http://upload.traidnt.net/upfiles/Mmx57181.gif

مما راق لى
اترككم للاستمتاع والمعايشه
http://forums.myegy.com/images/new.smiles/001_smile.gif

حبيتك لإلتزامك . . . . . . . . . . . . حبيتك لاحترامك
حبيت فيكي التواضع . . . . . . . . . . . . والعزة اللي ف كلامك
مبسوط منك لأنك . . . . . . . . . . . . إسلامك كل همك
أنا fصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضية
وحلاوة صوت تلاوتك . ... ....... . . وازاي بتكوني شادية

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . .. . . . . . . . . . بنت حماتها وحماها

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gifhttp://forums.myegy.com/images/new.smiles/001_smile.gif
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . . . . . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والانسان
هتشوف في حجاب بناتك . . . . . . . . . . . . العفة والإحسان
هتشوف إزاي مراتك . . . . . . . . . . . . هتعينك إنت كمان

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif


وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأه لبسي . . . . . . . . . . . . وقلب وشه وسألني
http://forums.myegy.com/images/new.smiles/scared.gif http://forums.myegy.com/images/new.smiles/scared.gif

حافظ كم جزء يابني . . . . . . . . . . . . وقاري كم كتاب
احكيلي كده عن مؤتة . . . . . . . . . . . . أوغزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن. . . . . . . . . . . أنا شايفك لسه شاب
http://forums.myegy.com/images/new.smiles/sleep.gif http://forums.myegy.com/images/new.smiles/sleep.gif http://forums.myegy.com/images/new.smiles/sleep.gif
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة .. . . . . . . . . . . . وبفضل الله قبلني
http://forums.myegy.com/images/new.smiles/001_cool.gif http://forums.myegy.com/images/new.smiles/001_cool.gif http://forums.myegy.com/images/new.smiles/001_cool.gif

قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي
http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف من المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية
http://forums.myegy.com/images/new.smiles/001_rolleyes.gif http://forums.myegy.com/images/new.smiles/001_rolleyes.gif
ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء
http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . . . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وانا قلت مش مروح . . . . . . . . . . . . غير لما أكون خطبتك
http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش على التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني
http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح
http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif

خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة
http://forums.myegy.com/images/new.smiles/sad.gif http://forums.myegy.com/images/new.smiles/sad.gif http://forums.myegy.com/images/new.smiles/sad.gif

صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . وانا متهني وسعيد
معايا ف كل يوم . . .. . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كات بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية .. . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد

http://forums.myegy.com/images/new.smiles/001_rolleyes.gif http://forums.myegy.com/images/new.smiles/001_rolleyes.gif http://forums.myegy.com/images/new.smiles/001_rolleyes.gif
بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط . . . . . . . . . . . . ومعاه رتبة عقيد
ودعوة قلبي صابت . . . . . . . . . . . . ويزيد أهو مات شهيد
وبنتك صيدلية . . . .. . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد

http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif http://forums.myegy.com/images/new.smiles/001_smile.gif
عشت معاكي فى حكاية . . . . . . . . . . . . أحلى وأجمل رواية
حكايتي كات معاك . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفايه
مش عاوز أشوف دموعك . . . . . . . . . . بالذات ف يوم عزايا
أنا عارف إنتي عارفة . . . . . . . . . . . . إن الموت مش نهاية
دي لسة الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوزله هناك سرير
وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغنايا
وأمانه ف كل مرة . . . . . . . . . . . . تدعي لي بالهداية
عسى ربي بدعائك . . . . . . . . . . . . يغفر ليا الخطايا

اللهم ارزق شباب المسلمين زوجات صالحات وارزق بناتهم أزواجا صالحين

جميلة جداً ربنا يبارك فيك ..

ولكن مكانها القسم الأدبي ..

جميلة جدا جدا جدا جدا بشكل ما يتوصفش

بس فعلا فى الزمان دة هذة الانواع من البشر شباب او فتيات
ارجو الرد

شكرا لمرور حضراتكوا الكريم

وبجد إن كان كلامك
هضربلك ألف سلام
وارجع تانى وأقول
إنك شاعر فنان
رسمت بريشتك أنت
فكرة الإسلام






تقبل مرورى ،،،

جميلة جدا .. تذكرت الآن شعراء العامية الكبار خاصة الشيخ أمين الديب وعبد الرحمن الأبنودي ... هي قريبة جدا من أسلوب وطريقة الشيخ أمين الديب حتى أنني أكاد أقول هي له لولا ذكر اسمك ..أسعدتني القصيدة معنى وفنا وشعرت بمتعة حقيقية وأنا أعيش التجربة الجميلة لأب مصري طيب حريص على دينه وشاب أصيل متدين يسعى للزواج ويكون الامتحان إسلاميا يعكس قيم الدين الإسلامي الجميلة ويقاوم بدع الزمان التي تغرق الناس في الديون وترهقهم بمتطلبات الزواج المادية التي أصيب بها المجتمع المصري من مغالاه في المهور وحفلات الخطوبة ثم الزواج في أرقى الفنادق
أشكرك وتقبل مرورى
أحمد عز

جميلة اووووووووووووووووووى
جزاك الله خيرا
بجد رائعة

http://img105.herosh.com/2010/07/28/646245546.gif

شعبآن أذن بالرحيل لم يبق منه سوى القليل
فلتسعد الأروآح إذ تستقبل الشهر الفضيل
فهو المطهر للذنوب ..وبلسم القلوب ،
كل عام وأنتم بخير

شكرا لمرور حضراتكوا

http://reddodo.com/cellphones/nova/?sesid=aHY1aHJKNGNZeDFKa3Niei9OUFVSelNOVXBsUnRqbVN 1UkY0QUcwWFIxS3B3UFVKQzlCQ0ZscjVaci9RMWtlc2JFTDQ3M UwrUStJcExDWE83UXA2RnNhSkFhVkMyajhsdXdqMXNaQndRem8 9

http://rtoosh.com/up/images/87935096936027816857.gif