عندى عتاب صغير بوجهه للقائمين على قسم ثانوى عام ، انا كتبت موضوع وكنت محتاج راى الاساتذه الكبار من امثال الاستاذ العظيم يعقوب واستاذ الاساتذه مستر عصام وهبة والكبير قوى مستر جواد عوض وانتظرت ان اى حد يدينى رد ، كتبته فى قسم استراحة المدرسين محدش رد الكل بيقرا الموضوع ومش عايز يدينى رد مع انى كتبت الموضوع 3 مرات وكنت عشمان فيكوا والله لانكم اهل خبرة وبصيرة .

بالنسبة لمنهج 2 ثانوى ما هى أفضل طريقة لشرح الوحدة ؟
أنا بشرح الاستماع والقراءة والملاحظات فى حصة ، والقواعد فى حصة ، وتمارين فى حصة
يعنى الوحدة فى ثلاث حصص ؟
سؤالى هل ذلك كثير على الوحدة وممكن يأخرنى فى المنهج ولا أعمل ايه بالضبط وضعا فى الاعتبار كمية الملاحظات والقواعد المقررة ؟
ياريــــــــــــت من فضلكوا اللى يقرا الموضوع يدنى رد عشان خبرتى قليلة فى هذا المجال؟
استفسار تانى معلهش :
عندما جائنى طلاب من 2 ثانوى كنت مترددا وذلك لأنى مدرستش المنهج قبل كدة حتى قصة العناكب مقراتهاش لانى كنت بدى اولى ثانوى فقط وفكرت اعتذرلهم والسبب ليس المنهج ولكن خوفا من المسئولبة فى هذه السنه الحساسة وخصوصا ان الطلبة كنت بديها فى سنه أولى والحمد لله شغالين معايا كويس والسنه دى حبوا يكملوا معايا فى سنه تانية مع العلم يوجد عندنا مدرسين لهم باع طويل فى مجال الثانوية ، فما الحل وخصوصا انى بدات اعمل مذكرات فى المنهج فهل اكمل معهم واجتهد ام ماذا افعل ؟
أكيد حضراتكوا اتعرضتوا لمواقف دى فأرجو النصيحة جزاكم الله كل الخير؟
عندى سؤال لمستر يعقوب هو القواعد الكتيرة لازم نشرحها نقطة نقطة ولا المهم منها بس والطلبة تقرا الباقى .
اسف على الاطالة وانا متشكر جدا لكل من سيرد على مشكلتى .

لو تسمح لى ارد
انا مثلك فى مسألة الخبرة بس ممكن نساعد بعض
اولا مسألة انك تكمل مع طلابك مسألة مفروغ منها
كمل طبعا ان شاء الله وتوكل على من خلقك
مفيش اسهل من منهج 2 ث
وبعدين امتحان اولى ثانوى فى نظامه اصعب من امتحان 2 ث

بالنسبة لنظام الشرح اتمنى ان يكون من ابداعك انت فلكل مدرس نظام يصنعه ليريحه وليس ليريح غيره
الموضوع كله انك من المفترض الا تضع معلومة فى مذكرتك دون ان يكون لها تدريب عليه بأى شكل كان

بص على الملف الاول فى المرفقات هتلاقى الوحدة الاولى عاملها بنظامى انا لكى يريحنى انا واكيد انت مش هتوافقنى عليه لانك ليك وجهة نظر .... الملف التانى امتحان سريع فى كل حصة وتزداد صعوبته وحجمه كل حصة

فابدع وافشل وافشل وافشل حتى تنجح وتسبق اقرانك فهذه هى الخبرة

جزئية تانى مش فاهمها حضرتك بتدى الطالب 3 حصص فى الاسبوع ؟
ده احنا عندنا فى القاهرة حصة واحدة مابين الساعة ونصف و الساعتين
يعنى حضرتك عندك امكانية اجابة تمارين اكثر مع طلابك

توكل على الله يا راجل ولما تعوز حاجة كلنا هنا مع بعض

والله العظيم بارك الله فيك يا مستر على كلامك الجميل ونصحك انا حاسس انها نصائح من القلب وربنا ان شاء الله هيكرمك بكل حرف فيها لانك من اوائل الناس الذى لبى دعوتى . فأنعم بك من أخ فاضل . ربنا يبارك فيك ويحفظك من كل شر وييسر لك الامور ويرزقك الجنة برحمته ويرزقك رزقا حلالا طيبا مباركا فيه ويعطيك الصحة والرضا والشكر والغفران . والله بدعيلك من قلبى يا مستر وربنا يتقبل .
نقطة أخيرة يا مستر انا بدى حصتين فى الاسبوع مش تلاته لكن الوحدة بتاخد معايا ثلاث حصص . هل ده كتير

والله العظيم بارك الله فيك يا مستر على كلامك الجميل ونصحك انا حاسس انها نصائح من القلب وربنا ان شاء الله هيكرمك بكل حرف فيها لانك من اوائل الناس الذى لبى دعوتى . فأنعم بك من أخ فاضل . ربنا يبارك فيك ويحفظك من كل شر وييسر لك الامور ويرزقك الجنة برحمته ويرزقك رزقا حلالا طيبا مباركا فيه ويعطيك الصحة والرضا والشكر والغفران . والله بدعيلك من قلبى يا مستر وربنا يتقبل .
نقطة أخيرة يا مستر انا بدى حصتين فى الاسبوع مش تلاته لكن الوحدة بتاخد معايا ثلاث حصص . هل ده كتير

ياااااااه كل ده ؟ ربنا يزيدك من نعيمه
بص يا اخى العزيز .... مسألة كتير او قليل تعتمد على حسن تحضير حصتك
بمعنى هل كثرة الوقت معك شيقة ام مملة ؟
يعنى هل حضرتك تستحق انى انزل من بيتنا واجيلك واسمع منك ؟
مش مهم اسلوب تنسيق شرح وحدتك ازاى المهم هاجى استفيد و لا اروح زى ما جيبت ؟
نخليها حصة شرح وحصة امتحان سريع بالاضافة الى اجابة الواجب
وكلما كان الواجب به افكار تم التنويه لها فى حصة الشرح ولم ينتبه لها الطالب كلما كان الاستعداد للحصة التالية اكبر واقوى
وحاول استفزاز الطالب دائما لكى يتحدى تمارينك ويثبت نفسه وستجده فى حصة منصت جداااا وفى حصة الواجب يتحداك وهنا تأتى مهارة حضرتك ..... هل استطاع الطالب انه ( زى ما بيقولوا بالبلدى كده انه يجيب اخرك ) ولا لسه محتاجلك .... وهكذا وسرعان ما سيزيد اسمك بين الطلاب الاخرين ان شاء الله
اهم حاجة تدريبات متنوعة ومدروسة وانت اللى تكون مألفها او محضرها كويس يعنى تكون حافظ مذكرتك كويس

بالتوفيق ان شاء الله

بعد كلام الكبير مفيش كلام نفذ كلام مستر بدوى و لازم يكون ليك اسلوب مميز وتكيف طريقة مش تتبنى طريقة زى ما بيقولوا كل شيخ ولية طريقة وكلنا فى الاول لما بدأنا الشهادة الوحدة كانت بتطول ومع مرور الوقت هتعرف خبايا المنهج و هتعرف اية المهم و اللى مش مهم و ان شاء الله هتبقى استاذ كبير بس ادرس المنهج و مذكراتك تكون فاهم الكلام اللى فيها و تبقى عارف كل كلمة موجودة فين فى الكتاب و لو طالب احضر لك اسئلة لاترتبك و لاتجيبها الا عندما تنظر الى السؤال لقيت نفسك عارفة جاوب مش عارفة حاول تتهرب بضيق الوقت و تبحث و تسال الزملاء بلا حساسية
* نصيحة اخرى اعطى حصتك بس بلاش تخوض فى الاخرين و امدح فى الزملاء الاقدم منك يحترمك الطالب و لكن لو حاولت تقول ا انا انا الطالب فاهم كل كلمة يقولها المدرس يقصد بها اي و اجعل ذلك دستور حياتك و تذكر ان الرزق بيد الله مش بيد الطالب
زميلك اهم من كنوز الدنيا و حتى لو حاربوك لاتحاربهم هيجى يوم تكون انت الاحسن لانك بتراع الله فى عملك وتبقى اللقمة حلال حلال اسف للخطبة بس انا عانيت من الحرب فى بداية حياتى و الحمد اتبعت الطريقة التى لااذم فى احد الحمد كل الزملاء معايا على ما يرام انا شايف كدة لانى بحبهم فا اظن انهم يحبونى و الباطن يعلم بة الله

[quote=samir Meabed;2515240]بعد كلام الكبير مفيش كلام نفذ كلام مستر بدوى و لازم يكون ليك اسلوب مميز وتكيف طريقة مش تتبنى طريقة زى ما بيقولوا كل شيخ ولية طريقة وكلنا فى الاول لما بدأنا الشهادة الوحدة كانت بتطول ومع مرور الوقت هتعرف خبايا المنهج و هتعرف اية المهم و اللى مش مهم و ان شاء الله هتبقى استاذ كبير بس ادرس المنهج و مذكراتك تكون فاهم الكلام اللى فيها و تبقى عارف كل كلمة موجودة فين فى الكتاب و لو طالب احضر لك اسئلة لاترتبك و لاتجيبها الا عندما تنظر الى السؤال لقيت نفسك عارفة جاوب مش عارفة حاول تتهرب بضيق الوقت و تبحث و تسال الزملاء بلا حساسية
* نصيحة اخرى اعطى حصتك بس بلاش تخوض فى الاخرين و امدح فى الزملاء الاقدم منك يحترمك الطالب و لكن لو حاولت تقول ا انا انا الطالب فاهم كل كلمة يقولها المدرس يقصد بها اي و اجعل ذلك دستور حياتك و تذكر ان الرزق بيد الله مش بيد الطالب
زميلك اهم من كنوز الدنيا و حتى لو حاربوك لاتحاربهم هيجى يوم تكون انت الاحسن لانك بتراع الله فى عملك وتبقى اللقمة حلال


مستر انا حاسس انى انا الى كاتب الكلام دة

مفيش كلام يقال بعد كلام عمالقة المنتدى فعلا ده خلاصة الكلام و انا كنت زيك السنة الماضية و ربنا وفقني

بعد كلام الكبير مفيش كلام نفذ كلام مستر بدوى و لازم يكون ليك اسلوب مميز وتكيف طريقة مش تتبنى طريقة زى ما بيقولوا كل شيخ ولية طريقة وكلنا فى الاول لما بدأنا الشهادة الوحدة كانت بتطول ومع مرور الوقت هتعرف خبايا المنهج و هتعرف اية المهم و اللى مش مهم و ان شاء الله هتبقى استاذ كبير بس ادرس المنهج و مذكراتك تكون فاهم الكلام اللى فيها و تبقى عارف كل كلمة موجودة فين فى الكتاب و لو طالب احضر لك اسئلة لاترتبك و لاتجيبها الا عندما تنظر الى السؤال لقيت نفسك عارفة جاوب مش عارفة حاول تتهرب بضيق الوقت و تبحث و تسال الزملاء بلا حساسية
* نصيحة اخرى اعطى حصتك بس بلاش تخوض فى الاخرين و امدح فى الزملاء الاقدم منك يحترمك الطالب و لكن لو حاولت تقول ا انا انا الطالب فاهم كل كلمة يقولها المدرس يقصد بها اي و اجعل ذلك دستور حياتك و تذكر ان الرزق بيد الله مش بيد الطالب
زميلك اهم من كنوز الدنيا و حتى لو حاربوك لاتحاربهم هيجى يوم تكون انت الاحسن لانك بتراع الله فى عملك وتبقى اللقمة حلال حلال اسف للخطبة بس انا عانيت من الحرب فى بداية حياتى و الحمد اتبعت الطريقة التى لااذم فى احد الحمد كل الزملاء معايا على ما يرام انا شايف كدة لانى بحبهم فا اظن انهم يحبونى و الباطن يعلم بة الله

ارفع لك القبعة يا فندم
ميرسى مستر سمير

يا ريت الموضوع ينتهى بسرعة لان الاشراف ممكن يضربنا قريبا
واحنا مش قد زعلهم ..... لان الموضوع مكانه ليس هنا واكيد هما سابوه من فرط كرمهم
شكرا لكم

[quote=samir Meabed;2515240]بعد كلام الكبير مفيش كلام نفذ كلام مستر بدوى و لازم يكون ليك اسلوب مميز وتكيف طريقة مش تتبنى طريقة زى ما بيقولوا كل شيخ ولية طريقة وكلنا فى الاول لما بدأنا الشهادة الوحدة كانت بتطول ومع مرور الوقت هتعرف خبايا المنهج و هتعرف اية المهم و اللى مش مهم و ان شاء الله هتبقى استاذ كبير بس ادرس المنهج و مذكراتك تكون فاهم الكلام اللى فيها و تبقى عارف كل كلمة موجودة فين فى الكتاب و لو طالب احضر لك اسئلة لاترتبك و لاتجيبها الا عندما تنظر الى السؤال لقيت نفسك عارفة جاوب مش عارفة حاول تتهرب بضيق الوقت و تبحث و تسال الزملاء بلا حساسية
* نصيحة اخرى اعطى حصتك بس بلاش تخوض فى الاخرين و امدح فى الزملاء الاقدم منك يحترمك الطالب و لكن لو حاولت تقول ا انا انا الطالب فاهم كل كلمة يقولها المدرس يقصد بها اي و اجعل ذلك دستور حياتك و تذكر ان الرزق بيد الله مش بيد الطالب
زميلك اهم من كنوز الدنيا و حتى لو حاربوك لاتحاربهم هيجى يوم تكون انت الاحسن لانك بتراع الله فى عملك وتبقى اللقمة حلال


مستر انا حاسس انى انا الى كاتب الكلام دة
==============
اخى خالد انا بشعر انى اعرفك انت و السيد صيام من زمان حتى بنادى عليكم من غير القاب الارواح جنود مجندة يارب ادم الحب بيننا و انا مستر خالد و شى جميل تقارب الافكار على فكرة دى مش اول مرة تكون افكارنا واحد ة
هذا دليل الحب

الرسالة وصلت حبيبى مستر بدوى و على خوفك علينا من المشرفين الرجاء للزميل يقرأ التعليق بتاع الاخوة و ينفذ و يقول لنا النتيجة و الرجاء قفل الموضوع

انا مش عارف والله اشكر حضراتكوا ازاى فلم تدعوا شئ فى نفسى الا قلتوه ربنا يبارك فيك يا مستر ( بدوى ) فأنت بحق كبير بجد مش مجاملة الانسان لما بينصح بيبان هل هو صادق ولا لا ، وكلام حضرتك نابع من القلب فأرجو من الله ان يعيننى على فهمة والعمل بما فيه ربنا يامستر يزيدك من العلم حتى تفيض به على الاخرين .
اريد ايضا ان اشكر فارس المنتدى مستر ( Samir Meabed ) على كلماته الرقيقة أدعو من الله ان يحفظه حتى يفيدنا بعلمه , شكر خاص للأستاذ ( خالد غباشى ) ربنا يبارك فى حضرتك ورزقك العفو فى الدنيا وفى الاخرة ، وبشكر مستر ( Ibrahim Safi ) على رده .
يا جماعة فعلا والله منذ تعرفى على بوابة الثانوية العامة حاسس ان ثقتى فى نفسى زادت وخصوصا ان الواحد بيلاقى مدرسين محترمين بجد بتحب الاخرين وتحب تساندهم وتفيدهم بخبراتهم وانا مش لاقى أى كلام أقوله الا اننى سوف ارد الجميل للمنتدى ان شاء الله وزى مابستفيد من المنتدى ان شاء الله اللى هاقدر عليه هاقدمه لهذا المنتدى .
اريد ان اشكر الادارة القسم التى سمحت بوجود الوضوع فى هذا القسم .
سؤال أخير يا مستر ( بدوى ) دروس القراءة بتاعت اولى ثانوى ما المهم هل موضوع القراءة أم الاستماع . يعنى ايه اللى بيجى فى الامتحان اكثر .
مثال الوحدة الاولى مليانة شخصيات هل المهم ( فاروق الباز ) ولا ايه وكذلك الوحدة التانية سيرة الكاتب بتيجى فى سؤال أجب 4 من 6 ولا اللى بيجى قصة الكاتب نفسها .
شكر ا لكم جميعا على سعة صدركم وحسن اجابتكم