alnegm2
05-08-2010, 02:55 PM
سلام عليكم
عايز اعرف كل شئ عن قسم طيران هندسة القاهرة جزاكم الله خير
و شكرا
عايز اعرف كل شئ عن قسم طيران هندسة القاهرة جزاكم الله خير
و شكرا
|
مشاهدة النسخة كاملة : عايز اعرف كل شئ عن قسم طيران هندسة القاهرة جزاكم الله خير alnegm2 05-08-2010, 02:55 PM سلام عليكم عايز اعرف كل شئ عن قسم طيران هندسة القاهرة جزاكم الله خير و شكرا abdelRhman772007 07-08-2010, 11:28 PM و برده زيك عايز اعرف بس ممكن تشوف موقع القاهرة نفسه يونى مصر فيه معلومات كتير ممكن تفيدك a7mad3ali 08-08-2010, 12:27 AM انا طالع سنه اولي في هندسه القاهره ان شاء الله ولسه معرفش هدخل قسم ايه انا كنت داخل القاهره مخصوص عشان ادخل قسم طيران بس بعد مسالت غيرت فكرتي تماما عموما مش عايز احبط او اثر علي تفكيرك ده كلام لناس من طيران علي يوني مصر زي معبد الرحمن قال اقرا ولو حبيت اي حاجه اسال وهقولك ان شاء الله نبذة عن القسم القسم عندنا جامد جدا وهو في نظري من أحسن الأقسام ,لكن مشكلته في الأشاعات والكلام الي بيدور بين الطلبة عنه و محدش منهم بيبقي عارف ان الي بيقوله عكس كده تماما,انا برضه كنت بسمع كلااااااااااااااام كتير اوي عنه وان محدش بينجح فيه,لكن بعد ما دخلت اكتشفت ان كل الي بيتقال عنه ما هو الا كلام في الهوا,وطلع قسم جامد جدا والنجاح فيه سهل مش صعب ومستقبله في الوظايف مضمون,والقسم بتعانا مستقل بنفسه لا هو في حرم الكلية ولا في الملحق,لينا مبني لوحدينا وبس وعندنا كل حاجة سواء مدرجات و قاعات الرسم والمعامل وقاعات الأمتحانات والكافيتريا وكله كله. بالنسبة للمواد for 1st year Aeronautics Structure physics computer & programing production technology drawing machinesfor 2nd year Fluid Mechanics Electrical Engineering Gas Dynamics Aviation Legislations System Dynamicsfor 3rd year Incompressible Aerodynamics Flight Mechanics and Control Partial Differenrial Equations Boundary Layer Propulsion Jet Enginesfor 4th year Aircraft Structural Design Airplane Propulsion Systems Digital Control and Applications Rocket Propulsion Systems Aerospace Guidance and Control Systems مميزات القسم نبدأ بالمميزات وهي العدد القلييل الي بيتيح فرصة كبيرة جدا علي الطلبة علي الأستيعاب بسهولة المستقبل الوظيفي المضمون سواء في شركة مصر للطيران او الشركة العربية للتصنيع او مصانع الأنتاج الحربي وغيره من شركات الطيران الأخري الخاصة وأشهرها شركة الشروق وهيئة الأستشعار عن بعد......يعني من الأخر ليلة ميزة أخري وهي مهمة جدا ان خريج طيران بيقدر يشتغل مكان مهندس ميكانيكا بدون اي معوقات قسمنا هو القسم الوحيد في مصر كلها غير معهد امبابة طبعا بس هما طيران وبس لكن احنا طيران وفضاء وهما عندهم تخصص واحد او اتنين لكن احنا عندنا خمس تخصصات وهم: Aerodynamics وهو عامل زي عمارة يعني بيصمم الطيارة او الصاروخ او القمر الصناعي وهكذا Structure وهو عامل زي مدني يعني بيبني الطيارة وهيكلها وجميع اجزائها Propulsion & Engines وهو صيانة المحركات وهو اكبر التخصصات انتشارا وطلبا Control & stability التحكم في وسائل التحكم بالطائرات وباقي الأجهزة الأخري والتحكم بوسائل التحكم الي في الهيكل نفسه Space وهواختصاص الفضاء والأقمار الصناعية والصواريخ اما عن عيوب القسم النسبة للطلبة الي بيدخلوا القسم ده هما حاجة من اتنين(اما عارف عن القسم وبيحبوا جدا يعني داخلوه بمزاجه ومش عشان المجموع)فالطلبة دي مستواها بيبقي كويس جدا في القسم وعلي مدار الأربع سنين,لكن المشكلة في النوعية التانية وهما(المحولين من جامعات اخري ودول برضه فيهم بيبقي جاي عشان القسم مخصوص او جاي وعامل حسابه انه يسقط اول سنة بحيث انه يدخل اي قسم هو عايزه في الكلية عشان هما اول ما بيجوا مش بيبقي مسموح لهم غير بأقسام قليلة منهم قسمنا) وهو ده السبب الي بيخلي الطلبة تقول ان القسم صعب ومحدش بيعدي منه. لكن لو انت بتحب القسم وحبيت مواده فانت تأكد انك هاتكون من الأوائل عليه بالنسبة لعدد الطلبة في اولي ,في الكشوفات هما 100 لكن بتصفصف علي من 50 الي 60 طالب في المحاضرة,لسنة تانية هما 40 طالب لأن زي ما قولت قبل كده ان ناس كتير(الي جايين من جامعات تانية) بتسقط نفسها عشان تحولووبيستمر العدد 40 لسنة تالتة ورابعة. مميزات طالب هندسة طيران والفضاء القاهرة عن معهد امبابة زي ما قولت قبل كده احنا طيران وفضاء هما طيران بس احنا عندنا 5 تخصصات هما 1 او 2 بس تقريبا معظم دكاترتهم من عندنا احنا كلية وجامعة حكومية هما معهد: وفكر انت كده اما يبقي اتنين مقدمين علي وظيفة واحد من معهد والتاني من جامعة القاهرة,يعني بالعقل كده هايختاروا مين؟ وسواء كده او كده هما عددهم 140 واحنا عند التخرج 40 ,فان في فرص وظايف كتيير قوي تكفينا كلنا سواء في شركات الطيران او في المصانع الحربية وممكن برضه ان احنا وهما نروح كلنا ندخل الأكاديمية الحربية 6 شهور ونبقي مهندسين في الطيران الحربي وهايبقي في وظايف فاضية كمان وهناك اصلا عدد المهندسين قليل جدا جدا جدا عشان كده هما بيموتوا علي مهندسين طيران ,من الخر سواء هما معاهم عقد عمل او لأ فان اصلا فرص التوظييف كتيييير قوي. والمرتبات كله زي بعضه مفيش اتنين لسه مقدمين جدد في وظيفة وواحد ياخد اكتر من التاني بس الي انا عارفه ان المرتبات في اي شركة او مصنع حربي او حتي في الجيش بعد الأكاديمية بيبقي مرتبات كويسة جدا هل خريج طيران بيقدر يشتغل مكان مهندس ميكانيكا بدون اي معوقات؟ قسم طيران غير ميكانيكا خالص ده حاجة وده حاجة اه ممكن المواد تكون متشابهة كأسم لكن المحتوي غير تماما واحنا بندرس الحاجات اللي هتفيدنا في دراسة الطيران وبالنسبة للشغل متعدش الاماكن اللي ممكن تشتغل فيها لانك هتتعب ده حتى شركات البترول بتتطلبنا كمهندسين طيران وخد بالك من طيران غير مهندسين ميكانيكا ايه الكورسات اللى بياخدوها لانى سمعت انهم مش بيشتغلو غير اما ياخدو شوية كورسات الاول؟ كورسات عادية وهاتخدها خلال الدراسة بتاعتك او بعد ما تخلص براحتك زي المات لاب وده اختياري اخدناه في اجازة نص السنة وفيه كمان الهاند اوف ده اللي انا اعرفه حتى الان وياسيدي لو ع الكورسات انت هتلاقي نفسك عايز تروح عشان تعرف اكتر المشكلة ان الناس بتعد تقول طيران وحش وصعب انا مش عارف اعمل ايه ؟ (انت طالب في هندسة ومافيش ولا قسم سهل في الكلية دي كله زي بعضه ده لو واخدها من حيث السهولة والصعوبة , بص هي بتفرق في الميول بتاعتك ومجهودك جوا القسم يعني اللي حاسس نفسك فيه ادخله ولو حابب طيران ادخل وانت متطمن ومتقلقش القسم مش صعب ولا اي حاجة من الكلام ده ... أما بقى بالنسبة لـــ "وحش " هسيبك انت اللي تقول لما تدخل ان شاء الله وانا من وجه نظري القسم متعة تانية بالنسبة للرسم في القسم انا من عشاق حاجة اسمها الرسم الهندسي ... والرسم ده حاجة كدة هدية من الكلية ليك عشان تزود درجاتك ... وعشان اكون صريح معاك الرسم السنة دي مش حابه اوي اللي هو عادي بس ميزته انك عارف بترسم ايه مش زي اعدادي بترسم وخلاص الدكتور هايقولك انت بترسم ايه والجزء ده ليه أتعمل كدة لان الرسم ليه محاضرة مستقلة بيه يعني الشرح مش في السيكشن زي اعدادي لأ ده ليه محاضرة خاصة بيه ساعة ونص بيتشرحلك في الجزء اللي هترسمه في السيكشن يعني من الاخر انسى مشكلة الرسم بالنسبة للشغل و المرتبات اما المرتبات ( في المصانع الحربية ) متقلقش وزي ما اتقال في التوبيك بتبدا قليلة بس بعد كدة بتزيد زيادات جامدة بس كام مش عايز افتي وبلاش تفكر في المرتبات لان كله ارزاق على الله لو انت حابب طيران اتاكد انك هتتخطف خطف اعمل ايه لو ما لقيتش شغل في طيران؟ ماتخفش ان شاء الله مش هاتضيق معاك لان دلوقتي مصر بتعمل زي ورش لعمرة الطيارات غير شركات الطيران الخاصة ومصر للطيران وشركات البترول والمصانع الحربية وفيه حاجة سمعتها ( ان ممكن نشتغل في بناء العمارات مع مدني بس مش اي عمارات ناطحات السحاب ) يعني ان شاء الله لا مفر من شغل طيران ماتقلقش ... اما التدريب الصيفي مش شرط يكون شركات طيران اللي تدرب فيها ممكن تدرب في شركات البترول والتدريبات بتنزل في الكلية في القسم انه فيه تدريب في المكان كذا وبعدها تلاقي تدريب في مكان تاني وتالت بالنسبة للناس اللي شايفة القسم مستحيل و صعب و الشغل في قليل اول ما دخلنا القسم السنة دى كنا بنقول زيك كدة لحد ما معيدين القسم عملولنا يوم ال UDC كلمونا عن ان قسمنا ان شاء الله هيكون من ضمن الأقسام العالمية اللى هتخش فى AIAA و دى اكبر منظمة فى العالم عن علماء الفيزياء و الطيران و الفضاء و فى اليوم دة المعيدين حكولنا عن معجزات اتعملت فى قسمنا انت سمعت قبل كدة عن اول طيارة تصميم و تنفيذ مصرى اسرع من الصوت و مش بتتشاف على الرادادر و دى الوحيدة فى الشرق الأوسط و اللى عاملها رئيس القسم عندنا و بتخدم دلوقتى فى الجيش المصرى بجد اليوم دة المعيدين اللى هم قالولك مفيش شغل فى مجال الطيران فى مصر هم هم قالوا ان ال AIAA لو بقت فى قسمنا مش هنحتاج اننا نشتغل اصلاً فى مصر احنا هنشتغل برة بمجرد ما نقدم على الشغل مغ AIAA يابنى قسم طيران لما تشوفه من جوة غير خالص لما تشوفه من برة عموماً لو انت حابب حاجة و درست فيها اكيد هتتفوق انما لو مش مقتنع بيها حاول تلاقى الحاجة اللى بتحبها عشان متجيش فى يوم تندم بالنسبة للتقدير الفسم كل سنة بياخد من مقبول و ممكن لو العدد مش كبير بياخد اللى معاه مادتين و كالعادة العدد مش بيبقى كبير أوى أذن فالقسم بيقبل من مقبول بمادتين بالنسبة للبنات انا شايفه ان طالما انتى دخلتى هندسه من الاول فأى قسم فيها ينفع للبنات لان ببساطه كل الاقسام عباره عن شيويه مواد وكل قسم بيتخصص بس شيويه عن الباقى .....فأنتى اول حاجه لازم تشوفى المواد اللى تحبى تدرسيها وتشتغلى فيها بعد كده والموضوع ده هيسهل عليكى جدا لما تيجى تعملى تنسيق الاقسام ان شاء الله نيجى بقى لقسم طيران القسم اصلا جاى من ميكانيكا لاننا بندرس ميكانيكا الطيارات والمحركات وبندرس تصميم لكن الاساس هى الميكانكا لان فى مصر لغايه دلوقتى احنا بنشتغل فى الصيانه والتجميع لكن لسه التصميم فعشان كده لازم تعرفى من الاول ان الشغل المتاح ليكى هو فى ميكانيكا الطيران ما لم يجد جديد....اما بالنسبه انك تلاقى شغل فى شركات الطيران كبنت فانا لما رحت المطار لقيت بنات شغاله عادى (مكانوش كتير) بس كان فى ......وحكايه الشغل دى بوجه عام بتتغير مع الزمن وفى شركات طيران بتشغل البنات فى المكاتب اوفى الجزء الغير تنفيذى ولو فى حاجه تانيه انا مردتش عليها اسألى وانا ان شاء الله هحاول افيدك بالتوفيق طالب بالخارج 08-08-2010, 04:09 PM كلآم جميـل ... دلوقتي قسم الفضاء .. بيشتغلو فـ إيـ؟ـه هل ليهم فرص عمل زي طيران كدا على فكرة انا كنت هكتب النهاردة حاسبات ومعلومات بس مش عارف ايه اللي خلاني اكتب هندسة القاهرة دلوقتي ايه احسن بالنسبة لقسم طيران المجال الحربي ولِآ المدنـي وبالنسبة للاكاديمية اللي حضرتك اتكلمت عليها اللي هي 6 شهور هنتخرج منها ملازم اول او ملازم يعني هبقى ظابط ... وآسف عشان اسالتي كتيرة محمود الأطرش 08-08-2010, 05:42 PM معا لجعل مصر فى المقدمة محمود الأطرش 08-08-2010, 05:44 PM مصــــــــــــــــــــــــــــــــــــــــــــــــ ــــــــ:022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4::022yb4::022 yb4::022yb4::022yb4::022yb4:ــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــر a7mad3ali 13-08-2010, 04:37 PM كلآم جميـل ... دلوقتي قسم الفضاء .. بيشتغلو فـ إيـ؟ـه هل ليهم فرص عمل زي طيران كدا على فكرة انا كنت هكتب النهاردة حاسبات ومعلومات بس مش عارف ايه اللي خلاني اكتب هندسة القاهرة دلوقتي ايه احسن بالنسبة لقسم طيران المجال الحربي ولِآ المدنـي وبالنسبة للاكاديمية اللي حضرتك اتكلمت عليها اللي هي 6 شهور هنتخرج منها ملازم اول او ملازم يعني هبقى ظابط ... وآسف عشان اسالتي كتيرة بص اولا انا زي مقولت لسه مخلص اعدادي ومعنديش معلومات كبيره اوي وكل الكلام ده انا جايبه من ناس بتتكلم علي القسم عندنا فانا هجاوبك علي حسب معلوماتي البسيطه بس مش هتبقي اكيده ميه في الميه بالنسبه للفضاء والحربي والمدني فانا كنت عايز طيران بس اللي سمعته ان الكلام ده كله مفهوش حاجه صحيحه ومحدش بيشتغل الشغل اللي انت فاكره وتبقي مهندس تشتغل في صواريخ وطيارات والكلام ده كله بيبقي شغل تاني ملوش علاقه بالطيارات ولو ربنا كرمك واشتغلت في شركه طيران فبرده مبتقدر تحط ايدك علي الطياره لانها بتبقي طالعه ومعاها ترخيص انها ميه ميه وسليمه ومحدش يقدر يعمل فيها حاجه لان الموضوع مش بالسهوله ديه بالنسبه للاكاديميه فمعنديش معلومات عنها للاسف طبعا انا مش قاصد احبطك باللي قولته لكن هو حقيقه قسم طيران مش زي مالناس فاكره لكن هندسه فيها حاجات تانيه ممتعه كتير فمش معني ان طيران كده متدخلش هندسه يعني وربنا يوفقك ان شاء الله alnegm2 24-08-2010, 03:21 PM طب هندسة طيران القاهرة احسن و لا بترول القاهرة "مش السويس" فى المرتبات ؟ a7mad3ali 24-08-2010, 09:54 PM طب هندسة طيران القاهرة احسن و لا بترول القاهرة "مش السويس" فى المرتبات ؟ والله هي مسئله نسبيه علي حسب المكان اللي هتشتغل فيه يعني الاتنين لو سافرت بره ممكن يوصل لحاجات متحلمش بيها بس المشكله ان بالنسبه لطيران نادر جدا لما هتشتغل في مجال الطيران وحتي لو اشتغلت بالعافيه في اي شكره من شركات الطيران في مصر اللي سمعتوا انهم بيمضوك علي شيك علي بياض عشان متعرفش تسافر ونسيبهم عشان مرتبات بره طبعا اكتر بكتير لكن هنا مثلا مابين 2000 و5000 مثلا وبتزيد طبعا مع الوقت والخبره وبيبقي ليك امتيازات كتير بس ده لو ضربت معاك واشتغلت يعني بالنسبه لبترول فاللي سمعته ان فرص السفر حاليا واحد مصري من كل 100 واحد مطلوبين للشغل من بلاد الخليج يعني او السعوديه فبرده فرص السفر فيها بقي ضعيف ولو تحب اجبلك الكلام اللي علي بترول زي اللي جبته علي طيران كده وانت ان شاء الله لما تدخل القاهره هتعرف بنفسك انا كنت داخل برده عشان حاجه من بترول او طيران زيك بس غيرت رايي من اللي سمعته ولاقيت اقسام تانيه كتير حلوه وحبتها يعني كشغل ودراسه فمتقلقش ومتفتكرش ان لو القسمين دول مش ماشيين يبقي كده هندسه وحشه يعني وربنا يوفقك للاختيار الصح ان شاء الله alnegm2 29-08-2010, 05:57 AM ربنا يخليك عالرد و المتابعة و انا كان املى فى بترول على اساس انى اسافر لانى بصراحة مش عايز اقعد فى مصر جزاك الله خير a7mad3ali 29-08-2010, 10:03 PM ربنا يخليك عالرد و المتابعة و انا كان املى فى بترول على اساس انى اسافر لانى بصراحة مش عايز اقعد فى مصر جزاك الله خير ربنا يوفقك ان شاء الله ويعملك اللي فيه الخير وابقي قولي لو دخلت هندسه القاهره Hamsa_1 30-08-2010, 06:43 AM ما شاء الله جمييييييل جداااااااااا ma7moud_mada 04-09-2010, 04:06 PM مشكوووووووووووووووووووووووور Eng.yasmeen 12-09-2010, 02:14 PM طيب هل هندسة طيران كويسه للبنات ؟؟؟ لان الكل بيحذرني وبيقول حتى لو دخلتي ونجحتي مش هتلاقي شغل لانهم بيشترطوا ولاد بس!!! almohtady 12-09-2010, 10:45 PM ياخ احمد على يعنى افهم من كلامك ده ان هندسه طيران اللى امبابه كليه مش كويسه مثلا وكمان انت بتتكلم فى موضوع الشغل وبتقول وفكر انت كده اما يبقي اتنين مقدمين علي وظيفة واحد من معهد والتاني من جامعة القاهرة,يعني بالعقل كده هايختاروا مين؟ انا متفقش معاك خالص لانه الاتنين مهندسين وخريجين كليات عاليه متقوليش حيفضلوا ده على ده ثانيا كل واحد ومهارته فى الشغل a7mad3ali 13-09-2010, 02:23 PM طيب هل هندسة طيران كويسه للبنات ؟؟؟ لان الكل بيحذرني وبيقول حتى لو دخلتي ونجحتي مش هتلاقي شغل لانهم بيشترطوا ولاد بس!!! مفيش حاجه اسمها كويسه للبنات ولا لاء كل شغل هندسه محتاج تعب او معظمه علي الاقل وفي قسم طيران عندنا باشمهندسين وباشمهندسات عادي خالص يعني وبيعملوا مشاريع وطيرات وحاجات حلوه كتير :d فان شاء الله القسم مفهوش مشاكل بالنسبه للبنات علي حد علمي ياخ احمد على يعنى افهم من كلامك ده ان هندسه طيران اللى امبابه كليه مش كويسه مثلا وكمان انت بتتكلم فى موضوع الشغل وبتقول انا متفقش معاك خالص لانه الاتنين مهندسين وخريجين كليات عاليه متقوليش حيفضلوا ده على ده ثانيا كل واحد ومهارته فى الشغل بالراحه بس يا عم المهتدي انت داخل شمال ليه :d اولا انت لو قريت الموضوع كويس هتعرف ان ده مش كلامي ده كلام ناس في هنسده طيران وانا مش منهم ثانيا طيران امبابه مش كليه هو اسمه معهد امبابه ومعتقدش حد هيختلف ان الكليه احسن من المعهد ثالثا كليه هندسه بتاخد مجموع من ثانوي اكبر منه فبالتالي هي احسن ده شيئ منطقي رابعا مفيش رابعا هو ثالثا بس :d وعموما ده راي كل واحد انا مش هجبرك تاخد برايي يعني براحتك وربنا يعملك اللي فيه الخير alnegm2 18-09-2010, 04:32 PM طيب بالنسبة لبترول القاهرة ؟ محمود بدر محمد 22-02-2013, 03:08 PM الف شكر علي ها الكلام الجميل والمحفز ولكن يبقي سؤال واحد انا في الصف الثالث الثانوي الازهري هل تقبل الجامع الازهريين وما المجموع المطلوب لكي اقدم فيها وشكرا محمود بدر محمد 22-02-2013, 03:11 PM شكرا علي الكلام الجميل ولكن يبقي سؤال واحد وهو هل تقبل الجامعه الازهريين ومالمجموع المطلوب وشكرا جزيلا shaher ahmed 24-01-2015, 10:34 AM أنا أصبت بالإحباط لما عرفت إن الشغل فقط فى الجيش فى الصيانه وده *** حلم عمرى فى الإبداع والإبتكار > أرجو الرد السريع |