السلام عليكم
لي سؤال ارجوكم افادتي فيه
التقرير السنوي للمعلم المساعد هل له حد اقصي في الدرجات بمعني هل المعلم المساعد لايستطيع ان يحصل علي علي درجة اعلي من 90 في هذا التقرير لاني في العام الماضي حصلت علي 92 في التقرير السنوي و قالولي كده كويس علشان دي اول سنه يكتبلك فيها تقرير اما السنه دي كان التقرير 90 درجة يعني اقل من السنه الماضية و ان شغلي كويس جدا بالمدرسة بشهادة الكل و نتيجتي 97 % نجاح لكن المديرة قالتلي ان رئيس القطاع قال ان العقود لا تعطي اكثر من 90 و انا حاسه بالظلم و مش عارفة اعمل ايه ارجو الافادة
علي فكرة انا ادارة شرق الاسكندرية

مش هتفرق 90 من 100 لانه مفيش امل فى التثبيت بعد تصريحات النحاس

من هو النحاس

التقرير السنوى جاهز للكل عند بداية التعيين بيكون 89 وبعدين 90 وبعدين 92 وهكذا فبركو فقط ومالوش اي لزمة

أخى الفاضل لا يوجد حد أقصى فى درجات التقرير للمعلم المساعد وهو مثله مثل الأساسى ولكن للأسف الشديد هناك استهتار من بعض مديرى ونظار المدارس بالمتعاقدين فيعطونهم تقديرات أقل من الأساسيين رغم أن جهودهم فى كثير من الأحوال تكون أعلى بكثير من الأساسيين .

من هو النحاس

صفوت النحاس هو رئيس الجهاز المركزى للتنظيم والادارة

لما يحدث تثبيت يهمنا قوى موضوع التقرير

يا أخت اطمني التقارير ده ملهاش لازمة

ش هتفرق 90 من 100

اطمني يا اختي التقرير ده ملهوش لازمة

فعلا مالوش لزمة

التقارير اللى اتعملت لى بدأت من 84 % الى السنة دى بقيت 92% وبعدين التقارير دى واللى قبالها و السنوات اللى ضيعناها فى التعاقد واللى هانضيعها اذا وحصل وثبتونا مالهاش اى لزمة اذا اتثبتنا هايعتبرونا لسة بنشتغل لاول مرة فى حياتنا فى المدارس يعنى لسة كتاكيت وطالعين من البيضة

من هو النحاس

صفوت النحاس رئيس الجهاز المركزى للتنظيم والادارة

ايه الكلام اللى يحرق الدم ده اشمعنى يعنى ؟؟؟هو احنا ولاد البطة السودا ؟؟؟ بجد ظلم كبير جدا لو الموضوع كدة ان المتعاقد ياخد اقل من الاساسى فى درجات التقرير ده على اساس انه اقل منه فى النصاب والعطاء داخل الفصول واعمال الامتحانات والاشياء الكثيرة التى نعمل بها اكثر من الاساسى على فكرة المدير بتاعنا قال حاجة زى دى قدامى وصلت له من الادارة بس هو وموجه القسم اصرو على اعطائنا التقديرات التى نستحقها على فكرة الحاجات دى ممكن تنفع لانهم اخدوها مننا فى الاكاديمية وممكن الترقيات بعد كدة ترتبط بالتقارير دى برضو ياجماعة مينفعش حد يتنازل عن حقوقه وان شاء الله بعد الوقفة الاحتجاجية والتثبيت الدنيا تتظبط شوية وميبقاش مجال للتفرقة العنصرية دى

التقرير السنوى جاهز للكل عند بداية التعيين بيكون 89 وبعدين 90 وبعدين 92 وهكذا فبركو فقط ومالوش اي لزمة


عبدالرحيم رجب كامل
معلم وسايب البلد عشان الحكومة ترتاح



:d:d:d:d:d:d:d:d:d
والله نفسنا نعمل ذيك الواحد زهق جدااااااا ان شا الله الواحد يروح اوكرانياااااا

يا رب الوزير يكون ذكى و يثبتنا قبل ما يطلع بدر رمضان و يحنن علينا قلب درويش و غالى

فى التعاقد التقرير السنوى مش هيفرق معانا كتير اهم شىء ميكنش درجته رديئة

فى التثبيت بيفرق جامد عشان العلاوات التشجيعية

ماهو الظلم فى كل شىء هندقق يعنى على التقارير

مالوش لازمة أساساً

الظلم على المتعاقد من جميع النواحى جت على التقرير

مالهاش لزمة
زى ما احنا مالناش لزمة برضوا

انت كده ممتاز رضا اوى

لو سمحت هو اول تقرير ليك كان فى اول سنة عقد مميز
يعنى اتعملك بعد سنة من اول عقد مميز ولا اتحطلك بعد المكافاة الشاملة وده بتاع السنة دى ؟

على فكرة قدم تظلم لشئون العاملين وحاولى تدعمى موقفك باى حاجة وقدم التظلم بس بسرعة قبل ميعاده ما يفوت

زى المدير بتاعى بيقول انتى اول سنه يبقى تاخدى اقل من 90 تاخدى 85 ولا حاجه

واساسا انا بشتغل اكتر من الاساسين وباخد احتياطى وبشتغل فى الكنترول وكل شىء

وفى النهايه

(انتى اول سنه تشتغلى

يعنى هى بتتقاس بعدد السنوات ولا ايه؟؟؟

التقرير بعد اول سنة مميز كان 92 وبعد ثاني سنة بقي 90 و هي السنة دي مع ان شغلي كتر عن الاول و اصبحت مسئولة عن الجودة في المدرسة و بدرب المدرسين كمان مسئولة عن البيئة و السكان و انا المنسق العام لانفلونزا الخنازير بالمدرسة و كنت بدرس لسنة سادسة و طلعت النيجة 97 % نجاح