اخوانى الاعزاء اما بعد
هذا تساؤل انا خريج كلية التربية سنى صغير ولكنى مريت بخبرات تحول سنى الى مسن انا عملت فى عدة مجالات وكان امامى عدة فرص منها كنت اعمل بشرم الشيخ وتركتها ولن اندم على تركها تعلمت مهنة الكهرباء وعملت فيها من وانا فى تانية كلية اشتغلت فى دمياط اشتغلت فى جمصة وكان من الفرص اللى انا ضيعتها العمل فى مصنع فى 6 اكتوبر كفنى ادارة و صيانة ماكينات تشكيل البلاستيك والصراحة مدير المصنع عرض علينا انا ومجموعة من اصدقائى ان يعطينا الخبرة اللازمة لهذا العمل من دورات من خبراء وحتى لو استدعى الامر ان يخرجنا فى دول اوروبية لتلقى التدريب اللازم بس كان المرتب اللى هو عرضة 750 جنية هذا الامر من 6 سنوات ماضية وكان بيوعدنا بان هذا المرتب مبدئى وفية زيادات سنوية ونسب وبونس واللى خلانى اتراجع عن العمل فى هذا المصنع انى كان عندى امل اشتغل معلم واشتغلت معلم مساعد فعلا وبعدين جتلى فرصة سفر مؤخرا السنة الماضية فى الطائف بالسعودية بمرتب مجزى جدا وبعدين حجات وعمرات مجانا الطائف على بعد 70 كيلو من مكة تخيلو وتراجعت برضة علشان املى فى التثبيت
التساؤل الوقتى هل هذا خطأ انا ارتكبتة بيدى فأندم علية ام هذا قدر من الله فنرضى ونصبر ونحتسب ؟
مع العلم ان السؤ كل السؤ من انفسنا و الخير كل الخير من الله
وآآآآآآآآآآآآآآآآآآآسف للاطالة :blink::blink:

على فكرة يا اخى انا لسة رافض من يومين فقط عقد عمل كمعلم ( وليس معلم مساعد ) فى السعودية ولكنى رفضت البلد دى بلدنا وخيرها ده لازم يكون لينا مش لـ .................... .

واصبر وما صبرك الى بالله

مش انت لوحدك بس

كلامك خارج من قلوبنا جميعا لذلك لم اشعر بلاطاله
ان شاء الله اللى جاى احسن
و ما نيل المطالب بالتمنى ولكن................زز

أخى الكريم أنا قدامى بدل العرض عشرة وكل ما أنوى أتراجع على أمل يبقى لينا حاجة فى مصر

مشكلتنا اننا متعاقدين
ازاى بقى
يعنى احنا على وشك التثبيت ان شاء الله
وان سبنا التعاقد هيسيبنا وان قعدنا مش عارفين لغاية امتى
احنا زى اللى رقصت على السلم بالظبط

الحال من بعضه الكل خايف يطلع برا يبقى كده مسح كل اللي عمله يأستيكه ويرجع يبدأ من الصفر تاني هنا

كل الشباب وعلي فكرة معظم الشباب اول التثبيت ما يتم باذن الله حياخدوا اجازة ويسافروا برا البلد دي

انامختلف مع كل الناس اللى بتفكر فى السفر طاب ماتطلع وتسيب فرصة التعيين لواحد اخر وبعدين كل شئ وله تمن سفرك له تمن بعدك عن اولادك و اهلك له تمن واعتقد تمن حضن لولادك يسوى الكتير فاحمدوا الله واشكروه وانشاء الله خير

اولا كل واحد فى الدنيا مش بياخد غير نصيبه
ثانيا وارد جدا انك كنت سافرت ومرتحتش لاى سبب متاقلمتش مع الغربة مثلا مع المناخ مع الكفيل حتى يبقى ايه موقفك ساعتها هترجع مصر ومتلاقيش شغلك وعلى فكرة السفر حاليا مقامرة مش مغامرة بس لان الخليج متاثر جدا بالازمة العالمية ومعلش يعنى مش بيعتبرو المدرس المصرى لقطة زى الاول لاء بيعاملوه كانه سد خانة ومش مقتنعين بمستواه وطبعا لايغفل عنكم انه اقل مرتب
ثالثا بقى والله انا شايفة اننا مكن بشوية ضغط نتعين وتبقى احوالنا مستقرة شوية ودى حاجة كويسة بالنسبة لحضرتك كرجل انه ده ممكن يوفر لك وقت كاجازات او خلافه انك تعمل مشروع او تعمل حاجة توفر بيها دخل اخر لاسرتك او تزود بيه دخلك اما البنات برضو فتقدر تظبط احوال اسرتها او تسافر مع جوزها لو شغله فى الخارج يعنى الدنيا باذن الله هتتظبط وعلى فكرة اعرف ناس متعاقدين رجال كتير بيشتغلو شغل اخر لان التدريس اصلا مهنة غير مربحة سواء تعيين او تعاقد الاطبعا بالدروس الخصوصية اللى انا ضدها يعنى الموضوع فى الاساس مش تعيين او غيره الابس طلبا لشوية استقرار
على فكرة لو اشتغلنا فى بلدنا دى بنصف طاقتنا اللى ممكن نشتغل بيها برة دخلنا هيبقى كويس وحياتنا هتتظبط اكتر بس دايما زى المثل مابيقول زى القرع بنحب نمد لبرة

ياخى لو كان لحضرتك رزق فى السفر او اى عمل من الذى تركته كنت هتاخذوه وكان ربنا هيوجهك له
ربنا بيقول(لاتدرى نفس ماذا تكسب غدا)
وكمان العمل ده ارزاق ربنا اللى مقسمها
انا اعرف واحد متخرج بقالوا حوالى عشر سنين ولحد دلوقتى ماشتغلش بعقد ولاتثبيت اشتغل بالحصه شويه ورجع اشتغل فى مدرسه خاصه وكان بيدى دروس واخيرا ربنا كرمه وسافر بس كافح كتير وزميله متثبتين مش متعاقدين
ربنا مبيخترش للانسان حاجه شر دائما بيختار له الخير حتى لو هو مش شايفه خير
وفى الاخر لازم تقول علمت ان رزقى لن ياخذوه غيرى فاطمئن قلبى

معك اخى بكل قلبى واحساسى ....ربنا معاك.....
وباذن الله خير.....اصبر وماصبرك الا بالله

فيه ناااااس غيرك كدا كتير مر بينا زيك كدا

والحمد لله على كل حاااااال
انا معاك فى كل كلمه وطبعا تفرق لو مش مرتبط او متزوج
العمر بيعدى الايااااااام تجرى
الواحد شغال بقاله 4 سنوات وحاسس انه شغال امبارح

انا معاكم فى كل اللى قولتوه لازم نصبر فاصبر وما صبرك الا بالله وبعدين الأرزاق بيد الله ولا بد ان نؤمن ان رزقك لن يأخذه غيرك مهما حدث ناس كتير جاتلها فرص للعمل بالخارج ورفضت على امل التثبيت وانشاء الله سيتم التثبيت قريبا وهنعل كل اللى نفسنا فيه

واعلم أن ما أصابك لم يكن ليخطئك وما أخطئك لم يكن ليصيبك

مصر أم الدنيا ورزقك ونصيبك لن يأخذه غيرك تأكد من ذلك

انا اعرف ناس كتييييييييييييييييييييييييييييييير جالها الكويت والبحرين حكومة ورفضت السفر علشان هوه معلم مساعد ب 348 جنيه

ان شاء الله اخرة ده خير اصبر شوية لما نشوف

تفتكر الفرص الغالية الكتيرررررررررةدى ......ترجع تانى داللى بيروح مابيرجعش تانى ولو بعد1000 سنة ما بالك العمر ساعة ياتعمل حاجة يا تطلع بولا حاجة ........وعلى رأى المثل/ الحياة فرص من اضاعها فلا ندم يا راااااااجل دى انا نفسى فى 1/4 فرصة من فرصك ده كنت قتلت بها حياتنا البائسة الراقدة على تراب الميرى واعد لنا لقطات الفرص الضائعة فى حياة مواطن مصرى مطحون............. والسلام ختام

" وما تدرى نفس ماذا تكسب غدا "
وليـــــــــــــــــــــــــــــــــــــــست
......................لاتدرى نفس ماذا تكسب غدا..........................

مصر أم الدنيا ورزقك ونصيبك لن يأخذه غيرك تأكد من ذلك
والله مصر ما تستاهل اللى بيحصل فيها
مصر اكبر من هذا
منهم لله

علمت ان رزقى لن ياخذه غيرى فاطئن قلبى

الصبر وكلنا مثلك

وان شاء الله هنبقى تمام
اقسم بالله انا جالى فرص كتير ورفضتها ومنتظر اما اشوف اخرتها ايه مع الحكومه وانا ان شاء الله قاعد لحد اما اتثبت واحب اقولك ليا صديق عزيز اوى على قلبى كان متعاقد زينا وترك العمل من سنه ونصف وسافر للامارات وهو مش مبسوط لانه عاوز يرجع هنا الان لان الشغل بتاعه متعب جدا جدا وتمنى انه ما ترك العمل وكان انتظر

دع الملك للمالك وسيبها على الله وكله هيكون تمام بفضل الله

هذا قدر مقدر من الله وكل مسير لما خلق له

انك لم تخطأ بعد ان شاء الله التعيين ع الابواب وبعدها خد اجازة وانطلق وساعتها هتعرف انك صح الصح