انا حاسة انى مقصودة كل ما اكتب موضو يتنقل لارشيف لموضوعات المتكررة قبل كدا كتبت موضو ع من موقع الاكاديمة واتنقل بردة وبعد ما اتنقل الاقى اكتر من موضوع عن نفس الشىء وموجودين بردة على فكرة انا مش هشارك تانى مش عشان حاجة الا انى حاسة ان الموقع بدا يقل مستواه مع احترامى لكل الزملاء والمشرفين الموجودين الا انه تغير فعلا كانه حصل له حالة احتلال وشكرا على تقديركم لكل الاعضاء

ودا الموضوع الى اتنقل لارشيف الموضوعات المكررة ياريت حد يقولى هو فعلا مكررظ ولالا
كل البلد عامله احتجاجات ووقفه ما عدا المعلم المساعد
http://www.almasry-alyoum.com/article2.aspx?ArticleID=265434

يا حبيبة قلبى الموضوع ميستاهلش انك تزعلى ايه يعنى لما مواضيع تتنقل او تتلغى او تتحذف انتى بتكتبى الموضوع والغرض منه انك تفيدى الناس والله استفادوا خير وبركه مستفدوش تبقى مش سببتى اى اضرار لاى حد
المهم مفيش اى خلافات شخصية اى حاجة بتحصل اكيد لمصلحتنا
ومحدش يقول مش هشارك ومش هكتب لو كان عندك معلومة وبخلتى عليها للناس ساعتها ربنا يحاسبك
لكن لو كتبتى موضوع ومحدش قدره واتنقل ساعتها ربنا هيجازيكى خير عشان بتسبقى بالخير
وربنا يوفقنا ونكون ايد واحده ويوفقك يا قمر وكل سنة وانتى بخير ورمضان كريم