انسى ياقلبى اللى باعوك
اللى ادتهم حب خانوك
وال فى جرحك يوم ظلموك
وال فى فرحك راحو نسوك
خدت اية من هم الناس
ملامة وغيرة وشوق وخلاص
ناس بتجرح بدون احساس
كل حياتهم كتم انفاس
انــسى ياقلبى كل همومــك
اوع تعيش غير فــرحة يومك
مهمــا كل الناس هــاتلومــك
انس وعيش صحيانى ونومك
هى حياتنا اسى ودموع
يوم ماتحب تعيش مخدوع
وانت فيها دموع لشموع
لهم الفرح وانت الموجوع
لا مش كل الناس خاينين
ناس بتعيش وياها حزين
وناس تديلك شوق وحنين
اوع يا قلبى تعيش مسكين

اتمنى ردكم بصراحة

كنت اتمنى انى اسمع ارائكم حتى لو مش عجباكم

هو فيها شوية نقد يا ( شاعر الاحزان ... )

يعنى مثلا كلمه ( بدون ...) ... طبعا تقيلة , ومش ماشية مع الكلمات اللى قبلها ولا اللى بعدها عشان انت

بتتكلم فى نطاق عامى واستمخدمت كلمات عامية ... خليك على النهج ده ... وبلاش تغلط


!! ... ( كل حياتهم كتم انفاس ... ) ... لزمتها ايه ؟؟ عايز تقول ايه من خلالها ؟؟

!! ... ( عيش صحيانى ونومك ... ) ... فى احسن من كده...



بس مضمونها جميل وفكرتها كويسة ...

وحاول تقرى اكتر ...

حلوة يا شاعر بس مقدرش افيدك برأيي عشان مش بفهم في العامي :)

جميله يا شاعر احساسها حلو بس زى مقال بروكين هيرت وفى ابيات كتير لو اتشالت مش هتاثر وهتقلل الغلطات كتير
وبداية جميله منتظرين الاجمل:)

اشكركم على ارائكم واتمنى ان اسمع ارائكم فى القادم

اتمنى ان اسمع رايك يا مازن فى اغنية الفراق

اتمنى المشاركة من جديد

موضوع جميل و الكلامت رائعة و باين احساسك اوى فيها
بس حسة انها محتاجة شوية تظبيط

شكرا ايمان على مرورك وسعيد بمشركتك

جميله اوى وإحسسها عالى
دمت لنا نبدعاً
أخى الفاضل

جزاك الله خيرا

رائع ماشاء الله

نورتى الموضوع بوجودك مروج البحر وشرفنى ردك على موضوعى

وحشتونى اتمنى ان نبدع من جديد

جميلة اوووى واحساسها جميل بس بجد الحزن اللى ماشى فى المنتدى كله هيجنننى