السلام عليكم شباب المعلمين الجدد

اسعد بلقاءكم تماما
انا صحفي بأحد الجرائد الإسبوعية
وإن شاء الله سأحاول أن اكتب عنكم تقريراً مفصلاً حول مشكلتكم من حيث التثبيت
ولكن انا لست بمعلم ولا اعرف التفاصيل جيداً ولكن شدتني قضيتكم
فمن يستطيع منكم كتابة المطلوب بالتفاصيل عن طريق مقال وانا سأعيد صياغته فليرسل لي على الخاص

السلام عليكم ورحمة الله وبركاتة انا احد المعلمين المساعدين الذين نعمل بوزارة التربية والتعليم بالتعاقد وحيث ان مشكلتنا يبدأمن الثانوية العامة حيث كنا نعهد التنسيق على حاله لمده سنوات ديما كلية التربية اعلى فى المجموع من كلية الهندسة و اعلى من بعض كليات الطب حتى جاء التنسيق على عام تخرجنا ليصفع فئتنا فى التنيق صفعة مدوية حيث تم رفع كليات الهندسة وكليات الطب والصيدلة وطب الاسنان والطب البيطرى وقامو بخفض درجات الدخول لكليات التربية وقلنا يمكن خير يمكن ربنا اردلنا كده علشان الخير واحنى باذن الله هانرضى بقضاء ربنا ودخلنا كلية التربية وكنا اول دفعة تفتتح بعض الاقسام فى الكلية بعد ان كادت هذه الاقسام ان تغلق من قلة الطلبة بها ولما الدكلترة شافو الدفعة دى زى ما يكونوا ما كانوش مصدقين نزلوا فينا سلخ يعنى لا ماده علمية ولا كتب تنفع وامتحانات صعبة جدا وتقديرات زى الزفت كانت دفعتى فى قسم الرياضيات 250 فى العام الاول اتخرج منهم بعد 4 سنوات 60 والباقى كان باقى للاعادة المهم خلصنا الكلية وطبعا كان الحلم هو التعيين على طول والتكليف زى زمان لان الظروف اللى مرت علينا وصبرتنا على هذه الكلية ان احنا سمعنا تغير اتجاه نظرة الدولة لكلية التربية وللمعلمين ونزلوا مجموع كلية التربية لان المعلمون فى انقراض والدولة محتاجة معلمين وقلت فى نفسى اهو ربنا عوضك خير بدل كلية هندسة وتقعد تدور على شغل ارضى بقليلك وكلية تربية حلوة وباذن الله هاتتعين على طول لان الدولة فيها عجز فى المعلمين والحمد لله اتخرجت من الكلية انا وزميلة لى فى المركز كلة يعنى اللى اتخرج من قسمى فى نفس المركز كنا اثنين فقط وبعدين رحت الادارة اقدم لهم ورقى عام والتانى وكان ردهم فى الادارة فوت علينا العام القادم ياسيد الحمد لله ربنا وفقنا ولقيت كوسة فبعد الكوسة اشتغلت بالعقد لحد الان واجتهدت وكنت اول واحد فى المتعاقدين احصل على شهادة icdl حيث حصلت عليها قبل عملى بالتعاقد كما انى اخذت عدة دورات فى الحاسب الالى واللغة الانجليزية لحد ما عملت كمان دبلومة تربوية من الجامعة الاميريكية قالوا قانون الكادر دخلت امتحان الكادر وكانت النتيجة اجتياز والان ما زلت على التعاقد المهين وان اعول اسرة مش قادر بهذا المرتب انى اعيش اسرتى ثانيا انا فى موقفى هذا لا اشعر بالامان الوظيفى انا على عقد وشروط العقد انه ممكن يتفسخ وبدون اسباب يعنى انا زى ما بيقولو شغال على كف عفريت وكل شوية يطلع كلام ان التثبيت قريب طيب احنا بنطالب بالتثبيت او اعطاء مدة زمنية تكون صادقة للتثبيت واذا ما كنش فيه تثبيت نعرف علشان كل واحدمن المتعاقدين ياخد قرارة اللى عاوز يستمر كمدرس يستمر واللى مش نافعة المرتب ده اللى احنا صابرين علية على امل واهى يحمل حسابة ويدور على شغل تانى يكون مجزى له ويترك المكان لحد تانى نفسه يشتغل مدرس اذا فضل حد هايشتغلمدرس بعدنا وهو ده الموضوع كله

شكرا على انتماءك لينا واهتمامك بالموضوع
واحب اشرح لحضرتك الموضوع نحن خريجون كلية التربيه وكلنا مؤهلات عليا يعنى من الصفوه علميا وادبيا وده مش للتباهى لان حضرتك عارف ان المدرسين القدامى خريجين دبلومات وحيث قمنا بالتعاقد مع التربيه والتعليم منذ خمس سنوات وتحملنا كل المشاق وتحملنا الراتب البسيط 175 جنيه وهناك من كان يتقاضى 105 جنيه وذللك املا فى التعيين وكل عام تقوم الحكومه بالمماطله واختلاق الاسباب والحجج وقد قمنا باجتياز كل الاختبارات الخاصه بالتعيين وعلى درجة معلم وقمنا ايضا باخذ icdl .. وتتوالى المماطلات والمواعيد من المسؤولين ولم يتم التعيين حتى الان معى اننا لنا الحق فى التعيين تبعا للقانون 155 ومع ذلك لم لم يتم شىء حتى الان مع اننا الاثاث الذى سوف تقوم عليه الوزاره ونحن الافضل فى الاداء وذللك فضل من الله استاذنا املنا هو حلم بسيط

أين إميلك الخاص

ارجو من السيد الاستاذ الصحفي التوجة يوم الاحد القادم الي مبنى وزارة التربية والتعليم حيث سوف تتم عمل وقفه احتتجاجية من العيار الثقيل وكذلك في جميع المحافظات امام مبني المحافظة وهذه الوقفة يقوم بها المعلميين المساعديين المتعاقديين في التربية والتعليم مايزيد عن اربع سنوات وهذة الوقفة كل مطالبها هو تثبيت هؤلاء المعلميين الذين اجتازو الكادر وحاصليين علي شهادة icdl وكل شروط التعيين مستوفة و لانعرف ما سبب تأخير حتي الان

معلش يعني فيه حاجة تسمها صحفي في احد الجرائد الاسبوعية ايه هي الجريدة وحضرتك اي صحفي فيها

ربنا يقرب البعيد ويجعل الخير على ايديك واحنا بنعزم حضرتك اهوه على الوقفة الاحتجاجية كمان يوم15/8 ومحتاجين دعمك جدا ودعم اى حد مؤمن بقضيتنا وان لينا حق واظن الاخوة شرحو لحضرتك الموضوع

السلام عليكم شباب المعلمين الجدد

اسعد بلقاءكم تماما
انا صحفي بأحد الجرائد الإسبوعية
وإن شاء الله سأحاول أن اكتب عنكم تقريراً مفصلاً حول مشكلتكم من حيث التثبيت
ولكن انا لست بمعلم ولا اعرف التفاصيل جيداً ولكن شدتني قضيتكم
فمن يستطيع منكم كتابة المطلوب بالتفاصيل عن طريق مقال وانا سأعيد صياغته فليرسل لي على الخاص
http://ahyaarab.net/images/328.gif

معلش يعني فيه حاجة تسمها صحفي في احد الجرائد الاسبوعية ايه هي الجريدة وحضرتك اي صحفي فيها
يشرفنا جميعا مد يد العون لنا واهتمامك بقضيتنا ولكن يشرفنا ايضا ان نتعرف بحضرتك واى الجرائد الاسبوعية لتى تكتب لها وتريد ان توصّل قضيتنا للمسئولين من خلاها وذلك من اجل ان نتعارف بهذه الشخصية المحترمة

يشرفنا جميعا مد يد العون لنا واهتمامك بقضيتنا ولكن يشرفنا ايضا ان نتعرف بحضرتك واى الجرائد الاسبوعية لتى تكتب لها وتريد ان توصّل قضيتنا للمسئولين من خلاها وذلك من اجل ان نتعارف بهذه الشخصية المحترمة

برافو عليك يا نجار شكلك سياسي كبير

وهى الجريد ة اللى انت فيها لابسة طقية لخفة

مفيش صحفى يرفض تعريف نفسه و جريدته - لو مش هايكتب اسمه على منتدى امال هيكتبه على مقال فى جريده ازاى!!!!!!!!!

ألسلام عليكم
مع احترامى لكل الزملاء ليه كدا كل ما حد يحاول يساعدك تكذبوه ليه سوء الظنالاستاذ مش غلط احنا هنكتب الموضوع له وهو هينشرة واكيد هيقولنا هينشر فين وهنعمل الوقفه بردة وهيكتب عنها ام بقه لو هو مش هيكتب ومش هينشر خلاص الموضوع اتنهى لا ضر وضرار خلينا للاخر بدون سوء الظن

برافو عليك يا نجار شكلك سياسي كبير
لا بس هى الحقيقة لابد ان نعرف مع من نتعامل لكى تزداد الثقة بيننا لكن جريده اسبوعية طيب اسمها ايه ؟؟؟؟

ألسلام عليكم
مع احترامى لكل الزملاء ليه كدا كل ما حد يحاول يساعدك تكذبوه ليه سوء الظنالاستاذ مش غلط احنا هنكتب الموضوع له وهو هينشرة واكيد هيقولنا هينشر فين وهنعمل الوقفه بردة وهيكتب عنها ام بقه لو هو مش هيكتب ومش هينشر خلاص الموضوع اتنهى لا ضر وضرار خلينا للاخر بدون سوء الظن
يا استاذه هند ده مش سوء ظن ولا تكذيب ولكن لابد ان يكون الامر معلوم للجميع ليس له شأن بالثقة ولا حسن الظن اوسوء الظن ولكن لابد ان نعرف مع من نتعامل كى تطمئن قلوبنا بأنه سيساعدنا لا على سبيل السخريه وما اكثرهم ونعلم ان مشكلتنا ستصل فعلا ليس بالكلام

مفيش صحفى يرفض تعريف نفسه و جريدته - لو مش هايكتب اسمه على منتدى امال هيكتبه على مقال فى جريده ازاى!!!!!!!!!
مع حضرتك وحضرته فين من وقت ما كتب الموضوع

ألسلام عليكم
مع احترامى لكل الزملاء ليه كدا كل ما حد يحاول يساعدك تكذبوه ليه سوء الظنالاستاذ مش غلط احنا هنكتب الموضوع له وهو هينشرة واكيد هيقولنا هينشر فين وهنعمل الوقفه بردة وهيكتب عنها ام بقه لو هو مش هيكتب ومش هينشر خلاص الموضوع اتنهى لا ضر وضرار خلينا للاخر بدون سوء الظن

لاتعليق
بجد كلامك محترم جدااااااا
على العموم اجنا هانفهم الأستاذ الموضوع
واكيد هايعرفنا وقت التقرير ماينزل
ولو مكنش الموضوع حقيقي
محصلش حاجة
الراجل لا سخر منا ولا شيء

وبعدين كل واحد وليه ظروفه

طيب ماهو موظف الاكاديمية مقالش اسمه وكلنا بنتمنى يدخل تاني ويطمنا

جزاك الله خيرا على الاهتمام بنا
ولكن أخى الكريم الرجاء الافصاح عن شخصك وجريدتك
حتى يتثنى لنا معرفة مع من نتعامل ونتكلم
وشكراااااااااااااااااااااااااا

كل شوية يطلع علينا واحد يقول انا موظف في الاكاديمية والاستاذ التاني انا صحفي بإحدي الجرايد الاسبوعية ما احنا عندنا في الشرقية لوحدها حوالي 10 جرايد اسبوعية تبع الشرقية ومش ليها لزمة وكمان فيه مليون محرر صحفي وكتير اوي وبردوا محررين مش ليهم رأي واي واحد ممكن يكون محرر لان مجرب الموضوع ده بحكم عملي

جريدة ايه ومكانها فين ؟؟

عايزين نعرف اسم حضرتك واسم الجريدة الاسبوعية


معلش عايزين نتأكد اصلنا زهقنا اشاعات

حد ياشباب يكتبله على الخاص يفهمه كل حاجه لان انا مش قادر ابعتله عشان انا مشاركاتى معدتش 50 مشاركه وياريت متنسوش تفهموه اللى المفروض يتثبيت ومتثبيتش واللى المفروض يعيد الامتحان خلال 6 شهور وممتحنش ومعدش واللى عقدهم قرب يخلص ومحدش قاله هتمتحن امتى
وقصه icdlاللى مش مكتوبه فى قانون 155 وفرضوها علينا بقرار وزارى يريت اللى يبعتله يكلمه عن كل حاجه مش التثبيت وبس

لو بطلنا نحلم نموت

صحفي في اليوم العاشر او المصري النهاردة

صحفي في اليوم العاشر او المصري النهاردة

حتى و لو كان صحفى فى اليوم الواحد بس يقولنا اسم الصحيفة
عشان المصداقيــــــــــــة وووو الشفافيــــــــــــــــــــــــــــــة و الديموقراطيــــــــــــــــة و اى حاجة تنتهى بـ ( ـــــيـــــــــة )

حد ياشباب يكتبله على الخاص يفهمه كل حاجه لان انا مش قادر ابعتله عشان انا مشاركاتى معدتش 50 مشاركه وياريت متنسوش تفهموه اللى المفروض يتثبيت ومتثبيتش واللى المفروض يعيد الامتحان خلال 6 شهور وممتحنش ومعدش واللى عقدهم قرب يخلص ومحدش قاله هتمتحن امتى
وقصه icdlاللى مش مكتوبه فى قانون 155 وفرضوها علينا بقرار وزارى يريت اللى يبعتله يكلمه عن كل حاجه مش التثبيت وبس
للعلم انا بعتله على الخاص رسالة شرحت فيها مشكلتنا و مطالبنا

و الى الان لم نره على صفحة المنتدى مرة أخرى
الظاهرو الله اعلم ان الاخ الصحفى مش صحفى
و ممكن تكون تمثيلية و احنا صدقناها

[quote=hassan43;2529005]حتى و لو كان صحفى فى اليوم الواحد بس يقولنا اسم الصحيفة
عشان المصداقيــــــــــــة وووو الشفافيــــــــــــــــــــــــــــــة و الديموقراطيــــــــــــــــة و اى حاجة تنتهى بـ ( ـــــيـــــــــة )
ايوة طبعا زى الطعمية والمهلبية والمحسوبية والحرامية و اخبطوا راسكو فى الحيطة دية

نحن جميعا نطالب بتكليف خريجى كليات التربيه لانهم ليس لهم مجال للعمل فى اى مكان اخر غير التربيه والتعليم

والله جميع الخريجين والكليات مش لاقية

[quote=hassan43;2529005]حتى و لو كان صحفى فى اليوم الواحد بس يقولنا اسم الصحيفة
عشان المصداقيــــــــــــة وووو الشفافيــــــــــــــــــــــــــــــة و الديموقراطيــــــــــــــــة و اى حاجة تنتهى بـ ( ـــــيـــــــــة )
ايوة طبعا زى الطعمية والمهلبية والمحسوبية والحرامية و اخبطوا راسكو فى الحيطة دية
so sarcastic

هودى مين ياجماعة مين الصحفى الى فاضى اللى بيدخل على النتد\ى

السلام عليكم ياشباب وشكراً على كم التريقة الغير عادية وأشكر كل من تعامل معي بثقة

اولاً انا مش محتاج أكذب عليكم ولن اطيل عليكم وبيني وبينكم المقال الذي بانتظار الموافقة على نشره وحين يتم النشر
سأرسلعه لكم جميعاً هنا حتى تروه ويتبين لكم إن كنت صادق أو كاذب

انا لست بحاجة لتوضيح موقفي او غير ذلك وموعدنا يوم نشر المقال
وبالتوفيق ليكم يارب ونسمع عنكم كل خير

السلام عليكم ياشباب وشكراً على كم التريقة الغير عادية وأشكر كل من تعامل معي بثقة

اولاً انا مش محتاج أكذب عليكم ولن اطيل عليكم وبيني وبينكم المقال الذي بانتظار الموافقة على نشره وحين يتم النشر
سأرسلعه لكم جميعاً هنا حتى تروه ويتبين لكم إن كنت صادق أو كاذب

انا لست بحاجة لتوضيح موقفي او غير ذلك وموعدنا يوم نشر المقال
وبالتوفيق ليكم يارب ونسمع عنكم كل خير
اخى الصحفى الجميل ذات المهنة السامية مهنة نشر الحقائق والوقوف بجانب المظلوم لا تتضايق من اعضاء المنتدى الذين لم يصدقوا ذلك وانا احدهم فلايغضبك ذلك لأن ما يحدث لنا من كثرة تناقل الاخبار الغير موثقة وغير موثوق فيها جعلنا لا نصدق اى شئ بسهولة لان الاطار العام الذى حولنا اطار شائعات واخبار ما أنزل الله بها من سلطان وما جعلنا لانطمئن ونصدق وتكون لدينا الثقة فى كلام حضرتك هو ماحولنا من أجواء غير صادقة غير سليمة فلا تغضب بالاضافة انّ ما كتبته فيه اشياء مجهولة وغير معلومة لنا مثل اسم حضرتك واسم الجريدة التى تكتب فيها فهذا شئ يشرفك أن تذكره لنا لكى نعلم بها ونثنى جميعنا على ما فعلته وما فعلته جريدتك الموقرة فنتمنى أن تتفهم الوضع ويكون جلى امامك وتخبرنا بتلك المعلومات حتى يطمئن الجميع وإلا ستكون شائعة كغيرها فى نظر الجميع ارجو ان ارى تعليقك على ذلك اخى الكريم

هو استاذن الصحفى لما لم يذكر اسم الصحيفه

أولاً متشكرين على إهتمامك
لكن كل المنتدى زهق من الإشاعات
فياريت تعرفنا بنفسك
علشان قبل كده واحد قال أنا موظف فى الأكاديمية
وواحد زميل لنا فى المنتدى قال ده مدرس مساعد زينا

الوهم .... الوهم ....... الوهم
الوهم .... الوهم ....... الوهم
الوهم .... الوهم ....... الوهم
الوهم .... الوهم ....... الوهم
الوهم .... الوهم ....... الوهم
الوهم .... الوهم ....... الوهم

بمزيج من الهزل والعبث في موضع الجد، وبخفة في مقام الرصانة والعقل وبسخرية واستهتار بقيمة هذه الأمة.
المعلمون مهانون الى الابد طالما البلد لن تتغير

استهزاء بينا والله العظيم

اسم الجريده يا أستاذ لو سمحت علشان نتابع المقال ولا رأيك نشترى كل الصحف؟

ياريت يسمع الكلام اللي بتقولوه ده وانا حاسس انه محرر وخايف يقول انه محرر عشان مفيش حد يستهزأ بيه

ً انا مش محتاج أكذب عليكم ولن اطيل عليكم وبيني وبينكم المقال الذي بانتظار الموافقة على نشره وحين يتم النشر
سأرسله لكم جميعاً هنا حتى تروه ويتبين لكم إن كنت صادق أو كاذب

انا لست بحاجة لتوضيح موقفي او غير ذلك وموعدنا يوم نشر المقال
وبالتوفيق ليكم يارب ونسمع عنكم كل خير

معلش يا أستاذنا ممكن الاسم واسم الجريده وموعد النشر
وراعى ان اهنا فى رمضان

يعنى ملوش لازمه الكلام الكتير رد على الاسئلة الموجهه لحضرتك

السلام عليكم ياشباب وشكراً على كم التريقة الغير عادية وأشكر كل من تعامل معي بثقة

اولاً انا مش محتاج أكذب عليكم ولن اطيل عليكم وبيني وبينكم المقال الذي بانتظار الموافقة على نشره وحين يتم النشر
سأرسلعه لكم جميعاً هنا حتى تروه ويتبين لكم إن كنت صادق أو كاذب

انا لست بحاجة لتوضيح موقفي او غير ذلك وموعدنا يوم نشر المقال
وبالتوفيق ليكم يارب ونسمع عنكم كل خير

شكرا ليك على الاهتمام

بس فين المقال ؟؟؟
ولماذا لم تتم الموفقة عليه حتى الان ؟؟