أولا انا عضو جديد معاكم ...:

ثانيا ان عجبني كتييير الموقع فقلت اشترك فيه



وأنا عايز منكم طلب ياريت تساعدوني فيه ...:

انا ان شاء الله داخل 2 ثانوي فجبت مجموع مش قد كده في اولي وعايز ادخل علمي علشان انا حابب المواد بتاعت علمي ..... ففي ناس كتييييير بتقولي لأ علشان انت مستواك في اولي مش كويس ..... وناس بتقول إن أولي مش مقياس لتانية ........

فياريت تنصحوني وتقلولي امتي ادخل علمي وأمتي أدخل أدبي


بس والله انا حاسس إني هدخل علمي وهعمل حاجة كبيرة فيه بإذن الله

لكن كلام الناس وحش أوي

فياريت تنصحوني

والسلام عليكم ورحمة الله وبركاته

......................

إيه يا جماعة
17 مشاهدة ومفيش حد رد علي
شكراااااا................

اسنة اولى مش مقياس ابدا ابدا انا جبت فى اولى 291 يعنى 97%وجبت فى تانية 88.5يعنى مش مقياس واصحابى كتير جابوا مجاميع مش كويسة فى اولى وفى تانية ما شاء الله يعنى لو انت حاسس انك هتعمل حاجة فى علمى توكل على الله ومتسمعش كلام الناس محدش هيعرف مصلحتك اكتر منك ولوبتحب المواد الادبى اكتر ادل ادبى اهم حاجة لازم يكون عندك هدف تسعى له

بس يا سيدى انا كنت جايب فى اولى 236 وكنت جايب درجات قليلة جدا مثلا فى الاحياء 10.5 من 20 وجايب 13 فى الكيمياء ودرجات زباله يعنى
وفى سنة تانية جيبت 96.5 %
وطلعت الاول على مدرستنا
فمتخدش بكلام الناس والله اولى مش مقياس خالص
سيبك من كلام اللى حواليك وحاول تخليك مقياس لنفسك ومتخليش حد يدخل فى حياتك ومستقبلك
انت لو شايف انك ممكن تدى وتفيد فى العلمى ادخل علمى علشان متدخلش ادبى وتسمع كلام الناس وهتلاقى نفسك ندمت انك مدخلتش علمى ... وعلى فكرة فى تانية مفيش فرق غير الكيمياء فى العلمى وعلم النفس فى الادبى
صدقنى اولى مش مقياس خالص لتانية
وخدها نصيحة منى لو ميولك للعلمى ادخل وتوكل على الله وسيبك من اللى بيحجموك ويسيطروا عليك بكلامهم حتى لو اقرب الناس ليك
وشكرا

الف شكر للعضو (بدعيلك يارب) والعضو (eng:osama)
بجد والله انتم خلتوني اتفائل من جديد وأحس إن لسه فيه أمل
كل أحترامي وتقديري

سلااااااام.......