مشاهدة النسخة كاملة : صحيت من النوم الصبح ( بقلم تامر الطويل )
تامر الطويل 07-08-2010, 11:32 PM صحيت من النوم الصبح
زى أى واحد قومت غسلت وشى وغيرت هدوم وقدت أكل
بس غريبه فى حاجه غريبه أنا حاسس إن فى حاجه غلط
مش عارف فى إيه
أنا إظاهر إتجننت اليوم ده عجيب كده ليه صحصح يا امير وركز سيبك بقه من اوهامك دى
الباب مقفول كده ليه
أنا فين وإيه البيت الغريب ده
أنا مين وإيه جبنى هنا أنا لازم أحاول أخرج من البيت ده
فى شباك مفتوح أنا هخرج
إيه ده الدنيا ملها العربيات مش موجوده الشوارع فاضيه أنا فين
امير ده إسمى انا متاكد
أنا همشى أدور على أى حد يقولى إيه إللى بيحصل ده ؟؟
ملها الدنيا دى غريبه كده ليه السماء حمراء والبحر ماله أحمر كده
ليه هو البحر كان لونه إيه؟؟
مين البنت دى
لو سمحتى
البنت |فى إيه ياأستاذ مالك
لو سمحتى أنا فين
البنت |إنت هتستعبط من أولها وهتعاكس
لاء أبدا أنا بس عاوز أعرف أنا فين إيه العالم دة
أنا كل إللى فكرة إنى صحيت من النوم الصبح
البنت | لو سمحت ياأستاذ بطل إستعباط وسبنى أمشى
طيب هو سؤال واحد بس إحنا فين وإحنا سنه كام؟؟
البنت | هههههههههههه مجنون مجنون يعنى بس هقولك علشان أخلص بقه من رخمتك دى إحنا
فى مصر و سنه 3001
هههههههههههههههههههههههههه حلوة منك لاء بجد قوليلى إحنا سنه كام
البنت | لو سمحت بقه يا أستاذ أنا مش فاضيه لوجع الدماغ ده أنا عاوزة ألحق الماء
ماء إيه ؟؟؟؟
إستنى إستنى
ومشيت البنت وسبتنى فى حيرة
ومشيت وراها وأنا على أمل إنى افهم أى حاجه
إيه الناس دى كلها هما وقفين كده ليه
شخص مش عرفه | إيه يابنى أدم إنت أقف فى الدور وبطلوا بقه قله الزوق دى
أنا أسف أنا بس عاوز أعرف فى إيه إنتوا ليه وقفين هنا
شخص مش عارفه | إنت شارب حاجه ياجدع إنت قولتلك أقف فى الدور أحسنلك
ولا مينفعش معاكم
الزوق
خلاص خلاص هقف فى الدور
البنت | إنت فعلا إنسان غريب جدا كويس إنه مش ضربك
وأخيرا وصلت لنقطه البدايه لقيت واحد ضخم واقف
الضخم | هات
أجيب إيه
الضخم | متجيب ياعم الحاجه إللى هتاخد فيها ولا أحط ليك فى إديك
هو إنت هتدينى إيه
الضخم | هديك الرضعه يابابا فوق بقه وبطل إللى بتشربه ده وهات
ما انا لو أعرف بس أجيب إيه هديك
البنت | خد الزجاجه دى مش عوزاها
أعمل بيها إيه
الضخم | هات ياعم بقه خلصنى خد
إيه ده ههههههههههههههههههه هههههههههههههههه
دى ماء انتى عبيط ياعم
ههههههههه بس بس أنا عرفتكم إنتوا الكميرا الخافيه صح
زيع يا أستاذ إبراهيم وخلى الناس تضحك
الضخم | ماله الراجل ده هو مجنون دة ولا إيه
البنت | ياأستاذ مالك بس إهدى
أنا إللى مالى برده إنتم عوزين تجننونى
أنا فين ........... أنا فين
الضخم | الشبح.... الشبح ....الشبح
وببص حوليه ملقتش ولا مخلوق
وفأجاه لقيت من بعيد ناس غريبه ركبه حاجات أغرب شبه المتوسيكلات بس مش متوسكلات
وقفت تنحت أتفرج وفاجأه لقيت البنت بتشدنى من إيدى وبتقولى إنت بتتفرج إجرى دة الشبح
قولتلها هو فى شبح الصبح بطلى هزار بقه
قلتلى إنت عبيط ياإبنى إجرى
قولتلها يابنتى وأجرى ليه
قلتلى إنت حر إنت شكلك عاوز تموت النهاردة وسبتنى وجريت
ووصل الشبح ونزل من الحاجه الغريبه إللى ركبها دى وراح عليا وقلى
الشبح | إنت مين أنا أول مرة أشوفك هنا
أنا أمير أنا هحكيلك أنا صحيت من النوم الصبح
الشبح | إنت هتحكيلى قصه حياتك إقتلوة
إنت بتهزر صح كفايه كدة ياأستاذ إبراهيم نصر أنا عرفتك
دراع الشبح اليمين | دة شكله عبيط يازعيم
الشبح | حتى لو عبيط لازم يكون عبرة لك الناس ..خدوة وإعدموة
إستنى ياعم إنت وهو إنت بتعمل إيه ؟؟؟
بطلوا هزار بقه إيه ياعم المشنقه دى والله لأشتكيكم فى القسم
البنت | بجد حرام كده هيموتوا الراجل الغريب من غير زمب
الضخم | يستاهل لانه مسمعش الكلام
وفاجاه كله بص للسماء وجرى وأولهم الشبح
ياجبان إنت وهو كان لازم يعنى أزعق فيكم
ولقيت البنت من بعيد بتجرى عليا وبتفكنى وتقولى بسرعه النومس جاى علينا
تتبع
إنتظرنى
بقلم أمير الجروح
تامر الطويل 07-08-2010, 11:34 PM صحيت من النوم الصبح (2)
لكى تفهم الاحداث تابع الحلقه الاوله
نعم نومس إيه دة كمان ؟؟
بطل أسئله وإجرى وفعلا من غيرأسئله طلعت أجرى معاها وأنا مش فاهم أى حاجه
ببصى ورايه وأنا بجرى لقيت سحابه سوده جيه ورانا
ومن جوة بيت قديم دخلتنى فيه البنت بصيت من الشباك
وشوفت أغرب حاجه ممكن يتخيلها إنسان السحابه السوده دى كان هى النومس إللى هو
عبارة عن
ذباب عادى إستغربت وبصيت للبنت وقولتلها بقه إنتم خايفين ورعبنى كل الرعب ده
علشان شويه دبان
بصتلى بإستغراب وقلتلى يعنى إيه دبان دة
قولتلها يعنى دبان
قلتلى ده النومس وإسكت بقه أحسن ده بيجى على الصوت العالى
وببصى من الشباك لقيت النومس ده رايح على واحد من رجاله الشبح وإتلم عليه
وفاجأه إختفى الراجل
وقفت متنح بتاع 10 دقائق وبعد مجمعت عقلى سألت البنت وقولتلها فين راح الراجل
قلتلى النومس أكله
هو بقه ده النومس
وبعدها محستش بأى حاجه فى الدنيا
و
صحيت من النوم الصبح
إصحى بقه ياعم وبطل جنون
أنا فين وإيه جبنى هنا؟.. إنتوا مين وإيه العالم الغريب ده ؟..وإيه النومس ده؟.. دة أكل
الراجل كله حتى العضم مسبوش
البنت |سبوة يهدى إظاهر عندة صدمه عصبيه من إللى شافه وده إللى محيرنى ده كل
حاجه بيشوفها لأول مرة وده شئ غريب مين ميعرفش الشبح أو النومس
الراجل دة فيه سر ولازم أعرفه
وتانى يوم بعد مهديت
البنت | قولى بقة حكيتك إيه باالظبط إنت مجنون ولا عبيط ولا أهبل
إنتى هتستعبطى ما هما ال3 واحد
البنت| بطل بقه كلامك إللى هيجننى دة وفهمنى إنت منين وإيه حكيتك
أنا إللى مين إنتوا إللى مين وإيه العالم الغريب إللى أنا فيه دة
البنت |لو سمحت رد عليا وقولى إنت مين ومنين بص من الاخر إحكيلى كل حاجه عنك
طيب بلاش عصبيه أنا إسمى أمير نور الدين مهندس ومن مصر وعندى 29سنه أما
بقه إيه جبنى العالم الغريب بتعكم ده فمش عارف كل إللى أنا فاكرة إنى
صحيت من النوم الصبح
لقيت نفسى فى العالم الغريب ده
البنت | عالم غريب إيه بس إحنا فى مصر ياعم
مش ممكن هى أمريكا وإسرائيل إحتلتنا وضربتنا باالنووى ولاإيه و السماء لونها أحمر
ليه ومصر بقه كده ليه
البنت |مين أمريكا وإسرائيل إللى بتتكلم عنهم دول أنا مش فاهمه منك أى حاجه إنت
منين من مصر من جونوب ولا من شيرا
إيه الاسامى الغريبه دى أنا من كفر الشيخ
البنت| إنت هتجننى إيه كفر الشيخ دى كمان مفيش فى مصر غير مدنتين جونوب وشيرا
إيه دة هى امريكا ضربت كفر الشيخ طيب والشرقيه اخبارها إيه وإسكندريه كل المدن
دى راحت فين
البنت | يووووووووووووووة إنت جننتنى معاك ياغريب قولتلك مش فيه غير مدنتين
وبس أنا أول مرة أسمع الاسامى الغريبه إللى بتقولها دى
طيب انا عاوز أنضم للمقاومه أكيد فى مفاومه هنا ضدد العدوان الامريكى ده
البنت | بجد إنت إنسان غريب قولتلك مش فى امريكا
فى عدوان من الشبح وبس وفى مقاومه فعلا وهخدك ليها بس الاول قولى
إنت بجد مجنون زى مابيقولوا عنك
أنا مش مجنون انا عاقل إنتم بجد إللى مجانين إزى إحنا فى سنه 3001إنتى اكيد
غلطانه إحنا سنه 2010
البنت |هههههههههههههههه يعنى أنا اكبر منك ب حوالى 1000 سنه هههههههههه
مجنون مجنون يعنى
والله ما مجنون
خدينى للمقاومه أكيد هلاقى هناك عالم بتفهم
البنت | شكرا ليك يامحترم
إستنى بس يا
هو إنتى إسمك إيه
البنت | لوجين
لاء انا بقولك إسمك إيه
البنت | قولتلك لوجين إسكت به
لوجين إسم غريب وعالم غريب
لوجين متزعليش منى بجد انا حاسس انى غريب فى حاجه غلط
أنا أسف ياقمر
البنت | إيه القمر ده كمان
القمر يابنتى إللى بيجى بليل بعد غروب الشمس
البنت | هو أنا عرفت القمر لما هعرف الشمس
الشمس دى يابنتى
البنت | هههههههههه إنت تقصد اليون
إيه اليون ده كمان هو إنتوا غيرتوا الاسامى كمان
ربنا يستر وتكون الرياسه بخير
صحيح أخبار الريس إيه
البنت | إنت تعرف الريس منين هوس إياك تنطق إسمه على لسانك
حتى فى زمنكم ده بتخافوا منه إحنا على كده كان عندنا ديمقراطيه
البنت |إسكت بقولك لو فعلا عوزنى أوديك للمقاومه
خلاص يابنتى مش هتكلم بس ودينى للمقاومه يمكن منهم اقدر أعرف أنا نمت إزى
1000 سنه
إيه يا لوجين أنا تعبت يابنتى إنتى مركبه متور فى رجليكى حرام عليكى رجلى ورمت
البنت | لسه شويه
نعم كل الماشى دة ولسه شويه خلاص مش عاوز أحارب مع المقاومه أنا علبال ما أوصل
هكون موت أصلا
البنت | بطل رغى بقه إنت راجل إستحمل شويه أنا بنت وماشيه أهوة بطل بقه
البنت | إستخبى بسرعه الشبح ورجالته قصادنا
هو الراجل ده وارنا ورانا عاوز مننا إيه بس يورينى نفسه راجل لراجل وأنا أوريه
البنت | إسكت خالص هتودينا فى داهيه
البنت | خلاص مشيوا إخرج بقه إنت فين ياجبان بقه هتورى الشبح وانتى مستخبى
ورايه
لاء انا بحمى ظهرك علشان محدش يخونك من الخلف خليكى ناصحه
البنت | طيب إخرج يافالح إخرج خلاص قربنا خالص نوصل
فين يابنتى مقر المقاومه ده مفيش أى حاجه غير صحراء وجبال
بقه المقر فى الجبل يعنى
البنت | إنت عرفت المقر السرى منين
نعم مقر المقاومه فى الجبل طيب إزى
وراحت البنت فى جدار مخفى بين الجبال وضغطت على شئ وإنشق الجبل نصفين وبان
جواه مقر المقاومه
وجوة المقر ظهر رجاله عمالقه
وكلهم بيبصولى كأنى قتلتلهم قتيل
راجل عبيط | إنت مين ياض وإيه جابك هنا
إيه ياعم أنا جاى مع لوجين هى كانت واقفه جمبى هى راحت فين
راجل عبيط | إنت إسمك إيه ياله
إيه ياله دى ياعم انا إسمى أمير ياعم ولا إنت علشان عضلاتك يعنى هتخوفنى لاء دأنا
وحش وقت الجد فى الجرى مفيش زيى إتنين
راجل عبيط | إنت شكلك لسانك طويل وعاوز تتربى تعاله هنا ياله
الريس | سيبه ياسينو
راجل عبيط | حاضر يازعمنا بس الوله ده شكله جاسوس للشبح
الشبح | هنعرف كل حاجه منه حالا وهو أكيد هيقول باالزوق أو باالعفيه هيقول كل حاجه
بس دلوقتى إخلوا المقر ده حالا وإنقلوا للمقر الاحتياطى
وحسابك معايه بعدين يا لوجين
إزى تجيب شخص للمقر من غير متسألينى
تتبع
إنتظرنى
بقلم أمير الجروح
bebo_93 09-08-2010, 05:47 AM قصه جميله جدا
بس انا مستنى التكمله ومتشوق ليها
فكرتنى بكارتون المغامرون الخمسه هههههههههههههههههه
قصه حلوه يلا كملها انا مستنى
تامر الطويل 09-08-2010, 01:45 PM صحيت من النوم الصبح (3)
http://www2.0zz0.com/2010/05/24/21/409370213.gif
لكى تفهم الاحداث تابع الحلقه الاوله والحلقه الثانيه
يعم إفتح الباب بقه أنا هتخنق الريس قلكم إحبسوه مش موتوه
الحارس الغبى | إسكت ياغريب وبطل كلام
طيب مش هتكلم أنا جعان طيب
الحارس الغبى | ههههههه مسجون وكمان عاوز تاكل إنت عبيط عبط ياجدع
وإيه العبط فى كده بقولك جعان ياعم
الحارس الغبى | وتحب يا سعاده البيه أجبلك أكل إيه
ياعم أى حاجه حتى لو فول وطعميه
الحارس الغبى | فول وإيه ياأخويا إيه الاكل الغريب إللى إنت قولته ده أنا اول مرة اسمع إسم الاكل
ده إظاهر إن كلام الناس عليك صحيح وإنك مجنون
أو إنك من رجاله الشبح وجاى توقعنا علشان تعرف مقر المقاومه
أحلفلك باإيه إنى مش أعرف الشبح ده
البنت لوجين | إزيك ياغريب
بقه كده يالوجين تخلى المقاومه تحبسنى وكمان تخلى واحد عبيط زى ده يحرسنى طيب خلوا مزة
تحرسنى على الاقل يبقه وجه حسن
البنت لوجين |مزة إزى ياغريب
مزة يعنى بنت قمورة كده
البنت لوجين |ماإنت ياغريب محيرنى معاك مش عارف أى حاجه عن العالم بتعنا
وكاأنك من عالم
تانى
أنا فعلا مش من العالم بتعكم ده أنا من مصر أم الدنيا
البنت لوجين | طيب ما إحنا فى مصر
مصر بتعتكم دى غير مصر بتعتى
مش ممكن تكون دى مصر أم الدنيا وأكيد إنتم مش مصرين وبعدين فين طنطا بقه محتوها من
مصر
البنت لوجين | طنطا الاسم ده أنا سمعته قبل كده من جدتى
طيب إلحقينى بجدتك أعرف منها إيه حصل
البنت لوجين | حاضر ياغريب بس الاول كل أنا جيبالك سورس إتفضل ياغريب كل
ربنا يخليكى ياقمر ويجعله عامر ياقلبى
البنت لوجين | إيه قلبى دى ؟؟
يالهوى مش وقته خالص دلوقتى يالوجين روحى هاتى جدتك
البنت لوجين | حاضر ياغريب
يابنتى والله إسمى أمير تشوفى البطاقه
البنت لوجين | إيه بطاقه دى ؟؟
أنا إللى غبى أنا ليه بكلمك أصلا روحى هاتى جدتك
أما أكل بقه ريحه الاكل ده روعه يامعلم
بطل بص ياعم عنيك هتطلع على الاكل
بس الله الرحمن الرحيم
إلحقووووووووووووووووونى
الحارس الغبى| فى إيه ياغريب مالك
إلحقنى البنت لوجين دى عوزة تسمنى
جيبالى فار مشوى وقال ايه أكل
شوفت القرف ياجدع وأنا إللى كنت إبتديت أتشد ليها وأحبها قطعت برزقها
الحارس الغبى | ماتاكل ياغريب دى لوجين دى بتعزك جدا سورس لوحدك ياعم هنيالك ياسيدى
يخرب بيتك إنت بتحسدنى على فار مشوى إنت مجنون ياجدع بقولك فار فى العالم بتعنا بنجرى
ورايه باالشبشب
الحاس الغبى | يعنى مش عاوز الاكل
طبعا مش عوزة إنت مجنون أنا هاكل فار أنا عندى أموت من الجوع أحسن
الحارس الغبى | طيب ممكن أكله أنا
ما تكله ولا تغور فى داهيه ياعم ده فار
الحارس الغبى | شكرا ياغريب أنا إبتديت أحبك
وبعد مرور كام ساعه
جات لوجين ومعاها ست عجوزة جدا ومعاهم الريس
أخيرا هعرف إيه إللى حصل لمصر
ياحاجه إيه إللى حصل لمصر بقه بالله عليكى
الست العجوزة| ملها مصر ياإبنى مصر هى مصر
لا وحيات أبوكى بلاش الظاهيمر يشتغل دلوقتى
البنت لوجين | جدتى إحكلنا عن طنطا البلد إللى جدودى القدام كانوا منها
الست العجوزة | أه طنطا بلد جدودى وجدود جدودى مالها طنطا
إيه دة يالوجين إنتى جيبالى واحده الزهيمر شغال عندها 24 ساعه حرام عليكى أنا هتجنن
الريس | أنا من البدايه كنت حاسس إنك من رجاله الشبح ولازم نخلص عليك
ياعم والله ما اعرفه إتكلمى بقه ياحاجه هيخلصوا عليا
البنت لوجين | جدتى ركزى معايه مش إنتى مرة حكنيلى عن مدينه كان إسمها طنطا جدود نا
القدماء كانوا منها وقولتيلى إنها كانت فى مصر
الست العجوزة | أنا تعبت نكمل بكرة بقه
يالهوى يالهوى
دى ماقلتش أى حاجه وتعبت بص ياريس موتنى أنا أصلا زهقت من حياتى ومن العالم الغريب
بتعكم دة
الريس | إنت فاكر إنى هموتك بسهوله كده الاول لازم تقولى الشبح بعتك لينا ليه إتكلم
وأغمى عليا
وصحيت من النوم الصبح
على صوت غريب وناس بتصوت
ولقيت لوجيبن بتجرى عليا وبتقولى فوق ياغريب الشبح عرف المقر وبيهجمنا
لازم نهرب حالا
أنا مش ههرب تانى أبدا خلى الشبح يخلص عليا علشان أرتاح منكم يامجنين
البنت لوجين | إنت مجنون ياغريب بقولك الشبح بيهجم بطل هزار وقوم
بقولك مش ههرب أنا هفضل مكانى هنا
البنت لوجين | طيب وأنا ياغريب هتسبنى لوحدى لرجاله الشبح طيب ياغريب برحتك
إستنى يالوجين أنا جاى معاكى طيبه قلبى دى هى إللى هتضيعنى
إحنا هنخرج منين وهما محصرين المقر
البنت لوجين | فى باب سرى محدش يعرفه غيرى وغير الريس هنهرب منه
يالله بسرعه
تتبع
إنتظرنى
بقلم أمير الجروح
تامر الطويل 09-08-2010, 01:49 PM هذه القصه من إبداعى الخاص وليست منقوله
فاأنا مشرف القصص والروايات في احد المنتديات
تامر الطويل
تامر الطويل 29-04-2011, 02:46 PM صحيت من النوم الصبح
الحلقه الرابعه
وهربنا من الباب السرى
أنا جعان يالوجين ؟؟
البنت لوجين |إنت عبيط ولا أهبل بقولك هنموت تقولى جعان
الله يعنى أموت وأنا على لحم بطنى ده حرام حتى
البنت لوجين | أنا مش جبتلك ساروس
الله يقرفك متفكرنيش جيبالى فار وفرحانه قوى
البنت لوجين | فار يعنىإيه
ده سورس
سورس مين ياحاجه دة فار و......
البنت لوجين | إستخبى بسرعه واحد من رجاله الشبح جاى علينا
و وراء صخرة كبيرة إستخبينا
بس ليه أبقه محظوظ ما أنا نحس من يومى الراجل شافنا وشدنى من قفايا وقال إيه مصمم إنه
يضربنى وياخد البنت لوجين منى
بس على مين نفخت نفسى وقولتله لاء ياحلو مش أنا إللى يتخطف منى مزة د أنا صايع
وبعدها رزعنى حته كف إبن ال.... خلانى إترميت مترين لورة
وشد لوجين من إديها
قومت التعب إللى أنا فيه وقمت شديته من قفاه وهنوله باالبوكس فى وشه قام الناصح موطى لقيت
نفسى بطير فى الهواء وبقع تانى على الرمل
وسعتها ضحك الراجل عليا إبن ال..... فضحنى قدام لوجين
وفاجأه وهو بيضحك قامت لوجين ضرباه على دماغه من ورة
وإنتصرنا فى المعركه
ليه يالوجين ضربتيه أنا كنت هروقه بس كان صعبان عليا
البنت لوجين |أه ياوحش ماأنا شوفتك وإنت بتطيرة على الارض
وشفتك كمان وإنت بترزعه باالكف على قفاه
خلاص بقه يالوجين بلاش تريقه أعملك إيه الوله كان جته
وبعدين إنتى شوفتى كل ده ومسمعتنيش وأنا بدعى عليه أنا دعيت دعاء
المهم هنروح فين دلوقتى
البنت لوجين |هنروح للعالم فانتوم
ومين فانتوم
ده كمان مش عارف أنا بتجيبوا الاسامى دى منين فين أسميكى يابلدى فين عتريس
وفين عنتر فين الاسامى إللى بجد
عليه العوض ومنه العوض فيكى يامصر
وبعد ما لوجين قطعت نفسى من المشى ودتنى لبيت أقل ما يقال عنه إنه زباله معقول دة بيت عالم
دى زريبه يابنتى
البنت لوجين | بطل بقه يا غريب العالم فانتوم دة من أذكى علمائنا
الشبح نفسه يلقيه دة عبقرى يا غريب
البنت لوجين |إستنا بقه أما نخبط على الباب
وقبل مانخبط على الباب الباب إنفتح ولقينا صوت بيقولنا إدخلى يالوجين إنتى وإللى معاكى
وأول ما دخلت قولتله لا بجد إنت عبقرى عرفت إزى إننا إللى بره
إنت فعلا كده عالم عبقرى
العالم فانتوم | مين العبيط إللى معاكى ده يالوجين أنا شوفتكم من العين السريه إللى فى الباب دى
ياأهبل
بصتله بعبط وقولتله أه ماشى ماأنا جاى العالم الغريب دة علشان أتهزق
من إللى يسوا وإللى ميسواش
البنت لوجين | ده غريب لقناه فى المدينه وبيقول إنه جاى من مصر
بس مش من مصر بتعتنا دى مش عارفه إزى وكل حاجه عندنا بيشوفها لأول مرة حتى الشبح أو
الناموس مايعرفهمش
العالم فانتوم | أكيد إتجنن من الجوع أو من الشبح
ياعم والله ما مجنون أنا عاقل جد أنتم إللى مجانين طيب فين الهرامات وأبو الهول
وهنا بس العالم فانتوم بصلى بتعجب شديد وقال
العالم فانتوم | إنت تعرف الاهرمات وأبو الهول منين
ياعم بقولك دول أثارفرعونيه فى بلدى مصر
العالم فانتوم | كنت متأكد إنهم فرعونين مش هوتوسين
إيه إللى بتقوله دة ياعم إنت إيه يالوجين إنتى جيبانى لواحد مجنون ولا إيه
بتبصلى كده ليه ياعم إنت
العالم فانتوم | أقعد كده وإحكيلى كل حاجه عن وطنك مصر كل حاجه تعرفها وأى حاجه حتى لو
ملهاش قيمه من وجه نظرك
لوجين لو سمحتى فى سورس كتير جوة إعملنا أكل
وهنا بس إتنفضت وندهت بعلوصوتى سورس لالالالالالالالالالالالالالالالالالالالالالا
العالم فانتوم | فى إيه ياغريب مالك ده أكل متخفش
ياعم أنا مش خايف أناقرفان السورس بتعكم ده إسمه فى بلدى فار
وده حاجه لما كنا بنشوفها كنا
بنجرى وراها
العالم فانتوم | طيب عادى الاسم مش مشكله سورس فار مش مهم المهم إنكم كنتوا
بتجروا وراها
برضه زينا علشان تكلوها
نكولها مين ياعم إحنا كنا بنجرى وراها علشان نموتها دة فى وطنى شئ مقرف خالص
العالم فانتوم |خلاص بلاش سورس يالوجين هاتلنا يونغ
أى حاجه يونغ يونغ بس إبعدى عن السورس
إحكيلى بقه ياغريب كل حاجه عن مصر العالم بتاعك
وفضلت طول ساعتين أحكى
وهو ماسك حاجه شبه الورق كده وبيدون ملاحظاته عليها وبعدما
خلصت
قولتله انا بقه عاوز أعرف شئ واحد بس ؟؟
العالم فانتوم | إيه ياغريب ؟؟
إزى مصر بقه مصر كده
العالم فانتوم |أنا كده وبعد المعلومات إللى قولتهالى أقدر أقولك إزى مصر بتعتك بقت مصربتعتنا
طيب قولى وريحنى بدل ما هتجنن كده
أنا كنت بدور على أثار قديمه للحضارة اليونجيه وأنا بدور لقيت مخطوط وكتب لسنه2059
منهمكتاب كان مكتوب فيه كل شئ حصل فى سنه2059
وكان إسمه .. نهايه العالم وبدايه الدمار..
كان الكتاب بيحكى عن مصر سنه2021وإنها كانت من دول العالم الثالث
وكان فيه دول عظما كتير بسكان أهمها أمريكا البلد إللى إحتلت معظم الدول العربيه
وجه الدور على مصر وفعلا دخلت مصر حرب مع أمريكا
وكانت خلاص أمريكاهتحتل مصر بس
عالم مصرى لقه سر الحضارة الفرعونيه وعظمتها فى سرداب داخل الهرم الكبير
وبعدها مصر إنتصرت على أمريكا وهى بقت الدوله العظمى
وكل البلدان بيخفوها فى ناس كتير
قالوا إن العالم إكتشف سلاح سرى خطير من الحضارةالفرعونيه
وبيه مصر إنتصرت على
امريكا
وبقت دوله عظمى
بس الدول العظمى كلها خافت من إمتلاك مصر للسلاح ده
وبدئو بضربها باالسلاح النووى وبعد كده
الكتاب بقيته مش موجود
بس انا بتوقع إن مصر لما الدول العظمى ضربتها باالسلاح النووى مصر ضربت
سلحها السرى
ودمرت العالم كله
وفضلت مصر وبس
فى الجوع والدمار والوحده
إيه ياعم إللى إنت بتقوله دة إنت بتحكيلى فيلم هندى سلاح سرى إيه ونيله إيه
أنا عاوز أعرف حاجه واحدة وبس أنا جيت هنا إزى
العالم فانتوم | هى دىالحاجه إللى مش عارفها بس بجد لو كده يبقه مصر فعلا أجددها الفرعنه زى
ماقولت من سنين ومحدش صدقنى
ياعم مظبوط إحنا فعلا أجددنا الفرعنه
خلينا بقه فى المهم أنا جيت هنا إزى ؟؟
العالم فانتوم | إحكيلى ياغريب عن اليوم إللى حصل معاك قبل متنام و
تصحى من النوم الصبح
تتبع
إنتظرنى
بقلم
تامر الطويل
أمير الجروح
smsma81 29-04-2011, 08:47 PM http://i1.makcdn.com/m002/jokes/JokesImages/Jokes/26737/Feature.jpg
ده تصور لأله الزمن دي صخبنا ده كده
كمل جووووود
تامر الطويل 04-05-2011, 09:06 PM http://i1.makcdn.com/m002/jokes/JokesImages/Jokes/26737/Feature.jpg
ده تصور لأله الزمن دي صخبنا ده كده
كمل جووووود
نورتينى شكرا ليكى
Mo7amed zizo 05-05-2011, 12:14 PM ايه يا واد الجمال ده
بصراحه قصيده روووووعه ... وفيها شوية كوميديا ههههه
تامر الطويل 07-05-2011, 10:41 AM ايه يا واد الجمال ده
بصراحه قصيده روووووعه ... وفيها شوية كوميديا ههههه
شكرا ليك اخى الغالى بجد نورتنى
الجنية الزرقاء 07-07-2011, 01:22 PM بجد روعه يا تامر
انا متابعه حجاتك دايما في ايجي وبجد انت كاتب رائع
كمل مستنياك
مريم عمر عادل 08-07-2011, 04:35 PM جميله جدا جدا روعه الفكره دي اوي و خصوصا ان القصص الي بتخص المستقبل مطلوبة جدا و يتهيائلي ان دي احلي حاجه كتبتها لغاية
دلوقتي لكن شكلك ما عملتش بنصحتي فين الفاصيييييييل
اسلوبك حلوا جدا لكن محتاج شوية تحسين
و خيالك خصب جدا ليك مستقبل كبير ان شاء الله
اه و علي فكره انا كنت عاوزه اقولك المره الي فاتت انك تعملها علي حلقات يكون احسن عشان الي بيقرا ما يملش لكن نسيت
تامر الطويل 08-07-2011, 09:20 PM بجد روعه يا تامر
انا متابعه حجاتك دايما في ايجي وبجد انت كاتب رائع
كمل مستنياك
ربنا يخليكى يارب انا سعيد ان ليا معجبه جميله وزوق زيك كده بجد نورتينى ويارب اكون عند حسن ظنك ديما
جميله جدا جدا روعه الفكره دي اوي و خصوصا ان القصص الي بتخص المستقبل مطلوبة جدا و يتهيائلي ان دي احلي حاجه كتبتها لغاية
دلوقتي لكن شكلك ما عملتش بنصحتي فين الفاصيييييييل
اسلوبك حلوا جدا لكن محتاج شوية تحسين
و خيالك خصب جدا ليك مستقبل كبير ان شاء الله
اه و علي فكره انا كنت عاوزه اقولك المره الي فاتت انك تعملها علي حلقات يكون احسن عشان الي بيقرا ما يملش لكن نسيت
والله عملت فى القصه اللى بكتبها حاليا ولسه مش خلصتها يامريم وطبعا نصيحك جميله واستفدت منها جدا وبجد سعيد ان قصتى المتواضعه دى نالت اعجابك وهديه منى الحلقه الجديده هتنزل حالا من القصه دى
تامر الطويل 08-07-2011, 09:27 PM http://www2.0zz0.com/2010/05/24/21/409370213.gif
صحيت من النوم الصبح
الحلقه الخامسه
لكى تفهم الاحداث تابع الحلقه الاوله والحلقه الثانيه والحلقه الثالثه والحلقه الرابعه
00000000000000000000000000000
هو أنا لسه هحكى يعم
العالم فانتوم | لو فعلا عوزنى أسعدك لازم تحكى
طيب خلاص هحكى وأمرى لله
إسمع ياسيدى
أنا قصتى بدأت لما حبيت بجد وإفتكرت إن إللى بحبها ملاك فى صورة بشر
العالم فانتوم | خلص بقه ياغريب إنت هتحكيلى باالتفصيل الممل
خلاص ياعم متزوقش
انا كنت شغال فى معرض زجاج
وبعد البنت السكرتيرة القديمه ما سابت الشغل بلغنى صاحب
المعرض ان فى سكرتيرة جديده جايه
تشتغل معانه وفعلا بعد يومين دخلت عليا بنت زى القمر فى
عنيا مش مهم شكلها إيه فى عنيكم
المهم انها كانت فى عنيا زى البدر فى تمامه اول ما شفتها
قلبى رجعلى تانى ودق وندا بحبها
وزى العاده فضلت احبها فى صمت بس فى يوم قررت انى
اقولها بحبك إيه يعنى هيحصل ايه
قرفلتلها عوزك فى موضوع مهم وفعلا قعدنا وفضلت ساكت ولا
كلمه خرجت من بين شفايفى
وقلتلى قول وانا مش عارف إزى اقول قولتله
عامله إيه ؟؟ أخبارك إيه ؟؟
الحمد لله كويسه
طول اليوم على نفس الوضع
عامله إيه ؟؟؟ أخبارك إيه ؟؟؟
الحمد لله كويسه
لحد اما زهقت وقلتلى كلمه عمرى ما هنساها ابدا
ما تقول يا ابنى زهقتنى
إنت معجب بيا
وكانت بدايه فك عقده لسانى
قولتلها انا
انا
انا
انا
انا
انا
انا
بتاع دقيقه
انا
وفى الاخر قولتلها بحبك
وقومت ومشيت زى الاهبل
وكان ده اجمل يوم فى حياتى
مكنتش عارف ان القدرمخبيلى مفاجاه
وفعلا عشت ايام سعاده متتوصفش ولا تتعد
معاه عرفت معنى كلمه بحبك ايه حبتها بجد وكنت مستعد
علشان خطرها احارب الكون كله مش
مجرد كلام وخلاص كنت فعلا بحبها لدرجه الجنون درجه
عمرى محستها ولا سمعت بيها من
قصص اصحابى وحكايتهم من حبيبهم ودى كانت غلطتى انى
سلمتها احساسى ومشعرى وكل حاجه
حلوة جوايه
أخدتهم وراحت للعالم اللى كانت جيه منه عالم من الكدب
والخداع والخيانه
وكانت البدايه اغرب من الخيال واكيد كلكم هتقولوا عليا
مجنون او اهبل او باألف قصه
بس بجد دى الحقيقه
بعد فترة إتصل بيا واحد صحبى
وقلى عوزك ضرورى الموضوع مهم
وفعلا رحت له وكانت هناك المفاجاه اللى مخبهالى القدر
قلى البنت السكرتيرة اللى عندكم لما كنت بأجى عندكم قلتلى
انها بتحبنى
انا زيكم باالظبط كده تنحت بقيت واقف مش عارف اتكلم ومش
فاهم اى حاجه
وبعد شويه قولتله انت بتقول ايه ؟؟
قلى زى ماسمعت
فاكر لما كنت بااجى وأقعد معاك فى المعرض وهى موجوده
قولتله اه
قلى جتلك مرة ومكنتش انت هناك وقلتلى عوزاك وقلتلى
انا بحبك وعوزة اعرف شعورك من نحيتى ايه
وانا برده متنح ومستغرب ومش فاهم اى حاجه فى اى حاجه
معقول اكيد صحبى ده كداب
مش ممكن يكون الحب عندها عامل زى النفس اللى من غيرة
منقدرش نعيش
اى حد تحبه وتقوله بحبك بسهوله كده
ولما إتملكت نفسى قولتله وإيه المطلوب منى
قلى عوزك تفهمها انى مش بحبها وانى بحب واحده غرها
قولتله وانتى مش قولتلها الكلام ده ليه ؟؟
قلى يابنى الصدمه كانت رهيبه
انت عارف يعنى ايه وحده تيجى تقولك انا معجبه بيك وعوزة
اعرف شعورك من نحيتى ايه
قولتله عارف
قلى انت لو مكنت صحبى انا كنت اخدتها على قد عقلها
واوهمتها باالحب
وقضيت معاه ايام جميله فسح وخروج وكنت بعد كده سبتها
بس لانك صحبى مينفعش اعمل كده
مكنش يعرف انى بحبها وإنه مش اول إللى إتقلتله الكلمه دى
وبدون حكايات تطول
روحت ووجهتها بحبها لصديقى ده
والمفاجاه إنها ما أنكرتش قلتلى ايوة هو قالك ايه قلك بيحبى
مبقتش عارف اتكلم لقيت كرسى قصادى قعدت عليه وانا فاقد للوعى
شايف قدام ناس ومش حاسس باى شى
وبعد ماصديقى كلمها وقلها انه مش بيحبها بفترة
رجعتلى تانى ومن كلمها من ضحكتها حسيت غنها عوزانى ارجع ليها تانى
وفعلا بعبطى وهبلى رجعتلها تانى ونسيت الماضى كله
وللمرة التانيه إكتشفت إنها بتكلم صديقى ده وبتطارده بمكالماتها ليه فى الموبيل
وسعتها بجد كرهت نفسى قوى وحسيت إنى إنسان مخلوق للخداع والخيانه
ومشيت لفيت فى شوارع اول مرة اشوفها واخر ما تعبت روحت اقعدت على الشط
قدام البحر ونمت
و
صحيت من النوم الصبح
تتبع
إنتظرنى
بقلم
تامر على الطويل
أمير الجروح
مريم عمر عادل 10-07-2011, 12:57 AM برافوا علي البارت ده
تامر الطويل 10-07-2011, 10:43 AM برافوا علي البارت ده
نورتينى اختى الغاليه والبارت القادم احلى تابعينى هينزل حالا
تامر الطويل 10-07-2011, 10:47 AM http://www2.0zz0.com/2010/05/24/21/409370213.gif
صحيت من النوم الصبح
الحلقه السادسه
00000000000000000000000000000000000000000
لكى تفهم الاحداث تابع الحلقه الاولى والحلقه الثانيه والحلقه الثالثه والحلقه الرابعه والحلقه الخامسه
00000000000000000000000000000000000000000
بس ياعم فانتوم دى كل الحكايه ،، فهمت بنضارتك دى ولا أعيد تانى
البنت لوجين | معقول فى بنت فى زمنكم باالشكل الغريب ده الحب عندها مجرد لعبه
العالم فانتوم | إيه سبب إنتقالك للعالم بتعنا طيب أنا هتجنن !!
إنت إللى هتتجنن ، أمال أنا أعمل إيه ياعم ياعم
العالم فانتوم |فى حاجه غلط أكيد فى حاجه إنت نسيت تقولها ،،إفتكر كويس وإنت قاعد على الشط إيه حصل قبل متنام
هو فى فعلا فى حاجه حصلت بس دى حاجه عاديه جدا
العالم فانتوم / ماتتكلم يابنى أدم ايه اللى حصل ؟؟
وأنا نايم على الرمل وببص للسماء شوفت مركبه فضائيه
نزله من السماء عليا ونزل منها كائنات فضائيه عجيبه
العالم فانتوم | إنت هتستعبط ياله
إيه يعم ماأنا قاعد أقولك نمت تقولى إفتكر ،، أقولك صحيت من النوم الصبح ،،
تقولى حاول تفتكر ،،إنت إللى بتستعبط مش أنا
البنت لوجين | بجد ياغريب إنت صعبان عليا قوى
متخدينى وتشحتى عليا أحسن ،، حتى إنتى يالوجين
العالم فانتوم | خلاص خلاص مش مهم إنت جيت فى وقتك هجرب عليك التجربه
تجربه إيه ياعم هو أنا فار تجارب !!
العالم فانتوم | بطل كلام مش عاوز ترجع للعالم بتاعك خلاص إسمع الكلام بقه
طيب ياعبقرينوا لما أشوف أخرتها معاك
العالم فانتوم |ثوانى وراجع أحضر للتجربه أخيرا لقيت حد أجرب عليه إختراعى ويوافق من غير خوف او شروط
فى إيه يالوجين أنا مش مطمن للراجل دة شكل عبيط وهيودينى ورة الشمس بغبوته
البنت لوجين | متخفش ياغريب العالم فانتوم من أعظم علمائنا
يابنتى والله إسمى أمير أحلفلك بس سيبك ياقمر إنت تقولى أى حاجه غريب رهيب
أى حاجه من بين شفايفك جميله
البنت لوجين | بطل ياغريب كلامك إللى مش فهما نصفه دة إنت شكلك بتشتم
لالالالالالالالالالالا أبدا أنا بعاكس القمر
بجد مشوفتش فى جمالك جمال ،، وأنا إللى كنت فاكر إنى قبلت فى مصر ملكات جمال
وأتريهم كانوا خناشير
البنت لوجين | إيه خنشير دى ياغريب ثم ماأنا مصريه برده
خناشير يعنى وحشين جدا باالنسبه لجمالك
إنتى صحيح من مصر بس جمالك ربانى
مش كريمات وحاجات غريبه بنشوفها فى البنات إللى عندنا
لو البنت سوده تدهن وشها كله بدرة علشان تبيض
ولو بيضه تتعمد تقف فى الشمس باالسعات علشان تسمر
ولا المعاكسات البنت منهم تمشى فى الشارع متعمده تلبس المحزق والملزق
علشان تتعاكس ولما الوله الغلبان يعكسها ياويله منهم
البنت لوجين | منهم يعنى ايه ياغريب ؟؟؟؟
أنا اقصد من الناس إللى بتحب تخدم فى المصايب تقوم نزله عليه باالشباشب والضرب مع إنه
مظلوم شايف مزة قدامه وبتغريه مقدرش يقاوم
البنت لوجين | حتى فى العالم بتعكم ظلمين البنت ياغريب
كله على البنت والولد مش فيه أى غلط ولا عيوب
الولد عندنا بيطلب من مراته كل يوم تطبخله سورس
وحتى بعد الاكل مش بيقولها كلمه حلوة تسعدها
سورس تانى الله يقرفك ما هو طبعا مش ممكن يقولها اى كلام حلو
بعد الاكله المقرفه دى
ولا الموبيلات وعميلها
وكمان تلاقى بنت بتتصل باالولد وتقوله نتعرف ونتصاحب بتصحيه من عز النوم
علشان تقوله نتعرف بنات فاضيه
ولاد المحظوظه وأنا قاعد بتنشق على مزة
أتعرف عليها
البنات إتجننت عندنا منك لله يا قاسم ياأمين إنت إللى نمردتهم علينا قال حريه قال
ماهو لو كان شاف بنات اليومين دول ولبسهم وعميلهم كان لطم وندم على إللى عمله
فين أيام سى السيد إللى كان بشخطه واحده بس البيت كله يقف على رجل
بس هنقول إيه أيام وعدت بس بجد فعلا إنتى بجمالك ده أثبتيلى إن أجمل بنات بنات مصر
البنت لوجين | بجد أنا مش فهمه أى كلمه من إللى إنت قولته ده ياغريب
سى السيد وقاسم ده
وحاجات كتير غريبه
إنت بجد عاقل ولا يمكن صدمتك فى البنت إللى حبتها وخنتك دى جننتك
باالعكس يالوجين صدمتى فى البنت إللى كنت بحبها فوقتنى
وعرفت إن الحب عطاء متبادل بين
قلبين مش مجرد حب من طرف واحد وبس
أنا حبتها وهى مكنتش حبانى كانت عملانى زى بديل لحبها الاصلى
ههههههههههههههههه يعنى زى عبد الواحد السيد بديل عصام الحضرى
قوليلى صحيح الاهلى والزمالك أخبارهم إيه
البنت لوجين | مش فاهما ياغريب إيه أهلى وإيه زمالك دة
ولا يهمك إعتبريه جنون من جنونى
العالم فانتوم |يالله ياغريب التجربه جهزة
يالله ياعم فانتوم أما أشوف أخرتها معاك إنت كمان
العالم فانتوم |إدخل ياغريب الاوضه دى وإستعد هترجع للعالم بتاعك
إيه ياعم العبط إللى إنت فيه ده ،، بقه أنا هدخل الاوضه دى وبكده هرجع للعالم بتاعى
مش بقولك مجنون يالوجين !!
العالم فانتوم | إسمعنى بس ياغريب دى مش مجرد أوضه عاديه
دى أله زمن وانا ظبطها للرجوع لعام 2010العالم بتاعك
إنت هتستعبط ياعم العبيط !! إنت أله زمن إيه ياعم هو أنا فى فيلم خيال علمى ولا إيه
إلحقينى يالوجين العالم العبيط بتعكم ده هيجننى معاه !!
وسع ياعم مش داخل الاوضه دى إنت شكلك مجنون وكنت شاكك فيك من أول ماشوفتك
البنت لوجين | سيبه برحته يافانتوم هو مش عاوز يرجع للعالم بتاعه هو حر
ومن الشباك شوفت الشبح ورجلته هجمين على البيت بتاع العالم فانتوم
وسعتها قلبى وقع فى رجليا
البنت لوجين | الشبح ورجلته محاصرين البيت إحنا إنتهينا خلاص !!
العالم فانتم | بسرعه إنتى وهو على أله الزمن دى الامل الوحيد للنجاه
إدخلوا بسرعه
البنت لوجين | تعاله معانه يافانتوم
العالم فانتوم | مش هينفع يالوجين لازم حد يشغل أله الزمن
وأنا الوحيد إللى ممكن أشغلها مع
السلامه ياغريب وأمانه عليك تخلى بالك من مصر لما ترجع
وتنصح العالم إن نهايه الكون هتكون على إديهم بجشعهم
وتدمرهم وإحتللهم للبلاد الضعيفه
وهنا بس الشبح ورجلته كسروا الباب
وضغط العالم فانتوم على أخر زرار فى أله الزمن وإشتغلت
الاله
و
صحيت من النوم الصبح
تتبع
إنتظرو نى
بقلم
تامر على الطويل
أمير الجروح
مريم عمر عادل 10-07-2011, 05:20 PM فعلا جميلة جدا جدا روعه
بس انت قلت قبل كده انك بتكتب كل روياتك باسم امير لانو انت اسمك امير الجروح
وماينفعش تخلي حد غيرك بطل روياتك و اكيد طبعا قبل ما تكتب اي موقف لازم
تتخيل نفسك فيه الاول و تفكر كنت ممكن تعمل ايه صح
طب هو انت نفس سخصية امير ده
تامر الطويل 11-07-2011, 12:10 PM فعلا جميلة جدا جدا روعه
بس انت قلت قبل كده انك بتكتب كل روياتك باسم امير لانو انت اسمك امير الجروح
وماينفعش تخلي حد غيرك بطل روياتك و اكيد طبعا قبل ما تكتب اي موقف لازم
تتخيل نفسك فيه الاول و تفكر كنت ممكن تعمل ايه صح
طب هو انت نفس سخصية امير ده
ايه السؤال ده ممكن استعين بصديق او احذه السؤال ههههههه
بجد نورتينى وعديها بقه
مريم عمر عادل 11-07-2011, 03:52 PM ايه السؤال ده ممكن استعين بصديق او احذه السؤال ههههههه
بجد نورتينى وعديها بقه
يعني كلامي صح :049gc0:
طب ماشي داري علي شمعتك تقيد:d
تامر الطويل 12-07-2011, 02:03 PM http://www2.0zz0.com/2010/05/24/21/409370213.gif
صحيت من النوم الصبح
الحلقه السابعه
لكى تفهم الاحداث تابع الحلقه الاوله والحلقه الثانيه والحلقه الثالثه والحلقه الرابعه والحلقه الخامسه والحلقه السادسه
00000000000000000000000000000000000000000
الله عليك يافانتوم ياجامد ،، شوفتيه يالوجين وهو بيقفل باب اله الزمن علينا
راجل والله يايله يافانتوم وانا كنت فاكرك مجنون وقاعد بغلط فيك
إحنا شكلنا إن شاء الله رحنا العالم بتاعى يالوجين
بس قبل ما افتح الباب ونخرج عاوز اقولك إن
العالم بتاعى بجد هينور بيكى
البنت لوجين | لا ياغريب العالم بتاعى هيوحشنى جدا انت هتعيش فى العالم بتاعك سعيد
أما انا هعيش وحيده
طيب ليه بس الدموع دلوقتى يالوجين أنا جمبك وعمرى ماهسيبك أبدا يابنتى
أنا مصدقت لقيتك
إنتى عرفه أنا معاكى إتاكدت إن كل الحب إللى حبيته للبنت اللى جرحتنى دى
مكنش حب الحب عرفته معاكى إنتى
إنتى وبس يالوجين وهكون أسعد إنسان فى الدنيا
لو وفقتى إنك تكونى شريكه حياتى للابد
البنت لو جين | إنت مجنون ياغريب إنت لحقت تحبنى فعلا إنت مجنون
بلاش تردى عليا دلوقتى يالوجين فكرى برحتك بس عوزك تتأكدى إنى فعلا حبيتك من أول نظرة
إظاهر الاوضه دى فعلا أله زمن زى مقال العالم المجنون بتعكم يالوجين
البنت لوجين | متقولش عليه مجنون ياغريب فانتوم من أعظم علمائنا
عندك حق يالوجين كفايه إنه خلصنا من غتاتت الشبخ الرخم
إللى عملى فيها راجل ده وهو مايسويش تعريفه
أه لو بس أشوفه قدامى كنت لبيته على قفاه حته قلم
عملى راجل وسط رجالته الاهطل يورينى نفسه لوحده وأنا أعلقه من قفاه
إنتى متعرفنيش يالوجين لما بتعصب أنا بدمر الدنيا ولا يهمنى شبح ولا عووو حتى
وسعتها إنفتح الباب ولقينا قصدنا العالم فانتوم
ومعاه الشبح ورجالته
طبعا أنا عملت فيها عم العبيط وقولت
بس إنتى عرفه ياينت يالوجين برغم كل ده الشبح ده معلم أستاذ يابنتى وراجل بمعنى الكلمه
مفيش زيه إتنين هى دى الرجاله ولا بلاش
الله يخرب بيتك يافانتوم
بقه ده أعظم علمائكم بينقلنا لنفس اللحظه الله يخرب بيتك على بيتى د أنا هاخد ضرب
البنت لوجين | متنحه زى العبيطه وفتحالى بقها 2 متر
العالم فانتوم | أسف ياغريب إظاهر الاله لسه مش جاهزة للسفر عبر الزمن
وحياه الماما إنت جاى تقولى الكلام ده دلوقتى بعد مهزقت الراجل اللله يخرب بيتك
ياأونكل شبح هو إنت سمعت حاجه
الشبح | سمعت حاجه واحده بس أنا سمعت كل حاجه بقه أنا أهطل
حاشه ياسيد المعلمين أنا إللى أهطل وستين أهطل
أنا كنت برسم بس قدام المزة
الشبح | تعالالى هنا ياحبيبى
أنا هنا كويس ياعمو الشبح
الشبح |بلاش إستعباط ياله وتعلالى هنا أحسن ليك
بلاش إستعباط يالوجين إنتى وقفه ورايه كده ليه متخرجى ما خلاص إتقفشنا ياأختى
وشكل الشبح حد مديقه
البنت لوجين | نعم إنت هتدبسنى انا مليش دعوة ياشبح
الغريب ده هو إللى شتمك أنا كنت بقوله
عيب عيب
وحياه خالتك إنتى هتستعبطى دلوقتى وانا إللى إعتبرتك الحته الطريه
ماشى يالوجين
البنت لوجين بصوت واطى |إهدى ياغريب أنا بقول الكلام ده علشان يسمحك
الشبح | هتولى الوله ده من قفاه نهارة إسود
يعم قلك من قفاه إنت هتستعبط سيب القميص إحنا فينا من كده ياجماعه
لا د أنا واد صايع ميغركمش القميص والبنطلون
د أنا فى العالم بتاعى مقطع السمكه ودلها أنا صايع وسع ياله إنت وهو
وهنا وبس نزل حته قلم على قفايه منه لله الراجل كفه زى المرزبه
لقيت نفسى بطير 2 متر وبترمى على الارض تحت رجلين الشبح
إيه ياجماعه هو الواحد ميعرفش يهزر معاكم
العالم فانتوم | أنا أسف ياغريب مش عارف إيه الغلط فى اله الزمن دى بس
إنت باالذات بلاش تفتح بقك إنت إللى ودتنا فى داهيه بغبوتك
ياعم الشبح والله انا مش من العالم بتعكم ده انا جاى من مصر
الشبح | إنت هتعملى فيها مجنون مش عليا الكلام ده
البنت لوجين | فعلا ياشبح الغريب ده مش من العالم بتعنا دى من مصر القديمه
من عالم سنه 2010
الشبح |هههههههههههههههههههههه دى أحدث نكته انا سمعتها
أنا صدقتك ياغريب تعاله أما اقولك د إنت حبيبى
أنا كنت عارف ومتأكد إنك قلبك أبيض صدقتينى يالوجين
مش قولتلك الشبح ده راجل وقلبه أبيض
زى الفل
أه ه ه ه ه ه ه ه ه ه ه
كل ده بوكس ياشبح حرام
ع
ل
ي
ك
وأغمى عليا
و
صحيت من النوم الصبح
تتبع
إنتظرنى
بقلم
تامر على الطويل
أمير الجروح
تامر الطويل 18-07-2011, 05:33 PM صحيت من النوم الصبح
الحلقه الثامنه
البنت لو جين | إصحى بقه ياغريب كل دى غيبوبه ده بوكس واحد
العالم فانتوم | بجد أنا اسف يالوجين كنت فاكر نفسى عالم
طلعت زى ماقال الغريب حمار
مش عارف إزى الاله مش إشتغلت فى حاجة اكيد غلط
أه ياأما يانى أه
خلاص ياعم حرمت مش هعمل كده تانى
مين لوجين حبيبتى
فين الوله الشبح الجبان اللى بيضرب وبيجرى ده تعلالى هنا ياجبان
بتخدنى على خوانه يامعفن د أناأمير ياله
البنت لو جين | خلاص بقه ياغريب مفيش حد هيسمعك إحنا محبوسين فى القبو السرى
العالم فانتوم | لقتها صح كده الغلطه فى اله الزمن فى الحوشنه صح وضعها كان غلط من البدايه
كده صح
بنت يالوجين سكتى الاهطل دةأحسن له أنا مش طايقه كل إللى بيحصلى دة بسببه
العالم فانتوم | إسمعنى بس ياغريب فى حاجه كانت غلط فى اله الزمن وعرفتها خلاص يعنى ممكن
انقلك للعالم بتاعك تانى
لا ياأخويا خلاص كفايه إللى شوقته على إديك
بقه يامعفن تشوف الشبح بيلطشلى قدام المزة بتعتى وانت واقف بتتفرج
فين الرجوله فين العروبه
البنت لو جين | ههههههههههه
إنت بتضحكى ليه دلوقتى يالوجين بقه
البنت لو جين | أصلك قولت مزة تانى وانا عرفت معناها يعنى البنت الجميله
يعنى انا جميله بجد ياغريب
إنت الجمال شويه عليكى أنتى أصل الجمال إنت الحب والحياه
عارفه يالوجين بجد إنتى حراميه
البنت لو جين | ليه ياغريب بتقول كدة!!!
انا اسرقك انت لا مش ممكن
هههههههههههه مش اقصد يالوجين انا اقصد انك سرقتى منى قلبى
العالم فانتوم | إنتوا هتجننونى إحنا محبوسين وفاضل شويه والشبح يقطعنا حتت وإنتم قعدين تحبوا فى بعض
الله يحرق خرجتنا من اللحظه الرومانسيه كان فاضل لحظه وأمسك إديها يافقرى
البنت لو جين | عارف ياغريب بجد أنا ......
والباب إنفتح ودخل رجلين من رجاله الشبح
الله يخرب بيوتكم يافقرين كانت لسه هتقولها
راجل بيعاكس | هى دى البنت إللى قولتلك عليها صدقتنى بقه لما قولتلك دى حلوة
راجل خواف | هى حلوة صحيح بس الشبح لو عرف إننا فتحنا الباب وخدنا البنت هيقتلنا
راجل بيعاكس | ومين بقه إللى هيقوله أصلا هى ساعه واحده ناخد البنت ونرجعها تانى
ومحدش هيعرف حاجه
إستنا ياعم القمور إنت وهو!!
وأنا بقه واقف كيس جوافه فى وسطكم
إنت عبيط ياله إنت وهو لو جين دى تخصنى
وأى حيوان هيقرب ليها هموته
راجل بيعاكس | بقه إنت ياحيوان هتمنعنا ناخدها طيب ورينا إزى بقه
ورزعنى كف إبن التيت مش عارف إيه حكايه القفه معاهم كله على قفايه
ماله وشى بس شويه كده وشويه كده
بس على مين قومت وقفت زى السبع بسرعه ونفخت نفسى وقولت ل لوجين
روحى معاهم يالوجين الناس دى طيبه قوى
أعمل ايه الكترة تغلب الشجاعه
البنت لو جين بغرابه | ايه ياغريب هتسبهم يخدونى إنت بتهزر صح
لاء يا أختى مش إنتى سبتينى للشبح وخلعتى
راجل خواف | يالله بينا يابنت تعالى
ولسه بيشدوها من إديها إنطلق الفهد إللى هو انا على أقرب واحد فيهم وطلع حظى
الاسود مع راجل بيعاكس
وضربته بحجرة على دماغه وإنطلق فانتوم وإتعلق برقبه راجل خواف وعضه من ودانه
وإنتصرنا فى المعركه وبقيت أمير البطل
البنت لو جين | أمير انا بحبك
ايه إنتى قولتى إيه يالوجين قوليها تانى
البنت لو جين | بحبك
أنا مش مصدق نفسى سمعت يافانتوم لو جين بتحبنى
إضربنى باالقلم علشان أتأكد إنى مش بحلم
العالم فانتوم | خد
أه أه أه يخرب بيتك إنت ماصدقت
بجد يالوجين بتحبينى
العالم فانتوم | إنتوا لسه قدامكم كتير أصل الشبح ثوانى وهيكون معانه وسعتها بقه نحتفل
مع بعض باالحب الجميل دة
الشبح إجرى يالوجين
العالم فانتوم | إستنونى ياجماعه
وهربنا من الشبح وجرينا فى الصحراء وفاجاه وإحنا بنجرى ظهر الريس
الريس | إنتوا كنتوا فين إحنا دورنا عليكم فى كل مكان
البنت لو جين |احنا إفتكرناكم متوا لما الشبح هجم على مقر المقاومه
الريس | إحنا هربنا من الباب السرى
ورحنا بيتك يافانتوم ولقينا كام راجل من رجاله الشبح قتلناهم ونقلنا كل حاجات وعلومك للمقر
السرى الجديد
العالم فانتوم | واله الزمن
الريس | متخفش يافنتوم دى اللى ودتنا عندك نقلتها هى كمان
الغريب دة لسه معاكم هو من رجاله الشبح
العالم فانتوم | لا ياريس الغريب ده فعلا من عالم تانى أنا أتاكدت من صحه كلامه مش إحنا طلع
اجدانا الفراعنه
زى ما قولت كنت متأكد إننا أحفاد الفراعه العظماء بناه الاهرامات
الريس | معقول الكلام دة يافانتوم طيب إزى جه العالم بتعنا
العالم فانتوم | ده السر إللى مش لقيله إجابه لحد دلوقتى
بس مش مهم الاهم إننا نرجعه للعالم بتاعه ويبلغ العالم هناك إن نهايه الدمار والظولم والطغيان
نهايته هيكونوا زينا عالم بدون عالم
يالله بينا على المقرالسرى
أنا مش عاوز ارجع للعالم بتاعى تانى
أنا عاوز افضل معاكم هنا
العالم فانتوم | إنت مجنون ياغريب إيه الكلام إللى بتقوله ده
لازم ترجع العالم بتعنا هينتهى لومرجعتش للعالم بتاعك
وبلغت القاده هناك إن العالم فى خطر
أنا مصدقت لقيت نصفى التانى يافانتوم ومش ممكن اسيبه
انا بحب لو جين ومش هبعد عنهاابدا
الريس | ده مش وقت عواطف خلص ياغريب لازم ترجع للعالم بتاعك
باالزوق أو باالعافيه هترجع
أمل إنقاذ العالم بتعنا فى إديك
قولتلكم مش راجع
البنت لو جين | أنا بحب الغريب ياريس ومش ممكن اعيش من غيرة
الريس | إيه الكلام الغريب إللى بتقوليه ده يالوجين
إنت فى العالم بتاعك أما الغريب دة فاله عالم خاص بيه دنيا غير دنيتنا هى صحيح ماضينا بسمن
غير الماضى مافيش حاضر
الريس | إربطوا الغريب ودخلوة أله الزمن
لا دى مش رجوله ياريس مش عاوز ارجع للعالم بتاعى
هترجعونى لعالم فيه الكدب اساس والظلم ميثاق
حرام عليكم بعد ما ألقى نصفى التانى تبعدونى عنها،،
ليه الظولم ده لو جين حببتى
مهما بعدنا عن بعض اكيد فى يوم وفى عالم غير العالم أروحنا هتتقابل
راجل بيربط امير | يعم خلص البوقين بتوعك صدعتنى
البنت لو جين| عمرى ما هبعد عنك ياغريب هتفضل ديما معايه وجوة قلبى
ودخلونى اله الزمن ولسه هيضغط العالم فانتوم أزرار اله الزمن
زقت لو جين الريس ودخلت اله الزمن معايه
وصرخ الريس لالالالالالالالالالالالالالالالالالالالالالا
وضغط العالم فانتوم ازرار اله الزمن
و
صحيت من النوم الصبح
النهايه
انتظرونى والجزء الثانى قريبا جدا
بقلم
امير الجروح
تامر الطويل
mido zoro 24-07-2011, 11:30 PM لا جميلة جدا جدا وتستاهل الوقت اللى خدته فى قرايتها
تامر الطويل 02-08-2011, 12:20 AM لا جميلة جدا جدا وتستاهل الوقت اللى خدته فى قرايتها
ربنا يخليك اخى الغالى وبجد نورتنى وسعيد جدا انها نالت اعجابك
لوجين20 02-08-2011, 01:37 AM طب والله روعه بجد
وكفاية ان اسمى فيها
الله يخليك ياتامر ادينى دور البطولة فى قصصك وانا مش هاكسفك ابدا
فين الجزء التانى بقى؟
تامر الطويل 02-08-2011, 05:22 PM طب والله روعه بجد
وكفاية ان اسمى فيها
الله يخليك ياتامر ادينى دور البطولة فى قصصك وانا مش هاكسفك ابدا
فين الجزء التانى بقى؟
هههههههههه حاضر انتى تاخدى البطوله فى كل قصصى لان اسمك بجد جميل
نورتينى وحالا واهداء ليكى اول حلقه من الجزء التانى من صحيت من النوم الصبح
تامر الطويل 02-08-2011, 05:24 PM صحيت من النوم الصبح
http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
الجزء الثانى
الحلقه الاولى
فى البدايه اعرفكم بالجزء الاول على السريع
الحكايه انى نمت وصحيت من النوم الصبح اكتشفت انى فى عالم تانى يسبقنا ب 1000 سنه على الاقل عالم بقه مكون من مصر وبس ومصر مدنتين وبس كل مدينه بتدافع عن ممتلكاتها ضدد الشبح وده شخص كل همه انه يفسد فى الدنيا ولما شافنى ومعايه لوجين طمع فيها وحب يخدها منى ( فاكرنى من العيال السيس ) بس على مين العالم فانتوم اخترع اله زمن وركبتها انا ولوجين الانسانه الوحيده اللى حبتها من العالم ده وانطلقت اله الزمن فى رحله المفروض توصلنى للعالم بتاعى
الحلقه الاولى من الجزء الثانى
اه يادماغى يانى يا أما
الله يخرب بيتك يافانتوم
وتقع من على الجرار اللى بتركبه ياشبح ، ويولع بيك والمطافى متجيش تلحقك
وانابدعى ليه ماهى كده كده المطافى ديما بتيجى متاخرة
ديماكده معذبنى معاك وكسفنى قدام المزة بتعتى
إيه ده لوجين ، لوجين إصحى ياحببتى فوقى
لوجين / أنا فين أه أه أه أه
إنتى معايه ياحببتى وعمرى ماهسيبك تضيعى منى بعد ملقيتك
لوجين / أمير حب....... إحنا فين
إيه ده يالوجين قوليها بقه نفسى اسمعها منك حبيبى
لوجين / بطل بقه ياغريب
ابطل ايه بس ، ابطل ادوب كل اما اشوف عيونك
ولاابطل أخلى قلبى يدوق ويشتاق ليكى
ابطل احبك ، صعب يالوجين انا اليوم اللى حبك هينتهى منى
هيكون يوم موتى ، وكمان سعتها روحى هتفضل تحبك
لو جين / بس بقه ياغريب إنت بتحرجنى بكلامك الجميل ده
اناكلامى جميل لانه ليكى يا............
ايه ده احنا فى اله الزمن لسه
ياترى المتخلف فانتوم نقلنا فين المرة دى بس
يارب يكون نقلنا فعلا لأى عالم إنشالله للصومال
بس اترحم من إدين الشبح الغلس إللى كل اما يشوفنى
يضربنى على قفايه إبن المديقه
كاأنى خطفت منه المزةبتعته
لوجين / مزة ايه ياغريب انا مش هكلمك خالص لانك وحش على فكرة
ايه ده انتى بتغيرى عليا ياقلبى يابختك ياميرو ياجامد
اخيرا لقيت بنت زى القمر تغير عليك
فينك ياشبح تيجى تضربنى كفين علشان اتاكد انى صاحى ومش نايم
لوجين / وليه الشبح ياغريب وانا روحت فين خد
أه أهأه أه إيه الهزار البايخ ده يالوجين
ياله إمشى روحى إفتحى باب اله الزمن
لو جين/ متروح إنت تفتحه إنت الراجل
ولا خايف تفتحه تلاقى الشبح قصادك
انااخاف من حته شبح ،يابنتى انا فى الزمن بتاعى كنت كل يوم بورد ناس
لمستشقى العظام
لدرجه ان فى هناك قسم اسمه امير لعلاج مرضى اصابات امير
بس اعمل ايه لانك معايه بقيت اخاف عليكى لانك بقيتى روحى
وعلشان اسبتلك انى مش هممنى من شبح ولا من غيرة
اناهروح افتح الباب
بس قبل ما امشى وصيتك الاولاد يالوجين
لوجين / أولاد ايه يااهبل هو احنا لسه اتجوزنا؟؟
ياستى كلها فتحت باب وساعتها هيبان كل شئ
يانتجوز يا نودع العالم الغريب ده
بس المهم نكون مع بعض ديما مع بعض
اظن بعدالكلام الجميل اللى انا قولته ده هتروحى بقه تفتحى الباب
انابصراحه خايف على الدمار الشامل اللى ممكن اعمله لو لقيت الشبح قصادى
يابنتى انا ممكن اموت، قصدى اموته
لوجين / بطل رغى ياغريب يووووووووة قصدى ياامير وروح افتح الباب
رغى هو انا حبيت واحد صاحبى ولا ايه
وراح امير يفتح باب اله الزمن واديه بترتعش خايف يفتح يلاقى الشبح قصاده ، والعالم فانتوم واقف متنح ويقول بعبط
اسف ياجماعه بس ان شاء الله هعرف العيب وأصلحه
وبيمدامير اديه يفتح الباب
تامر تعب من الكتابه ونام
و
صحيت من النوم الصبح
تتبع
إنتظرونى
تامر الطويل
امير الجروح
لوجين20 02-08-2011, 05:34 PM نام فين بس حرام عليك
يابنى دانا سايبه الفطار وقاعدة اتابع
ارحم بقى واصحى عايزة اعرف الباقى
والا انا هاشحته منك؟
كفاية اسمى فيها
تامر الطويل 02-08-2011, 05:50 PM نام فين بس حرام عليك
يابنى دانا سايبه الفطار وقاعدة اتابع
ارحم بقى واصحى عايزة اعرف الباقى
والا انا هاشحته منك؟
كفاية اسمى فيها
طبعا كفايه انك بطله قصتى انتى تأمرى
انا كنت مدكن حلقه كده قولت انزلها كمان يومين بس علشان خطرك هنزلها حالا
انا مقدرش على زعلك
تامر الطويل 02-08-2011, 06:08 PM صحيت من النوم الصبح
الجزء الثانى
الحلقه الثانيه
0000000000000
كلمه واقفه فى ظورى
00000000000000000000000000000
البنات دول ديما كده يودونا فى داهيه وفى الاخر يبكوا علينا واحنابننطحن قدمهم
بس يالله هى موته ولااكتر
000000000000000000000000000000
ومد امير اديه يفتح باب اله الزمن
وفاجاه نادت لوجين
حاسب يااميرالشبح
وهنا نط امير لفوق ورمى نفسه على الارض وقال
كفايه ضرب يا استاذ شبح والله بحبك لله فى لله كاأنك بنت أختى الصغيرة بالظبط
ولسه حالا بشكر فيك للبنت لوجين وبقولها ما اخدتش كف على قفايه جميل زى ما اخدته من ادين الشبح العسل
لوجين / ههههههههههههههههههه ياكداب
انا بهزر معاك مفيش شبح ولا حاجه ههههههههههههه
وهنا وبس نط امير واقف على رجليه ونفض هدومه من التراب اللى عليه وقالها
يابنتى انا عارف من الاول انك بتهزرى وقولت اعملك مفاجاه
ربنا يخدك وقعتى قلبى اقصد كنتى هتفرحى قلبى لانى مخنوق من الوله الشبح ده وكان نفسى ألقيه قصادى علشان ألبه على قفاه واربيه ابن المخنوقه ده
بس يالله حصل خير ربنا كاتبله انه يعيش ومش نتقابل تانى قصاد بعض
ويخرج امير ولوجين بره اله الزمن
ويلاقوا اشجار وبحر وجو سبحان الخلاق روعه كاأنها جزيرة
لو جين / العالم بتاعك جميل جدا ياامير ايه الجمال ده
وساعتها يقول امير برعب
يالهوى ياأما إحنا مش فى العالم بتاعى يالوجين شكل الاهبل فانتوم ضيعناطول عمرى بقول عليه غبى
لو جين / مش فى العالم بتاعك !!
اما احنا فين ؟؟؟؟؟
امير / مش عارف تعالى نلف فى الجزيرة يمكن نقدر نعرف من سكانها احنا فين
ومسك امير ادين لوجين قال ايه خايف عليها تتوه منه الواد ده طلع لعيبالله عليك ياكبير
ومشيوا الاتنين فى الجزيرة يدورا على اى بشر فيها يعرفوا منه هما فينوفاجاه وقعوا فى حفرة معموله بإحكام كاانها فخ وإتنصب ليهم
وفى لمح البصر هجم مجموعه بنات لوز لوز يامعلم
بس مش ده المهم الغريب إنهم إستغربوا جدا بوجود راجل على الجزيرة
وأخدونا انا ولوجين ومشيوا بينا علشان يودونا للزعيمه بتعتهم
لوجين / امير ، امير ، انا خايفه ياامير
خايفه من ايه بس ، احنا مع الجمال ياهبله
كل دى بنات يالهوووووووى
دعواتك إستجابت يااما
كانت ديما بتدعيلى وتقولى روح ربنا يوقفلك ولادالحلال ، ومفيش اكتر من دول ولاد حلال
ويبص للبنت اللى مسكاه ويقولها
القمر اسمه ايه؟؟
بنت قمر / وانت مالك ياغريب إمشى وانت ساكت
لوجين / انت يااهبل بتعاكس البنت قدامى
امير بصوت واطى/ دى خطه انا عاملها يالوجين علشان اوقعها فى حبى وتهربنا
صحصحى بقه متبقيش شكاكه
لوجين / شكاكه، طيب روح بقه معاهم ومش تورينى وشك تانى ، ولا عايزة اعرفك
امير / خلاص خلاص مش هبص ولا هكلمها تانى يابنتى انتى عندى بالدنيا كلها
انتى بكل بنات الكون انتى مولاتى وحبيبتى
وبعدين امشى معاهم ومش اوريكى وشى على اساس إنتى مش ممسوكه زيئ يعنى
بنت قمر / اقلع هدومك ياغريب مولاتى على وصول
امير / نعم يااختى انتى هتصتعبطى ولا ايه اقلع ايه!! انتى هبله؟؟
بنت قمر / قولتلك اقلع ياغريب هدومك
امير / وانا قولتلك بطلى هبل
فى مليون عين مستنيه اللحظه دى
بصى البنت الهبله اللى متنحه هناك دى
ولا المجنونه اللى عملالى مكسوفه وهى بتبص من تحت لتحت
بنت قمر / تبص لمجموعه بنات وتقولهم قلعوة
ويهجم عليا يجى 10 بنات زى القمر وهنا وبس امير البطل يتصرف
قمت شادد اول واحده من شعرها ورميها ورايه
وتانى واحده ضربها على خدها
والتالته بالبوكس فى مناخيرها
وهنا وبس الكترة تغلب الشجاعه إتكتروا عليا المزز
وكان فاضل ثوانى وتحصل الفضيحه لولا ستر ربنا
بنت زى القمر وصلت
ركبه حصان ابيض متكلمتش يدوب شاورت قاموا المزز سيبنى على طول ووقفين انتباه
وانا ساعتها مسكتش قومت زعقتلها وقولتلها
ياظالمه حرام عليكى ليه خليتى المزز يبعدوا عنى ، حرام،،، حرام
قامت بنت منهم خبطانى على دماغى بحاجه
و
صحيت من النوم الصبح
بقلم
اميرالجروح
تامر على الطويل
لوجين20 03-08-2011, 01:05 AM طبعا كفايه انك بطله قصتى انتى تأمرى
انا كنت مدكن حلقه كده قولت انزلها كمان يومين بس علشان خطرك هنزلها حالا
انا مقدرش على زعلك
انا اتشليت اهداء ايه بس
يابنى ارحم وكملها هايجيتى شلل اطراف منك ومش هاقدر اكتب وارد عليك تانى
تامر الطويل 03-08-2011, 11:51 PM انا اتشليت اهداء ايه بس
يابنى ارحم وكملها هايجيتى شلل اطراف منك ومش هاقدر اكتب وارد عليك تانى
هههههههههههههههههههههههه
ايه الظلم ده
طيب طيب
تامر الطويل 03-08-2011, 11:54 PM صحيت من النوم الصبح
الجزء الثانى
الحلقه الثالثه
أمير / أه أه أه أنا فين
حرام خالى المزز معايه شويه
الشبح لاء بلاش ضرب
ويصحى امير من النوم
إيه المكان الغريب إللى أنا فيه ده
لو جين فين ؟؟ لوجين إنتى فين
وساعتها الباب ينفتح وتدخل البنت القمر ومعاه بنتين زى الكتاب مقال خناشير واحجام عائليه منهم لله هجموا عليا وخدونى بس على مين هو انا سكت لاء طبعا مشيت معاهم على طول ولا همنى
امير / إنتى يابنت ياقمرلما مسكتونى كان معايه بنت إسمها لوجين ودتوها فين
بنت قمر / إخرص خالص ياغريب إنت فاكر إللى إنت عملته دة هيعدى بالساهل بقه تتجراء وتضرب بنات كوكب سته
جبت الجرائه دى منين ياغريب ده محدش عملها من الاف السنين
امير / إنتوا لو فكرتوا تلمسوا شعرة واحده من شعر حبيبتى لو جين انا هولع الدنيا والكوكب بتعكم
انتى لسه ماتعرفيش امير لما بيتجنن
بنت قمر / ههههه وبيعمل ايه امير لما بيتجنن ياترى
امير / بيقعد على البحر وبيغنى
الست لما لما لما والست لما لما لما
نفسى اعرف لما إيه؟؟؟
بنت قمر / إخرص خالص ياغريب
إنت فى حضرت مولاتى اميرة كوكب سته
ويبص امير يلاقى بنت زى القمر مزة مزة يعنى قعده على كرسى غريب الشكل عامل زى البلونه وطاير فى الهواء
وساعتها يقول امير
امير / بالله عليكى لفه انا بقالى كتير مركبتش مرجيحه ولا إتمرجحت بلاش الدناوه دى
الاميرة / أما صحيح إنسان مجنون حتى فى حضرتى بتتجنن عليا ومش خايف لأحولك لحجر
امير / بصى بقه يابنت إنتى عندنا فى كوكبنا الرجال قوامون على النساء ، والظاهر العكس موجود هنا انا مش هسكت ابدا لو حصلت اى حاجه للمزة اللى كانت معايه ، انا هبلغ البوليس وهو يتصرف معاكم ، هوأنا هلقيها منكم ولا من الشبح إيه العالم اللى ملوش ملامح ده الله يخرب بيتك يافانتوم
الاميرة / البنت اللى كانت معاك خلاص بقت مننا
أما انت ياغريب فهوريك معنى معصيه اوامر اميرة كوكب سته إيه
وتبص للحراس بتوعها وتقولهم جهزوا بنادورا
امير / بنادورا بنادورا
انا ولا يهمنى انتى فاكرانى سوسن
ههههههه ولا ميت بنادور تهزنى
وتخدنى البنات لساحه كبيرة زى ماتكون ساحه معركه وفيها دماء كتيرة
ولجل كلمه الحق سلمونى سكينه صغيرة وقلولى البقاء لله ياغريب بس مش عارف قصدهم ايه بالبقاء لله دى بس على مين ولا همنى
وفاجاه باب ضخم انفتح وظهرت منه بنادورا
يانهار اسود مطلعتلوش شمس ايه الكائن ده
بنت حجم عائلى ضخمه ملامحها غبيه مبتتفهمش دخلت وهجمت عليا انا طبعا مسكتش وطلعت اجرى انا اجرى وهى تجرى ورايه اقولها نتفاهم ياحجه ولا معبرانى
واخر ما تعبت قررت اوجها واصمد فى المعركه
بنت حجم عائلى / نهايتك على إيدى ياغريب
امير / ليه بس ياحلوة انتى ياقمر ( ربنا يسمحنى على الكدب ده )
انا عملتلك ايه؟؟؟
بنت حجم عائلى / مولاتى تأمر وأمرها مجاب وهى امرتنى اخرج مصرينك من بطنك واكلها
امير / الله يقرفك ايه القرف ده انا حتى مصرينى وحشه وعندى برد فى المعده ممكن اعديكى
شوفى واحد تانى اناتعبان حتى شوفى كح كح كح كح صدقتينى عندى كحه
بنت حجم عائلى / انت هتستعبط وتهجم عليا ترفعنى بإيد وحده للسماء وترمينى على الارض
امير / اه يانى يا اما الله يخرب بيتك كسرتى ضلوعى يابنت الصرمه
انا غلطان انى محترمك وبقل اهى برده محسوبه على الستات ست أنا هوريكى يامجمع التحرير
انتى استنى بس قد 5 سنين اروح اتعالج من الوقعه دى واجيلك اه يأ ما إلحقينى
وتهجم مرة تانيه البنت اللى مش بنت دى ولد ومستخبى فى صورة بنت منها لله قطعتلى الجلابيه اللى كنت لبسها كنت شحتها من العالم فانتوم علشان ارسم بيها قدام مزيتى لوجين منها لله
بنت حجم عائلى / ودع حياتك ياغريب دى نهايتك وعلى إيدى هتكون
امير/ ياخسارة بعد مالقيت حبيبتى ونصفى التانى اللى بدور عليه تكون نهيتى على اديها
لا بجد حرام
بنت حجم عائلى / انت تقصد ايه
امير / ابدا عمرى ماهقولك الحقيقه ولا هقول انى حبيتك من اول ماشوفتكم
ما انتى كتير فى بعض
قلبى دق وجرى منحقه بس اقول ايه يالله نصيب انى اموت على ادين حبيبتى
خلصى عليا يامجمع التحريرخلصى على حبيبك اللى حبك من كل قلبه
يالله موتينى وريحينى من عذابى حبك بيوجعلى قلبى خلصى عليا يالله بسرعه موتينى
اه اه اه اه شويه دموع من بتوع التماسيح العمرمش بعزقه ياعم انت وهى
بنت حجم عائلى / انت بتحبنى انا ياغريب بتحبنى بجد
امير / والله غصب عنى انا لو بإيدى كنت حبيتك مليون مرة علشان اكفى كميه البشر اللى جواكى دول
وساعتها تتكلم الاميرةوتقول
الاميرة / خلصى عليه دلوقتى
امير / يبص للاميرة ويقولها
ياباى عليكى مزة حقوده
قال ايه ياحجم ياعائلى انتى ، المزة الملكه دى كانت عوزانى احبها هى
بعد ماعرفت انى بحبك انتى شوفتى البنات
وساعتها حجم عائلى يهجم على الحراس كلهم وتدور معركه انما ايه نار يامعلم حجم عائلى بتشوط دى وتعض دى وتخنق دى ومحدش قدرها ابدا وتبصلى وتقولى متخفش ياحبيبى هدافع عنك بحياتى
امير / بصوت واطى حبك برص يابعيده
وساعتها قولت فرصه اجرى ادور على لوجين حبيبتى وانقذها بقه واثبت لها انى الواد الجن
وفعلا خرجت من ساحت المعركه وبدات ادور على لوجين حببتى
ولقيت باب قدامى فتحته ودخلت
وبووووووووووم
اه يانى يااما
ويغمى على امير
و
صحيت من النوم الصبح
بقلم
تامر على الطويل
اميرالجروح
لوجين20 04-08-2011, 01:01 AM هههههههههههههههههههههههه
ايه الظلم ده
طيب طيب
حلوة يا تامر
كملها بقى
عجبانى خفت دمه وازى بيهرب من المواقف
ههههه
solidsnake 04-08-2011, 01:27 AM لا يا تامر انجز و نزل الحلقو التالتة بسرعة
بجد تسلم ايدك جامدة جداااااااااا موووووووووت
تامر الطويل 04-08-2011, 12:27 PM حلوة يا تامر
كملها بقى
عجبانى خفت دمه وازى بيهرب من المواقف
ههههه
ههههههههه امال ايه يابنتى ده امير الجن
بجد منورانى يالوجين
تامر الطويل 04-08-2011, 12:29 PM لا يا تامر انجز و نزل الحلقو التالتة بسرعة
بجد تسلم ايدك جامدة جداااااااااا موووووووووت
بجد كلامك الجميل ده اخى الغالى هيخلينى انزل الحلقه الجديده ودلوقتى اهداء ليك انت
تامر الطويل 04-08-2011, 01:13 PM صحيت من النوم الصبح
الجزء الثانى
الحلقه الرابعه
لوجين / إصحى بقه ياامير انت محسسنى انى ضربتك باالرصاص ليه
فوق بقه ياامير
امير / أه يانى يااما بس اشوفه الحمار اللى ضربنى واخدنى على خوانه، بقه امير اللى مجرى شباب مصركلها قدامه ينضرب على خوانه ، ماشى ياعالم معرفتوش فيه امير ،
داانا صايع ياعالم غجر
لوجين / الحمد لله اخير فوقت، انا كنت هموت من الخضه عليك
امير / لوجين حبيبتى انتى بخير
ماشوفتش الحيوان اللى ضربنى وجرى خاف الجبان يوجهنى
انا كنت هقطعه وارمى كل حته منه فى عالم علشان يدوخ السبع دوخات علبال مايجمع نفسه تانى
لو جين / ماشى ياامير انا زعلانه منك ومش هكلمك
امير / ليه بس ياقمر انا عملت ايه !!
لوجين / قاعد تشتمنى
امير / انا شتمتك!! امته ده؟؟
لوجين / ما هو انا اللى ضربتك على دماغك لما دخلت ،كنت بحسبك من العالم الغريب ده وجاى تخدنى
امير / بإحراج وكبسه هو انتى القمر اللى ضربنى برقه
انا كنت عارف من الاول ، ان الضربه الجميله اللى اخدتها على راسى دى، من ادين ملايكه مش ممكن يكونوا إدين بشر انا كنت بهزر معاكى ياقلبى
لوجين / هو انا صحيح قلبك ياامير ؟؟
امير / مش وقت غراميات خالص انا سايب ورايه بنت حجم عائلى ولو شفتنا مع بعض ممكن تكلنى وتكلك وتاكل العالم كله ، دى غبيه انا عارفها
ياله بينا على اله الزمن وامانه عليكى طول ما احنا ماشين ادعى على العالم الحمار فانتوم ، وقولى يارب الشبح يقطعه الجزمه
ويخرج امير ولوجين ويهربوا ، وفى الغابه تقابلهم البنت الحجم العائلى وتقول لأمير
بنت حجم عائلى / خلاص ياحبيبى خلصتك من جيوش الملكه بتعتنا ، ياله بينا نتجوز
وتبص للوجين وتقولى مين البنت المسلوعه دى
امير / مين ، فين ،إنتى تقصدى البنت الحلوة القمورة دى ، ولا اعرفها انتى مين ياشاطرة وايه جابك جمبى بطلوا معاكسات بقه قرفتونا الله يقرفكم
لو جين / امير ايه الكلام اللى انت بتقوله ده انت نستنى انا لوجين حببتك
امير / حبك برص ياعديمه النظر تيجى ايه يامسلوعه جمب قطر اللحم ده
روحى كولى يامعضمه
وكمان عارفه اسمى وبتقوليه عادى كده امشى ياشاطرة ، روحى العبى
انا بحب حبوبتى اللى عمله زى القطر دى وعمرى ما هحب غيرى
وان لله وان اليه راجعون
وربنا على المفترى
بنت حجم عائلى / غورى يابنت بدل ما افرمك
امير / لالالالالالالالابلاش تفرميها هى مش قدك يامجمع التحرير
هى هتمشى لوحدها ويغمز أمير ل لوجين ويقولها
امشى بقه وبطلى غباء ،هتودينا فى داهيه
لو جين / ودموعها على خدها ماشى ياامير وانا اللى سبت العالم بتاعى ورحت وراك علشان حبيتك
انا غلطت كان لازم اسمع كلام الريس فعلا مفيش حب فى العالم كله
امير / هو الغباء وراثه فى عيلتكم ، انا مزنوق ياهبله ،ركزى شويه ياعديمه النظر
امشى يابنت انتى روحى دورى على واحد تانى انا بحب حبوبتى الفيل دى
وساعتها تشوفهم حارسات الاميرة ويهجموا عليهم وهما بيقولوا
الحراس / أخيرا لقناهم ،مش عوزين اى احياء ،مولاتى امرت بكده
امير / يانهار اسود الحرس اجرى يالوجين
بنت حجم عائلى / تبص لامير بحب وتقوله
خليك ديما متاكد انى مهما عملت مش ممكن اردلك جميلك انت حسستنى بالحياه بعد ما فقدتها
انت ردتلى أونثتى من تانى ، وعلشان كده مش هقف فى طريقك انت وحبيبتك
ارحل ياغريب وخلى بالك من لو جين
امير / بجد مش عارف اقولكم ايه ياحجم مش عائلى
انتى بجد انسانه طيبه جدا
وربنا يوف 0000
لو جين / مش وقته خالص الحرس خلاص هيموتونا
بنت حجم عائلى / سبولى الحرس انا هتصرف معاهم ارحلوا00 إجروا
وهنا يمسك امير ايد لوجين ويجرى واخر حاجه شافها بنت حجم عائلى بتضربفى دى وتشوط دى وتعض دى وفى الاخر جات الاميرة وضربتها بسلاح عجيب ووقعت اجمل بنتعرفتها قدرت معنى الحب وفضلت صدقتها على حب بالعافيه
لوجين / اله الزمن اهيه ياامير ياله بسرعه ندخل
ودخلوا اله الزمن
الاميرة / هما راحوا فين
الحرس / دخلوا الشئ الغريب ده يامولاتى
الاميرة / إكسروة00 دمروة مش عوزاهم احياء
لوجين / إلحق ياأمير دول هيكسروا الباب
امير / إظاهر الاميرة دى مش هتيجى غير بالعين الحمراء
انا كنت بقول دول شويه بنات وحرام وعيب انى امد إيدى عليهم
بس دلوقتى مفيش رحمه ولا فيه بنات
انا هربيهم
لوجين / انت رايح فين ياامير
امير / اربيهم الغجر دول، واعرفهم مين هو امير
وهنا يفتح امير باب اله الزمن واول ما يفتحها يلاقى جيش كامل من حراس الملكه وكل واحده مسكه فى اديها سلاح عجيبه فيرجع لوره بسرعه ويقولهم بصوت غاضب وكاانه هرقليز
طظ فيكم ياوحشين
ويقفل اله الزمن بسرعه وتنطلق اله الزمن فى رحله تانيه
و
صحيت من النوم الصبح
بقلم
تامر على الطويل
اميرالجروح
msk1421 04-08-2011, 02:37 PM جزاكم الله خيرا جزاكم الله خيرا
solidsnake 04-08-2011, 05:18 PM بجد كلامك الجميل ده اخى الغالى هيخلينى انزل الحلقه الجديده ودلوقتى اهداء ليك انت
حبيبي انت :d:p
انت موهوب والله
solidsnake 04-08-2011, 05:25 PM امير قصدي تامر مستنين ...
لوجين20 04-08-2011, 09:54 PM حلوة بجد يا امير
الله يخليك نزل باقى الاجزاء ياحسن مش هاقدر اشارك هنا تانى
هاتتحدد اقامتى :(
smsma81 04-08-2011, 10:23 PM جميله جدددددددديا http://t1.gstatic.com/images?q=tbn:ANd9GcSDbvpPZTXNLwkv_WU-Cjri-cUz0AZ9FnF5SUjpxGJzN1hq5mx8
http://t2.gstatic.com/images?q=tbn:ANd9GcTeeBhaG3s1OYufG-2naDLEtuJy1lv90XIcTuMVdET3pRsWHeAThg
انت حتكمل ولا ...............!
اعملك كحقه .....
صباح الخير الصبح :d
شكلك قلقت ف النوم :blush:
جامد يانجم
ولى رجوع ان شاء الله
استمر ياغالى
تامر الطويل 05-08-2011, 09:38 PM جزاكم الله خيرا جزاكم الله خيرا
شكرا ليك اخى الغالى
solidsnake 06-08-2011, 05:37 PM تامر . امتي الحلقة التالية ؟؟؟
تامر الطويل 06-08-2011, 09:06 PM حلوة بجد يا امير
الله يخليك نزل باقى الاجزاء ياحسن مش هاقدر اشارك هنا تانى
هاتتحدد اقامتى :(
ليه بس هتتحدد اقامتك
وحاضر هنزل الحلقه الاخيرة حالا
تامر الطويل 06-08-2011, 09:12 PM جميله جدددددددديا http://t1.gstatic.com/images?q=tbn:and9gcsdbvppztxnlwkv_wu-cjri-cuz0az9fnf5sujpxgjzn1hq5mx8
http://t2.gstatic.com/images?q=tbn:and9gcteebhag3s1oyufg-2nadletujy1lv90xictumvdet3prswheathg
انت حتكمل ولا ...............!
اعملك كحقه .....
ههههههه حاضر والله هكمل
انتى تأمرى
تامر الطويل 06-08-2011, 09:26 PM تامر . امتي الحلقة التالية ؟؟؟
حالا هنزل الحلقه الجديده وهتكون اهداء ليك اخى الغالى نورتنى
تامر الطويل 06-08-2011, 09:42 PM صحيت من النوم الصبح
الجزء الثانى
الحلقه الخامسه
أمير / أه يانى ياأما يخرب بيتك يافانتوم
واشوف فيك يوم ويكون اسود من سواد الليل
لوجين ياحببتى إصحى بقه ، إتأخرنا على الضرب فى العالم الجديد اللى رحنا له
لوجين / اه اه دماغى هتنفجر ياامير
انا تعبت قوى من السفر بااله الزمن دى بجد تعبت انت ودتنا فين المرة دى
امير / وانا ايه عرفنى يالوجين !!
انا ضغطت على الزراير بسرعه قبل ماتلبنا الاميرة المفتريه دى على قفانا دى مفتريه يابنتى انتى ماشوفتيش العفاريت كانت بتتنطط على وشها إزى
المهم روحى افتحى باب اله الزمن بقه يالوجين ياحبيبتى
لوجين / انا اللى افتحها ليه وانت روحت فين
مش انت الراجل برده
امير / انا اللى فتحه المرة اللى فاتت وبعدين
انا ابتديت اشك انى نحس وبعدين مافيش فرق بين راجل وست فى فتح باب اله الزمن ولا انتوا خلاص فى الضرب مش معانه وفى الحلومعانه
نجرب بقه إديكى ياقمر
لوجين / تيب تيب كل حاجه لوجين ، لوجين
هو مفيش غيرى ولا ايه؟؟؟
امير / ايه البنت المجنونه دى ، هو فى اى حد غيرنا فى اله الزمن
استنى متفتحيش الباب !!!!
لوجين / ايه فى ايه تانى
امير / قبل ماتفتحى الباب ادعى ربنا يسترها علينا
ولو لقيتى اى خيانه اقفلى الباب على طول
لوجين / يخرب بيتك روشتنى سبنى بقه افتح الباب، فى اليوم اللى مش هيعدى ده
وبعدين انت الراجل كان لازم تفتح انت
امير / هو انا مسكك ماتفتحى !! وبعدين عندنا فى مصر فى مثل بيقول الرجاله ماتوا فى حرب 73واظاهر انا كنت معاهم
يارب استرها معانا ياكريم اى حاجه قابلها بس كفايه ضرب على قفايه قفايه ورم
يارب لوجين لسه قفاها سليم وتستحمل
لوجين / ايه العالم الغريب ده فى اى عصر احنا كل دى مبانى ياااااااه وايه الطائر الغريب ده !!!!!!
امير / اهم حاجه فى مزز ولا العالم ده مقشفر وهنقضيها بوزنا فى بوز بعض
لوجين / بتقول حاجه ياامير؟؟
امير / لا ابدا ياقلبى بقول يارب مانلقيش اى مزز فى العالم دهانا كرهتهم
لوجين / تعاله شوف ياامير العالم الغريب ده
امير / مش معقول ، الحمد لله ، احمدك يارب،
ده العالم بتاعى يالوجين هى دى مصربلدى ام الدنيا اخيرا رجعت للعالم بتاعى
لوجين / هو ده العالم بتاعك يااااااه بجد جميل ياامير بس ايه الطائرالضخم ده انا اول مرة اشوفه
امير / ده مش طائر ياحبيبتى دى طيارة
لوجين / طيارة يعنى ايه طيارة دى؟؟؟
امير / دى حاجه الناس بتركبها لما تسافر بلاد بعيده
الحمد لله يارب اخيرا همشى فى الشارع وهتمسك تحرى وهنضرب فى القسم لحد ما يبنلى صاحب
لوجين / ههههههههه انت اظاهر رحلتنا اثرت على دماغك
ناس جوة الطائر ده هههههههه انت مجنون
امير / انا اللى مجنون !!
ياستى بكرة فى العالم بتعنا ياااااااما هشوفى
المهم دلوقتى يالوجين ياحبيبتى احنا لازم نتجوز بقه
لوجين / اوكى يالا بينا نتجوز
امير / بصوت واطى
ايه البنت اللى مصدقت دى
لا يالوجين انا مش هظلمك معايه لازم اجبلك شقه وادفعلك مهر واجبلك شبكه وكمان اجيبلك العفش بتاعك
من اى مكان تختاريه وبلاش تقوليلى
لا مش عوزة والكلام ده لانى مش هوافق اظلمك معايه
لوجين / خلاص ياامير مش تزعل
هات كل الحاجات اللى انت بتقول عليها دى
امير / ايه ده هو انتى مش هتقوليلى لاء ياامير متجبش اىحاجه
واحنا بنشترى راجل والحاجات دى
لوجين / انت حيرتنى معاك ياامير اقولك ايه بس
امير / متقوليش حاجه يالا بينا على اقرب مؤذون
وفى الطريق وهما ماشين
امير / انا مش مطمن يالوجين هو صحيح العالم ده بتاعى بس مش مطمن
جوايا احساس بيقولى اجرى وبطل غباء مش عارف فى ايه
لوجين / ده من تأثير الصدمه ياامير ، اكيد انت مش مصدق لحد دلوقتى انك فى العالم بتاعك
امير / يمكن يارب يكون احساسى غلط، مين الناس دى كمان ؟؟
ومن بعيد جه شخصين فى ملابس عجيبه تشبه لملابسالشرطه
ولما قربوا مننا قال واحد منهم
رجل غريب / اوراقك ياغريب انت وهى
امير / انت اكيد تقصد بطاقتى ثوانى انا محافظ عليها انا عارف انى اكيد فى يوم هحتجها
رجل غريب / ايه دى ياغريب
انا قولتلك اوراقك
امير / اوراق ايه بس !!
انت تقصد اوراق الجيش يعنى
انا وحيد ابويه
يعنى مليش جيش وحتى ممكن تسال ابويه
رجل غريب / اظاهر انك هتتعبنا معاك ياغريب
هتوهم وعند مولاى السلطان اكيد هيتكلموا ويقولوا كل حاجه ولو متكلموشيبقه احسن علشان تيجر نمر مولاى السلطان جعانه هههههههههه
امير / نمر وسلطان !! لو جين
تعرفى تغطينى وتصوتى
و
صحيت من النوم الصبح
انتظرونى
فاللقصه بقيه
بقلم
تامر على الطويل
zozza love 06-08-2011, 09:53 PM بجد تحفه يا ا/تامر
وانا متابعه مع حضرتك
فى انتظار الباقى
تامر الطويل 07-08-2011, 12:23 PM بجد تحفه يا ا/تامر
وانا متابعه مع حضرتك
فى انتظار الباقى
ربنا يخليكى اختى الغاليه بجد نورتينى وسعيد جدا بمتابعتك وحالا هنزل الحلقه الاخيرة من القصه اهداء ليكى
تامر الطويل 07-08-2011, 12:27 PM http://www2.0zz0.com/2010/05/24/21/409370213.gif
الحلقه الاخيرة
رجل غريب / اظاهر انك هتتعبنا معاك ياغريب
هتوهم وعند مولاى السلطان اكيد هيتكلموا ويقولوا كل حاجه
ولو متكلموش يبقه احسن علشان تيجر نمر مولاى السلطان جعان ههههههههههه
امير / نمر وسلطان لو جين
تعرفى تغطينى وتصوتى
امير / ياعم براحه انت بتزق حته حجر ،، د أنا أمير إللى مقفل حارة دعبس ،، إحترمونى شويه ياغجر
رجل غريب / ههههههه بقه إنت يامعفن أمير ،، أمال الغفير يبقه ايه ،،هههههه
إحنا هنحترمك بس مش لانك امير ،،إحنا هنحترمك علشان القمر اللى معاك
امير / اه هنبتدء نقل فى أدبنا بقه ،،لاء ده أنا بطاقتى مقطعها ياعرر،،
وممكن اصور لكم قتيل هنا
راجل غريب / يعنى ايه تصور دى كمان !!
انا نصف كلامك مش فاهمه يامجنون انت
اوع تفتكر ان بتمثيلك الجنون هتنجى من قبضه مولاى السلطان ،، او من مخالب تيجر
بقولك ايه ياقمر ماتسيبك من النطع ده وتعالى معانه ،، واحنا هنسيبه يمشى
امير / انت هتستعبط انت كمان ،،بقه انا نطع ياحيوان ،،اظاهر ان الادب مش هينفع معاكم
لوجين خودى الساعه بتعتى
دى من ريحه اعز الحبايب بتاعت جد جدى الله يرحمه لو ربنا سهل وان شاء الله اصابتى كانت خفيفه وعشت اوعدك انى اتجوزك
إنما لو فيسط فى إديهم فاربنا معاكى بقه هو انا هقطع نفسى
إظاهر إنك نحس يالوجين
لوجين / يعنى ايه فيسط دى ياامير ؟؟
امير / مش وقت اسئله خالص دلوقتى يالوجين ،،مش شايفانى داخل على انتحار
خد ياد انت وهو ياد انا بقه هوريكم الفتونه إللى على حق انا حاسس إن فيا قوة هرقل وشجاعه عنتر وحب روميو و
رجل غريب / ههههه متخلصنا ياعم الشجيع انت هتخطب
ورينا الفتونه يا
ولسه هيكمل الجمله طار امير فى الجو وضرب الحارس الاول برجليه فطار الحارس فى الجو مترين ونزل مغمى عليه وبإستغراب طلع الحارس التانى سلاح عجيب وضرب فخرجت من السلاح كرة من نار وانطلقت فى اتجاه امير و بقوة غير متوقعه حتى من امير نفسه طار امير فى الجو وتخطى كرة النار ونزل قصاد الحارس التانى وضربه بقبضه يده وطار الحارس الغلبان فى الجو ونزل مغمى عليه
ولوجين وقفه متنحه ومستغربه بقه ده أمير إللى كان ديما بيتروق وجريت عليه واخدها فى حضنه
و
صحيت من النوم الصبح
لوجين / فوق ياامير بقه ده ماكنش قلم إدهولك الحارس المفترى ده
أمير أمير
أمير / انا قطعتهم اى خدمه يالوجين معاكى الوحش الفتك امير ال0000
إيه ده هو انا فين والحارسين دول ليه مش مغمى عليهم بعد مضربتهم
لوجين / ضربت مين بس ياامير دول هما اللى طحنوك ياحبيبى
امير / حبيبى انتى بتقوليلى حبيبى واله ياحارس إضرب تانى اخيرا سمعتها منها حبيبى حبيبى
رجل غريب / اظاهر انهم مجانين
حارس / وممكن جواسيس وبيدعوا الجنان علشان يهربوا من المصير المنتظر من السلطان
ايه ده الاعداء محصرنا
اظاهر انهم فعلا جواسيس
وانطلق سهم من سهام الرجل الغريب فى اتجاه امير بس لوجين وقفت قدام السهم واخترق السهم كتف لوجين وهنا بس انطلق امير وضرب الرجل الغريب وانطلقت الاسهم من كل اتجاه شال امير لوجين وجرى بيها ووقف الزمن فى اللحظه دى
حس امير ان حياته هو انتهت من كتر خوفه محسش انه جرى مده طويله جدا
لوجين / امير انا بجد بحبك يااغلى من روحى ياحلم حلمت بيه ومعاك لقيته
امير / وانا كمان بحبك قوى يالوجين
مالك فى ايه إنتى هتعيشى بطلى هزار أنا مش هخاف ولا هتقدرى ترعبينى
لوجين / انا عوزاك توعدنى انى لو مت فى العالم الغريب ده تخدنى معاك للعالم بتاعك وتدفنى جمبك عوزة ديما حتى بعد ما اموت اكون جمبك
امير / ايه الكلام العبيط ده يالوجين انتى هتعيشى وهنتجوز وهنفضل طول العمر مع بعض وكمان هنجيب بنتين و ولدين
هتختارى انتى اسامى الاولاد وانا هختار اسامى البنات
لوجين / هههههه 4 مرة واحده
امير / أيون أربعه
البنت الاوله ياسمين والبنت التانيه هسميها مريم
انتى بقه هتسمى الاولاد ايه ؟؟
لوجين / اول ولد هسميه على اسم اجمل انسان عرفته فى حياتى هسميه أمير
والولد التانى هسميه على اسم ولدى أدهم
امير
أمير / ايوة ياروح أمير ياعقل أمير
أأمرى وهتلاقى أمير بيقولك شوبيكى لوبيكى أمير بين إديكى
لوجين / أنا بحبك قوى اوعدنى مش تنسانى ابدا
أمير / وانا بجد عمرى إبتدء بس من ساعه ماشوفتك
وعمرى ما هنساكى ، عرفه ليه؟؟
علشان هتفضلى معايه ديما
يالا بينا بسرعه على أله الزمن وإن شاء الله أنا عندى إحساس إننا المرة دى هنوصل للعالم بتاعى وهتخفى يالوجين وهنتجوز
وانطلق امير ولو جين على اله الزمن ودخلوا جوة الاله وضغط أمير ازرار أله الزمن على امل انه يرجع العالم بتاعه وينقذها من القدر المحتوم
و
صحيت من النوم الصبح
النهايه
بقلم
تامر على الطويل
امير الجروح
solidsnake 07-08-2011, 02:40 PM يعني طلع كل دا حلم في الاخر ولا اية ؟
تامر شكلك كدا مخبي حتة ...... طلعها :d يلا
بس تحفة والله و الالفاظ مناسبة و من غير قيود و بتحسسك بالموقف
معاك لو في تاني
solidsnake 07-08-2011, 02:42 PM البنت الاوله ياسمين
علي فكرة انا كنت ناوي اسمي بنتي ( انشاءالله ) ياسمين !! :028ja7:
rana rory 07-08-2011, 08:32 PM طب انا عايزه اعرف هو رجع للعالم بتاعه ولا لا
ولوجين ماتت ولا لسه عايشه
كملها بليز
علشان كده مش فاهمه
رنا مصطفى
تامر الطويل 07-08-2011, 09:09 PM علي فكرة انا كنت ناوي اسمي بنتي ( انشاءالله ) ياسمين !! :028ja7:
ربنا يكرمك يارب ب بنوته زى القمر وتسميها ياسمين
تامر الطويل 07-08-2011, 09:10 PM يعني طلع كل دا حلم في الاخر ولا اية ؟
تامر شكلك كدا مخبي حتة ...... طلعها :d يلا
بس تحفة والله و الالفاظ مناسبة و من غير قيود و بتحسسك بالموقف
معاك لو في تاني
ده مش حلم !!
هههههه انا فعلا مخبى الجزء الثالث من صحيت من النوم الصبح لانى لسه مش كتبته
وبجد انا سعيد جدا ان قصتى البسيطه نالت اعجابك اخى الغالى
تامر الطويل 07-08-2011, 09:12 PM طب انا عايزه اعرف هو رجع للعالم بتاعه ولا لا
ولوجين ماتت ولا لسه عايشه
كملها بليز
علشان كده مش فاهمه
رنا مصطفى
هههههههه حاضر والله هكملها بس اصبرى عليا لانى لسه هكتب الجزء الثالث
بجد سعيد جدا بردودك اللى ديما بتسعدنى وبتشجعنى على الكتابه
solidsnake 08-08-2011, 01:14 AM ده مش حلم !!
هههههه انا فعلا مخبى الجزء الثالث من صحيت من النوم الصبح لانى لسه مش كتبته
وبجد انا سعيد جدا ان قصتى البسيطه نالت اعجابك اخى الغالى
دا انتا الموهوب .. دي عجبت كتيير غيري;) ايوا بقا
heba nabil 08-08-2011, 02:11 AM لالا بجد جميله اوووووووي اووووووووي
وانا مره اقرأ قصه كده من اولها لآخرهاا والله فعلا حلوة جدا
واحنا في انتظار الجزء التالت ان شاء الله
وشكرا كتير لحضرتك استاذ تامر..
تقبل مروري..^^
ندى نيدو 08-08-2011, 08:01 AM انا قرات القصة من اول حلقة لاخر حلقة مرة واحدة
بجد القصة شيقة ومثيرة جدا
وانت ان شاء الله ليك مستقبل كبير ربنا يوفقك
وفي انتظار الجزء الثالث:)
تامر الطويل 08-08-2011, 01:17 PM دا انتا الموهوب .. دي عجبت كتيير غيري;) ايوا بقا
ربنا يخليك اخى الغالى
تامر الطويل 08-08-2011, 01:19 PM لالا بجد جميله اوووووووي اووووووووي
وانا مره اقرأ قصه كده من اولها لآخرهاا والله فعلا حلوة جدا
واحنا في انتظار الجزء التالت ان شاء الله
وشكرا كتير لحضرتك استاذ تامر..
تقبل مروري..^^
ربنا يخليكى ياهبه يارب وبجد انا سعيد جدا ان القصه عجبتك وبجد بشكرك على كلامك الجميل ده
وقريبا الجزء الثالث
تامر الطويل 08-08-2011, 01:20 PM انا قرات القصة من اول حلقة لاخر حلقة مرة واحدة
بجد القصة شيقة ومثيرة جدا
وانت ان شاء الله ليك مستقبل كبير ربنا يوفقك
وفي انتظار الجزء الثالث:)
ربنا يخليكى ياندى يارب ، انا بجد سعيد جدا ان قصتى البسيطه نالت اعجابك
وكلامك الجميل ده وسام على صدرى
ندى نيدو 08-08-2011, 08:35 PM ربنا يخليكى ياندى يارب ، انا بجد سعيد جدا ان قصتى البسيطه نالت اعجابك
وكلامك الجميل ده وسام على صدرى
لا دي اقل حاجة تتقال عن القصة لانها جميلة فعلا
وانا متابعة معاك
فين الباقي بقا؟؟؟؟؟؟؟
Seif Albaz 08-08-2011, 10:07 PM تجنن سلــــمت الايادي ....
Rebonzel 09-08-2011, 01:34 AM أنت فعلا موهوب وأنا حبيت القصة
ومتشوقة للنهاية
لوجين20 09-08-2011, 04:14 PM حرام عليك ياتامر
دانت موتنى
فين الجزء التالت؟
انا باطالب بنزوله باقصى سرعة
بس بجد والله روعه
شابو يا تامر
solidsnake 09-08-2011, 06:22 PM يا تامر .. شوفت الناس كلها عايزة الجزء التالت مش انا بس
احنا ننزلالتحرير للمطالبة بنزول الجزء التالت ما هي زيطة بقي
بجد يا تامر مستنييك
miss_egypt 10-08-2011, 02:02 AM قصة جميييييييييييييييييييييلة جدااااااااااااااااا
سلمت الأيادي
اختي كمان قريتها
بس هي كان عندها ملاحظة صغيرة
القصة دي شبه مغامرات سالم وسلمى
من سلسلة ما وراء الطبيعة لــ د/ أحمد خالد توفيق
هو حضرتك تعرفها؟؟
ملاحظة : أنا معرفش أي حاجة من الكلام ده
ولا عمري قريت ماوراء الطبيعة
دي هي اللي قالتلي كده
تامر الطويل 10-08-2011, 10:51 AM قصة جميييييييييييييييييييييلة جدااااااااااااااااا
سلمت الأيادي
اختي كمان قريتها
بس هي كان عندها ملاحظة صغيرة
القصة دي شبه مغامرات سالم وسلمى
من سلسلة ما وراء الطبيعة لــ د/ أحمد خالد توفيق
هو حضرتك تعرفها؟؟
ملاحظة : أنا معرفش أي حاجة من الكلام ده
ولا عمري قريت ماوراء الطبيعة
دي هي اللي قالتلي كده
ربنا يخليكى يارب على كلامك الجميل ، وسعيد ان قصتى البسيطه نالت اعجابك
اما بالنسبه للأستاذ الكبير احمد خالد توفيق فايرتنا اكون 1فى الميه منه لانه بجد استاذ كبير هو والكبير نبيل فاروق
بس بجد انا قريت لنبيل فاروق واحمد خالد توفيق كتير بس اول مرة اسمع بالقصه دى
ولو افترضنا تشابه الفكرة فااكيد الاحداث مش واحده وانا حالا هنزل القصه واقراها واشوف وجه التشابه بينهم
بجد نورتينى اختى الغاليه وتابعينى
امير الجروح
تامر الطويل 10-08-2011, 10:53 AM يا تامر .. شوفت الناس كلها عايزة الجزء التالت مش انا بس
احنا ننزلالتحرير للمطالبة بنزول الجزء التالت ما هي زيطة بقي
بجد يا تامر مستنييك
هههههههههه مش للدرجه دى ياغالى
انا اكتبها احسن
بجد شكرا لمتابعتكم الجميله لقصتى البسيطه
امير الجروح
تامر الطويل 10-08-2011, 10:54 AM حرام عليك ياتامر
دانت موتنى
فين الجزء التالت؟
انا باطالب بنزوله باقصى سرعة
بس بجد والله روعه
شابو يا تامر
ههههههههه متخفيش يابنتى لوجين بخير وتابعينى مع الجزء الثالث وانتى تعرفى
شابو يالوجين
تامر الطويل 10-08-2011, 10:56 AM أنت فعلا موهوب وأنا حبيت القصة
ومتشوقة للنهاية
ربنا يخليكى اختى الغاليه بجد نورتينى
تامر الطويل 10-08-2011, 12:24 PM لا دي اقل حاجة تتقال عن القصة لانها جميلة فعلا
وانا متابعة معاك
فين الباقي بقا؟؟؟؟؟؟؟
ربنا يخليكى ياندى يارب وحالا الحلقه الاولى من الجزء الثالث هنزله حالا
تامر الطويل 10-08-2011, 12:27 PM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه الاولى
يقف محمود توفيق فى ميدان التحرير جمب ملاين من المصرين بيهتفوا كلهم بصوت واحد
الشعب يريد إسقاط النظام / الشعب يريد إسقاط النظام
وفاجاه يهجم عليهم رجال الامن المركزى باالعصيان والقنابل المسيله للدموع والرصاص المطاطى ، فيجرى محمود واحمد صديقه من الميدان ويبدئوا يتعاملوا مع الامن المركزى بالمثل ، ويبدء حدف الطوب وبقوه،
ولحظات و تدخل عربيات ومدرعات الامن المركزى وتبدء تجرى وراء المتظاهرين السلمين وكأنها عندها أوامر مش بتفرقهم بل بموتهم
ويجرى احمد ومحمود مرة تانيه ويدخلو شارع هادى جدا مافهوش اى حد
وفاجاه يبص احمد وراه يلاقى 4 رجاله شكلهم رجال مباحث او امن دوله جين جرى عليهم و واحد منهم بيقول
راجل امن دوله / هتولى الاتنين دول ولاد ال 000000
انا بقه هربيكم ياغجر ياولاد ال0000 ، بقه عمللى مظاهرى لقلب نظام الحكم ، فاكرين إيه البلد سايبه
ويمسك رجال المباحث وامن الدوله احمد ومحمود وينزلو فوقهم ضرب بكل قوتهم ، ويخرج ظابط امن الدوله سلاحه ويقولهم
راجل امن دوله / الاوامر عندنا بالتعامل الفورى مع اى شخص يحاول مجرد محاوله ياغجر لقلب نظام الحكم وقتله على الفور
ودلوقتى ميعاد موتكم ياكلاب وإبقوا سلمولى بقه على النظام اللى عايزينه يسقط ، ولسه هيضربهم بالنار ، يظهر نور يعمى العيون فاجاه وعاصفه رياح رهيبه وبرق فى السماء وفاجاه تظهر اوضه غريبه بتلمع وبيخرج منها نور غريب جدا ، واصوات اغرب ، اول ما يشوفها رجال المباحث يجروا من الخوف ويسيبوا احمد ومحمود
وبعد مده يقرب احمد ومحمود من الاوضه الغريبه دى ويحاولو يفتحوها بس مش يعرفوا ويفضلوا يحاولوا واخر ما يزهقوا يمشوا بسرعه على ميدان التحرير ، يلحقوا اصحابهم واهاليهم من بطش رجال المباحث ورجال الامن المركزى اللى صدرت اوامر ليهم بالتعامل وبقوه مع المتظاهرين
وجوة الغرفه اللى هى اله الزمن اللى جواها لوجين وامير
يفوق اميرجوة اله الزمن ، يلاقى جمبه لوجين غرقانه فى دمها يخدها ويفتح باب اله الزمن بسرعه وفاجاه ياقى ناس كتير جدا بيقولوا بصوت عالى
الناس / الشعب يريد إسقاط النظام ، الشعب يريد إسقاط النظام
يسقط يسقط حسنى مبارك ، يسقط يسقط حسنى مبارك
يخرج امير بسرعه ويجرى على اقرب مستشفى وهو مش شايف ولا حاسس ب اى حاجه جواه ، كل اللى شايفه قصاده حبيبته لوجين وهى بتنزف ، يدخل على المستشفى يلاقى الدكاترة والممرضات بيجروا عليه ودكتور منهم بيقوله
الدكتور / ايه رصاص مطاط ولا ضربه من عصيان الامن المركزى
امير / نعم
الدكتور / انت لسه هتقول نعم ، الانسه بتنزف
ويبص للممرضه اللى جمه ويقولها
الدكتور / إفتحى اوضه العمليات بسرعه المريضه نزفت كتير ومحتاجه تدخل جراحى ، وشوفيلى فصيله دمها ايه بسرعه
ويجرى الدكتور ب لوجين على اوضه العمليات وتجرى الممرضه تاخد عينه دم من لوجين ،وتجرى تدور على فصيله دمها علشان تنقل لها دم ،وبعد شويه تيجى الممرضه بسرعه وتقولى
الممرضه / لو سمحت يااستاذ احنا محتاجين فصيله الدم دى لانها نادرة ، ومن غيرها المريضه ممكن تموت
امير / انا فصيله دمى بتدى لأى نوع
خدى منى كل دمى بس لوجين تعيش
الممرضه / انت تعبان يااستاذ ولو اخدنا منك دم وانت بحالتك دى ممكن تموت مننا
امير / انا مسؤول عن نفسى وبقولك خدى منى كل الدم اللى محتاجينه المهم لوجين تعيش
وفعلا تاخد الممرضه دم من امير وبعد عده ساعات يفوق امير ويبص حوليه يلاقى نفسه نايم على سرير فى المستشفى وجمبه الممرضه بتحطله محلول ، اول ما تحس الممرضه انه فاق تقوله
الممرضه / حمد الله على سلامتك ، كنت هتضيع مننا ياراجل بس الحمد لله ربنا ستر
امير / لوجين ؟؟
الممرضه / متخفش عليها هى دلوقتى فى العنايه المركزة ، وهى الحمد لله بخير
امير / الحمد لله ، الحمد لله
ممكن اسأل حضرتك سؤال
الممرضه / إتفضل
امير / احنا فين وسنه كام ؟
الممرضه / انت لسه تعبان يااستاذ
امير / لوسمحتى ريحينى احنا فين وسنه كام
الممرضه / احنا فى مصر وسنه
2011
امير / مين رئيس الجمهوريه ؟؟
الممرضه / إنت مين وعايز ايه بالظبك
انا مليش فى السياسه يافاندم
ولا عمرى خرجت فى مظاهرة ولا اعرف ايه بيحصل بره المستشفى
امير / انتى خفتى كده ليه !!
انا عايز اعرف مين رئيس جمهوريه مصر العربيه
الممرضه / والله يااستاذ دلوقتى مش عارفين مين الرئيس
بس الرئيس القديم والمخلوع كان محمد حسنى مبارك
امير / يانهار اسود !!
هو انا روحت فى اى عالم المره دى ، انا كنت فاكر انه العالم بتاعى وخلاص رجعت وطنى
واترينى رجعت لعالم موازى فيه الرئيس اتخلع
الممرضه / انا هنده للدكتور حالا ، انت شكلك تعبان جدا
وتجرى الممرضه تنده للدكتور وثوانى ويدخل الدكتور جرى ويمسك اديه امير ويقيس النبض ويقوله
الدكتور / مالك يااستاذ فيك ايه ؟؟ حاسس ب ايه ؟؟
امير / انا كويس يادكتور
بس انتوا والله رجاله ، عرفتوا تخلعوا راس الفساد من الحكم وتشيلوا الفساد وكل رجالته من جذورهم ، عقبالك يامصر يابلدى اما افرح بيكى وانتى حرة بقه من الظلم والفساد
الدكتور / انت بتقول ايه يااستاذ انا مش فاهم منك ولا كلمه
امير / انا هقولك كل حاجه
انا ياسيدى من مصر وصحيت من النوم الصبح لقيت نفسى فى عالم تانى فيه المايه بالقطاره وفيه السماء حمراء والبحر لونه غريب وحتى الناس غريبه متعرفش ان السماء اسمها سماء ولا تعرف يعنى ايه قمر ، فى العالم ده مصر بقه مدنتين وبس ، والشبح اللى هو زعيم عصابه عاوز يسيطر عليهم ، بظلم وقهرة لأهلها
عرفت فى العالم ده معنى الحب لما قبلت لوجين البنت اللى معايه وحضرتك بتعالجها ، وفى العالم بتاعها قبلنا العالم فانتوم اللى اخترع اله زمن وحب يجربها عليا وفعلا إتنقلت بالزمن انا ولوجين لأكتر من عالم لحد موصلنا للعالم بتعكم ده اللى يشبه عالمنا كتير جدا ، فى كل حاجه حتى فى الرئيس واسمه ، بس الفرق ما بين العالم بتاعى والعالم بتعكم ان فى العالم بتاعى الرئيس متبت فى الكرس وعمرة ما هيسيبه ابدا ، اما فى العالم بتعكم فاانتم قمتوا بثورة ، وشلتوه هو وكل الفاسدين عندكم
الدكتور / بس ، بس ، اهدى يااستاذ امير ، كل حاجه هتكون بخير بس اهدى
ويبص للممرضه ويقولها اندهيلى عباس وتوفيق يانجوى بسرعه
ولحظات ويدخل توفيق وعباس فيقولهم الدكتور
الدكتور / خدوا المريض ده على مستشفى الامراض العصبيه والنفسيه عنده صدمه من الحادثه وبيقول كلام مش مفهوم
يبص امير حوليه و
يغمى عليه و
صحيت من النوم الصبح
بقلم
تامر على الطويل
امير الجروح
لوجين20 10-08-2011, 10:11 PM حلوة بجد يا امير
وكفايه لوجين عايشه
والاحلى انك مواكب الاحداث
احيي حسك الوطنى ياامير
شابو بجد يا امير:078111rg3::078111rg3:
solidsnake 10-08-2011, 10:54 PM روووعة و فكرتني بميدان التحرير و دماغي الاتفتحت يوم 28 يناير ... رينا ستر الحمد الله
لوجين20 10-08-2011, 11:59 PM روووعة و فكرتني بميدان التحرير و دماغي الاتفتحت يوم 28 يناير ... رينا ستر الحمد الله
الف سلامة عليك ياثورى
solidsnake 11-08-2011, 02:25 PM الف سلامة عليك ياثورى
الله يسلمك والحمد الله جت سليمة :)
نهاد عزمى 11-08-2011, 05:20 PM الله الله الله
ما أروع هذه المشاعر
جزاك الله كل خير على هذه الأطروحه
تامر الطويل 12-08-2011, 12:35 AM حلوة بجد يا امير
وكفايه لوجين عايشه
والاحلى انك مواكب الاحداث
احيي حسك الوطنى ياامير
شابو بجد يا امير:078111rg3::078111rg3:
ربنا يخليكى يالوجين يارب بجد نورتينى
وشابو وحته يالوجين
تامر الطويل 12-08-2011, 12:40 AM روووعة و فكرتني بميدان التحرير و دماغي الاتفتحت يوم 28 يناير ... رينا ستر الحمد الله
الف مليون سلامه عليك اخى الغالى والمناضل الحر
نورتنى
تامر الطويل 12-08-2011, 12:41 AM الله الله الله
ما أروع هذه المشاعر
جزاك الله كل خير على هذه الأطروحه
شكرا جدا على الرد الجميل اللى اسعدنى
تامر الطويل 12-08-2011, 12:48 AM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه الثانيه
يفوق امير يلاقى نفسه فى أوضه واسعه لوحده ، ومش موجود فيها غير سرير واحد نايم هو عليه ومربوط من إديه
وشويه ويدخل عليه دكتور شكله غريب وأول ما يشوفه أمير يقوله
امير / انا فين ؟ وايه جبنى هنا ؟وانت مين ياعم ؟
الدكتور / اهدى يااستاذ امير ، مش اسمك امير برضوا
امير / ايوة انا اسمى امير ، انت بقه مين ؟وانا فين ؟
الدكتور / انا الدكتور خالد وانت فى مستشفى الامان للامراض العصبيه والنفسيه
امير / مستشفى مجانين !!
بس انا مش مجنون ، والله انا مش مجنون ، إنتوا اللى هتجننونى
الدكتور / من غير ما تحلف يااستاذ امير ، انا كشفت على قواك العقليه ولقيتك فعلا مش مجنون ، هى صحيح نسبه ذكائك مش عاليه قوى بس معقول
امير / حوش ياله الذكاء اللى بينزل منك
فكنى وسبنى امشى عايز اطمن على لوجين
الدكتور / اهدى بس يااستاذ امير وقولى ايه حكايه اله الزمن وايه حكايه العالم اللى انت جيت منه ده
امير / اله زمن !! وعالم تانى انا جاى منه !! ايه التخريف دى يادكتور بقه ده كلام ناس عقلين
انا من هنا واسمى امير نور الدين واصلا من كفر الشيخ بس عايش فى مرسى مطروح
الدكتور / وايه جابك القاهرة وبالتحديد ميدان التحرير
امير / انا جيت من مرسى مطروح علشان احضر المظاهرات من اولها ، اقصد احضر المظاهرات واطالب بحقوقى وبالتغير واسقاط النظام ،
حتى شوف
يسقط يسقط حسنى مبارك ، امير يريد إسقاط النظام
الدكتور / اسقاط النظام مرة واحده
امير / والله برحتكم مرة واحده مرتين دى بلدكم ياعم وانتوا حرين فيها
الدكتور / بلدنا !! يعنى مش بلدك ؟؟
امير / طبعا بلدى حبيبتى ، امال انا جاى ميدان التحرير ليه ، جاى اتصور !!
الدكتور / الدكتور إللى عالج البنت إللى كانت معاك ، إسمها لوجين صح ؟
امير / اه مالها لوجين ؟
الدكتور / هى كويسه إطمن ، الدكتور ده قالى إنها كانت لبسه ملابس عجيبه ، عمرة ما شفها فى حياته ، ياترى الهدوم دى جبتها منين ؟؟
امير / من العتبه ، من عم توفيق الى جمب عم حسين بتاع الفول
ارتحت ، فكنى بقه خلينى اروح اطمن عليها
الدكتور / طيب اخر سؤال وبعدها هسيبك تمشى لانى ابتديت فعلا اطمن انك كويس وحالتك مش مستهله مستشفى ولا حجز ولا جلسات كهرباء
امير / اتفضل إسأل وخلصنى بقه
الدكتور / مين الشبح ؟ وإيه هو النومس ؟
امير / ايه ده !!! انت عرفت الشبح والنومس منين
انت مين بالظبط ؟؟
انت اكيد من رجاله الشبح
بص بقه اى خيانه او ضرب انا مش هسكت ، انا قفايه ورم من كتر الضرب عليه ، وبعد كده مش هسكت ، انا ممكن اصوت والم عليك المستشفى كلها، ما يغركش انى مربوط لاء اصح وفوق وشوف انت بتكلم مين ، دانا امير اللى طلع عنيه جوة اله الزمن وهو قاعد بيتنقل من عالم لعالم ، فى كل عالم كنت بروحه كنت بواجه وحوش عمالقه ولا إتهزلى جفن ولا إترعشت حتى ، امير بتاع زمان اللى كان بياخد على قفاه من إللى يسوى وإللى ما يسواش خلاص مات ، انا امير الجديد لسه بورقتى وممكن حالا أقطعك
الدكتور / وحوش !! واله زمن!! وبتتنقل من عالم لعالم !!
اظاهر انك فعلا مجنون زى ما قلولى وانا مصدقتش
انت خطر على العامه ولازم تتحجز هنا شويه لحد ما تخف
امير / اعمل فيها عم العبيط ياله
انت جاسوس من جواسيس الشبح وجاى ورايه انا ولوجين علشان تقتلنا
الدكتور / جاسوس من جواسيس الشبح !!
امير / طبعا جاسوس ، بس غبى كشفت نفسك ليا
الدكتور / وازى بقه ياشارلوك هولمز عصرك كشفتنى وعرفت انى جاسوس للشبح بتاعك ده
امير / وهى دى محتاجه ذكاء ، ده المفتش كرومبو ممكن يكشفك ،
انت وقعت بالسانك وسألتنى عن الشبح والنومس
الدكتور / ودى فيها ايه ؟؟
امير / فيها ان مافيش حد يعرف الشبح او النامس غير الناس اللى فى العالم إللى الشبح والنامس فيه يافقيق
الدكتور / بس انا عرفت من غير ما اكون من الناس دى
امير / ازى بقه ؟؟
الدكتور / انا عرفت منك انت
امير / منى انا ، طيب ازى هو انا فتان !!
الدكتور / وانت مغمى عليك كنت بتخرف وبتقول
حرام ياشبح النومس لاء هيكلنى ياجدع هو انت معندكش اخوات بنات
ساعتها يبص امير للدكتور وهو فاتح بوقه يجى مترين ويهرش راسه وهو بيضحك وبيقوله
امير / ايه رئيك فى تمثيلى يادكتور ، ايه بعرف أمثل
الدكتور / تمثل !!
امير / اه طبعا أمثل ، اوع تكون صدقتنى ، انا كنت بهزر معاك ياراجل بقه فى واحد عاقل يسافر ب اله زمن برضه ويقابل شبح ونومس
الدكتور / انت حالتك صعبه خالص
وينده الدكتور على صابر واشرف ،اتنين من الممرضين ولما يجوا يقولهم وهو بيشاور علي امير
الدكتور / خالوا بالكم من المريض ده لان حالته خطيرة جدا وممكن يإزى نفسه وأى حد حوليه ، وكمان ساعه بالظبط تخدوة وتدوله جلسه الكهرباء
امير / ربنا يخليك ياكبير انا الحمد لله لسه مركبتش العداد بس أوعدك اول ما اركبه ، مش هاخد كهرباء غير منكم ،هو انا اطول برضوا اكون زبون عندكم وأنفعكم
الممرض اشرف / للدرجادى يادكتور هو مجنون !!
امير / فى ايه يابنى ادم عندك كلمه حلوة قولها معندكش سمعنا سكاتك ، الله يخرب بيتك ، يادكتور والله انا مش مجنون وكل الكلام اللى قولتهولك حصلى فعلا
انا ممكن حتى اقولك ايه اللى هيحصل للعالم فى المستقبل
الدكتور / ماشى ياانشتين زمانك
هروح اغير هدومى واجى اسمعك للصبح
ويبص الدكتور للممرضين اشرف وصابر ويقولهم وهو بيخرج بره الاوضه
الدكتور / خلو بالكم منه كويس ، وزى ما قولتلكم بعد ساعه ياخد جلسه كهرباء
ويقعد اشرف وصابر جمب امير ويبصوله بخوف ، فيقولهم امير
امير / انتوا خايفين كده ليه !! هو انا هكلكم
الممرض اشرف / انت مجنون وممكن تعملها
امير / ليه شايفنى من اكلى لحوم البشر ، وبعدين هاكل ايه فيكم يامعضمين !!
الممرض صابر / هو انت بجد عارف ايه هيحصل للعالم فى المستقبل ؟؟
امير / ايوة ياسيدى عارف ويارتنى ما عرفت
الممرض صابر / طيب ايه اللى هيحصل ؟؟
امير / وانت عايز تعرف ليه ؟؟
الممرض صابر / علشان ........ !!
والله ما انا عارف ، من باب العلم بالشئ
امير / ماشى ياعم الباب إنت ، بعد 1000 سنه من دلوقتى ،العالم كله هينتهى وهتفضل بس مصر وهتكون مدنتين هما جونوب وشيرا ، فيهم الشبح راجل وحش جدا بيسرق وينهب فى المدنتين وكان مفترى قوى ، بس ربنا بعتله امير، انسان جميل وقمور اى بنت تدوب فى هواه اول ما تشوفه ، هيطلع عنين الشبح ده وهيمحيه من الوجود وهينقذ المدنتين من الدمار والفساد
الممرض صابر / ايه ده وانا فين ؟؟ وهروح فين ؟؟
امير / وانا مالى ماتروح فى داهيه ، وبعدين بقولك بعد 1000 سنه هو انت هتعيش 1000 سنه !!
الممرض اشرف / الله انا بحب الحوديت معندكش حدوته امنا الغوله ولا ابو رجل مسلوخه
امير / انت هتهزر ياعم انت ، وبعدين انا عايز أهرش ، فكولى إيدى راسى بتكلنى
الممرض اشرف / ممنوع يااستاذ نفكك ، بس ممكن اهرشلك وده بس لانى حبيتك ، أهرشلك فين؟؟
امير / انا عايز اهرش فى ضهرى ، هتهرشلى ازى بقه يافالح !!
هتنزل تحت السرير وتهرشلى ، ياجماعه فكونى ثوانى بس اهرش حرام عليكم
يبص الممرض اشرف لصابر ويقوله
الممرض اشرف / حرام ياصابر احنا نفكه ثوانى بس يهرش فيها ، احسن ده شكله جربان خالص ، وبعدها نربطه تانى ، والدكتور مشى خلاص
امير / تشكر يازوق ، بقه انا جربان يا......
الممرض اشرف / يا إايه ؟؟
امير / ياملاك الرحمه ياقمر إنت
الممرض صابر / خلاص نفكه بس بسرعه قبل الدكتور ما يجى ويخرب بيتنا
ويفك صابر واشرف امير ويبصلهم امير وهو بيقوم من على السرير ويقولهم
امير / والله إنتوا رجاله وتستهلوا كل خير ، وانا هدعلكم
يارب ارزقهم بالخير، يارب نورلهم حياتهم ،يارب قللهم إمساكهم وكترلهم إسهالهم
على فكرة انا دعوتى مستجابه هما شويه صغيرين وتشوفوا الخير كله وبركه دعايه
وفاجاه يسمع امير وصابر واشرف صراخ فى المستشفى وشخص بيقول
الحقوا البالطجيه هجمين على المستشفى ، ساعتها يبص اشرف وصابر لأمير ويقولوله بصوت واحد
يخرب بيتك
تتبع
إنتظرنى
بقلم
تامر على الطويل
أمير الجروح
scream angle 12-08-2011, 12:51 AM جميلة جدااااااااااااااااااااااااااا بس طويلة وانا تعبت والله
solidsnake 12-08-2011, 02:40 AM ههههههههههههههه
دعوته مستجابة هههههههه
في انتظار الحلقة التالتة
تامر الطويل 12-08-2011, 09:44 PM جميلة جدااااااااااااااااااااااااااا بس طويلة وانا تعبت والله
اقريها حلقه حلقه
ويارب تنال اعجابك
لوجين20 12-08-2011, 11:49 PM هههه
حلوة بجد
بس لوجين ماظهرتش
هى معاها قصة تانى والا ايه؟
لعل المانع خير
والا عشان تعبانه :p:p
قلقتنى عليها يا امير
فى انتظار الباقى
متابعه باهتمام
اوى
Dr. Hoda Ahmed 13-08-2011, 04:05 AM روووووووووووووووووووووووووووووووووعة وجميييييييييييييييله جدا جدا جدا
انا لسه شايفاها دلوقت ولسه هكملها ف وقت تانى بس ربنا يكرمك بجد
rana rory 16-08-2011, 09:36 PM انت نسيتها ولا ايه يا امير
مده طويله من اخر جزء
مستنيه الباقى
رنا مصطفى
Rebonzel 17-08-2011, 09:37 PM يا رب أمير يخرج من الأزمة دى بسرعة
علشان نكمل الحلقة الجاية
تامر الطويل 17-08-2011, 09:39 PM ههههههههههههههه
دعوته مستجابة هههههههه
في انتظار الحلقة التالتة
ههههههههههه امال ايه ده امير ده فقرى من يومه
تامر الطويل 17-08-2011, 09:40 PM هههه
حلوة بجد
بس لوجين ماظهرتش
هى معاها قصة تانى والا ايه؟
لعل المانع خير
والا عشان تعبانه :p:p
قلقتنى عليها يا امير
فى انتظار الباقى
متابعه باهتمام
اوى
لوجين تعبانه يابنتى وقولت اريحها شويه من غلاسه امير ههههههه
بجد نورتينى ولوجين حصلها كارثه تابعينى فى الحلقه الجايه وانتى تعرفى
تامر الطويل 17-08-2011, 09:42 PM روووووووووووووووووووووووووووووووووعة وجميييييييييييييييله جدا جدا جدا
انا لسه شايفاها دلوقت ولسه هكملها ف وقت تانى بس ربنا يكرمك بجد
ربنا يخليكى يارب بجد نورتينى
وفى انتظارك بعد القرائه كامله للقصه
تامر الطويل 17-08-2011, 09:44 PM انت نسيتها ولا ايه يا امير
مده طويله من اخر جزء
مستنيه الباقى
رنا مصطفى
انتى تأمرى اختى الغاليه والله شغال وبكتب فيها حالا اهوة وهتنزل ان شاء الله النهارده تابعينى
تامر الطويل 17-08-2011, 09:45 PM يا رب أمير يخرج من الأزمة دى بسرعة
علشان نكمل الحلقة الجاية
دعوة مستجابه وحالا هنزل الحلقه الجايه بجد نورتينى
لوجين20 17-08-2011, 09:46 PM لوجين تعبانه يابنتى وقولت اريحها شويه من غلاسه امير ههههههه
بجد نورتينى ولوجين حصلها كارثه تابعينى فى الحلقه الجايه وانتى تعرفى
حراااااااااام عليك يا تامر
هاتموتها؟ :o
كده مش هاتابع
تامر الطويل 17-08-2011, 09:50 PM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه الثالثه
يقف امير فى المستشفى يبص حوليه على اشرف او صابر الممرضين مش يلاقى اى واحد جمبه فيخرج بره اوضته ويمشى فى ممرات المستشفى وفاجاه يلاقى قصاده واحد ماسك مطوة وبيقوله
بلطجى / خد هنا ياض .. انت رايح فين ياحيلتها
امير / انا رايح على المظاهرة .. مش انت مع المتظاهرين برضه ولا ايه!!
بلطجى / هو انت بقه من العيال بتوع يسقط النظام دول
امير / والله ياكبير لو العيال دول مش عجبينك .. فاانا مش منهم
دول حتى عيال فافى قال ايه عايزين حقوقهم .. فاكرنها سايبه
بلطجى / اه مش عجبنى .. دول شويه عيال قطعوا السبوبه ..
كانت الحكومه مظبطانا وميت فل وعشرة وكانت الدنيا اخر فرفشه .. جم ولاد المديقه وبوظو الدنيا .. وقال ايه هيلغوا الحزب الوطنى !!
امال احنا هنشتغل ايه بقه ؟؟
امير / معلش ياكبير انا ليا سؤال صغير
بلطجى / إسأل ياض
امير / مالكم إنتوا ومال الحزب الوطنى ؟؟
بلطجى / ماإحنا اللى كنا بنضرب اى حزب معارض ايام الانتخابات وبنمنع باقى المرشحين وأنصارهم من إنهم يوصلوا للجان
امير / الله عليكم .. رجاله .. وانا اقول ماله الحزب الوطنى ده .. متبت قوى كده ليه فى الحكم .. وكل مره بسأل نفسى ليه بيكسبوا ب إكتساح ولاد المديقه
بلطجى / هم مين دول ياض اللى ولاد مديقه
امير / إحنا طبعا ياكبير .. إنتوا ميت فل وعشرة
بلطجى / مادمت طلعت زوق كده معايه .. فأنا هخليك تقلب نفسك وانا مش هقلبك .. علشان بس عجبتنى
امير / ربنا يكرمك ياغالى .. بس انا لو إتشقلبت زى القرد قدامك .. مش هتلاقى معايه ولا ربع جنيه مخروم
هو أنا ماقولتلكش
بلطجى / قولتلى إيه ياض ؟؟
امير / أصل أنا من الشعب
بلطجى / يعنى شحات
امير / أيوة ياكبير .. هما الظالمه خلولنا حاجه
بلطجى / طب إمشى ياض خلاص .. إنت صعبت عليا
ويمشى امير بسرعه من المستشفى ويروح على المستشفى اللى فيها لوجين ويدخل يلاقى المستشفى مسروقه ومتبهدله يجرى على اوضه لوجين ويفتحها مايلقهاش .. فيخرج بسرعه يدور عليها فى كل اوض المستشفى وفاجاه يسمع صوت وراه بيقوله
صاحب الصوت / متتعبش نفسك مفيش حد هنا
البلطجيه سرقوا كل حاجه حتى الاجهزة والسراير سرقوها
امير / انت مين ؟؟
صاحب الصوت / انا الدكتور هاشم اخصائى العلاج الطبيعى
امير / كان فيه فى الاوضه دى بنت اسمها لوجين .. وكانت مصابه فى كتفها .. راحت فين ؟؟
دكتور هاشم / كل المرضى اللى كانوا هنا نقلناهم للمستشفى العسكرى
امير / وفين المستشفى العسكرى دى ؟؟
دكتور هاشم / تعاله معايه .. انا رايح هناك
وفى المستشفى العسكرى يدخل امير جرى على الاستقبال وهناك يسال الراجل اللى هناك ويقوله
امير / لو سمحت فى مريضه عندكم هنا اسمها لوجين اتنقلت من مستشفى الحياه .. هى فى اى غرفه
بتاع الاستقبال / ثانيه واحد اشوفهالك على الكومبيوتر
وبعد دقيقه تقريبا يبص بتاع الاستقبال لأمير ويقوله
بتاع الاستقبال / مفيش حد هنا باالاسم ده
امير / نعم .. يعنى ايه !! امال لوجين راحت فين ؟؟
دور تانى لو سمحت
بتاع الاستقبال / يااستاذ انا دورت كويس مفيش حد هنا بالاسم اللى حضرتك قولت عليه
امير / مش كل المرضى اللى كانوا فى مستشفى الحياه اتنقلوا هنا لما البلطجيه هجموا على المستشفى
بتاع الاستقبال / ايوة يافاندم وكل المرضى اتسجلوا ب اسميهم واسم الانسه اللى حضرتك بتسال عليها مش معاهم .. يعنى هى مش هنا
امير / امال راحت فين ؟؟
بتاع الاستقبال / معرفش يافاندم
امير / ولما انت متعرفش .. امال مين يعرف
انا عايز لوجين .. ومش متحرك من هنا غير لما تجبهالى
بتاع الاستقبال / لو سمحت يافاندم بلاش تعلى صوتك .. فى مرضى فى المستشفى ومحتاجين راحه
امير / وانا مين يريح قلبى ويطمنى على لوجين
انا عايز مدير المستشفى حالا
لوجين إتخطفت يابقر !!!
تتبع انتظرونى
بقلم
تامر على الطويل
امير الجروح
لوجين20 17-08-2011, 10:21 PM طب لوجين فين يا تامر؟
كده ليها حلقتين
وشكلك هاتموتها
:(:(
Rebonzel 19-08-2011, 08:39 PM متشوقة للحلقة الجاية
solidsnake 20-08-2011, 05:44 AM ايه دا ؟ أكيد عشان حلو كدا اتسجلت باسم تاني :d
بجد اوعي تكون اتخطفت ولا حاجة
يا مصبرني با رب .... متابع با استاذ امير/تامر
تامر الطويل 23-08-2011, 11:24 AM طب لوجين فين يا تامر؟
كده ليها حلقتين
وشكلك هاتموتها
:(:(
حاضر فى الحلقه دى هتظهر تابعينى
تامر الطويل 23-08-2011, 11:29 AM متشوقة للحلقة الجاية
وحالا هتنزل الحلقه الجديده
تامر الطويل 23-08-2011, 11:49 AM ايه دا ؟ أكيد عشان حلو كدا اتسجلت باسم تاني :d
بجد اوعي تكون اتخطفت ولا حاجة
يا مصبرني با رب .... متابع با استاذ امير/تامر
ههههههه نورتنى اخى الغالى وحالا هنزل الحلقه الجديده
تامر الطويل 23-08-2011, 12:32 PM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه الرابعه
يقف امير قدام مدير المستشفى ومدير المستشفى بيهديه وبيقوله
مدير المستشفى / إهدى بس يااستاذ امير وفهمنى فى ايه ؟؟
امير / انت لسه بتسألنى فى إيه
بقولك لوجين إتخطفت
مدير المستشفى / ومين لوجين دى بس ؟؟
امير / لوجين دى حبيبتى وإتخطفت من عندكم ..من هنا.. من المستشفى
مدير المستشفى / وهو ايه جبها عندنا دى كمان .. أقصد هى عندها إيه ؟؟
امير / كانت مصابه فى كتفها بسهم و
مدير المستشفى / إستنى إستنى .. البنت دى عندنا هنا .. ولما جات كانت فقده وعيها علشان كده معرفناش اسمها ولا عرفنا نسجلها فى السجلات او الكومبيوتر
امير / لوجين هنا وقاعد بترغى معايه من الصبح .. خدنى ليها بالله عليك
مدير الستشفى / حاضر حاضر يالله بينا
ويمشى مدير المستشفى وامير وعند غرفه يقف مدير المستشفى ويفتح الباب ولما يدخلوا يبص امير يلاقى لوجين نايمه على سرير فيجرى عليها ويحضنها ويقولها
امير / لوجين .. الحمد لله .. الحمد لله يارب
هى كويسه يادكتور ؟؟
مدير المستشفى / متقلقش عليها يااستاذ امير .. هى نايمه دلوقتى ولما هتصحى هتكون كويسه وكمان تقدر تمشى معاك .. حالتها مش مستهله مستشفيات وبالمرة ارتاح من قرفك
امير / ربنا يخليك يادكتور هو ده العشم برضه
مفيش بقه سرير انام عليه لحد ماتفوق
مدير المستشفى / انت هتستعبط ياله !! سرير ايه !! انت فاكرها لوكانده
امير / فى ايه بس يادكتور .. ده لحد الصبح بس
مدير الستشفى / ولا صبح ولا ضهر
إمشى روح وتعاله خدها الصبح
امير / خلاص ياعم متزوقش .. وأنا اللى كنت فاكر الدكاترة فى العالم بتاعى ظالمين وكشرين وأتريهم بالنسبه للعالم بتعكم ملايكه
مدير المستشفى / إنت أهبل ياله
عالم بتاعى وعالم بتاعك .. متستعبطش وتعملى فيها مجنون
امير / يعنى انا لوعملت مجنون ينفع انام معاها هنا
مدير المستشفى / لاء ياحبيبى لو عملتلى فيها مجنون هعملك فيها عبله وأجبلك عنتر يظبطك
امير / ايه الدكتور اللى جاى من فيلم فريد شوقى ده!!
امال فين شيبوب يادكتور
مدير المستشفى / أقولك ومتزعلش
امير / وعلى ايه ياعم بلاش انا امشى احسن دى حتى المستشفى بتعتكم دى خنقه والواحد مش عارف ياخد نفسه فيها وشكلها كده مدى على مستشفى وانا بينى وبينك يادكتور مبحبش المستشفيات
مدير المستشفى / واله بطل إستعباط وإمشى قدامى
امير / على فين ؟؟
مدير المستشفى / هنيمك فى مكتبى وأمرى لله علشان اخلص بقه من دوشتك دى
بس اهم حاجه تخرص خالص
امير / ربنا يخليك يارب ويكرمك وتبقه تمرجى كبير قد الدنيا وتلم البقشيش كله لوحدك ومحدش يقسمك فيه .. يارب اشوفك بتدى حقن
مدير المستشفى / تمرجى و ب أدى حقن
إمشى قدامى ياحقنه
ويمشى امير مع مدير المستشفى ويدخل مكتبه وعلى كنبه موجوده فى مكتبه رمى امير نفسه وصحى من النوم الصبح على صوت الدكتور وهو بيقوله
مدير المستشفى / إصحى بقه يأخينا
انت بقالك 1000 سنه مانمتش ولا إيه ؟
امير / وانت عرفت منين ؟؟
مدير المستشفى / عرفت ايه ؟؟
امير / ان بقالى 1000 سنه مانمتش ؟؟إوع تكون منهم ؟؟
مدير المستشفى / من مين يااهبل ياابن الاهبل
امير / من رجاله الشبح ياعم وجاى توقعنى علشان تعرف منى مكان لوجين حبيبتى
انا مش هقولك لو قتلتنى .. إقتلنى انا وسيب لوجين حبيبتى .. بلاش تبقه الشرير بتاع الفيلم ويكرهك الجمهور
مدير المستشفى / يخرب بيتك على بيت الافلام اللى بوظت عقلك !!
يامجنون د انا اللى موديك ل لوجين إمبارح يبقه ليه هعوز اعرف ماكنها منك ؟؟
امير / يمكن تهت !!
ماهى المستشفى كبيره ياعم
مدير المستشفى / واله انا مش ناقصك تعاله معايه خد البنت بتعتك دى وغور من المستشفى بدل ماابلغ الجيش عنك واقولهم انك إرهابى وجاى تولع فى المستشفى
امير / وعلى ايه.. ياله بينا نروح ل لوجين
ويمشى مدير المستشفى وامير ويدخلوا على لوجين واول مايدخل امير يلقيها صاحيه وقاعده على السرير بتاكل فيدخل جرى عليها ويحضنها ويقولها
أمير / بقه كده برضو يا لوجين تاكلى لوحدك وانا بقالى يومين على لحم بطنى
مدير المستشفى / إلحقينى يااما
امير / ايه يادكتور مالك بس .. د إنت لسه كنت كويس .. فى حد ديقك ولا ايه ؟؟
مدير المستشفى / قصدك فى حد خنقنى .. شللنى
امير / مين ده وانا أدبحولك حتى لو كان مين ؟؟
مدير المستشفى / جنابك اللى خنقتنى وشلتنى وجننتنى
امير / المسامح كريم يادكتور .. وبعدين اعتبرنى عيل وغلط .. ولا العيال احسن منى
لوجين / انا فين ياامير وايه جبنى هنا ؟؟
امير / انتى فى المستشفى ياحبيبتى والحمد لله انتى بخير
لوجين / هو ده العالم بتاعك ياامير
امير / هو ومش هو !!!
لوجين / يعنى ايه ؟؟
امير / يعنى فى العالم بتاعى عمر الريس ماهيتخلع ف اكيد إحنا فى عالم موازى .. يعنى عالم شبه العالم بتاعى بالظبط
مدير المستشفى / اه يانفوخى انتوا عايزين تجننونى
قوم ياله انت وهى اطلعوا بره
وينده مدير المستشفى للممرضين ويطردونا بره انا ولوجين ويمشى امير وهو ساند لوجين ومش عارف على فين يروح تبصله لوجين وتقوله
لوجين / إحنا هنروح فين ياامير ؟؟
امير / والله ماعارف يالوجين .. احنا فى عالم غير العالم بتاعى ومش عارف اروح فين
استنى اوقف تاكسى احسن انا تعبت من المشى وانتى شكلك تعبانه
ويشاور امير لتاكس ولما يوقف سواق التاكس يقوله
امير / إنت رايح فين ياأسطى ؟؟
سواق التاكس / إنت إللى رايح فين !!
امير / مليش دعوة انا اللى سألت الاول
سواق التاكس/ إنت عبيط ياله ولا بتستعبط
امير / بصراحه انا بستعبط .. علشان انا مش عارف لما هركب هروح فين
سواق التاكس/ روح لأمك ياروح أمك
امير / ايه ده هو انت تعرف تودينى لأمى
سواق التاكس / إلحقينى ياأما
امير / إيه ده ..هى أمك تعرف أمى ؟؟
سواق التاكس / يانهار اسود .. أنا بس إسطبحت بوش مين النهارده ؟؟ .. اكيد بوش حماتى وبنتها الفقريه
إمشى ياله بدل ماأدوسك
امير / خلاص ياعم همشى اهوة
ويبص امير ل لوجين ويقولها
امير / غبى قوى سواق التاكس دة يالوجين
وفاجاه يصرخ امير ويقول ل لوجين
امير / انا إللى غبى
لوجين / وطى صوتك مايحسد المال إللى أصحابه
امير / هو ده وقت هزار يالوجين اسمعينى بس .. انا عرفت احنا هنروح فين
لوجين / هنروح فين ؟؟
امير / احنا دلوقتى فى عالم موازى للعالم اللى انا جيت منه .. معنى كده ان ليا هنا واحد شبهى بالظبط وهو دلوقتى مش موجود فى العالم بتاعه .. يعنى ممكن اروح بيته ولأمه و لأبوة واعمل نفسى هو
لوجين / ايه اللغبطه دى ياامير انا مش فاهمه اى حاجه من الكلام اللى قولته ده
امير / انا اقصد اننا نروح بيت شبيهى اللى فى العالم ده .. اللى اكيد مش موجود.. وهناك اعمل نفسى انا هو وهو انا
ايه اللى انا بقوله ده !!
هو انا بدات اخرف ولا ايه!!!
بصى يالوجين انا هروح بيت شبيهى فى العالم ده وهناك بقه هعمل نفسى هو .. وهو انا .. وانا هو
يعنى هو وانا مع بعض اتنين
والاتنين يبقوا سواء بقه
يعنى من الاخر يالوجين إحنا هنروح بيت شبيهى فى العالم ده
وهناك ربنا يستر بقه
تتبع انتظرونى
بقلم
تامر على الطويل
امير الجروح
لوجين20 23-08-2011, 10:10 PM حمد الله على سلامتك اولا
مش عارفه ايه سر الغيبه الطويلة دى ؟
المفروض تبقى كل يوم حلقه زى رمضان :(
بس كفاية انى اطمنت على لوجين
بجد متابعتك بتكون غصب عنى
انت فرضت نفسك على الساحة يا امير
وربنا يوفقك
Rebonzel 24-08-2011, 09:41 PM الحلقة دى كانت حلوة
و كويس اننا اطمنا على لوجين
بس انا حسة ان التنقل بالة الزمن اثر على ذكاء اميرلان كلامه غريب شوية
mido zoro 02-09-2011, 02:28 PM الة الزمن ايه اللى بوظت عقله هو اصلا عقله بايظ خلقة
لما نشوف هيعمل ايه بقى
احييك يا تامر على الروعة دى
تامر الطويل 03-09-2011, 10:53 PM حمد الله على سلامتك اولا
مش عارفه ايه سر الغيبه الطويلة دى ؟
المفروض تبقى كل يوم حلقه زى رمضان :(
بس كفاية انى اطمنت على لوجين
بجد متابعتك بتكون غصب عنى
انت فرضت نفسك على الساحة يا امير
وربنا يوفقك
ربنا يخليكى يالوجين
ولوجين سليمه اهيه اى خدمه
لوجين20 05-09-2011, 07:47 PM ربنا يخليكى يالوجين
ولوجين سليمه اهيه اى خدمه
تامر
غياب غير مبرر
وانتظر الجديد بشوق
فين باقى القصة ياتامر؟:angry2:
moslimah 06-09-2011, 09:52 PM ماشاء الله
لا بجد ابداع ابداع
وخيال رهيب
بس يريت تكمل انا خلاص لازم اعرف النهاية
Rebonzel 16-09-2011, 04:58 PM نفسنا نعرف النهاية وحضرتك بجد غبت علينا
smart5533 20-12-2011, 05:50 PM ايه يا استاذ فين باقى القصة انت اتأخرت قوى قوى انا مستنية الباقى بشوق يلا ايه التأخير ده من يوم 23-08-2011 وانت مكملتش الحلقات يلااااااااااااااااااااا يا مبدعنا
تامر الطويل 18-05-2012, 02:43 PM تامر
غياب غير مبرر
وانتظر الجديد بشوق
فين باقى القصة ياتامر؟:angry2:
حاضر يالوجين النهارده هكملها
تامر الطويل 18-05-2012, 02:45 PM ماشاء الله
لا بجد ابداع ابداع
وخيال رهيب
بس يريت تكمل انا خلاص لازم اعرف النهاية
حاضر هكملها
تامر الطويل 18-05-2012, 02:46 PM نفسنا نعرف النهاية وحضرتك بجد غبت علينا
غصب عنى والله وحاضر هكملها
تامر الطويل 18-05-2012, 03:16 PM إهداء إللى ملهمتى
http://www.thanwya.com/vb/image.php?u=552765&dateline=1308512005 (http://www.thanwya.com/vb/member.php?u=552765) لوجين20 (http://www.thanwya.com/vb/member.php?u=552765) http://www.thanwya.com/vb/style12/statusicon/user_online.gif
عضو قدوة
لوجين20 تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.
http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه الخامسه
وقدام بيت شبيه امير
امير / بصى بقه يالوجين انا كل مرة انا اللى بفتح اله الزمن وباخد إللى فيه النصيب ؛ من ضرب وقله قيمه ؛ مش عارف فى كل زمن نروحه كله بيضرب على طول ونسيوا حاجه إسمها شتيمه الاول
لوجين / يعنى عايز ايه ؟إنجز !
امير / انجز !! عرفتيها منين دى
لوجين / سمعت الممرضه بتقولها لعيان وهو بيقولها لوسمحتى عايز كوبايه مايه علشان عطشان
امير / فعلا ملائكه الرحمه ؛ المهم يالوجين اضربى انتى جرس الباب
لوجين / ومتضربوش انت ليه على اديك نقش الحنه
امير / من غير ما اسال انا عرفت إنتى عرفتى ( نقش الحنه دى منين ) اكيد من المستشفى العجب اللى كنتى فيها : انا حاسس ان العالم ده هيفسد اخلاقك
المهم لازم تفتحى الباب يالوجين علشان انا ليا حكمه فى كده
لوجين / وايه هى الحكمه ؟؟
امير علشان لما يفتح لينا اى حد ويفكر مجرد تفكير انه يضرب ؛ طياره اكون هربت منه
لوجين / وحياه امك انت من اوله هتبعنى وتهرب لوحدك
امير / يخرب بيت دى مستشفى بوظت لسانك ؛ يارب يلغوا المستشفيات ونخلص ؛ ماهى طبيعى ملغيه دى ولا شكل ولا لون مجرد اسم؛ المهم
انا هخبط وامرى لله فى اليوم العجيب ده؛ بس امانه عليكى لو انضربت متودنيش المستشفى اللى كنتى فيها دى : انا مش عايز انسى اللغه العربيه
ويرن امير جرس الباب ويقف وقفه فارس من العصور الوسطى
وشويه ويرد صوت من جوة الشقه ويقول
الصوت / عايز ايه ياحمار
لوجين / كلم ياامير
امير / ليه يااختى هو انا حمار اكيد يقصد حمار تانى
الصوت / ماترد ياجعر
امير / بقولك ايه يالوجين ماتيجى نمشى انا قلبى مقبوض ؛ ولغه الحمير دى مش مطمنانى ؛ معقول هم دول اهل شبيهى فى العالم ده
لوجين / انا برده مش مطمنه يالا بينا ياامير
ولما يجى ينزل امير ولوجين من على السلم فاجاه يلاقى امير واحد مسكه من قفاه وبيقوله
الصوت / هو انت بقه اللى كل شويه عمال ترن ومصدع امى ياابن التيت ؛ وحياه امى مااناسيبك
امير / بلاش تتغابه علشان انت متعرفنيش دانا صايع وبلطجى مابيغركش القميص والبنطلون اللى لبسهم ؛ دأنا جعر
ويلف امير وهو بيسمى بسم الله الرحمن الرحيم ؛ وفاجاه يصرخ الصوت بفرح ويقول
الصوت / ياماما ؛ يابابا امير رجع ؛ امير رجع
و
صحيت من النوم الصبح
لوجين20 18-05-2012, 03:46 PM رووووووووووووووووووعه بجد
سلمت يمناااااااك
رجوع قوى بعد غياب طال بدون اسباب :022yb4:
عجبتنى اوى المستشفى ههههههههه
دانا افتكرتك موت لوجين؟ :(
وكنت هانتقم
ملحوظة
مش انا لوجين المقصودة فى القصه ولكنه يزيدنى شرفا ان يتم الاهداء من شخصكم الكريم لشخصى المتواضع ادام الله ابداعك ولا حرمنا نزف قلمك :)
دموع الروح 20-05-2012, 11:48 AM بجد مش عارفه اقولك ايه
اكثر من رائع
سلمت يداك
**
ولى طلب
ياريت مش تحرمنا من كتاباتك
وابداعاتك تانى
نور المنتدى برجوعك
فرانكي 04-06-2012, 03:30 PM الف الف شكر على القصة الحلووة بس بلييييييييييز حط الباقي بقا قصة جمييييييلة
مستر المسورى 05-06-2012, 02:35 PM جميل
انا اول مرة اقرأ لحضرتك
يا ريت تكمل
هااااااايل
basmas 05-06-2012, 07:04 PM بجد الموضوع يجنن ربنا يوفقك يارب وتكمل الجزء الباقى لانى مستنيه اشوفه بسرعه واشوف خفت دم امير ربنا يوفقك يارب كمل بقا الجزء الباقى بسرعه يااقول امير ولا تامر
تامر الطويل 11-06-2012, 09:55 PM بجد مش عارفه اقولك ايه
اكثر من رائع
سلمت يداك
**
ولى طلب
ياريت مش تحرمنا من كتاباتك
وابداعاتك تانى
نور المنتدى برجوعك
ربنا يخليكى يارب
تامر الطويل 11-06-2012, 09:57 PM الف الف شكر على القصة الحلووة بس بلييييييييييز حط الباقي بقا قصة جمييييييلة
ربنا يخليك يارب نورتنى
تامر الطويل 11-06-2012, 10:02 PM جميل
انا اول مرة اقرأ لحضرتك
يا ريت تكمل
هااااااايل
حاضر هكمل ونورتينى
تامر الطويل 11-06-2012, 10:04 PM بجد الموضوع يجنن ربنا يوفقك يارب وتكمل الجزء الباقى لانى مستنيه اشوفه بسرعه واشوف خفت دم امير ربنا يوفقك يارب كمل بقا الجزء الباقى بسرعه يااقول امير ولا تامر
حاضر هكمله علشان خطرك
وقولى امير أو تامر الاتنين انا
تامر الطويل 11-06-2012, 10:52 PM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه السادسه
ويشدنى العيل الاهبل زى البهيمه جوة الشقه وهو بيصرخ بصوته اللى زى صوت زماره القطر ويقول
والله امير ياماما ومعاه مزة قشطه
امير / مزة إيه يابهيمه ؛ دى الحته بتعتى !!
لوجين / مين ده ياامير هو ده اخوك؟؟
امير / والله ما اعرفه !!
وماأظنش إن شبيهى فى العالم ده يكون ليه اخ كده ؛
دورين ومقدم على دور مخالف
بس ممكن يكون حرامى غسيل من العالم ده !!
وساعتها تهجم ست علي امير ؛ واول مايشوفها امير يجرى عليها ويقول بفرح
امير / ماما ؛ انا مش مصدق عينى
دى امى يالوجين ؛ أجمل أم فى الدنيا دى كلها
امى / كنت فين ياامير كل دى غيبه وسيبنى لوحدى
امير / والله ياامى انا نفسى مش عارف انا روحت فين ولا جيت هنا ازى
أنا إنكتبلى عمر جديد ونجيت ب اعجوبه من إدين الشبح وقابلت الريس
اخويه اللى معرفوش/ قابلت الريس ؛ فى حد شافك ؛ هتودينا فى داهيه الله يخرب بيتك
دول الثوار قلبين الدنيا عليه وأتريه هربان على شرم الشيخ بيصيف
وسايب البلد للبلطيه ترمح فيها
خلاها خرابه ؛ الله يخرب بيته
يبصله امير ويبص لأمه ويقولها
امير / والنبى ياامى قوليلى إن الاهبل ده مش اخويه ؛ ماهو مش معقول يكون اخويا ؛ ده فيه فرق احجام ما بينا
امى / سلامتك يامير ؛ انت ناسى ايمن اخوك
امير / طلع اخويا يالوجين ؛ انا دلوقتى بس عرفت ليه امير شبيهى ساب الدنيا وخلع
امى / مين دى ياامير ؟؟
امير / انتى لسه فاكرة ياامى دى قربت تنام جمبى من التعب ؛ وإنتى ولا عبرتينى بفرخه ولا حتى كوبايه شاى ؛ دأنا لو قرد كنتى رمتيلى موزة؛
هو انا مش إبنك التايه ولا إيه
على العموم دى لوجين المزة بتعتى ؛ اقصد البنت اللى ........... بس
امى / عرفت إن إسمها لوجين
انا بقولك مين دى وجيبها هنا ليه ؟؟
امير / اصل ؛ اصل
اه .... دى قبلتها وهى تايها ياعينى وماشيه لوحدها فى الشارع وقاعده تقول ؛ يسقط يسقط حسنى مبارك
وكمان كانت بتقول
المزة تريد إسقاط الحمام
لاء ياربى دى كانت بتقول
الفرخه تبيض جبنه وبتنجان
المهم هى حاجه ليها علاقه بالثورة اللى فى البلد دى والرئيس المخلوع الهربان بيصيف ده وسايبنى كده مش عارف استحمى بقالى شهر لما قربت اعفن
أخويا اللى معرفوش / قربت تعفن ؛ امال الريحه الفظيعه دى جايه منين ؛ دأنت عفنت خلاص ياإبنى هههههههه ؟؟
امير / لاء ناصح ياله
ويبص امير لأمه ويقولها
إنتى متأكده إن الواد ده اخويه
امى / ايوة ياامير قولتلك ده ايمن اخوك
إنت مش فاكرة ولا إيه ؟؟
امير / إللى زى ده عايزله كاتلوج علشان اعرف افتكرة وكمان اشغله
بصيله كويس ياأمى يمكن يكون حرامى غسيل!!
امى / حرام غسيل إيه بس ياأمير
ده ايمن اخوك
أمير / المهم انا ميت نوم ياامى هدخل انام شويه انا ولوجين ولما تجهزى الاكل إبقى صحينا
ياله يالوجين ننام فى الاوضه دى
امى / وحياه امك
رايح فين ياحلتها إنت والبنت دى
امير / شوفتى طيبه الام يالوجين مش عايزانى انام قبل ما اكل
هى دى امى ؛
امى/ اتفضل ادخل نام ياامير ؛ بس لوجين هتدخل تنام فى اوضتى
امير / ايه الظلم ده
على العموم انا جعان نوم ومليش نفس للمناهده خالص
روحى معاها يالوجين وخلى بالك من الوش المفترس اللى هيكلك بعنيه ده
ويدخل امير ويرمى نفسه على السرير ويروح فى نوم عميق
و
صحيت من النوم الصبح
بقلم
تامر عى الطويل
امير الجروح
basmas 11-06-2012, 11:42 PM اولا شكرا على ردك على مشاركتى
ثانيا انا ليه الشرف انى اكون اول وحده تقرا الحلقه دى وتقول رايها
ثالثا الحلقه دى جميله جدا جدااااااااااااااااا ربنا معاك
شيماء2000 17-06-2012, 03:10 AM بصراحه بقى انا زهقت لانى متابعه القصه دى من اول مابدات تنزلها وبصراحه متشوقه اعرف نهايتها ونفسى مش تطول فى تنزيل الحلقات كده وخصوصا ان الاجازه هتبدا
لو سمحت مش تشوقنا اكتر من كده بجد اسلوبك رائع والقصه اروع وميرسى لمجهود حضرتك جدا
وكمان امير دمه خفيف جدا ولوجين كمان
تسلم ايدك بجد
تامر الطويل 18-06-2012, 10:11 PM اولا شكرا على ردك على مشاركتى
ثانيا انا ليه الشرف انى اكون اول وحده تقرا الحلقه دى وتقول رايها
ثالثا الحلقه دى جميله جدا جدااااااااااااااااا ربنا معاك
اولا كان لازم ارد على ردك الجميل واشكرك على المتبعه
وبجد منورانى
تامر الطويل 18-06-2012, 10:14 PM بصراحه بقى انا زهقت لانى متابعه القصه دى من اول مابدات تنزلها وبصراحه متشوقه اعرف نهايتها ونفسى مش تطول فى تنزيل الحلقات كده وخصوصا ان الاجازه هتبدا
لو سمحت مش تشوقنا اكتر من كده بجد اسلوبك رائع والقصه اروع وميرسى لمجهود حضرتك جدا
وكمان امير دمه خفيف جدا ولوجين كمان
تسلم ايدك بجد
ربنا يخليكى يارب بجد انا سعيد جدا بكلامك الجميل ده واسف لو كنت بتأخر وده لانى سعات بكون مشغول واوعدك احاول مش اتاخر ؛ وبجد منورانى
شيماء2000 01-07-2012, 06:52 PM لا بقى الاجازه بتاعتى بدات النهارده وحضرتك مش بتنزل حلقات كده هزعل بجد ارجوك نزل الحلقات بقى لو سمحت
rana rory 02-07-2012, 11:55 AM حلقه جميله جدا و مستنيه المزيد
( تخيل يا تامر / امير انى بقرأ القصه دى من رمضان اللى فات و لسه مكملتهاش)
((((((((اعمل فيك ايه )))))))))
رنا مصطفى
Nehal Samir Faraj 02-07-2012, 02:01 PM مــــــــــشاء الله .. بجد اسلوبك حلو اووي
ياريت تكمل القصه بقى مفيش حيل استنى خالص d:
تامر الطويل 06-07-2012, 12:50 AM http://a3.sphotos.ak.fbcdn.net/hphotos-ak-ash4/189612_1969053665515_1218160439_2401071_6854120_n. jpg
صحيت من النوم الصبح
الجزء الثالث
الحلقه السابعه
ياااه أما أنا نمت شويه نوم وكأنى بقالى 100 سنه مانمتش
غريبه مش سامع صوت اى حد فى البيت : احسن يكون اخويه اللى معرفوش ده اكل لوجين وامى : ده اهبل ويعملها
اما اخرج اشوف سر الهدوء العجيب ده !!
ولما يخرج امير يلاقى امه ولوجين واخوة قعدين قصاد التليفزيون وبيتفرجوا على بنت بتتسحل من قوات الجيش
وناس بتنضرب من الجيش بكل وحشيه : فيبص امير لأمه ويقولها
أمير / هو فى ايه ياماما ؛ هو مش ده الجيش اللى لازم يحمينا برده ولا فى العالم ده الجيش بيضرب شعبه ويدوس عليه بالجزمه ؛ انا مش فاهم حاجه !!
أخويا اللى معرفوش /مش عارف يا امير ؛ بس باين والله اعلم الجيش مش عاجبه الثورة اللى حصلت ؛ وفاكرها جيه تجرده من سلطاته اللى اخدها يوم ثورة 56 ؛ وإدا لنفسه الحق بسحل الناس ومعاملتهم بوحشيه وكأنهم أعداء الوطن
امير / رغم انى مش طايقك ؛ بس عندك حق
طيب وإحنا هنسكت وهنسبهم كده يسحلوا فى الشباب اللى ردلنا كرمتنا لأول مرة من 30 سنه
اخويا اللى معرفوش / طيب وإحنا هنعمل ايه بس ياأمير ؟؟
امير / ننزل مع الشباب دول ندافع عن كرمتنا وعن حريتنا ونفهم الجيش إنه جيشنا ؛ بتعنا إحنا وإحنا شعبه إللى مننا جنوده ؛و إن كده عيب وفضيحه هتتسجل فى التاريخ
اخويا اللى معرفوش / لاء ياعم انا مليش دعوة ؛ انا مش ناقص عسكرى يخبطنى شومه على راسى ولا ظابط يخبطنى رصاصه وأروح فيها
أنا هقعد هنا وهتفرج عليك على الجزيرة واشوفك والجيش بيسحلك
امير / هتقعد هنا زى الولايه ؛ ومش هتنزل تدافع عن اخواتك
اخويا اللى معرفوش / اخواتى مين ياعم ؛ بقه كل دول اخواتى ؛ ليه ياعنى هو ابويا كان شهريار : ده يدوب خلفك وخلفنى وإتكل على الله ودع
امير / ماهو لازم يودع لما يشوف خلفته السوده ؛ ابويه فى العالم بتاعى كان عاقل جبنى انا وبس
امى / ايه حكايه ابوك فى العالم بتاعك ده ياامير ؛ أنا حاسه إنك متغير مش عارفه مالك
لوجين / اصله من عالم تانى
امير / يخرب بيتك يالوجين عالم تانى ايه هتودينا فى داهيه
هى تقصد انى مش امير ابنك
ايه اللى انا بقوله ده ؛ انا اقصد انى مش انا ؛يووووه انا من الاخر هنزل اساعد اخواتى فى ميدان التحرير ؛ لان الراجل بس هو اللى بيظهر فى المواقف الصعبه دى ؛ إياكم حد يمنعنى أو يقولى بلاش تنزل ؛ أنا هنزل يعنى هنزل ؛ يعنى مش سامع صوت حد بيمنعنى ولا شايف حد ماسكنى ؛ انا برده هنزل رغم الطناش ده
ايمن ياحبيبى مش هتبقه راجل وتيجى معايه تونسنى فى السجن لو الجيش مسكنى وحبسنى
اخويا اللى معرفوش / لاء ياعم احسن اتعور والتسريحه بتعتى تبوظ د انا لسه حالق ب 5 جنيه عند الحلاق شعرى وحططلى جل من الى بيلزق
امير / خلاص برحتك مع إنى سمعت ان كل للى نزل ميدان التحرير وساعد على نجاح الثورة من الشباب هيتعين اول ماتتكون الحكومه الجديده والبلد تطهر من الفاسدين
اخويا اللى معرفوش / يالا بينا ياامير كده هنتاخر على اخواتنا فى الميدان ؛ وأنا طول عمرى من الثوار
امى / فعلا انا خلفت رجاله
امير / بس كده ؛ هو انتى مش هتتعصبى علينا وتقوللنا بلاش ياولادى تنزلوا وتمسكى فينا ولا ايه !! على العموم خلى بالك من لوجين ياامى ولو مرجعتش بعد يومين إبقى بلغى البوليس ولا بلاش احسن لو عرفوا اننا كونا فى ميدان التحرير يتوصوا بينا ده لو عشنا وربنا كرمنا وإتمسكنا هناك
وانتى يالوجين وصيتك العيال خلى بالك منهم ومتحرمهومش من اى حاجه وقوللهم ابوكم كان بطل نزل ميدان التحرير يجبلكم حقكم وربنا يكرمه ويرجع حته واحده
لوجين / بس احنا معندناش عيال ياامير ؛ د احنا اصلا مش متجوزين!!
امير / أه صحيح ؛ على العموم لو ربنا كرمنى ورجعت هنتجوز يالوجين وهنخلف عيال عارفه حقوقها و واجبتها تجاه بلادها ؛ هنخلف عيال رجاله وبنات امهات تعرف تربى اولادها فى بلد حرة وفيها كرامه وعداله إجتماعيه
اخويا اللى معرفوش / الله عليك ياميرو ياجامد والله تنفع تبقه الرئيس ؛ ماتترشح للرئاسه ياامير
امير / وابقه رئيس الجمهوريه ومفيش اى مخبر يمسكنى من قفايه تانى ولا اجرى وراء الاوتوبيس ولا اقف فى طابو العيش لحد ماالشمس تسيحنى
والله فكرة ياله ياايمن ؛ نشوفها بعدين
دلوقتى لازم ننزل الميدان ؛ قدامى يابطل
اخويا اللى معرفوش / ميصحش ياامير انت الكبير
امير / وحياه امك إنت جاى تعرف الادب دلوقتى ؛ إمشى قدامى وبطل عباطه إحنا معانه الحق
اخويا اللى معرفوش / وهما معاهم الرصاص والعصيان والمحاكم العسكريه ؛ كده أنا مطمن ؛ كله فداكى ياوظيفه
وينزل امير وايمن على ميدان التحرير وهناك يقابلوا شاب ماشى فى الشارع وهدومه متقطعه وبيقول بصوت منبوح ( يسقط يسقط حكم العسكر )فيوقفه امير ويقوله
امير / لو سمحت ياكابتن هما فين رجاله الثورة
الشاب/ كلهم إتمسكوا وفيهم إللى إتسحل وإنضرب لحد ما اغمى عليه
امير / ربنا يطمنك ؛ يعنى نروح إحنا ونرجع بعدين يعنى ولا إيه
الشاب/ هو إنتوا من الثوار ؟
امير / هو مش باين علينا ولا إيه ؛ معاك الثائر امير والثائر ايمن ؛ ثوار لسه طازة
الشاب / اهلا بيكم ياابطال ؛ بكرة التاريخ هيذكرنا والكل هيعرف احنا عملنا ايه وقد ايه احنا كافحنا علشان نوصل للحريه والكرامه
امير / الله عليك ياكبير ؛ احنا من اللحظه دى رجالتك وتحت امرك قولنا بس نعمل ايه واحنا تحت امرك
الشاب / وحوش بجد ورجاله ؛ انا فى اتنين بلطجيه طحنونى فى الشارع ده تعالوا نديهم علقه تمام ونخلع
امير / خونه إزى يضربوك وانت بتدافع عنهم ؛ وعن كرامتهم ؛ هما فين الكلاب دول وانا اقطعهم
الشاب / ينهار اسود دول جاين علينا
امير / هما مين دول
الشاب / البلطجيه ياعم
امير / خليك ورايه واتفرج على امير واتعلم
وفاجاه نلاقى اتنين بلطجيه هجمين علينا وبيقولولنا
البلطجى 1 / طلع اللى معاك ياقمور انت وهو
امير / عيب يامعلم ؛ انت متعرفنيش ولا ايه
البلطجى 1 / لاء ياروح النانه معرفكش ؛ تكونش هيفا ولا نانسى عجرم وانا مش واخد بالى
امير / ههههههههههه دمك زى السكر يامعلم ؛ انا امير الشهير بميرو الثائر
البلطجى 1/ وعايز ايه ياعم الثائر انت
امير / عايز افهمك اننا معاكم ومش ضدكم ؛ نظام مبارك ضيعنا كلنا وبهدلنا
البلطجى 1 / بقه نظام مبارك ضيعنا يافقرى ؛ ده كان اجمل نظام وكان الشغل فيه اجمل شغل والفلوس بتاعت بلطجه الانتخابات بتاعه الحزب الوطنى اجمل فلوس ؛ الله يرحمها ايام عمرنا ماهنشوف زيها تانى
؛ وكل ده بسبب شويه عيال سيس زيكم ؛ بس سهله واختها مش مستهله ؛ انا بقه هعوض الايام الجميله بتاعه زمان بعلقه تبرد قلبى على اجمل ايام تخدوها انتوا ال3 ؛
امير / ينفع اتشتم وبلاش انضرب يامعلم ؛ وحشتنى الشتيمه قوى ؛ وبعدين انا نازل ادافع عن اخواتى الثوار مش انضرب مكانهم
يضحك البلطجى ويبص لصحبه ويقوله
واله ياخشبه الماطوه ياله
و
صحيت من النوم الصبح
بقلم
تامر على الطويل
امير الجروح
شيماء2000 06-07-2012, 02:10 AM يااااااااااااااااااااااه اخيرا حمد لله على السلامه بجد الحلقه تحفه تسلم ايدك بجد بس ياريت مش تتاخر علينا تانى
وانا مبسوطه جدا انى كنت اول واحده قراءت الحلقه
تامر الطويل 25-07-2012, 12:04 PM يااااااااااااااااااااااه اخيرا حمد لله على السلامه بجد الحلقه تحفه تسلم ايدك بجد بس ياريت مش تتاخر علينا تانى
وانا مبسوطه جدا انى كنت اول واحده قراءت الحلقه
ربنا يخليكى يارب يا شيماء انا اللى سعيد جدا انها نالت اعجابك
وان شاء الله قريب جدا هنزل الحلقه الجديده ويارب تعجبك
نورتينى
Monier 07-08-2012, 09:42 AM بجد جميلة جدا جدا جدا
وانا منتظر الباقى
تامر الطويل 16-08-2012, 10:40 PM صحيت من النوم الصبح
الجزء الثالث
الحلقه الثامنه
ولسه هيضرب البلطجى أمير بالمطوة ؛يصرخ خشبه ويقوله
خشبه / إلحق يامعلمى الجيش جاى علينا
امير / كنت بتقول إيه بقه ياجعر إنت وهو
البلطجى / بقه انا جعر يامعفن ؛انا كنت هسيبكم بس بعد الكلمه دى وحياه امى ما انا سيبكم يطلع عليكم صبح ؛ واله ياخشبه إسحب العيال الفرفير دى على العربيه وإخلع على المكنه بتعتى وانا هعطل الجيش
أمير / ليه كده ياسيد المعلمين ؛ وبعدين ده جيش إنت فاكرةشويه بلطجيه
الشاب الثورى /الله يخرب بيتك على بيت اليوم الاسود إللى شوفتك فيه ؛ ودتنا فى داهيه
خشبه / قدامى بسرعه إنت وهو بدل ماأغزك
ويركب امير واخوه والشاب الثورى عربيه مقفوله شبه عربيات اللحوم المجمده ويقولهم خشبه وهو بيركبهم
خشبه /إدخل ياض إنت وهو بدل ما أشرحكم وأعملكم سندوتشات لحمه
امير / انا عايز همبرجر مبحبش اللحمه
أخوياإللى معروش/همبرجر إيه بس ياأمير فى الزنقه السوده دى ؛ أنا عايز سجق
الشاب الثورى / أه ياأنى ياأما ؛ إلحقينى
امير / مالك ياعم ؛ ماانا مش هنساك وهديك حته ؛أنا مش طفس
الشاب الثورى / الله يخرب بيوتكم ودتونى فى داهيه ؛ أنا كان مالى بس ومال الثورة ؛ ماانا كنت عايش فى حالى فى الاوضه اللى فى المدافن ؛ هى صحيح صغيرة وبتخوف بليل ؛ بس أهى حته لمانى وما عفريت إلا بنى أدم؛ أنا صحيح خريج هندسه ومتعينتش وشغال قهوجى بس أدينى عايش ؛غيرى بيسافر إيطاليا وبيغرق قبل مايوصل ؛ أنا صحيح مكنتش لاقى أكل بس الواحد ممتش من الجوع وأدينى زى البغل أهوة
هو صحيح العدلى وكلابه كانوا مفترين قوى وظالمه ؛ بس كنت بخرج من القسم بعد ماأتظبط من غير قضيه وسليم وميه ميه ؛ولجل الحق كانوا كل مرة يقبضوا عليا فيها ويظبطونى ويحبسونى كام يوم ؛ يقولولى أسفين تشابه أسماء ؛ وكأن مصر كلها بقه إسمها زى إسمى ؛ لما كرهت إسمى وإسم أبويا
أمير /إهدى ياكابتن ومتخفش كلها جوزين إقلام هنخدهم من البلطجى ده وهنروح ؛ وبعدين ماإنت لسانك طويل برده ؛ كان لازم يعنى تشتمه
الشاب الثورى / هو إنا شتمته ولا جيت جمبه ؛مش إنت إللى قولتله ياجعر و ودتنا فى داهيه ؛الله يخرب بيتك
امير / إتبلا عليا بقه ؛ وانا اللى حبيتك
وكنت هخدك مثلى الاعلى فى الثورين
أخويا اللى معرفوش / بس بقه إخرس إنت وهو العربيه وقفت
وفاجاه يفتح خشبه باب العربيه فيبص الكل بره العربيه يلاقوا نفسهم فى جراش كبير وفيه رجاله كتير من شكلهم كده باين عليهم الإجرام ؛وفاجاه يصرخ خشبه فينا ويقولنا
خشبه / إنزل ياض إنت وهو
امير / ننزل فين ياخشبه بيه إحنا مرتحين هنا
خشبه /تنزل الملاهى ياروح آمك
امير /الملاهى الله ؛ ان عايز اركب العربيات والمرجيحه اللى بتطلع عال قوى ؛والله بقه لو دخلنا بيت الرعب
خشبه / بالنسبه للرعب فاأنا أضمنهولك ياحلتها ؛ أما العربيات ان شاء الله هى اللى هتشيلك لما تودع وتريحنا من تنحتك ؛ إترزع إقعد إنت وهو هنا؛ لحد أما المعلم دومه يجى ؛ وساعتها مش هتعرف وشك من قفاك
امير /ليه هو دكتور تجميل ؛ وبعدين مين المعلم دومه ده كمان ياخشبه بيه؟؟
خشبه / المعلم دومه اللى كان معايه ولسانك الزفر غلط فيه؛واللى بيتوه الجيش وزمانه جاى علشان يريحنى من أمك
امير / كله إلا أمى ياله ؛ إنت متعرفش لما إتنرفز انا ممكن اعمل ايه
اخويا اللى معرفوش/ الله عليك ياامير وريله مقامه
ساعتها يخرج خشبه مطوة ويحطها على رقبه امير ويقوله
خشبه/ هتعمل إيه ياجعر ؟
امير / هو انا اقدر اعمل حاجه ياكبير ده انا بق على الفاضى ؛انا كنت هقولك الله يسمحك
اخويا اللى معرفوش/الله يكسفك
ويمشى خشبه ويسيب امير واخوة والشاب الثورى ؛ فينده امير ل خشبه ويقوله
امير / يامعلم خشبه يامعلم خشبه
خشبه / فى ايه يامصيبه
امير / هو انت مش هتربطنازى الافلام ولا ايه؟ ؛ بطلوا بقه العك ده وشوفوا شغلكم صح فضحطونا قدام اللى يسوى واللى ميسواش
خشبه / طيب بالعند فيك مش هربطكم وإياكم حد يتحرك من مكانه ولا يفتح بوقه ؛ ولا يفكر مجرد تفكير إنه يهرب ؛ هخلى وقعت أبوة سوده ؛ وخلوا بالكم المكان كله بره وجوه مليان رجاله تاكل الظلط
ويسبهم خشبه ويمشى ؛ فيبص الشاب الثورى ل امير ويقوله
الشاب الثورى / نفسى مرة واحده متشغلش دماغك النيرة دى ؛لانك كل مرة بتشغلها بتودينا فى داهيه ؛إحنا لازم نفكر هنعمل إيه ؟؟
إحنا هنفضل كده مستنين لحد مايجى المعلم دومه البلطجى ده ويخلص علينا!!
امير / لاء طبعا انا بفكر أهوة فى خطه نهرب بيها ؛ بس سبونى قيمه اسبوع وانا بعون الله هخرجكم من هنا حته واحده؛وصاغ سليم
اخويا اللى معرفوش/ إسبوع بحاله ؛ طيب قول يومين ولا تلاته
الشاب الثورى / اكيد إنتوا إخوات ماهو مش معقول كميه الغباء دى تكون منتشرة فى البلد؛ خشبه بيقول المعلم دومه زمانه جاى وهيخلص علينا و واحد بيقولى هفكر فى خطه نهرب بيها فى اسبوع والتانى بيقوله خليها يومين تلاته ؛ انتوا عايزين تجننونى
امير / خلاص ياعم ماتتعصبش علينا ؛ انا لو اعرف ان الثوار خلقهم ديق كده ماكنتش نزلت علشان اساعدهم فى استكمال اهداف الثورة
الشاب الثورى / وإيه هى أهداف الثورة ؟
امير / اه انت بتختبرنى ؛ انا هقولك اهداف الثورة علشان بس أكبسك ؛ اول حاجه كل مواطن يبقه ليه يوم واحد فى الاسبوع يروح القسم فيه إشتباه ولما ينضرب يكون مخبر واحد بس اللى بيضربه على قفاه ؛ وتانى حاجه كل الفقراءاللى فى مصر يسافروا على عباره على اى بلد يختاروها ومن هنا تيجى الديمقراطيه علشان إدناهم حق إختيار البلد اللى هيهجروا فيها؛ والاغنياء بقه يعيشوا برحتهم وبلاش كأبه وخنقه؛ وفى نفس الوقت العباره تغرق ونخلص منهم
الشاب الثورى / انا لو اعرف ان امثالك هينزلو معانه التحرير مكنتش نزلت من بيتى من اصله ؛ خلص وقولنا هنهرب ازى فى ليلتك السوده دى
امير / خلاص يعم براحه هقولك
انا شوفت مسلسل امريكى اسمه بالانجليزىبريزن بريك
اخويا اللى معرفوش / يعنى ايه ياامير بريزن بريك ده
امير / يعنى بالعربى (إهرب وإجرى متستناش)
الشاب الثورى / يخرب بيتك بوظت إسم المسلسل ؛بريزن بريك يعنى الهروب الكبير
امير / اما الناس دى عليا كلام يخنق ؛ هروب كبير إيه ؛إذا كانوا هما اللى هربوا خمسه يااستاذ يامثقف ؛انا عارف ان اسمه بالعربى الهروب الكبير بس وهما بيهربوا كانوا بيقولو (إهرب وإجرى متستناش)فطلع عليهم الاسم ده
المهم إحنا عايزين قلم فلومستر سن رفيع ومسطرة وبرجل ومثلث علشان نرسم خريطه للمكان اللى إحنا فيه على جسمى علشان انا هبقه بطل المسلسل ؛ اقصد زى بطل المسلسل ؛ وكمان عايزين مزة حلوة علشان تبقه حبيبتى وتسهل لينا خطه الهروب ؛ وطياره علشان نهرب بيها بره الجراش ده
الشاب الثورى /يخرب بيتك على بيت افكارك على بيت خططك ؛ وحياه أمى لأقتلك وأحسرك على المزة وام الطياره اللى عايز تركبها ياغبى ياإبن التيت
يجرى امير وهو بيقول إلحقونى واحد من الثوار عايز يقتلنى ؛وطاااااااااااااااااااااخ
و
صحيت من النوم الصبح
بقلم
تامر على الطويل
امير الجروح
Monier 25-08-2012, 07:22 PM هههههههههههههههههههه
لا بجد جامدة وبالذات اخر كوبليه
ومستنى الباقى
تامر الطويل 31-08-2012, 11:01 PM هههههههههههههههههههه
لا بجد جامدة وبالذات اخر كوبليه
ومستنى الباقى
نورتنى ياغالى
مستر مصطفى الناقه 01-09-2012, 01:47 AM جميلة جدا
واسلوب رائع
تامر الطويل 02-09-2012, 12:29 AM جميلة جدا
واسلوب رائع
ربناا يخليك اخى الغالى نورتنى
تامر الطويل 19-09-2012, 12:28 AM بجد جميلة جدا جدا جدا
وانا منتظر الباقى
نورتنى اخى الغالى شكرا ليك
تامر الطويل 19-09-2012, 01:29 AM :cool:بجد جميلة جدا جدا جدا
وانا منتظر الباقى
نورتنى اخى الغالى شكرا ليك
pashika 19-10-2012, 03:57 PM شكرا جزيلا على هذا الموضوع رائع
وللحياة بقية 24-11-2012, 12:49 PM تسلم الايادى
استمتعت بقراءتها اسلوبك جميل شكراااااااااا
;):)
نحلة المنتدى 27-11-2012, 10:25 PM روووووووووووعه يا تامر بجد روووووووووعه انت مبدع هديك الرضعه يابابا فوق بقه وبطل إللى بتشربه ده وهات ههههههههههههههههههههههههههههه
نحلة المنتدى 27-11-2012, 11:21 PM بجد ابداع رااااااااائع
تسلم ايدك يا تامر
ع فكره انا لسه مخلصتهاش للاسف بدات ف قراتها متاخر
ورزعنى كف إبن التيت مش عارف إيه حكايه القفه معاهم كله على قفايه
ماله وشى بس شويه كده وشويه كده
بس على مين قومت وقفت زى السبع بسرعه ونفخت نفسى وقولت ل لوجين
العالم فانتوم | إنتوا لسه قدامكم كتير أصل الشبح ثوانى وهيكون معانه وسعتها بقه نحتفل
مع بعض باالحب الجميل دة
هههه وبيعمل ايه امير لما بيتجنن ياترى
امير / بيقعد على البحر وبيغنى
الست لما لما لما والست لما لما لما
نفسى اعرف لما إيه؟؟؟
بنت قمر / إخرص خالص ياغريب
إنت فى حضرت مولاتى اميرة كوكب سته
امير / بالله عليكى لفه انا بقالى كتير مركبتش مرجيحه ولا إتمرجحت بلاش الدناوه دى
أنا هوريكى يامجمع التحرير
والله غصب عنى انا لو بإيدى كنت حبيتك مليون مرة علشان اكفى كميه البشر اللى جواكى دول
خالص انا سايب ورايه بنت حجم عائلى ولو شفتنا مع بعض ممكن تكلنى وتكلك وتاكل العالم كله ، دى غبيه انا عارفها
انا بحب حبوبتى اللى عمله زى القطر دى وعمرى ما هحب غيرى
وان لله وان اليه راجعون
وربنا على المفترى
ههههههههههههه بجد عجبانى الكوميديا الى ف القصه
نحلة المنتدى 29-11-2012, 10:32 AM تامر عاوزين الباقى بليييييييييييييييز
ف انتظارك
تامر الطويل 29-09-2014, 11:45 PM صحيت من النوم الصبح
الجزء الثالث
الحلقه التاسعه
ويقعد امير واخوه والشاب الثورى منتظرين المعلم دمومه لمده 3 ساعات لحد ماينامو كلهم ، يدخل المعلم دومه وأول ما يدخل يقول لخشبه
المعلم دومه / هاتلى الواد اللى قلى ياجعر
خشبه / حاضر ياسيد المعلمين
ويروح خشبه يجيب امير يلقيه نايم فيضربه برجله ويقوله اصح ياحيلتها المعلم عايزك وشكله نويلك على نيه سوده زيى وشك ، يصحى امير ويقوله بغضب وهو بيدعك عنيه
امير / فى ايه ياعم انت هو الواحد مايعرفش ينام شويه ، فين عصابات زمان وخطف زمان كانوا بيدو للمخطوف حقه فى الخطفه ، من اكل لنوم لحتى بريك فاست
خشبه / بريك ايه
امير / بريك فاست ياحمار يعنى عصير جوافه
خشبه / قوم فز ياله كلم المعلم
وفعلا يقوم امير وقدام المعلم واول ما يشوفه امير يوطى على دماغه ويبوسها وهو بيقوله
امير / هات دماغك الكريمه ابوسها ياسيد المعلمين ، والله يامعلم ومالك عليا حلفان انا كنت قاعد بدعى عليك ، قصدى بدعيلك ان ربنا يوفقك وتعرف تهرب من الجيش ، حتى اسال الواد خشبه
ويبص امير لخشبه ويغمزله بعنيه ويقوله صح ياخشبه ياحبيبى ، فينظر خشبه لامير بغباء ويقوله
خشبه / مال عنيك ياله ، انت بتغمزلى كده ليه ، هو انت فاكرنى ايه من العيال السيس، ولا بلاش السيس احسن نتفهم غلط ونروح وراء الشمس انا مش ناقص ،،،نمسح السيس ونخليها من العيال الكورك ياكورك
ينظر امير الى خشبه والى المعلم ويقول له
امير / صدقتنى ياسيد المعلمين
يقوم المعلم من على كرسيه ويضرب خشبه كف على وشه يوقعه على الارض ، ويبص لأمير بغضب ويقوله ، انت تخرص خالص لسه دورك ماجاش ، اما انت بقه ياخشبه الكلب ، فهتشوف معايه ايام سوده
فيقوم خشبه وهو ماسك وشه ويقوله
خشبه فى ايه بس يامعلم ،هو انا عملت ايه ؟
المعلم / المصيبه انك معملتش ياجعر ، انا جاى وفاكر الواد ده اتظبط وانى سايب ورايه رجاله هتخدلى حقى ، بقه اجى الاقى الواد اللى شتمنى نايم ولسه بصحته ، ليه سايب معاه مادونه
فينظر امير لخشبه بغضب ويضربه بالقلم على وجهه ويقوله
امير / مزعل سيد الناس ليه ياضى ، هو مين الجعر اللى شتم سيد الناس وانا اكله بسنانى
ويبص امير للمعلم ويقوله ، شورلى عليه بس ياسيد الناس ومش هيطلع عليه نور ( وفرصه والنور ديما بيقطع
يقوم المعلم ويشد امير من قميصه ويقوله
المعلم / حركاتك دى متنفعش معايه
امير / بص ياسيد الناس ، لو عايز القميص خده مايغلاش عليك بس ده عليه اقساط لسه مااندفعتش سيبه لحد ما اخلص اقساطه واوعدك بعدها اجيبهولك بلفه هديه ، بس بالله عليك سيبه ده القميص اللى حيلتى ، وبعدين ياسيد الناس احنا بلطجيه زى بعض ومايصحش نعمل كده فى بعض
المعلم / بلطجيه زى بعض مرة واحده ، طيب هعدهالك ، وانت بقه بلطجى فى ايه
امير / تعرف المعلم سنجه معلم مدينه نصر
المعلم / طبعا اعرفه ده صحبى واجل رجوله ، ده مقفل لوحده حاره ، ده لسه حتى من اسبوع ضارب عيل سيس فى شارع الفتح
امير / انا بقه العيل السيس ده
المعلم / هو انت الله يخرب بيتك ده مستحلفلك وموصى معلمين البلد اننا لو شوفناك نجيبك ليه ، انت عملتله ايه ياض ، ده كان زى المجنون
امير / والله يامعلم ماكنت اقصد هى اللى رشقت على قفاه ، وبعدين ما هو برضو اللى كان وقف غلط ، شايفنى عمال اضبش بإديا يقف فى وشى ، اهو خد القلم على قفاه
المعلم / الله يخرب بيتك بقه تضرب المعلم سنجه على قفاه ، دى عمرها ماحصلت ، وازى هربت منه ؟
امير / ياعم والله هو الله غبى انا لسه بقوله البوكس ومكملتش الكلمه لقيته جرى وسبنى
المعلم / وعملت ايه بعدها
امير / رفعته قبل ما يقع
المعلم / هو ايه ده ؟
امير / البوكسر ياعم ، اصله من كتر الضرب كان هيقع
المعلم واله ياخشبه امسكلى الواد ده ، شكله ايامه سوده معايه وحضرلى برميل فيه مايه
امير / ربنا يخليك ياكبير والله لسه مستحمى
فينظر المعلم الى خشبه ويقوله ، خد البلوله دى من قصاده وارميه جمب زميله لحد ما اتصل بالمعلم سنجه وهو يجى يشوف هيعمل فى ايه
امير / مابلاش سنجه يامعلم ، ده ايده تقيله ، واخر مرة بصراحه كان بيضربنى فى حتت غريبه ، فين ضرب زمان وشلليط زمان ، ولا شتيمه زمان اللى كانت بتاخد حقه ، فين زمن الضرب الجميل
ينظر المعلم اللى خشبه ويقوله
المعلم / معاك مطوة ياخشبه
خشبه / ايوة ياكبير اهيه
المعلم / خلص على الحيوان ده ، وريحنا منه
ولسه خشبه هيضربى يالمطوة اغمى عليا و
صحيت من النوم الصبح
لوجين20 27-03-2016, 08:21 PM تسجيل متابعة وليا عودة للقراية بتأنى
|