Dr|shereen
05-08-2010, 05:29 PM
انا طالبة فى 2 ثانوى جببت 96 % وبحب الكيمياء والرياضة برضه عادى جبت فيها 50 بس مجموعى بالنسبة لرياضة اضمن ولكن خايفة من رياضة 2 6 فروع وبيقولوا انها صعبة وفى نفس الوقت ماما بتقولى هندسة للاولاد يعنى مثلا لما يبقى فيه فرص عمل بيفضلوا الاولاد عن البنات وبتقولى ادخل علوم يمكن الحق اسنان او صيدلة الصراحة انا سالت كتير بيقولولى خليكى علمى علوم لانها كويسة للبنات وخايفة بمجموعى ده ملحقش حاجة ارجو من ذوى الخبرة يردوا علياويقولوا لو شديت حيلى فى 3 ثانوى الحق ايه بالنسبة لعلمى علوم وانهى الافضل ليا علمى علوم ولا رياضة بانسبة لفرص العمل بعد كدة
صفــاء الروح
05-08-2010, 06:20 PM
بصراحة أنا مش من ذوي الخبرة ولا حاجة ...أنا لسة داخلى تانية ثانوي
بس أنا رأيي أنتى تشوفى أنتى عايزة ايه...يعنى نفسك تدخلى هندسة ولا لأ؟...ويتحبى مواد ايه...الأحياء ولا الرياضة....لو انتى عايزة أحياء و بتحبيها....وعندك دافع قوي يخليكى تجتهدى و تذاكري أكتر ممكن جدا تلحقى الكلية اللى أنتى عيزاها
الموضوع محتاج منك شوية ثقة بالنفس و اجتهاد ...ومجموعك فى تانية مش وحش...بالعكس دا جميل بس انتى شدى حيلك السنة اللى جاية و انتى هتقدرى تعملى اللى عيزاه
^_^
khawarismy
06-08-2010, 05:51 PM
انت مجموعك كويس جداااااااااااا لو شديتي في تالته اكيد من غير كلام هتدخلي طب ولو مش كده في اسنان وصيدله وكلهم فرص عملهم احسن بس بصراحه طب واسنان افضل من صيدله للبنات عشان صيدله دلوتي يا بيشتغلوا في صيدليه ودول مش كتير يا اما شركات الادويه ودي المنتشره دلوتي عشان مرتبها اعلى بكتير بس دي تعب جداااااااا وصعبه على البنت انها تلف طول اليوم كده ف اسنان وطب بشري حلوين وفي الاخر هما التلاته افضل من هندسه من ناحيه الدراسه صعبه وكمان فرص عملها مش اي حد وللاولاد افضل وبعدين هندسه دي بيتخرج منها كل سنه الاف كتيررررررررررر جدا وبرضه في الاخر دي رغبتك الشخصيه يعني لو بتحبي الرياضه يبقى تكملي رياضه 2 والعكس والشغل ده حاجه من عند ربنا وكل واحد مكتوبله رزقه بس الانسان يعمل الي عليه ومن ناحيه مجموعك سواء هتكملي رياضه 2 او احياء الاتنين تقدري تدخلي فيهم الكليه الي انتي عيزاها لو شديتي على نفسك شويه وكمان فيه مستوى رفيع وربنا معاكي
#sooma#
07-08-2010, 12:09 AM
ماشاء الله بصي انتي الاول بتحبي الاحياء ولا الرياضه؟؟؟؟؟؟
وع فكره لو كملتي علمي علوم هتلحقي صيديله او اسنان وربنا يوفقك يارب
Dr|shereen
07-08-2010, 04:32 PM
والله انا بحب الاتنين بس عشان كدة بشوف الاسهل بالنسبة لى وبالنسبة للشغل وسهوله الكلية بس كلامكوا حسسنى انى جايبة 100% ياريت كل اللى جرب يقولى هل هندسة وعلمى رياضة حلوة للبنات
الشفق الباكي
07-08-2010, 05:00 PM
رأيى توكلى على الله واحياء
الدكتورة_4
07-08-2010, 08:19 PM
بصي انتي مجموعك كويس
كملي الحاجه اللي انتي بتحبيها عشان تنجحي فيها
بالنسبه لو عايزه تدخلي علمي علوم
في ناس كانوا جايبين في تانيه 91
وجابو طب في تالته كملي وشدي حيلك وربنا يوفقك
تقبلي مروري