السلام عليكم و رحمة الله و بركاته

و انا قاعد مع نفسي على المنتدى ده....تاملت شوية في الاسامي بتاعت الاعضاء....

لقيتها جميلة جدا ...بس افتكرت ان فيه ناس بتتجمل -مش انتم طبعا و الله- .....

و فيه ناس بيطلقوا على نفسهم اسامي مبالغ فيها شوية.....

و انا عندي اسئلة لـ13 عضو من انشط الاعضاء هنا...و يا ريت تجاوبوني عليها....و لو فيها مشاكل يبفى بلاش.....استبينا؟؟؟

1-الطالب المجتهد
هل انت فعلا ((طالب مجتهد))؟؟

2-Ayman_virus
هل انت في حياتك فعلا بتكون جبري زي الvirus? او هل انت تكون شيء غريب زي الvirus؟

3-تيتو
هل انت تيتو الفيلم...او تشبهه كشخصية الى حد كبير؟

4-بسبوسة
لماذا هذا الاسم بالذات؟لماذا لم تختاري البقلاوة او الرز باللبن او الكنافة؟

5-fethaghors
هل انت فعلا متفوق في الرياضيات و عاشق لها ...ام هو مجرد اسم وجدته ملازم لك؟

6-flower
عندما تكونين بين اصدقاءك...هل تكونين (Flower)المجلس او الصحبة؟

7-فتاة_الاسلام
هل ترين انك فتاة الاسلام فعلا...و ترفعين رايته و تنصرينه في كل مكان؟

8-السندباد البحري
هل انت عاشق للمغامرة و الترحال مثل السندباد الذي نعرفه؟

9-coo-girl-ool
كول تعني عند الامريكان...بارد (هادئ) او بلغتنا(روش) ...فاي نوع من الكول انت؟

10-الدجنوشة
هل انت فعلا هادئة مثل الـ(دجنوشة)؟

11-طالبة العلم
كلنا طلاب علم و الحمد لله-انا طالب طبق فول و لسه ماجاش :lol: :D -و لكن هل انت متفوقة اكتر في طلب العلم ام في هداية الناس للخير و الطريق السليم؟

12-مووس
هل انت (مووس)في المذاكرة؟

و اخيرا و ليس اخرا
13-Xx_youri_xX
لماذا هذا الاسم الغامض المحاط بعلامات الاكس التي تعني في الرياضيات (مجهول)؟؟و هل يوري
هذا هو يوري المعروف في لعبة RED ALERT YOURI`S REVENGE و الذي كان يسعى لامتلاك العالم و السيطرة على العقول البشرية و غير البشرية؟

و ارجو اني مكنش طولت عليكم :lol: :( :lol:

و ارجو من اي عضو جديد او مش جديد يقوللنا معنى اسمه ايه و الى اي مدى متوافق مع شخصيته الحقيقية بصراحة...
و السلام عليكم و رحمة الله و بركاته

بصراحة الموضوع حلو جداً يا brainwash بس معلش أنا مضطرة أمشي دلوقتي وهرد عليك إن شاء الله في أقرب فرصة...
وشكراً ليك على أسئلتك :)

العفو يا فتاة..و شكرا لاهتمامك ..و ستني ردك :rolleyes:

Originally posted by brainwash@Aug 2 2005, 11:52 PM
-flower
عندما تكونين بين اصدقاءك...هل تكونين (Flower)المجلس او الصحبة؟
اولا شكرا علي الموضوع الجميل ده..
انا هجاوب علي الجزء الخاص بي
واقول اني اخترت الاسم ده لاني بحب الورد والزهور جدا.....
وباحس ان الزهور شئ جميل جدا في الحياة ويبعث علي البهجه
وموضوع اني بين اصدقائي بكون فلور المجلس والصحبه
ده شئ انا مااقدرش احكم عليه وما اعتقدش ان في انسان ممكن يحكم علي نفسه
بس الحمد لله صديقاتي بيقولو كده

شكرا ليكي يا flower على ردك الجميل.و اللي وضحلي ان اسمك كان اخياره نابع من حبك للورد....و بس
و طبعا محدش يقدر يحكم على نفسه اذا كان وردة المجلس ولا لا لان ده من الغرور و العياذ بالله

ايه يا وات يا حوتة المواضيع الجامدة دى
شكلك مش ناويها البر
خلينا فىالموضوع بقى

انا ليا الحق انى اجاوب على السؤال الخاص بيا بس

صح

طبعا صح

** 3-تيتو
هل انت تيتو الفيلم...او تشبهه كشخصية الى حد كبير؟


انا اخترت الاسم ده عشان انا بحب الشخصية بتاعت تيتو قوى
بس يعنى مش اكتر و لا أقل

مين تستو ده يا وات :lol: :lol:
عموما انا كده فهمت قصدك...و شكرا لردك و اهتمامك بالموضوع يا تيتو

والله أنا بحب الرياضه دى بطريقه بشعه لا تتخيلها أكتر من لعب الكوره وأكتر من الأهلى وأكتر من حاجات عظيمه بالنسبه ليا
بس أنا زى مقلتلك قبل كده أنا علمى علوم
واللقب ده اصحابى هما الى طلعوه عليا ونص مدرستى بتنادينى بيه

طيب ممكن اسألك يا محمود لماذا اخترت اسم brainwash بالذات ؟؟؟؟؟ :rolleyes: :rolleyes:

وشكرااا على الموضوع الجميييل اللى هيعرفنا على شخصيات كتييييييييرمن الاعضاء ;)

يعني ممكن نقل يا هشم انك لقيت الاسم ده ملازم ليك...و في نفس الوقت انت حبيته لانه زي حقيقتك....و الله كويس...و شكرا لردك على الموضوع :lol: :lol:

لا مش مجاوب ما دام انت اللي سالتي يا مرميرو :lol: :lol: :lol:
لا طبعا هو انا اقدر :lol: :D :D
بصي يا ستي ...انت عارفة ان الاسامي ده بتبقى وليدة موقف او حدث معين..يطلع واحد ربتا يسامحه يطلع عليك الاسم المتين....انا اسمي بين صحابي مش غسيل المخ..انا ليا اسم تاني مقدرش اقوله لانه يعتبر غرور..و في ناس مطلعينه عليا...و انا اساسا مش بحب الاسامي المبالغ فيها...بس ممكن اقول ان brainwash ده لاني قدرت في يوم من الايام اعمل فعلا غسيل مخ لواحد من صحابي في موضوع معين كان مهم في حياته...بس الحقيقة ان انا ساعتها غسلتهوله ببرسيل بتاع النضافة...و الواد اكن مبلول على الاخر :lol: :lol: بس فعلا كان مقتنع رايي و اتفاد منه...تصوروا ان انا مرة اثبت لناس صحابي بطريقة قمة في الاونطة انا الواحد يساوس الاتنين :blink: :blink: :blink: و لحد دلوقتي مصدقينها....و اسف على التطويل...و شكرا لسؤالك يا اميرة و احنا هنا في الخدمة :D

شكرا :D

على ايه يا ممثل :lol: :lol: :lol: :D :D :P

Originally posted by ممثل مدرسة السعيدية@Aug 3 2005, 03:09 AM
شكرا :D
:D :D :D :D
ان جاى خلط ولا متأكد من العنوان

ايه يا فيزا هو الشكر خطا اليومين دول
وبصراحة انا قريت الموضوع ومقريتش المشاركات

ايه يا جماعة فيه ايه :blink: :blink: انتم حتتخانقو هنا؟؟؟ :angry: :angry:
بالراحة شوية..الكلام اخد و عطا برضو...و بعدين فيثاغورس بيهزر معاك يا ممثل <_<

Originally posted by ممثل مدرسة السعيدية@Aug 3 2005, 03:21 AM
ايه يا فيزا هو الشكر خطا اليومين دول
وبصراحة انا قريت الموضوع ومقريتش المشاركات
شكراعلى الاسم الجميل ده ياه تصدق حلو جدا ومعاه فلوس
المهم
بتشكر أنهو جزء فى الموضوع انا شايف انه أسئله ومستنيه أجوبه

<_< <_< <_< <_< <_< <_< <_< <_< <_<

شكرا على هذا الموضوع الجديد الذى من شأنة ان يعرّ ف كل منا المقصود من اسماء باقى الاعضاء :P
انا اسمى مجدى وشهرتى الجوكر
اما بورسعيدى فهذا لحبى الشديد لبلدى الغالية بورسعيد
واكون سعيد دائما كلما كتبت كلمة بووووووورسعيد
وانا فخور فعلا ببورسعيديتى التى هى قطعة من مصر ;)

Originally posted by brainwash@Aug 3 2005, 12:52 AM
7-فتاة_الاسلام
هل ترين انك فتاة الاسلام فعلا...و ترفعين رايته و تنصرينه في كل مكان؟
أنا اخترت الاسم دة من حبي لديني ومن حبي لنشره والدعوة إليه... وأعتقد أنني أحاول اتباع ديني في كل ما أفعله... وإذا رأيت من يتهجم على ديني فإني أدافع عنه... وأحاول أنا أكون قدوة حسنة لديني... وربنا يوفقني بإذن الله...
شكراً ليك يا brain wash...

العفو ...على اله يا فتاة..انا اللي متشكر لردك و اهتمامك...و شكرا للاستاذ بورسعيدي :lol:

يا برين وش انا مبتخانقش انا بهزر :D

يا سيدي هزر براحتك :lol:

أما أنا فلو سمحتولى إنى اعلق على اسمى

فاسمحولى الاول أقطعه

m..... S....... A mido

وبعدين خلونى اقول ان ميدو هو اسم مشتق من اسمى محمد واللى كانوا بينادونى بيه واللى ودلوقت اصبحت مودى ما علينا

أما m....s.....a فهى اختصارات لثلاث كلمات بيفكرونى بحاجه كانت اجمل حاجه فى حياتى

فأنا بعتز بالكلمات الثلاثه دى جداااااااااااااااااااا

لكن ايه هما مش هقدر أذكر

شكرااااااااااااا انكم سمحتولى ولو انى عملتها كده من وراكم
هههههههههه

طب يا مودى بتشوقنا كده على الفاضى ومتقلش
هل ده الى فى بالى؟













الى فى بالى
محمود وسامى وأحمد صحابك

هههههههههه لذيذه يا فيثاغورس

اه هما محمود وسامى و احمد اصحابي
;) ;) ;) :) :) :)

شفت مكشوف عنى الحجاب

شكرااااااااااااا انكم سمحتولى ولو انى عملتها كده من وراكم
العفو ...الموضوع ده انا كان فكرتي ان كل واحد يكتب عن اسمه و ليه اختاره....و بعدين ما فيش يافطة متعلقة بره مكتوب عليها ((ممنوع لغير المكتوبين))
و اشكرك على تركك لينا في الظلام بعد ان قلت ((اللي في بالي)) :lol: :lol:
و اكيد ما دامت حاجة خاصة بيك ...يبقى مش من حقنا اننا نعرفها <_< ...و احتفظ بيها لنفسك :D

و و الله اسمك كان محيرني و كنت عايز اكتبه(ايه مساميدو ده :lol: )

سلاااااااااااااااام :ph34r:

هههههههههههه
شكرا يا brain wash
واديك عرفت مين msamido ده
بس خلينا نترجها بقى ميدو

شكرااااااااا

ماشي كلامك يا ميدو ;)

ميدو ولا مودى

انا والله مااخدتش بالى غير دلوقت بجد شكرا يا حودة ع الموضوع الجامد اوى ده

انا بقى اخترت اسمى مش طبعا لانى بحب البسبوسة لا لان البسبوسة لذيذة فعجبتنى اوى حكاية لذيذة دى انا قولت الاسم ده حيخلى الكلام حلو زى العسل وكمان لقيته اسم متدلع وطبعا مااحترتش رز بلبن ولا الكلام ده طبعا تقدر تجاوب نفسك يعنى انتوا حتنادونى برزاية مثلا هههههههههه وكمان انا مش باحب الحليات لكن باحب البسبوسة وبس كده

مع تحياتى

بسبوسة</span></span>

شكرا لردك يا ايمان...و اكيد مفيش حد مش بيحب البسبوسة :lol: :lol: :lol:

لا خليها ميدو يا فيثاغورس

ماشى كلامك يا حماده :D
أوكى يا حماده خلاص هبقى أقولك يا ميدو
تروح وترجع بالسلامه يا حماده

انا بقى اسمى رغم انى قلت الموضوع ده قبل كده ييجى مرتين بس بما انكم طرحتم الموضوع فانا حاقول تانى ، انا اسمى mas3sh وانا اسمى كله Mustafa Abdul ra7man Soliman Soliman Soliman Shadoufa فلو اخدت كل اول حرف من كل اسم حتديك فى الآخر mas3sh وعلى فكرة ده حتلاقيه اسمى على الـ Hotmail والـ Yahoo وكل المواقع اللى بخش عليها بعمل فيها Registerition بالاسم ده من وانا عندى ييجى 10 سنين ( انا عمرى دلوقتى 17 سنة ) وشكراً على الموضوع اللذيذ ده

فكره يا مصطفى
hremhah
أسمى ابنى m
وكده الناس هتبقى عارفه أجدادها لغية الفراعنه

اى خناقة :rolleyes: :rolleyes:

شكرا يا مسعش على توضيحك لاسمك :lol:

ايه يا جماعة ...ليه الاعضاء اللي موجهة ليهم الاسئلة ما بيردوش عليها :( :(

أنا رديت وجايز هما ما خدوش بالهم
لو كنت كتبت العنوان أسئله الى .......
كانوا أكيد هيدخلوا

تفتكر كان ممكن يا هشام

اولا انا باشكر brainwash على الموضوع الكووووووووووول ده (خد كول هنا بالمعنى اللى انت عايزه) :lol: :lol:


ثانيا بالنسبة للسؤال اللى اتاخرت فى الاجابة عنه فانا هاقول لك انه مش لازم اى حاجة انا باعملها يكون لها اى مبرر
يعنى انا لما اخترت الاسم ما فكرتش فى معناه كتير زى ما شوفت انه اسم حلو عجبنى فى احد المنتديات بس كان cool boy
انا عارفة انها اجابة مش مقنعة بس مش مهم
وشكرا على اهتمامك باسمى
بااااااااااااااااااااااااااااااااااااااااااااااااا ااااااااااااااى
:lol:

(خد كول هنا بالمعنى اللى انت عايزه) :lol: :) :) :)

انا عارفة انها اجابة مش مقنعة بس مش مهم طب ليه مدورتيش على الاجابة المقنعة :lol: :lol: بس ما دام يريحك خلاص :) :)

و شكرا لاهتمامك با موضوع و الرد فيه...و التوضيح المبهم برضو :lol: ;)

أولا : Xx_Youri_xX

أولا الاسم مش غامض للدرجة دي ...


ثانيا : موضوع ال x انت شايف انها قيمة المجهول في الرياضيات .. اعتقد انها تعنى بوسه او قبله يعنى بالانجليزى ;)

XxxooO

تعرف دى

ما علينا :


أنا بقي انا ليا اسباب تانيه خالص غير اللى قلته

اما عن يورى بتاع ردالرد فده اكتر شخصيه بحبها فى اللعبه

لكن مش ده السبب

طيب يمكن السبب ان اسم يورى اسم روسى

لا لان الروس مبيكتبوش يورى بالطريقه دى

طيب يمكن عشان اسم فرنسى

ايوه فرنسا بتكتبه كده

بس مش عشان كده برضه

انا بحب اسم يورى فعلا

ولو ممكن اغير اسمى هخليه يورى

للعلم كل اصحابى فى بيقولى يورى

ده غير انه اسم مكروه لليهود

وده حاجه كويسه جدا طبعا

و بس

Xx_Youri_xX

بسم الله الرحمن الرحيم

أولاً أنا باعتذر إني اتأخرت في الرد بس حقيقي مشفتش الموضوع ... :huh:

بخصوص اسمي :


11 - طالبة العلم
كلنا طلاب علم و الحمد لله-انا طالب طبق فول و لسه ماجاش* -و لكن هل انت متفوقة اكتر في طلب العلم ام في هداية الناس للخير و الطريق السليم؟



من غير اللازم أن يكون قصدي من العلم هو علم المدارس و الجامعات ... بل العلم له معنى واسع أوسع من ذلك بكثير ... و هو ما قصدته عند تسجيلي بهذا الاسم ...


بخصوص موضوع الدعوة إلى الله ...
إنه لشرف لي أن أكون ممن يدعون إلى الله تعالى ...
و أرجو من الله أن يجعلني سبباً في هداية أحدهم .. فالله هو من يملك هداية الناس ..

قال تعالى : " وَكَذَلِكَ أَنزَلْنَاهُ آيَاتٍ بَيِّنَاتٍ وَأَنَّ اللَّهَ يَهْدِي مَن يُرِيدُ " سورة الحج الاّية 16


كل ما في الأمر أن بعض المعلومات قد وصلتني فأردت أن يعلمها أخواتي و أخواني ..

و هو ما نكون جميعاً مطالبين به ...

فليس من المفروض أن ترى منكراً و تسكت ... و ليس من المفروض أن يبلغك علماً فتكتمه ...

بالأصح تستطيع القول أنني أحاول فقط أن أؤدي واجبي كمسلمة :)

جزاكم الله خيراً جميعاً

جزاكى الله خيراً يا طالبة العبم ونفعنا الله بك وبعلمك ونفعك بنا ، المعنى واضح ومفهوم من البداية :)

والسلام عليكم ،،،،،،

المعنى واضح ومفهوم من البداية ايوة ...هو واضح و مفهوم بس انا رخم و بحب الرخامة على الناس

و شكرا مرة تانية لردك :) :) :)

انا اسفة جدا جدا يا جماعة على التاخير
بس والله كان غصب عني انتوا وحشتوني جدا جدا ايه التغير الجميل اللي في الموقع ده
يا استاذ عبقرينوا
وبشكر brainwash على الموضوع
وانا جوابي هو
انا فعلا كل الناس بتقول عالية هادية بس مش شايفة نفسي كدة خالص
يمكن انا مش اجتماعية شوية وهو ده اللي يخليهم يقولوا كدة
بس انت فاهم يا محمود معنى كلمة دجنوشة ايه الاول؟
اولا هي مش معناها هدؤ خالص
ده اسم نوع من انواع العصافير اللي بيعيشوا في الصحراء
والاسم ده اطلقوا عاليا ابن خالي
وعجبني ودخات بيه المنتدى
شكرا مرة تانية على الموضوع

شكراً يا brainwash على الموضوع الجميل والفكرة الجديدة
أنا في العادي مش باتكلم غير لما حد بيطلب مني الكلام أو حد يقول حاجة تستفزني
وطبعاً ردي على موضوعك مش لسبب من الاتنين

أنا حبيت أقول ليه كتبت اسمي أنا وكنت عاوزه كله يعرف كده من زمان
عشان مفيش حد يحسب إني مغرورة أو متكبرة
أعوذ بالله
أنا أول لما دخلت الموقع مش فاكره كنت عاوزه أعمل إيه
لقيت صفحة ظهرت لي إني لازم يكون عندي عضوية عشان أعمل كده
وكان قبلها كان في موقع للبنات دخلته ولازم عشان أشوف أي حاجة فيه أكون عضوة
يعني من غيرها أشوف الموقع فاضي
وكل لما كنت أسجل اسم يقول لي موجود
اتضايقت كل شويه تسجيل وأسماء وكلمات سر
كتبت Ana من التعب
ومش باحب أكتب اسمي الأصلي
عشان أنا باحب الغموض أوي

آسفة إني طولت

سلام

Originally posted by Ana@Aug 19 2005, 09:14 AM
شكراً يا brainwash على الموضوع الجميل والفكرة الجديدة
أنا في العادي مش باتكلم غير لما حد بيطلب مني الكلام أو حد يقول حاجة تستفزني
وطبعاً ردي على موضوعك مش لسبب من الاتنين

أنا حبيت أقول ليه كتبت اسمي أنا وكنت عاوزه كله يعرف كده من زمان
عشان مفيش حد يحسب إني مغرورة أو متكبرة
أعوذ بالله
أنا أول لما دخلت الموقع مش فاكره كنت عاوزه أعمل إيه
لقيت صفحة ظهرت لي إني لازم يكون عندي عضوية عشان أعمل كده
وكان قبلها كان في موقع للبنات دخلته ولازم عشان أشوف أي حاجة فيه أكون عضوة
يعني من غيرها أشوف الموقع فاضي
وكل لما كنت أسجل اسم يقول لي موجود
اتضايقت كل شويه تسجيل وأسماء وكلمات سر
كتبت Ana* من التعب
ومش باحب أكتب اسمي الأصلي
عشان أنا باحب الغموض أوي

آسفة إني طولت

سلام
28363



شكرا جزيلا وفعلا اسمك كان محيرتى هو ده معناه أنا الى هو ضمير ولا فى حد اسمه كده

Originally posted by fethaghors+Aug 21 2005, 10:17 PM--><div class='quotetop'>QUOTE(fethaghors @ Aug 21 2005, 10:17 PM)</div><!--QuoteBegin-Ana@Aug 19 2005, 09:14 AM
شكراً يا brainwash على الموضوع الجميل والفكرة الجديدة
أنا في العادي مش باتكلم غير لما حد بيطلب مني الكلام أو حد يقول حاجة تستفزني
وطبعاً ردي على موضوعك مش لسبب من الاتنين

أنا حبيت أقول ليه كتبت اسمي أنا وكنت عاوزه كله يعرف كده من زمان
عشان مفيش حد يحسب إني مغرورة أو متكبرة
أعوذ بالله
أنا أول لما دخلت الموقع مش فاكره كنت عاوزه أعمل إيه
لقيت صفحة ظهرت لي إني لازم يكون عندي عضوية عشان أعمل كده
وكان قبلها كان في موقع للبنات دخلته ولازم عشان أشوف أي حاجة فيه أكون عضوة
يعني من غيرها أشوف الموقع فاضي
وكل لما كنت أسجل اسم يقول لي موجود
اتضايقت كل شويه تسجيل وأسماء وكلمات سر
كتبت Ana* من التعب
ومش باحب أكتب اسمي الأصلي
عشان أنا باحب الغموض أوي

آسفة إني طولت

سلام
28363



شكرا جزيلا وفعلا اسمك كان محيرتى هو ده معناه أنا الى هو ضمير ولا فى حد اسمه كده
29492
[/b]

متشكرة ليك fethaghors على تعقيبك
وأنا ده ممكن يكون اسم بس انجليزي
لكن عمري ما حب يكون اسمي بالانجليزي

سلام

عضو متخلف و مواضيعك متخلفة اكتر منك يا كابتن غسيل...روح للدكتور يا اخ و شوف نفسك؟؟

Originally posted by الدور على مين؟؟@Aug 24 2005, 12:03 AM
عضو متخلف و مواضيعك متخلفة اكتر منك يا كابتن غسيل...روح للدكتور يا اخ و شوف نفسك؟؟
30404


حيلك حيلك في إيه :D
وهو الواحد مش بيشوف نفسه غير عند الدكتور
هو انتو مش عندكم مرايات :P

هوه مين العضو الظريف ده


مين اللى عليه الدور


الموضوع ده قديم بس انا مأخدش بالى من العضو القمور ده قبل كده



سلام