ازيكم بما اننا هنا اغلبية طلاب الجامعات نفس الجيل حبيت افتح معاكم موضوع النهاردة بعد سنة اولى جامعه
اكيد الثانوى غير الكلية كتير
واكيد مرينا بظروف وتجارب

بقينا فى مجتمع اكبر وواجهنا الناس
بقينا مراقبين من نفسنا ومسئولين عن مستقبلنا

كان لينا طموحات قبل مندخل الكلية
يا ترى طموحاتك اتغيرت؟؟

بعد سنة اولى جامعه شايف الدنيا ازاى
وشايف مستقبلك ازاى ناوى على اية؟؟

وياترى بعد مدخلت الكلية سواء كنت حببها او لا

شوفت فيها نفسك وان هيا دى الكلية اللى هتحقق بيها طموحاتك؟؟

تعاملاتك اتغيرت حاسس انك كبرت ؟؟

يا ترى كان ليك نشاطات فى الكلية بتاعتك ؟؟

ولا اصلا سنة اولى جامعه فرقت معاك ولا لا؟؟


اسئله كتيره
الموضوع مطروح للمناقشة</span>:)

<div class='quotetop'>إقتباس(_THE_SAD_SMILE_ @ Jun 30 2007, 03:46 PM) 337349</div>
ازيكم بما اننا هنا اغلبية طلاب الجامعات نفس الجيل حبيت افتح معاكم موضوع النهاردة بعد سنة اولى جامعه
اكيد الثانوى غير الكلية كتير
واكيد مرينا بظروف وتجارب

بقينا فى مجتمع اكبر وواجهنا الناس
بقينا مراقبين من نفسنا ومسئولين عن مستقبلنا

كان لينا طموحات قبل مندخل الكلية
يا ترى طموحاتك اتغيرت؟؟

انا الحمد لله كانت طموحاتي هي الكلية اللي دخلتها والا مكنتش دخلتها ;)

بعد سنة اولى جامعه شايف الدنيا ازاى
وشايف مستقبلك ازاى ناوى على اية؟؟

طبعا نظرتي للحياة بعد الجامعة اتغيرت بتاتا عن ثانوية
ناوي اكمل الطريق اللي بدأتوا لغاية الأخر
لأني شايف مستقبلي في اختياري
وياترى بعد مدخلت الكلية سواء كنت حببها او لا

في البداية لأ بس بعدين حبتها
بعد ما عرفت المزايا اللي فيها اللي ممكن تدوس على عيوب كل الكليات

شوفت فيها نفسك وان هيا دى الكلية اللى هتحقق بيها طموحاتك؟؟

ايون بالظبط

تعاملاتك اتغيرت حاسس انك كبرت ؟؟

اساسي التفكير اتغير

يا ترى كان ليك نشاطات فى الكلية بتاعتك ؟؟

للأسف هنبتدي من السنة الجاية السنة كنت باخد على الوضع والناس واروح شئون الطلبة واتعرف عشان يبقى ليا نشاطات بعدين

ولا اصلا سنة اولى جامعه فرقت معاك ولا لا؟؟

هههههههههههههه فرقت طبعا

اسئله كتيره
الموضوع مطروح للمناقشة</span>:)
[/b]
د


واضيعك جامدة والله يا بسمة
بس ردي انتي بقى

ويا رب ننجح الأول طبعا يا رب يا رب نجحنا كلنا ونجح كل الخايفين

شكرا على على المرور
وبالنسبالى اه اولى غيرتنى بس مش شوفت فيها جو الجامعه وكدة ناس معقدة وعقلها صغير مش كلهم بس اللى عرفتهم
وانا لما دخلت كان طموحى اكمل علوم حاسب واعوض حاسبات بس كلة اتغير وانا اهتمامى بالكمبيوتر اتغير وناوية اكمل كيميا واخد دبلومة وابئا دكتوره
بس دة لو كملت فيها انما انا واقفة على ماده اعدى او اعيد
لو لا قدر الله هعيد هحول بس
يبئا علوم بردة انا كنت كارها بس اتغير تفكيرى بعد مدخلتها
وبجد لو هحول هيبئا علوم بردة

بس
ودى كلمة للزمن منعرفش بكرة فى اية ممكن اصحا الاقينى حد تانى والله اعلم

موضوع جامد اوى يا بسمه
انا عن نفسى يمكن اول سنه فى الجامعه
غيرت فيا كل حاجه تقريبا
كل حاجه ممكن تتخيلوها
لان انا فى اول سنه زى منتو عارفين مكنتش فى بلدى
كنت مغترب فى بنى سويف
طبعا ده بعلم حاجات كتير الصبر و الاعتماد على النفس و تحمل المسئوليه و ازاى تختار صحابك....إلخ
انا عن نفسى كنت كاره الكليه جدا جدا و انا داخلها
كان نفسى فى طب او اسنان ملحقتهمش و لحقت حد ادنى صيدله بنى سويف
كنت حاسس انى داخلها غصب عنى لانى مكنتش طايقها و كنت هحول علاج طبيعى
كانت اصعب فتره عليا اول شهرين طبعا مواضيع السكن بقى ارف مفيش بعد كده
بس الحمد لله استقريت بعد عناء
جبت الترم الاول امتياز الحمد لله عقبال الترم التانى
و اللى انا اكتشفته انى لو كنت دخلت طب او اسنان اللى كان نفسى فيهم
مكنتش هعرف اعمل فيهم حاجه لان نظام دراساتهم ميمشيش مع نظام دماغى و مذاكرتى
السنه دى عرفت فيها ناس كتير و صحاب من افضل اصدقائى دلوقتى
و اكيد تعاملاتى اتغيرت كتيييييييييير للاحسن بجد
الواحد بقى فعلا بيعرف يتصرف
يعنى تخيلو الشقه اللى كنت قاعد فيها فى بنى سويف انا اللى سالت عنها و اخترتها لوحدى :P
من غير مساعده من اهلى و كنت مسئول عنها على فكره الحاجات دى بتفرق جامد
اما بقى من ناحيه نشاطاتى فى الكليه
انا مكنتش مشترك فى اسر فى الكليه
بس تقريبا كنت اعرف كل الدفعات
يكفى اقولكو ان الجدول فى الترم الاول كان وحش و محسوبكو هوا اللى غير الجدول جدول الامتحانات :P
و من الاخر اولى جامعه فرقت معايا كتير و انا سعيد جدا بالكليه

و شكرا على الموضوع الجامد ده يا بسمه :)

شكرا يا ايمن مرورك الاجمل ويارب يكرمك التيرم دة وتجيب الامتياز :)

<div class='quotetop'>إقتباس(_THE_SAD_SMILE_ @ Jun 30 2007, 03:46 PM) 337349</div>
ازيكم بما اننا هنا اغلبية طلاب الجامعات نفس الجيل حبيت افتح معاكم موضوع النهاردة بعد سنة اولى جامعه
اكيد الثانوى غير الكلية كتير
واكيد مرينا بظروف وتجارب فعلا

بقينا فى مجتمع اكبر وواجهنا الناس
بقينا مراقبين من نفسنا ومسئولين عن مستقبلنا

كان لينا طموحات قبل مندخل الكلية
يا ترى طموحاتك اتغيرت؟؟
الحقيقة لا لان طموحى بيتعامل مع الاربع سنين كوحدة واحدة مش سنة سنةبعد سنة اولى جامعه شايف الدنيا ازاى
وشايف مستقبلك ازاى ناوى على اية؟؟
واللة مستقبلى مش واضح لان مفيش حاجة كضكونة بعد اول سنةوياترى بعد مدخلت الكلية سواء كنت حببها او لا

شوفت فيها نفسك وان هيا دى الكلية اللى هتحقق بيها طموحاتك؟؟
ايوة طبعا شفت فيها نفسىتعاملاتك اتغيرت حاسس انك كبرت ؟؟
شور يسيا ترى كان ليك نشاطات فى الكلية بتاعتك ؟؟
الحقيقة نوولا اصلا سنة اولى جامعه فرقت معاك ولا لا؟؟
فرقت طبعا
اسئله كتيره
الموضوع مطروح للمناقشة</span>:)
[/b]

<div align="center">إحم ... إحم :)
بصى يا بسمة باشا انتى عارفة طبعا انى زيكم كلكم فى سنة اولى :P
والحمد لله ربنا كرمنى واول سنة رحت الكلية مكنتش اعرف حاجة خالص <_<
كنت الراعى الرسمى للهدوء بس الحمد لله تشجعت واخدت الخطوة
واتعلمت حاجة مكنتش اعرفها ;) شوفت ناس جديدة ودنيا تانية وتئقلمت بسرعة هناك والحمد لله
فاضل 3 سنين وربنا يكرمنى واخلص
طبعا كل الكلام اللى فوض ده كلام فاضى :lol:
انا خلصت وخلاص بئا عقبالكم :P </div>

<div class='quotetop'>إقتباس(_THE_SAD_SMILE_ @ Jun 30 2007, 04:46 PM) 337349</div>
ازيكم بما اننا هنا اغلبية طلاب الجامعات نفس الجيل حبيت افتح معاكم موضوع النهاردة بعد سنة اولى جامعه
اكيد الثانوى غير الكلية كتير
واكيد مرينا بظروف وتجارب

بقينا فى مجتمع اكبر وواجهنا الناس
بقينا مراقبين من نفسنا ومسئولين عن مستقبلنا

كان لينا طموحات قبل مندخل الكلية
يا ترى طموحاتك اتغيرت؟طموحى اتغير بالكامل وجربت احساس الفشل واحساس النجاح:D

بعد سنة اولى جامعه شايف الدنيا ازاى
وشايف مستقبلك ازاى ناوى على اية؟؟بصراحه الاول مكنتش ليا هدف كنت مبسوطه بالجامعه وبس عالم جديد وخلاص بس بعد سنه اولى جامعه انا حابه انى اكون حاجه

وياترى بعد مدخلت الكلية سواء كنت حببها او لا

شوفت فيها نفسك وان هيا دى الكلية اللى هتحقق بيها طموحاتك؟؟اكيد والحمد لله ربنا اعطانا الكليه الللى كان نفسى فيها ،جابت مجموع 97.2% فدخلت صيدله المنصورة وكان معايا نصف درجه والحمد لله

تعاملاتك اتغيرت حاسس انك كبرت ؟؟ حاسه انى بقيت انسان تانى بكيت كتير وضحكت كتير وتعبت كتير وبقى عندى خبره

يا ترى كان ليك نشاطات فى الكلية بتاعتك ؟؟لا بس هيبقى ليا من السنه الجايه

ولا اصلا سنة اولى جامعه فرقت معاك ولا لا؟؟فرقت معايا جاااااااااااااااامدوشكراا للموضوع المتميز ده:)


اسئله كتيره
الموضوع مطروح للمناقشة</span>:)
[/b]

جميل يا جمال :) شكرا للمرور
شكرا يا اسلام على كلامك الفالصو وطبعا لازم كلنا نتعلم منه
شكرا يا نانسى الجميل مرورك وعجبتنى ردودك :)

<div align="center">بسمه حبيبتي ميرسي في الاول عالموضوع
ندخل فيه بقى
من البدايه انا ما كنش حلمي ولا طموحي هندسه زراعيه
بس الحمد لله انا مبسوطه اوي فيها و حاسه انها فعلا اللي كان نفسي فيه
دي حاجه من ضمن التغييرات اما الباقي كتير اوي كنت كاتباهم يطلع 40 حاجه
اهمهم طبعا ان الخيره فيما اختاره الله و اني طول ما انا نيتي سليمه
و عمري ما فكرت ااذي حد ربنا يوفقني و اني كمان مزعلش على حاجه عدت و افوق للي جي
كان انا فعلا حاسه اني كبرت و اني بقيت واثقه في نفسي اكتر و بقيت اجرأ ومعتمده على نفسي اكتر
و اتعلمت من اخطائي بتاعه الثانوي يعني توتري اللي دمرني ده
الحمد لله قل يعني مثلا لما مسطرتي انكسرت في امتحان الرسم كملت و عادي و الحمد لله جبت امتياز
و كمان لما المسطره اتسرقت قبل العملي دخلت و حليت عادي ولا كان في حاجه
و طبعا عرفت ناس كتير اوي زي ما تخلصت من معرفه ناس كتير
و اتعلمت ازاي احترم الناس و مبقاش واثقه في حد ( طبعا في استثناءات)
و حاجات كتيييييييييييير اوي
و كفايه كده اصلي طولت ;) </div>

<div class='quotetop'>إقتباس(shahd_90 @ Jul 3 2007, 02:13 AM) 339504</div>
<div align="center">بسمه حبيبتي ميرسي في الاول عالموضوع
ندخل فيه بقى
من البدايه انا ما كنش حلمي ولا طموحي هندسه زراعيه
بس الحمد لله انا مبسوطه اوي فيها و حاسه انها فعلا اللي كان نفسي فيه
دي حاجه من ضمن التغييرات اما الباقي كتير اوي كنت كاتباهم يطلع 40 حاجه
اهمهم طبعا ان الخيره فيما اختاره الله و اني طول ما انا نيتي سليمه
و عمري ما فكرت ااذي حد ربنا يوفقني و اني كمان مزعلش على حاجه عدت و افوق للي جي
كان انا فعلا حاسه اني كبرت و اني بقيت واثقه في نفسي اكتر و بقيت اجرأ ومعتمده على نفسي اكتر
و اتعلمت من اخطائي بتاعه الثانوي يعني توتري اللي دمرني ده
الحمد لله قل يعني مثلا لما مسطرتي انكسرت في امتحان الرسم كملت و عادي و الحمد لله جبت امتياز
و كمان لما المسطره اتسرقت قبل العملي دخلت و حليت عادي ولا كان في حاجه
و طبعا عرفت ناس كتير اوي زي ما تخلصت من معرفه ناس كتير
و اتعلمت ازاي احترم الناس و مبقاش واثقه في حد ( طبعا في استثناءات)
و حاجات كتيييييييييييير اوي
و كفايه كده اصلي طولت ;)
[/b][/quote]
جميل اوى يا شهد :)
حسيت براحة وانا بقرا كلامك بجد جميل اوى اللى انتى طلعتى بية ويا قمر انت تطول ولا يهمك ;)

<div class='quotetop'>إقتباس(محمد البري @ Jul 3 2007, 02:20 AM) 339510</div>
<span style="font-family:Comic Sans Ms"><div align="center">مووضوع جميل يا بسومة :)

انا اتعلمت كتير قوي

انا كان حلمي اني ادخل طب

بعد الطب في البيت رشحولي أسنان ومدخلتوش

روحت صيدلة المنصورة المهم نزل تحويل الــ 10 في المية دا إخترت تحويل من المنصورة لإسكندرية جابوني طنطا

المُهم هي كُلية جميلة رغم صعوبتها الغريبة جداً

بس انا التيرم الاول شيلت 3 اتنين اساسيين وواحدة فرعية

والتيرم دا هشيله كله يعني هعيد السنة

اتعلمت كتير قوي ولكل حاجا مزايا وعيوب

والعيوب عندي مش ببصلها انا بشوف المزايا وبس


والحمدُ لله اتعلمت دروس كتيرة قوي قوي قوي قوي

ومش هشرح كتير

بس انا حبيت صيدلة بعد السنة دي وشايف نفسي فيها قوي

وإن شاء الله خمس سنين وهكون حاجا مُشرفة لأهلي ولبلدي ولديني :)

سلام عليكم</span>
[/b][/quote]
جميل يا برى مش عيب ابدا ان الواحد يقع احنا لسة فى بداية الطريق المهم اننا اتعلمنا
:)

اولا شكرا يا بسمة علي موضوعك

ثانيا انتظروني في رد قوي لموضوعك بس لما اخلص كتابته ع الكومبيوتر عشان انا كاتبه بايدي الاول

:blink: بايدك
:huh:
طيب :huh:
منتظريييييييييييييييييييييييييييييييين

والله عفارم عليكى :) .. موضوع جميل مرة :)

========= يللا نجاوب يا جدع :

يا ترى طموحاتك اتغيرت؟؟

لأ ...مش اوى .. انا اللى اتغيرت كتير


بعد سنة اولى جامعه شايف الدنيا ازاى
وشايف مستقبلك ازاى ناوى على اية؟؟

مش عارف والله .. انا مش شايف قدامى دلوقتى .. انا اكتشفت ان احنا فهندسة مبننويش .. هى اللى بتنوى وتعمل كل حاجة ... واحنا على حزب الريح متودى الريح .... متودى


وياترى بعد مدخلت الكلية سواء كنت حببها او لا

شوفت فيها نفسك وان هيا دى الكلية اللى هتحقق بيها طموحاتك؟؟

الى حد كبير ... هى عموما احسن كلية بالنسبة لى فى مصر ... لان المفروض لو فى دراسة جرافيكس فمصر كنت دخلتها ...


تعاملاتك اتغيرت حاسس انك كبرت ؟؟
اه والله .. بس مش تغيير كتبير اوى ... يعنى مثلا مكنتش باتف فوش اللى قدامى قبل كدة ودلوقتى لأ ... بس حاسس انى اتغيرت للأحسن

يا ترى كان ليك نشاطات فى الكلية بتاعتك ؟؟
اه ... كنت بالعب بينج بونج اما كنت فى المدينة .. الله لا يعودها ايام .. اسبوعين الواحد بعدهم لعن التعامل مع الحكومة


ولا اصلا سنة اولى جامعه فرقت معاك ولا لا؟؟

يوووه .. دى غربلتنى ... (هزتنى) جامد الصراحة .. 7 ريختر بالميت ..

=======================================

كل عام وانتم بخير ...

:) ... نصيحة للناس بتاعة علمى رياضة ..بلاش هندسة ... انتو حرين .. اللهم قد بلغت .. اللهم فاشهد

ههههههههههههههههههه ماشى يا احمد توشكر يا عمنا على المرور:)