|
مشاهدة النسخة كاملة : سؤال بسيط ياريت حد يجاوبني emmawatson 02-08-2010, 02:22 PM بسم الله الرحمن الرحيم أنا طالبة خلصت تانية ثانوي الحمدلله و جبت 90% بس عايزة أعرف هو المجموع ده آخر حاجة ممكن يوصلها السنة الجاية ان شاء الله كام ؟؟ ممكن نصيحة بالنسبة للمستوى الرفيع انا محتارة بين الإنجليزي والعربي ؟؟ يوسفباشا 03-08-2010, 10:30 AM السلام عليكم ورحمة الله وبركاته نعتبر ان انتى السنه اللى جايه مش هتنقصى غير درجه فى العربى وهتيجى 9 فى المستوى الرفيع من عشره يبقى انتى مجموعك هيكون ميه ونص فى الميه لما نوسطن هيبقى المجموع 95 ونص المستوى الرفيع : انا تقريبا هاخد عربى وهقول السبب منهج الانجليزى ممكن يكون صغير لكن الامتحان بقى الصراحه ممكن يتخسر فيه درجات انا سمعت ان فى ناس جابت 9 ونص بس انا حملت امتحان السنه اللى فاتت لاقيت ان فيه اسئله صعبه ممكن يكون ده علشان انا مش مذاكر بس انا هاقولك الاسئله 10 تشوز ( ممكن واحده تكون غلط مثلا) 5 ريرايت 5 كوريكت قطعه وعليها اسئله بس ديه بخاف منها شويه قطعه وعليها اختار وبعيدن قطعه ويقولك اختار احسن وافضل نهايه ليها بامانه سوال ذمى شويه وبعدين اكتب مقال من 20 سطر بس صدقينى حاولت الاقى 20 سطر بالعربى ملاقتش العربى بقى منهجه الى حد ما طويل شويه بس مش اوى يعنى حوالى 10 دروس او 15 قراءه يعنى هياخدوا مجهود شويه بس ايه هتخشى الامتحان السوال الاول قراءه مفوش معانى بيتهيقلى هو س و ج الى حد ما مضمون السوال التانى ادب س و ج الى حد ما مضمون بعد كده بقى سوالين بلاغه وفى واحده من الاتنين فيها اربعه اعراب بس ممكن يضمنه فا كده يعتبر ايه كل سوال هتحليه صح فى البلاغه هيعديكى فوق ال 5 وده هيتحسب فى المجموع ده رايى انا وانا فعلا 90 فى الميه هاخد عربى بس لو انتى عاوزه انجلش اوعى تغيرى رياك واسال المدرسين وباقى الاعضاء واستخيرى ربنا وربنا معاكى emmawatson 03-08-2010, 01:27 PM متشكرة قوي على الإجابة الوافية دي ربنا يوفقنا جميعا بالنسبة للمستوى الرفيع ربنا يسهل بس هو بيعمل ايه بالنسبة للمجموع يعني بيحسنو ازاي يا ريت لو حد يعرف يقول لي يوسفباشا 03-08-2010, 09:46 PM السلام عليكم ورحمة الله وبركاته اولا : العفو ثانيا:المستوى الرفيع بيدى درجات ازاى بقى ؟؟ بصى هو من عشره لو انتى جبتى 5 من عشره يبقى انتى كده مش هاتخدى حاجه فى المجوع الكلى ولا هتنقصى حاجه كانك مدخلتيش الامتحان اصلا اما لو جبتى سته من عشره مجموعك هيزيد درجه فى المجموع الكلى لو جبتى 7 هيزيد درجتين لو 8 هيزيد 3 لو 9 هيزيد 4 لو 10 هيزيد 5 بس عاوز اقولك انك لازم السنه الجايه تشدى حيلك جامد اوى اكتر من السنادى كمان وباذن الله ادعى ربنا وهو هيكرمك wael bond 04-08-2010, 12:06 PM انا جبت 88.5 فىتانية وداخلة تالتة وانتوا عارفين الامتحانات كانت عاملة ازاى وانا كمان اتظلمت فى التاريخ مع انى كنت بذاكرة كتير ومهتمة بية اوى وحاسة باحباط وياس من المجموع وخايفة ان السنة اللى جاية تكون اوحش emmawatson 04-08-2010, 02:30 PM يوسف متشكرة قوي ربنا معانا ده احنا هنطحن السنة دي ربنا يستر wael bond ربنا يستر احنا عملنا اللي علينا في تانية و ربنا يسهل في تالته يا رب بس لازم ما نعقدش نفسنا والا هنخسر تانية وتالته يوسفباشا 04-08-2010, 03:14 PM اختى فى الله انت علمى رياضه؟؟ لو انتى علمى رياضه يبقى لازم باذن الله تشدى حيلك فى رياضع اتنين يعنى لابد من عدم الاكتفاء بالحل من كتاب واحد لا نلتزم بكذا كتاب يعنى شوفى المستر ماشى منين وامشى انتى من كتاب تانى وكمان اهتمى بالفيزياء بس طبعا ان مش بقول اهملى باقى المواد لالالالالا ركزى بس على الاتنين دول وطبعا العفو انا معملتش حاجه خالص وعلى فكره انا لسه داخل تانيه يعنى ادعيلى ان ربنا يستر معايا |