السلام عليكم ورحمة الله وبركاتة


كل اللى يدخل يدعى لنا بجد بحاجة لدعاء

القرار اللى اصدرة شيخ الازهر قبل وفاتة بان كل من يمتحن الكادر من المعلمين المتعاقديين بالازهر
لابد وان يكون تربوى او معه دبلومة فى التربوى وللاسف لاننا من خريجى الازهر فالقلة منا فقط من هم تربويين
ولكى نمتحن الكادر لابد من شهادة الدبلومة التربوى
فاصدر قرار اخر على اساس انه بيسعدنا كدة وبيخفف عننا مصاريف الدبلومة
عمل اية

قال هنخليكو تخدو الدبلومة دى فى ترم واحد بس *
يعنى السنة كلها والمواد مضغوطة فى ترم واحد المهم
خلونا نروح الشغل ونطلع منه على الدبلومة فى المنصورة


مش هطول عليكم
اللى تعبنا الايام دى بجد ومحتاج الدعاء ان فى ناس كتير ماتو من الدبلومة دى
*واحد وهو بيمتحن امتحان شفوى الدكتور حرجه خرج من الكلية
وهو فى العربية مات من زعله
*ووحدة وهى جاية الدبلومة عملت حدثة وماتت
*غير اللى جتلها حالة نفسية من كتر التعب واهملها لاولادها وسابت الشغل
مع انها فى حاجة للشغل غير تعب الاعصاب
احنا حاليا بنمتحن فى مواد الترم الثانى

احنا بتعامل فى الكلية على اساس ان احنا طلبه
بنتشتم ونتهزق وفى رجالة بتضرب
من الدكاترة
لما استاذ فاضل محترم بتضرب
يبقى اية دة
يبقى عين الظلم وعدم الاحترام
خيفين لما نخلص الدبلومة دى يقولو
الماجيستير
ربنا يستر


اتمنى ردكم على الموضوع دة
ثم الدعاااااااء لكل مدرس ومدرسة توفو
ولكل المسلمين اجمعين
وجزاكم الله خيرا

ربنا يوفقكم ويوفقنا كلنا ان شاء الله

تمنى لكم التوفيق والنجاح

اللهم اعزنا من ذل و قونا من ضعف وهب لنا من لدنك رحمه وهئ لنا من امرنا رشدا
اللهم ارحم موتانا وموتى المسلمين

ربنا موجود
وكل ظلم له نهاية

ربنا لن ينسانا وهو الرزاق ذو القوة المتين

الله المستعان

احنا فى التأهيل التربوى فى الشرقية الأمور ميسرة جدا و الدكاترة بيراعوا الظروف و بيعاملونا أحسن معاملة

يارب وفق جميع من يمتحنون ونجحهم كلهم وارفع عنا و عنهم الظلم

ربنا معاكم

ربنا معكم وييسر اموركم يارب ويكرمكم ويعوضنا ويعوضكم خير

اولا ربنا معاكم

ثانيا قانون الكادر الى بيشترط التربوى مش شيخ الازهر رحمه الله

ثالثا انا زملائى كلهم بياخدوا الدبلومه وانا من المنصوره وحضرتك بتبالغى اوى انا رحت معاهم اكتر من مره ومفيش حد بيضرب ولا كلام من الى بتقولى عليه بالعكس كلهم مبسوطين من الدبلومه

وبعدين يعنى هما عيال هيضربوا؟ ومين الى هيضربهم الدكاتره

ياريت تعدلى المشاركه لانك كده بتهزئى زملائك

الأزهر وسام على صدورنا جميعا وشيخ الأزهر قدوة لنا جميعا أعز الله أزهرنا وشيخنا الغالى الحبيب و تعسا للحاقدين والمنافقين

لاحول ولا قوة الا بالله
انا شايف مبالغة كبيرة جدا فى الكلام دا
عموما ربنا معاكم

ربنا معكم ويكرمكم ويوفقكم وكلها شحططة ومرمطة صدقينى ازهر او تربية وتعليم هياها نفس الظروف الاجتماعية او المادية الصعبة التى لاتحتمل طلباتهم الكثيرة وياريتهم بعد ده كله يحترمو تعاقدهم معنا ويثبتونا
اللهم يامفرج الكروب وقاضى الحوائج فرج كروبنا واقض حوائجنا واغفر ذنبنا وادخلنا برحمتك فى عباك الصالحين
اللهم ان كان رزقى فى السماء فانزله لى فى الارض وان كان فى الارض فقدره لى ويسره ثم بارك لى فيه
اللهم ربنا اتنا فى الدنيا حسنة وفى الاخرة حسنة وقنا عذاب النار اللهم امين واخر دعوانا ان الحمد لله رب العالمين وصلاة وسلاما على المرسلين

الله المستعان
:040vk0:
احنا فى التأهيل التربوى فى سوهاج الأمور ميسرة جدا و الدكاترة بيراعوا الظروف و بيعاملونا أحسن معاملة

الاخ الطموح ليس هناك مبالغة وانما هذا هو الواقع المر فليس هناك مساواة لا فى الاجور ولا فى التعامل ولا فى المراكز بين المتعاقدين مع بعضهم فضلا عن المعينين .
الدولة دى مش بتاعتنا

ربنا يوفقكم ويوفقنا كلنا ان شاء الله

احنا بنقول المبالغه فى ترديد كلام عارى تماما عن الصحه ويسىء للازهر وهو ان الدبلومه صعبه وان الدكاتره بيضربوا المدرسين وهذا كذب وافتراء

ربنا يوفقكم ويوفقنا كلنا ان شاء الله

قال الكاتب انيس منصور فى جريدة الاهرام اذا غضبت السماء على انسان جعلته مدرسا فى مصر

ربنا يصبركم جميعا ويعينكم على ما انتم فيه حسبى الله ونعم الوكيل

حسبى الله ونعم الوكيل

ربنا يرحمهم ويصبر اهليهم

زعلت علشانك جدا بس فعلا فى غلاسة فى الدراسة لمن يعمل لايراعون الضغوط المختلفة ولاأعباء ومهامنا الاسرية والانسانية أنا بتكلم عن خبرتى السابقة فى التأهيل التربوى وفى قوانيين تعجيزية لاتراعى آدميتنا فمثلا عمل فى المدرسة لايوجد أمكانية فى الخروج المبكرقليلا للوصول للمواصلات والامر أشبه بالانتحار لكن المتعة الحقيقية رغم كل شئ النجاح بتقدير طعمه حلو

الله يكون فى عونكم

منحه الدبلومه فى الازهر لها مميزات
اولا هما بياخدوا اجازه يومين فى الاسبوع علشان يحضروا المحاضرات

ثانيا هى وقتها قليل جدا 6شهور

وعلى العموم ربنا معاكم ويفقكم جميعا
وربنا يرحم اللى ماتوا
هما ماتوا فى سبيل العلم ونحسبهم عند الله شهداء

احنا بنقول المبالغه فى ترديد كلام عارى تماما عن الصحه ويسىء للازهر وهو ان الدبلومه صعبه وان الدكاتره بيضربوا المدرسين وهذا كذب وافتراء
والله يااخى ما ببالغ دة اللى حصل فعلا لا فيه كدب ولا افتراء
المعمله كانت سيئة للغاية
انا ازهرية من من البداية واشتغلت فى الازهر كمان
يعنى عمرى ماقدر اسئ بكلمة وحدة للازهر
انا بقول على معاملة الدكاترة
والله كانو يسبونا بالساعات فى القاعة ماحدش يعبرنا غير لما نروح نقولهم تعالو
احنا مافيش عندنا حد
الحمد لله خلصت على خير
وربنا يستر على النتيجة
وجزاك الله خيرا

شكرا لك من شارك برآيه فى الموضوع
وربنا ييسر امور كل المسلمين
سواء التربوى او icdlاو كادر فيما بعد
وفى كل الامور بإذن الله
وجزاكم الله خيرا