مشاهدة النسخة كاملة : كلمتين وبس (( الحلقه الثانيه )) الوقفه
said_math 08-08-2010, 10:43 AM السلام عليكم ورحمه الله وبركاته
وصلى اللهم على سيدنا محمد رسول الله صلى الله عليه وسلم
الوقفه
نعم ...انها الوقفه وما فيش سبيل غير الوقفه....مش عايزين كلام كتير ....ولا شعاراااااااات....ولا هتافااااااات
مش بتوع كلام احنا.....عايزن الافعاااااااااال......هيا الوقفه ....ومليون وقفه........ما فيش غيرها...
حقنا .....ولا يضيع حق وراءه مطالب....
لازم نكون ايد واحده ..هنخاف من ايه.....مش عايزين اكتر من حقنا.....
احنا ساكتين ليه.......احنا مش متعاقدين احنا اصبحنا معقدين........
التثبيت معطلنا عن حاجات كتير.....عايزن نسافر....عايزين..... عايزين.....
ولو فضلنا ساكتين ......هنفضل كدا معقدين......محطمين......مكتوبين بالقلم الرصااااااااص
الوقفه ..تعبيرا ليا عن حقنا....فيه وزرات كتير حصل فيها تثبيت....الرى ...الشباب والرياضه..وكتير
احنا اقل من دووووول ....احنا مين.....
قم للمعلم وفيه التبجيلا...........كدا المعلم ان يكون رسولا
وصلى اللهم على سيدنا محمد رسول الله صلى الله عليه وسلم
ahmad alex 08-08-2010, 10:48 AM الحلقة التانية والتالتة
انا مش فاهم حاجة غير ان موضوعك مكرر الف مرة قبل كدة
ياريت قبل كتابة الموضوع نتاكد انه مش مكرر
أ/سلوى 08-08-2010, 10:53 AM الله ينور عليك يا مستر
وهو ده الكلام اللى لازم كل متعاقد عنده كرامة ينفذه
واللى ماعندوش ..........بالسلامة
احنا فعلا مش اقل من اى وظيفة تانى
مافيش حد بيدافع عن حقوقنا لا نقابة ولا وزير
ahmad alex 08-08-2010, 10:59 AM الله ينور عليك يا مستر
وهو ده الكلام اللى لازم كل متعاقد عنده كرامة ينفذه
واللى ماعندوش ..........بالسلامة
طب وليه حضرتك لم تنفذيه
جارةالوادى 08-08-2010, 11:01 AM مش المشكلة فىالوقفة ياسيدى الفاضل لانها بقيت مر واقع حتى لو مجبتش حاجة خالص يبقى اجبرناهم انهم يردو علينا ويهتمو ويقولو لنا اخرتها ايه تثبيت ولامعلم بعقد برضو
احنا فى العد التنازلى ليها دلوقتى الوقت قرب جدا يبقى عايزين ندور على حاجتين مهمين جدا اليات التنفيذ تجميع اكبر عدد ممكن من المتعاقدين ليس فقط داخل المنتدى لان عددنا هنا بسيط جدا بالمقارنة ببقية المتعاقدين
وفقنا الله لما يحب ويرضى واعاننا لما فيه الخير
احمد الكوامي 08-08-2010, 11:02 AM الوقفة امل كل معلم مساعد حتي يكون العدل اساسيا في هذة الدوله بمعنى تم التثبت في اى وزارة ويوجد بها متعاقدين لابد وان يتم تثبيت المتعاقدين في باقي الوزارت ............ز عوزين نمحي كلمة ان في في البلد خيار وفقوس ...ابيض واسود ............معاه وممعاهش
جارةالوادى 08-08-2010, 11:03 AM [quote=ahmad alex;2510748]طب وليه حضرتك لم تنفذيه
ولما انت مش عايز تقف معنا بتتكلم ليييييييييييييييه ؟ بتحبطنا وبس يااخى حرام عليك بجد اعصابنا تعبت
said_math 08-08-2010, 11:04 AM يا استاذ احمد الموضوع مش مكرر ولا حاجه ......... وشكرا ليكم جميعا
وفيه ايه غير الوقفه يا جماعه
قولوا انتوا بقااااااااا.......هتعملوا ايه....
وصلى اللهم على سيدنا محمد رسول الله صلى اله عليه وسلم
ahmad alex 08-08-2010, 11:13 AM ولما انت مش عايز تقف معنا بتتكلم ليييييييييييييييه ؟ بتحبطنا وبس يااخى حرام عليك بجد اعصابنا تعبت ومش ناقصاك خالص
ربنا يكون فى عونك
بس الوقفة مش هتحصل برده للاسباب المعروفة
جارةالوادى 08-08-2010, 11:15 AM ربنا يكون فى عونك
بس الوقفة مش هتحصل برده للاسباب المعروفة
ميرسى للدعاء يااخى وباذن الله الوقفة هتحصل برضو والاسباب معروفة
ahmad alex 08-08-2010, 11:21 AM ميرسى للدعاء يااخى وباذن الله الوقفة هتحصل برضو والاسباب معروفة
للاسف جارة الوادى
مفيش دليل واحد بس يؤيد كلامك
تقدرى تقولى تقريبا كدة كم الف واحد هيكونوا فى الوقفة
مكان الوقفة فين بالتحديد وبكل دقة
ميعاد التجمع بالثانية والدقيقة
اللافتات واليفط مين اللى هيعملها وفلوسها هتيجى منين
ميعاد الوقفة اتحدد بناء على ايه وليه الميعاد ده بالذات
الناس اللى بره المنتدى هيعرفوا ازاى
ولو عرفوا يطلعوا تقريبا كم الف
معاكى احصائية دقيقة بكل مايتعلق بالحملة من مطالب واعداد وتكلفة وتوقيت زمنى .. الخ
قبل ما نتقمص دور الزعامة نفكر فى متطلباتها
ABDOURAGAB 08-08-2010, 11:26 AM [quote=ahmad alex;2510835]للاسف جارة الوادى
مفيش دليل واحد بس يؤيد كلامك
تقدرى تقولى تقريبا كدة كم الف واحد هيكونوا فى الوقفة
مكان الوقفة فين بالتحديد وبكل دقة
ميعاد التجمع بالثانية والدقيقة
اللافتات واليفط مين اللى هيعملها وفلوسها هتيجى منين
ميعاد الوقفة اتحدد بناء على ايه وليه الميعاد ده بالذات
الناس اللى بره المنتدى هيعرفوا ازاى
ولو عرفوا يطلعوا تقريبا كم الف
معاكى احصائية دقيقة بكل مايتعلق بالحملة من مطالب واعداد وتكلفة وتوقيت زمنى .. الخ
قبل ما نتقمص دور الزعامة نفكر فى متطلباتها
والله كلامك فيه جزء كبير من الصحة
أ/سلوى 08-08-2010, 11:35 AM انت مكبر الموضوع
هو احنا رايحين نحارب
الفكرة
وقفة لعدد من المتعاقدين
مطلبهم التعيين
لجميع المتعاقدين بالتربية والتعليم والازهر
الموعد الاحد 15/8 صباحا
ويفط ايه
احنا مش حنترشح فى مجلس الشعب
وفى الاول وفى الاخر احنا بنحب بلدنا وهدفنا توصيل رسالة مش اكتر وحتوصل ان شاء الله
وبالفعل مش بالكلام
ahmad alex 08-08-2010, 11:38 AM وبالفعل مش بالكلام
اشك جدا فى الجملة دى بالذات
said_math 08-08-2010, 11:42 AM يا مستر احمد
احنا هنا ليه.......عشان نتفق.....ناخد راى بعض .......نفكر مع بعض...........ايد واحده ....وعقل واحد...
ونتبادل اطراف الحديث...........بهدوء مش عصبيه......مش داخلين نتعارك.....
والحمد لله اعصابى مش بايظه......
.....وربنا يقدم اللى فيه الخير....
ahmad alex 08-08-2010, 11:45 AM يا مستر احمد
احنا هنا ليه.......عشان نتفق.....ناخد راى بعض .......نفكر مع بعض...........ايد واحده ....وعقل واحد...
ونتبادل اطراف الحديث...........بهدوء مش عصبيه......مش داخلين نتعارك.....
والحمد لله اعصابى مش بايظه......
.....وربنا يقدم اللى فيه الخير....
انا مش عصبى خااااااالص
بس منطقى ومباشر وبحب اجيب من الاخر
وفى ناس مش بتحب ده
بتحب بس الهتاف والشعارات والفوران اللحظى
ايه رايك فى حتة الفوران اللحظى دى :d
رمضان رجب عبدالكريم 08-08-2010, 11:51 AM الاخ احمد اليكس
انا محتار من تعليقاتك وكلامك اللي ينرفز ويعصب بصراحة
انت ماشي علي مبدأ خالف تعرف !!!!!!!!!!!!!!!!!
ولا حكايتك ايه بالضبط.................
حنانيك يا اخي علي زملائك في المنتدي..................
والا في كل موضع ومناقشة عاوز تجذب الانظار ليك وخلاص وتشد مع كل واحد شوية؟؟؟؟؟؟؟؟؟؟؟؟؟؟؟
واكيد بعد ان تقرا كلامي هتتدور علي وتبدأ تـ....... ..............
عموما الله يسامحك
said_math 08-08-2010, 11:52 AM ههههههههههه
انا معاك ولا بحب الكلام الكتير.... وكلنا عايزين نجيب من الاخر......بس بهدوء
وفوران ايه ....ولا حتى يكون ...نااااااار..... هههههههه
اهى الوقفه عايزه زيك مليون واحد متحمس كدا ...وكلمته واحده...
ahmad alex 08-08-2010, 11:54 AM الاخ احمد اليكس
انا محتار من تعليقاتك وكلامك اللي ينرفز ويعصب بصراحة
انت ماشي علي مبدأ خالف تعرف !!!!!!!!!!!!!!!!!
ولا حكايتك ايه بالضبط.................
حنانيك يا اخي علي زملائك في المنتدي..................
والا في كل موضع ومناقشة عاوز تجذب الانظار ليك وخلاص وتشد مع كل واحد شوية؟؟؟؟؟؟؟؟؟؟؟؟؟؟؟
واكيد بعد ان تقرا كلامي هتتدور علي وتبدأ تـ....... ..............
عموما الله يسامحك
شفت زعلت ازاى من الصراحة
دايما كلمة الحق بايخة وبتزعل
خلاص يارمضان خليك عايش فى اوهامك
ahmad alex 08-08-2010, 11:58 AM ههههههههههه
انا معاك ولا بحب الكلام الكتير.... وكلنا عايزين نجيب من الاخر......بس بهدوء
وفوران ايه ....ولا حتى يكون ...نااااااار..... هههههههه
اهى الوقفه عايزه زيك مليون واحد متحمس كدا ...وكلمته واحده...
الحكاية مش حماس وبس
هديك مثال
كلنا متحمسين وبس لقضية فلسطين
هل اتحلت المشكلة بالحماس وبس
بالعكس ده حتى الحزب اللى اسمه حماس خربها وقعد على تلها
الحماس مش كل حاجة يا سعيد
رمضان رجب عبدالكريم 08-08-2010, 12:17 PM شفت زعلت ازاى من الصراحة
دايما كلمة الحق بايخة وبتزعل
خلاص يارمضان خليك عايش فى اوهامك
مين اللي يزعل من الصراحة؟؟؟؟؟؟؟؟؟؟؟؟؟؟؟؟
بس في طريقة لينه في الكلام.................
النبي يقول: اللين ماخرج من شيء الا هانه، وما دخل في شيء الا زانه
وبعدين انا مش عايش في اوهام ................. شكرا
انا هروح اصلي الظهر ياعم واسيبك انت مع حقايقك
achiles 08-08-2010, 12:41 PM شكرا على الكلام الجميل بس لازم الوقفة فى ميعادها
mak2007 08-08-2010, 12:44 PM http://t1.gstatic.com/images?q=tbn:qs9JRaHxQ10AJM:http://a2a.cc/vb/imgcache/9285.jpg
said_math 08-08-2010, 12:53 PM شكرا عل مرور كم جميعا......
mmm6666 08-08-2010, 02:31 PM الحلقة التانية والتالتة
انا مش فاهم حاجة غير ان موضوعك مكرر الف مرة قبل كدة
ياريت قبل كتابة الموضوع نتاكد انه مش مكرر
يااخى حرام عليك كفاية احباط
حرام عليك
اتمنى حذف جميع مشاركات هذا الكائن
mmm6666 08-08-2010, 02:36 PM سلام الله عليكم ورحمته وبركاته
أستاذ أحمد
حاولت أرسل لحضرتك رسالة خاصة لكنى وجدت أن حضرتك مغلق لهذه الخاصية
وهى حرية شخصية طبعاً
لذا لم أجد أمامى إلا هذ ه الطريقة للتحدث بها مع حضرتك
أخى الفاضل :
رجاءً
مبدأ حضرتك وفكرتك عن الوقفة وعن التثبيت وعن طريقة الأخوة فى التعامل معها اتضح وظهر للجميع من خلال مشاركات حضرتك
ولك طبعاً حرية الرأى
ولك حق التعبير عنه
لكن دون السخرية من الأخرين
تتهمهم بأنهم يقولون ولا يفعلون
وبأن الوقفة لن تتم
وبأن ....وبأن ....
وهذا لا يليق
احتفظ برأيك عنهم لنفسك
عندما تستضيف أصدقائك فى منزلك هل تسمح لأحدهم بسب الآخرين أو التهكم عليهم
أم أن كرامتهم والحفاظ على شعورهم مسئولية حضرتك
ونفس القانون ينطبق هنا
فى المنتدى
فالسادة الأعضاء هنا فى ضيافة منتدى بوابة الثانوية العامة
الذى يعد البيت والمسكن للكثير منهم
(بغض النظر عن موضوع التثبيت)
وعلينا كمشرفين وإداريين حماية ضيوفنا
ولقد لجأت إلى النصيحة أولاً
قبل إتخاذ قرار إدارى لا أتمنى أن أصل له
وهو الوقف لا قدر الله
لأنه ممكن حضرتك تعمل عضوية جديدة
وتعيد الكره ونعيد نحن الوقف
ولن تنتهى
الحق أحق أن يتبع
قال رسول الله( ص):
(المسلم من سلم المسلمون من لسانه ويده )
وقال عليه افضل الصلاة والسلام :
(من كان يؤمن بالله واليوم الآخر فليقل خيراً أو ليصمت )
أهلاً بك ومرحباً وسط أخوة وأخوات
نجتمع على الأخلاق والأدب
وعلى من يصمم أن يتجاوزها تحمل العواقب وحده
سأغلق الموضوع حتى لا يسمح للأعضاء بالمشاركة فيه
وفى إنتظار رسالة خاصة من حضرتك لى
تعلمنى فيها بأى طريق قررت أن تسلك
وأكرر أنى اضطررت لهذا الموضوع بناء على إغلاق خاصية الرسائل الخاصة لدى سيادتكم (ام شاهندة )مشرفة
ده الدليل على انك انسان محبط
|