضرورى مرة فى الأسبوع
14-أوع تهتم بالكيميا والرياضة والفرنساوى وتهمل المواد التانية زى العربى والله معظم اللى بينقصوا بينقصوا فى العربى
*****كده الموضوع خلص وعلى فكرة أنا قدكوا بس عرفت المعلومات دى من زملاء سبقونى وتعبت جدا فى جمع المعلومات دى فياريت تدعولى ربنا يوفقنى ويوفقكوا السنادى وكل واحد يدخل يقول رأيه والى عنده معلومه يقول أترككم فى رعاية الله

بجد معلومات جميلة اوي

وربنا يوفقنا ويوفقك

وشكرا علي المعلومات

لاشكر على واجب وأى حاجة تانية أنا فى الخدمة:blush:

شكرا على الحاجة اللى انا مش شايفها

علي فكرة يا طارق الموضوع كان حلو جدا وهيفيد ناس كتير

وانا حطيته مدة صغيرة وعايز فيه 90 رد

مش هينفع دا بجد مفيد سيبه ولك ثواب كبير عند ربنا مش الردود هي المهمة اوي

تاني حاجة محدش لحق يدخل

ايه رأيك بقى يا farawla كمان عايز أقولك حاجة انتى كمنى بتسألى عن كتاب انجليش فيه اجابات (bit by bit) بس هو فيه اجابات الwork book وال teacher guideوعايز أوضح حاجة انتى أحسن حاجة تتأكدى من اجابتك مع المستر بتاعك واهتمى جدااااااااااااا بال grammer

موضووووووووع روعه تسلم ايدك
روبنا معانا كلناااااااااا

بجد موضوع جامد:022yb4:
شكرا علي المجهود الكبير:078111rg3:

ربنا يوفقنا جميعا لما يحبه ويرضاه

ايه رأيك بقى يا farawla كمان عايز أقولك حاجة انتى كمنى بتسألى عن كتاب انجليش فيه اجابات (bit by bit) بس هو فيه اجابات الwork book وال teacher guideوعايز أوضح حاجة انتى أحسن حاجة تتأكدى من اجابتك مع المستر بتاعك واهتمى جدااااااااااااا بال grammer


اووووو

المستر بتاعي

بيشتغل وبيحل كل حاجة فيه

كويس جدا

بس انا بانصحك بذابست فى الشرح وسنيور فى المراجعة النهائية وخلى كشكول تكتبى فيه كلمات الترجمة فى كل وحده وتراجعى عليها واخر السنة هتلاقى نفسك عاملة مذكرة ولاأجدع مدرس

بس انا بانصحك بذابست فى الشرح وسنيور فى المراجعة النهائية وخلى كشكول تكتبى فيه كلمات الترجمة فى كل وحده وتراجعى عليها واخر السنة هتلاقى نفسك عاملة مذكرة ولاأجدع مدرس

ايون هعمل كدا بس هجيب الكتب نفسها اول السنة

وهجيب سينيور

موضوع جميل ومفيد جدا شكرا ليك يا طارق وربنا يوفقنا جميعا

شكرا عالنصايح الحلوة دي
وربنا يوفقنا جميع باذن الله
جزاك الله خيرا

متشكريين يا باشا علي المعلومات دي أصلي داخلة تانية ثانوي وحالتي النفسية زفت .

مشكووووووووووووووووور جداااااااااا

الف شكر علي المعلومات الجامدةدي وربنا يوفقنا ويوفقك ان شاء الله

جزاك الله خيرا
موضوع رائع
وربنا يوفقك ويوفقنا جميعا

جزاكم الله خير
موضوع جميل ومفيد
ويارب كلنا نتفوق

شكرالمشاركتك بالموضوع ولو عايزة أى حاجة تانى مثلا زى ازاى تزودىساعات المذاكرة أنا ممكن أقولك عليها

اه طبعا ياريت تقول ازاى نقدر نزود ساعات المذاكرة
موضوعك مفيد جدا ومهم اوى
ولو عندك اى حاجة تانية قولها

والله أنا كتبت الحاجات اللى ممكن تزود ساعات المذاكرة بس الجهاز فصل وأوعدكم انشاء الله انى اكتبها تانى

اوك واحنا مستنين يا طارق

ميرسي ليك كتير وربنا يوفقنا كلنا

ههههه بتحصل معايا كتير
عموما احنا مستنين
وشكرا لمجهودك
وفقك الله

كنت عاوز اضيف معلومه صغيره عن النحو

انت بتقول راجع القديم اللى عاوز يراجعه احسن له يراجعوا من كتاب كلنا بنستلمه واحنا مش عارفين فى اولى ثانوى اسمه كتاب الصرف والنحو حاجه زى كده هو كتاب لونه برتقالى دون فيه النحو من ايام الحضانه

والف الف الف شكر لصاحب الموضوع ربنا يوفقك وكل شباب المسلمين

اه انا عارفة الكتاب ده
كنت بصيت فيه مرة كده اول ما استلمته
هوا اسمه القواعد الاساسية فى النحو والصرف
بس جميل اوى
موجود فيه النحو القديم كله زى ماانت قلت

أنا رجعت
اللى عايز يزود ساعات المذاكرة
1-فكر فى الهدف بتاعك سواء(كلية كويسة -ارضاء الأب والأم-وظيفة مرموقة- دخل كبير-عروسة قشطة:p-أو كل دول)
2-الثانوية العامة سنتين فانا عايزكم تسألوا نفسكوا سؤالين احنا ايه اللى نقدر نعملوا علشان نستفاد من السنتين دول أكتر استفاده ؟ يعنى كتير منكم حتى الى مابيذاكرش بيقول (أنا عايز أذاكر عايز أتفوق ولما تيجى أيام المذاكرة مش بيذاكر طب ايه السبب؟
طبعا أول سبب هو الخوف مثلا من الفشل بس أنا عايزكو تسألوا نفسكوا سؤالين ايه أوحش حاجة ممكن تحصل لوذاكرنا أو زودنا ساعات المذاكرة هنموت مثلا؟ طبعا لا طب ايه أحسن حاجة ممكن تحصل لو ذاكرنا هنبقى متفوقين وهنفرح والدينا بينا ومش هانخليهم يزعلو مننا
3-ثق فى نفسك واياك تقول كلمة أنا فاشل يعنى لما تقول أنا فاشل مخك كأنه كمبيوتر اللى بتدخله فيه بيطلعه تانى زى مادخلته يعنى لوقلت أنا فاشل أنا فاشل مخك بكل بساطة يتجه بأحاسيسك وعواطفك الى أنك فاشل فهاتتعب نفسيا ومش هاتذاكر
4-حاول تعرف ايه الوقت اللى انت بتحب تذاكر فيه يعنى أنا بحب أذاكر من 7الى 12 ومن 8الصبح الى 11فى الأجازة كمان ممكن تقسم وقت المذاكرة لفترتين لوهاتزهق يعنى
5-ذاكردروسك اللى بتاخدها أولا بأول وماتسبش حاجة هتلاقى المستر بتاعك بيمدح فيك فده هايكون دافع ليك أنك تزاكر أكتر
6-فيه ناس بتحب مكافأة المذاكرة قبل ماتذاكر وفى ناس بتحب المكافأة بعد يعنى أنا مثلا ماكنتش أعرف اذاكر غير لولعبت ماتش فيفا عالكمبيوتر وانت براحتك بقى
7-جاول تكون أوضتك نظمة بقدر الأمكان ويكون مكان المذاكرة هادى
8-ممكن تقرا قبل المذاكرة ولوصفحة واحدة من القران الكريم وبعد ماتخلص تقرا مثلا صفحة تانية علشان ربنا يساعدك
9-أياك يكون حدصاحبك فاشل أو محبط وتقعد جمبه لأنه هايشدك لسكته وأوع تفكر أنك ممكن تصلحه
10- أوع مثلا أول يوم تبدأمذاكره فيه تذاكر ساعتين وتانى يوم تذاكر 8ساعات كده نظامك هايتلخبط انت كل يوم زود ربع ساعة أو نص وانشاء الله هاتوصل لعدد ساعات كويس
11-أوع تحسب المذاكرة بعدد الساعات لأن المذاكرة بكم المواد وكيفها ومدى سهولتها وصعوبتها
12-ماتذاكرش فوق السرير أو جمب التليفيزيون (يعنى ماتحطش البنزين جمب النار
13-ثق تماما أن ربنامعاك وهايوفقك ولوحتى كنت بتذاكر 3ساعات بس برضو الى بيذاكر 6غير اللى بيذاكر 2 واللى بيجتهد غير اللى مابيجتهدش وكل واحد بيكبر عاللى هو فيه
14-حاول تشوف ايه مشاكلك وتتخلص منها أو تقول لحد متخصص وهو هايحلها لأن أخطر مرحلة هى مرحلتنا دى
.......................فى رعاية الله

جزاكم الله الجنة

بجد نصايح حلوة اوي يا طارق

وياريت لو في تاني

والموقع دا مفيد بجد للي عايزين حاجات اكتر عن المذاكرة

http://www.grenc.com/sfiles/stady/stady10.htm

ودا مش اعلان لمواقع تانية لان دا قراءة فقط ومش فيه اي دعاية

مااااااااااااشى يافراولة
1-لما تذاكرى حاولى تحفظى بالأفكار وتحاولى تخلى الدرس أفكاره بتتكلم عن 5الى 7 أفكار وكل فكرة تحتيها الأفكار الفرعية بتاعتها والفرعية تختيها الأفكار الثانوية(ايه ده ياعم طب ليه 5الى 7أقكار بالتحديد؟ علشان العقل البشرى بيفتكر 7معلومات يابالسلب يا بالأيجاب وصعب يفتكر أكتر من كده
2-حاولى تعملى تلخيص للدرس بالطريقة اللى بتحبيها حتى لوهاتكتبى الدرس بالطريقة العامية
3-ممكن تحددى الأفكار الرئيسية بلون والفرعية بلون وهكذا بيساعد على تذكر المعلومات
4-على فكرة فيه ناس بتحب تعمل جدول وفيه ناس مابتحبش انا شخصيا مابعملش بس جدولى بيكون فى دماغى
ومعلش بقا معنديش وقت أكتر من كده....لأنى بذاااااااااكر ونصيحتى حاولى تقللى من دخولك للنت وياريت تقولى ايه أحسن المذكرات فى المنتدى لكل المواد

مهو انا لسا بدات انهاردة ومش بدخل كتير زي الاول

علشان بدات درس واحد بس

انا بستفاد فترة الاجازة هدخل بسرعة واشوف معلومات واخرج

بالنسبة للملخصات الرياضة مش في اوي


كيمياء في امتحانات بس انا مش هطبع امتحانات علشان المستربتاعي هيدني امتحانات كتير

فرنساوي كل المدرسين بيقولوا احسن تنزل حاجات 2011 ودي مش عارفة هتنزل امتي

بس لو لغاية العيد مش هتنزل هبقي اخلي اخويا بدخل المنتدي وينزلي الوثائق المهمة

و الانجلش اليونتات مستر عصام وهبه ودي نزلتها كلها وهطبعها والقصة في ملف قصة مش فاكرة اسمه

بس هتلاقيه مكتوب عليه العناكب 2010 هبقي اجيبه دا انا وخداه عالميل من واحدة صحبتي داخلة تالتة

قالتلي رهيب وفيه حاجات جامد بالنسبة للمهارات المنتدي مليان ونزل كتير عن الاسئلة المهارية

انا نزلت و مكسلة اجيب حبر للبرينتر

العربي دا لسا هشوف حد من الي اكبر مننا يقولي انزل ايه حلو

ولو عندك اراءء تانية قولنا نستفيد من بعض

والله انا تعبانة شوية ومش فاكرة حاجات كتير اكتبها لما افوق عايزة اقول لكم حاجات كتير كويسة

وربنا يوفق الجميع

جزاكم الله خيرًأ على المعلومات القيمة دى
بجد أنا حسيت بتفاؤل من أول ما دخلت المنتدى....كنت حاسة أنا هبقى متأخرة أوى لأنى لسة مبديش

بس أنا عندى استفسار...هو السنة اللى فاتت الترم الأول أنا مخدتش الجزء بتاء الكيمياء النووية غير أول 3 صفحات فى كتاب المدرسة و الكيمية العضوية بردو نفس النظام عشان انفلونزا الخنازير:ph34r:...دا يبقى ليه تأثير فى تانية ولا ايه؟؟ :confused:


ورنا يفقكم جميعا إن شاء الله وكل واحد يدخل الكلية اللى هو عايزها
^_^

أنا فعلا نزلت units بتاعت الأستاذ الفاضل عصام وهبة وشكرا على دخولك وبالنسبة للأخت اللى بتسأل عن الكيميا بقولها ماتقلقيش خاااااااالص لأنى الكيميا بتاعة تانية أجمل من أولى بكتييييييييييير وملهاش علاقة أوى بأولى

الناس اللى بتتكلم على الكتب الخارجيه هى فين الكتب اللى ممكن نشتريها الوزير واقف التراخيص يا ريت حد يعلق على كلامى

موضووووووع رائع جدا بصراحه

وشامل لكل اللى محتاجه طالب ثانوى

شكرا اوى تسلم ايدك بجد;)