عشت كتير و شفت اكتر
ناس اشكال والوان
واحد يضحكلك والتاني يكشرلك
و بتسأل مين حبييك ومين صديقك؟
و اتاري اللي بيضحكلك بيضحك ع اللي هيجري لك
و اتاري اللي بيكشرلك بيكشر يمكن تتضايق
و في الاخر كله واحد لا ليك حبيب ولا صديق
عايش وحيد في غربتك بتدور يمكن تلاقي دنيتك
و في الاخر مانتش ملاك زيك زيهم بشر قلاب
تروق شوية وتتضايق شوية
تضحك لده وتبكي لده
و اتاريك زيك زيهم
و بتسأل مين حبيبك؟ ومانتاش قادر تحب نفسك
يبقي مين هيحبها؟

انا سعيد انى اكون من اوئل الناس اللى ترد على موضوعك الجميل الرائع ده بجد كلام جميل واحساس اجمل ومشاعر جميل اكيد انتى هتكونى اجمل واجمل واجمل يا ريكا وشكرا جدا على الروائع اللى بتمتعينا بيها
واتمنى ليكى التقدم وتكونى الافضل دائما

:unsure: :unsure: :unsure:


نقدر نقول عليها خاطرة ... او عمل نثرى ...

طبعا انا مش ااقصد حاجة وحشة ... بس بجد هى بتفتقد كتيييييييييييييير من لون الشعر ...

وبالذات العامى ...

فين القافية ... والاسلوب ... والكلمات اللى تدى الاحساس ...

فين حاجات كتير ؟؟

مش هتكلم كتير عشان مطولش ...

بس ااقدر اقولك ان اجمل ما فيها هى ( الفكـــــــــــرة )

وبجد لو اتظبطت شوية ... هتبقى ممتازة ... وياريت تحاولى فيها ...



واسف لو طولت او رأييى يزعل ...

ميرسي اوي بجد ع رايكم ونقدكم الصريح
ع فكرة انا باكتب كده ديه حاجة في نفسي وقولتها
وانا مش كاتبه ومش هاجي حاجة فيك يا بري خف عليا شوية
دول كلمتين كانوا في نفسي قلتهم :D
و اكيد طبعا انا مش شاعرة ولا غيره
بس بجد ميرسي اوي ع صراحتكم و كويس الفكرة طلعت حلوة :P
يجئ مني ع اخر الشهر :rolleyes:
ميرسي اوي ع مروركم كلكم