إلى جميع الأخوة : المعلمين المساعدين
من منكم سيواصل معى مشوار التعلم والاستزادة من العلم فى كليات التربية على مستوى الجمهورية
أما أنا فسأقدم إن شاء الله فى تربية الزقازيق هذه الأيام إن شاء الله لاستكمال الدبلوم الخاص .
فهل من مجيب ؟
أخوكم : اسماعيل ناجى :022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4::022yb4:

انا خريج تربيه انجلش وكنت عاوز اقدم لكن محتار فين انا من المنصوره وعارف ان المنصوره بتحتاج مجهود فى الحضور
يا ترى اخبار الزقازيق ايه؟
وبكام
وشكرا لك وربنا يوفقك ان شاء الله

مرحبا أخى العزيز
الزقازيق إن شاء الله بسيطة والنجاح عموما هبة من الله وهى فى الأول والآخر تساهيل وأرزاق
سحب الملف 35 جنيه
المصاريف 500 جنيه
وإن شاء الله نتقابل هناك بس أخبرنى متى ستذهب ؟
اسماعيل ناجى

اخذت الدبلوم الخاص من سنتين
بس وايه الفايدة

طب ياريت حد من الاخوة اللى بدأوا المشوار ده يشرحوا لينا الخطوات والمصروفات المطلوبة ان شاء الله
انا تربية رياضيات

انا اخدت دبلوم مهنى تربيه خاصه بس بصراحه مكملتش
كان نفسى اكمل الدبلوم الخاص بس معنديش استعداد نفسى للسفر والحضور والمذاكرة

الأخت نورهان200005 بعد التحية
سيبيها على الله
سلمى أمرك لله
جددى النية وابدئى بسم الله
واعتمادنا جميعا على الله :049gc0::av4056bb7jp3:

العزيز vip_aim بعد التحية
لو حضرتك أساسا تربوى تتفضل تقدم على الدبلوم المهنية ثم الخاصة بعد ذلك ان شاء الله
:049gc0::039uw8::022yb4:

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة

اخى الفاضل مشكور على الموضوع
انا سمعت الى اخد الدبلوم التربوى بتقدير على الاقل جيد ومن جامعة مستواها العلمى اعلى من اخرى يمكن الانتقال الى الجامعة الاخرى ليلتحق بالدبلومة الخاصة مباشرة ياريت تفيدنى فى الموضوع
واذا كان هذا خاطئ ياريت تعرفنى الدبلوم المهنى مواده صعبة ولا ايه وكام مادة وياريت لو عندك العلم المصروفات ايضا والتقديم امتى ؟
وجزاك الله كل خير

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة


هو ما فيش غير القاهرة ؟ ياريت لو فيه فروع اخرى تفيدنا جزاك الله خير

أنا أخذت المهنية السنة دى
ومش عارف أكمل ولا - لا
بجد الانجليزى محيرنى شوية
لأنه فى أمتحان قدرات اول السنة للإلتحاق بالخاصة وبعد كدا فى مادة تربوى كلها انجليزى

الأخ الغالى :
الدبلوم المهنية لمن خلص الليسانس التربوى أصلا أو لمن عمل دبلوم عام فى التربية ومواده وتخصصاته حسب الاختيار وسهلة ان شاء الله واطمئن
والتقديم بتربية الزقازيق من 7/8 وسأقدم بإذن الله أول أيام رمضان:022yb4: بإذن الله
سحب الملف 30 جنيه
المصاريف 500جنيه

:022yb4:أخى الغالى ماك2007 :
ولا يهمك توكل على الله وليتنا معا بتربية الزقازيق
أسعد برؤياك والتواصل معك
جدد النية واجعلها خالصة لوجه الله والله المستعان
اذهب وقدم معى للخاص ان شاء الله

انا معايا دبلوم خاص ومكملتش وعلى فكره للاخ اللى من المنصورة لا المنصورة كويسه مفيش فيها حضور قوى زى ما انت فاكر الرخامه بقى فى المنصوره انك بعد الخاص لازم سنه كمان اسمها تمهيدى ماجستير مع ان طنطا والزقازيق بعد الخاص بتقدم ماجستير ولا سنه تمهيدى ولا حاجه
مش عارفه كنت عايزه السنه اللى فاتت وكسلت تقديم التمهيدى عندنا فى شهر 11 هل فى حد ممكن يشجعنى ؟؟؟

انا فعلا اقدمت علي ده من السنة الماضية وبدأت أولي ماجستير مع اني من الزقازيق بس قدمت في بنها لان جامعة بنها افضل

جزاك الله خيرا

انا معايا دبلوم مهنى تربيه خاصه

وكان نفسى اكمل دبلوم خاص فى مناهج اللغه الانجليزية فى جامعه المنصورة

بس هى محتاجه حضور 4 ايام وسفر طويل

مش عارفه ده ممكن يتناسب مع العمل ولا هكون مقصرة

وربنا يوفقكم جميعا

خطوة ممتازة

انا فعلا اقدمت علي ده من السنة الماضية وبدأت أولي ماجستير مع اني من الزقازيق بس قدمت في بنها لان جامعة بنها افضل

وياترى بنها فيها تمهيدى ماجستير منفصل ؟ ولا بعد الخاص تقدم ماجستير على طول ؟
وياترى حضرتك تخصص ايه ؟؟
انا طرق تدريس انجليزى ياترى فرصها عامله ازاى !!!!

انا مدرس حاسب الى
المشكلة انى لو قدمت هقدم يا فى دمنهور يا فى كفر الشيخ لانهم اقرب الاماكن ليا
وانا هعمل دبلومة مهنية وما فيش تخصص ليا لشغلى كمدرس حاسب الى يفيدنى وده الى مش مشجعنى
ياريت تفيدنى برايك اعمل ايه اقدم على اى تخصص ولا استفاد ازاى بالدبلومة المهنية دى ؟

أخى المحترم :
أنت تخصص حاسب آلى
على طول قدم فى تخصص تكنولوجيا التعليم
لا تتــــــــــــــــــــــــــــــــــــــردد
أخوك :اسماعيل ناجى

:049gc0::049gc0::049gc0::022yb4::022yb4::022yb4:

السلام عليكم
الزيادة فى العلم شئ جميل
وان كان حد عاوز يكمل
يعمل ماجيستير بدل الدبلومه
انا ملتحق بمرحله الماجيستير جامعه حلوان
ومن يريد اى تفاصيل انا ممكن افيدة
على فكرة ممكن تلتحق بدون الحصول على دبلومه
بشرط تكون حاصل على تقدير جيد على الاقل فى الشهادة الكلية

أختلف اختلاف كبير مع الزميل المحترم
saidok

الأخ اسماعيل
هل أنت خريج تربية عام (إعدادي ثانوي)
تخصص حاسب

أم تربية نوعية

كل خريج تربية عام تخصصات علمية ويريد التكملة الأفضل أن يكمل في التخصص أن يذهب إلى كليات العلوم للحصول على 3، 4 وبالتالي يحصل على بكالوريوس علوم في تخصصة وبالتالي يكون أكاديمي ويكمل درسات عليا في تخصصه (رياضيات ، كيمياء ، حاسب ، فيزياء ، بيولوجي )

وكذلك التخصصات الأدبية يذهب إلى كلية الآداب في نفس تخصصة للحصول على 3، 4 وبالتالي يحصل على ليسانس آداب ويكمل أكاديمي في التخصص

هذه من خلال خبرتي في الحياة وأفضل حيث أنني عملت ذلك

التربوي ليس له أي فائدة تضييع وقت على قلة فائد ة وليس له طموح حتى إذا أخذت الدكتوراه في التربوي سوف لا تستفيد بها شيء
سمعت ان تربية عين شمس ممكن نكمل فيها دراسات عليا في تخصصنا دون الحاجة للحصول على 3و4
فهل حد عمل كده وكمل في عين شمس

السلام عليكم
الزيادة فى العلم شئ جميل
وان كان حد عاوز يكمل
يعمل ماجيستير بدل الدبلومه
انا ملتحق بمرحله الماجيستير جامعه حلوان
ومن يريد اى تفاصيل انا ممكن افيدة
على فكرة ممكن تلتحق بدون الحصول على دبلومه
بشرط تكون حاصل على تقدير جيد على الاقل فى الشهادة الكلية

انا روحت اسأل في حلوان قالوا لى لازم اعمل دبلومة مهنية الاول وانا تقديري جيد جدا مع مرتبة الشرف
فممكن حضرتك تقول لى ازاي التحقت بالماجيستير بدون الحصول على دبلومة
ارجو الرد سريعا لانني محتارة مابين التقديم في عين شمس وحلوان

انا بقى اخدت دبلومة مهنية تكنولوجيا تعليم صراحة ممتعة جدااااااااااااا وقبلها كنت واخدة دبلومة عامة من 4 سنين تقريبا بس مش ناوية اكمل دبلومة خاصة لان الناس كلها بتقول لى اقدم مهنية تانى جودة وادارة مدرسية عشان لها مستقبل كويس بعد كدة وممكن اكمل بعدها خاصة بس طبعا محتارة ممكن حد يفيدنى ؟؟؟؟؟ وطبعا انا تخصصى الاصلى لغة عربية وتقديرى جيد جدا وكان نفسى جدا اكمل ماجستير فى اللغويات او البلاغة لان درجاتى فيهم جامدة جدا وبستمتع جدا بالنحو بس طبعا انا ازهرية وجامعة الازهر الدراسات العليا عندهم الامتحانات فى القاهرة والدراسة فى اسكندرية لانها كليتى الاصلية وطبعا انا من البحيرة عشان اكمل فى بهدلة السفر دى شغلانة كبيرة يبقى طبعا مش هقدر اكمل اكاديمى واكمل كلية تربية بس نفسى اكمل فى تخصص كويس لان اقسام التربية غلسة جدا فى الدراسات العليا *

اين المعلومات عن معهد الدرسات التربوية بجامعة القاهرة (http://www.thanwya.com/vb/member.php?u=164224)
الرجاء ابعت كل شيئ تعرفه عن الماجستير (http://www.thanwya.com/vb/member.php?u=164224)
يا ا / أحمد بسطاوي (http://www.thanwya.com/vb/member.php?u=164224)

يا جماعة معلش فى الكلام انا وجهة نظرى ان الدبلومات دى ما لهاش لزمة انا اخذت دبلومة من الجامعة الاميريكية ولا عملت لحد الوقتى الهوى ولا اى حاجة وضيعت سنة ونصف فيها وصرفت دم قلبى علشان اشتغل فى مدارس لغات والمهم لما روحت اقدم فى الادارة لمدارس اللغات قالو لى انهم عاوزين مدرسين مثبتييييييييييييييييييييييييييييييييييين مش متعقدين

السلام عليكم استاذ اسماعيل انا اخوك احمد عبدالحميد ممكن ايميلك لان انا عايز حضرتك بخصوص الموضوع ده
وده ايميلى angel_teacher2030 على الياهو

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة
و بالنسبه للى واخد مهنى و خاص منجامعه مصريه ممكن يكمل ماجستر و دكتوراه فيه - نظامه و مصاريفه ايه - هل فيه مميزات عيوب

أنا أخذت المهنية السنة دى
ومش عارف أكمل ولا - لا
بجد الانجليزى محيرنى شوية
لأنه فى أمتحان قدرات اول السنة للإلتحاق بالخاصة وبعد كدا فى مادة تربوى كلها انجليزى

بالنسبة لامتحان القدرات ما تقلقش منه كله ب ينجح
وبالنسبة لموضوع التكلمة احب اعرفك ان الدبلومة المهنية من غير الخاصة مالهاش لازمة فانصحك تكمل
علي فكرة انا كنت زيك اخدت المهنية وريحت سنة بس الحمد لله اخدت الخاصة السنة اللي فاتت وقفلت علي كده

للا سف الشد يد أنا حاصل على دبلوم مهنية فى التر بية الخاصة ولكن بلا فائدة ولا طائل لانى أخدتها بغرض السفر أو العمل بها فى الحكومة بجانب عملى كمعلم مساعد (لغة عربية) ولكن كان الرد فى الادارة انك لسه متعاقد ولسه لم تعيين وسمعت قبل كده فى أجتمعنا اللى كان فى الاكادمية اللى كان قبل امتحان الكادر انك أ نت لوغيرت تخصصك تبتدى المشوار من أوله من جديد خالص كأنك لم تكن معهم متعاقد من الأول وبالتالى نفسى قفلت من استكمال بقية مشوار الدراسات العليا بالماجستير والدكتوراه فى بلد لا تقدر العلم و من يستزيد منه يارتنى كنت أرتبطت بالفلوس الضاعت دى ولكن لم أجد من ينصحنى ........يلا عشانا ورزقنا عليك يارب!!!!!!!!

يا جماعه حلو أوى الكلام اللنتوا بتتكلموا فيه من حيث تكمله للدراسات العليا
بس يا جماعه زى ما قال الأخ العزيز أن الدوله لا تقدر التعليم بس بتقدر كويس الواسطه

لو عندك واسطه كويسه أفضل من دكتوراه فى الدراسه

فخليكوا مع الموجه اللى الحكومه تحتاجه أعملوه وبلاش تعب ومصاريف على الفاضى .

كل خريج تربية عام تخصصات علمية ويريد التكملة الأفضل أن يكمل في التخصص أن يذهب إلى كليات العلوم للحصول على 3، 4 وبالتالي يحصل على بكالوريوس علوم في تخصصة وبالتالي يكون أكاديمي ويكمل درسات عليا في تخصصه (رياضيات ، كيمياء ، حاسب ، فيزياء ، بيولوجي )

وكذلك التخصصات الأدبية يذهب إلى كلية الآداب في نفس تخصصة للحصول على 3، 4 وبالتالي يحصل على ليسانس آداب ويكمل أكاديمي في التخصص

هذه من خلال خبرتي في الحياة وأفضل حيث أنني عملت ذلك

التربوي ليس له أي فائدة تضييع وقت على قلة فائد ة وليس له طموح حتى إذا أخذت الدكتوراه في التربوي سوف لا تستفيد بها شيء

ياترى الكلام دا لسه سارى الى الان ولا كان موجود ايام الانتساب لان من السنة دى معتش فيه نظام الانتساب فهل ممكن حد من كليه تانيه ياخد 3 و 4 مع المنتظمين ؟؟
وهل الكلام دا لتربية عام فقط وتربية اساسى لا ؟؟ ياريت اللى عنده معلومة بالخصوص دا يعرفنا

كل خريج تربية عام تخصصات علمية ويريد التكملة الأفضل أن يكمل في التخصص أن يذهب إلى كليات العلوم للحصول على 3، 4 وبالتالي يحصل على بكالوريوس علوم في تخصصة وبالتالي يكون أكاديمي ويكمل درسات عليا في تخصصه (رياضيات ، كيمياء ، حاسب ، فيزياء ، بيولوجي )

وكذلك التخصصات الأدبية يذهب إلى كلية الآداب في نفس تخصصة للحصول على 3، 4 وبالتالي يحصل على ليسانس آداب ويكمل أكاديمي في التخصص

هذه من خلال خبرتي في الحياة وأفضل حيث أنني عملت ذلك

التربوي ليس له أي فائدة تضييع وقت على قلة فائد ة وليس له طموح حتى إذا أخذت الدكتوراه في التربوي سوف لا تستفيد بها شيء

ياريت التفاصيل وانت قدمت فين

العزيز vip_aim بعد التحية
لو حضرتك أساسا تربوى تتفضل تقدم على الدبلوم المهنية ثم الخاصة بعد ذلك ان شاء الله
:049gc0::039uw8::022yb4:

انا تربية عام شعبة رياضيات جامعة قناة السويس بالاسماعيلية

ومحتار اكمل فى دراسات عليا فى تربية ولا علوم

ياريت تشرح الخطوات بالتفاصيل

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة
طب إسم الدبلومة أيه ؟

كلنا بنتكلم كويس لكن ناسيين حاجة مهمة وهى الحضور بالمدرسة لقد اخذت التربوى بشق الانفس من بنها بعد عناء السفر وتعب شديد بين التوفيق بين المدرسة والجامعة والغياب المستم لان تقريبا كنا بنحضر معظم الايام ونفسى اعمل البلومة دى لكن مفيش وقت

بعد اللي شفته في الدبلومة العامة السنة دي

بطلت مش هكمل شي

مع العلم انا واخد تمهيدي ماجستير في الاداب

ايه يا جماعة اللى قال رأيه مردش علينا تانى ليه
موضوع سنة 3و4 اللى بيتكمل فى اداب شروطه ايه ؟؟

المشكلة انه مفيش نشرة رسمية تجعلنا نروح محاضرات الماجستير لاني فعلا بعاني من الموضوع ده ومش بقدر اوفق بين المدرسة ودراستي والمدير بيغيبني كتير

اسمع ان الماجستير مفيش فيه حضور قد كدا انت بتبقى متابع مع الدكتور والسيمنار مره فى الاسبوع ممكن تظبطها
ولا فيه حاجات تانيه ؟؟؟

ياريت حد يفيدنى يكون فاهم ضرورى
انا فى الاساس خريج كلية تجارة واشتغلت فى التربية والتعليم مدرس حاسب الى
ولما قدمت للدبلومة االتربوية اخدتها فى كلية دمنهور تخصص رياضيات لانها الاقرب لتخصصى بكالوريوس نجارة
انا عاوز اكمل بس عارف اعمل ايه ؟
لو قدمت على الدبلومة المهنية هيبقى التخصص يا تكنولوجيا تعليم يا فئات خاصة يا تخصص اخر غير مجال عملى حاليا
وانا عاوز الى اخده يكون تبع شغلى حاسب الى دلوقتى بقى ايه الحل؟
ياريت حد يفهمنى وبسرعة
افيدونى افادكم الله

انا الحمد لله حصلت على دبلوم خاص جامعه الزقازيق وهي ليست بالهينه معاك عدد المواد قليل خمسه او سته حسب التخصص بس لازم حضور محاضرات لان غيابك ينقص من درجاتك في ابحاااااااااااااااااث على الكمبيوتر بخط اليد مش مستحب ولكل مجتهد نصيب على مقدار تعبك ربنا هيكرمك بس مش سهله ولا درجات تخدها بمجرد شرائك للكتاب وربنا يوفقك انا بأذن الله نويت على الماجستير بس مش في جامعتي وربنا يوفقنا جميعا

هل يوجد دبلوم تربوى خاص عن بعد؟

السلام عليكم
الزيادة فى العلم شئ جميل
وان كان حد عاوز يكمل
يعمل ماجيستير بدل الدبلومه
انا ملتحق بمرحله الماجيستير جامعه حلوان
ومن يريد اى تفاصيل انا ممكن افيدة
على فكرة ممكن تلتحق بدون الحصول على دبلومه
بشرط تكون حاصل على تقدير جيد على الاقل فى الشهادة الكلية

السلام عليكم ورحمة الله
ارجوا الافادة بخصوص تفاصيل تقديم
ياريت سرعة الرد جزاك الله خيرا
ان امكن
شكرا جزيلا

انا انهيت الدبلومة الخاصة السنة دى ومنتظر النتيجة فى معهد الدراسات التربوية بجامعة القاهرة ادعو لى والدبلومة سهلة جدا بس عاوزة مجهود شوية فى عمل ابحاث والدراسة مسائية .عاوز باذن الله اكمل الماجستير .
شروط التقدم للدبلومة الخاصة بجامعة القاهرة الحصول على تقدير جيد فى الدبلومة العامة من اى جامعة .
يا ترى اية الشروط بالنسبة للماجستير فى الجامعات الاخرى ؟ ارجو الرد من اى حد مسجل ماجستير .
انا تخصصى لغة انجليزية.

انا كان نفسى اكمل لكن للاسف ظروف شغلى مش سامحه

انا محتار فى القسم انا سحبت الملف بس لسه مقدمتش وامتحنت انجليزى وحاسب والحمد لله بس محتار فى القسم ياريت حد يفدنى تربية الزقازيق

تحية وتقدير للرئيس محمد حسنى مبارك بل وأنحنى له خجلا ً

الافضل تقدم في مجال تخصصك يعني اذا كان معاك عربي اشتغل في فروع العربي لو انجليزي اشتغل في الانجليزي وده افضل هيفيدك في عملك وحياتك العملية

معلش يا جماعة سؤال بسيط ممكن حد يعرفنى ايه الفرق بين الدبلومة المهنية والدبلومة الخاصة

ان شاء الله اكون انا ممن سيكمبون

السلام عليكم لو سمحتوا انا باذن الله ناويه اكمل بس فى اداب انجلش عشان تخصصى حد عندة معلومات عن الدراسه المواد المصروفات
وشكرا ربنا يوفقكم الطموح والعلم حلو اوى

ايه يا جماعة اللى قال رأيه مردش علينا تانى ليه
موضوع سنة 3و4 اللى بيتكمل فى اداب شروطه ايه ؟؟



ياريت حد يفهمنا النظام ايه ياااااااااااريت احسن الواحد محتار جدا