۞ سلسلة "صـــح و غلطـ" و قصـــة طريفـــة ۞ حصرياً في رمضان [الأرشيف]

الأميـرمحمد

12-08-2010, 06:02 PM

السلام عليكم ورحمة الله وبركاته

كل سنة وانتم طيبين

http://www.thanwya.com/vb/data:image/jpg;base64,/9j/4AAQSkZJRgABAQAAAQABAAD/2wCEAAkGBhQSEBUUEhQUFRQUFiAYFBcWFhcWHBsZHxshFxYWJB oZJycfGSUvHx4cKzgsLScuLSw4Fh8xNzIqNTItMTUBCQoKBQUF DQUFDSkYEhgpKSkpKSkpKSkpKSkpKSkpKSkpKSkpKSkpKSkpKS kpKSkpKSkpKSkpKSkpKSkpKSkpKf/AABEIAIYAXQMBIgACEQEDEQH/xAAcAAEAAgIDAQAAAAAAAAAAAAAABgcEBQECCAP/xAAyEAACAgEDAgQEBQQDAQAAAAABAgMRAAQSIQUxBgcTQSJRYX EUIzJCkQhSgbEVocEX/8QAFAEBAAAAAAAAAAAAAAAAAAAAAP/EABQRAQAAAAAAAAAAAAAAAAAAAAD/2gAMAwEAAhEDEQA/ALxxjGAxjGAzX9d1zQ6d5FKArRuQ0tbgGs2K4uue9ZsMrTzVMs j+gNYsEJg9QwvGG/EFGZ2RWrcCKjuj2cH52Fl5xnCGwLFH3Hy+mdsBjF4wGMYwGMYw GMYwGeb/ADh1Gti6vtllaZEX19Mv6FVKJYUhHI2MCbs7R889IZTvnbpNK2 t0JmlaNiGE20Ek6exu7djy/wDLYFh+BF1H/H6c6uQyTPGHYkAEbhuCmqsgGr75v86Q1tG2ttCq+XtnfAYxjAY xjAYxjAYxjA6yyhVLMQABZJNAAdzeUZreoQ67rs00WqaWAwiIV DI6qdu0xjcpUgsL9gdx7+9s+MOpxR6SZZH2l4mCgDc3I2ghRye SMqfwB4b1QnGqb8qCFwxT0dzStsCOaailgA1dKewGBYHlb12OT RRaYzb9Tp02zIxO9aJAsNyRVC+3bJplLeE+txaLrL/iC0aahWSN3RhulLhnLFmOywEAHatvY2TdAOBzjGMBjGMBjGMBj K080/MWTRSRxadwrAhpqVHbbW/sTwKHPw8h+GBUjIp4g855vU02p0sy+ivwajTFVtm3WxuiRuUCj xt5HPOBL/EGt2a4mWSNEMijc4BC7QSnf2qz/lswf/qyFyv4iEBSbIKmxdAjn5ZDNd12LrPVNOqeo0DSO0yEHeFqh+kc iuBV1fPORLq/Tun+pIscskZSx8QJFg0e/J5/0cCS+a/WjqYI5ROjhZQAFAtbDlTuH6uAPtxlpeSXW5NT0pTLX5UjRJX9i hSv+yP8DPPfW+itpYVjmEqO0m4B4yqlQK3I1kODYN5sfLzxIdN rNPvmkWBHZ2j9YpH6mxgjHmgOQDxZFjntgescZQXRfNTqDrqo4 A+q1MstwuF/JiisgsqsAyrVUXoe55vdbngrxBJqYWE4jXUQv6c4jZWXdQIIom hR9/cGuKwJDjGMBjGMCqvPSPStpHLxSSamkWJkLUpLEixe08XxRPxr 98qOfy/1SRNGNOTIsCama63RrcgA7+4AJFE/D7c5c3nL0yA6WWXe6an01VAo4f4iQDx8gw7/APgytl1usZNQ2r/ExP6UZZyneBFkqwoBe27XS8C7AwIt0nSalRE0Q2+oGjV1DbgPi DqSvY05Pz+EfLM3W6PWq7VGSbNmOEjaD6hcK1Ch8Ul8e3y23YX hnSxboHgWozF+Xu+VjuLAJtSf0Emrtfe6NJHtjUdqUD/rA8na/o2rcR/iV2Iz7F/Lopdu21OK7PwCASrZieH/AALrdahbSwPIm7bv4VbHcWSB7j+c9BecZA00JIupeOao7CL/AFL7E/3fb3EF/pz1E/4iZPzPwxiLgG9nqbkXcOKuuOPlz7YGn0nh54+mS6Uqwlj1F6lU KjftLAxBrIZtiOVHuWoC+Td/gPVaSXSCTQoywsaG4OCSoCfvsnhQLuuD73lc9biD6TqPrNOp/HNZTssSzne4AHNR7jRv2I5rLI8D6TSJpb0LrJFJIzlxt+J+zE7 Qovj5YEhxjGAxjGBXvmzCqadpxMiyR7WSB+RKwNAUCGBK3RHbb ftYgGg8wdXqItSZvSjkkiSBg6Fd6D1i7VzXFgnsKNW2Wj5g6NF hOokdAsI3lH/dxQAJ7HtQoix2yuIfFy6+LUSy6RWB0senRVFhWLyjepI4IHYCv uBZAbbw9oFjMSxOHjRAqsD+tQdpI4PBO799c8XQItvRm40J7lR f3rKl6J0s6aKJGKn00WMDjuCN/wC6u5bnab+Yvm29Ify14r4Rx/jAgfnNCW0kYUEt6nFAnmvegRX3ofW6Bi39PXitjHLo5K9OOnhN NYLk7lJ7Vfa65JHPGSrzj1Qj0sLNXEwqwDzVe/bi+3P/AHkQ/p8IkgnjQIjJIjTOUBd1JJRQ18AFTwQa3WDzwGL17WSvDqYGKRR P1JzLKe8YaYxmQX+0AAmqIu7o1lu+Dugx6TTenFJ6kZdmUg2oD G9q8kAA3wDlR9U6i0g1emiWNWfqLfnOAyj1ZmhEbD+20sk2O42 3Ry4PCvQzpNP6Vgj1HcABaUMxbaKVSRye9nnucDcYxjAYxjAiX j7QEwtKdhWNb2tV/Khx9u/vlb9T1cOollMitAD0+MoI6FShpVUniyO9/aj7ZY3jnQzEBokWV2+FAzBKNHue9fKgTZ+WV70/ofoJLu1DDVEBpg/K70DLGyEd1BbjvZAJ5qgyumaaVIIojuMiBd+92vd+4ni+Ox57/Pvm5i6/r0seoK4CDYGrk+5+lfb65qfDJ1EiJNTsLZTXNkMULVyFsjg2Lu qrMnU9QnXcWDKF77olNXYHyHuvv7fXA1fjrxBrGUesFaJLdNqk EstV2FEfehdd/fK8ipdNpunyz3+Yz7NRZ7bSTGACB3Vr7mzmh8U6ttZA0e5k2Bm t0CqeLCkleLAFUQbPy4yHeGfDWp1EJIlEenY7nO4ckfCQQDf8/PAn2s08uo0snoaSOQ6vUyKkrlRtDytuU7eb3AHvQv7g2r4C6LL pNCkM7BnVmqiT8JYlQSSbNH6DmqGQzwbrIINCscO6SDeyCX9vq cNtLcfu5Uj3JoHJ14UjmELesSblcx7ixb0y1oCW/wDOKo8dsDdYxjAYxjA4K3kJ8b+HpG06x6dCV3AyMgUyV+mx27A k/M1k3z5Sn6XgVJ4z6u3TdBC8ERJTYiFgQIxe7kpR/VGt8gEsLBvnD0PjTQGBCZhGVVAR6jAqxCbkUd1A2LdcGjd83ZH VAkgZGCurCiOGBB9iDlKeI/JoiVm0r/lk36cl2v0DDuPuL++Bg9B6j+JBA1CQzlxHAgcxqYvgDrbbgPhF dhdHuTkz8vfLN4p5U1MavpSWQRzAkMrKh9RRZCNYUX3+E88DML wL5frpnEjJ6k4HDEHapvuA3Y+1/Tissnp7Fm2q7h/c7WofTA2vhvwnBoY2jgWlYgkcVYUKDXa6Uc9zVnnNzmLoIHUfG +8/aq/nnMrAYxjAYxjAZ1dARR5BxjAw/wDho7uiPsSP9Yn6LE9WvYVwSv8ANd8YwPtB0+NP0qBX+f8Aeff bjGBzjGMBjGMD/9k= (http://www.google.com.eg/imgres?imgurl=http://www.bnat21.com/photos/data/media/53/swar-fwanes-ramadan%2520%2844%29.jpg&imgrefurl=http://www.bnat21.com/photos/img2080.htm&usg=__PxNLmXKqA8nwv7WJUBJu4zsxd3s=&h=570&w=395&sz=24&hl=ar&start=5&um=1&itbs=1&tbnid=04Uz1muv_411cM:&tbnh=134&tbnw=93&prev=/images%3Fq%3D%25D9%2581%25D8%25A7%25D9%2586%25D9%2 588%25D8%25B3%2B%25D8%25B1%25D9%2585%25D8%25B6%25D 8%25A7%25D9%2586%26um%3D1%26hl%3Dar%26client%3Dfir efox-a%26sa%3DX%26rls%3Dorg.mozilla:ar:official%26tbs%3 Disch:1)http://th08.deviantart.net/fs15/300W/i/2007/038/6/a/ramadan000_by_naderbellal.jpg

√ و × وقصــة طريفـــــة

الحمد لله وحده والصلاة والسلام على من لا نبى بعده

قبل أى حاجه .. كل عام وأنتم بخير

ورمضان مبارك

ربنا يتقبل منا ومنكم ويرزقنا الإخلاص وحسن العمل في هذا الشهر وفي غير هذا الشهر

مفاجأه رمضان السنة ديه وفي 30 حلقة

...*][... سلسلة صح وغلط وقصة طريفة ...][*...

يعنى ايه بقه صح وغلط وقصة طريفة ديه ؟!؟

علشان ننوع السنة ديه ومبيقاش فيه ملل .. فكان الاختيار ان كل حلقة من 3 اجزاء

الأجزاء باختصار //

الأول : صح

صح ده حاجه صح ممكن يكون حديث أو قصة أو أثر فيه فائده بس الشرط انه لازم يكون صحيح

يعنى لازم يكون حديث صحيح أو قصة ثابتة أو أثر ثابت أو عادة طيبة عايزين نعملها أو سنة عايزين نحييها

وحيكون فيه فائده ان شاء الله أو عمل صالح نقدر نعمله

الجزء الثاني : غلط

غلط ديه ممكن يبقى حديث عارفين ومشهور اوى بينا وبنسمعه كثير وهو مش صحيح ..
حنحذر منه علشان منقولوش

ممكن غلط تبقى قصة مشهوره وهي مش صحيحه أو عادة سيئة بنعملها عايزين نبطلها

الجزء الثالث : قصة طريفة

وديه حتكون قصة طريفه حصلت في زمن السلف أو موقف طريف مع احد المشايخ أو مع احد الناس المعاصرين ولكن مش حيخلو من فائده ممكن نستفيد منها

وان شاء الله تعجبكم

ده باختصار شرح لسلستنا في رمضان السنة ديه

وإن شاء الله في كل يوم حلقة

ونسأل الله أن يتقبل منا ومنكم صالح الأعمال

انتظروناااا و الحلقة الأولي

الأميرمحمد

...

سؤئة الطيوبة

12-08-2010, 06:06 PM

جزاك اله كل خير.............وان شاء بانتظار القــــــــــصة.......تحيااااتى

الأميـرمحمد

12-08-2010, 06:07 PM

" صح وغلط وقصة طريفة "

مع الحلقة (1)

1- صح :-

في جزء " صح " بمناسبة بداية شهر رمضان .. دايما أحب أذكر بحديث مهم جدا مع بداية الشهر المبارك

ألا وهو حديث :

من صام رمضان إيمانا و احتسابا غفر له ما تقدم من ذنبه

إذن حتى تتحقق المغفرة ويُغفر لنا ما تقدم من ذنوبنا لابد من شرطان ..

أن يصوم الإنسان إيمانا و إحتسابا ... الأمر يحتاج لنية

إيمانا : بالله و بما أنزل و بما فرضه علينا ... فنصوم لأنه فرض علينا يجب صيامه ... و لأنه من أركان الإسلام ... مش لأننا بنصوم علشان متعودين نصوم .. علشان كله بيصوم .. علشان عيلتنا كلها بتصوم .. لا

الموضوع لازم يكون عبادة مش عادة بنصوم علشان ربنا فرض علينا صيام الشهر ده .. فبنتعبد لله بالصيام

و إحتسابا : نحتسب الأجر و المغفره ...و إنى بصيامى هذا أحتسب أن يغفر الله لى ما تقدم من ذنبي ..وأنى سأثاب بهذا الصوم

وممكن حد يسبق الثاني بكثيير بسبب النية الصحيحة .. فنحسن النية حتى يغفر لنا ما تقدم من ذنوبنا برحمة الله

هذا كان توضيح بسيط جدا للحديث ... و نرجو تحقيق هذين الشرطين ... حتى يغفر الله لنا ما تقدم من ذنوبنا ...

2- غلط :-

طبعا ومع بداية شهر رمضان .. تلاقوا كثييييير جداااا من الأئمة في الخطب وتلاقي في الراديو والتلفزيون حديث مشهوووور جدا مع بداية رمضان

أظن أن كلكم سمعتوه كثير .. عن نفسي اليوم فقط سمعته مرتين .. مره في إذاعة القرآن الكريم

ومره في مسجد

الحديث هو خطبة الرسول عليه الصلاة والسلام المشهورة المزعومة :

عن سلمان رضي الله عنه قال خطبنا رسول الله صلى الله عليه وسلم في آخر يوم من شعبان قال يا أيها الناس قد أظلكم شهر عظيم مبارك شهر فيه ليلة خير من ألف شهر شهر جعل الله صيامه فريضة وقيام ليله تطوعا من تقرب فيه بخصلة من الخير كان كمن أدى فريضة فيما سواه ومن أدى فريضة فيه كان كمن أدى سبعين فريضة فيما سواه وهو شهر الصبر والصبر ثوابه الجنة وشهر المواساة وشهر يزاد في رزق المؤمن فيه من فطر فيه صائما كان مغفرة لذنوبه وعتق رقبته من النار وكان له مثل أجره من غير أن ينقص من أجره شيء قالوا يا رسول الله ليس كلنا يحد ما يفطر الصائم قال يعطي الله هذا الثواب من فطر صائما على مذقة لبن أو تمرة أو شربة من ماء ومن أشبع صائما سقاه الله من الحوض شربة لايظمأ حتى يدخل الجنة وهو شهر أوله رحمة ووسطه مغفرة وآخره عتق من النار فاستكثروا فيه من أربع خصال خصلتان ترضون بهما ربكم وخصلتان لاغنى بكم عنهما أما الخصلتان اللتان ترضون بهما ربكم فشهادة أن لاإله إلا الله وتستغفرونه وأما الخصلتان اللتان لاغنى بكم عنهما فتسألون الجنة وتعوذون من النار

مش سمعتوه كثير ؟؟

هذا الحديث رغم شهرته الكبيرة .. حديث منكر .. لا يصح ولا يثبت عن الرسول صلى الله عليه وسلم

الحديث ده لم يقله الرسول صلى الله عليه وسلم .. فيجب الحذر من هذا الحديث ومن ترديده لأنه ضعيف سندا ومتنه منكر

متنه يعنى محتوى الكلام به .. منكر يعنى يخالف أحاديث أخرى صحيحة .. وإن قاله أمامك أحد حاول أن تنصحه بينك وبينه مش قدام الناس وتبينله أنه حديث غير صحيح.

3- قصة طريفة :-

بمناسبة القيام في شهر رمضان ..

قال ابن الجوزي -رحمه الله -في كتابه أخبار الحمقى والمغفلين :

وكان أعرابي يصلي ، فأخذ قوم يمدحونه ويصفونه بالصلاح -وهو يصلي ويسمعهم - ، فقطع صلاته وقال : مع هذا إنى صائم ..
!!

نسأل الله الإخلاص ونعوذ بالله من الرياء ..

الرجل من كثر ما عجبه كلام الناس خرج من الصلاة علشان يقولهم انه صايم كمان .. مش بس بيصلي كويس ..ده كمان صايم علشان يبدأوا فقرة جديده في مدحه

فالشاهد إننا يجب أن لا نعجب بكلام الناس عنا ولا نفرح بمديح الناس لنا فيسبب هذا الرياء فينا ويذهب الإخلاص

وتذكر فعل سيدنا أبو بكر الصديق -رضى الله عنه- عندما كان يمتدحه أحد فكان يبكي ويقول :

اللهـــــــم أنت أعلم بي من نفســي

وأنـــــــا أعلــم بنفســــي منهــــــم

فاجعلنـــــي خيراً ممــا يحســـبون

وأغفر لي برحمتك ما لا يعلمون

ولا تؤاخذنــــي بمـــا يقولـــــــون

فنبدأ بالاخلاص إن شاء الله ونبعد عن الرياء حتى يُتقبل منا بفضل الله

بكده خلصت الحلقة الأولى .. يارب متكونوش زهقتوا ..

نقاء الروح

12-08-2010, 06:13 PM

بوركت اخي الفاضل ،،

سلمت يمينك ،،

حلقة في غاية الروعة ،،

ونعوذ بالله من الشرك الاصغر ،،

و بانتظااار باقي الحلقات ،،

موفق ،,،

yara attia

12-08-2010, 08:10 PM

بارك الله فيك

قصة رائعة بجد بجد

وانتظار بقي الحلقات ان شاء الله

تقبل مروري

yara attia

12-08-2010, 08:11 PM

http://www.alatheer.cc/up/up_down/42081_cdr.gif

Mr. Medhat Salah

13-08-2010, 12:38 AM

جزاك الله خيرا

emadcom

13-08-2010, 12:55 AM

موضوع رائع و قصة تستحق الشكر

ايه كمال

13-08-2010, 01:25 AM

http://www13.0zz0.com/2010/08/12/19/920671827.gif

عبد الله الرفاعي

13-08-2010, 01:56 AM

غزل عفيف!!
يقول زين القضاة السكندري في القطائف:

لله در قطائف محشوة
شبهتها لما بدت في صحنها

من فستق دعت النواظر واليدا
بحقاق عاج قد حشين زبرجدا

ويقول الشاعر سد الدين بن عربي في القطائف والكنافة:
وقطائف مقرونة بكنافة
هاتيك تطربني بنظم رائق

من فوقهن السكر المذرور
ويروقني من هذه المنثور

ويقول الشاعر الليبي عبد ربة الغاني في ذكر حلوى رمضان:
الليل فيك مؤرخ بضيائه
هذي زلابية وتلك كنافة

ضخب وزينات وعز مقام
وحلاوة من كل صنف شام

samar saad

13-08-2010, 01:59 AM

بشكرك يا امير محمد جزاك الله كل خير

الأميـرمحمد

13-08-2010, 03:10 AM

بوركت اخي الفاضل ،،

سلمت يمينك ،،

حلقة في غاية الروعة ،،

ونعوذ بالله من الشرك الاصغر ،،

و بانتظااار باقي الحلقات ،،

موفق ،,،

جزاكي الله خير يا نقاء علي مروركـ الرائــعـ
و ان شاء الله الحلـــقة الثانيــــة بعد قليل ’’’

الأميـرمحمد

13-08-2010, 03:12 AM

جزاك اله كل خير.............وان شاء بانتظار القــــــــــصة.......تحيااااتى

و جزاكي الله مثله

الأميـرمحمد

13-08-2010, 03:13 AM

بارك الله فيك

قصة رائعة بجد بجد

وانتظار بقي الحلقات ان شاء الله

تقبل مروري

و بارك الله فيكي ..
و الحلقة الثانية بعد قليل ...

الأميـرمحمد

13-08-2010, 03:14 AM

موضوع رائع و قصة تستحق الشكر

جزاك الله خير

الأميـرمحمد

13-08-2010, 03:16 AM

جزاك الله خيرا

جزاك الله خير

الأميـرمحمد

13-08-2010, 03:17 AM

http://www13.0zz0.com/2010/08/12/19/920671827.gif

وبارك الله فيكي

الأميـرمحمد

13-08-2010, 03:19 AM

الأميـرمحمد

13-08-2010, 03:20 AM

بشكرك يا امير محمد جزاك الله كل خير

جزاكي الله خير

الأميـرمحمد

13-08-2010, 03:29 AM

صح وغلط وقصة طريفة

الحلقة رقم (2)

1- صح :-

زي مقلنا بالأمس حديث ثمرته هي مغفرته ما تقدم من الذنب

انهارده الفرصة رقم 2 لنيل نفس الجائزة ..وزي مكانوا بيقولوا :

كل ما تشتري أكثر فرصتك في الفوز تكبر

وطبعا كل متزوّد الأعمال اللى ليها نفس الثواب .. يبقى فرصك في الفوز بهذا الثواب أكثر

طيب ايه بقه الفرصة الثانية ؟؟ الأولى كانت صيام شهر رمضان بس بشرطين .. ايمانا واحتسابا

اليوم حديثنا عن القيام بس برضه بشرطين .. هما نفس الشرطين .. ايمانا واحتسابا

قال رسول الله صلى الله عليه وسلم :

"من قام رمضان إيمانا واحتسابا غفر له ما تقدم من ذنبه"

يبقى مثل ما قلنا بالأمس .. الأمر يحتاج لنية .. مش مجرد نروح نصلي تراويح علشان اتعودنا من صغرنا نروح .. وعلشان كل الناس بتروح ويعنى حقعد انا في البيت وصحابي وعيلتى رايحين .. يلا انا كمان بدل مقعد لوحدى ..

مش نروح نصلي التراويح والقيام علشان مبقاش الوحيد بين صحابي اللى مبروحش او علشان اروح اصلي مع صحابي وبعدها نخرج ..

لا قيام رمضان يحتاج لنية .. نية للتعبد .. مش مجرد عادة .. لازم نجدد النية واحنا رايحين نصلي .. رايحين نصلي عبادة لله خالصة لوجهه .. قيام علشان ربنا أراد منا قيام الشهر والرسول حثنا على قيامه .. طاعة لله واتباعا للنبي صلى الله عليه وسلم

احتسابا يعنى نحتسب الأجر ويكون الأجر ظاهر قدام عيننا نرجو اننا نحصل الأجر ده

2- غلط :-

كثير نسمع بعض الخطباء أو الأئمة أو حتى إذاعة القرآن الكريم .. يقولك شهر رمضان شهر الأمة .. ويروح قايل حديث ..
الحديث ده بيتكرر كثير ..

الحديث بيقول :-

" رجب شهر الله ، وشعبان شهري ، ورمضان شهر أمتي"

مش سمعتوا الحديث ده قبل كده ؟؟ اهو الحديث ده ضعيف

واللى مسمعوش قبل كده يعرف انه ضعيف علشان ممكن يسمعه في اى وقت مع بداية شهر رمضان .. وزى مقلنا التنبيه

على اللى قال حديث ضعيف يكون بطريقه كويسه وبينك وبينه

3- قصة طريفة :-

بمناسبة القيام وقراءة القرآن .. ينبغى ان نحرص على التركيز فيما نقرأ أو نسمع من القرآن .. وإن أُشكل علينا فهم شئ أو لم نفهمه نرجع لكتاب للتفسير لنفهم

مش نفهم القرآن بمزاجنا على غير مراد الله..

مش زي الأعرابي اللى ذكر قصته ابن الجوزي -رحمه الله- في أخبار الحمقى والمغفلين ..

قال ابن الجوزي -رحمه الله- :-

وصلى بعض الأعراب خلف بعض الأئمة في الصف الأول ، وكان اسم الأعرابي (مجرماً) فقرأ الإمام : والمرسلات عرفا ... إلى قوله (أَلَمْ نُهْلِكْ الْأَوَّلِينَ) فتأخر البدوي إلى الصف الآخر ، فقرأ الإمام : ( ثُمَّ نُتْبِعُهُمْ الْآخِرِينَ) ، فرجع إلى الصف الأوسط ،فقرأ الإمام : ( كَذَلِكَ نَفْعَلُ بِالْمُجْرِمِينَ) ، فولى هاربا وهو يقول : ما أرى المطلوب غيري .

يعنى هذا الأعرابي صلى خلف الإمام والظاهر إنه مش حافظ تلك السورة فكأنه أول مرة يسمع تلك السورة .. ولما سمع مفهمش معناه الحقيقى ومراد الله منه مفكرش يسال او يعرف التفسير .. لا .. فهم بمزاجه .. خد الكلام على ظاهره.. فكان هو في الصف الأول .. سمع الإمام يقول : ( ألم نهلك الأولين ) فساب الصف الأول ورجع لاخر صف .. لقى الإمام يقول : ( ثم نتبعهم الآخرين ) راح سايب الصف الآخر ودخل في اللى في النص .. لقى الإمام يقول : ( كذلك نفعل بالمجرمين ) وهو اسمه مجرم فساب الصلاة وطلع يجري .. وقال انا المقصود بالكلام ده

أكيد طبعا المقصود بالهلاك مش المصلين يعنى ولا أماكنهم جوه الصلاة .. لكن نعمل ايه بقى في المغفلين

فنحاول أن نفهم القرآن على مراد الله عزّ وجلّ يعنى نشوف كتب التفسير .. نسأل شيخ يكون عارف التفسير .. منحاولش نفهم القرآن بمزاجنا .. لربما كان المعنى اللى فهمنا غير المقصود تماما .. ومنعملش زي مجرم ..ا

بكده خلصت الحلقة الثانية .. يارب متكونوش زهقتوا ..

انتظرونا والحلقة الثالثة

,,

الأميـرمحمد

13-08-2010, 03:35 AM

سبحان الله وبحمده ...
سبحان الله العظيم ...

THE CodeR

13-08-2010, 06:35 AM

نقاء الروح

13-08-2010, 11:46 AM

سبحان الله ،،

ما أكثر ما ختمنا القرآن ،،

مرات و مرات ،،

ولكن القليل منا من تدبر الآيآآت ،،

اللهم اعفو عنا ،،

و علمنا ما جهلنا ،،

جزاك الله خيرا ،،

و بانتظار ما تبقى

من حلقات الابداع ،,،

الأميـرمحمد

13-08-2010, 05:13 PM

جزاك الله كل خير علي السلسلة الناجحة دي
عجبتني اوي حلقة النهاردة
و منتظرين حلقة بكرة بإذن الله تعالي
و جزاك الله كل خير علي مجهودك

جزاك الله خير يا كودر
وشكرا ع المتابعة
وإن شاء الله الحلقة الثالثة ع السحور

الأميـرمحمد

13-08-2010, 05:14 PM

سبحان الله ،،

ما أكثر ما ختمنا القرآن ،،

مرات و مرات ،،

ولكن القليل منا من تدبر الآيآآت ،،

اللهم اعفو عنا ،،

و علمنا ما جهلنا ،،

جزاك الله خيرا ،،

و بانتظار ما تبقى

من حلقات الابداع ،,،

ماشاء الله كلام حضرتك مضبوط 100 %
اللهم ارزقنا ختم القرءان
جزاكي الله خير يا نقاء ع المتابعة

mera_mar21

13-08-2010, 10:18 PM

حلقات جميله جداااا جزاك الله عناااخيررر

وتقبل منكم ومناااااااااااااااااا صالح اعمالنا

وشكرا جزيلا

دى برولى

13-08-2010, 11:19 PM

ما اروعها قصة
بارك الله فيك

الأميـرمحمد

14-08-2010, 02:54 AM

الحلقة الثالثـــة

1- صح :-

جزء صح بتاعنا انهارده .. حيكون حديث .. والحديث ده يتضمن احياء سنة

...
وانت رايح تصلى التراويح او وانتِ رايحة تصلي التراويح

كثييير جدا بعد أول أربع ركعات تلاقى ناس كثير روحت

والأكثر منه بعد ال 8 ركعات وقبل صلاة الوتر تلاقى أفواااج بتمشي

زي ميكون الإمام حيصلى الوتر بره المسجد وهما طالعينله

طيب مشيوا ليه ؟؟ وراهم حاجه مهمه ؟؟

لا

طيب تعبانين أو مريضين ؟؟

برضه لا

طيب قاموا ليه ؟؟

مفيش .. كفاية كده .. نبقى نصلي في البيت بقه الوتر ..

طيب ده صح ولا غلط ؟؟

لا غلط .. طيب ايه الصح ؟؟

الصح إن الرسول عليه الصلاة والسلام قال :

" إنه من قام مع الإمام حتى ينصرف كتب له قيام ليلة "

يعنى ايه بقه ؟؟ يعنى اللى يصلي مع الإمام لحد ما الإمام يخلص

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

وفي نفس الوقت مضيعتش عليك أجر قيام الليلة

2 غلط :-

كثير جدا لما حد يعمل عمل كويس أو عمل خير ..

نلاقى الناس اتبسطت كده وراحت قايله :

يا سلاااام .. فعلا .. زي ما النبي -عليه الصلاة والسلام - قال :

" الخير في وفي أمتي إلى يوم القيامة"

وتلاقى اللى معاه راح قايل : ااااه .. صدق رسول الله

هو طبعا صدق رسول الله -صلى الله عليه وسلم - ..

بس الرسول مقالش الكلام ده ..

الحديث ده : لا أصل له

اختراع يعنى

حاجه مش موجوده فى كتب السنة أصلا

فنحذر من الحديث .. بس فيه حديث تانى صحيح ويفيد نفس المعنى ..

حد عارفه ؟؟

فكروا وحنقولوا إن شاء الله في حلقة قادمة

3- قصة طريفة :-

بمناسبة جزء الغلط الثابت في حلقتنا

كثير منا بيعمل الغلط علشان لقى الناس بتعمله

وده في حد ذاته غلط .. لأنه متأكدش اللى بيعملوه صح ولا غلط

ايه بقى الكلام اللى محدش فاهم منه حاجه ده ؟؟

اقرأ القصة ديه وانت تفهم :-

ذكر ابن الجوزي -رحمه الله- أن بعضهم قال :-

" و مررت بقوم اجتمعوا على رجل يضربونه ، فقلت لرجل يجيد ضربه : ما حال هذا ؟ قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب "

ده من غير ميعرف هما بيضربوه ليه أصلا .. وخلي بالك من حتة انه بيضربه لله وطلبا للثواب ديه

كثير منا نفس الكلام شاف الناس بتعمل فعمل .. من غير ميعرف اللى بيعملوه صح ولا غلط

يعنى كثير يجيلك ايميل فيه حديث موضوع مكذوب .. من غير منفكر نعرف صحيح ولا لا ..

على طوووووووووووووول ندوس على

Forward

وتكتب ايميلات صحابك وصحاب صحابك واللى يعرفوا صحابك واللى ميعرفوش صحابك

وانت في دماغك انك بتعمل كده طلبا للثواب وبتعمله لله

وانت بتساهم في نشر كلام كذب عن النبي صلى الله عليه وسلم

والغريب ان لو جاله حديث صحيح .. ميبعتوش !!

يقولك ما هو الناس تلاقيها عارفاه !!

فلازم نتأكد قبل مننشر حاجه عن الدين أو نساهم في حاجه أنها صح ولا غلط

مش علشان لقينا صحابنا بيعملوها .. نعملها

بكده خلصت الحلقة الثالثة

وبكره إن شاء الله نلتقى في الحلقة الرابعة إن شاء الله

وجزاكم الله خيرا

=========================

نقاء الروح

14-08-2010, 05:20 PM

سبحان الله ،،

ما اشبه ما فعله ذلك الرجل ،،

بما نفعله نحن الآن ،،

وان كان و فعله ابتغاء الثواب ،،

لكننا نفعله لنجاري ما يسمونه تقدم !!

و خير دليل و أبسطه ،،

مسألة الملابس و الموضة و نظام الحياة ،،

هدانا الله ،،

بوركت اخي على الحلقة الجميلة ،،

و سلمت يمينك ،،

الأميـرمحمد

15-08-2010, 03:18 AM

جزاكي الله خير يا نقاء علي تواجدك

وجزاكم الله خير علي مشاهدتكم ومتابعتكم

الأميـرمحمد

15-08-2010, 03:21 AM

الحلقة الرابعة

1- صح :-

في جزء صح اليوم حيكون مرتبط شوية بجزء غلط .. الاثنين في موضوع واحد

وهو ممكن نقول عليه من احياء السنن

وهو موضوع السحور فموضوع السحور مهم جدا

وللأسف لا يلتفت كثير منا لأهميته

قال الرسول صلى الله عليه وسلم :-

" تسحروا فإن في السحور بركة "

الرسول صلى الله عليه وسلم أمرنا وحثّنا على السحور

كثير منا لا يتسحر ولا يستيقظ للسحور .. يستيقظ على صلاة الفجر على طول

- ده إن صحي أصلا -

تسأله اتسحرت انهارده .. يقول لا ..

طيب لا ليه ؟!؟

مفيش أصلي مبعطش ولا بجوع يعنى .. مش محتاجله يعنى

تحس ان جمل بيتكلم مش انسان
..

كثير ممكن يكون كده .. وكثير فعلا كده

فوالله لو لم يكن في السحور غير الاستجابة لأمر الرسول -صلى الله عليه وسلم- لكفى .

فالسحور به بركة تظهر بوضوح في وقت الصيام من الفرق بين النشاط والكسل

بين اللى تلاقيه تعبان واللى تلاقيه فايق.

فنحرص على السحور إن شاء الله

ونحرص على اتباع أمر النبي عليه الصلاة والسلام

2 غلط :-

من الحاجات الغلط ان كثير من الناس اللى مواظبة على سنة السحور

بيتسحروا في وقت بدري عن وقت السحور

تلاقي ناس بتتسحر قبل متنام ..ممكن قبل الساعه 12 ويصحى على الفجر

وطبعا زي مكلنا عارفين .. لازم اكتب شرطتين وبينهم

- ده إن صحي-

وناس تتسحر قبل الفجر بساعتين وساعه

الكلام ده غلط .. ده خلاف السنة

لإن الرسول عليه الصلاة والسلام قال :

" عجلوا الإفطار و أخروا السحور "

والسنة إن السحور يكون في وقت السحر .. ولأن وقت السحر فيه بركة

فكان في السحور بركة

ايه بقه وقت السحر ده يعنى علشان مش واخدين بالنا ؟؟

السحر ده هو الوقت اللى قبل الفجر بحاجه بسيطة

وعلشان كده اتسمى السحور سحورا .. علشان بيبقى في وقت السحر

فاللى بيتسحر قبل الفجر باربع وثلاث ساعات ده خرج السحور بره وقته

فهو بكده ما أدركش السنة ولا فاز ببركة السحور

طيب انت متأكد ان السحور المفروض يبقى في الوقت ده قبل الفجر على طول ؟؟

طيب نشوف الحديث ده .. وهو حديث في صحيح البخاري

- يعنى أكيد صحيح -

" عن أنس: أن نبي الله صلى الله عليه وسلم وزيد بن ثابت تسحرا فلما فرغا من سحورهما قام نبي الله صلى الله عليه وسلم إلى الصلاة فصلى . قلنا لأنس: كم كان بين فراغهما من سحورهما ودخولهما في الصلاة ؟ قال: قدر ما يقرأ الرجل خمسين آية "

يعنى الفرق بين انتهاء السحور والصلاة وقت قراءة خمسين آية .. يعنى ممكن حوالى ربع ساعه مثلا

فالغلط تعجيل السحور .. والصح تأخيره لقبل الفجر بحاجه بسيطة

يبقى نصحى قبل الفجر ب نصف ساعه مثلا

نصلى ركعتين ونتسحر ونصلى الفجر

3- قصة طريفة :-

قال ابن الجوزي -رحمه الله- :

وخرج رجل إلى السوق يشتري حمارا ، فلقيه صديق له فسأله : إلى أين ؟ فقال : إلى السوق أشتري حمارا ، فقال : قل إن شاء الله ، فقال : ليس ها هنا موضع إن شاء الله ، الدراهم في كمي والحمار في السوق ، فبينما هو يطلب الحمار سرقت منه الدراهم فرجع خائبا ، فلقيه صديقه ، فقال له : ما صنعت ؟ فقال : سرقت الدراهم إن شاء الله ، فقال له صديقه : ليس ها هنا موضع إن شاء الله .

نستفيد ان لما حد فينا يكون على غلط وحد ينصحه بالصح .. ميعاندش ويصر على الغلط علشان ميندمش ويرجع يحاول يعمل الصح ... بس بعد فوات الأوان

ونستفيد برضه سرعة التنفيذ .. يعنى متأجلش حاجه كويسه .. لو حد نصحك بحاجه صح متأجلهاش .. نفذ فورا

حاجه تانية نستفيدها .. أبدا متفكرش انك مستغنى وانك تقدر تعمل حاجه من نفسك .. لا احنا فى الاوقات محتاجين لربنا
واحنا لا حول ولا قوة لنا إلا بالله .. مهما كبرت أو عليت انت فقير إلى الله

ولما تهم بعمل شئ قل : إن شاء الله ..لا تنساها أبدا

بدل متيجى تشترى الحمار تلاقى الفلوس طارت إن شاء الله

بكده خلصت الحلقة الرابعة

وبكره إن شاء الله نلتقى في الحلقة الخامسة إن شاء الله

وجزاكم الله خيرا

__________________________________________

ابسط ما تساهم به نشر الحلقات ولو بالايميل لأصدقائك

نقاء الروح

15-08-2010, 11:59 AM

ما شاء الله ،،

حلقة مفيدة لي شخصيا ،،

لاني بحب أنام و مش بتسحر ،،:blush:

ربنا يعفو عنا ،،

شكرا جزيلا لحضرتك ،،

و فكرة حلوة بتاعت الايميل ،،

جاري التنفيذ ،

الأميـرمحمد

15-08-2010, 03:28 PM

ما شاء الله ،،

حلقة مفيدة لي شخصيا ،،

لاني بحب أنام و مش بتسحر ،،:blush:

ربنا يعفو عنا ،،

شكرا جزيلا لحضرتك ،،

و فكرة حلوة بتاعت الايميل ،،

جاري التنفيذ ،

جزاكي الله خير يا نقاء

حضرتك اللي بتشجعيني علي تكميل الموضوع

دُمتي بخير

وتقبل الله منا ومنكم

الأميـرمحمد

16-08-2010, 01:57 AM

الحلقة ال 5

1- صح :-

مما دفعنى للحديث عن أمر السحور في الحلقة السابقة

أن أحد الأصدقاء أخبرني أنه لا يتسحر مطلقا

فكان الحديث بالأمس عن أمر النبي عليه الصلاة والسلام بالسحور

طيب هل الأمر بالسحور يقتصر على أن بالسحور بركة أم أن هناك أمرا أخر ؟

قال رسول الله صلى الله عليه وسلم :-

" فصل ما بين صيامنا و صيام أهل الكتاب أكلة السحر "

أى أن الفرق بين صيامنا وبين صيام أهل الكتاب هو السحور

فالسحور مع أهميته .. هو فرق بيننا وبين أهل الكتاب

وهو مخالفة لأهل الكتاب

فكما أمرنا بمخالفة أهل الكتاب

فنحرص على السحور وتكون من نوايانا أننا نخالف اليهود والنصارى

ومتخافوش خلاص بكره إن شاء الله حاجه تانية غير موضوع السحور

2 غلط :-

إن شاء الله في هذا الجزء من الحلقات

ستفاجئون بكثير من الأحاديث التى نرددها ونعتقد أنها صحيحه ونرددها ونسمعها كثيرا

وهي غير صحيحة

طبعا في شهر رمضان .. كلنا بنصوم .. واكيد كلنا بنفطر

عند المغرب طبعا

طيب اول ما الأذان بيأذن في لمح البصر تلاقي الواحد فينا ماسك التمر أو ماسك الكوب وحيبدأ بقه

بس طبعا فيه دعاء بنقوله قبل منفطر

ايه هو الدعاء ده ؟؟

ااااه بنقول :-

" اللهم لك صمت وعلى رزقك أفطرت وعليك توكلت "

مش كده برضه ؟؟

اه .. بس الحديث ده .. ضعيف !!ا

ضعيف بجد ؟؟

ايوا ضعيف .. ومثبتش ان الرسول عليه الصلاة والسلام كان بيقول كده عند الإفطار

امال نقول ايه ؟؟ ايه الصح ؟؟

فكروا و ابحثوا وغدا إن شاء الله في الحلقة القادمة نعلم ايه الصح اللى نقوله عند الإفطار

3- قصة طريفة :-

قال ابن الجوزي -رحمه الله- :

عن محمد الداري قال : كان عندنا رجل بدارا وكان فيه غفله ، فخرج من داراً ومعه عشرة أحمر - جمع حمار- ، فركب واحدا وعدّها ، فاذا هى تسعة ، فنزل وعدّها فإذا هى عشرة ، فركب واحدا وعدّها ، فاذا هى تسعة ، فنزل وعدّها فإذا هى عشرة ،فلا زال كذلك مراراً ، فقال : أنا أمشي وأربح حمارا خير من أن أركب ويذهب مني حمار ، فرأيتُه يمشي حتى كاد يتلف - كان حيموت من التعب - إلى أن بلغ قريته. !!ا

مش لاقى حاجه اقولها بصراحه

بس اللى أقدر أقوله انك لو شفت الراجل ده متسيبوش .. لانه مسلّي جدا

لكن المستفاد أننا كثيرا ما نفعل شئ خاطئ .. ولا ندري أننا نفعل الخطأ ويعدّى علينا واحنا مش واخدين بالنا اننا بنعمل حاجه غلط .. فخلي ليك صديق يصدقك .. يظهر لك أخطائك .. فالصديق مرآة صديقه .. ولو حد نبهك لغلط بتعمله .. فكر فيه .. يمكن فعلا انت بتعمل غلط وانت مش واخد بالك .. متقولش ايه اللى جاى يقول اى كلام ده ؟!؟

ازاى يقولى كده .. لا طبعا انا مش كده

لا فكر في النصيحة .. يمكن فعلا انت على غلط

مش يمكن تكون فعلا راكب الحمار وعمال تعد اللى قدامك وناسي اللى راكبه !!ا

بكده خلصت الحلقة الخامسة

وبكره إن شاء الله نلتقى في الحلقة السادسة إن شاء الله

وجزاكم الله خيرا

نقاء الروح

16-08-2010, 05:25 PM

غريب جدا ،،

دا احنا من يوم ما صومنا

و احنا بنردد الدعاء ده ،،

بانتظار الحديث الصحيح ان شاء الله ،،

و القصة الطريفة بتفكرني

بجحا !! :d

جزاك الله خيرا ،،

الأميـرمحمد

17-08-2010, 09:54 PM

جزاكي الله خير يا نقاء ع المتابعة
وإن شاء الله الحلقة التالية بعد قليل

الأميـرمحمد

17-08-2010, 11:07 PM

الحلقة ال 6

1- صح :-

بالأمس تكلمنا في جزء " غلط " عن الحديث الضعيف الذي يقوله كثيييييييييير جدا من المسلمين عند الإفطار و يظنون أن هذا ثابت عن النبي صلى الله عليه وسلم

وهو غير ثابت بل هو حديث ضعيف

طيب إيه الصح اللى نقوله عند الإفطار ؟؟

إن من أصح الأحاديث في باب الأدعية عند الإفطار ولعله الحديث الوحيد الثابت في هذا الباب

هو حديث ابن عمر رضى الله عنهما قال كان رسول الله صلى الله عليه وسلم إذا أفطر قال :

" ذهب الظمأ و ابتلت العروق و ثبت الأجر إن شاء الله "

وهذا الحديث حسّنه كثير من أهل العلم

طيب هل يقال هذا الدعاء قبل الإفطار أم بعده ؟؟

بعض أهل العلم قال أن هذا الدعاء يُقال بعد الإفطار ولكن الأمر واسع إن شاء الله كما قال العلّامة عبد المحسن العباد :

(وهذا الذكر يقال قبل الإفطار أو بعده، والأمر في هذا واسع)

إذن نحرص على نصحح ما كنا نقوله عند الإفطار وبدل منقول :
(اللهم لك صمت وعلى رزقك أفطرت ..... ا)

نقول ما ثبت عن النبي عليه الصلاة والسلام :

" ذهب الظمأ و ابتلت العروق و ثبت الأجر إن شاء الله "

2 - غلط :-

كثير جدا لما حد نعرفه يُرزق بمولود .. أو حتى قبل أن يأتي المولود

تلاقى الناس عماله تسأله :

هاااااا .. حتسميه ايه ؟؟

على اسم جده ؟؟ ولا على اسم جدته ؟؟ ويقعد بقه يعدله كل الأقارب

يروح قايله:لا لا .. سيبك من الكلام ده

أنا بقه حسميه : محمود أو أحمد أو محمد أو حمدي أو حميد أو حمدان أو حمد أو حامد

ايييييييه ياعم كل ده ؟؟

لا لسه .. أو عبد العزيز أو عبد الله أو عبد الرحمن أو عبد الحميد أو ....... ا

أصلي حتبع حديث الرسول عليه الصلاة والسلام ..

ايه بقى الحديث ده ؟؟

حديث :

( خير الأسماء ما عبّد وحمّد )

مممم .. عندك حق .. صدق رسول الله صلى الله عليه وسلم

ثانية واحده .. صدق رسول الله عليه الصلاة والسلام فيما قال طبعا

بس ده مش من كلام الرسول عليه الصلاة والسلام

الحديث ده : لا أصل له

يعنى اخترااااااااااااااع .. واحد شرب كوبايتين شاى وعمل دماغ وراح مألف الحديث ده

الحديث لا اصل له في كل كتب السنة

يبقى محدش ييجي بقه يقولك سمي كذا أو كذا علشان الرسول قال :

خير الأسماء ما عبد وحمد .. قله لاااا الرسول مقالش كده

لكن هناك من النصوص ما يدل على استحباب تسمية اسم : محمد

لحديث : " تسموا باسمي " رواه مسلم

و روى عن النبي استحباب تسمية عبد الله وعبد الرحمن للحديث الذي صححه الشيخ الألباني :

" خير الأسماء عبد الله وعبد الرحمن " لكن للأمانه الحديث ضعفه كثير من أهل العلم

3- قصة طريفة :-

ذكر ابن الجوزي -رحمه الله - :

دخل بعض المغفلين على رجل يعزيه بأخ له ، فقال : أعظم الله أجرك ورحم أخاك وأعانه على ما يرد عليه من مسألة يأجوج ومأجوج ، فضحك من حضر وقالوا له : ويحك ، أو يأجوج ومأجوج يسألان الناس؟ فقال : لعن الله إبليس ، أردت أن أقول هاروت وماروت !!!ا
جه يكحلها عماها

طبعا هو يقصد : هابيل وقابيل

أكيد منكر ونكير

كثير منا بيتفزلك .. يعنى ميبقاش عنده علم في حاجه بس ده مبيمنعوش انه يسكت وميفتيش .. لا كثير منا حتى وهو معندوش على فى مسألة ما يقعد يقول : بس أنا رأيي كذا وكذا .. أنا شايف كذا وكذا

يعنى ممكن تيجيى تسأل واحد في حكم حاجه في الدين مثلا

يستخسر يقولك معرفش .. الله أعلم

لا يروح قايل : بيتهيئلي يعنى أنه حلال لأنه عادي يعنى وأصل مفيش مانع ومش مقتنع ان فيها حاجه .... وهو أصلا ممكن يكون أول مرة في حياته يسمع عن الحاجه ديه

كثير بيقعد يتفزلك كده .. عايزين لو اتسألنا عن حاجه لو منعرفش نقول منعرفش مش عيب

قال بعض السلف :" لا أدري " نصف العلم

حاجه تانية نستفيدها .. متتكلمش الا باللى انت عارفه .. حاجه شاكك فيها لا تقلها

سواء في أمور الدين أو حتى الدنيا .. ممكن واحد جاي يسألك يقولك هو مصر الجديدة فين .. انت شاكك بقه مصر الجديده ديه هليوبوليس ولا جاردن سيتي

تروح شارحله طريق جاردن سيتى .. وسلملى على الدائري

ومنتكلمش الا باللى عارفينه ومتأكدين منه علشان منضحكش الناس علينا

ولو لقينا نفسنا غلطنا نعترف اننا منعرفش مش عييييييييييييب

بكده خلصت الحلقة السادسة يارب متكونوش زهقتوا

نقاء الروح

18-08-2010, 04:48 PM

بالنسبة للدعاء انا بقول

الاتنين !!

اللهم لك صمت و على رزقك افطرت

ذهب الظمأ .... للاخر ،،

والقصة الطريفة بتوضح حالة معظم المصريين ،،

الا من رحم ربي ،،

جزاك الله خيرا ،،

الأميـرمحمد

18-08-2010, 04:57 PM

بالنسبة للدعاء انا بقول

الاتنين !!

اللهم لك صمت و على رزقك افطرت

ذهب الظمأ .... للاخر ،،

والقصة الطريفة بتوضح حالة معظم المصريين ،،

الا من رحم ربي ،،

جزاك الله خيرا ،،

جزاكي الله خير يا نقاء

الا من رحم ربي ’’

الحلقة التالية بعد قليل
بإذن الله

الأميـرمحمد

18-08-2010, 05:04 PM

الحلقة رقم 7

1- صح :-

في هذا الشهر الكريم .. شهر رمضان

شهر القرآن .. ينبغي لنا ألا نترك القرآن وألا نقصّر في قراءة القرآن فالثواب كبير جدا

ففي حديث ابن مسعود رضى الله عنه

" من قرأ حرفا من كتاب الله فله به حسنة ، والحسنة بعشر أمثالها ، لا أقول: آ لم حرف . ألف حرف ، ولام حرف ، وميم حرف "

الحديث صححه كثير من أهل العلم مرفوعا للنبي عليه الصلاة والسلام - أى من قول النبي عليه الصلاة والسلام -وبعض أهل العلم قالوا بأن الحديث موقوف على ابن مسعود رضى الله عنه - أى أنه من كلام ابن مسعود-

فنحرص على قراءة القرآن فبكل حرف نقرؤه حسنة .. فهذا ثواب عظيم جدا والله يضاعف لمن يشاء

فنتخيل أن أحد قرأ في اليوم جزءا .. فكم حرف في الجزء ؟؟

كثير جدااااا فبكل حرف إن شاء الله حسنة .. فإن شاء الله إن أحسنا القراءة وتُقبِّل منا كل حرف بحسنة

فهذا خير كبير ويكون إن شاء الله مرجّحا لميزان حسناتنا يوم القيامة ان شاء الله

ونحرص على التلاوة الصحيحة والقراءة المنضبطة بالأحكام
وأعلموا أن الله عزّ وجلّ قال :-

" الَّذِينَ آتَيْنَاهُمْ الْكِتَابَ يَتْلُونَهُ حَقَّ تِلَاوَتِهِ أُوْلَئِكَ يُؤْمِنُونَ بِهِ "

فنحرص على تلاوة القرآن حق تلاوته ونتعلم التلاوة الصحيحة

فنبدأ نشد في القراءة ونحاول نختم كذا مرة .. الأيام ديه فرصة والله .. فرصة متتعوضش

2 - غلط :-

بمناسبة قراءة القرآن في هذا الشهر .. وينبغى أن نحافظ على القراءة طول العام ولا نهجر القرآن

كثير منا يكون حيقرأ القرآن ويكون لسه بيتعلم مثلا فبيغلط ..
بس يكون بيتعلم مش بيغلط وسايب نفسه كده عمال يغلط

فييجي حد يسمعه .. يروح قايله مينفعش كده ايه الغلط ده .. لازم تقرا صح - طيب هو بيتعلم يعمل ايه طيب !!! إن شاء الله حيتعلم ويقرأ صح-ا

انت مسمعتش ان الرسول عليه الصلاة والسلام قال

" رب قارئ للقرآن والقرآن يلعنه "

أو واحد يكون بيقرأ كده بس تحس انه سرحان شوية .. برضه حد يجيله ويروح قايله نفس الحديث

سمعتوا الحديث ده قبل كده ؟؟

أهو الحديث ده مش من كلام النبي صلى الله عليه وسلم

ايه مش من كلام النبي فعلا !! ده تقريبا كلنا عارفينه ؟؟

اه مش من كلام النبي عليه الصلاة والسلام

الحديث ده ذكره الغزّالي في إحياء علوم الدين بدون سند .. من غير أى سند

فالحديث غير صحيح ولا يصح نسبته للرسول عليه الصلاة والسلام

فلنحذر من قول هذا الحديث ولو سمعناه من حد .. زي متفقنا نوضح بس برااااحه

وده مش معناه اننا نقرا القرآن بقه غلط ومش مشكلة .. لا طبعا لازم نتعلم ونقرأ صح .. ولما نقرأ القرآن نتدبره ونركز .. هذا كلام الله

3- قصة طريفة :-

ذكر ابن الجوزي -رحمه الله- :-

عن عبد الحمن بن داوود ، قال : لقى تاجر تاجرا فقال له : ما اسمك ولا تطول ؟ فقال : أبو عبد منزِّل القطر عليكم من السماء تنزيلا الذي يمسك السماء أن تقع على الأرض بإذنه ، فقال : مرحبا بك يا ثلث القرآن .

طبعا هو اسمه عبد الله او عبد الرحمن مثلا بس هو حب يتفزلك

كثير جدا ممكن تسأل حد سؤال وممكن الجواب يكون في كلمتين .. ياخدك ويوديك وتروح وتيجى ويقعد يرغي لحد متنسى أصلا انت بتكلمه ليه ولا مين ده اصلا

و ممكن تكون ساعتها متضايق أو مزاجك مش قد كده فتبقى عايز اللى قدامك ينجز .. فيستفزك بكثر كلامه .. وفعلا تتخنق منه

وأيضا ممكن كثير جدا حد يسألنا عن حاجه ويبقى مخنوق او مستعجل أو وراه حاجه أو متضايق

نقعد بقه نرغي بدون لازمة .. نطول بدون داعي مع ان ممكن نرد في كلمتين

نخلي بالنا ان حتى لو اللى قدامنا مزاجه كويس لو جاوبته بكلمتين مش حيتضايق لكن لو قعدت ترغي ممكن يتضايق
فنحرص على الرد على الأسئلة بالمختصر المفيد وعلى قد السؤال

إن ما قل ودل خير مما كثر وألهى

مش حد ييجي يسالك ويكون رايح مسجد يصلي فيه تراويح مثلا والمسجد جنبك بشارع وهو مش عارف .. فيسألك :

لو سمحت جامع أمير المؤمنين فين ؟؟

تقوله بص حضرتك .. هات أول ودوس على البنزين وارفع من على الدبرياش وامشى براحه وبعدين انقل على التانى وبص يمينك حتلاقى كشك سيبك منه لأنه بيبيع سجاير ولو شافك بتبصله وانت راجل متدين يفتكر انك حتشرب سجاير فتفتن الناس ويفتكر ان بيعه للسجاير حلال رغم ان وزارة الصحة محذرة منها وبتقول ضار جدا بالصحة ... وووووو والتراويح تخلص وهو لسه مجابش أول ولا اتحرك من مكانه

لا لو حد سألنا نقول : بص حضرتك يمين فى ثاني شمال مثلا .. ولو مش متأكدين نقول معرفش حضرتك اسال حد تانى

منفتيييييييييييييييش

انتهت الحلقة السابعة
وجزاكم الله خير

انتظرونا و الحلقة الثامنة بإذن الله

الأميـرمحمد

19-08-2010, 03:20 AM

حلقات جميله جداااا جزاك الله عناااخيررر

وتقبل منكم ومناااااااااااااااااا صالح اعمالنا

وشكرا جزيلا

ما اروعها قصة

بارك الله فيك

جزاكم الله خير
ومنورين الموضوع
يا ميرا و يا برولي

الأميـرمحمد

19-08-2010, 03:26 AM

الحلقة ال 8

1- صح :-

في حلقة سابقة أشرنا إلى أن حديث

"الخير في وفي أمتي إلى يوم القيامة"

ليس بحديث وأنه لا أصل له

وقلنا من يعرف الحديث الأخير الصحيح في نفس المعنى

وفعلا علمه بعض الإخوه بارك الله فيهم

الحديث الصح هو :-

" مثل أمتي مثل المطر لا يدرى أوله خير أم آخره "

الحديث صححه وحسنه عدد من أهل العلم وضعفه عدد أخر من أهل العلم
وكل له وجه .. وتصحيحه بمجموع طرقه له وجه قوى

فهذا هو الحديث الذي نقوله بدلا من الحديث الأخر الذي لا أصل له ويفيد نفس المعنى

فالخير موجود في هذه الأمه لا ينقطع .. وينبغي أن نشرّف أنفسنا بهذا الخير

فقد قال الله عزّ وجلّ :

" كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنْ الْمُنكَرِ وَتُؤْمِنُونَ بِاللَّهِ "

فلنأمر بالمعروف وننهى عن المنكر ونؤمن بالله .. فالخيرية لهذه الأمة بهذه الأمور

فلنحرص على الأمر بالمعروف والنهى عن المنكر وعلى تغيير المنكر بأنواعه

2 - غلط :-

نرررررجع بالذاكرة للخلف شوية .. لا كمان شوية

ايوااا لحد مبدأ شهر رجب

فاكرين لما بدأ شهر رجب

افتح الراديو على إذاعة القرآن الكريم أو أى حاجه في التلفزيون لنقل أى احتفال بشهر رجب من الحاجات اللى بيعملوها ديه

ويقولك احتفالا بليلة الإسراء والمعراج أو احتفالا مش عارف بايه وحاجات كده

تلاقي المذيع في الراديو أو في التلفزيون و للأسف كثير من الشيوخ في الراديو أو التلفزيون أو حتى على المنابر في الخطب

يقولوا حديث مشهووووووووووووووووووور جدااااااااااااااااا

يروحوا قايلين : قال رسول الله صلى الله عليه وسلم

" اللهم بارك لنا في رجب و شعبان و بلغنا رمضان "

ويقعد يقول صدق رسول الله .. صدق رسول الله

وطبعا زي ما اتعودنا .. طبعا صدق رسول الله صلى الله عليه وسلم فيما قال

لكن هذا حديث غير ثابت عن النبي صلى الله عليه وسلم

فالحديث : ضعيف

لا بقه انت بتهزر .. ضعيف مين ياعم الحاج .. انت بقه كل منحفظلنا حديث تقولنا ضعيف .. بتتكلم بجد ؟؟

اه بتكلم بجد .. الحديث ضعيف

واللى مش مصدق ينظر : كتاب ضعيف الجامع للألباني حديث رقم 4395 .

ومش معنى ان الحديث مشهور يبقى لازم يكون صحيح .. كثيرا

ما اشتهرت أشياء غير صحيحة والعبرة بالثبوت عن النبي ولا لا

العبرة بهل النبي عليه الصلاة والسلام قال كده ولا لا .. هل الحديث ثبت عن الرسول ولا لا

والجواب ان الحديث غير ثابت .. الحديث ضعيف

واحنا اتفقنا ان في هذا الجزء .. جزء " غلط " حنتفاجأ بأحاديث كثير كنا فاكرينها صحيحه .. وهي غلط .. مش صحيحه

وانا عارف ان اتاخرنا جدا فى عرض الحديث ده لكن إن شاء الله نخلي بالنا في السنين القادمة إن أحيانا الله

فلو سمعته أعرف أنه مش حديث صحيح وزي متفقنا لو حد قالك قدامك تعمل ايه ؟؟

براااااحه

3- قصة طريفة :-

ذكر ابن الجوزي -رحمه الله- :

" خرج بعض المغفلين من منزله ومعه صبي عليه قميص أحمر ، فحمله على عاتقه ثم نسيه ، فجعل يقول لكل من رأه : رأيت صبيا عليه قمبص أحمر ؟؟ فقال له انسان : لعله الذي على عاتقك ؟! فرفع رأسه ولطم الصبي وقال : يا خبيث ألم أقل لك إذا كنت معى لا تفارقنى !!ا

المشكلة إن الولد على كتفه كل ده وبرضه راح ضارب الولد بالقلم

طيب الولد ماله ؟!!ا

كثير جدا احنا نفسنا بنبقى كده

نبقى غلطانين ومش واخدين بالنا ونحمّل الغلط على غيرنا ..و منعترفش بالغلط

كثير بنعمل كده .. لا لازم لو في اى وقت عرفنا اننا غلطنا

نعترف بغلطنا ونعتذر مش نحمل الموضوع على غيرنا ونعاقب غيرنا

الإعتراف بالغلط مش عيب لكن العيب هو التمادي في الغلط .. والمفترض اننا منكبرش عن الاعتراف بالغلط .. كل بني آدم خطاء خير الخطائين التوابون

وأول خطوة في التوبة .. هو الاعتراف بالخطأ

ثاني حاجه : قبل متوجه تهمه لحد أو تحمل حد الغلط .. أتأكد الأول ان الغلط مش منك .. واسال يمكن انت مش واخد بالك

بدل متضرب الواد على الفاضي وهو على كتفك

كده خلصت الحلقة الثامنة

نقاء الروح

20-08-2010, 01:48 AM

حلقتين مهمين جدا ،،

و مميزين جدا فعلا ،،

و اهم حاجة فيهم عجبتني ،،

الإعتراف بالغلط مش عيب لكن العيب هو التمادي في الغلط

ديه احنا محتاجينها كتيير ،،

و جزاك الله خيرا ،

smsma81

20-08-2010, 02:00 AM

فعلا دي موضوع مميز

الأميـرمحمد

22-08-2010, 12:49 AM

حلقتين مهمين جدا ،،

و مميزين جدا فعلا ،،

و اهم حاجة فيهم عجبتني ،،

ديه احنا محتاجينها كتيير ،،

و جزاك الله خيرا ،

جزاكي الله خير
يا نقاء
وتابعي معنا بإذن الله

فعلا دي موضوع مميز

مميز بوجودك يا سمسمة
منورة

ميدو مواسم

22-08-2010, 01:08 AM

الأميـرمحمد

22-08-2010, 01:44 AM

استاذ محمد حبيت بس اقولك ان موضوعك جميل جدا والله . ..... ويا ريت تستمر الحلقات دى وربنا يبعد عنك اى ظروف طارئة ...هههههههههههههه

جزاكـــــــــــــــــــــــ الله ــــــــــــــــــ الفــــــــــــــــــــ خير ــــــــــــــــــــــ

جزاك الله الف الف خير يا ميــــــــــــــــــدو
آمين يارب وبيعدك انت كمان
وان شاء الله هكمـــــــل الحلقات
بس تابعنا ..
منـــــــــــور يا دكتور

الأميـرمحمد

22-08-2010, 02:29 AM

الحلقة ال 9

1- صح :-

طبعا في شهر رمضان كلنا بنصلي الفروض -واكيد في غير رمضان- وكمان بفضل الله بنصلي التراويح

طيب اكيد كلنا بنتوضأ

حديثنا اليوم عن الوضوء

كلنا بنتوضأ كل يوم تقريبا

فيه حديث مهم جدا في الوضوء .. وهو

قال رسول الله صلى الله عليه وسلم :

" ما منكم من أحد يتوضأ فيسبغ الوضوء ثم يقول حين يفرغ من وضوئه: أشهد أن لا إله إلا الله وحده لا شريك له و أن محمدا عبده و رسوله إلا فتحت له أبواب الجنة الثمانية يدخل من أيها شاء "

شوف كلام سهل جدا حفظه .. بس شوفوا الثواب ايه ؟!!!ا

سبحان الله

فتحت له أبواب الجنة الثمانية يدخل من أيها شاء

أجر عظيم .. لكن لكي نحصّل هذا الثواب بإذن الله علينا بالتالي :-

1- نقول بسم الله قبل الوضوء
2- نسبغ الوضوء -بلاش كروته يعنى- اتوضا بذمة
3- نحفظ هذا الذكر السهل جدا ونقوله
أشهد أن لا إله إلا الله وحده لا شريك له و أن محمدا عبده و رسوله

مفيييييييييييييييييييييييش أسهل من كده وبلاش كسل

__________________________________

2 - غلط :-

بمناسبة الصلاة .. احنا في شهر رمضان تقريبا أكثر شهر بنصلى فيه

تلاقى كثير منا بيحافظ على السنن في هذا الشهر أكثر من غيره بالإضافة إلى التراويح والتهجد

وكثير كده مما واحنا بنصلى ورا الامام في التراويح والتهجد

نسرح شوية وكده

فنيجي نسال حد نقوله انا الصلاة سرحت كثير فيها

يقول بص بقه

قال رسول الله صلى الله عليه وسلم :-

" ليس للمرء من صلاته إلا ما عقل منها "

سمعتوا الحديث ده قبل كده ؟؟

اه كثييييييير

اهو ده بقه مش حديث عن الرسول اصلا

يعنى ليس من قول الرسول عليه الصلاة والسلام

ولا اصل له مرفوعا

- يعنى مش موجود في كتب السنة انه منسوب للنبي عليه الصلاة والسلام

إنما هو قول منسوب لسفيان الثوري -رحمه الله- ، وكذا أُشير أنه من اقوال ابن عباس وعمار بن ياسر
وانظر السلسلة الضعيفه للألبانى حديث رقم : 6941

لكن على كل حال هو ليس من كلام النبي صلى الله عليه وسلم

لكن معناه صحيح .. فنجتهد في التركيز في الصلاة والتدبر والخشوع

لان ما سها المرء فيه من صلاته الظاهر انه لا يُثاب عليه ولا يُأجر عليه

يبقى لو سمعنا الحديث ده نعمل ايييييييه ؟؟

خلاص كلنا حفظنا

نعرف انه مش حديث وبعدين ننبه من يقوله على انه مش من اقوال النبي عليه الصلاة والسلام .. بس زي متفقنا

براااااااااااااااااااااااحه

______________________________________

3- قصة طريفة :-

علشان طولنا عليكم في الحلقة ديه .. القصة حتبقى قصيرة جدا

بس التعليق طوييييييل

ذكر ابن الجوزي -رحمه الله- :

" أصيب بعضهم بمصيبة - ماتله ميت يعنى - فقيل له : عظّم الله أجرك، فقال : سمع الله لمن حمده. "

!!!!

اى كلام بيتقال ياعم الحاج

ايه اللى جاب الرد ب: سمع الله لمن حمده هنا !!ا

كثير اوى من الناس بيحب يمثّل

يعنى تبقى راكب الاسانسير وانت نازل تصلي مثلا ويشوفك كده شكلك ملتزم تلاقيه خلاص

فُتِحَ عليه في الذكر فتحا مبينا

تلاقيه عمّال يذكر الله ولازم يسمّعك .. مينفعش يذكر في سره .. لاااااااااااازم يسمّعك

لازم يقول اى حاجه حافظها وخلاص

ونفس الكلام .. وانت رايح المسجد مثلا تعدى جنب حد تقوله السلام عليكم .. وهو اصلا ممكن يبقى ماشي سرحان
يروح رادد السلام ويبدا في وصلة ذكر .. وطبعا لازم بالشرط المعروف

لازم يسمّعك حتى لو انت بعيد عنه

برضه الاخت تبقى نازله ملتزمة بحجابها تقعد جنب واحده ممكن تكون متبرجة في اتوبيس مثلا تلقى السلام .. التانية ترد السلام وتبدأ بقه في حلقة الذكر

وتقعد تقول اذكار غريبة !! ولازم طبعا

تسمّعها

انا نفسي افهم ليييه لازم يسمّعك .. ليه بنحب نمثل !!ا

انا مش بقول بيمثل علشان بيذكر .. لا لأنه قبل ميشوفك كان فعلا ساكت .. وبعدين لما شافك كانه عايز يثبتلك انه برضه مش سهل .. فعمّال بقه ولازم يسمّعك .. مينفعش يتكلم في سره

زي ميكون بيذكر ربنا علشانك انت مش علشان ربنا !!ا ..
مينفعش يعنى يذكر في سره ويخفي عمله

ربنا يرزقنا الاخلاص

برضه لو واحد شكله انه ملتزم ركب تاكسي .. نفس الكلام سواق التاكس يتحول لشيخ طريقة في ثانية

مرة ركبت تاكسي .. واول مقعدت جنب سواق التاكسي وقلت السلام عليكم

تحول في ثانية لشيخ طريقة بقه .. وقاعد يدعي ويذكر وهو كان مشغل اغاني !!ا

وخلاص حسيت انى حطّلع طبلة واقعد اقول : حي حي حي حي

وعمّال يقول :

ربنا يكرمنا يحق جاه النبي أو يارب استر طريقنا بحق جاه النبي .. حاجات كده مش فاكرها بالظبط

وشغاااال .. بقه اهو اى كلام حافظه وخلاص

قلتله ياعم وايه لازمة بحق جاه النبي ديه ؟؟

ليه مخلّي واسطة بينك وبين ربنا .. ادعي ربنا على طول

" وَإِذَا سَأَلَكَ عِبَادِي عَنِّي فَإِنِّي قَرِيبٌ "

ربنا مقالش : وإذا سألك عبادي عني فقل لهم إنى قريب
منك لربنا على طول متحطش واسطة في الدعاء بينك وبين الله.. ولو حتى كان النبي صلى الله عليه وسلم

ما علينا .. المهم .. ليه بنحب نمثّل كثير ؟!؟

كن أنت

خليك انت .. متمثلش

ومش علشان شفت اللى قدامك قال حاجه ليك مثلا ذكر ثابت ولا حاجه .. انت متعرفش رده .. مش اى كلام بقه وخلاص علشان تحسسه انك حافظ برضه ودقيقتين وتعمل كتاب تفسير

لا قول : جزاك الله خيرا وخلاص

في الرد على تهنئة او تعزية أو مواساة

قول : جزاك الله خيرا .. وخلااااص

قول شكرا ياسيدي

ونبطل تمثيييييييييييييييييييييييييييل

_______________________________

كده خلصت الحلقة التاسعة يارب متكونوش زهقتوا ومعلش طولت عليكم

الأميـرمحمد

23-08-2010, 02:43 AM

█████████

الحلقة ال10

1- صح :-

صلاة الفجر

ايه اخبارك مع صلاة الفجر ؟

اه .. الحمد لله بصحى الصبح اخش اتوضأ واصلي الفجر وانزل الشغل

ده بيبقى الساعه كم ؟؟

على الساعه 8 كده ...!ا

يعنى بعد ما خرج وقتها

ده فعلا حال كثيييير من المسلمين إلا من رحم ربي

طيب فيه ناس كده برضه في رمضان ؟؟

للأسف اه ... لا لا مش ممكن .. انت بتبالغ .. مين ده اللى يضيع الفجر في رمضان ؟؟ في كثير للأسف

صلاة الفجر تشتكي كثرة الهاجرين .. صلاة الصبح تأن من قلة المصلين

مينفعش ابدا يبقى مسلم في رمضان بيصلي تراويح - لنفترض يعنى - ومبيصليش الفجر .. تيجى ازاى ديه بالله عليكم ؟

يصلي السنة ويسيب الفرض

قال رسول الله صلى الله عليه وسلم :-

" من صلى البردين دخل الجنة "
البردين : الصبح والعصر

وقال صلى الله عليه وسلم :-

" لن يلج النار أحد صلى قبل طلوع الشمس و قبل غروبها"

وقال صلى الله عليه وسلم :-

" من صلى الصبح فهو في ذمة الله "
في ذمة الله يعنى : في حماية الله

وقال صلى الله عليه وسلم :

" إن أثقل صلاة على المنافقين صلاة العشاء وصلاة الفجر، ولو يعلمون ما فيهما لأتوهما ولو حبوا "

لازم نحافظ إن شاء الله على صلاة الفجر ونكلم صحابنا ونسالهم .. ايه اخبار صلاة الفجر معاكم .. ونكلمهم علشان يصحوا و ندعوهم لصلاة الفجر

خصوصا في رمضان يعنى وعموما طول السنة

__________________________________

2 - غلط :-

خلاص فات ثلث رمضان .. وبما ان فات ثلث رمضان .. ده معناه ان فات 10 أيام من شهر رمضان

وده يقودنا إلى أننا لو فتحنا الراديو - طبعا اقصد إذاعة القرآن الكريم- قبل صلاة التراويح في يوم 10 رمضان

حتلاقى واحد حييجي وبصوت تخييين اوى - معرفش ليه لازم يبقى صوته تخين - !!ا

وهو كمان يتخن صوته -يعنى هى ناقصة - ويروح خاضك و قايل :

ها قد ولت أيام الرحمة !!! وبدأت أيام المغفرة

فقد قال رسول الله صلى الله عليه وسلم :

" شهر رمضان أوله رحمة ، وأوسطه مغفرة ، وآخره عتق من النار"

أو حتى فى بعض البرامج أو بعض أئمة المساجد
بيقولوا الحديث ده

حتى في المسجد الذي نصلي فيه .. جاء مفتى سابق لمصر وقال الحديث

بس المشكلة ان الحديث ده : منكر .. ضعيف جدا

يعنى مش بس سنده ضعيف .. لا ضعيف جدا .. وكمان متنه منكر
انظر : سلسلة الأحاديث الضعيفة للألباني حديث رقم 1569 وضعيف الجامع 2135

وبعدين ده كلام يتقال أصلا : ها قد ولت ايام الرحمة !!ا ايه خلاص مفيش رحمة تانى ؟!!ا

وبدأت أيام المغفرة !! ايه مكانش فيه مغفرة قبل كده !!ا

يعنى حتى من معناه باين انه غلط

لا شهر رمضان كله رحمة وكله مغفرة وكله عتق من النار بفضل الله عزّ جلّ

وطبعا لو سمعت حد بيقوله..

برااااااااااحه

_______________________________________

3- قصة طريفة :-

ذكر ابن الجوزي - رحمه الله - في ذكره للمغفلين من الأئمة :-

" وقرأ إمام في صلاته : (( وواعدنا موسى ثلاثين ليلة وأتممناها بعشر فتم ميقات ربه خمسين ليلة )) فجذبه رجل وقال : ما تحسن تقرا ؟ ما تحسن تحسب ؟ ."

يعنى لا عارف تقرا ولا عارف تحسب .. الراجل مستحملش راح شادّه من قفاه

كثير جدا بنبقى عايزين نقرا بسرعه أو عايزين نختم كذا مرة .. ده مطلوب جدا .. بس المشكلة

ان ساعات نقرا بسرعه جدا لدرجة اننا منبقاش عارفين احنا بنقرا ايه اصلا .. وما أبرّئ نفسي

من كثر معايزين نخلص .. نقرا من غير اى تركيز لدرجة ان لو خلصت قراءة ورجعت تكمل بعد كده .. بسبب السرعه ديه من غير تركيز

ممكن تقعد شوية مش عارف اصلا انت وقفت فين قبل كده ..
طيب هو انا قريت الأيات ديه قبل كده ولا لا !!ا

مش فاكر الآيات ديه قراها انهارده قبل كده ولا لا

تلاقي واحد تقوله وصلت لفين ؟؟ يقولك : الحمد لله في الجزء 17

في سورة ايه بقى ؟؟

يقولك مش فاكر انا في ال 17 ده المهم .. فاضل 13 جزء يا باشا واختم

بيبقى هم كثير منا هو في الجزء الكام وعايز يخلّص وخلاص ..
مش مهم هو واخد باله اصلا هو بيقرا ايه ولا لا .. ممكن ميبصش اصلا لاسم السورة اللى بيقرأها

لو حطيتله اى حاجه تانية بين القرآن ممكن يقراها وهو مش واخد باله .. قطار ماشي

المهم يجري ويخلص علشان صحابوا ميبسبقوهوش .. وغير كده انسى بقه الأحكام ديه

يعنى لا غنّه ولا مد ولا علامات وقف ولا اى حاجه .. انا عايز اوصل لسورة النااااااااااس ياعم الحاج

احكام مين

انا ناوى الشهر ده اختم بتاع 10 مرات كده ..

وهو اصلا مش فاكر اى حاجه من اى حاجه قراها من ال 10 مرات ومفيش اى آية علّقت معاه ولا فاكرها

طيب ده كلام ؟؟!ا

طبعا ده كلام غلط في غلط

لازم نحاول نختم عدة مرات لكن بتركيز ..

علشان نفهم اللى بنقراه ونقدر نتدبر

ونعرف ثلاثين وعشرة كام

...

كده خلصت الحلقة العاشرة ومعلش
طولت عليكم