|
مشاهدة النسخة كاملة : جايبه 90%اعمل ايه ........ساعدونى فى اتخاذ القرار عاشقة الفردوس الاعلى 06-08-2010, 05:01 PM انا طالبه داخله تالته ثانوى ان شاء الله وجبت فى تانيه 90%وانا كنت كاتبه فى الاستمارات علمى علوم بس لما جبت 90%بقيت محتارةهل احول رياضة ولا اخلينى علوم لان معظم اصحابى خلوهم علوم بالرغم ان درجاتهم قليله ويمكن التنسيق ينزل والحق كليه كويسه وفى نفس الوقت مافيش حاجه مضمونه بقول احول رياضه اضمن بكتير من علوم مع العلم انى ميولى علوم بس ممكن ادخل رياضه علشان الحق كليه كويسه زى الهندسه ان شاء الله فارجوكم ساعدونى عاوزة ارائكم بس فى اسرع وقت علشان الدراسه وجدان حنفي 06-08-2010, 05:08 PM يا بنت الناس عشان منضحكش عليكي حولي رياضة وشدي حيلك اوي في المذاكرة عشان تلحقي هندسة ولو تقدري تقسمي السنة اقسمي الأستاذة أم شاهندة 06-08-2010, 05:09 PM لازم تعرفى بتحبى إيه يعنى ميولك علوم إزاى تكملى رياضة وتدخلى هندسة ؟ وهل تضمنى تمشى كويس فى الهندسة وأنت بتحبى العلوم كملى علوم وشدى حيلك وربنا معاك حتى لو تكن طب بشرى ممكن تلحقى بأسنان أو صيدلة بس شدى حيلك واجعلى زيادة المجموع حافز لكى بالتوفيق soul333 06-08-2010, 05:24 PM هقول لك على حاجة مينفعش تعملى اللى انتى مش عايزاه انتى بتقولى ان ميولك علوم ومش عايزة رياضة وبتقولى انك شايفة ان التحويل احسن......................طيب انتى مستعدة تكملى رياضة باقى عمرك؟! حتى لو ربنا اكرمك وتفوقتى انتى من جواكى هتكونى متدايقة ودة هيأثر على نفسيتك وهيأثر على ولادك فى المستقبل - اسفة انى قلت ولادك بس انا فى حاجات فيا من ماما وانا زعلانة وهى زعلانة بس هو كدة - وعلى فكرة هندسة للبنت مش كويسة خالص.....................الا لو شايفة انك هتمشى فى ديكور وحاجة كمان اعرفها على كلية هندسة.......................... طلبة اعدادى بيدرسوا مواد تهد الحيل ولما بيتخرجوا مش بيشتغلوا بيها ودة كلام دكتور واعرفى حاجة الوزير دة مش هيعدى السنة دى على خير ورياضة 2 صعبة واوقات بتيجى من بره المنهج وانا شايفة انه من الافضل بلاش وحاجة بئا حلوة كلية علوم تقدرى تتخرجى منه دكتورة تحاليل او دكتورة اشعة - على حسب القسم اللى تختاريه - وانا عن نفسى علوم ان شاء الله ومن الثانوية على كلية علوم عدل فكرى كويس واختارى انتى على حسب ميولك ورغباتك مش على حسب اللى حوليكى ربنا يقدم لنا اللى فيه الخير ويوفقنا جميعا soul333 06-08-2010, 05:30 PM نسيت اقولك على حاجة يا قمر دلوقتى فى الجامعات المفتوحة يعنى تقدرى تدخلى طب جامعة مفتوحة لو تحبى بس اتأكدى ايه كليات الجامعة المفتوحة لأنى مش متأكدة بس سمعت ان السنادى كله هيبقى مفتوح عاشقة الفردوس الاعلى 06-08-2010, 06:24 PM جزاكم الله كل خير على المساعده بس بقول انى ممكن ان شاء الله امشى فى الرياضه لانى عادى مستوايا كويس فيها الحمد لله ودلوقتى هى اصبحت فى نفس مقدار المحبه بالنسبه للاحياء يمكن لان المجموع هو اللى حكم بكده وكنت بصراحه فكرت فى حكاية ديكور دى بس هل ده قسم فى كلية الهندسه ولا ايه ؟ وهل انتم شايفين ان لها مستقبل فى الشغل ان شاء الله ؟ وفكرت فى علوم بس ارجع واقول ان هندسه اسما افضل من علوم ولا ايه؟ المهم انا اسفه انى طولت عليكم وجزاكم الله خيرا عاشقة الفردوس الاعلى 06-08-2010, 06:26 PM وبعد اذنك يا استاذه ام شاهنده هل المجموع ده ممكن يلحق صيدله او اسنان وهل ممكن يكون فيه امل ان التنسيق ينزل السنة دى ؟ وللاسف بحثت فى الجامعات المفتوحه لقيت مافيش طب او صيدلة الأستاذة أم شاهندة 06-08-2010, 06:52 PM الله أعلم يلحق إيه والله أعلم أنت ممكن العام القادم توصلى لكام ؟ استخيرى الله وما دامت الرياضة أو العلوم سواء إبذلى أقصى جهودك العام القادم وإن شاء الله خير قسم الجامعات ممكن يفيدك فى موضوع الديكور أعتقد أن مهندسة الديكور خريجة فنون جميلة وليست كلية هندسة هم أقدر على إفادتك Negm 2010 07-08-2010, 11:05 AM لو انتى شايفه ان ميولك علمى علوم حاولى تكملى فى علوم واجتهدى شويه و هاتجيبى درجه كويسه وبس الدكتورة حنان 07-08-2010, 11:30 AM انابرده زيك كنت محتارة ادخل علوم ولا رياضة بعد ما جبت 96 اصلى انا اتفاجئت بالمجموع وخفت ادخل علوم وماجبش مجموع طب ولا صيدلة وانا بردة مش باحب الرياضة بس الحمد لله قررت انى ادخل علوم اصلى اهم حاجة انى احب اللى بادرسه بس على فكرة انا معظم اصحابى كانوا هيدخلوا رياضة وبعدين حولوا علوم اصلا البنت مالهاش مستقبل فى الهندسة ويعدين رياضة 2 صعبة والامتحانت هتيجى اصعب انا مش قصدى اخوفك انتى توكلى على الله واختارى اللى بتحبيه بس انا رايى ندخلى علوم وربنا يستر عاشقة الفردوس الاعلى 07-08-2010, 01:54 PM جزاكى الله كل خيرا اخت حنان .. تشرفت بمشركتك والله ..وكل من شارك برد لمساعدتى .... انا فعلا رحت عند مدرس الرياضة النهاردة وصدمت ان المادة مكونة من ثلاثة كتب كل كتاب قد منهج الاحياء كله تقريبا ...... واخدنا جزء من الجر هو مش صعب لكن فعلا حسيت ان اللى جاى مش سهل ابدا ......................... والله انا صليت استخارة عدة مرات وكل مرة احس انى عاوزة رياضة لكن بجد انا خفت جدا من رياضة 2 رغم انى لما لقيت انى رسيت على رياضة بعد الاستخارة قلت انا لازم اجيب النهائية فيها بامر الله عشان اثبت عكس ما يقال لكن فى نفس الوقت مدرس الرياضة قالى كملى علوم لانه عارف قدراتى باستثناء سنة تانية لانه عارف الظروف اللى جعلتنى اجيب المجموع ده .......... لكن والله ده قدرى والحمد لله aqaqa 07-08-2010, 03:02 PM انا شايف تشدى حيلك وتخشي تجارة انجلش ولاونى شايفها مش كويسه للبنت ههههه على فكره انا بشكر فيها علشان انا فيها هههه!!!!! توكلى على الله وشدى حيلك قوى انتى لسه قدامك سنه كامله وما بين طرفة عين وانتباهتها يغير الله من حال الى حال وبدل ما تسالى فلان وعلان حاولى تستخيري بالله رب العالمين 00000 بالتـــــوفـــــيـــــق aqaqa 07-08-2010, 03:03 PM واهم حاجة انك عاشقة الفردوس بلا كلية بلا دنيا الله يوفقك وكل طلاب وطالبات المسلمين00 عاشقة الفردوس الاعلى 07-08-2010, 03:30 PM اولا جزاك الله كل خيرا............ لكن انت طالع بيه السما كده ليه ....كده مرة واحدة تجارة انجلش... لالالالالالالالالا... هههههه على العموم انا بفكر فى علوم حاليا ويا رب ارسى بقى انا تعبت من نفسى والله ربنا معانا ..ربنا يستر ايهاب بدره 07-08-2010, 04:03 PM الاستاذه ام شاهنده ممكن تساعدينى وترسلى لى رساله خاصه اقراها عندما افتح الموقع فى وقت عاجل قبل رمضان اكتبى لى فيها جميع كليات الهندسه فى مصر خددت من كام فى الميه فى سنه 2010 وسنه 2009 وسنه 2008 شكرا انا جبت 90.5 % وهكمل رياضه aqaqa 07-08-2010, 04:31 PM يعني تجارة انجلش وطالع بيكي السما لالالا هيا كلية متواضعه يعني مش للدرجادى!!! بالتوفيق ان شـــــــــــــاء الله الأستاذة أم شاهندة 07-08-2010, 05:09 PM تم إغلاق الموضوع ولو حبيتى تسمعى لنصائح أكثر عليكى التوجه لقسم إجتماعيات طالب وتم الإجابة على سؤالك فى موضوعك يا إيهاب وقبل رمضان والحمد لله بالتوفيق للجميع |