بسم الله الرحمن الرحيم
الحمد لله رب العالمين
والصلاه والسلام على خاتم الانبياء والمرسلين
وبعد


احنا طلبه الازهر فكرنا نعمل موضوع شامل فى رمضان عن علامات الساعه
وان شاء الله الموضوع ده شغال طول شهر رمضان
هنتكلم ان شاء الله عن كل علامات الساعه الصغرى والكبرى
والصغرى اللى ظهرت واللى لسه مظهريش

وطبعا احنا عايزين كل الناس تشارك معانا فى الموضوع ده
وعايزين الكل يستفيد

واللى عنده معلومه عن علامات الساعه يجى يقولها ونستفيد منه

نبدأ بقى على بركه الله



علامات الساعه الصغرى


الساعه آتيه لا ريب فيها.
العلامات الصغرى التى وقعت وانتهت.
العلامات الصغرى التى وقعت ولم تنتهى بعد.
العلامات الصغرى التى لم تقع بعد.


اولا\ الساعه آتيه لا ريب فيها :-

الايمان باليوم الاخر ركن من اركان الايمان

روى عن النبى صلى الله عليه وسلم انه سئل عن الايمان قال :(ان تؤمن بالله وملائكته وكتبه ورسله واليوم الآخر والقدر خيره وشره)

وهناك آيت كثيره جدا تدل على اليوم الاخر آت لاريب فيه

قال الله سبحانه وتعالى :- (ذلك بأن الله هو الحق وأنه يحى الموتى وأنه على كل شئ قدير وان الساعه آتيه لا ريب فيها وأن الله يبعث من فى القبور)

وان كان البشر يرون بأن الساعه بعيده فان خالق البشر يرى الساعه قريبه
قال تعالى :- ( انهم يرونه بعيدا ونراه قريبا يوم تكون السماء كالمهل وتكون الجبال كالعهن ولا يسأل حميم حميما)
اذا كان علماء الارض والجيولوجيا يرون ان الارض عمرها تقدر بملايين السنين
وان البترول تكون بفعل الضغط والحراره الشديده على مر ملايين السينين على المواد العضويه
والمواد العضويه هى كائنات كانت حيه فى ذلك الوقت مثل الغابات والحيوانات وغيرهم حشرات وسمك وهكذا

يعنى الانسان بعلمه القليل عرف ملايين السينين
ممكن يكون الارض عمرها مليارات الاعوام والله اعلم
يعنى اما الله سبحانه وتعالى يقول :- ( اقتربت الساعه وانشق القمر )
وان النبى صلى الله عليه وسلم قال : (بعثت انا والساعه كهاتين وأشار بالسبابه والوسطى )
والكلام ده من ألف ونصف سنه
ممكن الناس تقول كتير الف ونصف سنه امال فين الساعه التى اقتربت
لو قيسنا الزمن بين عمر الارض بس والزمن من بعثه النبى عليه الصلاه والسلام وقيام الساعه
هنلاقى ان بعد انشقاق القمر الزمن يقدر بلا شئ امام زمن الارض
مجرد توضيح

وعبر سبحانه بصيغه الماضى :- (أتى أمر الله فلا تستعجلوه)
وعبر سبحانه عن الساعه بالغد القريب :- (يأيها الذين آمنوا اتقوا الله ولتنظر نفس ما قدمت لغد واتقوا الله ان الله خبير بما تعملون)

لا يعلم وقت قيام الساعه ملك مقرب ولا نبى مرسل

قال سبحانه فى سوره الاعراف :- (يسألونك عن الساعه ايان مرساها قل انما علمها عند ربى لا يجليها لوقتها الا هو ثقلت فى السماوات والارض لا تأتيكم الا بغته يسألونك كانك حفى عنها قل انما علمها عن الله ولكن اكثر الناس لايعلمون)
وقال تعالى فى سوره الاحزاب :- (يسألك الناس عن الساعه قل انما علمها عند الله وما يدريك لعل الساعه تكون قريبا)

الملك جبريل وهو اعلم الملائكه ؛ والنبى محمد صلى الله عليه وسلم وهو اعلى الخلق منزله
ومع ذلك جاء جبريل الى النبى صلى الله عليه وسلم وقال له(متى الساعه) فقال النبى صلى الله عليه وسلم له : (ما المسؤل عنها بأعلم من السائل )
فاذا كان السائل هو جبريل والمسؤل هو النبى صلى الله عليه وسلم لا يعلمان وقت قيام الساعه
لذلك لا يتجرأ احد ان يقول بأنه على علم بوقت قيام الساعه

وسمى القرآن علامات الساعه بالأشراط ؛ قال تعالى :- (فهل ينظرون الا الساعه أن تأتيهم بغته فقد جاء أشراطها) اى علاماتها



تانيا\ العلامات الصغرى التى وقعت وانتهت:-

1- بعثه الحبيب المصطفى صلى الله عليه وسلم

ففى الصحيحين انه صلى الله عليه وسلم قال : (بعثت أنا والساعه كهاتين وأشار بالسبابه والوسطى)
لذلك هذا الحديث يشير ان الزمن بين بعثه النبى صلى الله عليه وسلم وقيام الساعه صغير جدا جدا كقرب السابه بالوسطى قياسا لعمر خلق الدنيا


2-انشقاق القمر

قال سبحانه :- ( اقتربت الساعه وانشق القمر)
فعن انس بن مالك قال طلب أهل مكه من رسول الله أن يريهم آيه فأراهم انشقاق القمر
ومع ذلك كذبوه وقالوا سحر مفترى مفيش فايده فيهم -مجرد تعليق-
وفى روايه بن مسعود قال انشق القمر على عهد النبى صلى الله عليه وسلم شقين والنبى يقول اشهدا اشهدوا


3-موت النبى صلى الله عليه وسلم

كما فى الصحيح البخارى عاص بن مالك قال عد بين يدى الساعه ستا وذكر النبى أولها موته صلى الله عليه وسلم


4-فتح كنوز كسرى




نكتفى بهذا القدر فى علامات الساعه الصغرى التى انقضت
وندخل على علامات الساعه الصغرى التى وقعت ولم تنقضى بعد
وهو ده المهم
وهو ده اللى كان المفروض ابدأ بيه
لكن عشان الموضوع يبقى صح وكامل لازم نبدأ واحده واحده
ولانه موضوع كبير جدا وكلنا غارقين فيه
ان شاء الله هاعمله مشاركه لوحده
بعنوان عصر الفتن اللى احنا عايشينه

عصر الفتن

ثالثا\ العلامات الصغرى التى وقعت ولم تنقضى بعد:-

1- الفتن
فقد أطلع الله على النبى صلى الله عليه وسلم على الفتن التى ستبلى بها البشريه عامه وامته خاصه الى يوم القيامه

فتن الشهوات
فتن الشهوات كثيره لكن احب أبدا بحديث نبوى عن الفتنه اللى تهمنا كلنا وخاصه البنات وربنا يحفظنا كلنا منها

قال رسول الله صلى الله عليه وسلم : (صنفان من أهل النار لم أرهما ، رجال معهم سياط كأذناب البقر يضربون بها الناس ؛ ونساء كاسيات عاريات ، مائلات مميلات ، رؤسهن كأذنبه البخت المائله ، لا يدخلن الجنه ولا يجدن ريحها ، وان ريحها ليوجد بمسيره كذا وكذا)

فتنه كثير من البنات واقعات فيها
ربنا يحفظنا
والحديث واضح المراد منه ايه
وان شاء الله هنتكلم عنه فى كلامنا ومناقشتنا فى الردود


فتنه التقليد الأعمى للغرب
والنبى عليه الصلاه والسلام تنبأ بيها
وهى اتباع سنن الامم الاخرى
كل اما يعملوا موضه نكون أول ناس نعملها
ايا كانت الموضه دى صح ولا غلط
ماشيه بتعاليم دينا ولا لأ

فتنه المعازف
ودى لوحدها مشكله
تكونوا فى اى مواصله دلوقتى ولا فى المترو ولا فى القطو ولا حتى فى الشارع تلاقوا الموبايلات شعاله اغانى على طول
وتلاقوا الشاب او البنت الاغانى بالنسبه ليهم عامله زى الهواء كده
نلاقى الاغانى شغاله بصوت عالى والناس عماله تسمع


فتنه الجواز العرفى اللى بنلاقيه فى الجامعات
وده لوحده مصيبه
لان الناس فاهمه الجواز العرفى غلط
الجواز العرفى هو الجواز اللى بمهر وولى والاهل عارفينه وأفراح والدنيا كلها عارفه لكن مفيش مأذون
وده يجوز يجوز يجوز
ليه
لان شروط الجواز كلها موجوده من عقد ومهر وولى واشهار وايجاب وقبول وغيره
اما الجواز العرفى الثانى ده زنا
ليه
لان لانه ناقص شروط كثيره جدا من شروط الجواز
زى المهر والولى اللى هو الاب يعنى والشهره ومعرفه الاهل
مش مجرد ورقه زوجتك نفسى وموافقه وخلاص كده
ده تهرييييييج وفهم غلط للدين
والورقه دى مش زواج اساسا



فتنه نقص العلم الدينى



فتنه الشبهات
وهى ان يرى الانسان المسلم الامه ضعيفه ويرى أمم الكفر غارقه فى عالم الحضاره والتقدم والرقى والتطور والمدنيه
فتنه بشعه مع ان المفروض العكس لكنها فتنه واختبار


فتنه الاولاد والزوجات
قال تعالى :-(ان من ازواجكم وأولادكم عدوا لكم فاحذروهم)


فتنه المنصب والجاه: مفيش اى مشكله ان الانسان يضحى بدينه وعقيدته عشان كرسى ولا منصب
مفيش اى مشكله ان الانسان يقتل لبوه ولا عمه ولا اخوه عشان فلوسه وميراثه


فتنه الغربه:ان المؤمن يحس بغربه بين الناس ، يحس ان الناس فى وادى وهو فى وادى ، مع العلم انه هو اللى صح
قال النبى صلى الله عليه وسلم : (سيأتى على الناس زمان القابض فيه على دينه كالقابض على جمر بين يديه)



2-ظهور السوط -الكرباج يعنى- كأذيال البقر
وبالفعل ظهر ما تنبأ به النبى صلى الله عليه وسلم السوط الذى يشبه اذيال البقر يضرب بها الناس فى السجون او أقسام الشرطه للتعذيب
قال رسول الله صلى الله عليه وسلم : (صنفان من أهل النار لم أرهما ، رجال معهم سياط كأذناب البقر يضربون بها الناس ؛ ونساء كاسيات عاريات ، مائلات مميلات ، رؤسهن كأذنبه البخت المائله ، لا يدخلن الجنه ولا يجدن ريحها ، وان ريحها ليوجد بمسيره كذا وكذا)




قال رسول الله صلى الله عليه وسلم : (ان من اشراط الساعه أن يتقارب الزمان ، وينقص العلم ، وتظهر الفتن ، ويلق الشح ، ويكثر الهرج) ، سئل ما الهرج ، قال( القتل القتل)

3-تقارب الزمان: قال رسول الله صلى الله عليه وسلم : (يتقارب الزمان بين يدى الساعه فتكون السنه كالشهر ، ويكون الشهر كالجمعه ، وتكون الجمعه كاليوم ، ويكون اليوم كاحتراق الكعكه )


4-نقص العلم : والمراد علم الشرع اى كثره الجهل الدينى


5-يلق الشح : اى عدم خروج الذكاه وعدم التفكير بالفقراء


6-كثره الهرج : اى كثره القتل من غير سبب
مفبش يوم بيعدى الا وبتم فيه جرائم قتل
وفى ايام سوده على المسلمين بتكون فيها مذابح زى مذابح فلسطين والعراق والصومال والشيشان والبسنى وغيرهم
لو سألت عسكرى الامم المتحده انت بتقتل المسلمين ليه يقولك معرفش
تسأل المسلمين هم ليه بيقتلوكم يكون الرد منعرفش
لا القاتل عارف هو بيقتل ليه ولا المقتول عارف هو بيتقتل ليه


7-اسناد الامر الى غير هله :
قال النبى صلى الله عليه وسلم لأعرابى سأله متى الساعه (اذا ضيعت الامانه فانتظر الساعه) فقال الأعرابى ، وكيف اضاعتها يارسول الله ، فقال صلى الله عليه وسلم (اذا أسند الامر الى غير أهله فانتظر الساعه)

وقال رسول الله صلى الله عليه وسلم : (سيأتى على الناس سنوات خداعات يصدق فيها الكاذب ، ويكذب الصادق ، ويؤتمن فيها الخائن ، ويخون فيها الامين ، وينطق فيها الرويبضه ) قيل من الرويبضه يارسول الله ، قال صلى الله عليه وسلم الرجل التافه يتكلم فى أمر العامه)

بالله عليكم مش ده حصل بتلاقوا ممثل ممكن يكون مكملش تعليمه وتلاقيه بيتكلم باسم شباب مصر ويكون هو مثل اعلى لشباب كتير
او ممثله مثل للبنات مثل ساقط تتكلم على الحجاب انه تاج المرأه مع انه فرض على كل مسلمه انها تدارى جسمها
بالله عليكم فى مسؤل فى مصر يستحق انه يمسك المسؤليه اللى هو ماسكها



8-تداعى الامم على أمه الاسلام:
قال رسول الله صلى الله عليه وسلم : (يوشك ان تداعى عليكم الامم كما تداعى الأكله على قصعتها ) قالوا أومن قله نحن يومئذ يارسول الله ،قال (كلا ولكنكم غثاء كغثاء السيل - الرغاوى بتاعه البحر منظر على الفاضى -وليوشكن الله أن ينزع المهابه من قلوب عدوكم وليقذفن فى قلوبكم الوهن ) قيل وما الوهن يارسول الله ، قال (حب الدنيا وكراهيه الموت)


9- تسليم الخاصه : اى لايسلم الرجل الا على رجل يعرفه وهذا ليس من تعاليم الاسلام
قال رسول الله صلى الله عليه وسلم : (ان بين يدى الساعه تسليم الخاصه)




نكتفى بهذا القدر الآن
وللحديث بقيه ان شاء الله
وياريت ياجماعه اللى عنده معلومه عن علامات الساعه اللى احنا غارقين فيها يقولها
واللى عنده تصحيح لاى خطأ وقعت فيه يقوله
لان كل ابن آدم خطاء
مستنى مشاركات المنتدى كله

رائع اخونا مهندس رفاعى
لى تعليق على قضية علامات الساعة الصغرى التى تقع الان ولم تنتهى
هذه العلامات دليل واضح على صدق نبؤة الحبيب محمد وهنا نوجه سؤال لغير المسلمين كيف يمكن لرجل امى لا يعرف القراءاة ولا الكتابة ثم يتنبأبهذه النبوات وتحدث بنفس الوصف وبنفس الدقة؟
اعتقد ان هذه النقطة مهمة جدا


يتبع

شكرا اخويا البشمهندس جاد

والحاجه الاغرب انه من ألف ونصف سنه
اعجاز لصدق النبى الأمى عليه الصلاه والسلام



بس عايزين منك كلمتين كده فى الموضوع
مساعده يعنى

اولا احب اهنيك على التوبيك الجديد واهنى نفسى وكل الناس ال كانت بتشارك علشان الموضوع ده يطلع للنور ما شاء الله طالع بمستوى طيب تسلم ايدك

هتكلم عن موضوع الفتن وال بنشوفه فى الجامعه مثلا عند البنات البس ما شاء الله والله مش لبسين حاجه وافضل تشبيه ليهم قول سيد الخلق كاسيات عاريات واهم كلمه على لسانهم ايه رايك مش حلو فكك دى الموضه ولا الطرح ما اقولكمش كلكم شيفين بس فى حاجه تانيه ان الطرح ال بتتلف وبتكون منفوشه قوى وعاليه من ورا دى حرام والرسول صلى الله عليه وسلم شبهم بانهم كاسنام الجمال وده من الف ونصف سنه يعنى سبحان الله اكنه شايفهم وبيوصفهم الطرح دى يا بنات ال بتشترولها توكه كبيره اكيد كلكم عرفيناها والbody ال اكنك مش لابسه حاجه اظن كلنا عافين يعنى ايه bodyوانا متعمده اكتبها بالنجليزى كفايه كده على البنات
بالنسبه للولاد لما لقيتم ان لبسكم كله واحد تيشرت او قميص وبطلون فحبيتم تتنفننو فى الموضوع دع فشفتم الغرب لقيتم وانا اسفه عن المثل موضوع تسقيط البنطلون انتم عارفين ليه الغرب بيلبسو البنطلون ده للتفريق بين الولد الشاد والولد العادى انا اسفه مره تانيه بس كان لازم اقول علشان ال ما يعرفش

موضوع جميل جدا ومفيد
شكرا ليكوا
وف انتظار المزيد
وجزاكم الله خير

مشكور يا ماعه على تقديركم الجميل ده
وان شاء الله لسه مذيد


وموضوع البنطلون ده تقليد أعمى اعمى
ويقولوا اصله موضه
لكن ايه أصله بالظبط
البنطلون ال dirty القذر يعنى
لان اللى بيلبسوا معروف انه قذر مش راجل
او البنطلون المتسقط

ده عشان التفرقه بين الناس
مين عادى
وميييين --------------


وفى حاجه تانيه للتشرتات
فى تشرتات شكلها شيك جدا
لكن النقش اللى عليها كلام بيدل على نفس معنى البنطلون بالظبط
لكن طبعا الناس بتلبس ولا فاهمه حاجه

مشكور د\ الاء (http://www.thanwya.com/vb/member.php?u=102543) على الرد الجميل
وعايزين تفاعل فى الموضوع منك ولو حته حاجه بسيطه
وان شاء الله لسه المذيد
تابعووووووووووونااااااااااااااااا

افادك الله وزادك من فيضه الكريم

والله اوجزت فانجزت

جزاك الله خيرا elmosskhmb (http://www.thanwya.com/vb/member.php?u=312976)

بس لسه هنكمل ان شاء الله

السلام عليكم


انا هتكلم عن ابسط حاجه بنشوفها قدامنا حاليا وهي الجامعه
والحياه الجامعيه واللي بيحصل فيها

بنروح كل يوم نلاقي البنات واقفين مع الاولاد وعادي ضحك وهزار والجناين مليانه حلقات بنات وولاد
وبنت وولد لوحدهم والموضوع بقي عادي جدا

نيجي بقي ع البنات
ياسلام علي ريحه البرفانات تشم ريحتها من علي بعد 10 متر
وطبعا بنت ف جامعه يعني تبقي ايه بنت استايل طبعا امال ايه مش راحت الجامعه

لازم البدي النص كم ولو بكم ايه يعني ترفعه شويه والبطلون الجينز الللي لازم يبقي فيه العبر كلها
وياسلام بقي علي لفه الطرحه لازم تكون اسبانش وكمان ايه لازم تبقي منفوشه وكبيره
ده اذا كانت بتلبس طرحه اصلا

وياسلام بقي لما تضحك وتهزر لازم الضحكه تبقي مميزة وصوتها كمان مميز امال ايه

لازم تلاقي البنت كده متعرفش اذا كانت هي مسلمه والا مسيحيه


نروح بقي ع الاولاد
لازم يبقي الواد روش علشان يعرف يظبط البنات
شعره لازم يبقي مليان جيل والبدي اللي لابسه لازم يبقي ضيق والبطلون اللي........واللي ...........
اه ومتنسوش السلسله
والهاند فري اللي مشغلها ليل ونهار


السؤال بقي؟؟؟؟؟؟؟؟؟؟
هو ده الشاب وهي دي البنت اللي خارجه من بيت اهلها طلبا للعلم
هو ده وهي دي اللي خارجين ف سبيل الله

هي دي البنت اللي المفروض انها بتمثل الاسلام ف لبسها وحيائها
وهو ده الشاب اللي هيقوم عليه بناء الامه
هما دول اللي منتظر منهم نشر الرساله والدفاع عنها

ليه بقينا بنقلد الغرب ف كل حاجه ........ده بدل منتمسك بدينا
ليه الولد يمشي مع بنت ويقول يلا اهو ....بتسلي
ليه هو انت ترضي علي اهل بيتك اللي هما اخواتك وبناتك بعد كده ان حد يتسلي بيهم


والبنت ليه
ليه بتسمحي لحد يقولك كلمه او لفظ وانتي ماشيه بالمنظر ده

والولد
ازاي هتنشر الرساله وتبقي راجل بعد كده
وهتعلم ولادك ايه بعد كده


بجد فعلا وا اسفاه

وبالرغم من كده
بنلاقي برده لسه في ناس محترمين
المساجد والحمد لله كلها مليانه شباب
وفيه بنات ملتزمات

بس للاسف السيئه بتعم والحسنه بتخص

ياريت من كل واحد يحاسب نفسه ..................قبل ان يحاسب

(اسفه علي الاطاله واستخدام اللغه العاميه)
وياريت اكون افدت الموضوع

نورتى التوبيك يالولو والله
والله كلامك صح وادى كمان الجامعات العامه وال بنشوفه منها الاختلاط ومصايبه دا انا لما روحت معاكى الجامعه كنت حاسه انى ماشيه وانا مخنوقه مش عارفه اشم نفسى والله ولاد فى كل حته ومناظر استغفر الله العظيم بين الولاد والبنات ايه ده وده يخلى علامه اخر من العلامات تظهر وهى الجواز العرفى او ال بيسموه عرفى بيضحكو على نفسهم لا وايه ال ماشيه فى حالها ومش بتكلم ولاد يقولو عليها خنيقه اخر حاجه ايه ده ليه
انا فى الكليه عندنا بمانى كنت بروح جامعه الولاد نظرا لا اعدادى بنات فى ميكانيكا ولا والله كل يوم تحقيق وانا داخله اعدادى اه الكارنيه كل يوم ليه يعنى مش عارفه وال بنت ال بتكلم ولد بيتاخد كارنيها على طول بس كده احسن والله مش زى العام وانا اسفه بس انا ضد فكره الاختلاط:039uw8: دى تماما ومع كده بنشوف على سور المدينه المواهب كلها لا وايه البنت ال لبسه اخر حاجه وواقفه مع الولد بتنظرلك نظره احتكار على ايه مش عارفه مين ال ينظر لمين باحتكار والله حاجه تكسف اتكسفى على دمك وكمان ال خارجه من بيتها بالاسدال واول ما تخرج تخلعه والبدىوالجينز يظهر والميكب ال معدش فى واحده بتخرج من غيره ليه يعنى اد كده مش عاجبها نفسها والله انا بشوف ان اى واحده بتحط ميكب دى انسانه مهزوزه الشخصيه ومعندهاش ثقه فى نفسها لان لو عندها ثقه فى نفسها ورضا بال ربنا ادهولها مكنتش غيرت من خلق الله يا شيخه دا ربنا خلقنا فى احسن صوره ربنا يهدى والله

انا حاسس ان الموضوع ماشى كويس جدا واعتذر عن عدم مشاركتى لكن ربنا وحده يعلم قد ايه انا مطحون
ليا تعليق على قضية البنات والاولاد فى الجامعة وانا شايف ان ده اسقاط جميل على موضوعنا
الجامعات الان بينظر ليها من قبل الاولاد والبنات على انها مكان للتسلية يعنى يخرج من بيته مظبط نفسه اسف مبهدل نفسه واسمه رايح الجامعة وهيا برده تخرج بعد ما تكون وقفت ساعة قدام المراية واسمها رايحة الجامعة
الغريب ان من انتشار الموضوع ده مبقاش حد ينكره !! كأنه واقع
انا ليا سؤال ياترى مين السبب الولد ولا البنت؟
انا شايف ان لاده ولادى السبب فى البيت او بمعنى اصح طريقة التربية الخاطئة اللى للاسف اغلبنا اتربى عليها
تخيلوا ياجماعة ان الولد او البنت من صغره بيتفرح على افلام ومسلسلات وطبعا الفيلم كله واحد بيقابل واحدة واحد ماشى مع واحدة واحدة عاهرة تبقى بطلة ؟ياترى منتظريين ايه من طريقة التربية دى؟
انا شايف ان فيه عقوق والدين ناحية الابناء ودى النتيجة الطبيعة؟
ربنا يستر .ده حتى فى رمضان مفيش تغير المكان اللى باخد فيه كورس الايام دى نفس اللبس ونفس الاسلوب لدرجة انى بقيت افكر اقعد فى البيت واقفل على نفسى ارحم من اللى بشوفه.

مشكوريييييييييييييييييين

انا حاسس ان الموضوع ماشى كويس جدا واعتذر عن عدم مشاركتى لكن ربنا وحده يعلم قد ايه انا مطحونيا رب يكون فى عونك

ليا تعليق على قضية البنات والاولاد فى الجامعة وانا شايف ان ده اسقاط جميل على موضوعنا
الجامعات الان بينظر ليها من قبل الاولاد والبنات على انها مكان للتسلية يعنى يخرج من بيته مظبط نفسه اسف مبهدل نفسه واسمه رايح الجامعة وهيا برده تخرج بعد ما تكون وقفت ساعة قدام المراية واسمها رايحة الجامعة
الغريب ان من انتشار الموضوع ده مبقاش حد ينكره !! كأنه واقع
انا ليا سؤال ياترى مين السبب الولد ولا البنت؟والله انا شايفه ان الاتنين غلطانين
انا شايف ان لاده ولادى السبب فى البيت او بمعنى اصح طريقة التربية الخاطئة اللى للاسف اغلبنا اتربى عليها
تخيلوا ياجماعة ان الولد او البنت من صغره بيتفرح على افلام ومسلسلات وطبعا الفيلم كله واحد بيقابل واحدة واحد ماشى مع واحدة واحدة عاهرة تبقى بطلة ؟ياترى منتظريين ايه من طريقة التربية دى؟ايه الكلمات الجامده دى بلاش علشان معنا ناس مش ازهر ممكن يكون الكلمات دى عليه غريبه شويه
انا شايف ان فيه عقوق والدين ناحية الابناء ودى النتيجة الطبيعة؟مهو عقوق الوالدين ده راخر من علامات الساعه
ربنا يستر .ده حتى فى رمضان مفيش تغير المكان اللى باخد فيه كورس الايام دى نفس اللبس ونفس الاسلوب لدرجة انى بقيت افكر اقعد فى البيت واقفل على نفسى ارحم من اللى بشوفه.لا طبعا مينفعش

فى النهايه عايزه اقول ربنا يتولانا برحمته

بسم الله الرحمن الرحيم اشكركم على المجهود

بسم الله الرحمن الرحيم أولا احب اشكر صديقتى البشمهندسة ياسمين على مساعدتى فى الاشتراك ثانيا اشكر كل من ساهم فى هذا العمل الرائع جزاكم الله عنه احسن الجزاء وجمعنا واياكم بنبى الرحمة يوم القيامة وفى النهاية اشكر د/الاء على المشاركة المتميزة وادعولها ان يحفظها الله من شرور الجامعة اختكم فى الله رضوى الدقن

اولا نحن سعدا بمشاركتك اختنا رضوى
ليا تعليق على نقطة يابشمهندسة ياسمين
انا بصراحة شايف ان البت غلطانة اكتر وده مش علشان انا راجل ومتسئلونيش ليه؟

احب اعلق على كلام اختى ياسمين انا رايى البنت هيا المسئولة اكتر لأن من طريقة كلامها مع غيرها بيتفهم اذا كانت محترمة وللا ...وطبعا الولاد عليهم جزء من المسئولية لكن الجزء الاكبر يقع على البنات:028ja7::bosyht9:

ايه الحاجات الجامده دى
اسيبكم يومين ألاقى كل ده
ما شاء الله


احب أشكر كل اللى ساهموا فى نجاح الموضوع
وشكرا على التفاعل



وانا من رأيى فى موضوع الولاد والبنات فى الجامعات ده
يكون فى حدود العلم وبس
وانا معنديش اى مانع فى الحدود دى
وانا مش متشدد خالص
لكن مينفعش اللى التهريج اللى وصلت بيه الجامعات العامه والخاصه


واحب أقول لكل بنت محترمه نفسها
ومتمسه بدينها
(الطيبات للطيبين والطيبون للطيبات والخبيثات للخبيثين والخبيثون للخبيثات)

يعنى كل واحده متمسكه بعقيدتها وبدينها
هيجيلها واحد زيها محترم

واللى شايفه نفسها
هيجيلها واحد زيها

عشلن كده نسبه الطلاق عاليه جدا
لان المقاييس غلط

وأحب اقول حاجه تانيه
(الأرواح جنود مجنده فما تعارف منها ائتلف وما تناكر منها اختلف)

انا قصدى من الحديث ده
ان كل واحده هتلاقى صحباتها المحترمين
وكل واحد او واحده تشوف او يشوف الجروب بتاعه
أصحابه يعنى

هيلاقيهم صوره منه
مرايه يعنى

فكل واحده محترمه نفسها هتلاقى اللى محترمات وهيبقوا الجروب بتاعها
والباقى انكريه ولا تشغلى بالك بيه
لو تقدروا تغيروا غيروا
متقدروش يبقى الانكار بالقلب

وانا اتكلمت فى الجواز العرفى مخصوص عشان الناس تفهم الفرق بينه وبين التانى اللى ملهوش اى اساس من الصحه


وانا اسف على الاطاله

وفى النهايه احب أشكر كل من

yasssmine (http://www.thanwya.com/vb/member.php?u=235531) م.الزعيم (http://www.thanwya.com/vb/member.php?u=375210) د\ الاء (http://www.thanwya.com/vb/member.php?u=102543) طارق حامد2 (http://www.thanwya.com/vb/member.php?u=288956) elmosskhmb (http://www.thanwya.com/vb/member.php?u=312976) Radwa Eldeken (http://www.thanwya.com/vb/member.php?u=431106)

على التفاعل ويارب الاستمراااااااااااااااااااااااااااااااااااااااااار

بارك الله فيك

ما شاء الله ايه التفاعل الجامد ده انا شايف ان التفاعل ده نتيجة لاهمية الموضوع قلما يخلوا بيت لايهمه قضية الاولاد والبنات فى الجامعة
بس احنا لازم نفصل بين امريين
1- قضية الواقع 2- قضية المفروض
- الواقع اللى احنا عايشين فيه مخالف لاسلامنا وانا اقصد بذلك قضية الاختلاط وللاسف بعض المشايخ تهمل فقه الواقع فتحرم على الناس ما يجعل حياتهم مستحيلة بمعنى الاختلاط محرم وهذا حق لاجدال فيه طب لما انا اركب الاتوبيس واكيد بيكون فيه بنات يبقى ده حرام؟
- المفروض: ان يكون فيه خصوصية للنساء وللرجال يعنى يكون فيه موصلات للنساء فقط وكذا الرجال ويكون التعليم مش مشترك وهكذا
اتمنى ان قصدى يكون اتفهم

http://www.samysoft.net/forumim/shokr/1/8c6c7bfdchega0.gif

بسم الله الرحمن الرحيم هنالك موضوع له اهمية كبيرة وله الاولوية فى الحديث لما له من تأثير على شتى مجالات الحياة الا وهو الرشوة اعتقد انه له من الاهمية بقدر لا يستهان به فالرشوة تفسد كل شئ ولكن من المسؤول عنها هل هو الراشى ام الطالب لها ام ان المسؤلية مشتركة اعذرونى على تغيير الموضوع ولكنه يشغلنى كثيرا لان الرشوة درب من دروب الفساد وانتشار الفساد من علامات الساعة اكرر عذرا لتغيير الموضوع اختكم رضوى

للأسف موضوع الرشوه ده بقى فى مصر عادى كده
والحقيقه الاثنين
لان المصلحه ممكن تتقضى بسهوله لكن اهمال الموظفين هو السبب
وفى نفس الوقت بيموتوا المصلحه علشان ياخدوا رشوه

وفى نفس الوقت الناس بتدفع عشان تخلص
مع العلم انه لو مشى قانونى وصبر شويه مصلحته هتخلص

مشتركه بين الاثنين

وفى الاول وفى الآخر اهمال رقابه

بسم الله الرحمن الرحيم أولا احب اشكر صديقتى البشمهندسة ياسمين على مساعدتى فى الاشتراك ثانيا اشكر كل من ساهم فى هذا العمل الرائع جزاكم الله عنه احسن الجزاء وجمعنا واياكم بنبى الرحمة يوم القيامة وفى النهاية اشكر د/الاء على المشاركة المتميزة وادعولها ان يحفظها الله من شرور الجامعة اختكم فى الله رضوى الدقن
اولا اهلابيكى يا رضوى معانا
ثانيا العفو على ايه دا اقل حاجه بس يا ريت نفضل شيفينك على طول منوره التوبيك والمنتدى وعلى فكره مش انا لوحدى ال ممكن اساعدك لا والله كلنا هنا اخوات ممكن تطلبى من اى حد ال انتى عيزاه وكلنا هنساعد ومره تانيه نورتى التوبيك

ليا تعليق على نقطة يابشمهندسة ياسمين
انا بصراحة شايف ان البت غلطانة اكتر وده مش علشان انا راجل ومتسئلونيش ليه؟

بصراحه عندك حق البنت هى ال غلطانه بس كمان الولد غلطان هو لو ما اعطهاش الفرصه لكده اكيد هتحترم نفسها لو كل ولد ماشى بيغض بصره زى ما الحبيب قال النظره الاولى ليك والتانيه عليك اكيد البنت :bosyht9:مش هتلاقى من ال بتعمله ده فايده وهتتهد وربنا يهديها ولا ايه

10- قطع الألاحام

11- شهاده الزور وكتمان شهاده الحق

12- ظهور القلم

13- هلاك الوعول ( الأئمه الكبار)

14 -الصبغه بالسواد (الشعر واللحيه)
وما أكثرها الان

15- نقص المكيال والميزان

16- عدم الحكم بكتاب الله

ودى علامه واضحه وكلنا عايشينها
ان الحرامى الصغير اما يتمسك يدخل السجن ويحضر دكتراه فى السرقه
ويطلع يطور نفسه عشان ميتمسكش تانى
مع ان حده فى الاسلام مش السجن لكن قطع اليد
ليكون عبره لغيره
فبالتالى السرقه ستقل
مش يدخل السجن يطلع بروفيسير فى السرقه


بيوت الدعاره معروفين
كام شهر وترجع ريمه لعادتها القديمه
مع العلم ان الدين بيحكم بالجلد والتغريب عام للأعزب
والرجم للمتزوج
لو طبق الدين مكناش هنلاقى أطفال الشوارع والمتسولين بالمنظر ده


الخمر بقى بيترخص فى البلد دلوقتى عادى كده
الناس بتشتريه ومفيش اى مشكله
مع ان حده عشرين جلده
بقى دلوقتى اى محامى يتزنق فى قضيه يقول موكلى كان مخمورا ولم يكن على وعى بما يفعله
انا مش فاهم ليه الخمر مايتعاملش معامله المخدرات



انشار الرشوه


انتشار الارهاب من بعض اقسام الشرطه لبعض المناطق الشعبيه
لدرجه ان اتقتل كام واحد بسبب الشرطه فى الفتره اللى فاتت دى
والحد يقول(انما جزاء الذين يسعون فى الارض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الارض ذلك لهم خزى فى الدنيا ولهم فى الاخره عذاب عظيم)
ودى طبعا محتاجه تفسير ومش وقته

انا عايز أقول لو الحكم الدينى يطبق كانت معظم مشاكل البلد اتحلت من غير ما حتى نفكر نحلها
(ولكم فى القصاص حياة ياأولى الألباب )


17- التنافس على الدنيا

18- انتشار الزنا وشرب الخمر

19ظهور الجهلاء

20- كثره الخيانه ونقض العهود

21- اتباع سنن الامم الأخرى ( للاسف)

22- أن تلد الآمه ربتها ( انقلاب الموازيين)
واحنا فى زمن انقلاب الموازيين فى كل حاجه

23- التطاول فى البنيان
ودى طبعا فى كل مكان فى العالم
وخاصه فى دبى لان اعلى برج بقى عندهم دلوقتى

24- فشو التجاره
وهى ان تعين النساء الرجال على التجاره
سيده اعمال
وكانت ومان المرأه مابتشتغلش
ولو عندها تجاره تأجر حد انه يعمل بتجارتها
لكن ماشاء الله دلوقتى النساء مقدمين على الرجاله فى الشغل
واجهه برضه ما علينا

25- زخرفه المساجد
طبعا الجوامع بقت بالجرانيت ومكيفه والاسقف مزخرفه ونجفه كبيره شكلها شيك جدا فى نصف الجامع


26- تحليه المصاحف وزركشتها
طبعا المصاحف بالاوان وبعض الاحكام بلون وكلمه الله بلون وهكذا
صدق رسول الله صلى الله عليه وسلم على ما تنبأ

27- استشاره الجهلاء
28- الحب بالألسن والتباغض بالقلوب(النفاق يعنى)
ما اكثره
ده المدير برضه
وربنا يخليك لينا ياريس
ووعد فأوفى
وووووووووووووووو

29- اماره السفهاء

30- ارتكاب الفاحشه على الطريق العام

نكتفى بهذا القدر وللحديث بقيه ان شاء الله

السلام عليكم
تم نقل الموضوع للقسم الدينى العام وهو قسم حى على الفلاح لأن الموضوع عام ليس خاصا بشهر رمضان ، مع كامل التقدير والإحترام لصاحب الموضوع ، وكل من شارك ، مع ملاحظة أنه قد تم حذف المشاركات التى لا علاقة لها بالموضوع ، ومنها المتعلقة بسبب النقل حتى يستطيع القارىء أن يتابع المشاركات التى تخص الموضوع ، وكل عام أنتم بخير.

بارك الله فيكم يا شباب الازهر ايوه كده
معلش على عدم الشاركه لان النت كان فاصل من عندى فعلا البنت هى الى غلطانه ليه ممكن من طريقة كلامها او من طريقةضحكتها ينجذب اليها الولد وبعد كده كلمه ف كلمه يعملوا حوار ويمشى الموضوع عادى ليه الان هى الى اتاحت له الفرصه من الاول اما اذاكان ردها فيه رفض وابعاد هذا الشخص فيبعد عنها لانه عرف ان البنت دى محترمه ومش بتاعت الكلام الفاضى دا ويقول
دع القافلة تمشى والكلاب تعوى

السلام عليكم

تم نقل الموضوع للقسم الدينى العام وهو قسم حى على الفلاح لأن الموضوع عام ليس خاصا بشهر رمضان ، مع كامل التقدير والإحترام لصاحب الموضوع ، وكل من شارك ، مع ملاحظة أنه قد تم حذف المشاركات التى لا علاقة لها بالموضوع ، ومنها المتعلقة بسبب النقل حتى يستطيع القارىء أن يتابع المشاركات التى تخص الموضوع ، وكل عام أنتم بخير.

شكرا لحضرتك على الرد واحنا بنعتزر ان كنا انفعلنا احنا فى الاول افتكرنا ان الموضوع منقول يعنى احنا نقلينه من مكان وده طبعا مش حصل لاننا بنتكلم فى الفكره دى من زمان وكل حد قال فكره يعنى الموضوع ده نتاج افكار كتير يبقى ازاى منقول وبعدين احنا عملينه بمناسبه رمضان فحبينه انه يكون فى قسم رمضان كريم لكن حصل خير المهم انه موجود ومره تانيه اسفين على الانفعال وان كان حد من الاخوه قال حاجه وهو متعصب شويه فمعلش احنا بنعتزر مره تانيه

بارك الله فيكم ،وكل عام أنتم بخير.

ومن علامات الساعه ايضا عقوق الوالدين بدرجه فظيعه وبعد العقوق قطع الرحمhttp://www.facebook.com/video/video.php?v=411870322642 شوفو الفيديو ده قيديو موثر بين ابن وابيه

16- عدم الحكم بكتاب الله

ودى علامه واضحه وكلنا عايشينها
ان الحرامى الصغير اما يتمسك يدخل السجن ويحضر دكتراه فى السرقه
ويطلع يطور نفسه عشان ميتمسكش تانى
مع ان حده فى الاسلام مش السجن لكن قطع اليد
ليكون عبره لغيره
فبالتالى السرقه ستقل
مش يدخل السجن يطلع بروفيسير فى السرقه


بيوت الدعاره معروفين
كام شهر وترجع ريمه لعادتها القديمه
مع العلم ان الدين بيحكم بالجلد والتغريب عام للأعزب
والرجم للمتزوج
لو طبق الدين مكناش هنلاقى أطفال الشوارع والمتسولين بالمنظر ده




ههههههههههههههه حلو المثال ده
بالنسبه لبيوت الدعارده انت عندك شك انهم يعنى بيقفلو فى رمضان اظن ان الناس دى لهم فارق معاها رمضان ولا غيره ولا انت ايه رايك.
احنا مش فلحين غير اننا نعمل مسلسلات عن المواضيع دى مره عن اطفال الشوارع ومره عن الاعتصاب ومره ومره ونرفع القبعه لل عمله لكن اننا نحاول نحل حاجه لا مع ان الحل موجود امامهم وهو الحكم بكتاب الله

فتـن كثيـرة قـال المصطفى http://ww2.mohamedhassan.org:8000/images/salla-icon.gif كمـا فـى الصحيحيـن مـن حديـث أنـس قال http://ww2.mohamedhassan.org:8000/images/salla-icon.gif
(( إن من أشراط الساعة أن يرفع العلم ويظهر الجهل ويكثر الزنا ، ويكثر شرب الخمر ، ويقل الرجال وتكثر النساء ،
حتى يكون لخمسين امرأة القيم الواحد ))


http://www.islamqa.com/ar/ref/78329

شوفوا الموضوع ده
عشان الناس تتأكد من الموضوع السابق




رابعا :- العلامات الصغرى التى لم تقع بعد.


1-عودَة جزيرة العَرب جنَّات وَأنهاراً :


عن أبي هريرة رضي الله عنه قال : قال رسول الله صلى الله عليه وسلم : ( لَا تَقُومُ السَّاعَةُ حَتَّى يَكْثُرَ الْمَالُ وَيَفِيضَ حَتَّى يَخْرُجَ الرَّجُلُ بِزَكَاةِ مَالِهِ ، فَلَا يَجِدُ أَحَدًا يَقْبَلُهَا مِنْهُ وَحَتَّى تَعُودَ أَرْضُ الْعَرَبِ مُرُوجًا وَأَنْهَارًا ) رواه مسلم ( 157 ) .

خدوا بالكم من (تعود ارض العرب)
يعنى هى كانت غابات وانهار قبل كده
وده من الاعجاز النبوى
لان بلاد العرب كانت مروجا وانهارا
وهتبقى مروجا وأنهارا

ازاى بقى دى بتاعت ربنا
هل بفعل الآبار اللى الناس بتحفرها
ولا بفعل الجو والطبيعه
الله أعلم



2- تكليم السّبَاع والجمَاد الإنسَ :

روى الإمام أحمد في مسنده عن أبي سعيد الخدري ، قال : " عَدَا الذِّئْبُ عَلَى شَاةٍ فَأَخَذَهَا فَطَلَبَهُ الرَّاعِي فَانْتَزَعَهَا مِنْهُ فَأَقْعَى الذِّئْبُ عَلَى ذَنَبِهِ ، قَالَ :: أَلَا تَتَّقِي اللَّهَ تَنْزِعُ مِنِّي رِزْقًا سَاقَهُ اللَّهُ إِلَيَّ فَقَالَ يَا عَجَبِي ذِئْبٌ مُقْعٍ عَلَى ذَنَبِهِ يُكَلِّمُنِي كَلَامَ الْإِنْسِ فَقَالَ الذِّئْبُ أَلَا أُخْبِرُكَ بِأَعْجَبَ مِنْ ذَلِكَ مُحَمَّدٌ صَلَّى اللَّهُ عَلَيْهِ وَسَلَّمَ بِيَثْرِبَ يُخْبِرُ النَّاسَ بِأَنْبَاءِ مَا قَدْ سَبَقَ قَالَ فَأَقْبَلَ الرَّاعِي يَسُوقُ غَنَمَهُ حَتَّى دَخَلَ الْمَدِينَةَ فَزَوَاهَا إِلَى زَاوِيَةٍ مِنْ زَوَايَاهَا ثُمَّ أَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ فَأَخْبَرَهُ فَأَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَنُودِيَ الصَّلَاةُ جَامِعَةٌ ثُمَّ خَرَجَ فَقَالَ لِلرَّاعِي : ( أَخْبِرْهُمْ ) ، فَأَخْبَرَهُمْ ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( صَدَقَ وَالَّذِي نَفْسِي بِيَدِهِ لَا تَقُومُ السَّاعَةُ حَتَّى يُكَلِّمَ السِّبَاعُ الْإِنْسَ وَيُكَلِّمَ الرَّجُلَ عَذَبَةُ سَوْطِهِ وَشِرَاكُ نَعْلِهِ وَيُخْبِرَهُ فَخِذُهُ بِمَا أَحْدَثَ أَهْلُهُ بَعْدَهُ ) رواه أحمد ( 18 / 315 ) وصححه محققو المسند .


3- محاصَرة المسلمين إلى المدينَة :

من أشراط الساعة أن يهزم المسلمون ، وينحسر ظلهم ، ويحيط بهم أعداؤهم ويحاصروهم في المدينة المنورة .
عن ابن عمر رضي الله عنه قال : قال رسول الله صلى الله عليه وسلم : ( يُوشِكُ الْمُسْلِمُونَ أَنْ يُحَاصَرُوا إِلَى الْمَدِينَةِ حَتَّى يَكُونَ أَبْعَدَ مَسَالِحِهِمْ سَلَاحِ ) – رواه أبو داود ( 4250 ) وصححه الألباني في " صحيح أبي داود " - .
والمسالح ، جمع مَسْلَحة ، وهي الثغر ، والمراد أبعد مواضع المخافة من العدو .
وسَلاَح ، موضع قريبٌ من خيبر .



4- إخراجُ الأرضِ كنوزَهَا المخبوءة :

روى مسلم في صحيحه عن أبي هريرة قال : قال رسول الله صلى الله عليه وسلم : ( تَقِيءُ الْأَرْضُ أَفْلَاذَ كَبِدِهَا أَمْثَالَ الْأُسْطُوَانِ مِنْ الذَّهَبِ وَالْفِضَّةِ ، فَيَجِيءُ الْقَاتِلُ فَيَقُولُ فِي هَذَا قَتَلْتُ وَيَجِيءُ الْقَاطِعُ ، فَيَقُولُ فِي هَذَا قَطَعْتُ رَحِمِي ، وَيَجِيءُ السَّارِقُ ، فَيَقُولُ فِي هَذَا قُطِعَتْ يَدِي ثُمَّ يَدَعُونَهُ فَلَا يَأْخُذُونَ مِنْهُ شَيْئًا ) .
وهذه آية من آيات الله ، حيث يأمر الحقُّ الأرض أن تخرج كنوزها المخبوءة في جوفها ، وقد سمى الرسول صلى الله عليه وسلم تلك الكنوز ( بأفلاذ الكبد ) ، وأصل الفلذ : " القطعة من كبد البعير " ، وقال غيره : هي القطعة من اللحم ، ومعنى الحديث : التشبيه ، أي : تخرج ما في جوفها من القطع المدفونة فيها ، والأسطوان جمع أسطوانة ، وهي السارية والعمود ، وشبهه بالأسطوان لعظمته وكثرته " .
وعندما يرى الناس كثرة الذهب والفضة يزهدون فيه ، ويألمون لأنهم ارتكبوا الذنوب والمعاصي في سبيل الحصول على هذا العرض التافه


5- انحسَار الفرات عَن جَبل من ذهَب :

روى البخاري ومسلم في صحيحيهما عن أبي هريرة رضي الله عنه قال : قال رسول الله صلى الله عليه وسلم : ( يُوشِكُ الْفُرَاتُ أَنْ يَحْسِرَ عَنْ كَنْزٍ مِنْ ذَهَبٍ فَمَنْ حَضَرَهُ فَلَا يَأْخُذْ مِنْهُ شَيْئًا ) ، وفي رواية : ( يَحْسِرُ عَنْ جَبَلٍ مِنْ ذَهَبٍ ) .
وفي رواية عند مسلم : ( لَا تَقُومُ السَّاعَةُ حَتَّى يَحْسِرَ الْفُرَاتُ عَنْ جَبَلٍ مِنْ ذَهَبٍ يَقْتَتِلُ النَّاسُ عَلَيْهِ فَيُقْتَلُ مِنْ كُلِّ مِائَةٍ تِسْعَةٌ وَتِسْعُونَ وَيَقُولُ كُلُّ رَجُلٍ مِنْهُمْ لَعَلِّي أَكُونُ أَنَا الَّذِي أَنْجُو ) .



6- من هذه العلامات التي أخبر عنها النبي ولم تقع ما رواه البخاري ومسلم أنه صلى اللـه عليه وآله وسلم قال: ((لا تقوم الساعة (http://vb.prnamg.net/showthread.php?t=6195) حتى يكثر المال ويفيض حتى يخرج الرجل زكاة ماله فلا يجد أحدا يقبلها))([1]).

من أهل العلم من قال: إن هذا قد وقع على عهد عمر بن عبد العزيز رضي اللـه عنه.


7- خروُج المَهدي :

ثبت في الأحاديث الصحيحة أن الله تبارك وتعالى يبعث في آخر الزمان خليفة يكون حكماً عدلاً ، يلي أمر هذه الأمة من آل بيت الرسول صلى الله عليه وسلم من سلالة فاطمة ، يوافق اسمه اسم الرسول صلى الله عليه وسلم ، واسم أبيه اسم أبي الرسول صلى الله عليه وسلم ، وقد وصفته الأحاديث بأنه أجلى الجبهة ، أقنى الأنف ، يملأ الأرض عدلاً ، بعد أن ملئت جوراً وظلماً ، ومن الأحاديث التي وردت في هذا :
عن عبد الله بن مسعود رضي الله عنه ، قال : قال رسول الله صلى الله عليه وسلم : ( لَا تَذْهَبُ الدُّنْيَا حَتَّى يَمْلِكَ الْعَرَبَ رَجُلٌ مِنْ أَهْلِ بَيْتِي يُوَاطِئُ اسْمُهُ اسْمِي ) رواه الترمذي ( 2230 ) وأبو داود ، وفي رواية لأبي داود ( 4282 ) قال : ( لَوْ لَمْ يَبْقَ مِنَ الدُّنْيَا إِلاَّ يَوْمٌ لَطَوَّلَ اللَّهُ ذَلِكَ الْيَوْمَ حَتَّى يَبْعَثَ فِيهِ رَجُلاً مِنِّى - أَوْ : مِنْ أَهْلِ بَيْتِى - يُوَاطِئُ اسْمُهُ اسْمِى وَاسْمُ أَبِيهِ اسْمَ أَبِى يَمْلأُ الأَرْضَ قِسْطًا وَعَدْلاً كَمَا مُلِئَتْ ظُلْمًا وَجَوْرًا ) .


ان شاء الله للحديث بقيه عن علامات الساعه الكبرى
شوفوا الموضوع ده
http://www.thanwya.com/vb/showthread.php?t=240450

موجود فى المنتدى هنا بأسلوب جميل ومختصر

السلام عليكم لقد سمعت قصة من الشيخ الفاضل الدكتور حازم شومان توضح الوضع الحالى بين المتدينين وغيرهم ان احد الملوك ولد له ولد جميل لكن اذنيه مقطوعتين فاستاء لذلك كثيرا وامر بقطع اذان كل الاطفال حتى لا يشعر ابنه بالفرق وفعلا كبر الولد وهو يرى كل من حوله مثلة فلم يشعر بالنقص وبعد فترة من الزمان جاء رجل غريب عن البلد ولكنه طبيعى بأذنين فضحك منه الاطفال وصاروا يهتفون ابو اذنين اهه فالان تبدل الحال واصبح المتدين هو الغريب والمتشدد والمعقد اما البعيد عن الدين فهو الكول الروش الجامد ولا حول ولا قوة الا بالله العلى العظيم ارجو الا اكون قد تجاوزت فى التعبير وشكرا:d:d:d:d:d:d:d

حلوه القصه يا رضوى تسلمى

جميله جدا القصه دى
لأ بجد تشبيه بليغ

التنافس على الدنيا فعلا الموضوع ده بقى واضح ومنتشر جدا مع ان الواحد لو فكر فيها شوية هايلاقيها مش مستاهله يعنى ماسمعناش عن حد لما مات اخد الفلوس معاه مثلا اوحتى العمارات فالناس مركزه على حاجة مش بتدوم وسايبه الباقى الخالد وهو العمل الصالح والقول الطيب والمعاملة الحسنة بين الناس والتى تجعل الحياة ممتعة برضا الله اما التنافس على الدنيا فلا يجلب الا التعاسة والشقاء والتباغض بين الناس فكفانا الله شر المال والنفوذ

الحمد لله ان القصة اعجبتكم

التنافس على الدنيا فعلا الموضوع ده بقى واضح ومنتشر جدا مع ان الواحد لو فكر فيها شوية هايلاقيها مش مستاهله يعنى ماسمعناش عن حد لما مات اخد الفلوس معاه مثلا اوحتى العمارات فالناس مركزه على حاجة مش بتدوم وسايبه الباقى الخالد وهو العمل الصالح والقول الطيب والمعاملة الحسنة بين الناس والتى تجعل الحياة ممتعة برضا الله اما التنافس على الدنيا فلا يجلب الا التعاسة والشقاء والتباغض بين الناس فكفانا الله شر المال والنفوذ
والله يا رضوى عندك حق
التنافس على الدنيا ده من الشهوات المكتسبه فى الانسان ال لو الانسان اتخلص منها يبقى اكتسب صفه العفه ولو تطورت تبقى الايثار وبعدها التضحيه اسأل الله ان يجعلنا من هؤلاء الناس

من علامات الساعة ظهور الجهلاء وديه جاجة منتشرة جدا اليومين دول ان الجهلاء باحكام الدين يتولوا المناصب العليا كذلك بعض المشاهير من ممثلين ومغنيين ممن يمثلوا قدوة للشباب اكثر ما ينطقون به لا اساس له من الدين مثلا ان المعارض لعمل المرأة يكون رأيه رجعى والمنادون بالمساواة بين الرجل والمرأة كيف المساواة ولكل حقوقه وواجباته والدين الاسلامى هو الدين الوحيد الذى اعطى للمرأة كافة الحقوق وجعلها عزيزة ملكة فى بيتها متفرغة لعمل اهم الا وهو تربية ابنائها واعداد جيل قادر على القيام بنهضة للامة فالاطفال فى امس الحاجة للامهات والامهات فى امس الحاجة للاولاد فكيف نترك ديننا وننساق وراء تلك الافكار الهدامة

بارك الله فيكم يا طلاب و طالبات الازهر الشريف

عمل رائع

تقبل الله منا ومنكم صالح الاعمال