جارتى دخلت تربيه اساسى قسم لغة عربيه وكان مجموعها 91.2 سنة
وهى حسب تنسيق 2008
وكانت تربيه عام مش اساسى واخده من 90.4
بس هى دخلت اساسى

جت فى سنه اولى عادت السنه وبقت فى سنه اولى تانى
وجت فى سنه اولى السنه دى تانى ونزلت فى 9 مواد
و اتفصلت بس ما قالتش ليا السبب ايه
طبعا هى مدمرة ومش عارفه هتقدم ازاى فى كلية ولا هتدخل كلية ايه ولا تعمل ايه السنه دى بقى ؟

انا فى تربيه عام سنه 3 بس مش عرفت افيدها بحاجه بس صعبان عليا حالها لانها والله بتذاكر بسمش عارفه تنجح خالص مش عارفه ايه السبب

ياريت لو حد يعرف
يقولى تقدم من جديد خالص كأنها ما دخلتش كلية قبل كده ازاى؟
وتدخل حسب انهى تنسيق بتاعها ولا اقل؟
وتقدم فين كده؟
وامتى؟

وشكرا للجميع
وبليز رد بسرعه عشان هى لا بتاكل ولا بتشرب و حالها هى ومامتها صعب اوى
وكل اللى عليها تقول نفسى اموت

بليز اللى يعرف او حد عنده حد يعرف يسأله ويقولى

جزاكم الله كل خير

انا اللى اعرفه انها ممكن تقدم على اى كلية تجيب مجموعها بس حسب التنسيق بتاع السنة بتاعتها بس ما ينفعش تدخل نفس الكلية تانى وربنا يوفق الجميع

هى مش عاوزه تشوف كليتها تانى
وانا فضلى سنه فى نفس الكلية ومش بطيقها اصلا

يعنى هى بس عاوزه تقدكم من جديد وتدخل اى كلية اداب او تجارة او اى حاجه والسلام
اصل مامتها بتقولى يألت وقالو لها تدخل كليات حسب المرحلة الثالثه فى تنسيق السنه بتاعتها بالرغم انها كانت مرحلة اولى عشان جايبه 91.2
حضرتك لو تعرف بالنسبه للنقطه دى لو سمحت قولى صح ولا لا؟