مشاهدة النسخة كاملة : عبدالسميع يتحدي : شكوي الفرنسية مرفوضة وعينة عشوائية للألماني
geuvara2007 20-06-2007, 10:04 AM :angry: في تحد سافر للرأي العام ومشاعر الطلاب وأولياء الأمور.. اعلن الدكتور مصطفي عبدالسميع المشرف العام علي امتحانات الثانوية العامة رفضه تماما شكوي طلاب الصف الثاني في اللغة الفرنسية. :angry:
وأعد تقريرا الي الدكتور يسري الجمل وزير التربية والتعليم يتضمن معلومات مغلوطة وطلب تشكيل لجنة من خبراء اللغة الألمانية لفحص عينة عشوائية من اجابات الطلاب تمهيدا لتعديل نموذج الاجابة واعادة توزيع الدرجات علي اسئلة الامتحان التي جاءت معقدة ومن خارج المقرر. :lol:
انكر المشرف العام علي الامتحانات وجود اي شكوي من اللغة الفرنسية. رغم اعترافه في احدي القنوات التليفزيونية وتصريحاته ل "الجمهورية" بأن الأسئلة جاءت غير مباشرة.
نقلا عن جريدة الجمهورية
بجد حسبى الله ونعم الوكيل انا المانى والحمد لله مش غلطان فى اى حاجة فى الامتحان غير فى موقفان من المواقف :P والحمد الله انا هقول حاجه بس ياريت منزعلوش منى بصراحه امتحان الالمانى جه عادى جدا ولكن كان محتاج تركيييييز شديد جدا جدا :unsure:
bassam_h 20-06-2007, 10:13 AM خلاص بقى يا جماعه بلا فرنساوى بلا المانى انا قرفت من كل حاجه و يا ريت معتش حد يتكلم عن الفرنساوى خلاص اللى راح راح و هما مش هيعملوا معانا اى حاجه لانهم كده خلاص وصلوا للى عيزينوا من بداية الامتحانات
لا هيعملوا ان شاء الله
حتى لو مش عملوا احنا ربنا هيكرمنا كل واحد على قد تعبه ............. وبرضه مش هنسى اقول حسبي الله ونعم الوكيل
ياريت يا جماعة تقفلوا على الموضوع ده بقى لان انا اعصابى تعبت, وكفايه عليهم اوى ان كل الطلا ب بيقولو( حسبي الله ونعم الوكيل) وياريت لو كان عندهم احساس يفكرو فى معنى الدعوة كويس رغم انى اشك فى كدة
alex sam clover 20-06-2007, 11:25 AM والله عندكوا حق حسبي الله ونعم الوكيل بس ركزوا بئه في اللي جاي
aldemerdash 20-06-2007, 12:41 PM :o السلام عليكم .................... والله يا جماعة أنا مدرس لغة فرنسية وبصراحة أمتحان الفرنساوى فوق مستوى المدرسين وانا نفسى أخطأت فى الجملة الثالثة واكثر من عشرة زملاء اتفقوا معى فى الرأى حتى فى التصحيح اختلفوا عليها .......... وعجبى على واضع الامتحان وعلى من ينكر صعوبته وأعتقد ان الاستاذ ده لو كان عنده أولاد فى نفس المرحلة كان غسر رأيه .
le sieur
اه والله حسبي الله ونعم الوكيل انا حاسة ان الكلام تاه مني ....... ومش عارفة اقول ايه ......... بس بجد خايفة ان ممكن المجموع الي بتمناه يضيع مني
يعني يا مستر le sieur مش فيه اي امل يغيروا اي حاجة ؟؟
the_legend 20-06-2007, 01:41 PM والله الناس ده بتستهبل
طمعانة فى رضاك يا رحمن 20-06-2007, 02:52 PM حسبي الله ونعم الوكيل وبس
geuvara2007 20-06-2007, 03:05 PM اشكر كل من شارك فى الرد على الموضوع وخلينا نركز فى الجبر احسن
أميرةحسن 20-06-2007, 05:26 PM كان معروف ان مفيش حاجة هتتغير وانهم هيعملوا الهيصة دى على مفيش بس اقول حسبى الله ونعم الوكيل فى اللى ضيعوا مستقبلى لو كان عندهم ولاد كانوا عرفوا معنى ضياع المستقبل فى3 ساعات وبورقه بسبب استاذ( ) ربنا مايسامحة ابدا ويارب يدوق اللى دوقناه
Merozek 20-06-2007, 06:15 PM يا جماعة اللى عمالين يدعوا دول حراام عليكم الكلام ده
احنا مش فى حرب ، يا جماعة كنتوا تدعوا على الاسرائلين بدل مانتوا بتدعوا على بعض
يعنى اللى عمال يقول الامتحان صعب
نفرض ان الامتحان جه زى التفاضل بتعاكم مثلا وسهل والكل حل فيه
طب ماهى مجاميع الكليات هتزداد ومحدش هيدخل حاجة
يعنى مثلا انا عندى فيزياء السبت الجاى ، نفرض كل مصر جابت خمسين
الطب هيبقى من 99.8%
يبقى احنا كده عملنا ايييييييييييييييه؟؟
وكمان يااااااااااااااااااااااااااااااااااااااااااااااااا ا عيال يا بتوع تانية ثانوى اللى عمال يقول انا خايف على مستقبلى وحرام يضيع فى 3 ساعات
أولا المادة دى انت مش هتشوفها تانى خالص
ثانياً انت قادمك لسه 205 درجة فى تالتة وفوقيهم 5 درجات مستوى رفيع
ولسه قدامك 25 جبر ، 50 كيمياء أو تاريخ ، 25 إنجليزى
أمال لما هتروحوا ثالثة هتعملوا فى نفسيكم اييييييييييييييييييييه
بجد انا ضد اللى يقول على اى امتحان انه صعب لانه المفروض بيميز الطالب اللى فاهم الفرنساوى من اللى حافظ منهم ملزمة المدرس بتاعه ورايح عايز يجيب الدرجة النهائية .
للعلم : انا السنة اللى فاتت جبت 50 فى الفرنساوى ومحدش يقول الامتحان سهل عشان الامتحان ده مجلكش قدامك ، ده كان فى كتاب وانت بتحله براحتك
عارف فيه ناس هتختلف معايا بس بجد بتلاقوا فى النتايج درجات ما تتوقعوهاش
انا حليت فى التفاضل السنة اللى فاتت كويس جداً جبت 20.5
والجبر محلتش حاجة وجبت 25/25
كله بأمر الله سبحانه وتعالى بس انت اتوكل على الله
آسف على الإطالة وربنا معاكم
سارة شتيوى 20-06-2007, 07:46 PM بختلف معاك يا Merozek
مفيش حد بيحل كويس ويجيب درجة مش كويسه والعكس
وبعدين مدرسين اللغة الفرنسية قالوا الامتحان صعب (وشهد شاهد من أهلها)
وبعدين الامتحانات اللى فاتت (العربى والتفاضل..) كانت كويسه جدا
والمواقع كلها اجمعت على ده
http://www.el-wasat.com/edu_details.php?id=5457
ربنا يستر فى اللى جاى
اللي تشوفه 20-06-2007, 07:51 PM اجري العب :lol:
الماني ايه اللي سهل :angry:
مانا الماني
baher23 20-06-2007, 08:12 PM ربن معاكم على فكره انا حاسس بيكم وبدعى ربنا ينجحكم كلكم
ساره انت منينshmrr2@yahoo.com
hassan_elmarisy 20-06-2007, 08:15 PM السلام عليكم
لو سمحتم نتيجة الابتدائية والاعدادية بالاقصر ظهرت ام لا
جزي الله الجميع خيرا
the_legend 20-06-2007, 08:31 PM انسوا الفرنساوي بأه
geuvara2007 20-06-2007, 09:15 PM <div class='quotetop'>إقتباس(اللي تشوفه @ Jun 20 2007, 08:51 PM) 336037</div>
اجري العب :lol:
الماني ايه اللي سهل :angry:
مانا الماني
[/b]
ايه اجرى العب دى هو احنا هنهزر مع بعض ولا ايه :angry: وبعدين انا مقولتش سهل بس الامتحان عادى جدا جدا وبصراحه لازم الواحد يتعب علشان يجيب درجات ويكون فاهم وحافظ ومركز مش حافظ زيك :P
|