مشاهدة النسخة كاملة : تنـسيــق المعــــاهــد الفنــيــة .......... أخيــراً بدأ
simsim_sad 12-08-2010, 02:02 AM يلا يا شباب ... تنسيق المعاهد الفنية بدأ بعد طــول غياب
http://www.tansik.egypt.gov.eg/tApplication/DefaultFani.aspx
رسالة لكل واحد:
أسألك بالله العظيم إنك تتدعيلي ربنا ينولني اللي في بالي
بس كده دعوة بسيطة وصغيرة مش أكتر قولها وانت قاعد دلوقتي
بالتوفيق للجميع
Bellsh 12-08-2010, 10:35 AM على بركه الله
ربنا يكرمك وينولك الى فى بالك ويحققلك امنيتك ويدخلك الجامعه والكليه الى انت عاوزها
ربنا يكرمنا كلنا ويحققلنا حلمنا بالدخول للكليات الى احنا بنحبها ويوفقنا جميعا
simsim_sad 12-08-2010, 03:16 PM السلام عليكم ورحمة الله وبركاته
عندي مشكلة قابلتني وأنا بنسق النهاردة ...
لما بدأت انسق لنفسي من خلال موقع التنسيق الالكتروني اكتشفت خطأ كبير في البيانات بتاعتي .. لقيتهم كاتبين في البيانات الأساسية (الشهادة: فني صناعي خمس سنوات) ... مع إني معهد فني صناعي سنتين
وكمان ترتب على الخطأ ده إني أصبحت أخضع لقواعد "التوزيع الجغرافي" .. لأن أساساً تنسيق المعاهد الفنية الصناعية لا يخضع لقواعد التوزيع الجغرافي .. وده على عكس تنسيق دبلوم المدارس الفنية الصناعية (نظام الثلاث سنوات) وعكس تنسيق دبلوم المدارس الفنية الصناعية المتقدمة (نظام الخمس سنوات) .... وده كلام أنا تأكدت منه من زمان ومن عدة مصادر
وده في حد ذاته مشكلة لكتير مننا من اللي عايزين يدخلوا هندسات في محافظات تانية
على العموم أنا اتصلت بالخط الساخن 19468 وبلغت شكوتي .. وهبقى اروح مكتب التنسيق في اسيوط ان شاء الله
وياريت اللي قريب من مكتب التنسيق الرئيسي روح يسأل هناك عن الموضوع ده .. ويبقى جزاه الله كل خير
وشكراً للجميع
Amr_LorD 12-08-2010, 05:13 PM على فكره كلنا كده
انا عندى نفس الكلام بردك؟؟
Sci_MaHmoUd 12-08-2010, 05:17 PM الكل كده اخويا بردك كده
simsim_sad 12-08-2010, 05:39 PM على فكره كلنا كده
انا عندى نفس الكلام بردك؟؟
يــاه ... الكـل كـده !!!
الأستاذة أم شاهندة 12-08-2010, 07:50 PM بما إنها مشكلة جماعية يبقى إن شاء الله سيتم تداركها اليوم أو غداً وتقدروا تستكملوا التنسيق إن شاء الله
كل أنواع التنسيق واجهته مشاكل من ثانوى عام لفنى لمعادلات لأزهر لمعاهد
لا تقلقوا
بالتوفيق وربنا معاكم
ma7moud_mada 12-08-2010, 09:02 PM لا يا سمسم على فكرة احنا نخضع لقواعد التوزيع الجغرافى ودى بتطبق بالمحافظة اللى فيها المعهد يعنى لو انت المعهد بتاعك فى محافظة القاهرة لازم تكتب الاول الجامعات اللى فى القاهرة وبعدين الفيوم وبعدين اى حاجة انت عايزها والكلام ده موجود فى دليل الشهادات الفنية على موقع التنسيق
المصدر :-
http://www.tansik.egypt.gov.eg/tApplication/FaniDalil/1.htm
dayman_m3ak 12-08-2010, 09:11 PM لا يا سمسم على فكرة احنا نخضع لقواعد التوزيع الجغرافى ودى بتطبق بالمحافظة اللى فيها المعهد يعنى لو انت المعهد بتاعك فى محافظة القاهرة لازم تكتب الاول الجامعات اللى فى القاهرة وبعدين الفيوم وبعدين اى حاجة انت عايزها والكلام ده موجود فى دليل الشهادات الفنية على موقع التنسيق
المصدر :-
http://www.tansik.egypt.gov.eg/tapplication/fanidalil/1.htm
شكرا عالمعلومه المفيده دى وجزاك الله خيرا
simsim_sad 12-08-2010, 11:08 PM لا يا سمسم على فكرة احنا نخضع لقواعد التوزيع الجغرافى ودى بتطبق بالمحافظة اللى فيها المعهد يعنى لو انت المعهد بتاعك فى محافظة القاهرة لازم تكتب الاول الجامعات اللى فى القاهرة وبعدين الفيوم وبعدين اى حاجة انت عايزها والكلام ده موجود فى دليل الشهادات الفنية على موقع التنسيق
المصدر :-
http://www.tansik.egypt.gov.eg/tapplication/fanidalil/1.htm
أهــلاً بيك يا محمود ...
لا ... احنا الطلبة الحاصلين على دبلوم المعاهد الفنية الصناعية (نظام السنتين بعد الثانوية العامة أو بعد دبلوم المدارس الفنية الصناعية نظام الثلاث سنوات) لا تطبق علينا قواعد التوزيع الجغرافي
الذين تطبق عليهم قواعد التوزيع الجغرافي هـــم:
1) الحاصلين على الثانوية العامة --- ويتبعون وزارة التربية والتعليم
2) الحاصلين على دبلوم المدارس الفنية الصناعية "نظام الثلاث سنوات" --- ويتبعون وزارة التربية والتعليم
3) الحاصلين على دبلوم المدارس الفنية الصناعية المتقدمة "نظام الخمس سنوات" --- ويتبعون وزارة التربية والتعليم
إنما إحنا حاجة تانية ... إحنا تبع وزارة التعليم العالي، ولينا قوانين وقواعد تانية
واللنك اللي انت جايبه بيتكلم عن اللي أنا قلته بالظبط ... هي بتتكلم عن الشهادات الفنية التابعة لوزارة التربية والتعليم اللي هي "المدارس الفنية"، ومش بتتكلم عن الشهادات الفنية التابعة لوزارة التعليم العالي اللي هي "المعاهـد الفنية"
أنا بس باطلب منك إنك تقرا أول سطر في الصحفة اللي انت جبتها، هتلاقيها بتقول: (يتم توزيع الطلاب الحاصلين على الشهادات الفنية المختلفة على الجامعات والمعاهد الفنية الصناعية والتجارية طبقاً لقواعد التوزيع الجغرافي) ... ونفهم من إنهم بيتوزعوا على المعاهد الفنية الصناعية إنهم مدارس فنية صناعية، وإلا فهل هنطلع من معهد فني صناعي وبعدين نتوزع على معهد فني صناعي تاني ... هههههه ... فهمتني يا محمود؟
وشـــكراً تاني
ma7moud_mada 13-08-2010, 01:32 AM لا انت كدة فهمت غلط برضه اقرا السطر ده وشوف
· بالنسبة لخريجى المعاهد الفنية يتم توزيعهم على الجامعات طبقا للمحافظة الكائن بها المعهد والحاصل منه الطالب على المؤهل.
simsim_sad 13-08-2010, 01:54 AM لا انت كدة فهمت غلط برضه اقرا السطر ده وشوف
·بالنسبة لخريجى المعاهد الفنية يتم توزيعهم على الجامعات طبقا للمحافظة الكائن بها المعهد والحاصل منه الطالب على المؤهل.
أيـه يا عم محمود .. بقالي أسبوع بقولك إن المعاهد الفنية بيطبق عليها قواعد "التوزيع الجغرافي" .. وانت لسه متربس دماغك دي !!!
ههههههههههههههههههه ... بهزر
فعلاً كلامك صــح ... أعلن استسلامي :078111rg3:
ahmed4max 13-08-2010, 03:14 AM يا جماعه انا كنت معهد فنى صناعى سوهاج (انا كنت ثانوى عام ودخلت المعهد ده سنتين يعنى مش كنت دبلوم صناعى من الاول )
ودخلت هندسه جامعة حلوان
ومش فى توزيع جغرفى هو ممكن يكون اتضاف عليكوا انتوا السنه دى
وانا بالعلم كان ممكن ادخل هندسه اسيوط او المنيا
simsim_sad 13-08-2010, 02:37 PM يا جماعة ... حد عرف أي حاجة عن الخطأ اللي في تنسيقنا بتاع (الشهادة الثانوية الفنية خمس سنوات).
يا ريت الناس القريبة من مكتب التنسيق الرئيسي يروحوا يسألوا هناك عن الموضوع ده
ويا ريت كمان تتصلوا بالخط الساخن 19468 وتعملوا شكاوى
وشــــكراً
myegy10 15-08-2010, 04:38 PM تاخير * تاخير
بلنسبة للمدارس الخمس سنين مخلصة امتحانات من قبل الثانوى ما يبدء
والنتيجة ظهرت بعد الثانوى
وكمان التنسيق يتاخر لبعد الثانوى باكتر من شهر
طب لية دا كلو
وبعدين انا سمعت انها الاسبوع دة
طب ما تحددو معاد ولا هيا ماشية بلبركة كدا
hend 20 15-08-2010, 08:34 PM انا اتصلت بمكتب التنسيق قالى النتيجه هتظهر بعد 10 ايام
الأستاذة أم شاهندة 15-08-2010, 08:36 PM بالتوفيق للجميع
simsim_sad 15-08-2010, 11:49 PM انا اتصلت بمكتب التنسيق قالى النتيجه هتظهر بعد 10 ايام
ممتاز جداً ... يا رب يكون الكلام ده صحيح ويظهروها فعلاً بعد 10 أيام
شــكراً
hend 20 16-08-2010, 04:41 AM ايوة يا سمسم انا اتصلت بمكتب التنسيق الرئيسى ودا رقمه 0233384609 وانا اتصلت اول امبارح يعنى باقى دلوقتى 8 ايام ان شاء الله
simsim_sad 16-08-2010, 05:01 PM ايوة يا سمسم انا اتصلت بمكتب التنسيق الرئيسى ودا رقمه 0233384609 وانا اتصلت اول امبارح يعنى باقى دلوقتى 8 ايام ان شاء الله
شكراً يا هند ....
وبالتوفيق إن شاء الله
mora_2094 17-08-2010, 10:59 AM يا ريت يا جماعة النتيجة تظهر احسن الواحد بقا عامل زى المسجون الى مستنى افراج:(
simsim_sad 17-08-2010, 07:32 PM يا ريت يا جماعة النتيجة تظهر احسن الواحد بقا عامل زى المسجون الى مستنى افراج:(
معندناش إلا الانتظار
simsim_sad 19-08-2010, 12:33 AM السلام عليكم ورحمة الله وبركاته
أنا قريت إن يوم الجمعة الموافق 20/8 هو آخر يوم في تنسيق الدبلومات الفنية.
المصدر: جريدة الجمهورية (عدد يوم الخميس 19 أغسطس 2010م)
لينك الخبر: http://www.algomhuria.net.eg/algomhuria/today/fpage/detail04.asp
وده اللي يخصنا من الخبر: (يتم غلق مكتب التنسيق والموقع الإلكتروني السابعة مساء غد أمام طلاب الشهادات المعادلة العربية والفنية، ويفتح الباب للمتخلفين عن التقديم في موعد لاحق يتحدد نهاية الأسبوع القادم)
وشـــــكراً
mora_2094 19-08-2010, 01:26 PM والنتيجة خلال اد يه
simsim_sad 20-08-2010, 05:19 AM والنتيجة خلال اد يه
الله أعلم ... لكن ممكن تكون خلال الأسبوعين اللي جايين
simsim_sad 21-08-2010, 07:56 AM أهلاً يا شباب
في ناس اتصلت بمكتب التنسيق الرئيسي وسألوهم عن معاد نتيجة تنسيق المعاهد الفنية
وكانت الاجابة إنها آخر شهر أغسطس أو الإسبوع الأول من سبتمبر
والله الموفق
mora_2094 21-08-2010, 11:06 AM yaa 3adwyyyyyyyy
|