أمس كان يوجد بعض الأراء علي الأمتحان ياتري راحت فين

انا كمان نفسى اعرف
انا داخله اشوف الردود ملقيتش الموضوع من اصله

حمل الإمتحان من هناااااااااااااااااااااااااااااااااااااااااا (http://www.thecity.110mb.com/showthread.php?t=30)

والله الامتحان جه سهل وده كشف المدرس الي تعب مع الطلبه عن المدرس الي كان بيهرج
وبحمد ربنا علي هذا الامتحان لانه فعلا اعط كل ذي حقاً حقة
والامتحان كله من كتاب المدرسة ومن دليل التقويم
وطبعا لازم اي مدرس يعطي كل كلمة في الكتاب المدرسي ويحل الدليل والذي عمل بهذا هيلاقي ان الامتحان جميل جدا

فعلا كلام الزميل وائل الدسوقى مظبوط جدا جدا وانا ارى ان الإمتحان جميل جدا جدا ومن كتاب الوزارة والدليل

هو انا درست الكمياء السنه بسي كل صحباتي بيقولوا انه صعب والمسائل صعبه

الامتحان جميل جدا"
عدا إستخدم التوريه فى نقطة هل خلية أوليه أو ثانويه

ماذا حدث في المنتدي .

يا جماعه انا صحباتي منهارين

ارجو من الاخوة الافاضل الاستفسار عن بعض نقاط الامتحان ( أ . جمعة أ . السيد أ . وائل أ . عاطف . أ . محمد )
1 - هل الخلية اولية ام ثانوية ولماذا
2 - من المسؤال عن كاتيون النحاس ايون الصوديوم الموجي ام ايون الهيدروكسيل السالب ولماذا
3 - ماهي عدد مولات المادة المتفاعلة ولماذا
لان هذه النقاط موضع اختلاف بين كثير من الزملاء وشكرا

1 - هل الخلية اولية ام ثانوية ولماذا
2 - من المسؤال عن كاتيون النحاس ايون الصوديوم الموجي ام ايون الهيدروكسيل السالب ولماذا
3 - ماهي عدد مولات المادة المتفاعلة ولماذا
الحل
الخلية نوعها ثانوية لأن الخلايا الثانوية بها سوائل بينما الأولية تكون جافة ( من كتاب الوزارة )
2 - أيون الهيدروكسيل هو المسئول عن الكشف وذلك حتى يتكون الراسب الأزرق الذى يسود بالتسخين
3 - عدد المولات المتفاعلة 1 مول وهذا السؤال موجود بالنص فى دليل التقويم

لو سمحت استاذ وائل عاوزه اعرف ازاى الخليه ثانويه ارجو الرد سريعا

اثناء نقله على سيرفر أكبر ومخصوص له بعض الموضوعات والتى كانت لسه موضوع بتاريخ نفس يوم النقل حزفت

أعزائي الطلبة والمدرسين
بلا شك أن الإمتحان في مجمله لاباس به ولكن طبيعة هذا الإمتحان مختلفة شوية ولذلك اعتقد أن عدد الطلبة الذين سيحصلو على 50 درجة أقل من الأعوام السابقة
فمثلا[size=4]
أولا :-جزئية الخلية الجلفانية أولية أم ثانوية لغز على الطلبة
ثانيا:-مسالة حجم غاز الكلور للطالب فوق المتوسط
بقية الأسئلة عادية

من تعريف الخلية الاوليه انها صغيرة الحجم كمان انها تسمي بالبطاريات الجافة
وكما هو واضح في الامتحان
ان خلية دانيال كبيرة الحجم كما انها في صورة سائلة
ثم نكمل الحل ونعرف الخلية الثاوية
وهي انها تختزن الطاقة الكهربية من مصدر كهربي خارجي في صورة طاقة كيميائية يمكن تحويلها الي طاقة كهربية عند اللزوم
كما انها يمكن اعادة شحنها

نص كتاب الوزارة الذى يستشهد به الاستاذ//اسامه يقول
فى ص 201
وبالطبع لكى يسهل استخدامها وخصوصا" فى الأجهزة المتنقلة لابد وأن تكون فى صورة جافة وليست سائلة
ولذلك عرفت بالخلايا الجافة

أم عدد المولات فلاشك واحد مول لأنه يقصد المواد المتفاعله
المسئول أيون الهيدروكسيل لأن أيون الصوديوم الموجب ليست له صفات كيميائية فهو يشبه فى تركيبه غاز النيون الخامل
(الباب الرابع)


والدليل على ذلك أن هيدروكسيد البوتاسيوم وكذلك هيدروكسيد الامونيوم يعطوا نفس النتيجه مع أملاح النحاس
إذا الهيدروكسيل وليس الصوديوم

أعزائي في كتاب الوزارة قبل عامين وقبل تغيير المنهج كانت توجد عبارة في الكتاب وهى أن عند توصيل الخلية الجلفانية بمصدر خارجي تنعكس التفاعلات معنى هذا وبلا شك أن الخلية الجلفانية خلية ثانوية
ومن المنطق ايضا أن تفاعل الأكسدة والإختزال إذا كان تلقائي وينتج عنه طاقة كهربية فمن الممكن عكس هذا التفاعل بإمداده
بطاقة كهربية تزيد عن الطاقة الناتجة أصلا

ولذلك يطلق على قطب الخارصين أو قطب النحاس في خلية دانيال بالقطب الإنعكاسي
وإذ اعتقد واضع الإمتحان أنها خلية أولية لنفاذ مادة الأنود ونفاذ أيونات الكاثود بعد فترة تبقى مشكلة
لأن قبل نفاذ مادة الأنود وأيونات الكاثود يمكن عكس التفاعل

<div class='quotetop'>إقتباس(سيد عثمان @ Jun 30 2007, 03:32 AM) 336951</div>
أعزائي في كتاب الوزارة قبل عامين وقبل تغيير المنهج كانت توجد عبارة في الكتاب وهى أن عند توصيل الخلية الجلفانية بمصدر خارجي تنعكس التفاعلات معنى هذا وبلا شك أن الخلية الجلفانية خلية ثانوية
ومن المنطق ايضا أن تفاعل الأكسدة والإختزال إذا كان تلقائي وينتج عنه طاقة كهربية فمن الممكن عكس هذا التفاعل بإمداده
بطاقة كهربية تزيد عن الطاقة الناتجة أصلا

ولذلك يطلق على قطب الخارصين أو قطب النحاس في خلية دانيال بالقطب الإنعكاسي
وإذ اعتقد واضع الإمتحان أنها خلية أولية لنفاذ مادة الأنود ونفاذ أيونات الكاثود بعد فترة تبقى مشكلة
لأن قبل نفاذ مادة الأنود وأيونات الكاثود يمكن عكس التفاعل


[/b]

يا استاذ و ده قبل سنتين و السنتين فاتوا خلاص
و استلمنا كتب 2006 و مش موجود فيها اى عبارة من اللى بتقولوا عليه

يبقى احنا نعمل ايه !!! :(

عموما معنديش غير حسبى الله و نعم الوكيل

و احب ازكر الناس 'ان الله لا يضيع اجر من احسن عمله'
ان مكنش فى الدنيا باذن الله فى الاخره :)
و الحمد لله على كل شىء ده قدر و مكتوب هتجيب كام و هتخش ايه و هتطلع ايه !

أولا أنا مختلف مع كل الزملاء الذين أقروا بأن خلية دانيال ثانوية لعدة أسباب
1 ـ مادة الآنود هي الخارصين وهو عنصر شديد النشاط ويصعب اختزال أيونات من المحلول مرة أخري وبذلك يتم استهلاك مادة الآنود ولا يمكن إعادتها لحالتها الآصلية ومن خلال خبرتنا العملية مع العمود البسيط الذي هو تبسيط لخلية دانيال لا يمكن إعادة الشحن
2 ـ الخلية الجافة و العمود البسيط هي تطوير لخلية دانيال مع تغيير مادة الكاثود في الخلية الجافة وهي خلايا أولية لا يمكن شحنها
3 ـ الكلام عن أن الخلايا الجلفانية خلايا انعكاسية جميعها كلام قديم ثبت خطؤه وتم تغييره بتقسيم الخلايا الجلفانية إلى أولية وثانوية حسب إمكانية إعادة الشحن وإذا لم نقر بهذا فيكون التقسيم إلى أولية وثانوية ليس له وجود ولا معنى
3 ـ السؤال أخفق في أنه لم يحدد الأقطاب وبالتالي مع تغيير الأقطاب يمكن أن تكون الخلية ثانوية باستخدام مثلا الرصاص وأكسيد الرصاص وحمض الكبريتيك أو استخدام أي أقطاب أخرى
4 ـ وبالتالي لكي يسأل عن نوع الخلية أولية أم ثانوية كان يجب عليه تحديد الأقطاب
فيما عدا ذلك فالسؤال ممتاز ـ فقط بحذف هذه الجزئية من السؤال ـ
5 _ لى ملاحظة أخيرة على سؤال التسمية الذي لم يتعرض له أحد : المركب 1ـ برومو ـ3 , 4 ـ ثنائي كلورو بنزين
التسمية السابقة وفق شرح الكتاب المدرسي لكن التسمية الصحيحة كما في المراجع الدولية الحديثة هي
4 ـ برومو 1 , 2 ـ ثنائي كلورو بنزين
مع خالص تحياتي للجميع أحمد دياب

:( :(
انا شايفة ان الامتحان كان اكتر من رائع :)
لكن كده انا عندى غلطة :(
لانى عملت خلية دانيال اولية <_<
لكن انا دلوقتى اقتنعت انها ثانوية من كلام الاساتذة
:( :( :( :(
ياريت لما النموذج ينزل حد يجيبه ضرورى
الحمد لله على كل حال :)
عقبال المادة اللى فاضلة :(

لي تعقيب آخر
بالنسبة للقطب الانعكاسي : وفق المفاهيم الجديدة يسمى القطب بالانعكاسي لأنه يمكن عكس التفاعلات عند القطب أي تفاعل الأكسدة يمكن أ يتحول إلى اختزال بطريقتين
1 ـ بتوصيل الخلية بمصدر خارجي للتيار فرق جهده أكبر قليلا من القوة الدافعة للخلية فتنعكس التفاعلات ـ في حالة الخلايا الثانوية ـ وتتحول إلى خلية تحليلية
2 ـ عند استبدال الكاثود بقطب أنشط من الآنود فيتحول الآنود إلى كاثود وتحدث عنده عملية اختزال
حيث يعمل الفلز الأكثر نشاطاً كآنود

<div class='quotetop'>إقتباس(طالب علم @ Jun 30 2007, 09:44 AM) 337003</div> أولا أنا مختلف مع كل الزملاء الذين أقروا بأن خلية دانيال ثانوية لعدة أسباب
1 ـ مادة الآنود هي الخارصين وهو عنصر شديد النشاط ويصعب اختزال أيونات من المحلول مرة أخري وبذلك يتم استهلاك مادة الآنود ولا يمكن إعادتها لحالتها الآصلية ومن خلال خبرتنا العملية مع العمود البسيط الذي هو تبسيط لخلية دانيال لا يمكن إعادة الشحن
2 ـ الخلية الجافة و العمود البسيط هي تطوير لخلية دانيال مع تغيير مادة الكاثود في الخلية الجافة وهي خلايا أولية لا يمكن شحنها
3 ـ الكلام عن أن الخلايا الجلفانية خلايا انعكاسية جميعها كلام قديم ثبت خطؤه وتم تغييره بتقسيم الخلايا الجلفانية إلى أولية وثانوية حسب إمكانية إعادة الشحن وإذا لم نقر بهذا فيكون التقسيم إلى أولية وثانوية ليس له وجود ولا معنى
3 ـ السؤال أخفق في أنه لم يحدد الأقطاب وبالتالي مع تغيير الأقطاب يمكن أن تكون الخلية ثانوية باستخدام مثلا الرصاص وأكسيد الرصاص وحمض الكبريتيك أو استخدام أي أقطاب أخرى
4 ـ وبالتالي لكي يسأل عن نوع الخلية أولية أم ثانوية كان يجب عليه تحديد الأقطاب
فيما عدا ذلك فالسؤال ممتاز ـ فقط بحذف هذه الجزئية من السؤال ـ
5 _ لى ملاحظة أخيرة على سؤال التسمية الذي لم يتعرض له أحد : المركب 1ـ برومو ـ3 , 4 ـ ثنائي كلورو بنزين
التسمية السابقة وفق شرح الكتاب المدرسي لكن التسمية الصحيحة كما في المراجع الدولية الحديثة هي
4 ـ برومو 1 , 2 ـ ثنائي كلورو بنزين
مع خالص تحياتي للجميع أحمد دياب [/b] أؤيد كلامك اخى الفاضل

ويعنى احنا عايزين الامتحان ميجيش فيه اى تركات

اعزائي طلبة الكيمياء
في نموذج الإجابة اتضح أن الخلية الجلفانية خلية أولية
رغم أنه مخالف لراي ولكن نحن نتبع نموذج الإجابة والأمانة العلمية تقتضي مني ذلك

ارجو نشر نموذج الاجابة

جزاك الله كل خير

والله شيء غريب ازاي تكون أولية بس هنقول ايه حسبي الله ونعم الوكيل

احمدك يا رب و اشكر فضلك

كده ممكن ال50 تيجي :rolleyes:



الحمد لله

شكرا يا استاذ سيد :)

انا في راي المتواضع أن من قال ان الخلية الاولية قالها بعد ما عرف نموذج الاجابة
وهوة كان فين من يومين
يعني بالعقل هية خلية ثانوية بس هنعمل لازم نمشي ورا الغلط
واكرر من قال انها أولية كان فين من يومين واشمعنا النهاردة والصبح قال انها اولية اكيد اكيد بعد ما عرف نموزج الاجابة

تعقيب علي كلام الاساتذة الي بتقول أن الخارصين نشط وبالتالي يصعب إختزال ايوناته الي فلز الخارصين
طبعا كلام متناقض مع الكتاب
لان ل تفتكروا طريفة ديفي الذي قال انه يمكن ارجاع الالكترون المفقود الي ايون الصوديوم بالتيار الكهربي وطبعا الصوديوم انشط من الخارصين
ولذلك يمكن للخارصين ان ياخذ الالكترونات المفقودة بالتيار الكهربي ويحدث له عملية اختزال
اي ان خلية دانيال ممكن تكون خلية ثانوية

السلام عليكم
صراحة انا غير راض عن طريقة الامتحان لانه لا يعكس المستوى الحقيقى للطلاب حيث ان الربط المفترض بين الابواب
لم يوجد فى الامتحان بصورة واضحة حتى ان بعض الاسئلة والتى من المفترض ان تقيس استيعاب الطالب لها لم توجد فى الامتحان على الاطلاق على سبيل المثال :
الاهمية الاقتصادية للمركبات على مستوى المنهج
المقارنة
دور العلماء
فى سؤال الخلية كان من الممكن ان ينوع النقاط بحيث يطلب مثال لخلية اولية مع كتابة التفاعل الكلى واخرى ثانوية وهكذا
لا اريد الاطالة ولكن لى تعليق على ان الامتحان لم يخرج من الكتاب والنماذج :
يا اخوانا من اهداف تدريس علم الكيمياء تنمية قدرات الطالب على البحث والقراء ولاطلاع لذا ليس من المناسب ان يقدس الطالب ذلك لدرجة انه يقابلنى طلاب يحفظون الكتاب المدرسى والنماذج عن ظهر قلب
لذا فانى انصح بان الكتاب المدرسى والنماذج ما هى الا اساس لعلم الكميمياء وعلى ان يطلع ويقرا ويناقش ويحلل ..الخ

دي نسخة من رأي الذي أعلنته قبل النموذج ـ
أولا أنا مختلف مع كل الزملاء الذين أقروا بأن خلية دانيال ثانوية لعدة أسباب
1 ـ مادة الآنود هي الخارصين وهو عنصر شديد النشاط ويصعب اختزال أيونات من المحلول مرة أخري وبذلك يتم استهلاك مادة الآنود ولا يمكن إعادتها لحالتها الآصلية ومن خلال خبرتنا العملية مع العمود البسيط الذي هو تبسيط لخلية دانيال لا يمكن إعادة الشحن
2 ـ الخلية الجافة و العمود البسيط هي تطوير لخلية دانيال مع تغيير مادة الكاثود في الخلية الجافة وهي خلايا أولية لا يمكن شحنها
3 ـ الكلام عن أن الخلايا الجلفانية خلايا انعكاسية جميعها كلام قديم ثبت خطؤه وتم تغييره بتقسيم الخلايا الجلفانية إلى أولية وثانوية حسب إمكانية إعادة الشحن وإذا لم نقر بهذا فيكون التقسيم إلى أولية وثانوية ليس له وجود ولا معنى
3 ـ السؤال أخفق في أنه لم يحدد الأقطاب وبالتالي مع تغيير الأقطاب يمكن أن تكون الخلية ثانوية باستخدام مثلا الرصاص وأكسيد الرصاص وحمض الكبريتيك أو استخدام أي أقطاب أخرى
4 ـ وبالتالي لكي يسأل عن نوع الخلية أولية أم ثانوية كان يجب عليه تحديد الأقطاب
فيما عدا ذلك فالسؤال ممتاز ـ فقط بحذف هذه الجزئية من السؤال ـ
5 _ لى ملاحظة أخيرة على سؤال التسمية الذي لم يتعرض له أحد : المركب 1ـ برومو ـ3 , 4 ـ ثنائي كلورو بنزين
التسمية السابقة وفق شرح الكتاب المدرسي لكن التسمية الصحيحة كما في المراجع الدولية الحديثة هي
4 ـ برومو 1 , 2 ـ ثنائي كلورو بنزين
مع خالص تحياتي للجميع أحمد دياب

<div align="center">بسم الله الرحمن الرحيم</div>

أعرفكم بنفسي أنا محمد غزال مدرس كيمياء من مدينة بلطيم وأحب أن أشارككم الرأي في موضوع الخلية الجلفانية هل هي ثانوية أم أولية
كان رأيي للطلبة أنها خلية ثانوية وذلك استنادا لكلام الكتاب القديم بأنها خلية ثانوية حيث يمكن إعادة شحنها عند توصيلها بفرق جهد أكبر قليلا ومما لاشك فيه أنه لم يتم توضيح نوع خلية دانيال في الكتاب المدرسي , ورأيي المتواضع أنها ثانوية لأنه ذكرها بصفة عامة فيكون كلام الكتاب المدرسي القديم هو الصواب
ولكن ما ذنب الطلبة التى لا تعرف الكتاب القديم
وماذنب المدرسين في التورط في قول أكثر من إجابة قد تحرجهم مع طلابهم والطلاب لا يقدرون أن هذا الأمر يمكن الأختلاف عليه كونه شئ يرجع الى تقدير المدرسين
وأخيرا أشكر واضع الامتحان لأنه وضع امتحان سهل من كتاب المدرسة ودليل التقويم ولا يوجد في الامتحان كله نقطة خلاف بخلاف هذه النقطة
ولكم منى دوام الاحترام لزملائى المدرسين وأخوانى الطلبة والطالبات

ادي اخرت اللي يمشي ورا كتاب المدرسة


الكيميا دي مادة مقرفة

الحمد لله ان النموزج قال ان الخليه اوليه لانى عملتعا كده

على فكره امتحان جامد اوى بس الحمد لله ممكن نطمع ف ال 50

أحييك على شجاعتك يا استاذ/ محمد غزال
وتمسك برايك بالرغم من أن نموذج الإجابة كاتب أنها خلية أولية وكان ممكن حضرتك تؤيد هذا النموذج وتظهر أن رايك يوافق النموذج وانك مدرس كلامك يتفق مع النموذج ولكن بعد ما قرأت رايك وتمسكك به زدت في نظري فعلا
وبالتالي إختلاف المدرسين في الآراء سببه يرجع بالدرجة الأولى لواضعي المناهج
فكيف يتم تدريس هذه النقطة في الماضي على أن خلية دانيال إنعكاسية ويعرف اقطابها بالأقطاب الإنعكاسية ومن ثم تعتبر ثانوية ثم اليوم تكتب في نموذج الإجابة أنها أولية
المدرس والطالب معذورين امام هذه الجزئية لأن الكتاب المدرسي الحالي لم يبين ذلك صراحة

[attachmentid=6070]أعزاءى الزملاء

وأعزائى الطلبة والطالبات

أولاً: يؤسفنى أن تكون هذه أول مرة أدخل فيها الموقع منذ غلقه وقد حاولت كثيراً الدخول أيام المراجعة لافادة الطلبة بأكبر قدر من أسئلة المراجعة والمسائل التى كنت أتمنى فعلا أن تصل لجميع أبناءنا الطلبة، وحتى الخميس الماضى حاولت أكثر من مرة الدخول، لكن كانت هناك مشاكل بالموقع ... قدر الله وما شاء فعل.

ثانياً: بالنسبة لامتحان الكيمياء:
الامتحان جميل جداً ومعظمه متوقع، وإن كان هناك اختلاف فى بعض النقاط إلا أننى أرى أن أى امتحان لا بد من أن تكون فيه أسئلة تعطى مساحة أكبر من التفكير،

ثالثاً: بالنسبة لسؤال خلية دانيال (الخلية الجلفانية)

- تفاعل الأكسدة والاختزال: تلقائى (غير انعكاسى) بسبب توقفها عن العمل بمجرد استهلاك مادة المصعد، وكذلك لأنه لا يمكن عكس تفاعل الأكسدة والاختزال...

وأتفق مع الأستاذ / أحمد دياب فيما قاله، وبالفعل تم تقسيم الخلايا الجلفانية إلى أولية (لايمكن اعادة شحنها) وثانوية (يمكن اعادة شحنها)

وبذلك تكون خلية دانيال فى هذه الحالة (خارصين ، نحاس) خلية أولية.

رابعاً بالنسبة للمسائل: فعلا كنت أتمنى أن يصل الملف التالى قبل الامتحان: وقد قمت فيه بحل مسائل أسئلة التقويم بكتاب المدرسة، والتى لم يخرج عنها الامتحان.


واليكم حل هذه المسائل:

السؤال الثانى ب)

BaSO4 --------- Ba++(aq) + SO4—aq

Ksp = [Ba++] [SO4

Ksp تساوى 1.04 فى 10 أس -5 فى 1.04 فى 10 أس -5

= 1.0816 × 10 -10

السؤال الثالث ب)
الكتلة المكافئة للكلور = 35.45 / 1 = 35.45
كتلة الكلور المتصاعد = 10 فى (20 فى 60) فى 35.45 / 96500
= 4.408 جرام
1 مول -----------> 70.9 جم
س مول -----------> 4.408 جم
عدد مولات الكلور = 4.408 / 70.9 = 0.06217 مول
1 مول -----------> 22.4 لتر
0.06217 مول -----------> س لتر
حجم الكلور المتصاعد (س) = 0.06217 فى 22.4 = 1.392 لتر

السؤال الخامس : د)

الحديد يحضر بإختزال أكسيد الحديد III حسب المعادله التاليه:
Fe2O3+3CO -----700:900&ordm;C-----> 2Fe + 3CO2
وبذلك فإن كل مول من أكسيد الحديد III يلزم لإنتاج 2 مول من الحديد
المول من Fe2O3 = (3 x 16) + (2 x 56) = 160 جرام.
Fe2O3 ------------------> 2 Fe
112 جرام <------------------ 160جرام
1 طن (1000000 جم) <------------ س جرام
كتلة أكسيد الحديد اللازم لانتاج طن حديد (س) = 1428571.42
حيث أن نسبة أكسيد الحديد فى الخام هى 45%
إذا كل 100 جم من الخام ------------> 45 جم من أكسيد الحديد III
س جم من الخام ------- ------> 1428571.42 جم من أكسيد الحديد III

كمية الخام بالجرام = 3174603.174 جرام من الخام.

كمية الخام بالطن = 3.174 طن من الخام.

السؤال السادس ب) الحل: عدد مولات حمض الهيدروكلوريك المستخدم = الحجم باللتر x التركيز
10 / 1000 فى 0.1 = 0.001 مول.
وحيث أن 1 مول من NaOH يتفاعل مع 1 مول حمض HCl.
عدد مولات هيدروكسيد الصوديوم = عدد مولات حمض HCl = 0.001 مول

1 مول من هيدروكسيد الصوديوم ---------------> 40 جم
0.001 مول من هيدروكسيد الصوديوم ---------------> س جم
كتلة هيدروكسيد الصوديوم فى المخلوط = 40 فى 0.001 جرام = 0.04 جرام
نسبة هيدروكسيد الصوديوم فى المخلوط = وزن هيدروكسيد الصوديوم / وزن المخلوط فى 100 = 0.04 على 0.2 فى 100 = 20 %

مع خالص تمنياتى بالتوفيق للجميع

السلام عليكم

الحمد لله عملتها اولية
وحدرتك ممكن تتطلع على الموقع ده
http://en.wikipedia.org/wiki/Primary_cell

الخلايا الاولية من ضمن امثلتها خلية دانيال
+ ان انا لو قولت انها ثانوية هقول التعليل ايه ؟ هيكون الكلام كله تأليف وكلام ليس في الكتاب انما لو قولت انها اولية هقدر اقول الكلام الي في الكتاب انها تتوقف عندما كذا وكذا وكذا ..

شكرا..

هى مصر هتالف كمياء روح www.howstuffworks.com (http://www.howstuffworks.com) واتعلموا
اذا كان الليثيوم بيختزل في بطاريت موبايل حضرتك يبقى الخاصين لا <_<

دي صورة مرفقة حدرتك للي انا اقصده

يا حبيبي انا مقصدش
اللي انت بتتعلموا حاجة وهما حاجة
اقرا المقال كله وهتلاقي بطارية الموبايل الي هي Li-ion اولية واظن انها بتتشحن
يعنى تعليم زبالة ودولة زبالة انا احسلي هبقى زي سعيد صابر واهاجر ك* امك يا مصر

طيب هدي نفسك يا باشا
ولا يهمك ياعم
هو التعليم كدا في مصر
عظيمة يا مصر ..

;)

يا جماعة الخلية الجلفانية خلية ثانوية حسب نموذج الاجابة
الله اكبر جاء الحق وزهق الباطل ان الباطل كان زهوقا

انا اسمى الاستاذ محمد وحيد مدرس لمادة الكيمياء فى محافظة البحيرة

لاحول ولا قوة الا بالله
نموذح الاجابة جت فيه اولية ولا ثانوية ؟
هو احنا مكتوب علينا التوهانة حتى في معرفة الاجابة مش في الحل بس
يلا حظنا اللطيف .. المنهج مليان حاجات يرخم فيها وجايين في الهايفة ويتصدروا
وارجع واقول شوفوا اللينك ده
http://en.wikipedia.org/wiki/Primary_cell
-----------
[edit] List of primary cells
Most of these cells are now used only for demonstration purposes in laboratories. For further details see the individual articles.

Leclanche cell
Daniell cell
Grove cell
Bunsen cell
Chromic acid cell
Clark cell
Weston cell
-----

هو ازاى عدد المولات 1 اما التفاعل انعكاسى :angry:

حسبى الله ونعم الوكيل :angry:

فعلا كلامك صح
وانا لا اغير راي حتي لو كان النموزج عملها اولية ولست من المدرسين الي هيمشي ورا نموذج الاجابة
وزعلت قوي من كل مدرس ظهر النهاردة بالذات وقال انه اولية طيب كنتوا فين من يومها
وإشمعنا النهاردة يعني كله ظهر وكاتب صفح في الحل والله حاجة تجنن
وارجو من الجميع ان يقولوا كلمة حق ويسيبهم من كلام تموذج الاجابة
وشكرا جدا جدا علي الاستاذ العظيم سيد عثمان علي تمسكه برأيه
ورغم هذا اعلن حل نموذج الاجابة بدون اي خجل
وهذا والله عيب كبير جدا من واضع الامتحان والله الي حاطت الامتحان ممكن يكون نفسه متحير في حلها

حسبى الله ونعم الوكيل
:ph34r:

<div class=\'quotetop\'>إقتباس(emo_yahia @ Jun 30 2007, 06:33 PM) 337393</div><div class=\'quotemain\'>
يا جماعة الخلية الجلفانية خلية ثانوية حسب نموذج الاجابة
الله اكبر جاء الحق وزهق الباطل ان الباطل كان زهوقا

انا اسمى الاستاذ محمد وحيد مدرس لمادة الكيمياء فى محافظة البحيرة
[/b][/quote]
انا عاوزه اعرف الخليه ايه بالضبط

هو غالبا اللى حط الامتحان مش عارف هى اوليه ولا ثانويه

طب ينفع حد ينزلنا نموذج الاجابه عشان شكل فى أكتر من نموذج حسب كلامكم :( :( :(

حسبى الله ونعم الوكيل

شكرا لك يامستر دادمونى على هذا التوضيح وشكرا على حل الأسئلة الجميلة دى
ولى تعقيب اننى غير مقتنع بأنها أولية
وشكرا لكم

يا جماعه ما ينفعش كده اللى يعرف بجد نموذج الاجابه ياريت يقول الصح ايه عشان انا دماغى هتفرقع :( :( :( :( :( :( :(

نموذج الإجابة الرسمي لمادة الكيمياء ( جميع الأسئلة ماعدا السؤال الثاني لأن ورقته سقطت مني وغدا سوف أحصل عليها وأضعها على البوابة إن شاء الله )



إضغط هنا (http://upload.9q9q.net/file/sSpMpm33x/------------------------2007.doc.html)

أولا أنا أحيي كل زميل شارك في النقاش
ولكن الاختلاف في الرأي مش معناه الطعن في الآخرين واتهامهم بعدم الموضوعية والمشاركات اللي كانت بالأمس وتم حذفها كان فيها رأيي واضح وصريح
ثانياً : لا أعتقد ان الساعة 8 و40 دقيقة كان لسة حد شاف نموذج الإجابة اللي لسة إلى الآن لم أطلع عليه
ثالثا أنا قلت رأيي اللي اختلفت فيه مع الزملاء ولم أورده بلا دليل
ثالثا انا انتقدت السؤال وعقبت على عدم دقته في عدم تحديد الأقطاب
رابعا : الخلاف في الرأي مش معناه العداء لكن الإقناع هو السبيل لحل الخلاف
خامساً العلم في تقدم والمعلومة الصحيحة اليوم غداً يتبين خطأها وإلا ازاي بندرس تطور مفهومنا عن الذرة
وإلا كان بور وطومسون ورذرفورد بقوا أعداء وواحد يقول ان التاني قال النظرية بعد ماشاف نموذج الإجابة
أرجو أن نتحلى بالروح العلمية في النقاش وعدم التعرض للأشخاص بالتجريح لأن ده مش في صالح المنتدى ولا الطلبة
أخيرا تدريسنا لابد يكون مبني على التفكير وليس الحفظ وليس الفيصل هو الكتاب المدرسي و أوضح انني قلت لطلبتي تكتب الأسم الصحيح للمركب العضوي اللي ييجي في الامتحان حتى لو اختلف مع الكتاب المدرسي وأنا متأكد أنهم هيخسروا درجة في الاختبار من ذلك الإصرار على كتابة الاسم الصحيح ـ مع علمي باختلاف البعض مع ذلك الاسم ـ لأنه يستشهد فقط بالكتاب المدرسي
أحمد دياب

مشكور جدا استاذ سيد
انا بعد ما كنت حاسبه انى عندى 3درجات بقوا 5.درجه بس الحمد لله
وجزاك الله كل خير

استاذي العزيز الاستاز سيد بعيدا عن نموزج الاجابة الذي لم نجده اصلا
السؤال بتاع هل الخلية اولية او ثانوية ( هي خلية اولية ) وبدون زهق خليك معايا شوية
1 - من المعروف ان الخلية الموجودة خلية جلفانية ( دانيال ) معايا
2 - ومن المعروف ان الخلايا الجلفانية قد تكون اولية او ثانوية صح
3 - ما هو الفرق بينهما . ان الفرق بينهما ان الخلية الثانوية يمكن اعادة شحنها
4 - كما ان الخلية الاولية من الممكن ان تكون سائلة وذلك لان الخلية الجافة الموجودة حاليا هي تطور لخلية دانيال
5 -هل الخلية الموجودة تنتج الطاقة الكهربية تلقائيا ( اي في حالة تفريغ ) ام في حالة شحن طبعا في حالة تفريغ
6 - كما ان هناك مقولة تنص علي ان الخلايا الجلفانية اثناء التفريغ تعمل كخلايا الكترولتية
7 - رغم انني متاكد ان نموزج الاجابة هيتغير علشان تبقي ثانوية
ولكم مني جزيل الشكر

اسف اثناء الشحن
كما ان السؤال الذي يقول ما عدد جزيئات المتفاعلة ( انا متاكد انها 3 جزيئات وليست جزئ واحد عكس كتاب التدريبات ) وذلك لان التفاعل انعكاسي فتكون كلا من الاتجاهين الطردي والعكسي موجودة في حيز التفاعل وتكون كلها متفاعلات ( علي الرغم ان جميع طلابي عملنها واحد مول ) ايه رايكم
د

أن تموت وأنت تدافع عن مبدأ خير لك من
أن تعيش بغير مبدأ

هذه الاسئلة تدل على ان خلية دانيال خلية ثانوية وهى
علل خلية دانيال خلية انعكاسية
ماذا يحدث لو وصلنا خلية دانيال بمصدر للتيار اكبر قليلاً من قوتها الدافعة الكهربية

السلام عليكم
لو ممكن اشارك برايي
1- بالنسبة للامتحان مطابق بالنص لكتاب الدليل والمدرسة ماشي ................ بس يا تري واضع الامتحان زيه زي باقي الموجهين اللي بيمروا علي المدارس وهم لا يعرفو عن المنهج شئ وانا لا اتهم أحد و لكن أقسم ان هناك عد موجهين لايدرون من المنهج الا اسمه وبالدات بعد تعديله أصبح ايضا بعض المدرسين لايعرفون ويتناولون المنج بأساليب محيرة
والدليل عليه:
عند تغيير كتاب الصف الاول شرحت مسائل الحساب الكيميائي من المدرس بطريقة وناتج مختلف عن الموجه والناتج طلع في الاخر غير الكتب ادا من لنا ؟ ومن اين نتعلم
امتحان الصف الثاني جميل ولكن كيف يختلف المدرسون علي نقطة وواضع الامتحان ونمودج الاجابة
الخلية لو كانت اولية كما يقول واضع الامتحان من المفروض يكون المقصود بها الوقوف عند موضع انها لن تتوصل بجهد كهربي اعلي قليلا فلو فضلت علي حالها بدون توصيل مصدر خارجي اعلي قليلا في الجهد الكهربي فلن تنعكس الاقطاب
اما لوكانت ثانوية فانها تنعكس الاقطاب بعد توصيلها بمصدر اعلي قليلا
ديه لعبة استغامية ولا ايه
وبعدين التسمية في المركبات هل نسمي
البرومو وبعدين الكلورو تبعا للابجدية حيث حرف الb قبل c في الابجدية الانجليزية ولا اني اسا للتسمية هنسمي
ومعني كده اني اكون حالل حل صح كطالب واتعاقب وينزل مجموعي بالخمس درجات علشان انا مخدتش درس عند واضع الامتحان علشان هو رأيه الوحيد اللي صح؟
ومعادلة الحديد عملنا المعادلة ومعرفناش نقسم ولا نضرب في 0.45 اللي جابها طيب ننقص ده كله ليه ولمصلحة مين انتو مع الطالب ولا ضده
وليه أوقات زي ديه نلتزم بنموزج اجابة عقيم واضعه يجهل المنهج وقواعده
تعالو بقي نعمل هجمة عليه ونسأله في الامتحان علي الغايب ونصححه ونشوف هيجيب كام؟
بس يا تري مين هيصححله طالب من اللي كان ناوي يجيب 50 ولا مدرس حيران ولا...............نروح البيت بيتك يتخانق معاه محمود سعد شوية

حسبي الله ونعم الوكيل

--------- الخلية ثانوية 100 100
---------- لكن في الكتاب المدرسي
يستمر التفاعل الي ان تستهلك مادة المصعد تماما وتنضب ايونات المهبط
وعلي كلامه
اذن خلية اولية
-------------- والله المستعان

<div class='quotetop'>إقتباس(عاطف خليفة @ Jul 1 2007, 05:15 AM) 337662</div>
--------- الخلية ثانوية 100 100
---------- لكن في الكتاب المدرسي
يستمر التفاعل الي ان تستهلك مادة المصعد تماما وتنضب ايونات المهبط
وعلي كلامه
اذن خلية اولية
-------------- والله المستعان
[/b]
يعني ايه الخلية ثانوية 100 100 و اذن اولية
هي كوسة ولا ايه
مش فيه كلمتين " تستهلك " و " تنضب "
عاوز بعد الكلمتين دول تقولو ثانوية ده لاموأخذة يعملك نايم :D

طبعا لما تنضب الأقطاب لا توجد أصلا خلية

أما إذا لم تنضب فهي ثانوية

والأستاذ عاطف لا يحابي أحدا

ولا أنا ، وتأكد أن معظم الطلبة الذين أعرفهم كتبوها أولية الا المتميزين منهم ، وهذا لا يعني أن نحابي الباطل

ويمكن ان يكون الطالب حاصل على الدرجة في الحالتين سواءا أولية أو ثانوية لأن الخطأ ليس من الطالب

وشكرا للأستاذ عاطف

ايييييييييييييه الي بيحصل ده.......

لو سمحت يا مستر مفيش حاجة اسمها نحابي ونجامل وبالباطل.. ومش كتبها الا المتميزين والكلام ده لان الخلية اولية وفي اساتذة بيقولوا كده واغلبهم ...... لانه لا يمكن شحنها مرة اخرى ......... يبقى ايه فيه اساتذة متميزين وتانين وحشين زي الطلبة ... كفاية يا جماعة الاحباط الي بيجلنا ده

اشكرك استاذي جابر شكري
وكما اري دائما انك معلمنا البار
ومثالنا في الرد العلمي المقنع
المبني علي العلم والخلق الحميد
ومنك نتعلم
اما اخي الحبيب
o0o FrDeT sHraB o0o
فادعوه الي التحلي بالعلم
والموضوع بسيط جدا
اذا كان طالب
فله درجته باي حال
لكن نصيحتي اخي
التحلي بالخلق في ردودك
لان هذا المنتدي
للعلم والتعلم
وليس التعالم
اذا كنت طالبا فليس من شائنك النقاش لان لك درجتك وفقط
واذا كنت معلما فنرجو الافادة
والله يوفقك

<div class='quotetop'>إقتباس(عاطف خليفة @ Jul 1 2007, 06:30 AM) 337673</div>

اذا كنت طالبا فليس من شائنك النقاش لان لك درجتك وفقط
واذا كنت معلما فنرجو الافادة
والله يوفقك
[/b]
يعني الطالب لاموأخذة هفأ هنا يعني , يعني ايه" فليس من شائنك النقاش " هوا مش انا لما بدرس الكيميا في السنة دي يبئا
بتساوي بمعرفة المدرس بالمادة ولا ايه بالظبط
انا درستها و الاستاذ درسها يبئا كله يتناقش
وفي الاخر انا مواطن B)
يبئا انت اكيد اكييييييد في مصر :huh:

معذرة اخي العزيزo0o FrDeT sHraB o0o
فلك كل الاحترام والتقدير
ونتمني ان تكون عالما في اي مجال
وتفيد بلدك
وربنا يوفقك
ولم اقصد اي شئ
وكلنا لاجل مصلحتك

:huh: :unsure: huh? i'm lost
lol :P but don't mind

اسفا على امم تبدل حالها وحل بها فى الحاثات خيام [b] [/bاحب اعرفكم بنفسى انا اسمى محمد وحيد الدين مندر لمادة الكيمياء فى محافظة البحيرة انا اقسمت للطلبة ان الخلية ثانوية المشكلة فى اليمين اللى انا حلفتة اصوم ثلاثة ايام ولا اية دللونى وانا مازلت مصمم ان الخلية ثانوية المشكلة فى المين والله ما اعرفاعمل اية] انا مع الناس اللى عايزة ترفع مذكرة بسبب هذه الجزيئية لان الساكت عن الحق شيطان اخرس

يا أخ / emo_yahia يمينك سليم والخلية ثانوية 100 × 100 واليك هذا الرابط بالدليل على صحة يمينك


إضغط هنا (http://www.thanwya.com/forums/index.php?showtopic=28499)

الخلية ثانوية ولااولية؟ بطلوا بقى هبل اذا كان المدرسين نفسهم مختلفين احنا نعمل ايه؟

نفسى اعرف نموذج الاجابة ليه عنده انفصام فى الشخصية؟ربنا يشفيكم من التخلف. قولوا امين .

بسم الله الرحمن الرحيم
استاذتي الكرام .. ابنائي الطلبة الاعزاء
اذا كان هناك اختلاف بيننا علي نوع الخلية اولية ام ثانوية فهذا ليس قصور من مدرس
ولكنه قصور في مناهجنا الدراسية العقيمة التي ماذالت تتمسك بكل ما هو قديم وبالي . علي ان الخلية الاولية لابد وان تكون جافة فهذا كلام عاري عن الصحة . لان الكتاب مكتوب فيه ان الخلية الاولية لكي يسهل نقلها لابد وان تكون جافة ... وسواء تم تغير النموزج ام لا ..........ز
فلا يحق لاي طالب مهما كان ان يتطاول في الكلام علي مدرسيه ويتكلم باسلوب غير راقي معهم
ثم اي طالب يتساوي مع مدرسيه ( في المادة العلمية ... الذي هو تخصصه من سنين طويلة ) ثم ان المدرس يحاول اضافة المزيد من معلوماته من مجلات ومن المراجع وغيرها ( ومن الافضل لهذا الطالب او الطالبة ) ان يحولادبي احسن له
ولكن النقاش الراقي نرحب به......... والافضل لك ان نترك الكلام للمدرسين المتخصصين فقط ولكم مني جزيل الشكر

حل المسالة صحبح
لكن نا راي نموذج الاجابة
[attachmentid=6090]

انا حليت المسأله بنفس الطريقه دى بالظبط يا ريت تقولولى هتتحسب صح ولا لأ ارجوكم

100 100 صح

يا جماعه انتو مكبرين الموضوع ليه المسائل جايه مباشره يعنى الحمد لله

يا دكتور عاطف إطمئن كل الحلول الصح بيؤخذ بها
النموذج جيب إجابه لكن أى حل صح أخر الطالب بيأخذ الدرجه عادى
يعنى متقلقش

اتقدم لكل الأعضاء بمنتهى الأسف والإعتذار على عدم دقة خبر تعديل النموذج
والله والله والله لم أقصد البلبلة ولكن كل ماحدث أنني ارسلت المرجع العلمي الذي يثبت أن الخلية الجلفانية ثانوية مع أحد المصححين وهناك أتصل بي وقاللي بالحرف الواحد أنه ومجموعة أخرى من المدرسين ومنهم الأستاذ جابر شكري مع واضعة الإمتحان ثم أتصل بي وقال أنها وافقت على التعديل ولكن بإتصالي بعد ذلك بالأستاذ جابر شكري أكد أنها لم توافق على التعديل
لذلك أتقدم بكل اسف وإعتذار لجميع الأعضاء
والله والله والله لم أقصد البلبلة واتمنى من الله أن تتقبلوا إعتذاري

أستاذ//سيد من فضلك كلمنى على الاميل الان
ولا داعى للأسف

<div align="center">بسم الله الرحمن الرحيم</div> استاذى الفاضل سيد لا داعى للاسف حضرتك اخ فاضل وكنت تقصد تفرح معظم الاعضاء بالخبر ماعدا انا لانى عملتها اوليه وعلى العموم مازلت اكرر احترامى لحضرتك وجهودك الكبيره لاراحتنا من هذا القلق

استاذي الفضل /سيد عثمان لا داعي أن تتاسف ومحصلشي اي حاجة والغلطة ليست غلطتك انما غلط واضعة الامتحان
واللله يا أستاذ سيد حضرتك شخصية محترمة

للأمانة منقول من موقع الأستاذ

نموذج إجابة الكيمياء الكامل الرسمي

ومكتوب ان مفيش تعديل زي ما استاذ سيد عثمان قال

http://www.elostaz.com/modules.php?name=Se...ticle&artid=381 (http://www.elostaz.com/modules.php?name=Sections&op=viewarticle&artid=381)

المرة دي ألحقوه بيه تعليمات التصحيح

والله حلوة

<div class='quotetop'>إقتباس</div>فمن لا يكتب المعادلة موزونة ينقص نصف درجة على كل معادلة
من لا يخرج الماء المعادلة خاطئة وهكذا
من يحل المسئلة بصورة صحيحة والناتج خاطيء يحصل على الدرجة كاملة[/b]


صفحة التعليمات بس

http://www.elostaz.com/ta3lim/2007/nam-chem/8.htm

:D

يا جماعه ممكن حد يرد عليا الروابط فى السؤال السادس تنفع روابط سيجما ولا غلط انا بعتها كتير ومحدش بيرد عليا

يا استاذ سيد انا حليت مسئله الحديد بس انا حليت المسئله كلها بالطن بس انا نسيت احولها للكيلو جرام غلط ولا صح ممكن لو سمحتم اى مدرس يرد عليا بسرعه

شكرا جدا طمنتينى
ربنا يوفقك يا رب

ياريت حد يجاوبني وياريت لو مدرس في امتحان الكيميا السؤال الثالث د) رقم 2
اكتب الصيغة البنائية لـ 4-كلورو 4- ميثيل 2-بنتين

اناعملتها CH3-C-CH=CH-CH3
وطبعا حاطة ال Cl و CH3 في ذرة الكربون 4 بس في باقي ذرات الكربون مش موزعة الاتشات بروابط

في نموذج الاجابة موزعينها كده انقص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا ريت الرد بسرعة

يا جماعه ممكن حد يرد عليا الروابط فى السؤال السادس تنفع روابط سيجما ولا غلط انا بعتها كتير ومحدش بيرد عليا

يا جماعه ممكن حد يرد عليا الروابط فى السؤال السادس تنفع روابط سيجما ولا غلط انا بعتها كتير ومحدش بيرد عليا

<div align="center">يا مسهل

على السنه الجايه على ما تجيلك ايجابه
</div><div align="center"> </div>

انا حسبت درجاتي لقتها 30 :o :blink:

أعزائى

تحية طيبة وبعد

لقد حاولت الدخول على الموقع يوم الامتحان مباشرة للادلاء برأيى فى امتحان الكيمياء، لكن الموقع كان مغلق (يؤسفنى هذا)

ومعذرة للتأخر: لكن الامتحان جميل ومن كتاب المدرسة وبالنسبة لسؤال الخلية الجلفانية أقول:

1) أن الاختلاف فى الرأى لا يفسد للود قضية.

2) أنه يفضل عمل منتدى خاص بالسادة أعضاء هيئة التدريس لمناقشة مثل هذه النقاط بعيداً عن الطالب (لماذا؟)

لأنه للأسف فى ظل نظام التعليم هنا فى مصر (الطالب ملتزم فقط بما يدرس له) ولا يجب أن يبحث أو يبتكر أو يتعب نفسه فى تجميع المعلومات أو الحصول على أى معلومة، حتى وإن كان سيقدر هذا بدرجات أخرى كأعمال السنة الدراسية، وهكذا...

معذرة للإطالة

وأسأل الله أن يثبتنا جميعاً على الحق.

السلام عليكم ورحمة الله وبركاته

انا طالب في ثالثة ثانوي وامتحنت كيمياء

والامتحان شايفه صعب والنموذج جاي زي الزفت ليه مش عارف

المهم حسب علمي ان اي سؤال في الامتحان لابد أن تكون اجابته من الكتاب نصا فيما عدا المسائل والكلام ده

بالنسبة لسؤال خلية دانيال .. دلوقتي انا طالب واخد كتاب الكيمياء ومذاكره وداخل امتحن عليه
لما يجيلي سؤال زي ده

طبعا لازم اكتب كلام من جوه كتاب المدرسة ؟
طيب على اي اساس اقول انها ثانوية ؟
هقول ان تفاعلاتها بتنعكس ؟ عرفت منين ؟ بألف كلام ؟ بطبق كلام خلية المركم على دانيال ؟ الكتاب قالي انها بتتشحن ؟ الكتاب قالي انها ثانوية ؟ الكتاب قال انها انعكاسية ؟

انما لو قولت انها اولية هقدر وانا واثق اقول كلام موجود في الكتاب وهو ان التفاعل بيتوقف لما بيستهلك مادة المصعد ( الخارصين ) او تنضب ايونات نصف خلية المهبط ( نحاس ) ........ الخ الخ
كلام مقنع وموجود في الكتاب .. وطالما الكتاب مذكرش ان التفاعل انعكاسي يبقا مقولوش انو بينعكس


كون المعلومة خاطئة علميا ..او كانت في الكتاب القديم ده مش ذنب طالب 2007 الي معاه كتاب 2007 وداخل يمتحن بيه
دي غلطة واضع امتحان الطالب ميشيلش ذنبها
--------
نيجي لنقطة تانية
نموذج الاجابة ليه متشدد كدا ؟!!
المسائل محلولة كدا ليه ؟
افرض حد حالل بطريقة احسن من دي بس مش بالخطوات دي وحل واضح وصريح ومفيهوش اي غموض او انتقاص من الحل
ليه اعملها زي ماهو عامل ؟ هي دي كمان من الكتاب ؟!!

نيجي لمسألة الحديد ..
المعادلة ليه حاططها في النموذج ؟ ( مع اني عاملها )
مش المفروض اني بستخدم اقصر الطرق للوصول لحل مسألة مطلوبة وانا حليتها من غير المعادلة بس كتبتها صورة كدا وخلاص لاني ملسوع في الاحياء السنة الي فاتت في حاجه شبهها
المفروض اني اطلع له نتيجة صحيحة مع خطوات وافية غير منتقص منها شئ لكن برضه بدون التمادي في حاجات اقدر استغني عنها ..
خسران حاجه لما يقول اعمل المعادلة ؟ ولا ايه مش فاهم ؟؟


وارجع واقول الي يشوف النموذج يقول ان الامتحان كان سهل وبيصعبوا علشان يعوضوا السهووولة المتناهية
بس مش عارف انا شايف انه ده اصعب امتحان كيمياء في الفترة الاخيرة حصل ومع ذلك رخامة في النموذج محصلتش قبل كدا
ليه الرخامة بقا في نموذج الاجابة دي المسألة اجاباتها مسخررررررة بجد مسخرة ( في رأيي )
ومعروف اصلا ان الكيمياء من الحاجات الي بتوقع درجات كفاية انه وزن المعادلة او شرط التفاعل عليه نص درجة يعني بسهولة الدرجات تنقص او زي ما التعليمات بتقول لو مركب صيغته اتكتبت غلط تاخد صفر في المعادلة امال كتبتها ليه لما اخد عليها صفر

ليه معملوش زي نموذج الفيزياء جاي زي الفل مع ان الامتحان مش في صعوبة الكيمياء

وعموما ده مجرد رأي وياريت حد يقولي انا صح ولا غلط ولا ايه


شكرا

الروابط سيجما صحيحة

انا وكل اصحابي وكل كفرالشيخ حاللين بالحل ده
وربنا يستر لان شكلنا هنشيل كيمياء بسبب النموذج المقرف ده
عجبي .. بيعاملونا وكأن الامتحان سهل فقالوا ما تيجوا نرخم شوية ع البشر
وقد كان !!

انا شايف ان رايك صح بس بردو انا هببت في الامتحان و شايف انه كان للطالب المتوسط فما فوق

ومافيش حاجه ضايقتني غير الخليه -- كيف تحصل علي --- مساله الحديد مما يدل علي ان معظم الامتحان كان سهل
ولا ايه رايك
و لو حتي الامتحان سهل او صعب ماحدش يقدر يعمل اي حاجه دلوقتي عشان كده انا شايف ان احنا لازم نتمتع بالاسبوعين قبل النتيجه و مانفكرش في الامتحانات لان التفكير لاهيودي و لاهيجيب
و ربنا يستر وادعولنا ياشباب

والله يا أخى أنا موافقك فى كل إلى إنت قولته دا بس أنا شايف إن الخلية دى لازم تكون أولية وبالأخص لازم تكون دانيالية
لأن دا إلى مكتوب فى كتاب الوزارة وإلى يقول غير كدا يبقى بجد يعنى أعمى ومش ذنبنا إحنا بقى أما واضع الإمتحان يكون جايب حاجة مش مكتوبة فى كتاب الوزارة
وكما حاجة المسألة بتاعت الباب السابع دى
هو عايز عدد المولات إلى بتتحد
وأنا شايف إن المركب p2cl5 دا بيتفكك مش بيتحد علشان كدا الإجابة لازم تكون 2 مول مش مول واحد لأن المركب دا بيتفكك مش بيتحد
إلى بيتحد هى النواتج بتاعته علشات تدينا المركب دا (p2cl5)

ف حكاية P2Cl5 دي المفروض تناقشوها لما حليتو النماذج بتاعتها مش لما جت ف الامتحان عشان لو فيها غلط يتصلح بدون ما نخسر درجات

[b]ولأبنائنا الطلاب أقول هذا من مصلحتكم فلن يتضرر طالب انشاء الله من التغيير ان حدث

يارب يا استاذ جابر تتعدل عشان كده والله حرام يعنى اللى يكتبها غلط ياخد الدرجة واللى يكتبها صح مياخدهاش ربنا ينتقم منهم :( :(

انا كــنت كاتبها ثانويه و بعدين خلتها اوليه وبعدين رجعت خلتها ثانويه و في أخر خمس دقايق قلت بلاش فزلكه وخلتها أوليه
يارب يمشوا الإجابتين وخلاص ودا المفروض إلي يحصل من المدرسين إلي بيصححوا

أستاذ //جابر الله يبارك فيك يارب
أمس أخذت صور المراجع بالكامل من الأستاذ//سيد وارفقت بها صورة من نموذج الإجابة
وأتصلت بالاستاذ//اشرف مدير الموقع ووضحة له الأمر قال ارسل ليه هذه المذكرة بمشتملتها
للأتصال بالدكتور مصطفى مشرف عام الامتحانات وتقديم المذكرة بالمرفقات له
وبالفعل ارسلت له المذكرة بمرفقاتها حوالى الساعه 12.20ليلا" لسوء النت


والأن كل الأوراق عند مدير الموقع ليعرضها على الدكتور مصطفى وأعتقد أن شاء الله يصلنا رد اليوم او غدا"


<div align="center">صفحة التعليمات </div>
http://www.wsooom.com/upload/uploads/1813d216f0.jpg (http://www.wsooom.com/upload)

http://up.graaam.com/p8ic/2989ea2675.jpg (http://up.graaam.com/)

طب لو حصل تعديل العينه هتتراجع تانى ولا هتتظلم

يا جماعه اللى حصل حصل وربنا عارف اللى ذاكر من اللى مذاكرش وربنا مش بيظلم حد وعسى أن تكرهوا شيئا وهو خير لكم ولله أعلم الخير فين دى حكمة ربنا . المهم ان احنا عملنا اللى علينا ومأصرناش فى حاجة ومنقولش غير ربنا معانا ومش هيضيع تعبنا . حسبى الله ونعم الوكيل.

أرموا حمولكم على الله ربنا قادر على كل شيء . أنا برضه عكيت فى الأمتحان بس زعلنا مش هيرجع الماضى . ما علينا الا الدعاء .

لااااااااااا حول ولا قوة الا بالله ياجماعة متخلوش الواحد يكره المنتدى انا كل يوم ادخل المنتدى اطلع منهارة منه ... والله حرام كفاية وجع اعصاب المسكنات خلصت عندنا في البيت من كتر ما الواحد بياخد منها انسوا بقه الي حصل حصل وبلاش وجع اعصاب الواحد تعب اوي بجد ....حراااااام وكفاية ارجوكم كل يوم خبر جديد يخلي الواحد هيقع من طوله ... ربنا يهدي الجميع

حسبى الله ونعم الوكيل :angry:

<div align="center"> بسم الله الرحمن الرحيم </div> النموذج صح ميه فى الميه وانا مش مقتنعه انها ثانويه خالص ولا عارفه ايه وجهه نظركم وخلاص اللى اتكتب اتكتبوالى ربنا كاتبه هنشوفه ارموا الثانويه بقى وعيشوا اجازتكم وما تنسوش اننا فى اجازه لحد 1|8 وبس الى هيقبل النصيحه اهلا والى مش هيقبل هو حر :rolleyes: :rolleyes: :rolleyes:

انا شايف ان الاستاذ منيو جاب المفيد
فعلا
واهنئك علي هذه البدايه القويه و اتمني لك المستقبل المشرف
B) B) B) :ph34r: B) B) B)

فعلا يا جماعه الامتحان مكنش تمام

شكرا للأساتذه / أ. جابر شكرى وأ. سيد عثمان وأ. جمعه الدهشان(عبدالله)

بس أنا من رأيى: إن الطالب اللى عملها أولية (يأخذ الدرجة كاملة) لأنها غير واضحة بالمنهج الجديد...

وإن الطالب اللى عملها ثانوية (يأخذ أيضاً الدرجة كاملة) لأن ذلك يتفق مع فهم الحقيقة العلمية...

ولا فيه رأى آخر؟

هو دية الرئ يا أستاذنا ودا اللى بنقوله بالحرف الواحد

تمام يا أ. جمعه

كل الحب والاحترام
كل التقدير
قدم الاستاذ سيد عثمان
كل الادلة القاطعة بان الخلية ثانوية
-----------------------------------------
ولي راي للاثبات وهو ان نحاول الاتصال
بالاستاذ الدكتور - محمد المتولي غنيم استاذ الكيمياء الكهربية كلية العلوم - طنطا
وهو احد المشرفين غلي كتاب الوزارة
-- والاتصال بالدكتور استاذ الاساتذة استاذ دكتور رافت عيسي - وهو استاذ الدكتور احمد زويل
والدكتور عيسي استاذ كهربية
---------------------------------------
واعدكم الاتصال بهم والرد
--------------------------------------
وعندي كورس للاستاذ الدكتور غنيم درسناه في تمهيدي الماجستير
سابحث عنه واوافيكم به ان شاء الله قريبا
----------------------------------------
والله الموفق

واضم صوتي
الي استاذ جمعة واستاذ الدادموني
الطالب ياخد الدرجة كاملة في الحالتين

أشكرك يا دكتور عاطف على اهتمامك وانا من ناحيتي سوف ابحث في مراجع أخرى عن هذا الموضوع ومنتظر رد حضرتك بعد اتصال حضرتك بالدكاترة ولك مني جزيل الشكر

جزاك الله كل خير يا دكتور عاطف واحنا فى الانتظار

استاذي جابر شكري
استاذي سيد عثمان
استاذي جمعة
استاذي وائل الدسوقي
استاذي الدادموني
كل اساتذتي الكرام
--------------- لقد قمت بالاتصال بالاستاذ الكتور محمد صلاح كامل بنات استاذ الكيمياء العضوية غير المتجانسة قسم الكيمياء
--------------- جامعة اسيوط 0882331164
بمنزله الساعة 11 صباحا
وعرضت عليه السؤال
واتصل بدوره باساتذة الكيمياء الكهربية
في نفس الوقت
------------------ وكان الرد كالاتي
1- اسم الخلية خلية جلفانية
2- التفاعل تلقائي
3- القطب B هوالاعلي جهد اكسدة لانه مصدر الالكترونات للسلك الخارجي حدث له اكسدة
4- الخلية اولية - الخلية اولية - الخلية اولية - الخلية اولية
لانه لا يمكن شحنها
حيث باستمرار تشغيلها علي ما هي
يتاكل الانود تماما وتنضب الايونات في نصف خلية الكاثود وتتوقف الخلية عن العمل تماما
------------------------------------------------------------
وقد سجلت المكالمة علي التلفون المحمول
وساوافيكم بها
عندما اعرف اسطوانة التلفون علي الكمبيوتر اليوم
-----------------------------------------------------------
وغدا ان شاء الله
ساوافيكم برد كلية العلوم طنطا وعين شمس
كما وعدتكم صوتا وصورة
------------------------------------------------------------
وعلي من يريد الاتصال بالاستاذ الدكتور محمد صلاح كامل جامعة اسيوط
قبل الساعة 2 ظهر الثلاثاء
او بعد غد الخميس لانه مسافر
----------------------------------------------------------
اخوكم عاطف خليفة

مشكور ا جدا يا دكتور عاطف ولمزيد من الإقتناع بأن الخلية الجلفانية أولية لي تسائل بسيط
ياريت تسال السادة الدكاترة علية وهو
الخلية الجلفانية بصورتها الحالية وقبل نفاذ الأنود( الخارصين ) ماذا يحدث إذا وصلت بمصدر كهربي خارجي أكبر قليلا من قوتها الدافعة الكهربية هل ينعكس التفاعل أم لا
لأني أرى أن هذه الخلية ليست عملية أي وهى بصورتها الحالية لايمكن استخدامها في الحياة العملية لكي يتآكل الخارصين بعد مدة من إستخدامها بل هى نموذج أولي لخلية تحول الطاقة الكيميائية إلى طاقة كهربية
بمعنى أنه إذا تم توصيل الخلية الجلفانية بمصدر خارجي هل ينعكس إتجاة التيار أم لا وياريت تجرى هذه التجربة عمليا
إن شاء الله بعد إنتهاء فترة الإمتحانات سوف أجري هذه التجربة عمليا
فالخلايا العملية الأولية فعلا بطول مدة إستخدامها يتآكل الأنود ولذلك لايمكن إعادة شحنها
وتقريبا قربنا من الوصول للحقيقة إن شاء الله اي بعد التوصل للإجابة على هذا الإستفسار سأكون أول من يقتنع بأنها أولية فعلا
وياريت يكون الرد مدعم بصورة من مرجع علمي للتأكيد
ولك مني جزيل الشكر

معلش يا دكتور عاطف
انا خريج كلية علوم قسم كيمياء جامعه المنصورة وواخده فى الجامعه سنة 86 أنها إنعكاسية وان شاء الله سوف أبحث عن المذكره .
وبعدين طيب مين المسئول عن وضع هذه المعلومه الخطأ وتدريسه فى الكتب منذ اكثر من 15 عام فى المنهج القديم
دية على فرد انها خطأ
طيب يا سيدى أنا حجيب أنود كبير ايه المانع يعنى
وبعدين أى خليه الانود بتاعها حيتأكل حتى لو ثانويه ولم تشحن قبل ما ينتهى الانود لا يمكن اعادة شحنها
حتترسب على أيه الذرات فى اعادة الشحن
طيب ممكن مرجع واحد بس علمى بيقول انها اوليه سيبك من كلام التلفيون

السلام
والله يا اخوة انا معكم
الخلية ثانوية
كما قلت من قبل
الخلية ثانوية 100 100
لكن ادي الله وادي حكمته
وانا علي وعدي بسؤال الدكاترة

شكرا استاذي العزيز علي هذا المجهود الرائع
وانا مع الدكتور ان الخلية اولية
اخوك محمود جلال

اشكرك استاذ
محمود جلال
اشكرك استاذ
جمعة
اشكرك استاذ
سيد
الاختلاف لايفسد للود قضية
واني والله احبكم جميعا
المهم الوصول للحقيقة
وانا مع ان الخلية ثانوية
لكن احببت نقل راي الدكتور كما هو للامانة--------------------------
دون التعصب لرائي
وان شاء الله ساوافيكم بالباقي
فقط لراي الدكاترة ولنصل للحقيقة
------------------------------------------------------------------
واود ان اوضح لكم
اني دفعة 1986 علوم اسكندرية
والماجستير من طنطا 2001 و اني تخصص عضوية

لو سمحتم يا متخصصين فى الكيمياء للثانوية العامة ، أريد أن أعرف الاجابة الصحيحة للسؤال الذى ورد فى امتحان الثانوية العامة لهذا العام والذى يسأل عن روابط الجليسرول حيث كانت اجابتى كالآتى: تساهمية قطبية بين الـ C و الـ H وتساهمية نقية بين الـ C و الـ C وآيونية بين الـ C و الـ OH
فهل اجابتى تحسب صحيحة أم لا ؟ مع العلم أن نموذج الاجابة كان تساهمية فقط.
أرجو الاهتمام بالرد وشكرا

لو سمحتم يا متخصصين فى الكيمياء للثانوية العامة ، أريد أن أعرف الاجابة الصحيحة للسؤال الذى ورد فى امتحان الثانوية العامة لهذا العام والذى يسأل عن روابط الجليسرول حيث كانت اجابتى كالآتى: تساهمية قطبية بين الـ C و الـ H وتساهمية نقية بين الـ C و الـ C وآيونية بين الـ C و الـ OH
فهل اجابتى تحسب صحيحة أم لا ؟ مع العلم أن نموذج الاجابة كان تساهمية فقط.
أرجو الاهتمام بالرد وشكرا

والله ان شاء الله ياجماعة تكون اولية وثانوية مع انى عاملها اولية بس اهم حاجة دلوقتى
امتى هتطلع النتيجة!
وممكن اى مدرس يقولى على الاجابة دى صحيحة ام لا
كتبت فى سؤال نوع الروابط فى الجليسرول
تساهمية قطبية بين >>>>>>>o_h
و سيجما بين >>>>>>>>>>c_h

انا اعتقد انها سوف تحسب صح
و لكن حتة ايونية دى خاطئة لان
OH فى الكحولات متعادلة وليست
متاينة

بس لا تزعل انا غير متاكدة

مع احترامى وتقديرى لكل الاساتذه
احب ان اعلم سيادتكم ان الكلام فى هذا الموضوع لن يفيد فالنموذح لن يتغير والامتحان خلاص اتصحح

جزاكم الله كل خير يا دكتور عاطف

وأسأل الله أن يثبتنا دائماً على الحق

ان شاء الله اول ما يشوف تساهميه يحسبها على طول صح

شكراً جزيلاً يا دكتور عاطف على هذا المجهود،

وسأحاول البحث مع السادة الدكاترة هنا فى كلية علوم الاسماعيلية بهدف الوصول

للمعلومة الأدق.... واتفاق أكثر من مرجع علمى أكيد هيأكد مدى صحة هذه المعلومة

لكن يجب أن تكون الأولوية للمراجع الأجنبية الحديثة (التاريخ الأحدث)

والتى تقدم تجارب عملية بالنتائج، لا مجرد اعتقاد عالم أو تصور آخر.

لربما تكون المعلومة تغيرت مع تقدم البحث... أو لربما تكون أخطأت نظرية العالم.

وأسأل الله أن يثبتنا دائماً على الحق.

أخوكم / محمد الدادمونى

تمام يا أستاذ / جمعه

بسم الله الرحمن الرحيم
بعد التحيه ارجو الاستفسار عن شئ انا فى مسئله حجم الكلور كتبت الخطوات كلها صح بس الارقام فى الخطوات كلها غلط يبقى ان شاء الله اخد فيها كام وبالنسبه لمسئله العضويه انا اتلغبت وكتبت من كلوريد الميثيل اجيب الاستيك يعنى عكست هل كده درجتها كلها راحت ارجو الافاده سريعا وعدم اهمال موضوعى لانى الصراحه قلقانه جداااااااا :angry: :angry: :angry: :angry: :angry: :angry: :angry: :angry: :angry: :angry: :angry: :angry: :angry: </span>

انا بصراحه مش عارف بس ان شاء الله خير

سلام عليكم
والله يا اساتذتي الكرام احنا كبرنا الموضوع
وكده الطالب هيعمل حجة ان الاساتذه اصلا مش عارفين اولية او ثانوية وومكن الطالب الي مذكرشي ياخد الموضوع حجة ويقول انه نزل في الدرجات بسبب كده
وبعدين مهما قولنا انها ثانوية لن يغير شيء
فمن راي انا نغلق الموضوع
ونقول حسبي الله ونعم الوكيل

وانا اتصفح احد المراجع الكيميائية الرائعة وجدت هذا السؤال:
Can a Daniell cell be recharged?
وبالطبع تذكرت الثانوية العامة وما اثير حول خلية دانيال وكانت الاجابة فى المرجع العلمى كما يلى :
Ans. No. If the Daniell cell were to be recharged, the Cu2+ ions would get into the zinc half-cell through the salt
bridge. There, they would react directly with the zinc electrode, and the cell would be destroyed
اتمنى ان نكون قد انتهينا من هذه المشكلة نهائيا

هايل يا مستر أحمد

وجزاكم الله كل خير.

الاساتذة والزملاء لم يعلقو على الموضوع
ارجو التعليق للاستفادة

أخي العزيز الأستاذ / أحمد أردت التعليق على هذا الموضوع
لي استفسار واحد
في الجملة الموجودة في موضوع حضرتك :- تقول أن أيونات النحاس سوف تتجه إلى نصف خلية الخارصين عبر القنطرة الملحية وتتفاعل مع ساق الخارصين
الإستفسار هو
1-نعلم أن بعد مدة من استخدام خلية دانيال يستنفذ ايونات النحاس ( تنضب أيونات الكاثود ) فمن اين تأتي ايونات النحاس لكي تذهب لنصف خلية الخارصين
2- وهل هذه الأيونات عندما تعبر القنطرة ألم تصادف ايونات سالبة تتعادل معها
نرجو مزيد من الإيضاح لكي نسلم أنها خلية غير انعكاسية

بعد التحية

لماذا نتعامل كلنا مع سؤال الامتحان على ان الخلية خلية دانيال

انها مجرد خلية جلفانية

و كونها انعكاسية ام لا يتوقف على نوع الاقطاب و على جهد الاختزال

و الله أعلم

بعد التحية

لماذا نتعامل كلنا مع سؤال الامتحان على ان الخلية خلية دانيال

انها مجرد خلية جلفانية

و كونها انعكاسية ام لا يتوقف على نوع الاقطاب و على جهد الاختزال

و الله أعلم

شكراً لمس نهله على هذا التعليق

وهذا فعلاً ما أحاول اثباته ....

لأنى عندما قلت أن الخلية أولية فى حالة خلية (النحاس - الخارصين)

فى نصف التفاعل الأول: عند الأنود (القطب السالب): وهو الخارصين

تحدث عملية الأكسدة : Zn ---------------> Zn2+ + 2e

فى نصف التفاعل الثانى: عند الكاثود (القطب الموجب): وهو النحاس

تحدث عملية الإختزال : Cu2+ + 2e ---------------> Cu

يتوقف مرور التيار عندما تستهلك مادة المصعد أو الأنود أى يذوب

فلز الخارصين متحولاً إلى أيونات خارصين فى نصف التفاعل

الأول ...

والسؤال الآن : الخارصين من الفلزات النشطة يتميز بكبر جهد

التأكسد فهل يسهل اختزاله عملياً بمجرد عكس التفاعل وإمداد الخلية

بمصدر تيار كهربى خارجى ؟

وهل أيونات الخارصين فعلاً لا تتفاعل مع محلول أيونات النحاس التى

قد تعبر لنصف الخلية عبر القنطرة الملحية وبالتالى تفقد القنطرة

الملحية وظيفتها ؟ أو لا يتفاعل مع أى أيونات سالبة فى هذه القنطرة

الملحية ؟ وهل معدل تفاعل الأكسدة والإختزال .. لكى يصبح غير

تلقائى سيتأثر أم لا ؟

أعتقد أن الأمر يتطلب القيام بالمزيد من التجارب العملية ...

وشكراً جزيلاً .........
-----------------------------------------------------------------
اعــتـــــذار

أعزائى : أعتذر عما قلت، وأقول (أن فوق كل ذى علم عليم)

فبعد البحث فى كافة المراجع، أقول أن ما كنا ندرسه فى كتاب

المدرسة القديم هو الأصح ..

وأن (الخلية الجلفانية تنعكس فيها التفاعلات إذا ما وصلت بمصدر

خارجى أعلى قليلاً فى الجهد)..

ولذلك : يجب توضيح هذه الجزئية فى كتاب المدرسة الجديد

وأسأل الله أن ينفعنا بما علمنا، وأن يثبتنا دائماً على الحق.

شكراً لكل من ساهم .. برأيه فى امتحان 2007

مع خالص تمنياتى بالتوفيق هذا العام فى امتحان 2008