موقف مثير تعرض له حسام حسن، المدير الفنى للزمالك، عقب مباراة فريقه أمام حرس الحدود، حيث شق حسام قميصه الذى كان يرتديه خلال فعاليات اللقاء عقب انتهائها، معبرا عن حزنه لعدم فوز فريقه.

وكان الزمالك قد تعادل مع حرس الحدود 2 / 2 فى المباراة التى جمعتهما مساء اليوم باستاد المكس بالإسكندرية فى أولى مبارياته بالدورى الممتاز.

وتعامل المدير الفنى للزمالك بعصبية شديدة مع اللاعبين داخل غرفة خلع الملابس عقب المباراة، موجها اللوم إليهم لعدم قدرتهم على الحفاظ على فوز الفريق، وهو ما جعله لا يقوى على حضور المؤتمر الصحفى، وحضر بديلا له طارق سليمان المدرب العام بصحبة عبد الواحد السيد كابتن الفريق.

الجدير بالذكر، أن حسام حسن يتميز بالغيرة الشديدة على ألوان الفانلة التى يدافع عنها منذ أن كان لاعبا واستمر على نفس الحال بعد أن عمل مدربا، ودائما ما لا يقبل بغير فوز فريقه، وهو ما يحاول بثه فى نفوس لاعبى الزمالك منذ توليه قيادة الفريقhttp://www.youm7.com/News.asp?NewsID=262708

طيب وليه كدة يعنى الموضوع مش مستاهل
واعتقد انه كدة حرام عليه لان ليس منا من شق الجيوب
مش عارفة بس شكرا ع الخبر الغريب

هل لطم على خديه ايضا أم إكتفى بشق الفانلة؟

لا حول ولا قوة الا بالله

الله يكون فى عونه

الكلام دة فعلا يضايق يا جماعة بصراحة انا اهلاوية بس بزعل من تصرفات حسام حسن لأنة من رأى لازم يهدى شوية علشان يرفع مستوى الزمالك زى ما فعل فى الآونة الاولى وهذا رأى وارجو ان تتقبلوة
:022yb4: :022yb4: :022yb4: :022yb4: :022yb4: :022yb4: :022yb4: :022yb4: :022yb4: :022yb4:

هذا ان دل فانما يدل على ان الحاسدين والحاقدين واصحاب المصالح مش عاوزين الزمالك يرجع. غيرين من حسام لانه راجل وناجح في عمله سواء لاعبا او مدربا. يكفيه التعادل مع الحرس قاهر الاهلي في عقر داره. سر يا حسام ربنا على الظالمين. واعداءك يتعاملون من منطق العيار اللي ميصبش يدوش.
زملكاوي يشعر بالظلم من الظالمين.

انا فعلا رايي ان احنا ملناش دعوة يعني ايش درانا انه حصل بجد


احنا كده بنساهم في ترويج الشائعة
وحتى لو كان صحيح
اكيد كان في حالة غضب ومش حاسس
وكلنا ممكن نغلط

(ان الله لا يحب الجهر بالسوء)

مع العلم اني مش زملكاوية بس الحق يقال

لا اله الا الله

تري كم قمبص سيرتدي

علي فكرة مؤسس الاهلي ماسوني ويهودي اسمه راغب ادريس باشا فكل زملكاوي لا تقل الاهلي بعد اليوم قل ماسوني
حسام حرام عملتة واطرد غانم من الفريق

علي فكرة مؤسس الاهلي ماسوني ويهودي اسمه راغب ادريس باشا فكل زملكاوي لا تقل الاهلي بعد اليوم قل ماسوني
حسام حرام عملتة واطرد غانم من الفريق
ما العلاقة بين الخبر والتعليق
انا لله وانا اليه راجعون

والله ياجماعة انا ولا اهلاوى ولازملكاوى ولا لية فى الكرة نهائى بس انا لاقيت الخبر قولت نشوفوا مع بعض مش نتعصب على بعض ....... رمضان كريم

يعمل اللي عاوزه براحته واحد وخابف علي مصلحه ناديه

انا شقيت هدومى مننننننننننننننه :angry2:
حرام عليك يا حسام يعنى انت تفرحنا شوية و بعدين تصدمنا
الاداء كان رائع و احنا كنا الافضل لكن التبديلات هى السبب فى الخسارة

هو مش متعصب يا جماعة هو معملش حاجة غلط و مضربش حد
لو كان شق هدومه يبقى كان بيلوم نفسه عادى واحد خايف على ناديه و مش عايز يخسر

ايه يعني تعادل او حتي خسر يا جماعة ايه التفاهه دي يشق هدومه

حسام حسن لاعبا متميزاً في تاريخ مصر ولكنه مدرباً فاشلاً ، يعتمد علي بث الروح الجهنمية في نفوس اللاعبين فقط ولكن ليست له مدرسة تدريبية ولا فكر تدريبي بدليل في ماتش الأهلي في الكأس اللي انهزم فيه تلاته قعد الشوط التاني كله مش عارف يعمل حاجة وعاجز انه يغير طريقة لعبه بتغييرات في الملعب أو اللاعيبة ورمي اللاعيبة في الملعب وآخر ما زهق من الصوت العالي وعرف ان الحماس وحده مش كفاية ، قعد علي الدكة وقوم عبد الحليم علي يقول التعليمات
أما بخصوص غيرة حسام حسن علي لون فانلة فريقه فدا غلط لان حسام بيحب نفسه جداً وعند الأنا متوفرة جامد وعايز دايماً يعمل انجاز والناس تقول حسام حسام
دا رأي في حسام بدون تعصب مع العلم أنا أهلاوي ولكن بحب مدربين ولاعيبة كتير من الزمالك دلوقت و علي مدار تاريخه

حسام حسن لاعبا متميزاً في تاريخ مصر ولكنه مدرباً فاشلاً ، يعتمد علي بث الروح الجهنمية في نفوس اللاعبين فقط ولكن ليست له مدرسة تدريبية ولا فكر تدريبي بدليل في ماتش الأهلي في الكأس اللي انهزم فيه تلاته قعد الشوط التاني كله مش عارف يعمل حاجة وعاجز انه يغير طريقة لعبه بتغييرات في الملعب أو اللاعيبة ورمي اللاعيبة في الملعب وآخر ما زهق من الصوت العالي وعرف ان الحماس وحده مش كفاية ، قعد علي الدكة وقوم عبد الحليم علي يقول التعليمات
أما بخصوص غيرة حسام حسن علي لون فانلة فريقه فدا غلط لان حسام بيحب نفسه جداً وعند الأنا متوفرة جامد وعايز دايماً يعمل انجاز والناس تقول حسام حسام
دا رأي في حسام بدون تعصب مع العلم أنا أهلاوي ولكن بحب مدربين ولاعيبة كتير من الزمالك دلوقت و علي مدار تاريخه

حسام ممكن اكون معاك انه مدرب فاشل او عالاقل غير متميز حتى الآن
لكنه فعلاً بيتميز بغيرته عالفانلة بتاعته ودي اختلف معاك فيها