السلام عليكم

اسمي محمد ومتخرج من المدرسة الفنية المتقدمة لتكنولوجيا المعلومات بالاسماعيلية بمجموع 89.5 %
وترتيبي الخامس علي الدفعة والتالت علي شعبتي البرمجيات


اتظلمنا في التصحيح وسكتنا واتبهدلنا علي ما عرفنا نتيجتنا والحمد لله برضو
واتذلينا علي ما التنسيق يشتغل وقولنا نصبر

انما لما التنسيق يفتح يبقي النظام الغبي ميحطش استثناء للمدارس الداخلي

المدرسة دي مدرسة داخلي في اسماعيلية ،، انما انا من القاهرة ومحل اقامتي في القاهرة

دلوقتي وانا بكتب الرغبات مجبور اني اكتب اول رغبتين ) هندسة بورسعيد و هندسة اسماعيلية ( والي بعديهم ) هندسة المنصورة و هندسة الزقازيق ( وبعد كده براحتي

طب انا مجموعي كويس يعني في احتمال الحق اول رغبة

يبقي ازاي اخش حاجة غصب عني وانا اصلا مش من اسماعيلية علشان يخلوا التوزيع الجغرافي بتاعي علي المدرسة

اروح النهاردة اشتكي محدش يرد عليا ويقولولي استني لما النتيجة تطلع
وموظف تاني قالي متسكتش انت وزمايلك والا الموضوع هينام بعد ما التنسيق يتقفل يوم الخميس ومش هتعرفوا تاخدوا حقكوا


احنا مدرستنا داخلي في اسماعيلية لكن معظم الطلبة مش من اسماعيلية ومن محافظات مختلفة وعلي سبيل المثال انا وزمايل ليا كتير في دفعتي من القاهرة

ايه ذنبنا نروح هندسة اسماعيلية ولا بورسعيد وخصوصا ان حالتي انا مثلا مجموعي كويس ممكن ان شاء الله يجيب هندسة القاهرة او عين شمس

بجد حرام الي بيعملوه فينا ده ..
يعني الغرض تقليل الاغتراب لكن الي بيحصل العكس تماما ..


نعمل ايه نشتكي لمين ولا نروح فين


انا تعبت

حسبي الله ونعم الوكيل فيهم كلهم

إهدى يا بنى ووحد الله
أكتب فى التنسيق كما يظهر لك
وبعد نتيجة التنسيق إعمل تقليل إغتراب
حتروح القاهرة إن شاء الله
لازم تلحق تكتب التنسيق الأول وبعدين موضوع النقل ممكن بإذن الله
بالتوفيق

معلشي يا باش مهندس محمد الي ميعرفك يجهلك

هما لو كانو مخلين موظفين كفائات زي حضرتك كانو خدو بالهم من المشكلة دي وحطوها في الحسبان بس مش قدامك غير انك تمشي علي برمجتهم ودة طبعاً عكس الي انت متعود عليه

وطبعاً اطمن وزي ما الاستاذة شاهندة اتفضلت بعد النتيجة تقدر تنقل ان شاء الله

ويارب تتفوق في هندسة ولا انت لسة مصمم علي حاسبات ومعلومات

طبعاً انا بشوفك بالصدفة ومتعرفنيش ولا اعرفك الحقيقة لكني معجب بشخصيتك من اول مرة

* الاستاذة ام شاهندة :

المشكلة كده ان اول 4 رغبات انا مش عايزهم خالص ومجبور اكتبهم فاضطريت اكتب
هندسة اسماعيلية ، بورسعيد ، منصورة ، زقازيق

وبعدهم بقي كتبت عين شمس و المطرية والقاهرة وحلوان

الحمد لله انا كده كده بسعي في موضوع حاسبات ،، بس انا برضو لازم اخاف علي التنسيق علشان لو ربنا ما ارادش خير في موضوع حاسبات والمعادلة بتاعتها والحمد لله خلاص امتحانها قرب 28 اغسطس و 30 و 1 سبتمبر

شكرا ليكي يا استاذة شاهندة بس انا كنت عايز اسال علي حاجة

نفترض دلوقتي واحد مجموع جايب هندسة عين شمس مثلا او القاهرة وهو من محافظة تانية ،، ومجبر يحط كلية في نفس محافظته
ليه ميقدرش يحول ويكتب القاهرة مع ان مجموعه ماهله ليها مثلا ؟؟؟

شكرا ليكي وجزاكي الله كل خير



* العميل السري :
ربنا يكرمك علي كلامك الجميل ده :)
والله هما مش مقصرين اوي يعني عاملين الشغل كويس بس انا لو هعيب علي المبرمج هعيب عليه بس انه معرفش يخلي الموقع يشتغلي علي كل المتصفحات ومشتغلش علي المعايير القياسية وبالتالي مش هيشتغل الموقع كويس الا علي انترنت اكسبلورر 6

ولكن مشكلتي دي ملومش فيها المبرمج لان اكيد ادارة التنسيق هي الي مش نبهتهم لموضوع المدارس الداخلي وان كل طالب ليه محل اقامة يختلف عن المدرسة نفسها

وطبعا انا لسه مصمم علي حاسبات ووبعمل كل الي اقدر عليه وبذاكر ليل نهار فيزياء ورياضة 1 ، 2 علشان ادخلها
لاني لو لاقدر الله مدخلتهاش ممكن اطب ساكت او يجيلي انهيار عصبي علي اقل تقدير

السلام عليكم

اسمي محمد ومتخرج من المدرسة الفنية المتقدمة لتكنولوجيا المعلومات بالاسماعيلية بمجموع 89.5 %
وترتيبي الخامس علي الدفعة والتالت علي شعبتي البرمجيات


اتظلمنا في التصحيح وسكتنا واتبهدلنا علي ما عرفنا نتيجتنا والحمد لله برضو
واتذلينا علي ما التنسيق يشتغل وقولنا نصبر

انما لما التنسيق يفتح يبقي النظام الغبي ميحطش استثناء للمدارس الداخلي

المدرسة دي مدرسة داخلي في اسماعيلية ،، انما انا من القاهرة ومحل اقامتي في القاهرة

دلوقتي وانا بكتب الرغبات مجبور اني اكتب اول رغبتين ) هندسة بورسعيد و هندسة اسماعيلية ( والي بعديهم ) هندسة المنصورة و هندسة الزقازيق ( وبعد كده براحتي

طب انا مجموعي كويس يعني في احتمال الحق اول رغبة

يبقي ازاي اخش حاجة غصب عني وانا اصلا مش من اسماعيلية علشان يخلوا التوزيع الجغرافي بتاعي علي المدرسة

اروح النهاردة اشتكي محدش يرد عليا ويقولولي استني لما النتيجة تطلع
وموظف تاني قالي متسكتش انت وزمايلك والا الموضوع هينام بعد ما التنسيق يتقفل يوم الخميس ومش هتعرفوا تاخدوا حقكوا


احنا مدرستنا داخلي في اسماعيلية لكن معظم الطلبة مش من اسماعيلية ومن محافظات مختلفة وعلي سبيل المثال انا وزمايل ليا كتير في دفعتي من القاهرة

ايه ذنبنا نروح هندسة اسماعيلية ولا بورسعيد وخصوصا ان حالتي انا مثلا مجموعي كويس ممكن ان شاء الله يجيب هندسة القاهرة او عين شمس

بجد حرام الي بيعملوه فينا ده ..
يعني الغرض تقليل الاغتراب لكن الي بيحصل العكس تماما ..


نعمل ايه نشتكي لمين ولا نروح فين


انا تعبت

حسبي الله ونعم الوكيل فيهم كلهم




تكنولوجيا المعلمومات بالإسماعيلية أكبر غلطه عملتها فى حياتى والحمد لله على كل شيئ

* الاستاذة ام شاهندة :


انا كنت عايز اسال علي حاجة

نفترض دلوقتي واحد مجموع جايب هندسة عين شمس مثلا او القاهرة وهو من محافظة تانية ،، ومجبر يحط كلية في نفس محافظته
ليه ميقدرش يحول ويكتب القاهرة مع ان مجموعه ماهله ليها مثلا ؟؟؟




لأن محافظته أولى به
ولتقليل الاغتراب زى ما قلنا
لا تنسى ممكن طلبة تكون عاوزة تسيب بلدها وتنزل القاهرة للبعد عن سيطرة الأهل مثلاً
وغيره اللى نفسه يقعد فى القاهرة
معنى كدة كل الطلبة تروح القاهرة وتسيب محافظاتها
وأنت إن شاء الله موضوعك سهل لأنه حتى لو قبلت خارج المحافظة عشان موضوع المدرسة الداخلى
مقر إقامة والدك بالقاهرة يسهل لك موضوع النقل
إن شاء الله
ربنا يوفقك

:022yb4::028ja7::022yb4::028ja7::022yb4:

الحمد لله بعد عذااااااااااااااب كبير :giljotiiniug3:

عملنا شكوي واتعمل اجتماع في الوزارة واتقبلت الشكوي وتم التعديل لكن للاسف
التعديل تم علي الناس الي مكنوش سجلوا لسه

الموضوع ده كان يوم الاربعاء

لكن الي سجلوا زيي فضلنا تبع اسماعيلية .. بس مسكتناااش

عملنا شكوي واتنين وتلاتة :slap1qk6:

لحد النهاردة الصبح الحمد لله تم التعديل لكل طلبة مدرسة تكنولوجيا المعلومات الداخلي ،، وايضا سمعت ان التعديل تم لطلبة مدرسة تكنولوجيا الصيانة الي في القاهرة لانها داخلي برضو زينا

ربنا فعلا مبيضيعش مجهود حد

مع اني 95% انا مش عايز التنسيق ده في حاجة بس انا عملت كل ده وكنت متضايق علشان لازم اضمن في جيبي حاجة لو منجحتش في المعادلة بتاعت حاسبات ومعلومات لاقدر الله


شكرا يا استاذة ام شاهندة علي اهتمامك بالموضوع :078111rg3:

الحمد لله الحمد لله الحمد لله

ادعولي بقي يا جماعة فاضلي 3 اسابيع وادخل في امتحانات الرياضة 1 ، 2 والفزياء علشان ادخل حاسبااااااااااااات


لو مدخلتش حاسبات ممكن تسمعوا خبر وحش ،، انا قولتلكوا اهوووو :D :D

وقد اعذر من انذر

هههههههههه
ألف مبروك
وربنا معاك
وإن شاء الله تبشرنا بالخير
بس أوعى تنسى




يتم إغلاق الموضوع إنتهاء الغرض منه