السلام عليكم ورحمة الله وبركاته
كل سنة وانتم طيبين
ورمضان كريم ان شاء الله
وحياة جامعية سعيدة وبقول اللي مش دخلوا كلية
هم مش عايزينا قد الله وما شاء فعل ..!!
ربنا دايما بيختار لنا الأصلح
بس المهم شد حيلكم في الكلية وكل شيء هيبقي تمام..
حبيبت أكلمك عن الحياة الجامعية

الجامعة دي بئا حاجة كدا مختلفة عن الثانوي
فرق شاسع
خلاص بئا انت كبرت وبقيت رجل
وانت كمان كبرتي وبقيتي آنسة محترمة في الجامعة
كل واحد فيكم بئا مسئول عن نفسه وبئا له تفكيره..
وشخصيتة المستقلة ...
:::::
أول يوم في الجامعة دا إحساس تاني شعور جميل..
خلاص انتهي زمن ثانوي...
في ثانوي كل شوية الأم يلا ياتوتو روح ذاكر
يلا ياسوسو روحي ذاكر
ورعب وخوف مع انهم 5 مواد عمي :slap1qk6:
أم في الكلية محدش هيقلك حاجة
انت خلاص المسئول عن نفسك
سواء ذاكرتي او لا
دا بأيدك فخلاص كل واحد حدد مصيري ودخل الكلية
اللي هو عايزها او حتي اللي اختراه
في التنسيق..
الهدف
خلينا نبقي متفقين ع شيء
أن أي حد مش في حياته هدف هيضيع بجد
لانه هيبقي ماشي وخلاص مش عارف يعمل ايه
طيب فيه ناس هتقول انا في الجامعة
وخلاص دخلت الكلية المعينة هدف ايه تاني
لا حياتك كدا بدايتها الجامعة وليس نهايتها
انك بدأت تبني للمستقبل لتعمر الكون وبناء حياة أفضل:d
يعني أكيد كلنا مسلمين
أكيد لازم الإسلام يكون ليه دور في حياتنا ومؤثر
اننا نكون مسلمين بجد
فيه منا الطبيب المسلم والمهندس المسلم والمدرس المسلم
والمرشد المسلم
يعني الإسلام يبقي في كل تعاملنا
الثقة بالنفس
دا شيء مهم جداا لان مرحلة الثانوي
انتهت كل واحد فينا بئا كبر والحمدلله
دخل الجامعة لازم يكون فيه ثقة في النفس وفيه تحمل مسئولية
المحاضرة
طبعا فيه حاجة اسمها محاضرة وفيه شيء اسمه سكشن
فيه فرق طبعا
المحاضرة اللي بيديها الدكتور للدفعه كلها
وساعات ممكن تحضرها وساعات لا
بس طبعا الملتزم مش بيفوت أي حاجة في المحاضرة
أم السكشن فلازم تحضره لان غياب 3 مرات
بيخليك تسقط
وهو عباره عن شرح ولكن بطريقة مبسطة لمحاضرة الدكتور
وغير ان العدد بيبقي قليل
وبتمتح فيه في الآخر وان شاء الله كل شيء هيكون تمام
الالتزام
لازم تكون ملتزم في المواعيد في الجامعة
لان الدكاترة والمعادين مش بيدخلوا
حد بعضهم
وطبعا لازم تبدأ أول السنة حضور محاضرات
ومتابعة لكلام الدكتور والمعيد
لانك هتستفيد جامد
الكتابة(اسأل مجرد ولا تسألش طبيب)
شوف ياجماعة كل دكتور في الجامعة
بيبقي معروف هو بيجب من بره المنهج
واحنا محتاجين نكتب بعده ولالا
وفيه دكتور معروف انه بيقول كل اللي في الكتاب
طيب نعمل ايه في المشكلة دي
المشكلة حلها بسيط جداا
انك كل واحد يتصاحب ع حد من اللي اكبر منه
او حتي يسأله عن نظام الدكتور دا
وهل الدكتور دا بنحتاج اننا نكتب وراه ولالا
وطبعا لازم تسأل ناس متميزة
لان فيه ناس بتكبر أوووي سيبكم منهم

ندخل بئا ع المذاكرة
طبعا محدش يقول ان مذاكرة ثانوي هتنفع في الكلية
طبعا اللي هيعمل كدا هيدمر لا محالة
بعد الشر عليكم طبعا
بس يعني سيبكم من أسلوب الدش دا والحفظ

لانك هدش 11 مادة أو حتي 9 مواد
لا طبعا
أول لما تأخذ أي محاضرة ياريت تقرأ المحاضرة كويس أوووي
ع الأقل يبقي عندك فكرة عن الموضوع
لأن فيه دكاترة بتحدد المنهج وفيه دكاترة لا
فعشان مش تقعد طول السنة تذاكر
اقرأ
وقبل الامتحانات ولما الدكاترة يحددوا المنهج
لازم تذاكر كويس أوووي
أسلوب المذاكرة زي ما المعيد قال لنا
انكم بتحدددوا العنوانيين الرئيسية في الكتاب
زي مثلااا
أسباب فشل المنظومة التعليمية في مصر
(1) لان وزير التربية والتعليم من خارج الحقل التعليمي
(2)الصور الهزلة عن المعلم في وسائل الإعلام
اللي بالخط الأحمر هو دا العنوان الرئيسي
ام اللي بالأسود هي دي العنوانيين الفرعية
وتحتاحها بيبقي فيه شرح
فاحنا هنحفظ العنوانيين الفرعية والرئيسية
وهنقرأ الشرح 5 مرات وبكدا كله هيبقي تمام
ومش محتاج أكثر من كداا
الصداقة
شوف انتم هتتعامل مع ناس من كل الأشكال
فياريت تصاحب ناس كانوا معاك في الثانوي
معروفين عنهم انهم كويسيين أخلاقيا
وعلميا ام لو مش معاك
اوك صاحب بس حرص اوووي
لانك اول سنة وياريت لو لقيت اي انسان
مش كويس بعد ما عرفته ابعد عنه ع طول
الأبحاث
طبعا فيه دكاترة هتطلب ابحاث منكم
فالأبحاث
ياما هتجيبوها من النت او من المكتبة
فلازم تخلوا الدكتور يشرح
لكم ازاي تعملوا البحث
يعني لازم تستغلوا الدكتور في كل حاجة
المكتبة
طبعا دلوقتي بئا كل واحد طالب جامعي
يعني هيعتمد ع نفسه في المعلومات
وفي البحث
فسألوا الدكاترة عن ايه اللي ممكن نقرأ فيها
بعد كل مرة
وبالتوفيق
موضوع كويس ع اولي جامعة لكوماندوا
http://www.thanwya.com/vb/showthread.php?t=133936


هذا الموضوع للباشمهندس بانزر

http://www.thanwya.com/vb/showthread.php?t=140760

سلالالام

شكرررررا على التوبيك الرائع ثانكس

روووووووووووووووووووووووووعه تسلم ايديك

جامدة يا تسابيح ولبيتي طلب الجمهووور ربنا ما يحرمني منك يا رب

تسابيح النجووم
بجد انتي انسانه نصووحة ولها قدرة على الاقناع وتقدري تستعملي لغتك في اللي يساعد على توصيل المعلومة للاطراف الاخرى
ربنا يوفقك يارب
ويعينا الله على تنفيذ ما قلتيه يا رب
مرسي للصبح............

شكراا لكم ياجماعة
شكراا فارس
وايه خدمة
بالتوفييق

لاتسلمي رينا يخليكي يارب
تعبتك معايا يا تسابيـــــــــــــــح

لا ولا يهمك تعبك راحة
المدينة الجامعية
مقدرش افيدك
لاني من المنوفية وف جامعة المنوفية
يعني الجامعة في بلدنا
ام اتحاد الطلبة ابعد عنه لانه اكيد هيعطلك جامد
عن الدراسة
وبالتوفيق

موضوع جميل ياتسابيح علي فكره انا كنت في هندسه شبين في النوفيه قضيت شهر هناك بس حولت تاني ولو حد عايز معلومات عن المدينه الجامعيه في المنوفيه ممكن اقوللك علي المعلومات اللي انت عايزها

موضوع جميل ياتسابيح علي فكره انا كنت في هندسه شبين في النوفيه قضيت شهر هناك بس حولت تاني ولو حد عايز معلومات عن المدينه الجامعيه في المنوفيه ممكن اقوللك علي المعلومات اللي انت عايزها
شكراا لك ياباشمهندس
ممكن حضرتك تتكلم عن نظام المدينة الجامعية بوجهه عام
مش لازم محافظة معينة ..
عشان اكيد كل واحد داخل مدينة جامعية في محافظات مختلفة
اظن بتوع جامعة المنوفية مختفيين من المنتدي:d
والاغلبية جامعة القاهرة :stickjo4:

وجزيت خيرااا
نورتني جداا
سلالالالام

مرسي عالموضوع ،،

انا دخلة اولى جامعة و كنت محتاسة خالص ،،

ربنا يوفقنا يارب ،،

مرسي يا برووف فعلا انا مش ف جامعة المنوفية انا في القاهرة ول تعتبكم معايا رايكم في حياة المدينة الجامعية ايه؟

المدينه الجامعيه بالنسبه لتجربتي بتروح مبني الجامعه لو كنت هتسكن مدينه في المنوفيه مثلا بتروح مكان اسمه مدينه الامل مدينه الامل دي هناك عند مجمع المواقف اللي في شبين
تقريبا كل الاجراءات متشابهه في بقيه المحافظات يعني مثلا بتحيب ملف من هناك تقريبا ب80 جنيه وتكتب فيه حالت الاجتماعيه وبتجيب فاتوره مياه او كهربا او فاتوره تليفون حتي وكمان بيبقي لها كشف طبي للمدينه وعلي العموم كل ماقدمت بدري كل ماسكنت بدري يعني مثلا في اول العام بتعرفوا نتيجه المدينه تروح هناك عندها ونشوف اسمك لو منزلش ممكن تستني حوالي 15 يوم كمان وهتلاقي اسمك نزل

بالنسبه للحياه في المدينه الجامعيه في مدينه مثلا زي المدينه اللي عند الهندسه في شبين دي كويسه وشغاله وفله يعني

هناك طبعا بيسكن معاك في المدينه كل طالبين في غرفه ليكم طبعا حاجه اسمها بونات طعام كمان طبعا بيبقي معاكم مفتاح وفيه مشرفين علي المدينه كمان بتدف حوالي 100 جنيه تامين في اول السنه وبتدفع حوالي 70 جنيه كل شهر للمدينه يعني

الحياه في المدينه حلوه وكويسه بتتعرف علي ناس جديده وتقريبا بتعرف كل اللي في المدينه وياك وبيبقي في ساعات ملعب كوره في المدينه ولو المدينه اللي انت ساكن فيها مدينه اساسيه يعني كبيره بيكون في تلفزيون وساعات ناس بتحب تجيب بلايستيشن بس متخلوش المشرف يشوفكم وممكن تطلع تتمشي بره في المكان اللي انت ساكن فيه بس متتاخرش عن الميعاد المحدد ولازم كل سنه تجيب تقدير بحيث انك تضمن تسكن في المدينه لان المدينه علشان تسكن فيها لازم تكون جايب تقدير

واي سؤال تاني انا موجود ;)

جزيت خيراا ياباشمهندس
ان شاء الله يستفيدوا
شكراا

سؤال صغير :

هي تسابيح في كليه ايه ؟؟
:d:d

سؤال صغير :

هي تسابيح في كليه ايه ؟؟


:022yb4::022yb4:تربية نوعية بلافخر:022yb4::022yb4::022yb4:

اوك ...انا سألت بس اصل الكلام ده لا ينطبق علي جميع الكليات
:d:d:d

أيوة طبعا
دا شيء أكيد
بس دا اللي اقدر أفيد به بصراحة
ومش اعرف نظام بقالي الجامعات ....!!!