بسم الله الرحمن الرحيم
اولا انا عارف انى اللى هتكلم فيه مش مكانه الصح هنا النجليزى لكن والله كتبت هذا الموضوع لانى شاهدت زوار كتير بيزوروا هذا القسم فاعذرونى ياادارة المنتدى ويامشرفى الموقع
الحكايه انى انا احترت فعلا وهتجن قريبا من المادة الادبية خالص فانا كتبت ف الاستمارة سعت ماكنت ف ثانية علم نفس وخدته عشان سمعت عنه انه سهل وكل الجمهورية بتجيب 50 من 50 حتى الكسلان مش عارف فحضرت حصة عند استاذ علم نفس خدنا المهم حاجات مش فاهم فيها اى حاجة خالص وحاسس انه مش هينفع معاى انا علمى علوم مع انى بعشق الرياضة ونقصت نصف بس ف الرياضة 1 ونفسى اخد احصاء واقتصاد مع انى كل اصحابى ودفعتى واخدين علم نفس وللعلم اخواتى كلهم خدوا اقتصاد واحصاء وانا نفسى ادرس رياضة السنة دى زى الاحصاء بس طبعا انتوا عارفين ان امتحانات الاحصاء زباااااااااااااااااااااااله ع الاخر ولازم تنقص وتصحيح زباله وانا جايب ف تانية 202.5 يعنى تقريبا 98.7 يعنى لازم احافظ عليه وادخل كليه الطب باذن الله بس الموضوع دا معقدنى ف حياتى وانا عارف انى المدرسين بتوع الاحصاء والاقتصاد مش هيتموا بيا خالص وممكن يرموا الاحصاء للترم التانى ودا الاكيد بس انا مش شايف نفسى ف علم النفس
فارجو عدم حذف الموضوع لانى عارف انه مكانه مش هنا بس انا عايز نصيحة معلش انا ع فكرة الموقوع دا والله ليه فضل كبييييير عليا بعد ربنا كنت اشوف كل المراجعات والدروس للاساتذة الافاضل ف كل المواد فالشكر واجب
ارجوكم النصيحة جعل الله ذلك ف ميزان حسناتكم وجزاكم الله كل خير النصيحة من استاذ اوطالب او واحد درس ومجرب اى حد يعنى
ارجو من الله ان يكون وصل الموضوع والفكرة وارجو الرد والسلام عليكم

مافيش حد راضى يعبرنى

يابنى هون على نفسك ولا تصدق من يقول لك مادة سهلة ومادة صعبة فهذا كله يأتى تبعا لما حصل عليه الطالب من درجات فى هذه المادة وسهولة وصعوبة أى مادة تأتى تبعا لرغبات الطالب واختر يابنى ماتريد من مواد وعلى فكرة مبدأ أسوقه لك وبكل صدق مذاكرة الطالب هى الأساس فى الحصول على الدرجات وأنت طالب متفوق وأعتقد أنك تستطيع أن تختار ماتحب وتبذل أقصى جهد وتلتحق بكلية الطب التى هى أمل لكل أب ولكل طالب وفقك الله إلى الخير

شكرا لك يااستاذى الفاضل ع الكلمات دى ربنا يكرمك

هون عليك يا بنى انت جربت حصة علم نفس ولم تفهم اى حاجة خلاص يبقى اقتصاد و احصاء و اساسا انت دماغاك رياضيةو بالنسبة لتاجيل الاحصاء ذاكرها انت بنفسك و ان شاء الله سوف تحصل على الدرجة النهائية فيها و ملكش دعوة بحد انت راجل من المتفوقين ليه القلق و اعذرنا على التاخير فى الرد لاننا كلنا مدرسي الانجليزى ملخومين باعداد المنهج الجديد لكم ابنائنا الطلاب Mr.R.M.M.M

يابنى هون على نفسك ولا تصدق من يقول لك مادة سهلة ومادة صعبة فهذا كله يأتى تبعا لما حصل عليه الطالب من درجات فى هذه المادة وسهولة وصعوبة أى مادة تأتى تبعا لرغبات الطالب واختر يابنى ماتريد من مواد وعلى فكرة مبدأ أسوقه لك وبكل صدق مذاكرة الطالب هى الأساس فى الحصول على الدرجات وأنت طالب متفوق وأعتقد أنك تستطيع أن تختار ماتحب وتبذل أقصى جهد وتلتحق بكلية الطب التى هى أمل لكل أب ولكل طالب وفقك الله

إلى الخير





احسنت الراي استاذي العزيز

الله يكرمك يا بني و استخر الله و اعلم ان الله لا يضيع اجر من احسن عملا

انصحك ان تدرس علم نفس لأنه سوف يفيدك جدآ فى عملك المستقبلى كطبيب انشاء الله وفي النهاية توكل على الله