السلام عليكم ورحمة الله وبركاااته
.
.

بدون مقدمآت :078111rg3:
.
.

أي رأيكم بالمقولة دي ؟؟

{أن كثيرمن الناس العاديين بدأو يقتنعوا بأن الصيدلى بقال لدرجه وصلت الى عزوف بعض الطلبه عن دخول كلية الصيدله بسبب هذا القول تصوروا ....؟؟؟؟


ليه نظرة الناس بقت كدا ؟؟؟ بجد انا حاسة ان الصيدلة اصعب من الطب وطب اسنان ..1

وفعلا الشغل بقى سلطة .. بتوع تجارة ازاي يقفوا في صيدلية ..

ما ينفعش كداااا ..

ليه مفيش اهتمام بالصياااادلة ..:angry:

بالعكس الصيدلي ممكن نسألوا لو عيانين بدال المستشفى .. وهوا اللي بيديلنا الدواا وبيوصفوا .. بالعكس خبرة .. وحكمة :d

يعني بجد دي الحاجة الوحيدة اللي بتخلي اللي عايزين صيدلة يحتااروا .. النظرة الدونية لمهنة الصيدلي :frown:

الصيدله مش اصعب من البشري ولا الاسنان ده رقم 1
الصيدلي المفروض ما يديش دوا لحد عيان من غير روشته ...هو الصيدلي بقي طبيب واحنا مش عارفين ده رقم 2

الفرق بين الدكتور والصيدلي .. فرق واحد برأيي

ان الصيدلي بيصرف الدواا + علمه الزاايد بالدوااا

اما الدكتور بيعالج المرضى هوا دا الفرق

بالعكس الصيدلي لي دور كبير .. وبيكون عندو علم وااسع .. بالامراااض و الادوية


اسمحولي .. بس كل واحد واللي شايفوا

المهم سؤالي بيركز على مشكلة " الصيدلة " مخدتش حقها ..

عشان نتناقش بشكل موضوعي ....حضرتك في سنه كام صيدله ؟؟

الصيدله مش اصعب من البشري ولا الاسنان ده رقم 1
الصيدلي المفروض ما يديش دوا لحد عيان من غير روشته ...هو الصيدلي بقي طبيب واحنا مش عارفين ده رقم 2


ايوااا دكتور صيدلي .. >> دي مشكلتكم محقرين الشغلة دي بالرغم من اهميتها :excl:

امال ليه الصيدلة موجودة ضمن المجموعات الطبية مع طب اسنان وصيدلة :excl:

انا لسة مخلصة ثانوية ... من برا ..
.
.

و التنسيق بعد بكرة ..!

.
.
والواحد مجموعو يجيب بس ميولي صيدلة والعائق اللي قصادي ان الصيدلة مش واخدة حقهاااا بين باقي الكليات ومش الكل محترمها ..! هوا دا اللي مخليني في تردد بين الصيدلة وطب اسنان

.
.

كلامي واضح حضرتك ...انا قلت طبيب مش دكتور
الطبيب هو :
طبيب بشري
طبيب اسنان
طبيب بطري

الصيدلي ما هو الا صيدلي

ولقب دكتور تمنح لمن اخذ الدكتوراه في اي كليه (غالبا البشري بيخدوا معظمهم الدكتوراه )

وحضرتك ما جاوبتيش انت في سنه كام صيدله عشان النقاش يبقي موضوعي

جـآوبــتــ . . ~

ممكن نصيحة من حضرتك .. صيدلة ولا طب اسنآن ؟؟

لاني في حيرة كبيرة

انا لسة مخلصة ثانوية ... من برا ..
.
.

و التنسيق بعد بكرة ..!

.
.
والواحد مجموعو يجيب بس ميولي صيدلة والعائق اللي قصادي ان الصيدلة مش واخدة حقهاااا بين باقي الكليات ومش الكل محترمها ..! هوا دا اللي مخليني في تردد بين الصيدلة وطب اسنان

.
.


سوري ...عليا الانسحاب من المناقشه لسببين :
اولا قله علم حضرتك لانك لسه مخلصه ثانوي
ثانيا معندكيش استعداد انك تسمعي وتفهمي (للاسف)

المهم : لو عايزه صيدله ..ادخليها ..انا لو اختي جابت مجموع بشري هتدخل صيدله (افضل كليه للبنت )

في رعايه الله

ممكن نصيحة من حضرتك .. صيدلة ولا طب اسنآن ؟؟

لاني في حيرة كبيرة


صيدله احسن ليكي بكتييييييييييييير

سلاااااااااااااااااام

مين قال اني مش عندي استعداد افهم ..!؟؟؟



بالعكس احب اسمع آراء الجميع ..!

الصيدله مش اصعب من البشري ولا الاسنان ده رقم 1
ده حضرتك بناء علي إيه أنك جربت ال 3 كليات يعني إيه دليل حضرتك علي كده
الصيدلي المفروض ما يديش دوا لحد عيان من غير روشته ...هو الصيدلي بقي طبيب واحنا مش عارفين ده رقم 2
فعلآ حضرتك مش عارف
حضرتك ما تسمعش عن ال otc
over the counter
يعني الأدويه التي يمكن صرفها دون روشته
أحب أقول لحضرتك أن الطبيب بيروح يدرب في صيدليه برده أظن دي معناها واضح

{أن كثيرمن الناس العاديين بدأو يقتنعوا بأن الصيدلى بقال لدرجه وصلت الى عزوف بعض الطلبه عن دخول كلية الصيدله بسبب هذا القول تصوروا ....؟؟؟؟



ليه مفيش اهتمام بالصياااادلة ..:angry:



يعني بجد دي الحاجة الوحيدة اللي بتخلي اللي عايزين صيدلة يحتااروا .. النظرة الدونية لمهنة الصيدلي :frown:
لا حضرتك دي نظره الناس المتخلفين مش العاديين إيه مصدر معلومات حضرتك
ومين قال كده إصلآ
حضرتك لادخلتي صيدله ولا وقفتي في صيدليات طب بناء علي إيه
أكيد وارد أننا نسمع الكلام ده من الحاقدين وأصحاب الأمراض النفسيه
ومين قال مفيش إهتمام بالصيادله دول من صفوه المجتمع

اكرر .. ان دا مش كلامي .. دا كلام الغالبية من النآس ..

عالعموم انا هدخل صيدلة .. رغم انف الحاقدين .. ان شاء الله

انا كمان جي من برآ
اللي بيقول ان خريج الصيدلة
مش اسمه دكتور
اصلا مفيش
حد
يبقى اسمه دكتور
الا لو كان خد الدكتوراه
ان شاء الله لو معهد فني صناعي
مع احترامي ليهم
انا الحمد لله مجموعي يجبلي هندسة بترول
لكن ان شاء الله
صيدلة القاهرة


وبالنسبة لتحقير مهنة الصيدلة
أي نعم ممكن واحد واخد دبلوم يبيع في صيدلية
لكن
معظم الشعب المصري بيكرهو الدكاترة
بيروحو للصيدلي يقولو انا عندي كزا وكزا
والدكتور الصيدلي بيديلو الدواا
هل بقا بتوع الدبلومات والتجارة يعرفو يشخصو الحالة
باردو مع احترامي لخريجيت التجارة والدبلومات
واحسن حاجة كل واحد يشتغل في المجال بتاعه

أن كثيرمن الناس العاديين بدأو يقتنعوا بأن الصيدلى بقال لدرجه وصلت الى عزوف بعض الطلبه عن دخول كلية الصيدله بسبب هذا القول تصوروا ....؟؟؟؟




انا مش بقاله
انا صيدلانيه محترمه
سورى يعنى
مع احترامى لكل الناس
الصيدلى اهميته فى الطب كبيره جدا جدا
زيه زى الطبيب البشرى
ومعلش مش بحب حد يغلط فى كليتنا بالذات
لاننا بجد بنتعب فيها
وشكرا يعنى على الردود المشجعه

* أهمية الصيدلة من المفترض ألا يختلف عليها اثنين ..

* لا يوجد عزوف عن كليات الصيدلة بل بالعكس الأعداد التي تقبل بها أكثر من الأعداد التي تقبل بكليات الطب البشري والأسنان .. والذي أدى طبعاً إلى زيادة الصيدليات بشكل كبير جداً وملحوظ .

* نقطة أخرى لم يطرقها أحد والخاصة بوقوف أفراد غير صيدلانيين في الصيدليات .. هذا الأمر يُسأل عنه الصيادلة أنفسهم .. هم مَن سمح بعضهم بذلك إن لم يكن الغالبية العظمى .

شكرا يا جماعة ...

بس عايزة اي طالبـ/ـة صيدلة يكلموني عن صيدلة في السنة الاعدادية .>> اجوائها

اصعب حاجة واجهتكم في صيدلة ؟؟

اي كلمة تشجيعية تخليني ادخل صيدلة .. بجد انا زهقت من الحيرة بين صيدلة واسنان

أقولك علي حاجه تعرفي أن إعدادي صيدله زي إعدادي أسنان إصلآ
هقولك علي حاجه أحسن أدخلي صيدله لم تحتكي بالطلبه وتعرفي الكليه إلي هتلاقي فيها نفسك
أبقي قرري عشان ينفع التحويل من صيدله لإسنان والعكس طالما جايبه مجموع الكلييتين
وهتدخلي علي الفرقه الأولي علي طول دون الرجوع للإعداديه بس هتشيلي ماده واحده
والكلام ده في جامعه إسكندريه

وحاجه كمان مهمه جدآ
حد يعرف إيه الفرق بين الطبيب البشري و طبيب الأسنان
رأي الشخصي ولا حاجه
ده طبيب بشري وده طبيب بشري
ده عنده عياده وده عنده عياده
بس الفرق أن الطب مش محدده أنت هتخصص في إيه
إما الأسنان محدده من الأول
زي مثلآ لو لغينا قسم الحاسبات من الهندسه وإكتفينا بكليه الحاسبات والمعلومات
لو لغينا قسم البترول والتعدين من كليه الهندسه وإكتفينا بكليه البترول والتعدين
يعني من رأي الشخصي أن كليه طب الأسنان تابعه لكليه الطب البشري
والدليل علي كلامي بإعتبارها قسم من كليه الطب البشري أنها بتتقبل إعداد قليله
مهو مش معقول هتقبل هتخرج ألف ونصف طبيب أسنان كل عام من جامعه
وده طبعآ عشان الناس إلي بتقول دي ميزه أنها بتقبل إعداد قليله
هي مش ميزه ده الطبيعي
ده الواقع كما أراه
وبالنسبه لك إستخيري ربنا برده
الناس إلي إتحددت بمجموع وماكنش إدامها إختيارت دول ربنا إختار لهم عشان ميندموش إبدآ

* أهمية الصيدلة من المفترض ألا يختلف عليها اثنين ..

* لا يوجد عزوف عن كليات الصيدلة بل بالعكس الأعداد التي تقبل بها أكثر من الأعداد التي تقبل بكليات الطب البشري والأسنان .. والذي أدى طبعاً إلى زيادة الصيدليات بشكل كبير جداً وملحوظ .

* نقطة أخرى لم يطرقها أحد والخاصة بوقوف أفراد غير صيدلانيين في الصيدليات .. هذا الأمر يُسأل عنه الصيادلة أنفسهم .. هم مَن سمح بعضهم بذلك إن لم يكن الغالبية العظمى .



تمام راى حضرتك اوى
بس المشكلة مش فينا احنا اساسا المشكلة ف الصيادلة الكبار قدامى والله يقلك انا ايه اللى يخلينى اجيب صيدلى اوقفه ف الصيدليه ويتعامل معايا بالساعه
اى حد يقف ومرتبه ف المعقول عليا

شكراا اخواني واخواتي على النقاش الطيب ..

وشكرا جزيلا الاخ الكريم محمود ايهاب ..

شكراا اخواني واخواتي على النقاش الطيب ..

وشكرا جزيلا الاخ الكريم محمود ايهاب ..

العفو ربنا يخليكي ويجزيكي خير

لاقيمه للطب بدون الصيدله
وكل كليات المجموعه الطبيه بتكمل بعضها والصيدله لها اهميه كبيرة جدا وكتير من الناس مش بتحب تروح للدكاترة وبتكتفى بسؤال الصيدلى وبيكون عارف وعنده خبرة وممكن اكتر من الدكتور البشرى كمان
وبعدين اى حد بيقف فى صيدليه دا مش احتقار للمهنه
بالعكس
لما الصيدلى الكبير اللى هو صاحب الصيدليه يشغل فيها دكتور اخر اكيد هيضطر يدفع مرتب كبير جدا ودا بيدل على قيمه الصيدلى
ومش احتقار للمهنه ولكن الصيدليات الكبيرة كل اللى فيها صيادلة ومساعدين مش خريج دبلوم وتجارة

انا بقول كفاية لحد كده

الواحد زهق من مناقشة قضية الكليات و الكليه الاصعب

مش بالصعوبة والله العظيم

الكلية الكويسة هي الكلية اللى الشخص مقتنع بيها

ومش من دورنا ان الواحد يقنع الناس بكليته لا

المهم ان الواحد هو اللى يبقى متقنع بيها


عارفة انتى لو وصلتي لدرجة الاقتناع التام بكليتك والله العظيم مش هتقولي كدا

ولا هتبقى محتاجة انك تقنعي الناس بكليتك

وتدافعى عنها لانها طالما هي كلية يبقى ليها مكانة كبيرة

ولا مش كانوا درسوها للناس

اما لو مش مقتنعة بيها دا كلام تاني

وكنت عايزة اقولك ان انا في يوم من الايام كنت زيك كده وعايزة

الناس كلها تقنع بالكلية بتاعتي

و الكلام ده

بس صدقيني لو فكرتي شوية اكتر وا تشغلتي بالدراسة الي هي صعبة جدا

لان كل الكليات الطبية صعبة جدا وعايزة مذاكرة

هتحسي ان كل اللي كان دا كان كلام فاضي و هتضحكي ع نفسك


ارجو مش اكون اتكلمت بشدية شوية

وتقبلي مروري

انتهى الغرض من الموضوع
قامت العضوة بالسؤال وانتهى النقاش وشكرت هى من أفادوها

وأعتقد أنه من غير اللائق التجريح أو السخرية من أى كلية مهما صغرت أو كبرت


وعن رأيى الخاص
أنا أعز كلية الصيدلة جداً وبتمنى شاهندة بنتى تكون صيدلانية ولا أتمنى لها كلية الطب
والله على ما أقول شهيد

وناس كتير عارفة عنى هذا



بالتوفيق للجميع

رأيك رائع يا طالبة ولكن
وتوقيعك روعة الروعة

تحياتى