so banota
03-08-2010, 12:25 AM
انا جبيت 88 % و الحمد لله طبعاً على كل حال
انا مش عارفه اكمل علمى رياضه ولا ادبى
بس انا مش بحب التاريخ و الحفظ
و نقصت فى الرياضه ؟؟؟!!
هتجنن يا ناس قوليلى الدورس هتبدأ و انا مش عارفه اى حاجه
اعمـــل ايــــــــــــــــــــــــــه .............!!! :frown:
الشفق الباكي
03-08-2010, 12:52 AM
انتى اكتر واحده عارفه مستواكى فى الرياضه
يعنى عارفه النقص اللى حصلك دا بسبب ايه
انتى مثلا مش شاطره فى الرياضه او ميولك مش رياضيه ولالا
ولا دا ظروف امتحان ولا ظروف خاصه
انتى ادرى بجد من اى حد تانى
بالنسبه للمجموع
انا اعرف ناس كتير كانت جابه المجموع دا سنين قبل كده ودخلوا هندسه
بس هم فعلا كانت دماغهم رياضيه ومش ينفعوا غير فى رياضه 2
بس ملحوظه مش تقارنى سنه بسنه لان كل سنه ليها ظروفها الخاصه
حاولى تشوفى انتى بجد ميولك رياضيه ولالا الاول
لو لا
يبقى توكلى على الله وادخلى ادبى وتحملى الحفظ شويه
لان الحفظ بيجي غير الرياضه
يعنى الحفظ ممكن ياخد منك مجهود
لكن مثلا لو انتى ميولك مش رياضيه تقدرى تتحملى الرياضه
بصلها كده
وربنا يوفقك
so banota
03-08-2010, 01:09 AM
ميرسى اولاً على ردك
ثانياً : انا ميولى رياضيه و الحمد لله كنت شاطره فى الرياضه و المستر كان متوقعلى 50
بس للاسف فى التفاضل مسحت سؤال كامل لانى فاكره انتى نقلته قدام بضعط من المراقبه
علشان هى مش عايزه كلام رصاص فى الورقه اما الجبر فنقلت رقم غلط و المستر قلى هى نص درجه اللى هنقصها
بس للاسف نقصت 3 درجات درجه السؤال بالكامل و خايفه الحكايه تتكرر تانى معايا
لولا كده كنت افقلت الرياضه بس الحمد لله
و المشكله بقى ان فعلاً الحمد لله كويسه برضه فى التاريخ يعنى ممكن اعصر مخى و احفظ بس خايفه
من الكميه لان التاريه بتاع اولى ثانوى غير تانيه لانه 13 باب فكتير خايفه مقدرش عليه ........!!
فعلشان كده محتاره و مش عارفه اعصر مخى فى رياضه 2 و الفيزيا ولا اعصى مخى ف التاريخ و علم النفس !!
و انا الحمد لله كويسه فى الاثنين .............!!
الشفق الباكي
03-08-2010, 01:37 AM
اقولك حاجه سيبك من علم النفس لانه بجد روعه
وكده كده حتى لو انتى علمى احتمال كبير جدا جدا تاخديه او اقتصاد واحصا او فلسفه
ماعلينا
كده كده فى ماديه ادبيه هتاخديها
يعنى كل المشكله هتبقى فى التاريخ
قارنى التاريخ بالفيزيا ورياضه 2 وانتى هتعرفى انتى هتتحملى اى واحد فيهم اكتر
بصى هقولك حاجه انا شايفه ان ادبى مطمئنه عن رياضه 2
من وجهه نظرى لانى بالرغم انى كنت شاطره جدا فى الرياضه كنت بخاف منها لان رقم واحد بيضيع الدنيا لو انا مش مركزه
بس فعلا لو ميولك رياضيه وانتى ليكى مزاج تدخلى هندسه او حاسبات او كده
يبقى توكلى على الله وخدى رياضه
so banota
03-08-2010, 02:29 AM
بجد ميرسى اوى ع اهتمامك و ردك عليا :blush:
فعلاً رأيك زى مامتى تمام :bosyht9:
و انا كنت مقتعنه بيه:078111rg3:
بس اصحابى اللى اقل منى فى المجموع كلهم هيكملوا
و المستر بتاع الرياضه يقولى كملى
و الناس بتقولى بكره لما التنسيق ينزل هتندمى ندم عمرك
بس انا نفسى اكون مهندسه ديكور :bosyht9:
و عرفت ان فنون جميله من علمى رياضه زى ما انا كاتبه فى الاستماره
و بعدين انا بحب اللغات اوى و الحمد لله جايه درجات حلوه فيهم
و عندى موهبه الكتابه ع خفيف ماما مقتنعه جداً بيا بس انا بقول علشان انا بنتها يعنى :bosyht9: بتقولي ممكن الحق اعلام !! أو ألسن ..!!
او فنون جميله اى قسم ينفع للادبى بس انا
خايفه من التاريخ جداً :o
و برضه مرعوبه من الفيزيا و الرياضه :(
الدورس قربت تبدأ و خالص دماغى هفرقع من كتر التفكير :excl:
و ميرسى اوووى يا الشفق الباكى ع ردك :)