السلام عليكم ورحمه الله وبركاته


طبعا كل سنه وحضراتكم جميعا بصحه وسعاده بحلول شهر رمضان الكريم

وزي ماأحنا عارفين العالم الاسلامي كله بيستني الشهر الكريم للتوبه والاستغفار للمولي عز وجل والخشوع له

أنا حابب اطرح عليكو فكره أتمني أن تكون جميله

كل شخص يكتب هوا حابب رمضان ليه ؟

وايه الي ممكن نتعلمه من رمضان ؟

وهل احد عنده القدره انه يكمل الشهر دا بقراءه القرأن والتوبه لربنا ؟


وكل عام وانتم بخير

كل سنة وانت طيب وبصحة وسعادة
فكرة جميلة اوى يامحمد تسلم ايدك
ليا عودة

كل شخص يكتب هوا حابب رمضان ليه ؟
سؤاال مينفعش يتسأل
اجابته معروفة - بس الكى بورد بيعلق فمش هكتب كتير-

وايه الي ممكن نتعلمه من رمضان ؟
حاجات كتير ياريت نستمر عليها طول السنة


وهل احد عنده القدره انه يكمل الشهر دا بقراءه القرأن والتوبه لربنا ؟
ربنا يعينا جميعا

تقبل مرورى

انا بحب رمضان لان بحس ان الناس كلها بتعرف ربنا فى الشهر دا وبيكون شهر عباده وخير
وايامه بتكون جميله جداااااااااا وبحب صلاة الطراويح فيه
بنتعلم الصلاة اكتر والعباده
ربنا معانا
وكل سنه وانت طيب يا محمد

موضعك جميل

انا بحب رمضان عشان بحس فيه بروحانيات جميلة مش موجوده في باقي الشهور

اللي ممكن نتعلمه من رمضان الصبر وحقيقي بنعرف قد ايه ربنا كريم ونعمته علينا عظيمه
وانا صايمة دايما بفتكر ان في ناس صايمة زينا
بس غصب عنها بتصوم عشان مش لاقية حاجه تاكله ولا تشربها
ا بعرف وقتها نعمة ربنا العظيمة علينا وبحمده عليها

ان شاء الله اقدر اكمل رمضان للآخر قرآن وعباده ربنا يقوي ايماناجميعا
ويارب سفري ما يعطلني عن العباده ..

تحياتي ليك موضوعك متميز ...

كل سنة وانت طيب وبصحة وسعادة
فكرة جميلة اوى يامحمد تسلم ايدك
ليا عودة


وانتي بألف صحه وسلامه بأذن الله
هتكون فكره جميله بوجودكم طبعا